الدفعة الثانية لبنك البركة [الأرشيف] - الأسهم السورية ( المضارب السوري)

مضارب كويتي

09-10-2011, 10:24 PM

بسم الله الرحمن الرحيم
السلام عليكم ورحمة الله تعالى و بركاته
أرجو من الأخوة الكرام أعضاء المنتدى افادتنا عن معلوماتكم عن الدفعة الثانية لبنك البركة والتي كانت مقررة في شهر 9 أو شهر 10 كما سمعت .
ما الجديد بهذا الموضوع أفيدونا أفادكم الله
ولكم الشكر والتقدير وجزاكم الله كل خير

مجد

10-10-2011, 06:26 AM

الوقت غير معروف تماما .

المستثمر الصغير

10-10-2011, 10:01 AM

لا تعلي صوتك لا احد يسمعك Big GrinBig GrinBig Grin
دفعة مين :eek: والناس نايمين :confused2:

no82ur

10-10-2011, 05:43 PM

معهم لسه لشهر 10 سنة 2012 لانو بيكون صار 3 سنين عالدفعة الاولى وهو اخر موعد والحد الاقصى

Ahmad Hamdi AlSharif

10-10-2011, 05:56 PM

أخي الكريم البنك حاليا لن يقوم بطلب الدفعة الثانية من المساهمين وذلك بسبب الاوضاع الحالية والتخوف من عدم إقبال المساهمين على سداد الدفعة الثانية المطلوبة ولكن حاليا لا أحد يعرف الوقت الذي سيطالب البنك فيه بالدفعة الثانية بس الشيء المعلوم الوحيد هو أن البنك لن يطلب حاليا في ظل هذا الوضع السيء

ابراهيم طاهر

11-10-2011, 03:45 PM

:eeek: اي بنك يطلب زيادة رأسمالة هو بمثابة انتحار له فذلك سيفاقم وضع البنك والسوق فانت تستطيع ان تشترى الآن الاسهم بأقل بكثير من القيمة الاسمية .
والنتيجة المقاطعة للاكتتاب :eeek:

مجد

12-10-2011, 02:32 AM

معهم لسه لشهر 10 سنة 2012 لانو بيكون صار 3 سنين عالدفعة الاولى وهو اخر موعد والحد الاقصى
هذا القرار الغي بشكل تلقائي .بقرار زيادة راسمال البنوك الاسلامية الى 15 ملياروفق جدولة .بس الظروف الحالية هي اخرت الموضوع

د.وائل نحاس

13-10-2011, 01:06 PM

موعد الدفعة الثانية لبنك البركة من 1 - 11 - 2011 حتى 15 - 12 - 2011

BISO

13-10-2011, 02:44 PM

موعد الدفعة الثانية لبنك البركة من 1 - 11 - 2011 حتى 15 - 12 - 2011

marsamarsamarsa

فهد

13-10-2011, 05:25 PM

موعد الدفعة الثانية لبنك البركة من 1 - 11 - 2011 حتى 15 - 12 - 2011

استعدو يا مالكي أسهم البركة

angel

03-11-2011, 04:51 PM

marsaطيب اللي مابيدفع شو بيصير يعني الوقت قليل والظروف الحالية اقل مايقال انو غير مناسبة

فهد

06-11-2011, 04:51 AM

يالي ما بيدفع
اذا انباعو الاسهم 250 ليرة
بيكون خسر كل شي

فهد

06-11-2011, 05:06 AM

ليش مين معو ليدفع

مجد

06-11-2011, 01:24 PM

يالي ما بيدفع
اذا انباعو الاسهم 250 ليرة
بيكون خسر كل شي
باقي وقت طويل ليحددوا وقت المزاد لذلك الخوف غير مبرر .بس الاخوة يتابعوا المنتدى.من المهم جدا معرفة اخبار كافة الشركات التي نحن مساهمين فيها بشكل دائم .

i.kusibati

06-11-2011, 06:17 PM

دعونا نطالب بالتمديد لربما تتعاطف ألأدارة معنا في حال النوايا صافية من طرفها .

فهد

06-11-2011, 09:50 PM

باقي وقت طويل ليحددوا وقت المزاد لذلك الخوف غير مبرر .بس الاخوة يتابعوا المنتدى.من المهم جدا معرفة اخبار كافة الشركات التي نحن مساهمين فيها بشكل دائم .

نعم أخ مجد يوجد وقت طويل للمزاد

فهد

06-11-2011, 09:51 PM

انا بعتقد انو ما حدا راح يسدد
لقبل بيوم من المزاد

فهد

06-11-2011, 10:02 PM

دعونا نطالب بالتمديد لربما تتعاطف ألأدارة معنا في حال النوايا صافية من طرفها .

بدون طلب راح يمددو

مجد

06-11-2011, 11:08 PM

دعونا نطالب بالتمديد لربما تتعاطف ألأدارة معنا في حال النوايا صافية من طرفها .
البنك لاعلاقة له بتوقيت طلب الدفعة الثانية .

i.kusibati

07-11-2011, 12:22 AM

البنك لاعلاقة له بتوقيت طلب الدفعة الثانية .

عزيزي هل تقصد بأن قرار البنك غير قانوني ويجب أن يكون طلب تسديد الدفعة الثانية صادر عن مجلس إدارة البنك.

معنى ذللك انه ممكن الطعن فيه.

مجد

07-11-2011, 12:33 AM

لا. قصدي ان المركزي او الهيئة هي وراء استعجال الدفعة الثانية .

i.kusibati

07-11-2011, 12:50 AM

لا. قصدي ان المركزي او الهيئة هي وراء استعجال الدفعة الثانية .

شكرا
معنى ذللك لا يوجد باليد حيله .

فهد

07-11-2011, 02:45 AM

يعني جهزوا المصاري

مجد

07-11-2011, 02:45 PM

مازال معنا وقت عدة اشهر .ومعنا وقت قبل المزاد بيوم او يومين .وسيعلم الجميع وقت المزاد .

يمين الشبكة

14-11-2011, 10:16 AM

????????????????

GoldMan$

19-11-2011, 12:20 PM

شباب التسديد وين ؟؟ بنفس البنك اللي اكتتبت فيه ولا بالبنك الرئيسي للبركة :confused2:

فهد

19-11-2011, 12:40 PM

مو شرط بالبنك الرئيسي

فهد

19-11-2011, 12:44 PM

بكير على التسديد

خالد الحاج

19-11-2011, 08:18 PM

شباب التسديد وين ؟؟ بنفس البنك اللي اكتتبت فيه ولا بالبنك الرئيسي للبركة :confused2:

في أحد فروع بنك البركة سورية في كلٍ من محافظات دمشق – حمص – حماة – حلب , وفي فروع بنك سورية الدولي الإسلامي في كل من المحافظات التالية: اللاذقية – طرطوس – دير الزور – درعا – ادلب – الحسكة - الرقة.

abodeh1985

20-11-2011, 09:53 AM

معا لمقاطعة الدفعة الثانية من بنك البركة
عفوا ادارة البركة هل انتم تعيشون في المريخ !!!
دفعة تانية شو والناس نايمين
حسبي الله ونعم الوكيل عليكم
طالما معكم وقت حتى 2012 ليش استعجلتو طلب الدفعة الثانية بهالوقت المقرف هاد
ما رح سدد الدفعة الثانية وروحو بلطو البحر
تبهدلنا وخسرنا الكتير بالاسهم ، بقى معد تفرق معي
وحسبي الله ونعم الوكيل فيكم مرة تانية
عذرا ان كنت قد اسات لاحد
شكرا جزيلا

خالد الحاج

20-11-2011, 11:39 AM

اخي عبوده كلنا مارح نسدد في الوقت الحالي 000لكن النصيحة هي ان تقوم بالتسديد قبل المزاد بيوم في حال كان سعر السهم مناسب 0000او دخول االمزاد وشراء اسهمك بسعر منخفض
افضل من تعرضك لخسارة كبيرة في حال عدم التسديد نهائيا0

مجد

20-11-2011, 01:57 PM

البنك لايقوم بالتوضيح لمساهمين انه معهم مجال للتسديدحتى قبل المزاد بيوم وايضا معهم مجال لشراء اسهمهم من المزاد(وممكن المزاد يتاخر لعدة اشهر كما حصل ببنك الشام) اذا كان السعر رخيص وتركها تباع اذا اعجبه السعر .بعض المساهمين هلعوا حين طلب البنك الدفعة الثانية ويبعوا اسهمهم باسعاراقل من سعر الاكتتاب !!!!

فهد

20-11-2011, 05:06 PM

من المتوقع تمديد فترة الدفع

Hisham AA

23-11-2011, 01:50 PM

:maad:
وأنا معكم لمقاطعة الدفعة الثانية من بنك البركة
ما رح سدد الدفعة الثانية لانو الأحوال تعبانة
بس يا خوفي اندم على هالتصرف
يا جماعة شو اسوء سيناريو؟؟ :confused2:
شكرا

مجد

23-11-2011, 05:25 PM

[QUOTE=hish;135439]:maad:
وأنا معكم لمقاطعة الدفعة الثانية من بنك البركة
ما رح سدد الدفعة الثانية لانو الأحوال تعبانة
بس يا خوفي اندم على هالتصرف
يا جماعة شو اسوء سيناريو؟؟ :confused2:

QUOآ

آخر شئ يباع الاسهم بالمزاد وربما تكون احسن السيناريوهات .لانه للنظر للتجارب السابقة غالبا يباع السهم بالمزاد بسعر اعلى من سعر السوق .والامثلة
1-اسمنت البادية كان سعر السهم فبل المزاد حوالي 500ليرة وبالمزاد وصل سعر السهم لحوالي 775 ليرة
2- المزاد الاول لبنك الشام وصل اعلى سعر للسهم بالمزاد الى1900ليرة علما انه اعلى سعر له قبل المزاد 1400ليرة تقريبا.
وبالنهاية صاحب الاسهم الذي سيخوض التجربة ان يستمر بها لاخرها !!!!!
وسيتابع المنتدى بشكل دائم لاننا سنتكلم عن كل مرحلة قبل ادراج السهم .

angel

28-11-2011, 01:49 AM

مشكورين عالمعلومات بس انا بدي شاركن براي نصحوني فيه وانت عطوني رايكن انا نصحوني انو ما سدد وما روح عالمزاد وانو خلص مافي داعي يعني الاسهم رايحة بكل الاجوال معقول يكون هيك طبعا بسبب العقوبات الجديدة انو المصارف ممكن تسكر وتروح طيب بفرض صار انو البنك سكر فرعو بسورية شو بيصير بالمكتتبين؟؟

فهد

28-11-2011, 02:19 AM

مشكورين عالمعلومات بس انا بدي شاركن براي نصحوني فيه وانت عطوني رايكن انا نصحوني انو ما سدد وما روح عالمزاد وانو خلص مافي داعي يعني الاسهم رايحة بكل الاجوال معقول يكون هيك طبعا بسبب العقوبات الجديدة انو المصارف ممكن تسكر وتروح طيب بفرض صار انو البنك سكر فرعو بسورية شو بيصير بالمكتتبين؟؟

بالعكس ياريت هالبنوك الجديدة الخسارة
بتسوي تصفية وتنحل
وبالتالي بترجع جزء كبير من اموال المكتتبين

المستثمر الصغير

28-11-2011, 12:19 PM

[quote=hish;135439]:maad:
وأنا معكم لمقاطعة الدفعة الثانية من بنك البركة
ما رح سدد الدفعة الثانية لانو الأحوال تعبانة
بس يا خوفي اندم على هالتصرف
يا جماعة شو اسوء سيناريو؟؟ :confused2:

quoآ

آخر شئ يباع الاسهم بالمزاد وربما تكون احسن السيناريوهات .لانه للنظر للتجارب السابقة غالبا يباع السهم بالمزاد بسعر اعلى من سعر السوق .والامثلة
1-اسمنت البادية كان سعر السهم فبل المزاد حوالي 500ليرة وبالمزاد وصل سعر السهم لحوالي 775 ليرة
2- المزاد الاول لبنك الشام وصل اعلى سعر للسهم بالمزاد الى1900ليرة علما انه اعلى سعر له قبل المزاد 1400ليرة تقريبا.
وبالنهاية صاحب الاسهم الذي سيخوض التجربة ان يستمر بها لاخرها !!!!!
وسيتابع المنتدى بشكل دائم لاننا سنتكلم عن كل مرحلة قبل ادراج السهم .

مع اختلاف كبيييييييييير بالظروف وعدد المتخلفين عن السداد
سيكون التشابه بالاسم ( مزاد اسهم المتخلفين عن السداد) فقط
بل ممكن يباع السهم ب 255 ليرة شامل القسط الثاني في حال كان المزاد قريب يعني اذا اقيم في الظروف الحالية التي يعيشها اقتصادنا ،،،،

لن يباع السهم بالمزاد بسعر اعلى من القيمة الاسمية للسهم بل اقل بكثيييييير

والله اعلم

المستثمر الصغير

28-11-2011, 12:23 PM

اكتر المتضررين بالقطاع الخاص هم البنوك وقد نرى بنوك تعلن افلاسها لنقص السيولة الكبييييييير
لاسمح الله

abodeh1985

29-11-2011, 02:02 PM

اخي عبوده كلنا مارح نسدد في الوقت الحالي 000لكن النصيحة هي ان تقوم بالتسديد قبل المزاد بيوم في حال كان سعر السهم مناسب 0000او دخول االمزاد وشراء اسهمك بسعر منخفض
افضل من تعرضك لخسارة كبيرة في حال عدم التسديد نهائيا0
اخي الكريم
ممكن توضح اكتر بخصوص دخول المزاد وشراء الاسهم بسعر منخفض
وهل يسمح لصاحب الاسهم بشراء اسهمه بالمزاد العلني
واستفسار صغير اخر اذا بتريد
اذا ما بيعت اسهمي بالمزاد العلني ماذا سيحل باسهمي التي سددت ثمنها ب250 ل.س للسهم هل يعني خسرتها كلها وراحت اموالي سدا
وبدي نصيحة نهائية شو سوي بخصوص الدفعة الثانية

يمين الشبكة

29-11-2011, 02:59 PM

ههه ههه ههه ههه ههه ههه ههه ههه
أخر النكتة
بعتولي رسالة للتسديد لبنك البركة
ههه ههه ههه ههه ههه ههه

مجد

29-11-2011, 07:35 PM

اخي الكريم
ممكن توضح اكتر بخصوص دخول المزاد وشراء الاسهم بسعر منخفض
وهل يسمح لصاحب الاسهم بشراء اسهمه بالمزاد العلني
واستفسار صغير اخر اذا بتريد
اذا ما بيعت اسهمي بالمزاد العلني ماذا سيحل باسهمي التي سددت ثمنها ب250 ل.س للسهم هل يعني خسرتها كلها وراحت اموالي سدا
وبدي نصيحة نهائية شو سوي بخصوص الدفعة الثانية

يحق لك ان تسدد قبل المزاد بيوم ويحق لك شراء اسهمك بالمزاد .يعني مافي خسارة الارسوم بسيطة .فائدة عدم التسديد الان هي كثيرة .نحن راينا ان سعر الدولار كانب 46 تقريبا والان هو بحدود60 ليرة ومن هنا لشهرين ثلاثة شهور يفرجها الله ويمكن يتاخر المزاد اكثر .بنك الشام ظل حوالي سنة .

خالد الحاج

29-11-2011, 08:55 PM

اخي الكريم
ممكن توضح اكتر بخصوص دخول المزاد وشراء الاسهم بسعر منخفض
وهل يسمح لصاحب الاسهم بشراء اسهمه بالمزاد العلني
واستفسار صغير اخر اذا بتريد
اذا ما بيعت اسهمي بالمزاد العلني ماذا سيحل باسهمي التي سددت ثمنها ب250 ل.س للسهم هل يعني خسرتها كلها وراحت اموالي سدا
وبدي نصيحة نهائية شو سوي بخصوص الدفعة الثانية
أخي الكريم اجابة اخونا بشار كافية ووافية وأضيف:
يجب عليك المتابعة والمراقبة لأخبار البنك ووضع السهم يشكل مستمر وحسب الوقت والحالة تجنبا للخسارة وجميع الأخوة مشكورين بيقدموا النصح ولاسيما من يملك الخبرة مثل الأخ بشار مشكورا0

فهد

30-11-2011, 04:58 AM

يا اخي لن يسدد احد

no82ur

01-12-2011, 12:28 AM

شلون الاقبال عالدفعة التانية ........معدومة . التردد تعبني اكتر من الدفع ذاتو .......ايمت ممكن يكون المزاد وشو رح يكون سعر الافتتاح وممكن يكون البيع باقل من الكلفة 250 ليرة

مجد

01-12-2011, 12:51 AM

شلون الاقبال عالدفعة التانية ........معدومة . التردد تعبني اكتر من الدفع ذاتو .......ايمت ممكن يكون المزاد وشو رح يكون سعر الافتتاح وممكن يكون البيع باقل من الكلفة 250 ليرة
مثل مابيقولوا (مغسل وضامن جنة مابيصير )
يعني اسوا سيناريوا خسارة عمولة المزاد فقط !!
ولكن قي احتمال سيناريوا اخر وهو ان يتاخر تسديد الدفعة الثانية لفترة طويلة ووقتها
احتمال ان يكون السوق عاد للارتفاع ويباع السهم بسعر ممتاز نسبيا

angel

01-12-2011, 01:01 AM

طيب شو هية عمولة المزاد ومنقدر نسدد قبل المزاد بيوم ولا ما بيمشي الحال؟؟

مجد

01-12-2011, 01:05 AM

طبعا بتقدر تسدد قبل المزاد بيوم او يومين .مالم يصدر قرار يخالف هذا
عمولة المزادكل شركة تاخذ عمولة مختلفة عن الاخرى ممكن نسالهم قبل المزاد بكم يوم

i.kusibati

01-12-2011, 01:24 AM

يا اخي لن يسدد احد

أنا مع عدم التسديد ولكن مع التمديد.

مجد

01-12-2011, 01:42 AM

سيتم التمديد باذن الله لانه الوقت غير مناسب .بس البنك عم يستفيد من بدا المهلة باجبار من يريد البيع على التسديد.
وهذا جيد له (البنك)ولنا .يعني ولو ظل التسديد لسنه مومشكلة (بهذا الاسلوب).وعندما يتحسن السوق نحن سنطالب البنك بسرعة المزاد!ونحن سنستفيد من المبالغ المسددة (كاش للبنك) .رغم الظلم الذي سيقع على من سدد ولكن القرار ليس بيدنا ولا بيد البنك بتوقيت الدفعة الثانية .

فهد

01-12-2011, 11:56 AM

التمديد شبه اكيد
شفنا بنك الشام

فهد

01-12-2011, 11:57 AM

أنا مع عدم التسديد ولكن مع التمديد.

مجرد عدم التسديد
راح يتم التمديد

BATERDOUK

02-12-2011, 11:35 AM

السادة الأكارم لم أكن أنوي الدفع حالياً(قبل المزاد بشوي سأدفع) , لكن موظفة بنك البركة أكدت لي أن كل شخص لم يدفع بنهاية تاريخ 15/12 ستباع أسهمه بالمزاد وقد كررت عليها أكثر من مرة أن هذا ليس ماحصل مع بنك الشام ولكنها أصرت على كلامها , فأرجوكم هل هناك قرارجديد لم أسمع به , أم أن كلامها غير صحيح. أرجوكم ساعدوني

Ghassan Tahtah

02-12-2011, 01:19 PM

السلام عليكم ..
أنا مغترب واشتركت بأسهم بنك البركة وعندي وكيل بسوريا وأرغب بالتسديد ولكنني لم أستطع الحصول على المعلومات الكافية. نرجو توفير تفاصيل أكثر ..
مع السكر والتقدير لكم جميعا ..

Rocky

02-12-2011, 04:44 PM

السادة الأكارم لم أكن أنوي الدفع حالياً(قبل المزاد بشوي سأدفع) , لكن موظفة بنك البركة أكدت لي أن كل شخص لم يدفع بنهاية تاريخ 15/12 ستباع أسهمه بالمزاد وقد كررت عليها أكثر من مرة أن هذا ليس ماحصل مع بنك الشام ولكنها أصرت على كلامها , فأرجوكم هل هناك قرارجديد لم أسمع به , أم أن كلامها غير صحيح. أرجوكم ساعدوني

هاد الحكي غير صحيح
بإمكانك التسديد حتى قبل المزاد بيوم
كلام مؤكد من مصادر من اعضاء مجلس الادارة
غالبا سيتم التمديد حالياً

moustafa

03-12-2011, 02:28 PM

تحية طيبة
اقترح على ادارة البنك تاجيل موعد الدفعة الثانية لبنك بركة
وتحديد موعد لاحق ,رافة بصغار المساهمين
نظرا للظروف التي تمر بها بلادنا الحبيبة
وشكرا

i.kusibati

03-12-2011, 06:19 PM

تحية طيبة
اقترح على ادارة البنك تاجيل موعد الدفعة الثانية لبنك بركة
وتحديد موعد لاحق ,رافة بصغار المساهمين
نظرا للظروف التي تمر بها بلادنا الحبيبة
وشكرا

أوافقك على أقتراحك و نأمل من مجلس إدارة البنك إعادة النظر بتسديد القسط الثاني لوقت لاحق .

BISO

08-12-2011, 02:52 PM

بنك البركة سورية يتوسع في حلب ويواصل استكمال رأس المال

أعلن بنك البركة سورية وضمن خططه في التوسع والانتشار لعام 2011, عن افتتاح فرعه في شارع الفرقان في محافظة حلب, وذلك لتغطية احتياجات متعامليه في معظم المحافظات والمدن السورية وبذلك يكون قد أصبح للبنك ثماني منافذ تغطي أربع محافظات هي ( دمشق – حمص – حماة – حلب).

وفي تصريح صحفي حول هذا الموضوع, أكّد الرئيس التنفيذي لبنك البركة سورية محمد عبد اللّه حلبي, أن البنك ماضٍ في هذه السياسة التي من شأنها تلبية احتياجات الأخوة المواطنين أينما تواجدوا, كما أنها تساعد على خلق المزيد من فرص العمل في السوق السوري الذي هو أحوج ما يكون إلى ذلك الآن, حيث تم خلال الأسبوع الحالي افتتاح فرع الفرقان في محافظة حلب وسبقه بشهر افتتاح فرع أبو رمانة بدمشق.

وفي سياق متصل أشار حلبي إلى أن البنك كان قد بدأ حملة استكمال رأسماله البالغ خمسة مليارات ليرة سورية من خلال دعوة السادة مساهمي البنك لتسديد القسط الثاني من قيمة أسهمهم والبالغ 250 ليرة سورية.

وعن الفترة الممنوحة للمساهمين لتسديد القسط الثاني, أفاد الحلبي أنه تم منح المساهمين /45/ يوماً تبدأ من 1/11 ولغاية 15/12/2011 وقد تم منح هذه الفترة مراعاة للظروف والأوضاع الحالية, ولكي تكون فترة كافية للتسديد, وبغية تسهيل التواصل مع المساهمين الراغبين بالاستفسار عن أية معلومة تتعلق بتسديد قيمة أسهمهم تم اطلاق مركز الاتصال الخاص ببنك البركة سورية ليقوم بالرد والإجابة على هذه الاستفسارات خلال ساعات الدوام الرسمي للبنك ويمكن للسادة المساهمين والجمهور الاتصال بهذا المركز على الرقم الرباعي 9525-011

وفي سؤال عن الإجراءات التي ستتخذ بحق المساهمين الذين يتخلفون عن تسديد القسط الثاني من قيمة أسهمهم , بداية أمل السيد حلبي بأن لا يكون هناك أي تخلف في التسديد, لأن ذلك سيؤدي إلى اتخاذ الإجراءات القانونية بحق المتخلفين عن التسديد وهي بيع كامل الأسهم في المزاد العلني مما قد يلحق أضرار مادية بهؤلاء المساهمين, وتمنى حلبي على جميع المساهمين للمبادرة إلى تسديد القسط الثاني من رأس المال خلال الأسبوع الأخير من المدة الممنوحة للتسديد, كي لا يضطر البنك لاتخاذ هذه الإجراءات

arnouri

08-12-2011, 04:25 PM

مما قد يلحق أضرار مادية بهؤلاء المساهمين, وتمنى حلبي على جميع المساهمين للمبادرة إلى تسديد القسط الثاني من رأس المال خلال الأسبوع الأخير من المدة الممنوحة للتسديد, كي لا يضطر البنك لاتخاذ هذه الإجراءات

قال بنك اسلامي
والظروف التي تمر بها البلاد والاحوال الأقتصادية -
وخصوصا انها زيادة وليست قروض
اذن البنوك الربوية أحسن من هذه البنوك التي تدعي انها تقوم على الشريعه الاسلاميه
فقد قامت البنوك الربويه بجدوله القروض لمن يرغب بذلك بدون تعرضه للغرمات

خالد الحاج

08-12-2011, 06:47 PM

ياحسافة على هيك بنوك وهيك قرارات 0000
المهم عندهم تأمين راس المال دون اي رحمة
فالمساهم على الحالتين بهالظروف خسران0000في حال التسديد يكون دفع قيمة السهم 500 والسعر السوقي لايتجاوز425
وفي حال عدم التسديد والذهاب للمزاد قد تذهب الدفعة الأولى هباء منثورا!!!!!!!!!!!!!!!!!!!!!!!!

GoldMan$

08-12-2011, 07:01 PM

لأسف رح اسدد الدفعة التانية بس رح اجلها ليوم الاربعاء او الخميس القادم ربما بيطالعوا تمديد مهلة التسديد ...
لأنو اذا ما سددت رح اضطر سدد قبل المزاد واعتقد انو التسديد لازم يكون بأحد فروع بنك البركة
وباللاذقية مافي فرع .. وبصراحة السفر الى دمشق صاير مشكلة ؟؟؟ !!!! :maad:

ياريت اذا حدا من الشباب اتأكد من موضوع تمديد المهلة بالاسبوع القادم يخبرنا مشان ما اسدد الدفعة التانية الا لانتهاء التمديد ان وجد !!!

فهد

08-12-2011, 08:25 PM

طلب الدفعة الثانية
هو فشل ذريع

angel

08-12-2011, 10:30 PM

يعني هنة عم يطلبو الدفعة التانية مشان يفتحو فروع جديدة العفا على هل منطق قال شو بنك اسلامي

غسان

08-12-2011, 11:16 PM

يا جماعة الحق عالمركزي والهيئة هم من يلزمون البنوك بزيادة رأس المال في وقت قصير
والبنك يجب ان يكمل ثمن السهم ....ولا علاقة بكون البنك اسلامي او تقليدي
كل البنوك تعاني من القوانين غير المنطقية والعلمية

ومع ذلك لن نسدد لن نسدد لن نسدد

سدد الله خطاكم لعدم التسديد الا باخر لحظة جكارة بالقوانين الظالمة

فهد

09-12-2011, 12:24 AM

يا جماعة الحق عالمركزي والهيئة هم من يلزمون البنوك بزيادة رأس المال في وقت قصير
والبنك يجب ان يكمل ثمن السهم ....ولا علاقة بكون البنك اسلامي او تقليدي
كل البنوك تعاني من القوانين غير المنطقية والعلمية

ومع ذلك لن نسدد لن نسدد لن نسدد

سدد الله خطاكم لعدم التسديد الا باخر لحظة جكارة بالقوانين الظالمة
انا مع الاقتراح

مجد

09-12-2011, 07:21 AM

لأسف رح اسدد الدفعة التانية بس رح اجلها ليوم الاربعاء او الخميس القادم ربما بيطالعوا تمديد مهلة التسديد ...
لأنو اذا ما سددت رح اضطر سدد قبل المزاد واعتقد انو التسديد لازم يكون بأحد فروع بنك البركة
وباللاذقية مافي فرع .. وبصراحة السفر الى دمشق صاير مشكلة ؟؟؟ !!!! :maad:

ياريت اذا حدا من الشباب اتأكد من موضوع تمديد المهلة بالاسبوع القادم يخبرنا مشان ما اسدد الدفعة التانية الا لانتهاء التمديد ان وجد !!!

الشئ الاكيد انهم لم يمددوا المهلة الان .ولكن هذا احتمال وارد بعد انتهاء فترة التسديد الحالية .
نحن اقترحنا عدم التسديد ولكن لكل رايه .لانه هو من يدفع الخسارة ان وجدت او من سيحصد
الربح ان وجد .القرار قرار المكتتب بس التجارب السابقة باسمنت البادية وبنك الشام ربح كثيرا
كثيرا من لم يسدد .بس لكل حالة ظروفها .ونحن نرى من سدد اول يوم واخر يوم كان الفرق
حوالي 10 بالمئة على الاقل بسعر الذهب والدولار (ربح فرق بالسعر)هذا مبدئيا .

العربي

09-12-2011, 11:32 AM

اذا كنت متفائل سدد و اذا كنت متشائم لاتسدد
على أن لاتفرط في التفاؤل و لاتفرط في التشائم
فهمتو شي
:confused2::confused2::confused2::confused2::confu sed2::confused2::confused2::confused2::confused2:: confused2::confused2::confused2::confused2:

فهد

09-12-2011, 02:23 PM

اذا كنت متفائل سدد و اذا كنت متشائم لاتسدد
على أن لاتفرط في التفاؤل و لاتفرط في التشائم
فهمتو شي
:confused2::confused2::confused2::confused2::confu sed2::confused2::confused2::confused2::confused2:: confused2::confused2::confused2::confused2:

شو حزورة

العربي

09-12-2011, 06:27 PM

شو حزورة

لا عزيزي ليست حزورة إنما حيرة

د.وائل نحاس

10-12-2011, 01:26 AM

لأسف رح اسدد الدفعة التانية بس رح اجلها ليوم الاربعاء او الخميس القادم ربما بيطالعوا تمديد مهلة التسديد ...
لأنو اذا ما سددت رح اضطر سدد قبل المزاد واعتقد انو التسديد لازم يكون بأحد فروع بنك البركة
وباللاذقية مافي فرع .. وبصراحة السفر الى دمشق صاير مشكلة ؟؟؟ !!!! :maad:

ياريت اذا حدا من الشباب اتأكد من موضوع تمديد المهلة بالاسبوع القادم يخبرنا مشان ما اسدد الدفعة التانية الا لانتهاء التمديد ان وجد !!!

ربما يستطيع احد معارفك في دمشق التسديد عنك دون حضورك
هذا ما حصل مع بنك الشام و اسمنت البادية و لكن بالنسبة للبركة لست متأكد

مجد

10-12-2011, 02:36 AM

ربما يستطيع احد معارفك في دمشق التسديد عنك دون حضورك
هذا ما حصل مع بنك الشام و اسمنت البادية و لكن بالنسبة للبركة لست متأكد

بالتاكيد يوافقون .

BISO

11-12-2011, 04:53 PM

مرحبا من جديد

كنت بزيارة لبنك بركة الفرع الرئيسي في حلب ... (والذي يبعد عن مكان عملي حوالي 7 ثوان سيراً على الأقدام)

التقيت بأحد أصدقائي (صديق الطفولة ) والذي يشغل أحد المناصب المهمة

وقلت له حدثني عن واقع عمل البنك بعيداً عن الواقع على الأرض

أجابني بالأرقام .... تم تحقيق هدف الودائع (التارغت ) لعام 2011 بنسبة 110% مع نهاية الشهر الماضي ( في اشارة صريحة منه أنه لسه في هذا الشهر كمان رح يرتفع المعدل أعلى من التارغت)

وأضاف أنه في مثل هذه الظروف تم افتتاح فرع ثاني في واحدة من أرقى مناطق حلب (الفرقان).... في حين أن احد البنوك المنافسة ( بنك عودة ) قد أجل افتتاح فرعه بذات المنطقة رغم جاهزيته منذ حوالي 4 شهور

وانهى كلامه ببعض المقارنات البسيطة لأرباح وعوائد البنك بالمقارنة مع البنك الإسلامي ...

والتأكيد على أن البنك مازال بالبدايات ..... إضافة إلى أن غالبية موظفين البنك متفاجئين من الأعداد الكبيرة للمسددين للدفعة الثانية .... (على ذمته )

علماً أنني شاهدت من كان يسأل ويستفسر عن الأسهم بالإضافة إلى أشخاص آخرين يقومون بالدفع

النتيجة : في مشاركتي هذه لا أدافع عن أي رأي أو تصريح أو اقتراح ..... مجرد نقل بسيط لدردشة مع أحد العاملين في البنك والتي كانت نتيجتها الطبيعية (بالنسبة له ) ضرورة تسديد قيمة الدفعة الثانية بالنظر إلى حجم عمل البنك بعيداً عن الواقع على الأرض .... مع الأخذ بعين الإعتبار أن اسهم الإكتتاب هي للإستثمار المتوسط أو طويل الأجل .... وليست للمضاربة .... وبالتالي في تحتمل المخاطرة بنفس نسبة العائد على أقل تقدير ( على الأقل من الناحية الإقتصادية بعيداً عن الأحداث على الأرض

مني لكم لإبداء الرأي ودمتم

GoldMan$

11-12-2011, 07:29 PM

أنا علي رح سدد الدفعة التانية واخلص من هالقصة ,, اصلا ما كتير بستاهلوأ التفكير
ورح انساهم على الرف شي كم سنة ... يمكن استيقظ شي يوم وشوف سعره متل ما كان شي 900 ل س

على كل حال ... عندي استفسار من الشباب ...
العوائد على السهم امتى لازم الواحد يشوفها يعني السنة الجاية ممكن يكون في عوائد ولا لسى للسنة اللي بعدها ؟؟؟؟؟ay1

مجد

11-12-2011, 07:47 PM

أنا علي رح سدد الدفعة التانية واخلص من هالقصة ,, اصلا ما كتير بستاهلوأ التفكير
ورح انساهم على الرف شي كم سنة ... يمكن استيقظ شي يوم وشوف سعره متل ما كان شي 900 ل س

على كل حال ... عندي استفسار من الشباب ...
العوائد على السهم امتى لازم الواحد يشوفها يعني السنة الجاية ممكن يكون في عوائد ولا لسى للسنة اللي بعدها ؟؟؟؟؟ay1
ممكن تحتاج لانتظار سنتين على الاقل .لان البنك لا يوزع ارباح الا بعد تغطية الخسائر القديمة .

مجد

11-12-2011, 07:59 PM

مرحبا من جديد

كنت بزيارة لبنك بركة الفرع الرئيسي في حلب ... (والذي يبعد عن مكان عملي حوالي 7 ثوان سيراً على الأقدام)

التقيت بأحد أصدقائي (صديق الطفولة ) والذي يشغل أحد المناصب المهمة

وقلت له حدثني عن واقع عمل البنك بعيداً عن الواقع على الأرض

أجابني بالأرقام .... تم تحقيق هدف الودائع (التارغت ) لعام 2011 بنسبة 110% مع نهاية الشهر الماضي ( في اشارة صريحة منه أنه لسه في هذا الشهر كمان رح يرتفع المعدل أعلى من التارغت)

وأضاف أنه في مثل هذه الظروف تم افتتاح فرع ثاني في واحدة من أرقى مناطق حلب (الفرقان).... في حين أن احد البنوك المنافسة ( بنك عودة ) قد أجل افتتاح فرعه بذات المنطقة رغم جاهزيته منذ حوالي 4 شهور

وانهى كلامه ببعض المقارنات البسيطة لأرباح وعوائد البنك بالمقارنة مع البنك الإسلامي ...

والتأكيد على أن البنك مازال بالبدايات ..... إضافة إلى أن غالبية موظفين البنك متفاجئين من الأعداد الكبيرة للمسددين للدفعة الثانية .... (على ذمته )

علماً أنني شاهدت من كان يسأل ويستفسر عن الأسهم بالإضافة إلى أشخاص آخرين يقومون بالدفع

النتيجة : في مشاركتي هذه لا أدافع عن أي رأي أو تصريح أو اقتراح ..... مجرد نقل بسيط لدردشة مع أحد العاملين في البنك والتي كانت نتيجتها الطبيعية (بالنسبة له ) ضرورة تسديد قيمة الدفعة الثانية بالنظر إلى حجم عمل البنك بعيداً عن الواقع على الأرض .... مع الأخذ بعين الإعتبار أن اسهم الإكتتاب هي للإستثمار المتوسط أو طويل الأجل .... وليست للمضاربة .... وبالتالي في تحتمل المخاطرة بنفس نسبة العائد على أقل تقدير ( على الأقل من الناحية الإقتصادية بعيداً عن الأحداث على الأرض

مني لكم لإبداء الرأي ودمتم

شكر على نقل هذه الاخبار المفيدة .
بالبداية اقول انه يكفي ان لا يسدد 10 بالمئة من المكتتبين .ليكون عندنا 500 الف سهم غير مسددة .وهذا كفيل بمديد فترة السداد .طبعا نامل ذلك .ولا نتوقع من ادارة البنك عمل مزادبهذا العدد .

فهد

11-12-2011, 10:56 PM

أنا علي رح سدد الدفعة التانية واخلص من هالقصة ,, اصلا ما كتير بستاهلوأ التفكير
ورح انساهم على الرف شي كم سنة ... يمكن استيقظ شي يوم وشوف سعره متل ما كان شي 900 ل س

على كل حال ... عندي استفسار من الشباب ...
العوائد على السهم امتى لازم الواحد يشوفها يعني السنة الجاية ممكن يكون في عوائد ولا لسى للسنة اللي بعدها ؟؟؟؟؟ay1

بكير على توزيع العوائد
على الاقل سنتين كمان

فهد

11-12-2011, 10:58 PM

سواء مددو ولا لاء
المزاد مطول

يمين الشبكة

12-12-2011, 03:30 PM

مرحبا من جديد

كنت بزيارة لبنك بركة الفرع الرئيسي في حلب ... (والذي يبعد عن مكان عملي حوالي 7 ثوان سيراً على الأقدام)

التقيت بأحد أصدقائي (صديق الطفولة ) والذي يشغل أحد المناصب المهمة

كشة . . .. حلبية . .. . . لك خاي .. . عفواً كشات ج كشة
الاولى ... 7( ثواني ) يعني لو قلت 7دقائق صدقتك بس ثواني
لنفرض مثلاً . . . إذا بيتك أرضي وطلعت لمدخل البناي بدك بدك 6.8 ثانية
واذا كان جنب البناية المصرف - على مبدأ أقرب بقالية - بدك أقل شي 1.3 ثانية وبتقول 7 ثواني
واسعة ........................6.8+1.3=8.1 ثانية . .. يعني كتير واسعة

الثانية .....(صديق الطفولة ) والذي يشغل أحد المناصب المهمة
ايشو منصبو - وزير خليجي - في بنك البركة / كمان هي واسعة /

طالب البركة

12-12-2011, 04:58 PM

لا ارى الدفع في هذه الظروف

ذكر احد الاعضاء ان طلب الدفعة الثانية لم يأتي بإرادت ادارة المصرف
وانما اتى من "فوق" ...ولأسباب سياسية

انا لن اسدّد الآن

BROKER

12-12-2011, 05:25 PM

هل من جديد بالنسبة لبنك بركة ... أخي رامي ...

وماهو رأيك بمشاركتي بالأمس حول نفس الموضوع

لا يوجد جديد
الموعد نفسه ولم يتغير حسب معلوماتي

ورددت على مشاركت بالامس

يعني الموضوع نسبي اخي بسام

- إذا كانت السيولة متوفرة ومجمدة ...... دفع الدفعة .
- إذا كانت السيولة متوفرة وغير مجمدة وهي مخصصة للاستثمار ....... ترك الدفع وحضور المزاد للشراء منه .
- اذا كانت السيولة غير متوفرة ..... البيع الآن نصف العدد وحضور المزاد للاسهم المتبقية ( لان السيولة التي توفرت تعتبر استثمارية ) .
- هناك احتمال بالتمديد فيمكن لصاحب الخيار الاول ( ترك الدفع لوقت الاقرار الفعلي للمزاد ) ...

Hisham AA

12-12-2011, 05:30 PM

جائني قبل قليل رسالة sms من بنك البركة ay1 - هذا نصها - :

عزيزي المساهم
ينوه بنك البركة الى ضرورة تسديد القسط الثاني من الاسهم المكتتب عليها قبل نهاية يوم 15/12/2011 تجنباً لاتخاذ الاجراءات القانونية في بيع كامل اسهم المساهمين المتخلفين عن السداد بالمزاد العلني.

والله كركبونا...بلشت فكر ادفع Frown11
احسن ما يشيلو ......Big Grin

خالد الحاج

12-12-2011, 07:50 PM

جائني قبل قليل رسالة sms من بنك البركة ay1 - هذا نصها - :

عزيزي المساهم
ينوه بنك البركة الى ضرورة تسديد القسط الثاني من الاسهم المكتتب عليها قبل نهاية يوم 15/12/2011 تجنباً لاتخاذ الاجراءات القانونية في بيع كامل اسهم المساهمين المتخلفين عن السداد بالمزاد العلني.

والله كركبونا...بلشت فكر ادفع frown11
احسن ما يشيلو ......big grin
أخي الكريم كل من لم يسدد حتى هذا التاريخ وصلتله هالرسالة وانا منهم
وهناك وقت للمزاد 000واجراءات قبل البيع مثل التبليغ والنشر بالصحف ومن ثم تحديد موعد للمزاد هذا في حال انه لم يتم تمديد التسديد
علما بأنه يمكنك التسديد حتى قبل المزاد بيوم0

BISO

13-12-2011, 11:09 AM

كشة . . .. حلبية . .. . . لك خاي .. . عفواً كشات ج كشة
الاولى ... 7( ثواني ) يعني لو قلت 7دقائق صدقتك بس ثواني
لنفرض مثلاً . . . إذا بيتك أرضي وطلعت لمدخل البناي بدك بدك 6.8 ثانية
واذا كان جنب البناية المصرف - على مبدأ أقرب بقالية - بدك أقل شي 1.3 ثانية وبتقول 7 ثواني
واسعة ........................6.8+1.3=8.1 ثانية . .. يعني كتير واسعة

الثانية .....(صديق الطفولة ) والذي يشغل أحد المناصب المهمة
ايشو منصبو - وزير خليجي - في بنك البركة / كمان هي واسعة /

الأولى 7 ثواني صحيحة ومحسوبة لك خاي .... واذا مالك مصدق تعا لعندي وانا باخدك المشوار على حسابي .... لأنو المصرف يحتاج فقط إلى قطع الشارع إلى الجهة المقابلة ( بس اذا بدنا نحسب المدة من وقت مابتكون نايم وعم تحلم بإرتفاع الأسعار فأكيد بجوز تطول أكتر )

مشان موضوع المنصب المهم ( ما اظن حدا بيفتخر يكون وزير خليجي ... مع احترامي ...)
بس يعني هالأيام منصب مدير البوفيه مثلاً هو اهم من المدير العام في بعض الدوائر ولا أنا غلطان

عموما الوضع تحت السيطرة خاي ....

واذا ع بالك منعزمك على قشة ... ليس لها جمع ... اذا ع بالك لاتحرم حالك

Hisham AA

13-12-2011, 11:58 AM

سؤال هام:
لنفترض انتهى وقت التسديد في 15/12/2011
هل يمكنني التسديد بعد هذا الموعد.....
مثلاً في 25/12/2011 .....
او سيكون التسديد اغلق بابه وليس لنا حل الا انتظار المزاد

مجد

13-12-2011, 12:51 PM

للاسف بعض الموظفين الذي يجيبون (بالهاتف )على تساؤولات المساهمين ببنك البركة وهم لا يعرفون الامور القانونية او حتى الاجراءات التي ستتخذ بعد انتهاء مدة التسديد لذلك ارجو من كل المتصلين ان يسالوا عن اسم الموظف او الموظفة التي تجيب على تساؤلاتهم .

BISO

13-12-2011, 03:00 PM

للاسف بعض الموظفين الذي يجيبون (بالهاتف )على تساؤولات المساهمين ببنك البركة هم لا يعرفون الامور القانونية او حتى الاجراءات التي ستتخذ بعد انتهاء مدة التسديد لذلك ارجو من كل المتصلين ان يسالوا عن اسم الموظف او الموظفة التي تجيب على تساؤلاتهم .

في سياق البحث المتواصل .... نوصلت أن المسؤولة عن أمور الأسهم في بنك بركة - الفرع الرئيسي دمشق هي الآنسة فاطمة

ويتم الإتصال بها بدون جدوى بعد أن حصلت على رقم تفريعتها وهي 1157

بعد الإتصال برقم البنك الرئيسي /دمشق 4437820

angel

13-12-2011, 04:49 PM

انا حكيت معها بعد طول انتظار ونصحتني انو ما بيع الاسهم لان بخسر كتير ولما سالتا انو ليش طلبو القسط بهل وقت قالتلي انو المركزي هوة طلب منهن

ملك

13-12-2011, 07:26 PM

انا حكيت معها بعد طول انتظار ونصحتني انو ما بيع الاسهم لان بخسر كتير ولما سالتا انو ليش طلبو القسط بهل وقت قالتلي انو المركزي هوة طلب منهن
كل ما زاد راسمال البنك كلما زادت احتياطات العملة الاجنبية لدى المصرف المركزي ولهذا المركزي مصر على الزيادات لانه بحالة جوع هستيري للدولار

GoldMan$

13-12-2011, 07:46 PM

كل ما زاد راسمال البنك كلما زادت احتياطات العملة الاجنبية لدى المصرف المركزي ولهذا المركزي مصر على الزيادات لانه بحالة جوع هستيري للدولار

بس أنا ما فهمت شو دخل الدفعة التانية بزيادة الاحتياطي من القطع الأجنبي ؟؟؟؟

ملك

13-12-2011, 08:56 PM

بس أنا ما فهمت شو دخل الدفعة التانية بزيادة الاحتياطي من القطع الأجنبي ؟؟؟؟
اي يجب على المؤسسين الاجانب دفع النصف الثاني من قيمة السهم بالدولار وهنا يجب ايداع قسم من هذا الدولار بالمصرف المركزي

الأدهم

14-12-2011, 12:58 AM

حسب مصادر شبه مؤكدة سيتم تمديد فترة تسديد الدفعة الثانية لسهم البركة حتى تاريخ 31-1-20121

فهد

14-12-2011, 01:22 AM

بس أنا ما فهمت شو دخل الدفعة التانية بزيادة الاحتياطي من القطع الأجنبي ؟؟؟؟

الشركاء الاجانب يدفعون بالدولار

فهد

14-12-2011, 01:23 AM

حسب مصادر شبه مؤكدة سيتم تمديد فترة تسديد الدفعة الثانية لسهم البركة حتى تاريخ 31-1-20121

انشا الله يتم التمديد

مجد

14-12-2011, 04:05 AM

حسب مصادر شبه مؤكدة سيتم تمديد فترة تسديد الدفعة الثانية لسهم البركة حتى تاريخ 31-1-20121

- ان صح هذا الكلام فيكون حصدنا اول نجاح لعدم التسديد او بيع اسهمنا بارخص الاسعار.ونقول للخائفين .ان المخاطرة البسيطةستجلب الربح الكبير .واحتما التمديد الثاني والثالث وارد .ونحن سنستفيد من اموال الذين سددوا لان البنك سيقوم باستثمارها .هذا ظلم للذين سددوا ولكن هم اختاروا
التسديد.ول 30 -1 لنا كلام .
شكرا اخي الادهم لنقل المعلومة .
-ونقول ان القرارات الخاطئة يثبتها من ينفذها .(وطلب الدفعة الثانية الان هو خطا كبير)بغض النظر عن مصدر القرار

غالب

14-12-2011, 04:12 AM

اخي بشار انا لم احب ان اتدخل في موضوع بنك البركة ولكن احببت ان الفت نظرك لوجود مواعيد قانونية يجب الالتزام بها لاستكمال رأس المال وهذه يعرفه الاخوة المحامون ولا بد من الالتزام بالمهل القانونية . احببت فقط لفت نظرك لهذا الموضوع بغض النظر عن رأيي بادارة البنك والظروف الحالية وكيفية حل الموضوع .

مجد

14-12-2011, 04:28 AM

اخي بشار انا لم احب ان اتدخل في موضوع بنك البركة ولكن احببت ان الفت نظرك لوجود مواعيد قانونية يجب الالتزام بها لاستكمال رأس المال وهذه يعرفه الاخوة المحامون ولا بد من الالتزام بالمهل القانونية . احببت فقط لفت نظرك لهذا الموضوع بغض النظر عن رأيي بادارة البنك والظروف الحالية وكيفية حل الموضوع .
حين اكتتبنا كتب بكتيب الاكتتاب انه خلال ثلاث سنوات يتم سداد القسط الثاني وايضا راسمال البنك هو 5 مليار وعلى هذا الاساس اكتتبنا.
واعرف ان كلمة خلال اي باي وقت ممكن للبنك طلب الدفعة الثانية .ولكن بالتاكيد ليس الان الوقت
المناسب .لماذا لم يطلب البنك الدفعة الثانية حين كانت البورصة بصعود عامودي ووصل سعر السهم ل1000ليرة .كانت الامور سهلة وكان استفاد من يبيع اسهمه .

الأدهم

14-12-2011, 10:21 AM

حين اكتتبنا كتب بكتيب الاكتتاب انه خلال ثلاث سنوات يتم سداد القسط الثاني وايضا راسمال البنك هو 5 مليار وعلى هذا الاساس اكتتبنا.
واعرف ان كلمة خلال اي باي وقت ممكن للبنك طلب الدفعة الثانية .ولكن بالتاكيد ليس الان الوقت
المناسب .لماذا لم يطلب البنك الدفعة الثانية حين كانت البورصة بصعود عامودي ووصل سعر السهم ل1000ليرة .كانت الامور سهلة وكان استفاد من يبيع اسهمه .

قرار طلب الدفعة الثانية تم فرضه من البنك المركزي
وحين وصل سعر السهم ل 1000 لم يكن احد يعرف ان الامور ستصل الى هنا والا كان جميع المساهمين كانوا قد باعوا اسهمهم
انا لا ادافع عن البنك ولكن الحق يقال
فالبنك المركزي اقتنع بوقت متاخر جداً بعد ان اضر بالبورصة بقرار زيادة رأس المال للبنوك المحلية
ان أحد اسباب هبوط البورصة وتفاقم الوضع هو البنك المركزي بقراراته الخاطئة

moustafa

14-12-2011, 01:22 PM

تحية طيبة
نظرا للظروف الصعبة التي تمر بها البلادفاننا نرى ضرورة تاجيل موعد تسديد الدفعة الثانية لبك بركة
والا فاننا نرى فشل القرار واصحابه
مع الشكر
مع رجاء احترام الراي والنشر

BISO

14-12-2011, 01:44 PM

حسب مصادر شبه مؤكدة سيتم تمديد فترة تسديد الدفعة الثانية لسهم البركة حتى تاريخ 31-1-20121

حسب مصادر نصف مؤكدة ( شهود عيان ) ..... لم يصدر أي قرار لتمديد تسديد الدفعة الثانية ..... والدفع جاري على قدم وساق ......

درغام

14-12-2011, 01:45 PM

أكثر من فشل فرنسبنك ما في
وبنفس الوقت ما شفنا أنو حدا عمل شي لمتخذي قراره
لذلك شو رح يصير إذا فشل هالقرار كمان
ولا شيء

درغام

14-12-2011, 01:46 PM

حسب مصادر نصف مؤكدة ( شهود عيان ) ..... لم يصدر أي قرار لتمديد تسديد الدفعة الثانية ..... والدفع جاري على قدم وساق ......

قديش نسبة الناس اللي سددوا حسب شاهد العيان اللي عندك

BISO

14-12-2011, 03:15 PM

مجلس إدارة شركة بنك البركة – سورية سيقوم باتخاذ الإجراءات القانونية اللازمة لبيع أسهم المساهمين المتخلفين عن سداد الدفعة الثانية بالمزاد العلني في حال عدم التسديد , وذلك عملاً بأحكام الفقرة /6/ من المادة /92/ من قانون الشركات الصادر في المرسوم التشريعي رقم /29/ لعام 2011. ...

وهذه الفقرة هي كمايلي ...

المادة/92/ تسديد رأسمال الشركة..

6/ المكتتب مدين للشركة بكامل قيمة السهم ويجب عليه ان يدفع الاقساط في مواعيدها واذا تأخر عن تسديد القسط المستحق في المدة المعينة لادائه من قبل مجلس الادارة وفقا للنظام الاساسي يحق لمجلس الادارة بيع السهم وفقا للاجراءات التالية..

أ/ تبلغ الشركة المساهم المقصر في موطنه المختار بطاقة مكشوفة مضمونة يذكر فيها اسمه وعدد الاسهم وارقامها ويكلف فيها بتسديد الاقساط المستحقة في ميعاد سبعة ايام من تاريخ وصول البطاقة اليه.

ب/ اذا لم تسدد الاقساط بانتهاء هذا الميعاد يحق للشركة ان تعرض تلك الاسهم للبيع في المزاد العلني وعليها ان تعلن ذلك في صحيفتين يوميتين من الصحف المنتشرة في مركز ادارة الشركة على مرتين على الاقل.

ج/ ويجب ان يتضمن الاعلان موعد البيع ومكانه وعدد الاسهم المطروحة بالمزاد وارقامها على ان لاتقل المدة التي تفصل تاريخ البيع عن تاريخ نشر الاعلان في الصحيفتين لاول مرة عن عشرين يوما.

د/ وبعد انقضاء المهلة المذكورة اعلاه يحق للشركة اجراء معاملة البيع في المزاد العلني في الزمان والمكان المعلن عنهما وتباع الاسهم بأعلى سعر معروض ويتم ذلك باشراف طريق دائرة التنفيذ المختصة.

هـ/ ولايقبل تسديد القسط المتأخر دفعه في اليوم المحدد لاجراء المزايدة.

و/ يستوفى من ثمن المبيع كل مطلوب الشركة من اقساط مستحقة وفوائد ونفقات ويرد الباقي لصاحب السهم.

ز/ اذا لم تكف اثمان المبيع لتسديد مطلوب الشركة فلها الرجوع بالباقي على المقصر وعلى مالكي الاسهم السابقين وتعتبر قيود الشركة فيما يتعلق بمعاملات البيع الجبري صحيحة مالم يثبت عكسها.

الأدهم

14-12-2011, 08:21 PM

حسب مصادر شبه مؤكدة سوف يم التمديد لغاية 31/1/2011
علماً بأن نسبة التغطية كانت 20% للمساهمين العاديين من أصل 29%

الأدهم

14-12-2011, 08:22 PM

قديش نسبة الناس اللي سددوا حسب شاهد العيان اللي عندك

ماحكولك شهود العيان أن القعدة ببنك البركة اليوم متل القعدة ع طابور الغازBig Grin

الأدهم

14-12-2011, 08:26 PM

في سياق البحث المتواصل .... نوصلت أن المسؤولة عن أمور الأسهم في بنك بركة - الفرع الرئيسي دمشق هي الآنسة فاطمة

ويتم الإتصال بها بدون جدوى بعد أن حصلت على رقم تفريعتها وهي 1157

بعد الإتصال برقم البنك الرئيسي /دمشق 4437820

44378204437821
4437822
4437823
4437824
4437825
4437826
4437827
4437828
4437829
هدول أرقام الإدارة العامة للبنك
والتحويلة عالأغلب خطا
جربت اليوم ودقيت عليها قام رد موظف تاني مو الآنسة فاطمة

مجد

14-12-2011, 09:00 PM

حسب مصادر شبه مؤكدة سوف يم التمديد لغاية 31/1/2011
علماً بأن نسبة التغطية كانت 20% للمساهمين العاديين من أصل 29%
اي ان 9 بالمئة لم يسددوا بحسبة بسيطة 900 الف سهم لم يسددوا .ولنفترض ان باقي فقط 500 الف سهم لم يسدد اصحابها .لا اعتقد ان البنك سيجازف ويدخل هذا العدد للمزاد !! لازم يكون عدد الاسهم التي ستدخل المزاد على الاكثر 50 الف سهم غير مسددة حتى ينجح المزاد نوعا ما .

ranakar

15-12-2011, 12:13 AM

44378204437821
4437822
4437823
4437824
4437825
4437826
4437827
4437828
4437829
هدول أرقام الإدارة العامة للبنك
والتحويلة عالأغلب خطا
جربت اليوم ودقيت عليها قام رد موظف تاني مو الآنسة فاطمة
بالنسبة للتحويلة فهي خاطئة ....والصحيحة 1577

فهد

15-12-2011, 12:59 AM

حتى لو لم يتم التمديد
فالمزاد مطول

فهد

15-12-2011, 01:03 AM

اذا سعر السهم عم ينباع 170 ليرة
فعدم التسديد افضل
لانو يالي بدو اسهم يبيع 170 ليرة
يعني سعر السهم 420 ليرة كامل
وبهل سعر يستطيع شراء اسهم سورية الاسلامي
بنفس الكمية تقريباً
(طبعا هذه ليست دعوة للبيع او الشراء وانما وجهة نظري )

مجد

15-12-2011, 08:55 AM

- بس مين قال ان سهم البنك الدولي الاسلامي هو افضل من سهم بنك البركة !!.
- سؤال يحتاج لجواب للاجابة بظل الظروف الاقتصادية الحالية !!.
- أنا اشك بهذا والسبب ممكن غريب ولكنه مقنع .الان البنوك
المقرضة اقل ممكن تكون المخاطر عليها اقل !!.
- اعرف الاسهم التي شراءها مربح الان !

فهد

15-12-2011, 09:56 AM

يالي بيعتبر البركة افضل
يروح يسدد

الأدهم

15-12-2011, 12:00 PM

المبلغ المتبقي غير المسدد بحدود 225 مليون
وهو نسبياً غير كبير
أعتقد ان بنك البركة نجح بالاكتتاب
لانه غالباً اليوم سوف يقل المبلغ لحدود ال 150 مليون
وبالتالي اعتقد ان التمديد ل 31-1-2012 سوف يكون الاخير

الأدهم

15-12-2011, 12:13 PM

اذا سعر السهم عم ينباع 170 ليرة
فعدم التسديد افضل
لانو يالي بدو اسهم يبيع 170 ليرة
يعني سعر السهم 420 ليرة كامل
وبهل سعر يستطيع شراء اسهم سورية الاسلامي
بنفس الكمية تقريباً
(طبعا هذه ليست دعوة للبيع او الشراء وانما وجهة نظري )

- بس مين قال ان سهم البنك الدولي الاسلامي هو افضل من سهم بنك البركة !!.
- سؤال يحتاج لجواب للاجابة بظل الظروف الاقتصادية الحالية !!.
- أنا اشك بهذا والسبب ممكن غريب ولكنه مقنع .الان البنوك
المقرضة اقل ممكن تكون المخاطر عليها اقل !!.
- اعرف الاسهم التي شراءها مربح الان !

من قال ان سهم سوريا الاسلامي يعاني من تحصيل ديونه
التجار مازالو يربحون وأصبحو يربحون أضغاف ما كانو يربحون سابقاً
الافراد هم الذين يعانون من دفع مستحقاتهم
ونسبة هؤلاء للمحفظة الائتمانية لا يتجاوز ال 3 %

بنك سوريا الاسلامي افضل بكثير من بنك بركة حالياً وعلى مدى ال 4 سنوات القادمة

هو بنك رابح من 3 سنوات وهو ثاني بنك بالارباح ارباحه سوف تكون بحدود ال مليار هذا العام
بينما بنك بركة ارباحه مازالت لاتغطي مصاريفه وهو يحتاج لسنتين ليبدا بتحقيق فائض ربح جيد
يحتاج لعام بعدها لتغطية خسائره السابقة
وسعر السهم اليوم هو بحدود ال 450
بينما بركة هو مع الدفعة الثانية هو بحدود 420

ونترك لكم المقارنة بينهما

رندة

15-12-2011, 12:17 PM

حسب معلومات من بنك بركة تم تأجيل التسديد 31-1-2012

heroaccess

15-12-2011, 03:54 PM

حسب معلومات من بنك بركة تم تأجيل التسديد 31-1-2012

الله يسمع منك:):):):):)

مجد

15-12-2011, 04:43 PM

يالي بيعتبر البركة افضل
يروح يسدد
ما العلاقة بين الاثنين !!
نتمنى عليك اختيار الفاظ مفيدة .

مجد

15-12-2011, 04:52 PM

حسب معلومات من بنك بركة تم تأجيل التسديد 31-1-2012

هذا متوقع .وهذا نجاح للذين لم يسددوا.وعدد 300 الف او400الف سهم
او500 الف سهم لم تسدد تقريباعدد كبير جدا
نرجو من الذين لاخبرة كافية عندهم ان لا يحللوا لانهم قد يسببوا الضرر لبعض
زوار المنتدى .ونشكر الذين سددوا .لانناكمساهمين سنستفيد من السيولة
التي ضخوها بالبنك .ونحن الذين لمنسدد سنتحمل المصاريف القضائية
التي يهدد بها بنك البركة المساهمين .وانشاء الله ب30 -1 سوف اقرر ان
اسدد ام لا حسب الظروف .نرجو ان يستفيد كل منا من الاخر .

مجد

15-12-2011, 07:23 PM

من قال ان سهم سوريا الاسلامي يعاني من تحصيل ديونه
التجار مازالو يربحون وأصبحو يربحون أضغاف ما كانو يربحون سابقاً
الافراد هم الذين يعانون من دفع مستحقاتهم
ونسبة هؤلاء للمحفظة الائتمانية لا يتجاوز ال 3 %

بنك سوريا الاسلامي افضل بكثير من بنك بركة حالياً وعلى مدى ال 4 سنوات القادمة

هو بنك رابح من 3 سنوات وهو ثاني بنك بالارباح ارباحه سوف تكون بحدود ال مليار هذا العام
بينما بنك بركة ارباحه مازالت لاتغطي مصاريفه وهو يحتاج لسنتين ليبدا بتحقيق فائض ربح جيد
يحتاج لعام بعدها لتغطية خسائره السابقة
وسعر السهم اليوم هو بحدود ال 450
بينما بركة هو مع الدفعة الثانية هو بحدود 420

ونترك لكم المقارنة بينهما
سنرى نتائج عام 2011م .وهي الحكم .بنك اقرض 50 مليار ليرة مخاطره عشرة اضعاف بنك اقرض 5 مليار ليرة !! (بوضعنا الحالي )
بالاحوال العادية العكس تماما نتكلم ان بنك اقرض 50 مليار ارباحه ممكن 10أضعاف بنك اقرض
5 مليار .(الامثلة تقريبية )

د وهيب

16-12-2011, 08:36 PM

[quote=مجد;145306]
ما العلاقة بين الاثنين !!
نتمنى عليك اختيار الفاظ مفيدة .[/quot

السلام عليكم
بنك سوريا الدولي الاسلامي تابع لبنك قطر .
بينما بنك البركة يتبع مجموعة البركة ,وهي منتشرة في كل الدول الاسلامية.
من باكستان تركيا البحرين اندونيسيا مصر الجزائر وغيرها وهو من اكبر البنوك.
ولايقارن المستقبل للبنكين.

فهد

17-12-2011, 12:22 AM

ما العلاقة بين الاثنين !!
نتمنى عليك اختيار الفاظ مفيدة .

قد تكون ألفاظي غير مفيدة
لاكنها أكيد مفيدة أكثر من ألفاظك

العربي

17-12-2011, 12:26 AM

برأيي أن الناس حاليا و منهم مساهمي بنك البركة يمرون بمرحلة صعبة و عندهم أولويات أخرى و إن استدعاء باقي رأس المال في هذا الوقت و في هذه الظروف مع التهديد ببيع الأسهم بالمزاد هو بمثابة ليّ لذراع للمساهمين سواء كانوا كبار أم صغار و نكران لأهمية مساهمتهم في تأسيس البنك .

فهد

17-12-2011, 01:45 AM

وافق مجلس مفوضي هيئة الأوراق المالية على تمديد مهلة تسديد القسط الثاني من قيمة أسهم بنك البركة سورية وذلك حتى تاريخ 31/1/2012 والتي كان المصرف قد استدعاها مؤخراً بهدف استكمال رأسماله.
تجدر الإشارة إلى أن الدفعة المذكورة هي عبارة عن 250 ل.س تعادل 50% من القيمة الاسمية للسهم ،يمكن للمساهمين تسديدها في أحد فروع بنك البركة في كل من "دمشق،حلب،حمص،حماه" ،وفي فروع بنك سورية الإسلامي في "اللاذقية،طرطوس،دير الزور،درعا،إدلب،الحسكة،الرقة

angel

20-12-2011, 01:18 AM

ياسلام عجبني هل خبر :)

Hisham AA

26-12-2011, 02:07 AM

صرعنا هالبنك
سحبت نصف مدخراتي المخفية لتسديد الدفعة الثانية
وانا الآن ندمان ولكن ما باليد حيلة

مجد

26-12-2011, 03:38 PM

صرعنا هالبنك
سحبت نصف مدخراتي المخفية لتسديد الدفعة الثانية
وانا الآن ندمان ولكن ما باليد حيلة

سبق ان ناقشنا موضوع التسديد بهذا المنتدى وكان اجماع على عدم التسديد .وكان عبرة لنا بنك الشام واسمنت البادية ببنك الشام سددوا الناس من اكثر من سنة ولم تدرج اسهم البنك بالبورصة واستفاد المساهمين الذين لم يسددوا الدفعة الثانية ان بيعت اسهمهم ب 1900الى 1400ليرة للسهم .بينما السهم الان بيع باخر صفقة ب650 ليرة !!!واسمنت البادية بيع بالمزاد السهم بحوالي 800 ليرة وكان سعره قبل المزاد حوالي 500ليرة .مع عدم معرفتنا كم سيباع سهم البركة بالمزاد لان الظروف اختلفت ولكن متوقع ان يباع باكثر من سعره الان 425 ليرة .

يمين الشبكة

10-01-2012, 10:08 AM

متى المزاد.......................؟

البلخي

10-01-2012, 02:41 PM

متى المزاد.......................؟
بعد تاريخ 31 هذا الشهر سيتم معرفة كم نسبة التغطية
و بالتالي وضع المزاد و تاريخه

يمين الشبكة

11-01-2012, 10:06 AM

بعد تاريخ 31 هذا الشهر سيتم معرفة كم نسبة التغطية
و بالتالي وضع المزاد و تاريخه
مشكور

مجد

11-01-2012, 04:47 PM

حسب ماسمعت ان حوالي 450 الى500 الف سهم لم تسدد الدفعة الثانية .(بس الخبر غير موثق )
مسكين الذي سدد باكرا فرق لحد اليوم سعر الدولار حوالي 20 بالمئة تقريبا

مجد

20-01-2012, 08:54 PM

هل ربح من لم يسدد القسط الثاني .طبعا ربح كثيرا .كان سعر الدولار ببداية طلب التسديد الدفعة الثانية حوالي 49 ليرة اليوم حوالي 73 يعني ربح صافي لحد اليوم 80 ليرة تقريبا لكل سهم ومن المتوقع الربح يصل الى 125 ليرة للسهم .هذا غير خسارة ان من سدد خسر السيولة ولم يستفيد اي شئ عن الذين لم يسددوا .

د وهيب

20-01-2012, 09:36 PM

هل ربح من لم يسدد القسط الثاني .طبعا ربح كثيرا .كان سعر الدولار ببداية طلب التسديد الدفعة الثانية حوالي 49 ليرة اليوم حوالي 73 يعني ربح صافي لحد اليوم 80 ليرة تقريبا لكل سهم ومن المتوقع الربح يصل الى 125 ليرة للسهم .هذا غير خسارة ان من سدد خسر السيولة ولم يستفيد اي شئ عن الذين لم يسددوا .

السلام عليكم
وهل تعتقد ان كل من لم يدفع كان يملك دولارت.
مارايك ان يكون خسر بنفس نسبة هبوط الليرة.
ان كان رصيدة بالليرة او لاربح ولا خسر.
طالما راسماله سهم

Hisham AA

21-01-2012, 01:58 AM

ندمنا ولكن ما باليد حيلة
حاجة دبحتونا وانتو تحكو على خسارتنا

مجد

21-01-2012, 04:41 AM

السلام عليكم
وهل تعتقد ان كل من لم يدفع كان يملك دولارت.
مارايك ان يكون خسر بنفس نسبة هبوط الليرة.
ان كان رصيدة بالليرة او لاربح ولا خسر.
طالما راسماله سهم
هذا الاحتمال وارد طبعا ولكن كثير من الذين عندهم اسهم اشتروا دولار .وفي امر اهم و ان يظل الكاش مع المساهم وعدم هلع الذين مامعهم اصلا باقي ثمن الاسهم.ونحن نتكلم للغالبية والحالات القليلة لاحكم لها .هل اخي وهيب استفدت انا شخصيامن عدم تسديد البعض النصيحة هي كان هدفها عدم الخوف الذي وقع به البعض واصبحوا يبيعون
اسهمهم ب165 ليرة وهذا الصفقات حصلت فعليا مع بعض اعضاء المنتدى .

abodeh1985

27-01-2012, 04:10 AM

لا لتسديد الدفعة الثانية من اسهم البركة
والانتظار لدخول المزاد
هذا ما توصلت اليه اخيرا
وشكرا

Salem_mestow

31-01-2012, 10:30 AM

اليوم الموعد الاخير لتسديد الدفعة الثانية إذا كنت راغب بتسديد الدفعة الثانية هل تنصحون بتسدديها اليوم ام الانتظار قبل المزاد بفترة قصيرة و شكراً

FADIAGHA

31-01-2012, 11:05 AM

انا بالنسبه الي لن ادفع الا قبل المزاد بايام

وانا سالت وتاكدت يحق لك ذلك ويترتب عليك رسوم تاخير لم تحدد قيمتها بعد

لاني شخصيا اتوقع المزاد بعد 3 اشهر مو اقل من هيك والله اعلم

ABDUL KARIM

31-01-2012, 12:51 PM

انا بالنسبه الي لن ادفع الا قبل المزاد بايام

وانا سالت وتاكدت يحق لك ذلك ويترتب عليك رسوم تاخير لم تحدد قيمتها بعد

لاني شخصيا اتوقع المزاد بعد 3 اشهر مو اقل من هيك والله اعلم
لااتوقع ان يحصل ما حصل مع بنك الشام والمزاد بعد الدعوة الشخصية سيكون , ولاننسى سكان المحافظات يفضلون الدفع على السفر في هذه الظروف وبالتالي العدد سيكون اقل .
ونأمل من البنك ان يقوم بعمله بالسرعة المطلوبة والدخول مع دخول الصندوق .

احمد ابو عدنان

01-02-2012, 03:35 PM

لن ادفع

خالد الحاج

01-02-2012, 09:45 PM

هل من معلومات حول عدد الأسهم المتبقية بعد انتهاء المهلة للتسديد0

مجد

02-02-2012, 09:29 AM

انا لن اسدد الان احتمال اسدد قبل يوم او يومين كاحتياط للظروف او لا اسدد وادخل المزاد حسب الظروف بوقتها!!!

مجد

02-02-2012, 09:42 AM

لااتوقع ان يحصل ما حصل مع بنك الشام والمزاد بعد الدعوة الشخصية سيكون , ولاننسى سكان المحافظات يفضلون الدفع على السفر في هذه الظروف وبالتالي العدد سيكون اقل .
ونأمل من البنك ان يقوم بعمله بالسرعة المطلوبة والدخول مع دخول الصندوق .
أخي عبد الكريم وقت بنك الشام كان القانون لا يسمح ببيع اسهم اي مكتتب غير مسدد بالمزاد الا بعد تبليغه شخصيا .اعتقد ان القانون تغير وصار لازم يبلغوا مرتين بالجريدة .يعني كانت المشكلة بهذه الفقرة وليس ببنك الشام .ولقد اعطي بنك الشام استثناء من بيع بعض الاسهم الباقية ولكنه للان لم يطلب ان تدرج اسهمه .وايضا اسمنت البادية جاهز للادراج ولكن لم يطلب ان تدرج اسهمه .ستسبب تلك الشركتين بخسائركبيرة للمكتتبين بحالة دخول الصندوق وتحسن الظروف .بس كثير من الشركات المساهمة غالبا تعمل لمصلحة كبار المساهمين فقط .هذا ما لاحظته .

angel

02-02-2012, 03:08 PM

انا لن اسدد بس ياريت ازا حدا من الشباب بيقدر يتوقع انز اذا صار المزاد اديش رح يصير سعر السهم ولو بشكل تقريبي حسب الظروف والمزادات السابقة ؟؟

مجد

02-02-2012, 05:41 PM

اخي لا احد يستطيع ان يتوقع هذا حسب المزادات السابقة لاسمنت البادية وبنك الشام رفع سعر السهم الى اعلى من سعر السوق بكثير ولكن الظروف تختلف الان .وحسب وقت المزاد .ممكن تكون الاسهم بحالة ارتفاع كبير وماحدا عم يقدر يشتري داخل السوق ويصل سعر السهم لسعر ممتاز ويمكن يكون السوق على حاله الان .بكل الاحوال لازم يحضر الواحد المزاد !!

mazen_wasof

04-02-2012, 02:56 AM

ما دفعت ولا رح ادفع القسط الثاني
وباحسن الاحوال رح ادفع قبل المزاد بايام

توقيت طلب البنك للقسط الثاني سيء جدا جدا جدا

abdullah

04-02-2012, 05:19 PM

في حال لم يتم تسديد القسط الثاني وتم حضور المزاد
هل هذا يعني أنه بالإمكان تسديد القسم الثاني خلال المزاد ؟؟

FADIAGHA

04-02-2012, 06:40 PM

في حال لم يتم تسديد القسط الثاني وتم حضور المزاد
هل هذا يعني أنه بالإمكان تسديد القسم الثاني خلال المزاد ؟؟

تستطيع دفع الدفعه الثانيه من اسهمك قبل المزاد وليس اثناء المزاد
ويترتب عليك بعض الرسوم

وتستطيع حضور المزاد وشراء اسهمك بسعر المزاد