الأسهم السورية ( المضارب السوري) - صالة متابعة أسعار صرف الدولار و الذهب في السوق السوداء ليوم الأربعاء 22 أيار 2013

الأسهم السورية ( المضارب السوري) (https://syria-stocks.com/forum/index.php)

يا مركزي يا مركزي
يعلى اطاطك اديش ذكي
قلت الخبر يوم الاربعا
بعنا واكلتنا الضبعة
قلنا الاربعا استنينا الاربعا
رفعت السعر بسرعا
وبكرة الخميس
عبي السوري بالكيس
يا مركزي يا مركزي
كل حركاتك زكزكي

اقتباس:

المشاركة الأصلية كتبت بواسطة عابر مجيب (المشاركة 269131)

هيك كانت البداية ؟
وهيك كان الخبر ؟
ما كان فيه ايحاءات تانية ؟
بنعيش وبنشوف ، أكيد انت أوعى من هيك ، مو على اساس تاجرة ؟
اللي عم يضيع الناس انهم عم يتركوا اجمالي الصورة الاقتصادية ، وعم يلحقوا التفاصيل . اليوم ولا بكرا ولا ايمتى ماكان شو هالطريقة بالتسويف ؟
طيب وطرح المركزي ، هاد بيغير السوق اكتر من كم يوم ؟
رح يطرح
اذاع الخبر
تضارب بين الصرافين
بعدين طلع ان الخبرالاثنين والتسجيل الأربعاء
بعد أن كان المتوقع الضخ الأربعاء
طلع النضح يوم الأحد
الأحد بتنقطع الاتصالات
التنين مافي مطاطات لربط المصاري
التلاتاء عيد الحلاقين
الأربعاء مافي كهرباء

بينماالتدخل الواضح المحترم :
إعلان
يطرح المركزي كميات عملة للبيع ، يرجى من الصرافين التوجه للمركزي لشراء ما يلزم على أن لا تتجاوز حصة الشركة مبلغ كذا ، أعطس، يرحمكم الله .
شو هالزعبرة ؟ :rolleyes2:
ما كان العشم .

استاذ عابر على مهلك علينا والله بدنا نروه ننام وعم نخاف ننام وتروح مشاركاتك الحلوة علينا
بعرف ما بتنحذف بس بدنا نقراها تازة واول باول
يسعد ايامك وايام الحاضرين

اقتباس:

المشاركة الأصلية كتبت بواسطة shereen (المشاركة 269133)

مساء الخير من كم يوم وقت قلت انو الحكومة رفعت البنزين والاسمنت وحسبت الدولار على اساس 150 كلو عارض وقالو تدخل المركزي ومدري شو هي اليوم كملها رفع الغاز واول الشهر تسعيرة جديدة للكهربا ودليل رفع الدعم عند المواد الاساسية يعني دولارات مافي وهي بداية مسلسل الرفع لسة جاية الدور على المواد الغذائية الاساسية بعدين المركزي قال بدو يضخ مية مليون يورو يعني ليش ليوم الاحد تاني شي هي بتذكرني بمسابقات تبع علب المحارم والمولات انو اربح سيارة وبيعملو يانصيب وبالصدفة اللي بيربح السيارة هوة احد الموظفين او صاحب المول نفسو بعتقد للخميس اللي بعد القادم اول الشهر يعني يوصل فوق 160 فشو رايكم؟

وضحت الصورة
أخرج المركزي يده من تحت ابطه
رفعها في الهواء ملوحا
اتجهت الأنظار إلى يده متوقعين أرنب
باليد التانية اللي ما حدا عارها اهتمام
كان المركزي عم يغطي قرارات رفع الغاز والبنزين والكهرباء ، هدول اللي بينوا الباقي جوات الظرف .

من جهة أخرى
لا بقا تقولي كلو ، مو كلو عارض ، لا تعممي عم تخلي ضميرنا يتعب ونروح ندور إيمتى عارضناك بتطلع عكس هيك ، انشاء الله اللي بيعارضك بيقلب مسخرة . منيح ؟
:)

خاص|b2b
مصادر: المركزي يبيع شركتي صرافة " اليورو" على أساس 175 ليرة
======================
علم موقع "b2b" من مصادر مطلعة عن قيام مصرف سورية المركزي بالبدء ببيع اليورو لشركات الصرافة والمصارف المتقدمة بطلبات الشراء حيث تم تسليم شركتي صرافة هما " مونيتا والأدهم للصرافة" على أساس سعر اليورو 175 ليرة ، على يتم يوم غدا تسليم بقية المتقدمة بطلبات شراء .

وأرجع المصدر عن عدم تسليم كامل الشركات المتقدمة بطلبات الشراء الى السعر المتدني الذي تقدموا به للشراء، حيث قامت بعض الشركات تسعير اليورو دون 175 ليرة.

الأمر الذي اضطر بالمركزي الى تأجيل التسليم ليوم غدا على ان تقوم الشركات بتقديم السعر الجيد والمنطقي حيث من المتوقع ان يتم تسليم على سعر 175 -176 ليرة.
اي ان سعر الدولار سيصبح غدا بين 135 -136 مبيعاً

وحول موضوع ارتفاع سعر الدولار مساء ، قال المصدر ان سببه يعود الى محاولة بعض المضاربين وشركات الصرافة الى دفع الدولار الى مزيد من الارتفاع ، سعياً لجني الارباح والقيام بتسخين السوق و العودة بالدولار الى مستويات مرتفعة ،تخوفا من الانحفاض الذي سيحدث يوم غداً حيث من المتوقع ان يشهد سعر الدولار ما بين 134-135 ليرة لسعر الشراء و136 و136.50 لسعر المبيع .

إذا ارجع المصدر عن أنتا معظم شركات الصرافة قامت بالشراء على سعر فوق 140 ليرة ، مما يشكل لهم خسائر فادحة في حال استمر الدولار ضمن مستويات دون 140 ليرة.
ليسجل الدولار مساءً 143 ليرة للشراء و146.50 للمبيع، اما سعر اليورو فبلغ 181 ليرة للشراء و185 ليرة للمبيع.

ياخوفي هالـ 100 مليون يورو يكونو خلصو ولا شو رأيكن
Big GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig Grin