الأسهم السورية ( المضارب السوري) - خاص بتامينات انتهاء خدمة موظفي و عمال الشركات

صفحة 3 من 4

عرض 40 مشاركات من هذا الموضوع لكل صفحة

الأسهم السورية ( المضارب السوري) (https://syria-stocks.com/forum/index.php)

- إدارة وأعمال (https://syria-stocks.com/forum/forumdisplay.php?f=18)

- - خاص بتامينات انتهاء خدمة موظفي و عمال الشركات (https://syria-stocks.com/forum/showthread.php?t=13802)

لقماان

14-01-2013 07:13 PM

رد: خاص بتامينات انتهاء خدمة موظفي و عمال الشركات

ممكن الخروج ب 50% راتب تقاعدي
من متوسط آخر 12 راتب بشرط
وجود خدمة 20 سنة
مع شرط أن يكون عمر الرجل 55
و عمر المرأة 50

لقماان

14-01-2013 07:30 PM

رد: خاص بتامينات انتهاء خدمة موظفي و عمال الشركات

طبعا طريقة الاستقالة للخروج على المعاش التقاعدي سهلة جدا ....
بتفوت هيك على أوضة المدير العام و تقول له
اي كرهتوني عيشتي أنا بدي استقيل ....
طبعا المدير العام بالغالب راح ينبسط لأنو بس بدو يتخلص من عامل عالفترة .......بس بيعمل حالو هيك تأثر متل محمود ياسين بفيلمه مع فاتن حمامة
لا تخاف ...انت راح تضايقوا
لأنو راسك براسو ...بالاستقالة
راح تنزلوا سوا على الشؤون الاجتماعية و العمل مشان توثقوا الاستقالة ....
يعني متلك متلوا و توقيعك جنب توقيعوا ....
و لا تؤللوا للمدير بس تستقيل ستروا شو شفتوا مننا
لأنو لا تخاف أي شي بيكون ماسكو عليك بيكون مخبر الدنيا كلياتا عليه.........
و اذا هو قللك (المدير العام ) ستور شو شفت مننا
بترد عليه و بتؤولووا
اي شو بدي استر لأستر..............................
روح خلي الله يسترك.................

فهد	14-01-2013 10:26 PM

رد: خاص بتامينات انتهاء خدمة موظفي و عمال الشركات

اقتباس:

المشاركة الأصلية كتبت بواسطة لقماان (المشاركة 249769)

بالعكس مافي احراج أخ فهد بس انت صلي على النبي و خليني آخد نفس على فكرة ما تضايقت من تصليحك للمعلومة بس كذا ملاحظة ذكرتون انت مافي الون داعي اضافة الى ذكرك معلومة خطأ...أما معلومة متوسط أخر سنة فمعلومتك صحيحة و معلومتي قديمة استندت الى الفقرة 58 مكرر التي أصابها تعديل بالفترة الماضية ..........................و 15 سنة على عمر 55 للمرأة نحن بالمعمل 95%من الموظفين هنن عاملات .....و للرجل 60 و خدمة 15 سنة المهم مشان ما يكون الموضوع جدالي ...راح نتساعد مع بعض و مع الاخوة يلي عندون معلومات لايصال المعلومة المفيدة بشكل بسيط للناس .............................................

أبو حكيم كونك محبوب من قبل معظم الاعضاء
فكان ردي كتييييييييييييييييييير لطيف
بس بعد إذنك ممكن تحطلنا المعلومة الخطأ يالي انا ذكرتا طبعاً بشان الفائدة
واذا في مجال تحطلنا الملاحظات يالي ما لون داعي وانا ذكرتون

فهد	14-01-2013 10:37 PM

رد: خاص بتامينات انتهاء خدمة موظفي و عمال الشركات

اقتباس:

المشاركة الأصلية كتبت بواسطة مجد (المشاركة 249542)

طيب اذا لا سمح الله الواحد اصابته رصاصة او صاروخ طايش شووضعه بالنسبة للتقاعد اذا كانت خدمته اقل من 25 سنة

بيطلعلو راتب تقاعدي هو :
40% من متوسط السنة الاخيرة مضافاً اليه 2%من متوسط السنة الاخيرة ضرب ( عدد سنوات الخدمة - 1 )

لقماان

14-01-2013 11:50 PM

رد: خاص بتامينات انتهاء خدمة موظفي و عمال الشركات

[/quote]

اقتباس:

المشاركة الأصلية كتبت بواسطة gdahrouj (المشاركة 249626)

موضوع جداً مهم

انا حابب اسأل سؤال هلأ الواحد بس يشتغل بياخد رقم تأميني هاد الرقم ليتجمع فيه سنين الخدمه تبعك
فرضاً انتقلت من شغل لشغل فهون صاحب العمل الأول بيدفع عن كل سنه شغل راتب بقول هي تعويضات نهاية الخدمة وفي منن مشان يريح راسو بيدفعها لحالو نهاية كل سنه للموظف يلي عندو
هلأ هاد الراتب الو علاقة بالتامينات ولا شو
يعني بروح منن فبفقد سنيني المجمعه ولا هو شي خاص برب العمل
مع الشكر للجميع

أهلين أخي غياث ,,,
و الله ما أدرت أفهم عليك منيح....
بس الرقم التأميني للعامل بيضل نفس الرقم حتى لو غير عملوا .....
و موضوع التزام صاحب العمل
هللأ هو بالظاهر التزام قانوني
بس على أرض الواقع هو التزام أخلاقي ...أكتر منو قانوني
و مع ذلك اذا بتئدر توضحلنا شؤالك أكتر ...
ممكن جاوبك اذا كنت بعرف.....

لقماان

15-01-2013 08:23 AM

رد: خاص بتامينات انتهاء خدمة موظفي و عمال الشركات

............تعويضات الدفعة الواحدة.....................
الاستقالة بسبب الزواج
أو الانجاب للطقل الأول
شرط ترك العمل خلال ستة أشهر من تاريخ عقد الزواج
و شرط الاستقالة خلال 3 أشهر من تاريخ الوضع للطفل الأول يصرف تعويض دفعة واحدة للسيدة بنسبة 15% من متوسط آخر 24 شهر مع مراعاة الزيادات السنوية

لقماان

15-01-2013 08:36 AM

رد: خاص بتامينات انتهاء خدمة موظفي و عمال الشركات

..................تعويضات الدفعة الواحدة ......
11% من متوسط آخر 24راتب اذا كانت مدة الاشتراك أقل من 60 اشتراك (خمسة سنوات )
13% من متوسط آخر 24 شهر
اذا كانت مدة الاشتراك أكبر من 60 شهر
و أقل من 120 شهر
أي بين 5 سنوات و عشرة سنوات ....
15 % اذا كانت الاشتراكات أكثر من 120 شهر

لقماان

15-01-2013 08:47 AM

رد: خاص بتامينات انتهاء خدمة موظفي و عمال الشركات

يعطيكون العافية طبعا كنت مخطط لعرض و سرد الموضوع بطريئة أجمل من هيك بكتير و أوسع
كانت بتضمن الشرح البسيط مع الأمثلة المبسطة و بلغة سهلة لطيفة ......................
و بأسلوب قصصي مشوق متتابع و يحمل في طياته الكثير من الابتسامات و الود ...............
لكن صار الموضوع بلغة علمية فقط
و اللغة العلمية من صفاتها أنها لغة غير جميلة و لست موهوبا بها ....
الحمد لله فتحتلكون الطريق ...انتو كملوا ........... المشوار ...................
أترك الموضوع لمن يستطيع الاكمال بعد أن أنهيت بعجالة الأمور الأكثر أهمية .....
و الى اللقاء في موضوعي ودود مفيد آخر ............

عابر مجيب

15-01-2013 10:00 AM

رد: خاص بتامينات انتهاء خدمة موظفي و عمال الشركات

اقتباس:

المشاركة الأصلية كتبت بواسطة لقماان (المشاركة 249800)

هي ما حبيتلك ياها بنوب ، يمكن كان ممكن تطلب ببداية الموضوع ، ان ما حدا يكتب وانك رح تعطي الفرصة بعد استكمال الموضوع للي بدو يدلي بسطلو أو دلوه .
انت على اساس من سكان العيادات ، بعد اربعين يوم بتصير منهم وفيهم يعني دكتور . بكرا بتكتشف ان أغلب الأمراض مردها نفسي ولذلك الدكتور بدو يكون طويل بال .
ممكن اذا الموضوع ببالك تكتب من جديد ، بيكون اسهل المتابعة والاستفادة وكل واحد بيدور على حالتو بدل ما يروح من فكرة لفكرة وتكون ما بتخص حالتو .
على كل حال كملت أولا ما بيطلعلنا نقلك غير يسلمو .:)

first step

15-01-2013 11:41 AM

رد: خاص بتامينات انتهاء خدمة موظفي و عمال الشركات

السلام عليكم ورحمة الله وبركاته
وشكراً على المعلومات المفيدة ، يلي أغلبنا ما بيعرفها
ممكن لو سمحت تخبرني شو الحل ، اذا كنت موظف لعدة سنوات
بشركة خاصة، وغير مسجل بالتأمينات ، ولا يوجد عقد ورقي
وكل ما هنالك التزام شفهي ( أخلاقي )
وصار لازم استقيل ....

مع الشكر

الساعة الآن 05:24 AM.

صفحة 3 من 4

عرض 40 مشاركات من هذا الموضوع لكل صفحة

This Forum used Arshfny Mod by islam servant