اغلق الدولار بطرطوس 106 - 107.5
وليس العرض فقط قليل والطلب قليل ايضا مع تخوف تدخل المركزي غدا او ضخ كميات من الدولار بالسوق

أخي مهند السيد أنس عاتب السيد باسل على خروجه على 104.5 صحيح و في هذا مناقضة للذات فإعلان السيد أنس عن سعر المبيع للذهب في حماة 4665 فالواقع يقول أنه خرج عند مستوى أدنى من المستوى الذي خرج به السيد باسل فعملية البيع بالواقع جرت على سعر 104 من السيد أنس
104*35.55/1594 = 4663 ال 1594 سعر الاونصة و هو النقطة التي باع بها السيد أنس
أما لجهة التناقضات فخلال ثلاث مشاركات نلاحظ ما يلي :

خليني ساكت احسن .. ياشباب يلي عما يقول انو الصرافين بحلب ما معهم سوري اي بتصير بس لفترة ساعات بوقفوا عمليات الشراء لبين ما تعود الكفة متساوية بين السوري والدولار ...صارت معي من قرابة 10 ايام لما رحت بدي بيع دولاري على 96 وقتها الصراف قال لي ماعاد عندي سيولة سوري بعد ساعة ما شفته الا اتصل فيني وقلي نزلهم على 96,50 يعني السوري بيتوفر بدقائق لانو الهامور لما بدو ينزل يشتري الدولار رح يشتريه بالسوري ....وهي اليوم الدولار شراء 106.50 مبيع 108 والذهب محسوب على 107 بصراحة انا ما عدت عارف شي بس لهلىء متماسك ومهدي اعصابي

بالنسبة الي تم الخروج اليوم لانو بكرى عطلة الصياغ وفيها حال اتخاذ اي اجراء انا مافيني بيع الذهب يلي عنديولا كنت بنتظر لبكرى لانو اليوم نفس سعر يوم الخميس وما تغير شي ....والمراهنة بكرى كبيرة على كل انا طلعت على نقطة 106.5 وكنت داخل على نقطة 94 تمنياتي للجميع بالتوفيق

انا يلي شفته اليوم بالسوق وخلاني اقدم على خطوة البيع اول الشي بلغ الدولار مستويات قياسيه ثاني شي كنت انزل على تجار الذهب على طول ما عندهم ذهب وبدك تثبت وبعد بيوم بتاخد الكمية اما اليوم فشفت فائض ذهب كسر كبير كتير عند كل التجار حتى البعض منهم ما عما يشتري لانو ما معو سيولة سوري ولانو صار عندو كمية ضخمة كتير من الذهب فالكل عما يبيبع والقليل يلي عما يشتري .

منيح وضعت كل التساؤلات حتى رد عليك وعلى الاخ مهند بنفس الوقت ...مين قال لك انو نقطة خروجي كانت 104.5 على اي أساس بنيت انت هل الشي ؟؟؟؟ انا ذكرت الساعة 2 العصر سعر الذهب الكسر بحماة 4665 شراء بس انا لما بيع وبشتري بيختلف سعري عن الباقين لانو ما بشتري كميات قليلة وما مبيع كميات قليلة والذهب يلي عندي مو ذهب كسر الذهب يلي عندي رمل وسعر الرمل بكون كمان اغلى من سعرالكسر ب15 ليرة اقل الشي ...وانا بعت الذهب يلي عندي على سعر 4715 احسبها انت وشوف على كم بعت الذهب يلي عندي وخبرني ....وبعدين
تاني شي تاجر الذهب بيختلف عن تاجر الدولار ...تاجر الدولار حصرا بكون رصيده سوري ودولار ...اما تاجر الذهب فبكون رصيده الاعظمي ذهب ورصيد صغير سوري ومابيلعب دور المضارب وتاجر الدولار ...واحد اعتماده على تداول الذهب والاخر اعتماده على تداول العملات فتجار الذهب اعتمادهم الاعظمي على الذهب اما تجار العملات فلازم يكون عندهم سيل كمي كبير من الليرة السورية وسيل كمي كبير من الدولار والذهب بتشتريه باي عمله وبتبيعه باي عمله اما الدولار بشو رح تشتريه ؟؟؟ ... وبيع الذهب بيختلف عن بيع الدولار تصريف الدولار من اسهل ما يكون وين ما كان فيك تصرفه بسوق الدولار بسوق الذهب بسوق العقارات بين الناس بعضها البعض اما الذهب فما فيك تصرفه الا بسوق الذهب واذا كان سوق الذهب مكتفي وين رح تصرفه ؟؟؟
اما بخصوص ملاحظتي على الاخ باسل هو باع ب104 واذا بدو يدخل بنقطة الدخول يلي حددتها يلي هي 102 بكون عما يخاطر منشان مربح 2 وما محرزة المخاطرة بينما يا غالي بتكون عملية مخاطرتي على 4.5 وفرق كبير بين 2 و 4.5 اذا كنت بتعرف شو معنى المضاربة ...واخير لاتتسرع بكتابة تعليق قطعي قبل ما تبدأ عن طريق النقاش او السؤال كما فعل اخوك واخي مهند ولو منتظرني رد عليه كنت عرفت الجواب بدون مايكون موجه الك بشكل شخصي

يبدو اختلط عليك الامر كمان وتسرعت بالرد متلك متل غيرك ...حتى بدون ما تنتظر ردي ولو قارىء مشاركتي يلي وضعت فيها خبر بيعي كنت ادركت نقطتين مهمات اول نقطة قلت السوق ما اختلف عن يوم الخميس ولو كان معي دولار ماكنت بعته اليوم وانت كان لازم تعرف انا كيف بشتغل من كل مداخلاتي ما مبيع على الحظ مامبيع الا لما بكون السهم نازل واليوم السهم ما كان نازل وما بشتري الا والسهم طالع هيك سياستي بالازمات والحروب ...اذا كلامك بيتوجه لي مرة تانية وبهيك طريقة فيها تجريح انا رح اضطر للانسحاب من المنتدى مو لشي بس لانك ما قدرت الامر بشكل تقديري وموضوعي وبالنهاية انا بعت ذهب اليوم مابعت دولار وكلشي بيختلف يعني لو بكرى صار الدولار ارتفع ل110 انا كنت رح استفيد ؟؟؟؟ ما كنت بستفيد لانو سوق الذهب مسكر ولو انخفض سعر الدولار كنت بخسر لانو اذا انخفض ما بينخفض الاحد وبيطلع الاثنين ...وبرد بقولها للجميع انا لو كان معي دولار ما مبيعه اليوم ولو ب110 لحتى شوف الدولار نازل

اقتباس:

المشاركة الأصلية كتبت بواسطة لقماان (المشاركة 257235) اخوتي : ان لم تخافوا من رقابة الله على نواياكم بالمشاركة .. فأنتم أحرار .. لكن انتبهوا الى مشاركاتكم و لا تركضوا وراء هوى في نفوسكم يجعلكم تلبسون الحق بالباطل ... .................................... هناك من يقصد الاساءة بمشاركات مدسوسة.... و هناك من لا يقصد الاساءة لكنه يكتب على أمل ارتفاع سعر الدولار بعد أن يشتريه... و عندما يبيعه يكتب على أمل اخفاض سعره.... و يقع بالمحظور من حيث لا يدري ...... ......................................... انتبه .....الجهاز الأمني عنا بالمنتدى قوي للغاية...

ذكرتني اخي لقمان بمسلسل حكم العدالة .الذي لا يمت لواقعنا ولا لواقع الشرطه ولا لواقع محاكمنا بشئ ههههاطمئن اخي لقمان لن يؤثر احد بالمنتدى على سعر الدولار
والف شكر لحرصك على مصدأقية المنتدى

لك حتى بسعر الاونصة مزودها بس منشان تبين للاخرين انو بعت باقل من سعر الاخ باسل Big Grin ياصديقي الاونصة 1591 والدولار بروح وبينجبر على 90 يعني على 1590 وهادا سعر اغلاق مو سعر افتتاح