|
رد: سعر صرف الدولار مقابل الليرة 22-4-2012 بالسوق السوداء
يرجى تعديل السعر في أعلى الصفحة مع الشكر لمشريفينا الأعزاء |
رد: سعر صرف الدولار مقابل الليرة 22-4-2012 بالسوق السوداء
اقتباس:
بس عندي ملاحظة صغيرة وارجو ان لا تأخذها على محمل شخصي .. أخي على اي اساس عم تحط سعر مقبول بين 65-63 ومين قال انو سعر مقبول للجميع ومين قال انو هدف للمركزي طيب هل من يلاحظ ان سعر البنك المركزي الاساسي وهي النشرة الناس قليل ما عم تتطلع عليها وان وضع الليرة بتراجع دائم امام باقي العملات ولكن الفرق بالقروش .. طيب مع الايام هالقروش بتصير ليرات واذا السعر الاساسي اللي هو اليوم حوالي 61,59 اذا بيزيد 5 قروش كل يوم وين بدنا نصير بعد شهر او شهرين وهاد السعر اللي مستحيل يبيع المركزي فيه لاي احد ولمتى سيصبر المركزي ولمتى سيدوم التدخل خلينا نحكي بمنطق اكثر .. ماعنا ولا تقرير من الممركزي بخلينا نحط مؤشر مستقببلي لوضع الليرة والمقومات الاساسية لليرة متراجعة جدا ay1 وهل من مصلحة المركزي بالاوضاع الحالية تخفيض السعر :confused: تخفيض السعر يشجع على الاستيراد ويضعف الطلب على التصدير بعدين اكثر من نصف المعامل التي تصدر اغلقت او قللت انتاجها المواد التي نستودرها حاليا اكثر بكثير من المواد التي نصدرها حتى البندورة اللي كنا بالساحل ناكلها من مزارع بانياس وطرطوس صرنا عم نستودها من الاردن وغيرها وغيرها ( القهوة - الشاي - الدخان - الرز - شامبو- مواد اولية لمواد التنظيف - وغيرها من المواد اللي كل بيت ما فيه يستغنى عنها يوم واحد ...) غير الاستثمارات اللي هربت من البلد والتجار اللي اغلقوا مصانعهم وفتحوا مشاريع خارج البلد وشو بدي اذكر لحتى اذكر !!! :maad: ولا تنسى ررواتب الموظفين والترفيعات ومصاريف القطاع العام ولسى القروض واقفة والمناقصات من القطاع العام متوقفة والحركة التجارية شبه مشلولة بعد كل هاد بتقللي العودة الى مستويات 65 ياسيدي ما منقول الا انشاء لله يكون اقتصادنا بهالقوة |
رد: سعر صرف الدولار مقابل الليرة 22-4-2012 بالسوق السوداء
اقتباس:
(اخت شيرين بدون زعل هديك المره خبرت انو راح يرتفع السعر حتى لو صار الوضع هادي لانه في اعمار وغيره............ بجوز انسيتي!!!!!!!!!!!!!!!!!!!!!) |
رد: سعر صرف الدولار مقابل الليرة 22-4-2012 بالسوق السوداء
اقتباس:
اقتباس:
أهلين أخي خطيب... هلئ إذا السعر مو مقبول للجميع ممكن تقلي شو هو السعر المقبول للجمبع ونحنا بهاد الوضع وهل ال 95 أو ال 100 هو سعر مقبول !! ثانياً المركزي يسعى لتوحيد السعر بين السعر الرسمي وسعر نشرة التدخل (وجهت نظر شخصيه ) أما بالنسبة للإستيراد والتصدير فبعتقد أننا أمام خطة تقشف على مدى الأيام القادمة والإعتماد على المنتج المحلي إلا في حال إنتهاء الأزمة ورفع العقوبات... والله يحمي هالبلد |
رد: سعر صرف الدولار مقابل الليرة 22-4-2012 بالسوق السوداء
مشكورين على تعديل السعر في أعلى الصفحة |
رد: سعر صرف الدولار مقابل الليرة 22-4-2012 بالسوق السوداء
يعني اليوم كمان في فرق نصف ليرة بين سعر صرف حلب و الشام!!! ولا شو؟؟
|
رد: سعر صرف الدولار مقابل الليرة 22-4-2012 بالسوق السوداء
اقتباس:
مافيني اذكر اي رقم واقول انه مقبول لانه لا يوجد ولا حتى تقرير رسمي عن الوضع الاقتصادي يعتمد عليه باستنتاج المؤشرات المستقبلية !!!! وثانيا المركزي لو بده ينزل السعر ليش ناطر كل هالوقت فيه غدا صباحا يقول السعر 62 وخلص بس الموضوع اعقد من هيك بكتير وثالثا كيف بدك تتقشف اذا نصف المواد اللي منستهلكها باليوم هي مستودة وخاصة الغذائية واذا تقشفنا على المواد المستوردنا رح تغلى المواد المحلية الصنع ورجعنا الى موضوع غلاء الاسعار وبعده رح تضطر الدولة لرفع الرواتب ورح يشكل عبء على الدولة وعلى قيمه العملة واخرتها رح تضطر الدولة لطبع عملة لا مفر من هذا وهالشي رح يخفض قيمة العملة فيك ما تستورد رز - قهوة - شاي - وغيرها من المواد فيك ما تستورد مواد اولية للمصانع من مواد للتصنيع او قطع غيار للمحركات وزيوت صناعية وقطع غيار للسيارات ..... الخ فيك تقلي انو السكر المحلي وزيت النباتي والسمن النباتي وغيرها من المواد بيكفي الطلب الداخلي طيب ليش عم نستورد بطاطا ولا بندورة ولا سمسم ولا غيرها فيك تجبر العمال والمزارعين على العمل والبيع باسعار قليلة |
رد: سعر صرف الدولار مقابل الليرة 22-4-2012 بالسوق السوداء
يا جماعة ليش بخيلين بشكر الاعضاء
يعني الشباب عم يتعنوا ويحطولكم السعر على الاقل اكبسوا زر شكرا شوفو مثلا اخونا ماهر ابو عدنان قلت مشاركاته يمكن حس انو ما حدا عم يشجعه او يشكره وعسى غيابه خير نرجوا له وللجميع السلامة عن أبي هريرة رضي الله عنه مرفوعا { لا يشكر اللهَ من لا يشكر الناس } إسناد صحيح رواه أحمد وأبو داود والترمذي لفظ الجلالة ضمن الحديث بفتح الهاء |
رد: سعر صرف الدولار مقابل الليرة 22-4-2012 بالسوق السوداء
اقتباس:
أخي الكريم المركزي مو من مصلحته أنو يخفض السعر ل 62 بشكل سريع لأنه قرار غير صائب أولاً لأنو الكل رح يروح يشتري قطع مما سيؤدي إلى إستنزاف الإحتياطي بشكل سريع هدا في حال المركزي قام بضخ العملة الصعبة... أما إذا ما ضخ فسوف يقفذ سعر الصرف إلى أرقام غير مسبوقه يعني رح نشوف ال 150 وال 200 ويمكن أكتر من هيك خلال فترة وجيزه هاد بالنسبة للشق الأول من السؤال . أما الشق التاني موضوع المواد الغذائيه فنحنا عنا إكتفاء ذاتي لأغلب المواد الغذائيه ويلي غير متوفر محلياً ممكن الدوله تستورده وتطرحه بالسوق وهيك بتكون وفرة قطع أجنبي وحصرت الإستيراد بالدوله بشكل أساسي بس طبعاً هدا ما بيمنع من شوية إستيراد عن طريق بعض التجار لباقي المواد الأخرى الكماليه في حال كان المركزي مبحبح شوي Big Grin يعني بصراحة رح يكون الوضع Back To 80's هههههه ورح ألك تفائلوا بالخير تجدوه... اللهم إجعل لنا من كل هم فرجا ومن كل ضيق مخرجا وإجعل بلدنا آمنا مطمئناً يارب العالمين |
رد: سعر صرف الدولار مقابل الليرة 22-4-2012 بالسوق السوداء
انا من ناحيتي رح اعمل بقول ابو هريرة رضي الله عنه و ارضاه اللي ذكره اكسبيرت واقول شكرا لكل الاعضاء من صغيرهن لكبيرهن وانا اصغر واحد بينهن( قصدي قدرا و خبرة) و بأيد اخي خطيب بشدة لانو حكيه اكثر منطقية و مو رايحة الا عالدرويش اذا نزل الدولار التاجر بيشتري و اذا ارتفع التاجر بيبيع و الحبل عالجرار يعني متل المنشار عالطالعة اكل و عالنازلة آكل
|
| الساعة الآن 08:56 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks