صالة أسعار الدولار و باقي العملات مقابل الليرة الجمعة 21-6-2013
 

بسم الله الرحمن الرحيم

صالة أسعار صرف الدولار وباقي العملات و أسعار الذهب مقابل الليرة السورية ليوم الجمعة 21-6-2013

أهلا و سهلاو مرحبا بكم
http://profile-a.xx.fbcdn.net/hprofi...29299618_q.jpg

مع احترامي للأدمنز... وكوني من الأعضاء الجدد في هذا المنتدى لكنني لا أستطيع معرفة فائدة افتتاح صالة أسعار صرف العملات في الساعة الثانية عشر ليلا!!!!..وخاصة أن غدا هو الجمعة... هل ما زال هناك أسواق في سورية تفتح ليلا وأنا مش عارف Big Grin....

ملاحظه في عضو كمان متابع جديد. يدعو لعدم البيع وكذلك لعدم الشراء في هذه الأسعار. الرجاء اكتب تحليلك واترك الناس هم الذين يقررون الأنسب لهم بيع. شراء. ؟

ليش بيجو المسؤلين والاقتصاديين بيضربونا منية بالدعم تبع المازوت والغاز البنزين وبيحسبو السعر بالدولار ع اساس 200 ليرة وبقولي نحن مندعم ها المواد بقيمة النصف
وانو هنن ذاتن هنن هنن هنن هنن بقولو انو السعر العادل للدولار 100 ليرة
طيب اذا حسبتو ها المواد ع السعر العادل تبعكن بتطلع مانا مدعومة بنوب وبتطلعوا عم تربحو فيها
وشغلة تانية كمان انو مبلغ الدعم تبع الحكومة ثابت برغم انو 90% من الشعب السوري لاعاد ركب سيارة ولاعاد سافر ولاعاد دفي ولاعاد برد لك تركووووووووووووووو الشعب بحالو مابدو شي
حاج تتمننو علي بشغلات وهمية لك حاج بقى
يعني انا عم ازعل ع المسؤلين ياحرام اديش عبيتعبوا مشانا ونحنا ماعم نفدرهم ولا شي بزعل

مسيناكم بالخير
اليوم بدرعا
الحركة النظامية بالسوق الغير نظامية واقفة لا حدا عم ببيع ولا عم يشتري
البيع والمشترى بين الناس ع الله
تراوحت أسعار الشراء 182 - 185
وتراوحت أسعار البيع 185 - 188
والأسعار إلى هبوط
اغلاق درعا شراء 183 مبيع 188

شكرا على الافتتاحية
عسى تكون خير للجميع

يعني هالمشرفين و القائمين على الموقع أمرهم غريب و عجيب عن جد

مساكم فل
 

مسا الخير
الخميس إفتتاح سوق دمشق189 شراء - 191 مبيع
إغلاق 181 - 184 مع برود ملحوظ بحركة البيع

لح كمل كلام بس المشاركة الماضية كانت للفت الانتباه لكن ما يزال أمرهم عجيب لأنه كثيير من الأعضاء الجدد او غير الجدد عم ينخروا بدن المشرفين ليش ما عم ينتبهوا لبعض المشاركات وليش سمحوا بأخرى وليش عم يتأخروا ببعضها و ليش عم يتأخروا بالسعر و البعض الآخر بهاجمهون أحيانا وووو يعني كثييرين مو رضيانين عنهم او بيعملوهم وسيلة تهديد غير مباشرة او او او
طبعا قبل ما اقول رأيي هون ومع حبي و احترامي لكافة الاعضاء عم أتكلم بالنيابة عنكم جميعا بعد ما راقت النفوس و بركي بلحقني شي وسام او اسم ملون او كم دولار او طرطوشة انتفع فيها

المهم أنا استغرب انو الموقع مجاني والاعلان فيه مجاني والآراء فيه مجانية و جمعكم بأصدقاء جدد مجانا و تعلمنا منه امور كثيرة مجانا و مو بس هيك لا كمان لما بكون العضو جديد ما بنزلو مشاركاته قبل ما يقراوها و يتأكدوا منها و أنا شخصيا لما كنت هيك كنت مرتاح نفسيا بس هلا صرت اقرأ مشاركتي اكثر من مرة قبل ما اعتمدها احسن ما كون غلطان بشي كلمة إملائية ينبهني عليها الاستاذ غالب او فشة خلق يسناولني عليها ابو حكيم او شي سعر مو راكز آكل عليه بهدلة من حدا او ولا هيك بكفي
طيب أنا عم روح من وقتي ساعات باليوم لأقرأ المشاركات كلها طيب المشرفين ما عندهم شغل ولا في جمعية خيرية عم تدعم هالموقع و تعطيهم مساعدات و فرشات ومعكرونة ووو
زر الشكر لحاله قبل ما يطجو كل واحد فينا لازم يشكر المشرف اللي نزل المشاركة لحتى عجبت احدنا و استفاد منها و شكر عليها لا. وفوق هيك عم يشاركونا كمان بمشاركات لا. و يشكرونا على مشاركاتنا وأحلى شي لما بنزلو مشاركة لواحد بكون عم ينتقدهم فيها او عم يقول ليش ما عم تنزلو مشاركاتي واللي رح يفلجني اكثر البروكر تبع الموقع اللي امه ما بيعرف شو صار فيها من شهور ولسه عنده خلق يعطينا توقعات و تحليلات وانا شخصيا شكرني بأحد المشاركات و من دون يمين ما عرفت افرح ولا استحي بحالي لك شكرًا لكل المشرفين ولكل الاعضاء اللي صرلهم دقائق عم يضيعوا وقت و يقرأوا عالأقل مشاركاتي اللي معظمها حكي فاضي او ما لها علاقة بالاقتصاد ولا تنسوا اقل شي الدعاء لوالدة الأستاذ رامي*بالفرج واستعينوا بالصبر فالصبر في حديث رسول الله نصف الايمان و الصابرون يدخلون الجنة بدون حساب كما جاء في كتاب الله والسلام *

مسا الخير
إفتتاح سعر الدولار في دمشق الخميس 189 - 191
إغلاق 181 - 184 مع برود ملحوظ بحركة البيع

صباح الخير
جمعة مبارك عالسادة المشرفين والأعضاء جميعا
نسأل الله الفرج العاجل

كلام منطقي

صباح الخير للجميع
شكرا عافتتاح أبوعبد الرزاق

جمعة مباركة للجميع
أغلق سعر صرف الدولار ليوم الخميس في اللاذقية:
شراء182-183
‏‎188‎مبيع

كلام حلو وشكرا جزيلا وجمعه مباركه

شكر ورجاء
 

الشكر الجزيل للإدارة والأعضاء والزوار .... ورجاء الإلتزام بقواعد وقوانين المنتدى التي هي في الأول والأخير من مصلحة سوريا .:):):)

Gold : 1298.16 Silver : 19.89

USDJPY : 97.78 Oil : 95.48

EURUSD : 1.3242 GBPUSD : 1.5504

صباح الخير
بما أنو ما سوق اليوم فيا ريت نشوف التوقعات لسعر الصرف بالاسبوع المقبل
ابدأ من عندي: التوقع هبوط خفيف مع استقرار بالسبعينيات لهذا الاسبوع ثم معاودة الانطلاق بالاسبوع الذي يليه والله أعلم,طبعاً في حال عدم وجود مفاجأت تؤثر على السوق.

يااختي الكريمة ليش مزعوجة يمكن الزلمي موقاصد اللي انتي مفكرتيه لربما كان الزلمي قاصد تشبيه لسوريا يعني سوريا lionمثلا وهاد تعبير عن القوة موضرورة اسم عائلة معينة
طيب ولنفرض الزلمي قاصد اللي مفكرا فيه طيب من قوانين المنتدى يحط الواحد الاسم اللي بدو ياه طالما لم يتوجه بالتجريح المباشر لاحد وانتي غيري الاسم تبعك لجنى غليون اوسيدا اوعرعور اوحجاب الخ
او سوريا غليون اوسيدا اوالخ
كل شخص حر بانتماؤ طالما لم يفرضه على احد فرضا
وبتمنى من الاخوة الكرام بالمنتدى بالمونة طبعا البعد عن الوضع السياسي هون منتدى اقتصادي عالفيس بوك في ملايين الصفحات السياسية والعالم عم تخبط بعضها هنيك
اناعمري ماكان لي بالسياسة انا اقتصادي وبس بتمنى من الخوة الكرام يتقبلوا مروري لانو من اسبوعين وجاية النقاش الصفصطائي السياسي المباشر وغير المباشر زائد كتير عغير العادة كل واحد حر برائيو خلونا هون من بعد اذن شواربكم (منشان ماتقولوا عم ناقض حالي وافرض رايي ) بالليرة دولار ذهب فقط وان لم تقبلوا رايي اخوتي الكرام انتم احرار تحت سقف قوانين المنتدى اللي بتقررها ادارة الموقع

واذابمشاركتي هذه مايخالف القوانين تحذفه الادارة وانا بعتذر من شباب الاشراف الطيبين سلفا
جمعة خير وصلاح وتقوى للجميع

السلام عليكم و جمعة مباركة و اشكر الاعضاء على هذه المشاركات المفيدة