الأسهم السورية ( المضارب السوري) - سعر صرف الدولار والذهب مقابل الليرة السورية اليوم الاربعاء 26 -02- 2014

الأسهم السورية ( المضارب السوري) (https://syria-stocks.com/forum/index.php)

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اخي عبد القادر
طالما افكارك عم تتناسب مع اغلبية الاعضاء الي بالمنتدى
فاعلم انك على حق ورفقاتك رفقاء خير ان شاء الله
واعلم انه من اول مشكلة بينك وبين اخوك ظهر رفقاء السوء وشمتو فيك
احيانا اخي عبد القادر المشاكل بتظهرلك من هم اصدقائك الحقيقيين
لذلك اخي عبد القادر بتمنى نضل رفقاء والله يبعد عنا رفقاء السوء يا رب

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اقتباس:

المشاركة الأصلية كتبت بواسطة hasobman (المشاركة 330268)

والله مو هيك قصدي والله من حسن نية عم مازحك
وانا اسف اذا سببتلك اي ازعاج
بالعكس اخي عبد القادر اني من مؤيدين افكارك 99 بالمية
بتمنى منك تبقى رفيقي
وبعتذر منك مرة تانية اذا سببتلك اي ازعاج

يعني ما مبين كلامي مزح لنرطب الجو قرالي حديث النونو وعطيني رأيك

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اللاذقية ... لحقنا الشام

156 - 157,5 والبعض يطلب 158

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اقتباس:

المشاركة الأصلية كتبت بواسطة عبدالقادر (المشاركة 330258)

قال النو نو..قلي ابو سام شوف علي كنا في السابق نحنا المتحكمين بالسوق وكنا نشتغل على مبدأ مليون دولار لازم يقابلا نفس القيمة سوري لان الطلوع والنزول قاسي وخسرنا المركزي بس من الارباح هلق طلوع ونزول خفيف وهاد اريح لنا وله وصرنا نشتغل على مبدأ كل رسمالنا دولار وهيك دوبلت المرابح اكتر ولتغت المخاطرة قلتلو هل تعلم انو سعر الدولار غير حقيقي قلي لذلك كل رسمالنا دولار واذا طلع لسعرو الحقيقي منربح دبل وبعدا منرجع على المبدأ الاول وهو نص سوري ونص دولار قلتلو وصار الحكي بدو يثبت السعر صار يضحك قلي مين بدو يثبتو قلتلو المركزي قلي وشو عم يستنى قلتلو ايمت بدو يطلع السعر قلي ماحدا بيعرف بس قرب كتير وعم تشوف بعينك شلون المركزي عم يفلت من ايدو السعر رغم كل الاجراء الي اتخذو

طالما طلبت رايي رح اشرح عدة نقاط
بالنسبة للنقطة هي ما فيني حلل لانو حوت عم يحكي
اني الي ببيعو بكل حياتي هو بجوز بساعة وحدة ببيعو
هي النقطة كمان متفقين عليها وجميعنا يعلم ذلك
انو يثبت السعر اكيد متل ما حكا
بس شو عم يستنى بالعكس اخي الكريم المركزي عمل جهد جبار للمحافظة على مستوى السعر الحالي وطلعة من 145 لل 155 على مدة شهرين بالنسبة الي جهد جبار يرفع للمركزي القبعة كرامة الها
اخي الي صار عنا مو قليل منوب ولولا المركزي كان هلا نحنا عم نشتري كيلو الشاي ب 10000
المركزي اخي الكريم عرفان السعر بدو يطلع من ايدو بس بنفس الوقت عم يحاول يطالعو شوي شوي وها يلي عم يساويه المركزي
المركزي اخي الكريم مشكلتو لما ترك السعر يوصل لل300 وبعدين نزلو ومو بس هيك صار يضارب كمان هون بقا في عدة احتمالات
انخفاض شراء ثم رفع بيع هون المركزي عم يشتغل لصالحو الشخصي
اما اذا كان ارتفاع بسيط ثم ارتفاع بسيط وهكذا هون المركزي بيكون عم يشتغل لصالح الشعب
لان في امور اجباري عنو بدو يرفع السعر
الله واعلم بس اذا صار الي ببالي بالفعل قرب كتير
بالاخر اخي الكريم هي تحليلي الشخصي ممكن اكون مخطئ وممكن اكون مصيب

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اخي عبد القادر شو رسى السعر عندك معلوماتي رجع حسن السعر( بتشديد السين)

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اقتباس:

المشاركة الأصلية كتبت بواسطة رشاد حج علي (المشاركة 330278)

اخي عبد القادر شو رسى السعر عندك معلوماتي رجع حسن السعر( بتشديد السين)

والله ما سئلت ليوم بس قالولي مرتفع وكانت ضحكت النو نو لورا دانيه وصار يلف عالكرسي دورة كاملة مبسوط وعامل يا ارض اشتدي محدى قدي .

رد: سعر صرف الدولار والذهب مقابل الليرة السورية اليوم الاربعاء 26 -02- 2014

بكرالنشوف الدهب

رد: سعر صرف الدولار والذهب مقابل الليرة السورية اليوم الاربعاء 26 -02- 2014

بظن اليوم افترق الدهب عن الدولار الدهب رجع والدولار قلبو قوي تم طالع

رد: سعر صرف الدولار والذهب مقابل الليرة السورية اليوم الاربعاء 26 -02- 2014

شو هو احتمال تدخل للمركزي يا ترا يا هل ترا؟

رد: سعر صرف الدولار والذهب مقابل الليرة السورية اليوم الاربعاء 26 -02- 2014

اقتباس:

المشاركة الأصلية كتبت بواسطة ryad (المشاركة 330288)

شو هو احتمال تدخل للمركزي يا ترا يا هل ترا؟

احتمال تدخل المركزي 0%
لن يتدخل المركزي قبل وصول السعر 165
راي شخصي