|
خاص بتامينات انتهاء خدمة موظفي و عمال الشركات
التامينات الاجتماعية ببساطة
بهي الفترة صارت في حركة استقالات و اقالات كبيرة كتير للعمال ...و في كتير من العمال و موظفي الشركات المؤمنين عمتفكر بالاستقالة ...................... راح نحاول هون بهالموضوع نتبادل المعلومات المفيدة الخاصة بموضوع المعاش التقاعدي و التعويضات بطريئة سلسة كتير و بدون تعقيد ...... تحياتي لألكون ...أخوكم لقمان |
رد: خاص بتامينات انتهاء خدمة موظفي و عمال الشركات
متى يحق للموظف أو العامل الاتسقالة و الحصول على الراتب التقاعدي و ما هي نسبته :
بدون شرط السن 25 سنة خدمة يحق له الخروج بمعاش تقاعدي جزئي يشكل 62.5% من متوسط آخر 24 راتب 30 سنة يخرج على السقف في القطاع الخاص ب 75% من متوسط آخر 12 راتب شهري ... ................................. ما ذكر أعلاه لا علاقة له بالسن و انما بمدة الخدمة نتابع تباعا حسب توفر الكهرباء و الانترنت.... |
رد: خاص بتامينات انتهاء خدمة موظفي و عمال الشركات
يعني بكل بساطة
اذا صرلك 25 سنة مسجل أو مسجلة بالتأمينات بيطلعلك راتب تقاعدي ماشي حالو ..... و اذا صرلك 30 سنة هيك أعلى راتب تقاعدي بتاخدو و لو خدمت خمسين سنة بعدا راح تاخد 75% أنا محلكون بئدم استقالتي و بئبض راتبي التقاعدي |
رد: خاص بتامينات انتهاء خدمة موظفي و عمال الشركات
كيف يحسب الراتب الذي تحدد النسبة المئوية على أساسه
مجموع آخر 24 شهر بيتئسم على 24 مثلا : كان راتبك أبل سنتين 10000 و بالسنة الأخيرة 12000 بنحسب 12 * 10000يساوي 120000 12*120000 يساوي 144000 المجموع 120000+144000=264000 تقسيم 24 =11000 الراتب الذي يحسب على أساس من خدم 25 سنة بيكون راتبو 11000*62.5%=6875 و مين خدم سنة بيكون 11000*75%=8250 تحية لألكون و راح نتابع تباعا الخروج على المعاش بشرط السن و الخدمة و بعده بننتئل للتعويضات من دفعة واحدة .... |
رد: خاص بتامينات انتهاء خدمة موظفي و عمال الشركات
اقتباس:
من متوسط السنة الأخيرة مع الاخذ بعين الاعتبار الزيادات على الراتب |
رد: خاص بتامينات انتهاء خدمة موظفي و عمال الشركات
اقتباس:
كل سنة بعد 30 سنة خدمة بيستحق العامل تعويض راتب شهر و بحد أقصى خمس رواتب |
رد: خاص بتامينات انتهاء خدمة موظفي و عمال الشركات
أقل راتب تقاعدي هو : 9765 ليرة سورية |
رد: خاص بتامينات انتهاء خدمة موظفي و عمال الشركات
اقتباس:
مجموع آخر 12 شهر و بيتقسم على 12 ثم يضرب الناتج بعدد سنوات الخدمة ثم يضرب بالرقم 2.5% مع الآخذ بعين الاعتبار الزيادات على الراتب |
رد: خاص بتامينات انتهاء خدمة موظفي و عمال الشركات
اقتباس:
|
رد: خاص بتامينات انتهاء خدمة موظفي و عمال الشركات
اقتباس:
و لا يدخل في حساب نسبة الراتب التقاعدي |
رد: خاص بتامينات انتهاء خدمة موظفي و عمال الشركات
طيب اذا لا سمح الله الواحد اصابته رصاصة او صاروخ طايش شووضعه بالنسبة للتقاعد اذا كانت خدمته اقل من 25 سنة
|
رد: خاص بتامينات انتهاء خدمة موظفي و عمال الشركات
اقتباس:
و هو نفسه أصبح أقل راتب لمن كان يقبض معاشا تقاعديا قبل صدور قانون الزيادة أما من سيخرج تقاعد الآن فستطبق عليه النسبة المذكورة ..... أغلب الشركات تسجل عمالها بالحد الأدنى الذي هو 9765 ليرة ..... |
رد: خاص بتامينات انتهاء خدمة موظفي و عمال الشركات
اقتباس:
25*2.5=62.5 30*2.5=75 |
رد: خاص بتامينات انتهاء خدمة موظفي و عمال الشركات
اقتباس:
اذا ضل عايش في الها حسبة خاصة تحت باب اصابات العمل يعني الاصابة كانت وقت الشغل آو حتى في طريق الى الشغل .... و اذا توفي لا سمح الله و كان عنده ست اشتراكات شهرية متتالية يستحق ورثته راتب تقاعدي.... حسب معلوماتي الغير تخصصية ....... |
رد: خاص بتامينات انتهاء خدمة موظفي و عمال الشركات
كمان في الخروج على المعاش التقاعدي
اذا كان العمر 55 سنة على أن لا تقل سنوات خدمته عن 15 سنة يحسب الراتب 2.5%من متوسط راتب ال12 شهر أو ال 24 شهر سنتأكد منه المهم 2.5%من الراتب المتوسط *عدد سنوات الخدمة ... هنا تحسب 15 *2.5=37.5% اذا كان 16 سنة بيصير 40 17 سنة 42.5 و هكذا .......... |
رد: خاص بتامينات انتهاء خدمة موظفي و عمال الشركات
أخ فهد يسرنا مشاركتك لنا بمعلوماتك التي كنت تحتفظ بها .....
بس ما بيضر شي انو يكون أسلوبك لطيف ... مو اسلوب استعراضي أو احراجي .... يعني ممكن تؤول مساء الخير مع الشكر للأخ لقمان على افتتاح هذا الموضوع المفيد لشريحة كبيرة من الناس و ادعوا لي بأن تكون في ميزان أعمالي ثم تكلم ما تريد و كيفما تريد ........... و ان وجدت معلومة تحتاج الى التصحيح فقلها فالموضوع فتح للنقاش .......و الغاية تحقيق الفائدة للجميع ................ .............................................. نتمنى من كل أخ أو أخت عندهم معلومات في ملف التأمينات الاجتماعية مشاركتنا النقاش للوصول الى الخلاصة المفيدة التي نرجوها في منتدانا المتميز.. |
رد: خاص بتامينات انتهاء خدمة موظفي و عمال الشركات
اقتباس:
استعراضي .......... احراجي ................. لطيف .................... على فكرة انا شكرتك يعني اذا الواحد صحح معلومة بيكون عم يستعرض و بشو احرجتك بالنسبة للطف فهاي وجهة نظرك بأسلوبي |
رد: خاص بتامينات انتهاء خدمة موظفي و عمال الشركات
موضوع جداً مهم انا حابب اسأل سؤال هلأ الواحد بس يشتغل بياخد رقم تأميني هاد الرقم ليتجمع فيه سنين الخدمه تبعك فرضاً انتقلت من شغل لشغل فهون صاحب العمل الأول بيدفع عن كل سنه شغل راتب بقول هي تعويضات نهاية الخدمة وفي منن مشان يريح راسو بيدفعها لحالو نهاية كل سنه للموظف يلي عندو هلأ هاد الراتب الو علاقة بالتامينات ولا شو يعني بروح منن فبفقد سنيني المجمعه ولا هو شي خاص برب العمل مع الشكر للجميع |
رد: خاص بتامينات انتهاء خدمة موظفي و عمال الشركات
اقتباس:
هذا بالنسبة للمرأة العاملة أما الرجل العمر 60 و بخدمة على الأقل 15 سنة إذا فيا احراج لنحذفها |
رد: خاص بتامينات انتهاء خدمة موظفي و عمال الشركات
اقتباس:
اقتباس:
و 15 سنة على عمر 55 للمرأة نحن بالمعمل 95%من الموظفين هنن عاملات ..... و للرجل 60 و خدمة 15 سنة المهم مشان ما يكون الموضوع جدالي ... راح نتساعد مع بعض و مع الاخوة يلي عندون معلومات لايصال المعلومة المفيدة بشكل بسيط للناس ............................................. |
رد: خاص بتامينات انتهاء خدمة موظفي و عمال الشركات
ممكن الخروج ب 50% راتب تقاعدي
من متوسط آخر 12 راتب بشرط وجود خدمة 20 سنة مع شرط أن يكون عمر الرجل 55 و عمر المرأة 50 |
رد: خاص بتامينات انتهاء خدمة موظفي و عمال الشركات
طبعا طريقة الاستقالة للخروج على المعاش التقاعدي سهلة جدا ....
بتفوت هيك على أوضة المدير العام و تقول له اي كرهتوني عيشتي أنا بدي استقيل .... طبعا المدير العام بالغالب راح ينبسط لأنو بس بدو يتخلص من عامل عالفترة .......بس بيعمل حالو هيك تأثر متل محمود ياسين بفيلمه مع فاتن حمامة لا تخاف ...انت راح تضايقوا لأنو راسك براسو ...بالاستقالة راح تنزلوا سوا على الشؤون الاجتماعية و العمل مشان توثقوا الاستقالة .... يعني متلك متلوا و توقيعك جنب توقيعوا .... و لا تؤللوا للمدير بس تستقيل ستروا شو شفتوا مننا لأنو لا تخاف أي شي بيكون ماسكو عليك بيكون مخبر الدنيا كلياتا عليه......... و اذا هو قللك (المدير العام ) ستور شو شفت مننا بترد عليه و بتؤولووا اي شو بدي استر لأستر.............................. روح خلي الله يسترك................. |
رد: خاص بتامينات انتهاء خدمة موظفي و عمال الشركات
اقتباس:
فكان ردي كتييييييييييييييييييير لطيف بس بعد إذنك ممكن تحطلنا المعلومة الخطأ يالي انا ذكرتا طبعاً بشان الفائدة واذا في مجال تحطلنا الملاحظات يالي ما لون داعي وانا ذكرتون |
رد: خاص بتامينات انتهاء خدمة موظفي و عمال الشركات
اقتباس:
بيطلعلو راتب تقاعدي هو : 40% من متوسط السنة الاخيرة مضافاً اليه 2%من متوسط السنة الاخيرة ضرب ( عدد سنوات الخدمة - 1 ) |
رد: خاص بتامينات انتهاء خدمة موظفي و عمال الشركات
[/quote]
اقتباس:
و الله ما أدرت أفهم عليك منيح.... بس الرقم التأميني للعامل بيضل نفس الرقم حتى لو غير عملوا ..... و موضوع التزام صاحب العمل هللأ هو بالظاهر التزام قانوني بس على أرض الواقع هو التزام أخلاقي ...أكتر منو قانوني و مع ذلك اذا بتئدر توضحلنا شؤالك أكتر ... ممكن جاوبك اذا كنت بعرف..... |
رد: خاص بتامينات انتهاء خدمة موظفي و عمال الشركات
............تعويضات الدفعة الواحدة.....................
الاستقالة بسبب الزواج أو الانجاب للطقل الأول شرط ترك العمل خلال ستة أشهر من تاريخ عقد الزواج و شرط الاستقالة خلال 3 أشهر من تاريخ الوضع للطفل الأول يصرف تعويض دفعة واحدة للسيدة بنسبة 15% من متوسط آخر 24 شهر مع مراعاة الزيادات السنوية |
رد: خاص بتامينات انتهاء خدمة موظفي و عمال الشركات
..................تعويضات الدفعة الواحدة ......
11% من متوسط آخر 24راتب اذا كانت مدة الاشتراك أقل من 60 اشتراك (خمسة سنوات ) 13% من متوسط آخر 24 شهر اذا كانت مدة الاشتراك أكبر من 60 شهر و أقل من 120 شهر أي بين 5 سنوات و عشرة سنوات .... 15 % اذا كانت الاشتراكات أكثر من 120 شهر |
رد: خاص بتامينات انتهاء خدمة موظفي و عمال الشركات
يعطيكون العافية طبعا كنت مخطط لعرض و سرد الموضوع بطريئة أجمل من هيك بكتير و أوسع
كانت بتضمن الشرح البسيط مع الأمثلة المبسطة و بلغة سهلة لطيفة ...................... و بأسلوب قصصي مشوق متتابع و يحمل في طياته الكثير من الابتسامات و الود ............... لكن صار الموضوع بلغة علمية فقط و اللغة العلمية من صفاتها أنها لغة غير جميلة و لست موهوبا بها .... الحمد لله فتحتلكون الطريق ...انتو كملوا ........... المشوار ................... أترك الموضوع لمن يستطيع الاكمال بعد أن أنهيت بعجالة الأمور الأكثر أهمية ..... و الى اللقاء في موضوعي ودود مفيد آخر ............ |
رد: خاص بتامينات انتهاء خدمة موظفي و عمال الشركات
اقتباس:
انت على اساس من سكان العيادات ، بعد اربعين يوم بتصير منهم وفيهم يعني دكتور . بكرا بتكتشف ان أغلب الأمراض مردها نفسي ولذلك الدكتور بدو يكون طويل بال . ممكن اذا الموضوع ببالك تكتب من جديد ، بيكون اسهل المتابعة والاستفادة وكل واحد بيدور على حالتو بدل ما يروح من فكرة لفكرة وتكون ما بتخص حالتو . على كل حال كملت أولا ما بيطلعلنا نقلك غير يسلمو .:) |
رد: خاص بتامينات انتهاء خدمة موظفي و عمال الشركات
السلام عليكم ورحمة الله وبركاته
وشكراً على المعلومات المفيدة ، يلي أغلبنا ما بيعرفها ممكن لو سمحت تخبرني شو الحل ، اذا كنت موظف لعدة سنوات بشركة خاصة، وغير مسجل بالتأمينات ، ولا يوجد عقد ورقي وكل ما هنالك التزام شفهي ( أخلاقي ) وصار لازم استقيل .... مع الشكر |
رد: خاص بتامينات انتهاء خدمة موظفي و عمال الشركات
اقتباس:
الدكتور يا أخي عابر هو انسان أي كتلة من اللحم و العظم و الدم و المشاعر ممكن يأخطئ بالمعلومات و ممكن بالتصرفات و حتى ممكن بالعبادات ..... يعني انسان مو آلة ......... المشكلة ما عاد أئدر كمل بالموضوع يلي كنت عمأكتبوا ..... لأني بكتب للفائدة و بنفس الوئت بكون عمأكتب بمتعة لي و للقراء ....... يعني عمأكتب بمتعة تخفف عني آلامي و تخفف رؤيتي لآلام الناس .............. عسى أن أفيدهم بشئ و أن أدخل السرور الى قلبهم ........ أخي عابر متل ما التلك سابقا انت قيادة البسكليتة أليل عليك انت لازم تقود السيارة ..... لاء يا ربي يمكن أطعنا مرحلة البسكليتة.. يعني انت قيادة السيارة أليل عليك انت لازم تقود طيارة و تلف حوالين العالم... .......................................... نرجو من المتحمسين و منمن يمتلكون المعلومات اغناء الموضوع بمشاركاتهم المفيدة و الاجابة على أسئلة الاخوة أعضاء المنتدى ....فخروج لقمان من الموضوع لا تعني موت الموضوع ....... الحياة ستستمر................ و الحياة لا و لن تقف عند أي شخص ..... |
| الساعة الآن 08:56 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks