الأسهم السورية ( المضارب السوري)

الأسهم السورية ( المضارب السوري) (https://syria-stocks.com/forum/index.php)
-   استراحة المضاربين (https://syria-stocks.com/forum/forumdisplay.php?f=19)
-   -   التلفزيون السوري يتوقف بعد نصف قرن (https://syria-stocks.com/forum/showthread.php?t=13363)

arnouri 18-11-2012 04:21 PM

التلفزيون السوري يتوقف بعد نصف قرن
 
التلفزيون السوري يتوقف بعد نصف قرن


بعد أكثر من نصف قرن على بدء بث التلفزيون السوري، المحطة الأرضية، صدر قرار بإيقافها لتنطلق مكانها محطة فضائية جديدة بداية نوفمبر الحالي.


وقالت مهندسة بالمحطة لموقع سكاي نيوز عربية "حزنا جدا لإيقاف بث محطتنا العريقة التي تعتبر من أقدم المحطات العربية، والحقيقة لو أن هذا القرار جاء لأسباب تقنية أو حتى نتيجة إحصاءات تقول إننا غير متابعين لكان حزننا أقل!".
وتضيف المهندسة التي طلبت التحفظ على اسمها "فوجئنا لدى قدومنا للعمل في 11 نوفمبر الحالي بأن جميع البرامج تم إيقافها تمهيدا لانطلاق محطة (تلاقي) الفضائية عوضا عن الأرضية السورية".
وعبر الموظف بالقناة أحمد، 36 عاما، عن غضبه حيال هذا القرار بقوله "إيقاف بث القناة الأرضية يشبه تدمير التراث الخاص بنا، فهذه المحطة حملت همومنا وأحلامنا ومسلسلاتنا وحتى أخبارنا على مر أكثر من 50 عاما.. واليوم تتوقف عن العمل بكل بساطة".
وكان أغلب السوريين يتابعون بث الأرضية السورية بقناتيها الأولى والثانية قبل انتشار "الستالايت" والمحطات الفضائية منتصف 1995.
وانطلق بث القناة السورية الأرضية عام 1960، باللون الأبيض والأسود، من قمة جبل قاسيون المطل على العاصمة دمشق.
وكان استوديو البث بالقرب من محطة الإرسال، واستمر الإرسال الأول لمدة ساعة ونصف فقط في اليوم الأول.
وفي عام 1978، انتقل البث من اللونين الأبيض والأسود إلى تجربة البث بالألوان لبعض البرامج، وفي عام 1980 أصبح التلفزيون السوري يبث مواده بالألوان.

Salam L 19-11-2012 01:04 AM

رد: التلفزيون السوري يتوقف بعد نصف قرن
 
اريح...

حاجة عبئ على ميزانية الدولة...

ولا بدنا نشوف ارضنا الخضراءومع الفلاحين والعمال والتقارير تبع المحافظات ولا مايطلبه الجمهور او نادي السينما...

Tareq 19-11-2012 01:19 AM

رد: التلفزيون السوري يتوقف بعد نصف قرن
 
اقتباس:

المشاركة الأصلية كتبت بواسطة salam l (المشاركة 240721)
اريح...

حاجة عبئ على ميزانية الدولة...

ولا بدنا نشوف ارضنا الخضراءومع الفلاحين والعمال والتقارير تبع المحافظات ولا مايطلبه الجمهور او نادي السينما...

له له أخت سلام يعني المستحاثة أم عمار تبع من فلانة الى علاكة البانة بمناسبة شد شعر الجارة ومن ابو فلان لابو علتان بمناسبة طهور ابنو بيطلبوا اغنية يا بنات المكلا لفهد بلان بتنتسى .

بس كان البجيرمي غير شكل . والافظع منهون كلهون توفيق الحلاق بالسالب والموجب.
بيقابل انسانة مطلقة واتشردت بالشوارع وولادها ما عم تشوفهون وما في حدا يسندها وباخر الحلقة بيسالها بغلاظتو : شو احساسك هلا.

Salam L 19-11-2012 01:24 AM

رد: التلفزيون السوري يتوقف بعد نصف قرن
 
ذكرتني بالممثل ذائع الصيت ابو بنطلون بتلات كسرات حسام عيد... واخته جيانا عيد..

وذكرتني بالشرطة في خدمة الشعب.. يعني نحنا بلا صغرة...

وذكرتني بدعايات التطوع للكلية الحربية... تبع النسوان بالاخص.. وخولة والخنساء والغنية الشهرية...

وياحلو قوليلي شو يبيض غسيلي...


بالنسبة لسالب وموجب هاد مابعرفه.. بس طبعا توفيق حلاق وظرافته غني عن التعريف خخخخخ


بس كان في برنامج بيعمله مذيع سهيان صار هلق بالشارقة.. وبيطلع يوم الجمعة.. وكان بيحط بكل حلقة مقاطع من فلم اجنبي جديد.. ونحنا نشوفه مشان نشم ريحة الفلم الاجنبي.. ويمكن اسم البرنامج فيه كلمة قمر.. نسيت والله...


وخضرا يابلادي خضرا ورزقك مدري شو.. محروسة عيني خضرا خضرا

Tareq 19-11-2012 01:31 AM

رد: التلفزيون السوري يتوقف بعد نصف قرن
 
خضرة يابلدي خضرة رزقك فوار . مع كل عظمة هالبرنامج الغوطة يلي كل رحالة العالم كانو يتغنوا فيها صارت بيوت ومعامل ومدابغ.

وكلوا كوم والحفلات الغنائية كل حفلة بنفس المغنيين يلي كل واحد منون عندو غنية وحدة بس ما في غيرها.

بنصحك تضيفي صفحة أغلظ 100 شخصية سورية على الفيسبوك. صفحة بتنوصف لازالة الإكتئاب

Salam L 19-11-2012 01:58 AM

رد: التلفزيون السوري يتوقف بعد نصف قرن
 
بعرفها للصفحة

في صفحة اسمها ذكريات التلفزيون السوري... بتاخذك لزمن تاني تماما.. واضحك يرعاك لله....

Salam L 19-11-2012 02:07 AM

رد: التلفزيون السوري يتوقف بعد نصف قرن
 
https://www.facebook.com/Syrian.TV.m...ef=ts&filter=1

البلخي 19-11-2012 03:58 PM

رد: التلفزيون السوري يتوقف بعد نصف قرن
 
أنا يلي مزعلني دعايات العلكة
رح افتقدها كتير ، مسواك و منطاد و كلاس الخ
الله يرحم هديك الايام


الساعة الآن 12:58 AM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق محفوظة syria-stocks

This Forum used Arshfny Mod by islam servant