الأسهم السورية ( المضارب السوري)

الأسهم السورية ( المضارب السوري) (https://syria-stocks.com/forum/index.php)
-   أسعار صرف الدولار مقابل الليرة السورية وسعر الذهب بالليرة (https://syria-stocks.com/forum/forumdisplay.php?f=56)
-   -   سعر صرف الليرة مقابل الدولار 9-5-2012 (https://syria-stocks.com/forum/showthread.php?t=11824)

د.أبو محمد 09-05-2012 06:40 PM

رد: سعر صرف الليرة مقابل الدولار 9-5-2012
 
دخول قافلة المساعدات الانسانية (حق العودة) متجهة الى غزة عبر معبر كسب بالاذقية

najm 09-05-2012 06:40 PM

رد: سعر صرف الليرة مقابل الدولار 9-5-2012
 
استاذ محمد سمحلي اشكرك انت والاخ ابو عدنان وكل من ساهم بنشر الاسعار على تفانيكم في متابعتنا بأخر تطورات حركة الاسواق التي تهم كل تاجر ومضارب ودارس او متابع وحقيقتا اشهد بأن لهذا الموقع جاذبية خاصة لتفرده بنشر سعر الدولار في السوق الاسود وتميز اعضائه والقائمون عليه.

MBOSS 09-05-2012 06:47 PM

رد: سعر صرف الليرة مقابل الدولار 9-5-2012
 
تحياتي للجميع
يعني في شباب بتحب توزع اشاعات على الفاضي و بتسبب مشاكل عند البعض و بينأذى منها البعض
مع احترامي لكتير ناس بيحوكا بالمنتدى لكن تدخلات البنك المركزي باي دولة بالعالم واجب مثلا باليابان في عدة سوابق لتدخل المركزي لدعم الين امام الدولار وهي من اهم اقتصاديات العالم
اصلا انا بعيب على المركزي التاخر بالتدخل .
على كل بتمنى الناس تتعلم تشوف نص الكوب المليء و لا حدا يتمسخر و يحط افكار هدامة .
الي بيتذكر فترة الثمانينيات بيعرف انو علبة محارم ما كان في
و نوقف طابور منشان نعبي سمنة بالكيس و الزيت تبع الاكل بالبيدون ويلي عنده بالبيت 3 علبة محارم معناها لورد زمانه و مع ذلك دائما الضربة الي ما بتكسر ضهرك بتقويك
لك بيكفي المي الي بنستخدمها بالحمامات بيشتروها بمصاري باغلب الدول العربية و عفكرة انظف احيانا و على شرط
وخصوصا بالخليج .
احمدوا ربكم على عيشتكم انا مغترب صرلي 10 سنين وهي نصيحتي و لا تخربوا بلدكم و تزيدوا الطين بلة .

محمد s 09-05-2012 06:49 PM

رد: سعر صرف الليرة مقابل الدولار 9-5-2012
 
http://www.kitco.com/images/live/gold.gif

أبو صطيف 09-05-2012 07:01 PM

رد: سعر صرف الليرة مقابل الدولار 9-5-2012
 
لكل فرد من أفراد المنتدى وجهة تحترم لأبعد الحدود
لذلك أقول إن الوضع في سوريا سياسي بامتياز غير خاضع بنسبة كبيرة للمعايير الاقتصادية لأننا بصراحة وباختصار لسنا في دولة مؤسسات مع حبي الكبير والعميق لحبيبتي سوريا لكن هذا هو الواقع لذلك في كثير من الأحيان على رأى إحدى أخواتنا في المنتدى العكس هو الصحيح طبعا ً في كل الدول الوضع السياسي يؤثر لكن هناك فرق بين التأثر وبين الخوف من الانهيار انظروا إلى الغاز - المازوت - البنزين- الكهرباء ....الخ
فالوضع سيبقى سنة أو لن يرتفع فوق الـ70 أو خلال أيام سيغدو 150 وجهات نظر لا تعدو كونها كذلك والله تعالى أعلم



أسأل الله تعالى الخير والأمن والأمان لبلادنا إنه أكرم مسؤول

عابر مجيب 09-05-2012 07:08 PM

رد: سعر صرف الليرة مقابل الدولار 9-5-2012
 
اقتباس:

المشاركة الأصلية كتبت بواسطة salam l (المشاركة 196979)

بيصير فيهم متل اللي اشترى سهم سورية الدولي الاسلامي ب 1750...

ومتل اللي اشترى الدولار ب 100......



بيضل عايش وعم ياكل ويشرب وينام.... بس بيكون خسر شوية مصاري.... وعوضه على الله...

وبتكون اغلبية الناس استفادت... وهاد الحكي بينطبق على الدولار... أحب على قلبي شوفه ب 50

اقتباس:

المشاركة الأصلية كتبت بواسطة mouayad (المشاركة 196985)
صحيح كلامك هي اشترينا اسهم و خسرنا و لسه عايشين و الحمد لله و لسه عنا أمل
صحيح نزل الدولار و الدهب و الأسهم بعد ما اشتغلنا فيهم هههههههههه
بس منقول الحمد لله و الله يعوضنا خير

يعني ذكرتوني بواحد شحاد ماسك خبزة معفنة عم ياكلها ويقول أحمدك يارب .
مالقى إلا الخبطة جايتو من ظهرو وواحد عم يقلو ، لك على شو ياه ، أصلا مو مطمعو فينا غير أمثالك .
طبعا مو القصد التجديف ولكن توضيح الفكرة بشكل لاذع أشبه بالصور الكاريكاتورية .
وممكن يعتبر التراخي والتخاذل مخالف لما حثنا الله عليه من الأخذ بالأسباب وترك التواكل . عندما أقارن صحتي مع العليل وأشكر ربي وعندما أقارن شكلي مع شكل القرد وأقول الحمد لله أني ما بشبهو ، بكون عبد شكور، وهي صفة واحدة صح فقط ، وبكون مخالف بأكتر من عشر صفات أخرى حثنا الدين عليها . بدءا من : المؤمن القوي خير من المؤمن الضعيف .... وما يأمرنا الله به من السعي لتحسين حالنا ..... وهكذا .
تحياتي .

alahlicenter 09-05-2012 07:14 PM

رد: سعر صرف الليرة مقابل الدولار 9-5-2012
 
مبيع 68.65 الآن بحلب

عمر الرفاعي 09-05-2012 07:42 PM

رد: سعر صرف الليرة مقابل الدولار 9-5-2012
 
اقترب الدبوس من الفقاعة
وصعود اليوم رغم أنه خجول
ولكن المؤشر واضح

GoldMan$ 09-05-2012 07:54 PM

رد: سعر صرف الليرة مقابل الدولار 9-5-2012
 
اقتباس:

المشاركة الأصلية كتبت بواسطة عمر الرفاعي (المشاركة 197108)
اقترب الدبوس من الفقاعة


وصعود اليوم رغم أنه خجول

ولكن المؤشر واضح

ارتفاع اليوم طبيعي بسبب ارتفاع الدولار عالميا والله اعلم ...
وهبوط الذهب يجعل البعض يلتجئ الى الدولار بدلا من الذهب لذا قد يسبب ارتفاع بالطلب ...

د.أبو محمد 09-05-2012 07:59 PM

رد: سعر صرف الليرة مقابل الدولار 9-5-2012
 
حركةالسوق اليوم غير طبيعية مع وجود ارتفاع طفيف ولكن التداول ضيف جدا


الساعة الآن 05:15 AM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق محفوظة syria-stocks

This Forum used Arshfny Mod by islam servant