الأسهم السورية ( المضارب السوري) - سعر صرف الدولار مقابل الليرة 23-2-2012 (السوقي)

الأسهم السورية ( المضارب السوري) (https://syria-stocks.com/forum/index.php)

- - سعر صرف الدولار مقابل الليرة 23-2-2012 (السوقي) (https://syria-stocks.com/forum/showthread.php?t=10963)

رد: سعر صرف الدولار مقابل الليرة 23-2-2012 (السوقي)

اقتباس:

المشاركة الأصلية كتبت بواسطة ماهر محمد (المشاركة 168639)

أنا صراحة صراحة يا أخوان مع احترامي للكل بتمى ما حدا يفهمني غلط
أنا شايقف أنو شغلة الدولارات المزورة فلم من أفلام ميالة بيك
مشان العالم قال تخاف و تبطل تشتري
و إزا مزبوطة المركزي ألو دور فيها
خلينا نكون واقعيين شو هل الورق و شو هل تزوير يلي ظهر فجأة و بسسسسسسسسسسس بسوريا
إلي أصدقاء مضاربين في السعودية و الأردن و لبنان
ما سمعت أنو في هل كم الهائل من التزوير الخياااااااالي يلي عم يحكوا في بسوريا
يعني بمعنى آخر على حالتو التزوير كنسبة يعني

ما فهمناك غلط بس انشالله يكون في حدا محيط بكل الفيلم ومن باب الاستنارة : مشروع التزوير بيضرب عدة عصافير بحجرة واحدة مثلا :
المزور مرق شوية دولارات وطبعا السبب شريف والدولة بتحميه وممكن تشاركه وممكن تمشي شوية سوري مزور هلأ بتعرفوا ليش .
الدولار وفهمنا منشان الناس ما تشتري دولار ( نسيو انو في كتير عملات غير الدولار )طبعا الكلام على المخرج والمنتج وكاتب السيناريو الممجوج .
السوري ليش ؟
لأنو بالسوري والدولار بيضمن يبيع مستورد آلات الفحص والعدادات بضاعته أسوة بما لديه من شواحن ومولدات . ( ولسا بتقولوا مو كونية على هالشعب ).
هدول بقا مفبركين الأفلام أسمهم أغنياء حرب وأزمات وحديثي نعمة ولازم نحاربهم مو واحد تاجر ارتفعت قيمة موجوداته واضطر يرفع السعر وانقلبت الدنيا عليه . طبعا هنالك حكاية طفايات الحريق وصندوق الاسعافات الأولية ومثلث (برمودا) الفوسفوري العاكس وحزام الامان للسيارات القديمة في ظل الزحام ضمن شوارع المدينة .
حقا المغفل هو المواطن المثالي في دولة العلم والتقدم .
تحياتي .

رد: سعر صرف الدولار مقابل الليرة 23-2-2012 (السوقي)

مشكور الاخ محمد

رد: سعر صرف الدولار مقابل الليرة 23-2-2012 (السوقي)

اقتباس:

المشاركة الأصلية كتبت بواسطة ابراهيم طاهر (المشاركة 168637)

خبر عاجل

يوجد شخص الآن في المشفى ( المرستان ) بسبب تعرضه لحالة تزوير دولار وهو خبير دولار , لا يقع الا الشاطر .
تعليق منقول
الـعكيد أبو شهاب الشامي - التاريخ : 22/02/2012( حدث في سوق الخضار بالمزة ) : الزبون لبائع البقدونس : كم ثمن جرزة البقدونس البائع : 15 ليرة للواحدة وكل اثنتين بــ 25 ليرة الزبون : ليش هالقد منذ فترة بسيطة كانت بــ 5 ليرات ؟؟ البائع : شو ما ادريت أنو ارتفع سعر الأخضر $$$$$ الزبون : وشو دخل الأخضر $$$ بالبقدونس ؟؟؟؟ البئع : يالطيف شو غشيم .. إيه كله أخضر ... ولا فيه خيار وفقوس ؟؟؟ الزبون : لأ ياسيدي في أخضر محلي ### وفي أخضر أفرنجي $$$$$$$$ بس الله يديم الأخضر المحلي .. ويلعن سالف الأخضر الأفرنجي $$$$$$ ياعمي بيكفي بقى ... بدها أخلاق وذوق وكرم البائعين والتجار إذا فيه عندهم منه ؟؟؟ وأكثر من هيك ماعندي حكي !!!!!!!!
اشعاعة الدولار انتقلت لحياتنا اليومية هكذا تريدون

ياسيدي انا ماسمعت اشاعة التزوير المرعب بالدولار غير منك عكل حال اي صراف بيبيع دولار عندو مكنة كشف تزوير بينزللك الدولارات بيطلعو مو مزورين واذا طلع مزورين لاتاخدهم واذا طلع شغلتو كبيرة وهوة اللي صنع المكنة وشال جهاز التزوير ارجاع بس تستقر الامور وبيعو ياهم واذا بدك تطمن اكتر حطهم بشي بنك خاص لانو اجهزة كشف التزوير بالخاص نفسها تبع الصراف واذا بدك تبع الصرافين اغلبهم جداد حطهم بالبنك وريح بالك وخلصت القصة بعدين ياسيدي بدك تعمل عمل وطني عظيم دلنا على الصراف اللي باع خالك مزور وانا ببلغ عنو الجهات الرقابية المختصة شو رايك

رد: سعر صرف الدولار مقابل الليرة 23-2-2012 (السوقي)

انخفاض سعر الدولار

سعر دولار حسب بنك سوريا دولي الاسلامي الان

العملة بيع شراء
الدولار الأمريكي 68.65 68.00

رد: سعر صرف الدولار مقابل الليرة 23-2-2012 (السوقي)

اقتباس:

المشاركة الأصلية كتبت بواسطة shereen (المشاركة 168658)

السلام عليكم
انا بالنسبة الي املك اسهم في معظم البنوك ولن اصرف الا بها لان جزء من العائد يعود لي ولشركائي وهيك بيكون الفرق تامين قانوني وتكافلي وامل مستقبلي.

رد: سعر صرف الدولار مقابل الليرة 23-2-2012 (السوقي)

شباب موضوع التزوير وارد جدا بس ما بهالشكل الفظيع وخاصة انو البعض يستغل المستجدين على موضوع الدولار وعم تمرق كم ورقة بس هاد الشي عم يصير اكثر الاحيان لما عم يشتري الواحد بعيد عن عدادة محترفة او مكتب صراف نظامي
انا عملي كمحاسب استلم يوميا مبالغ من الليرة السورية واحيانا دولار ... اخر مرة وصلني دولار مزور من خمس سنوات وكان من جماعة عراقية وكشفتهم فورا والحمد لله اما السوري يصلني احيانا اسبوعيا حوالي ورقة من فئة الاف او الخمسمية
انا اشتريت منذ فترة دولار من عند احد الصرافة ولما استلمت المبلغ طلبت من الموظفة عدهم بالعدادة ولما استلمتهم جلس امام احدى الكميرات وتفحصتهم ورقة ورقة .. وهاد الشي ما عيب وما بيدل على عدم تمييزي للدولار المزور بسرعة ... بس الحرص واجب وهاد الشي من حق كل شخص اذا خايف من المزور

واذا الواحد شك باي ورقة مزورة بسيطة محرمة مبللة او بلل اصبعك بالماء وافرك الورقة ( هي احدى الطرق )

رد: سعر صرف الدولار مقابل الليرة 23-2-2012 (السوقي)

الذهب
2012-02-23

عيار 21 (1 غرام) :3550
ليرة سوريةعيار 18 (1 غرام) :3043
ليرة سوريةالليرة الذهبية (عيار 22) :30000
ليرة سوريةالليرة الذهبية (عيار 21) :28800
ليرة سوريةالفضة الخام المحلي (1 غرام) :79.30
ليرة سورية

رد: سعر صرف الدولار مقابل الليرة 23-2-2012 (السوقي)

لماذا الاصرار على التحوط بشراء الدولار؟
يا جماعة يمكنكم شراء العملات المرتبطة بالدولار و يمكنكم شراء اليورو الذي ارى أنه في طريقه الى الصعود في الفترة القادمة ربما الى مستوى 1,40 مقابل الدولار.
لا ينغلق تفكيركم باتجاه واحد، انظروا و فكروا بطريقة أشمل و أوسع.

رد: سعر صرف الدولار مقابل الليرة 23-2-2012 (السوقي)

هاد حكينا يعني شو ما ضل غير الدولار
في الدهب
في الفضة
في الريال
في الدينار
في اليورو
لك كل شي أحسن من السوري

رد: سعر صرف الدولار مقابل الليرة 23-2-2012 (السوقي)

اقتباس:

المشاركة الأصلية كتبت بواسطة a_khateeb82 (المشاركة 168650)

بنك بيمو البارحة كان شراء 69,35 بيع 69,85

اليوم شراء 69,90 بيع 70,40

طيب وهل يوجد بيع ؟