الأسهم السورية ( المضارب السوري) - جلسة صالون سيريا ستوكس ليوم الخميس 25-8-2011

الأسهم السورية ( المضارب السوري) (https://syria-stocks.com/forum/index.php)

- صالون سيرياستوكس بعطلة التداول (https://syria-stocks.com/forum/forumdisplay.php?f=52)

- - جلسة صالون سيريا ستوكس ليوم الخميس 25-8-2011 (https://syria-stocks.com/forum/showthread.php?t=8787)

رد: جلسة صالون سيريا ستوكس ليوم الخميس 25-8-2011

شباب اذا غرام الدهب ب 1600 ليرة قديش بيكون سعر الاونصة بالدولار؟؟؟ بشكل تقريبي

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة economic opinion (المشاركة 109512)

مبروك أخي مؤيد وإن شاء الله بيتبهدل كمان، بس كرمالك marsamarsa

الله يخليكي و يسلمك يا رب
والله ايدي على قلبي كان هالأسبوعين اللي مضوا
و على قولتك يارب يتبهدل اكتر و اكتر
يعني اذا بترجع الأونصة لل 800$ بس شغلة ساعتين انزل اشتري و ترجع تطلع لل 1500$Big Grin
عنجد يا جماعة عليكم بالذهب بلا بورصة بلا وجع قلب

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة salam (المشاركة 109516)

شباب اذا غرام الدهب ب 1600 ليرة قديش بيكون سعر الاونصة بالدولار؟؟؟ بشكل تقريبي

لازم يكون 1140 $ اذا كان الدولار ب 50
و 1185$ اذا كان الدولار 48

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة biso (المشاركة 109514)

القاضي الشرعي الأول يدعو إلى التماس هلال شوال الاثنين الواقع في 29 من شهر آب الجاري

في معايداتنا نقول: كل عام وأنتم بخير، هذا العام لسنا بخير فهل سنكون بخير في العام القادم ؟؟

معناها خلينا نقول الله يبلغنا العيد الجاية على خير وأمان ووطن

رد: جلسة صالون سيريا ستوكس ليوم الخميس 25-8-2011

المشكلة ببورصة الاسهم منعرف لحد كبير شو عم يصير ومين عم يرفع وينزل
بس بالذهب ما منعرف شي الله يستر

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة mouayad (المشاركة 109518)

لازم يكون 1140 $ اذا كان الدولار ب 50
و 1185$ اذا كان الدولار 48

ممممم.......... مابعرف بس حاسة انو اكتر....

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة mouayad (المشاركة 109424)

شو رأيك بالدهب ابو حازم
1758$
برأيك حاجز 1750 سيكون قوي ام سيكسره الى 1700

كسر حاجز 1705

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة salam (المشاركة 109523)

ممممم.......... مابعرف بس حاسة انو اكتر....

مو شغلة احساس بس رياضيات
1600 \ 21 هو العيار = 76.1 *24 وهو عيار اونصة الذهب = 1829
نقسم على سعر الدولار و لنفرض 50 = 36.6 $ * 31.1 وزن الونصة = 1140$ تقريبا

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة manar (المشاركة 109524)

كسر حاجز 1705

حاليا 1712$ عم تابعه اكتر من مسلسلات رمضان ههههههههههههههههههههه

رد: جلسة صالون سيريا ستوكس ليوم الخميس 25-8-2011

بالعودة لسؤال الجلسة في شوية تناقض بالسؤال
يعني اذا كان الرجل متافهم مع زوجته لن يفعل هذا الامر من الاساس غالبا اما اذا كان غير ذلك فهنالك حالات كثيرة واقعة في مجتمعنا : اما يتزوج او ان تبقى علاقة بدون زواج او يطلق وكل ذلك حسب اخلاق الرجل ومستواه الفكري

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة salam (المشاركة 109515)

طار عقلي بسعر الدهب...

بس ياحرام قرايبي يمكن اشترى من يومين مدري 3... التاني بدو يخطب...

رحعت كيفكن بس كنت عما اعمل ضربة بلذهب نجحت بس بشكل جزئي هههههههههه بعت ب 1712$

ههههههههه فشل هلا 1717$

ما بعرف ليش بحس حالي فاشل ببعض اوقات مع انو منت بعرف انو رح يوصل لفوق 1716 بس الخوف لأنو عما يهوي بشكل جنوني

ليش يا حرام سلام واحد بدو يخطب هلا صار ينعزل عليه هههههههههههه وقت الخطبة كلن خواتم ما بيساوي شي

رد: جلسة صالون سيريا ستوكس ليوم الخميس 25-8-2011

وهاي الذهب ب 1721$ :maad: :maad: :maad: :maad: :maad: :maad: :maad:

رد: جلسة صالون سيريا ستوكس ليوم الخميس 25-8-2011

نتمنى نهاية أسبوع هادئة وامنة وبدون دماء لبلدنا الغالية سوريا

تقبل الله صيامكم وطاعاتكم وقيامكم ليلة القدر

السلام عليكم

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة mouayad (المشاركة 109473)

على اعتباري اول الشباب المعلقين و نصف عزابي و نصف متزوج
اولا بقول الحمد لله أنوا شغلي ماله علاقة بالجنس الآخر و كل شغلنا مع الجنس الخشن فما مرقت بهالتجربة بعد
ولكن بقول ببساطة كل ممنوع مرغوب يعني هو اكيد كان ميت على ما يوافقوا اهل مرته على الخطبة بزمانه ووقت صارت ملكه صار يلاقي اي بنت فيها مقومات احسن من مرته
يعني الشب اللي معه بنت هل هو متأكد من مشاعره يعني حتى لو قال انوا بتفهمه ما كتير انا مع هالخيار لأنوا بالشغل معنا صبيتين \ هيك مكتوب بالهوية فقط \ و بتصير نوع من المجاملات وتبادل وجهات النظر و كل واحد بيفكر انوا التاني ياي شو متفتح و شو افكاره عملية بس بالواقع غير شي
و اكيد بالشغل رح يبين معوا انها بتفهمه لأنوا ما عم تمر بهالمشكلة و انما من بعيد يعني لو قال انه بأزمة مالية و مرته ما عم ترحمه بطلباتها اكيد جواب البنت اللي بالشغل انوا لا وما لازم هيك و المرة لازم تكون جنب جوزها و كل هالحكي فهو رح يعجب فيها بس لما تصير مرته اول كلمة رح تقولها اي بدي مصاري مشان ولادك بدهم اكل و لبس و طب و تعليم و انا بدي و كل هالحكي
و عفوا حتى لو حكينا من ناحية تانية انوا اللي بالشغل مرتبة حالها اكتر من مرته لأنها فاضية و عزابية ما وراها شي بس تورجيه حالها بعد ولدين اي الله يعينها هاد اكيد لا يعني انها معذورة باهمال زوجها بس كمان ولدين ما بيرحموا
فالمشاعر هنا مختلطة بين الاعجاب بأفكار الشخص اللي ستتبدل بحسب الزمان و المكان و الانجذاب نحو الجنس الاخر و هي طبيعة بشرية
المهم انه فيه ما يترك شغله متل ما قالت سلام لأنوا ممكن تواجه مشاكل اضرب و لكن يحط ضوابط للعلاقة معها و يحاول ما يحكي معها الا بنطاق العمل او يوصللها فكرة انوا هو بيحب مرته و ما ممكن يتزوج عليها او يعجب بأي بنت تانية و بيشوف باقي البنات متل اخواته صدقوني هية رح تقله حل عني مو ناقصني اخوات
اسف للإطالة بس في كانت بنت عم تتدرب عند محامي صديق اخي و كل واحد من طائفة و محافظة اسف للطائفية بس القصة انوا هو مابده يتزوج من غير طائفة ولا من بنت من غير محافظة و كل ما يتناقشوا بقصة الطوائف و المحافظات بتقله صحيح لازم كل واحد ياخد من ملته و من هالحكي و كل شغلة تكون فيها وهو معترض عليها تقله صح و تناقشه انوا وجهة نظره صحيحة لحتى اخر شي تزوجها يعني بقيت ترشله قنبز لحتى وقع
ما بعرف اذا فهمتوها بس انوا بانتيجة بقيت تسايره لحتى خلته يتزوجها
اسف للإطالة بس ما بعرف سردت بالحكي يمكن من كتر الشغل ؟؟؟؟؟؟

كلامك جميل مؤيد بس احلى شى
ترشله قنبز هههههههههههههههههههههههههههههه Big GrinBig GrinBig Grin

رد: جلسة صالون سيريا ستوكس ليوم الخميس 25-8-2011

1725$ السعر الحالي للذهب :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad:

رد: جلسة صالون سيريا ستوكس ليوم الخميس 25-8-2011

ليش عما تحكو بلذهب هون ما عملنالكم صفحة للذهب :) ;)

رامي روق هون متعودين نحكي اكثر من فوركس

وثانيآ هون الأعضاء متواجدين دائمآ

فلذالك انا اسف رامي :) :)

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة ابي نادر (المشاركة 109541)

شو عم يصير ابي نادر
لوين برأيك رايح طلوع ولا نزول ؟؟؟؟؟؟؟؟؟؟؟؟؟؟؟؟؟؟
اي والله شي بيخيل

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة mouayad (المشاركة 109544)

شو عم يصير ابي نادر
لوين برأيك رايح طلوع ولا نزول ؟؟؟؟؟؟؟؟؟؟؟؟؟؟؟؟؟؟
اي والله شي بيخيل

شي طبيعي يلي صاير بعد هل النزول الكبير

بدا الشغلة رواق ومتابعة

رد: جلسة صالون سيريا ستوكس ليوم الخميس 25-8-2011

مؤيد عندك معلومات انو سعر الذهب بيتحدد ساعة 11 الضهر من سوق الصاغة

وما بيتغير اذا نزل السوق بأغلب الأوقات الا اذا كان نزول كبير بيطرو يغيرو ببعض اوقات

وبس يطلع بيبطلو الصاغة يبيعوك هههههههههههه

رد: جلسة صالون سيريا ستوكس ليوم الخميس 25-8-2011

:maad::maad::maad::maad::maad::maad::maad::maad::m aad::maad::maad::maad::maad::maad::maad::maad:1730.90$

رد: جلسة صالون سيريا ستوكس ليوم الخميس 25-8-2011

قايم نملي شي ساعة زمان

سلام عليكم

رد: جلسة صالون سيريا ستوكس ليوم الخميس 25-8-2011

هلا انا بعرف انو انا لحالي هون بس على كلن

سلام عليكم ههههههههههههه

رد: جلسة صالون سيريا ستوكس ليوم الخميس 25-8-2011

تنويه الذهب1733

رد: جلسة صالون سيريا ستوكس ليوم الخميس 25-8-2011

اهلا ابي نادر
مو لحالك انا معك
التسعيرة بتطلع الساعة 11 و على قولة رفيقي بس تنزل كتير او تطلع كتير بيرفعوا السماعة و ماعاد يردوا على حدا بالصاغة هههههههه و الفكرة انوا التسعيرة بتحطها المالية مو نقابة الصاغة
لذلك بتلاقي كل محلات الدهب حاطينها على cnbc وعم يبيعوا و يشتروا على الأونصة
حاليا 1733.9

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة mouayad (المشاركة 109388)

الذهب 1747$ حاليا big grinbig grinbig grinbig grinbig grinbig grinbig grinbig grinbig grinbig grinbig grinbig grinbig grinbig grin;)

هبوط اليوم للأونصة 110$ :eek::eek::eek::eek::eek:ay1ay1

الذهب لن يعود إلى سعرة المرتفع على المدى القريب بسبب رفع مستوى المخاطر على العقود ألأجلة.

رد: جلسة صالون سيريا ستوكس ليوم الخميس 25-8-2011

موضوع الحلقة اليوم متل اللي سأل الكومبيوتر شوفي مافي ؟ لوكان الموضوع بينتهي بقرار وابتعاد عن جو معين ما كان حدا تعب ، المشكلة من أصل تعليمنا عن الزواج . واللي بدو يتزوج امرأة ليتفاهم معها ممكن يجيه كتير وجع راس ورح توقفلو سنجق عرض بكل شاردة وواردة . علما بأن الرجوله مو غلاظة ومجرد فرض رأي بس كمان المركب بريسين بيغرق . يعني عم حاول اختصر بس افكاري عم تتزاحم ولو بدنا نعطي الموضوع حقو بدنا مجلدات ومع هادا مافي حالة متل التانية أبدا . والموضوع يمكن لازم يبدأ من مفاهيم الحرية والكبت ، بالمناسبة أنا قرأت مرة للمرحوم فضل الله وكانت بالصدفة ورقة لقيتها بالأرض ومطبوع عليها خطبة الجمعة ، ولفت نظري قوله بما معناه أن الافراط في الكبت لا يقل افسادا عن الافراط في التحرر . أحسست باحترام للرجل وتكررت عدة مصادفات بعد ذلك وكنت في كل مرة أجد فيه عقلا راجحا . هو بالمناسبة ميال للعقل أكثر من الاتباع لما يطلقون عليه ولاية الفقيه .

أما بمناسبة نجاح الآنسة دانا اللي لا بعرفها ولا بعرف أهلها لسا ، بحب اغتنم الفرصة وباركلها وانشالله موفقة ، بس اللي لفت نظري أنو الدورة التانية حملت خدعة مؤلمة لمن تقدم اليها لتحسين السكور ، لأن النتيجة لاتظهر إلا مع مفاضلة الموازي مع ان الأصل أن من حق الطالب التقدم للعامة مرة واحدة ! طيب لسا ما حدا قدم على العامة حتى يفقد فرصتو ! كأن اللي مصمم هالفكرة المنحوس المهايني وزير المال السابق ، شو هالأفكار هي ؟!

ثم هنن أصلا خدمونا بحيث تكون الموازي مع العامة سوا ! شو هالخدمة ؟ المفروض بعد فشل المحاولة بالعامة بيدفع الطالب خمس وعشرين ألف ملطوش وبيتقدم للمفاضلة . أما هلأ بدو يخاف يصفى ل منهون ولا منهون فبيقدم على الموازي من أول مرة ، يعني ألغوا العامة وما عاد إلها لزوم .

الحلو كمان أن التعليم المفتوح بيضل مغمض ، والطالب بعد ما يقبل بالحد الأدنى لطموحاتو ويدفع لمفاضلة الموازي ، يمكن المفتوح يكون فيه فرصة تحقيق حلم وبيسجل فيه وبيدفع من جديد وطبعا لو شاف حلمة أدنوا رح يشوف الخمس وعشرين ألف . بيجوز هدول المصاري اللي بدهم يساووا منهم الصندوق السيادي المزعوم . يا الهي قديش أنا متجني !!!.

رد: جلسة صالون سيريا ستوكس ليوم الخميس 25-8-2011

اخ عابر من تقدم للدورة الاولى او الثانية (نفس الشيء) لان نتيجة المفاضلة ستصدر بوقت واحد للجميع
اما ال 25000 فهي تأمين يعود للطالب في حال لم يستفد من مفاضلة الموازي...اما اذا استفاد من كلية ولم يسجل فيها فقد اضاع فرصة غيره في الاستفادة وعلامة واحدة بتفرق كتير وعليه ان يدفع غرامة ذلك الخلل

رد: جلسة صالون سيريا ستوكس ليوم الخميس 25-8-2011

صيام مقبول
وإفطار شهي للكل
ماينزل نقطه دم بالعيد
و نحن بألف خير

رد: جلسة صالون سيريا ستوكس ليوم الخميس 25-8-2011

الذهب 1760... سلامتك ابي نادر كلو الا صحتك...
ونفس الشي مؤيد

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة biso (المشاركة 109496)

صباح الخير للجميع

الحمد لله والصلاة والسلام على نبينا محمد صلى الله عليه وسلم

كل الشكر للجميع بهذا المنتدى على النصائح المفيدة

الحمد لله أنا بعت كامل الكمية من الذهب ع 1885$ والحمد لله .

مرة تانية كل الشكر لكل الأعضاء لمن ساهموا بتقديم النصيحة

ألف مبروك والله كان بالي مشغول عليك

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة ابي نادر (المشاركة 109501)

ما قلتلك من يومين رح اطرح كميتي للبيع ;)

رامي قلي بيع وفرج عن العالم :coool:

قمت بعت :) :) :) :) انبسطو

مبرووووك معلم اي من زمان ارضي هالناس

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة biso (المشاركة 109504)

بإنتظار موعد الشراء الجديد

ع 1600 منيح ولا ممكن أقل ؟؟؟

1703$ حالياً

قلنا سابقاً ان قاع الذهب 1700 يعني الارتداد منه قوي
وها هو ارتد لاكثر من 600 نقطة ...

لكن قاع الشراء الاستثماري 1550 - 1600

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة غسان (المشاركة 109534)

أبو يزن .... ما فدتنا

- السؤال : لو كنت مكانه ماذا تفعل ؟؟؟

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة ابي نادر (المشاركة 109542)

الكلام بالذهب والبورصة مسموح تماماً وبشكل كامل لحتى نبقى نتذكر اننا اجتمعنا من ورا البورصة ....

رد: جلسة صالون سيريا ستوكس ليوم الخميس 25-8-2011

أبي نادر ... حكى عن الذهب وطلع ونام وما عطى رايه بالقصة ؟؟؟

كل الآراء صدرت من العزابية ، يا تــــــــرى ليـــــــــــش ؟؟؟؟؟؟؟

هالموضوع حاسس انو رح يعمل مشاكل ، بس ما رح يتسكر الا لحتى يدخل ثلاثة من كبارنا ويضيفوا رأيهن لحتى يغلق ... !!!

أبو يزن -غسان - متزوج ولكن كان رأيه رفع عتب .

- عابر مجيب يلي بيعرفنا واحد واحد وما عرفنا على حالو ... بشارك وبفوتنا بالحيط ... بس يمكن لان لديه حكي كتير وبحاول يختصر كتير بقوم بيطلع الحكي مخربط ومنكون بموضوع منصير بموضوع وماعاد نفهم شي .

ومساكم خير .... اليوم الرجعة سريعة من التراويح.

رد: جلسة صالون سيريا ستوكس ليوم الخميس 25-8-2011

مساء الخير ....
بدعي من كل قلبي لكل شاب عازب التوفيق والزواج بسرعة .. وطبعا كله نصيب وما التوفيق الا من عند الله
بالنسبة للموضوع اللي كنتو عم تحكو فيه ان الشب يحب وهو متزوج ... انا برأي انو الرجل متل الوعاء لازم يكون دائما مليء بالراحة والمشاعر الحلوة ..
يعني اذا زوجته امرأة ناجحة تعرف كيف تريح زوجها ودائما الابتسامة على وجهها وطلباتها مدروسة وتطلب بلباقة فاعتقد انو الرجل لن يرى أجمل ولن يحب غير زوجته
أما اذا كانت الزوجة مملة ونكديه وطلباتها تعجيزية وصوتها عم يرقع بالبيت بدون طعمه فالزوج رح يحب اول امراة يشوفها هادية غير زوجته ولو كانت السرلنكية .. ها ها ها

أما بالنسبة لموضوع الذهب انا بقعد مع زوجتي منتفرج على CNBC طبعا من باب التسلية ومنشوف قديش صار عنا حق الذهب ومنسوي مشاريع بعقلنا كل يوم Big Grin
طبعا انا من جماعة معارضين بيع الذهب وبحب اشتري كل ما الله رزقني شوي

رد: جلسة صالون سيريا ستوكس ليوم الخميس 25-8-2011

استاذ الخطيب ... الله يهنيك يارب

- لم تفرض نفسك مكان بطل القصة ، وعملت على حال المشكلة ؟؟ كلامك قد تقوله لشخص توصيه بان يفعله لكي لا يقع بهذه الحالة لكن صاجبنا مرت عليه ويريد حلاً .

رد: جلسة صالون سيريا ستوكس ليوم الخميس 25-8-2011

الرجال نوعين : نوع يتحكم قلبه بعقله والنوع الثاني يتحكم عقله بقلبه
انا برأي الخاص انو الشب يخلي قلبه يتكم بعقله طبعا ضمن حدود اكيد ..
لانو بعد الزواج يفضل تحكيم العقل على القلب لانو صار في شي اسمو مسؤولية وبيت
يعني الشب حب زميلته وهو متزوج .. يعني هو جزء مرتبط بالمجتمع والتقاليد والاعراف وعنده اولاد لازم يفضلهم على نفسه
لذا انا برأي انو يفكر يحول مشاعره تجاه زميلته الى زوجته ويحاول خلق اي جو ممكن لتكون مشاعره تجاه زوجته فقط ....

رد: جلسة صالون سيريا ستوكس ليوم الخميس 25-8-2011

اقتباس:

المشاركة الأصلية كتبت بواسطة salam (المشاركة 109516)

شباب اذا غرام الدهب ب 1600 ليرة قديش بيكون سعر الاونصة بالدولار؟؟؟ بشكل تقريبي

2285 ليرة .