المساعد الشخصي الرقمي

مشاهدة النسخة كاملة : محافظة دمشق: التعدي على الرصيف بـ2500 ليرة..ومتر الشوارع العامة بـ6500 ليرة

Rihab
23-10-2011, 10:55 AM
أكد مصدر خاص في محافظة دمشق لـ (داماس بوست) أن الحملة التي بدأت شرطة محافظة المدينة بتنفيذها مؤخراً في الأحياء تجاه إشغالات الأرصفة والشوارع العامة هذفها إزالة هذه التعديات والتشوهات البصرية التي تعتري الأسواق والساحات والشوارع العامة بشكل أصبحت معه هذه الأماكن حقاً مكتسباً لأصحاب المحال التجارية والمطاعم والمنشآت الخدمية الذين يرفضون مشاركة صاحب الحق الأصلي (المواطن) في هذا الحق.

وأضاف المصدر ان دوريات شرطة المحافظة بدأت فعليا بتنظيم الضبوط القانونية بحق المخالفين إضافة الى الغرامات المادية التي تراوحت بين 550 و2500 ليرة لكل متر مربع من الأرصفة العامة و6500 ليرة للشوارع العامة.

داماس بوست
مجد
23-10-2011, 11:10 AM
نرحب بهذا الامر اذا طبق فعليا على الجميع دون استثناء !
ابو حمادة
23-10-2011, 12:33 PM
المشكلة بالخيار والفقوس ؟
مجد
23-10-2011, 01:28 PM
يوجد اكشاك مساحتها لا تتجاوز الاربع امتار ولكن المساحة الفعلية التي تاخذها من الرصيف حوالي20متر .مع اخذ الرصيف كاملا .وهذا من سنوات وليس من ايام اين المحافظة !!! يوجد كشكين بنفس الصفة امام كراج السويداء و درعا وغيرهم كثير !
سندباد
23-10-2011, 11:14 PM
اي و رصيف و شارع حي الميدان الشهير

الحلونجية احتلوا الرصيف من عشر سنين اما في الاعياد فالشارع يحتل من قبلهم بصوانيهم المزخرفة بالحلويات مالذ وطاب

هدول بدون ياكلوا المخالفة ولااااااااااااااااا بغمزولون شي غمزة بهي الحلويات للشرطي....

حسبنا الله ونعم الوكيل
Salam L
23-10-2011, 11:31 PM
ومطاعم اتوتستراد المزة اللي احتلت الارصفة هي مين عم يحاسبها؟؟

وبالذات مطعم سهارى صار نص المطعم على الرصيف...

فعلا عيب تخنوها
ابو تيم
24-10-2011, 06:26 PM
شكلون بلشوا بتطبيق القانون مشان يلموا مصاري لموازنة ٢٠١٢

من دهنوا سقيلوا
د.وائل نحاس
24-10-2011, 10:23 PM
ومطاعم اتوتستراد المزة اللي احتلت الارصفة هي مين عم يحاسبها؟؟

وبالذات مطعم سهارى صار نص المطعم على الرصيف...

فعلا عيب تخنوها

وقت قرأت العنوان فورا خطر بيبالي سهارا على استراد المزة طلع في مين فكر متلي
لنشوف هالمرة اذا فيها خيار و فقوس متل العادة
Salam L
24-10-2011, 11:09 PM
وقت قرأت العنوان فورا خطر بيبالي سهارا على استراد المزة طلع في مين فكر متلي
لنشوف هالمرة اذا فيها خيار و فقوس متل العادة

هاد المطعم بالذات فوق كل القوانين... واله سارق الرصيف شي عشر سنين على الاقل.... هاد اذا ماقلنا 15... وكل كم سنة بيتمدمد شي متر لبرا... لحتى وصل على الزفت....
سندباد
25-10-2011, 01:14 PM
هاد المطعم بالذات فوق كل القوانين... واله سارق الرصيف شي عشر سنين على الاقل.... هاد اذا ماقلنا 15... وكل كم سنة بيتمدمد شي متر لبرا... لحتى وصل على الزفت....


يا محلا عندكون مطعم واحد معتدي...... بشارع الميدان في شي عشرين محل معتدي على الرصيف ...ومو بس الرصيف بالاعياد عل الشارع العام تبع السيارات بفردوا هلصواني شي بعجوة وشي بفستق وشي مبرومة وشي غريبة و شي يلي فاتح تمواااااااا...... ايييييييه شو بدي عد لعد

بس للحق يقال كتر خيرون بخلوا مجال فقط لسيارة واحدة تمر بين الصواني ...:confused:

يعني مرة بمر زلمة بين الصواني و مرة بتمر سيارة والشاطر يلي مابدق بين الصواني..

شي متل الكذب الله وكيلكون.....
BROKER
26-10-2011, 01:10 AM
ومطاعم اتوتستراد المزة اللي احتلت الارصفة هي مين عم يحاسبها؟؟

وبالذات مطعم سهارى صار نص المطعم على الرصيف...

فعلا عيب تخنوها


عيـــــــــب

شو ما بتعرفي لمين هاد المطعم ؟؟


هلا انا بصراحة بستغرب من الزباين انو شلون فرحانين بهيك قعدة كلها استنشاق ثاني اوكسيد الكربون من غاز السيارات ؟؟؟ نحنا بهمنا نقلد بالشكل اما المضمون فان شاء الله عمرينو