الأسهم السورية ( المضارب السوري)
27
صفحة 37 من 37 « الأولى 35 36 37
عرض 40 مشاركات من هذا الموضوع لكل صفحة

الأسهم السورية ( المضارب السوري) (https://syria-stocks.com/forum/index.php)
-   الـذهـب Gold (https://syria-stocks.com/forum/forumdisplay.php?f=64)
-   -   أراء و تحليلات عالمية مترجمة للعربية لحركة الذهب 7-11/5/2012 (https://syria-stocks.com/forum/showthread.php?t=11792)

abo haydara 13-05-2012 08:40 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة مجرد إنسان (المشاركة 198495)
تعليقا على موضوع ترجمه أستاذنا أبو حيدرة حول طباعة العملة ...
جميع البنوك حول العالم تطبع والمطابع ما عم تلحق في اوربا ، اليابان ، الصين ، أمريكا ، انكلترا ..
كلو شغال ورغم كل هذا فالذهب يهبط !!
دخيل عينك اخي مجرد انسان اول شي شكرا على مشاركاتك القيمة و تانيا الله يخليك بلاها استاذ انا اخوك في الله و في الانسانية نحنا هنا عائلة واحدة في وطن واحد و انشالله كلنا احباب و اخوة ...انا بصراحة انظر الى المدى الطويل بالنسبة للذهب و لكن كل شئ ممكن الحدوث و لكن في النهاية و العلم عند الله سيرتد الذهب و تبقى مجرد موجة هابطة ضمن مسار صاعد والله اعلم

GoldMan$ 13-05-2012 08:43 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة abo haydara (المشاركة 198512)
دخيل عينك يا ابو طارق و الله انتي المعلم و الاستاذ و الله..ياسيدي بتعرف شو اللي اطيب من معسل السوق الحرة؟المعسل الكف اللي بتجيبو من مصر اللي مو مخصص للتصدير يا سيدي باكيت 250 غرام ب 12 جنيه مصري يعني شغلة 100 ليرة و شوي بس معلم بتفتح العلبة بتفوح ريحة اليانسون يا لطيف شو ظريف بس تقيل كتير...اذا صحلك جيب من الشام بربيج خليل مأمون و اركيلة خليل مأمون بربيج جلد جمل متل البربيج الدوماني شغلة على كيفك ..اشرب و اذكرني بالخير ...بعرف انك بتحب هالمقالات بس ما منقدر الا ما نجيب الراي التاني المعاكس مشان نكون امينين و صادقين مع المتابعين ..انشالله ربي يرفقك و يباركلك بمالك و رزقك و اهلك و مالك
تسلم ابو حيدرة كلك زووق ..
رح دور هون بالسوق اذا في اركيلة من اللي قلت عنها
هيك نفس اركيلة بدو قعدة على طريق كسب بغابات الفرلق ... آخر رواق
يالله بركي السنة الجاية بتكون الاوضاع رجعت للخير واحلى عزيمة للشباب ;)
لانو هالسنة ما واردة ابدا تقعد بغابات الفرلق Frown11 منطقة خطرة كتير
طبعا الشباب بالداخل بيقولوا بدنا قعدة عالبحر .. نحن باللاذقية منهرب من البحر :StickOutTongue ماليين منو ومن الرطوبة والبرغش والبق والبلاوي اللي على الشط

abo haydara 13-05-2012 08:43 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة a_khateeb82 (المشاركة 198513)
زعيم الفكرة بسبب ززيادة شوائب النحاس بعيار 18 وصعوبة التعامل بعيار 18 بسبب قساوته بالنسبة لعيار 21 ..
اذا بتنتبه انو عيار 21 اجور صياغته دائما اقل من عيار 18 مع العلم انو 18 بيجي اغلب الاحيان مع احجار ومع ذلك صياغته اعلى بسبب صعوبة التعامل معه بسبب زيادة كمية النحاس فيه :)
هيك قنعتني بصراحة ...بس بتعرف في عالم بتبيع و تشتري الذهب على اساس اسهم و نسبة من ال24 يمكن كمان هادا يكون سبب اضافي و العلم عند الله

مجرد إنسان 13-05-2012 08:47 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة abo haydara (المشاركة 198519)
دخيل عينك اخي مجرد انسان اول شي شكرا على مشاركاتك القيمة و تانيا الله يخليك بلاها استاذ انا اخوك في الله و في الانسانية نحنا هنا عائلة واحدة في وطن واحد و انشالله كلنا احباب و اخوة ...انا بصراحة انظر الى المدى الطويل بالنسبة للذهب و لكن كل شئ ممكن الحدوث و لكن في النهاية و العلم عند الله سيرتد الذهب و تبقى مجرد موجة هابطة ضمن مسار صاعد والله اعلم
والله من ذوقك يا غالي ، كلامك جواهر ونابع من انسان قمة بالذوق ، الله يخليلنا اياك ، وان شاء الله ما بنخيب كلنا ^_^
أنا حامل شوية ذهب ، وكرهت حالي منن ، من وقت ما أخدتن : طلع الذهب فرد مرة رد نزل (مع الدولار ومع الاسعار ).

مجد 13-05-2012 08:47 PM
رد: أراء و تحليلات عالمية مترجمة للعربية لحركة الذهب 7-11/5/2012
 
انا اييد كلامك اخي ابو حيدرة .ولكن يفضل عدم الاستثمار بالاموال التي نحتاجها لضرورات حياتنا والاستثمار بالاموال الفائضة المدخرة هو الانسب واذا اشترى احدنا ذهب وانخفض يستطيع الانتظار حتى يرتفع سعره لانه من 40 سنة للان والذهب بمسار صاعد وحتى لو انخقض يرجع يرتفع (هذا رايي ) .

abo haydara 13-05-2012 08:49 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة a_khateeb82 (المشاركة 198521)
تسلم ابو حيدرة كلك زووق ..
رح دور هون بالسوق اذا في اركيلة من اللي قلت عنها
هيك نفس اركيلة بدو قعدة على طريق كسب بغابات الفرلق ... آخر رواق
يالله بركي السنة الجاية بتكون الاوضاع رجعت للخير واحلى عزيمة للشباب ;)
لانو هالسنة ما واردة ابدا تقعد بغابات الفرلق frown11 منطقة خطرة كتير
طبعا الشباب بالداخل بيقولوا بدنا قعدة عالبحر .. نحن باللاذقية منهرب من البحر :stickouttongue ماليين منو ومن الرطوبة والبرغش والبق والبلاوي اللي على الشط
دخيل عينك انشالله بترووق الاحوال و منجتمع و نتشرف بمعرفة الجميع ..ما بتوقع تلاقي باللادقية من هادا البربيج بتوقع فيه محل بالشام بس ببيع هيك شي ...الاركيلة الاطيب معلم بصلنفة بقهوة الحلوين بالساحة مع صحن كنافة او معمول بالجبن ..اههه على هديك الايام ما احلاها ..يا رب تفرج على البلاد و العباد و ترجع الايام الحلوة و الناس كلها تروق و تحب بعضها انشالله

abo haydara 13-05-2012 08:55 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة مجد (المشاركة 198527)
انا اييد كلامك اخي ابو حيدرة .ولكن يفضل عدم الاستثمار بالاموال التي نحتاجها لضرورات حياتنا والاستثمار بالاموال الفائضة المدخرة هو الانسب واذا اشترى احدنا ذهب وانخفض يستطيع الانتظار حتى يرتفع سعره لانه من 40 سنة للان والذهب بمسار صاعد وحتى لو انخقض يرجع يرتفع (هذا رايي ) .
كلامك درر اخي مجد و صحيح 100% ..الاستثمار يكون بالفائض عن الحاجة و الافضل اذا كان ممكن الاستغناء عنه لفترة طويلة اي يوجد مصدر دخل ثابت ..اول ما اشتغلت بالذهب كان صديقي و هو عتيق و قديم بالسوق يخبرني و يقول اذا طلع الذهب او نزل لا تشوب (ترتفع حرارتك)و تركض تشتري او تبيع الشغلة بدها طولة بال و رواق ...تحياتي لك عزيزي

abo haydara 13-05-2012 08:56 PM
رد: أراء و تحليلات عالمية مترجمة للعربية لحركة الذهب 7-11/5/2012
 
اقتباس:
المشاركة الأصلية كتبت بواسطة مجرد إنسان (المشاركة 198526)

والله من ذوقك يا غالي ، كلامك جواهر ونابع من انسان قمة بالذوق ، الله يخليلنا اياك ، وان شاء الله ما بنخيب كلنا ^_^
أنا حامل شوية ذهب ، وكرهت حالي منن ، من وقت ما أخدتن : طلع الذهب فرد مرة رد نزل (مع الدولار ومع الاسعار ).
تسلم اخي مجرد انسان و ربي يسلمك و يوفقك و يبارك فيك و بصحتك و اهلك و مالك ..بدك تطول بالك و صحتك بالدنيا و انشالله بتبيعون و تربح فيهون كمان

abo haydara 13-05-2012 09:25 PM
رد: أراء و تحليلات عالمية مترجمة للعربية لحركة الذهب 7-11/5/2012
 
نتابع معكم في المتابعة الاسبوعية الجديدة و ان شاء لله بكون فيها الفائدة والافادة للجميع ..تحياتي لكم

GoldMan$ 13-05-2012 09:33 PM
رد: أراء و تحليلات عالمية مترجمة للعربية لحركة الذهب 7-11/5/2012
 
شكرا للجميع وتصبحون على خير :)


الساعة الآن 05:06 AM.
27
صفحة 37 من 37 « الأولى 35 36 37
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق محفوظة syria-stocks

This Forum used Arshfny Mod by islam servant