ما الهدف من تغيير طرابيش المنتدى

[لقماان]

أعزائي المشاهدين أعزائي الحضور
لفت نظرنا في الآونة الأخيرة قيام السيد رامي العطار بتبديل طرابيش جميع الكادر الموجود معه في المنتدى ...........
مالهدف من ذلك و ماهي تصوراتكم عن الوضع هذا ما سنناقشه في هذا الملف الشائك في برنامج الطربوش و الطربوش الآخر
فمن لديه مشاركة تفيد الموضوع نرجوا أن لا يبخل بها علينا :
أولا سنبدأ بمداخلة السيد لقمان حدو :
يقول السيد لقمان متحدثا بالعامية /أي يكتب كما يلفظ /:
راح احكي عن الصور وحدة وحدة
نبدأ بصورة الأخ غالب أبو النور
يعني صورتو أبل كانت فيا ابتسامة و مريحة
و كنا وأت نشوف رد للأخ غالب لا نقوم الا بتأيويله على المنحى الحسن ...........حتى و لو كان عميهاجمنا .........
بالفعل كانت في ابتسامة ود و طيبة على الوجه
بس بعد تغيير الصورة يا جماعة و الله ماعدت أعرف احكي معو و حسيتوا واحد ديكتاتور................
هيك متل شي ضابط مخابرات حاطط ايدو على كمروا
و عميتفرج علينا من فوء لتحت و ما في شي عاجبو ..............
أناشدكم تغيير الصورة

الأخ العريس المسكين مؤيد
صورتو بالأول بتخلي مين يشوفوا يفرحلوا انو في حدث سعيد بحياتو .........و بتخلي الواحد يتفائل
بس صورتو هللأ للأسف متل شي واحد الهم و الحزن آخد منو مأخد و بتخلي الواحد يؤول حسبي الله و نعم الوكيل
و تذكرت هي الصورة المتداولة لشخص فرحان و مكتوب جنبا قبل الزواج بعدين بتئلب الصورة بيطلعلك واحد الهم آتلوا
و مكتوب جنبا بعد الزواج ......................
أناشدكم تغيير الصورة
لأنو عنجد صعبة ادام عيلتو...............
فراس السكري : كنا راسمينلوا صورة حسب تسريباتو هوة
انو شاب رشيق الاطلالة ....
هللأ تبين انو شاب رشيق ...........
بس رشيق بالكلمات ....بس الصورة حلوة
الأخ أبو طلال صورتو حلوة
و اجاني طلبات كتير من العذال مشان أسعى في شيلة صورتو ......
الأخ وائل 77 مبين أكبر بالعمر بكتير من الصورة الأولى ...............
الأخ هشام على ما يبدوانو مدعوم طالعة الصورة تمام التمام و باين عريس المنتدى
الأخ عبد الكريم صورتو كأنا مصورة باليونان لأنو فرء من السما و الأرض بين الصورتين و التانية أحلى بكتير من الصورة الأولى يلي مصورة من على دور فرانسا
أما الصورة المنورة فهي للأخ فواز.....بالفعل هيئة الوقار ما شاء الله باينة على وجه و بيرتحلوا الواحد من النظرة الأولى .......و أنا كتير تشجعت اتعرف عليه
هللأ الاخوة البائيين لسا ما اطلعت مظبوط على صورن لنحكم عليون
أخيرا أقول للأخ رامي لصالح من هذا التغيير و ماهو هدفك ............
بالفعل صرنا ما عاد نعرف نحكي مع و لا واحد من يلي غيرتلون الصورة
كأنون أشخاص أول مرة بنشوفون .....
و بدنا وأت طويل لنتعود نحكي معون لأنو لازم نمحي الانطباع الأديم يلي تكون عنا وهاد يعني انو راحت كل حصيلتون التراكمية عبر السنين يلي تعبوا عليا تعب ............
بس صورتك (يعني صورة الأخ رامي )
يا سلام محفورة بالذاكرة و ماعاد نأدر غير نحكي معاك براحتنا لأنو بتوحيلنا أنو في ثبات على المواقف ......

[economic opinion]

وأخيراً أخي أبو حكيم مناقشة لموضوع الطرابيش af7a1af7a1
وهون أعود وأذكر بالسؤال الرئيسي للمفكر أبو حكيم الدين يلي كان مفاده:
"ليش رامي غير كل الطرابيش بلمنتدى وماغير طربوشوا"
لأنا شخصياً ملا حظتي العامة على الصور الجديدة إنو معظمها سيمتها "الزور" يعني كلو حاطط العئدة فيا ترى هل لهذا الموضوع "العئدة يلي تعلو الوجوه والزور" علاقة مباشرة بالموضوع ؟؟؟؟؟

[غسان]

اهلين ابو حكيم ...كيفك؟
بالعادة تغيير الطرابيش يدل على تبديل منصب المسؤول
مثلا يكون مدير مصفاة حمص يصبح وزير الثقافة...

او يكون مدير قلعة حلب يصبح مديرمؤسسة الكهرباء .وهكذا ....
هيك فكرت لما قرات عنوان الموضوع .تاري عم تسأل عن الصور ....
واذا بدك تعرف السبب وببساطة هو التغيير ورامي بيحب التجديد وهيك حب يغير الصور للشباب لمفاجأتهم ..........لذلك ربما لم يغير صورته

[abu mhd]

يبدو انوا رامي قرر يساوي انتخابات عامة لمنصب مشرف عام للمنتدى
فلما الناس بتطلع على صور المشرفين المقترحين متل حضرتنا او صورة ابو النور الجديدة
رح يقولوا خلينا على صورة رامي مبين عليه ارحم من الشباب الباقيين فرح يعيدوا انتخابه كمشرف عام للمنتدى لولاية تانية

[لقماان]

اهلين ابو حكيم ...كيفك؟
بالعادة تغيير الطرابيش يدل على تبديل منصب المسؤول
مثلا يكون مدير مصفاة حمص يصبح وزير الثقافة...

او يكون مدير قلعة حلب يصبح مديرمؤسسة الكهرباء .وهكذا ....
هيك فكرت لما قرات عنوان الموضوع .تاري عم تسأل عن الصور ....
واذا بدك تعرف السبب وببساطة هو التغيير ورامي بيحب التجديد وهيك حب يغير الصور للشباب لمفاجأتهم ..........لذلك ربما لم يغير صورتهأهلين أخي غسان
كيف الصحة و الحال و كيف أصحابك حجي لقلق و أبو الهول ..................
صحيح تبديل الطرابيش هو تبديل المواقع ....
بس الشغلة بدا تمهيد مدفعي مشان ما يثور أعضاء المنتدى احتجاجا على أحد المسؤولين
يعني ما بيصير هيك طب غم
لذلك بالمرحلة الأولى يجب تغيير الانطباع الأولي عن هذا الشخص
حتى يتم تقبله من جماهير المنتدى ....
يعني مثلا الاخ غالب
بصورتو الأديمة يلي عميبتسم فيا ما فينك تسلموا الحقيبة الأمنية ..........
مشان هيك تم العمل على ضرب الرابط بين غالب و الابتسامة ....و هكذا دواليك .......
و السيد رامي بالفعل فاجئ الشباب ......
و الشباب كمان بيحبوا التغيير لهيك كمان الشباب راح يفاجؤوا للأخ راامي ......

[لقماان]

cccتم الحذف للتكرار بسبب بطء النت

[لقماان]

يعني السيد رامي
راح يعمل انتخابات ديمقراطية بالمنتدى....
و راح ينزل منافسين لألو على الاشراف العام على المنتدى ...............
و الله هي حركة خطيرة و مانا مضمونة النتائج بالنسبة للأخ رامي .....
يعني حتى و لو كانوا المرشحين التانيين مضروبة صورون
بس شو يلي بيضمنلوا للأخ رامي انو ما تنمد أيادي خارجية من منتدى آخر مغرض و تحاول تنتهز الفرصة ........
هي لعبة الديمقراطية ...لعبة خطرة

[beautiful life]

ههههههه .. ملاحظاتك اخي أبو حكيم وأسلوبك دقيقة كتير .. الله يسترنا

مازلنا مراقبين للوضع

[فراس السكري]

الله يعطيك العافية اخ لقمان انا رحت من هون انت بلشت بالطرابيش
على فكرة بالبداية قلته خلي صورة ولادي بس بالسهرة صورني وقلي رح احطها هي غامقة شوي
بس صورة ولادي احلىوعلى فكرة تعليقك علي مثل تعليق اخ غالب ممكن اعرف شوتغير بالتفصيل لاني بدي ادخلك علم اجتماع

[fawazz]

اخي لقمان
شكرا لك
وصورتي منوره لوجودي بين الجمع الكريم
واتمنى ان نتعرف باقرب فرصه

[manar]

وأخيراً أخي أبو حكيم مناقشة لموضوع الطرابيش af7a1af7a1
وهون أعود وأذكر بالسؤال الرئيسي للمفكر أبو حكيم الدين يلي كان مفاده:
"ليش رامي غير كل الطرابيش بلمنتدى وماغير طربوشوا"
لأنا شخصياً ملا حظتي العامة على الصور الجديدة إنو معظمها سيمتها "الزور" يعني كلو حاطط العئدة فيا ترى هل لهذا الموضوع "العئدة يلي تعلو الوجوه والزور" علاقة مباشرة بالموضوع ؟؟؟؟؟
حاسس بداية :eek::eek::eek::coool::coool::coool:....... على رامي ولا شو؟؟؟؟

[Tareq]

أخ لقمان شامم ريحة انقلاب على الأخ رامي ؟؟؟؟؟؟؟؟؟؟؟؟؟؟؟؟

[economic opinion]

حاسس بداية :eek::eek::eek::coool::coool::coool:....... على رامي ولا شو؟؟؟؟
على فكرة...... أنا أعلن ومن منبري هذا...... إني أنا مع رامي في حال كان في أي محاولة إنقلاب ...
أنا فقط عم بسأل لمحاولة فهم الأسباب المباشرة وغير المباشرة التي دعت بروكرنا لتغيير الطرابيش عدا طربوشو marsamarsa
بعدين لاتنسوا إنو لما مؤيد اتهم رامي بأنو مستأصدو بتغير طربوشو بمحاولة من رامي لتشويه صورة مؤيد بتبديلها بزورة ما إلها حل وعنجد بترعب، أنا دافعت عن بروكرنا بقولي "أنا ما بعتقد إنو رامي مصتأصدك، اتطلع على معظم الصور الجديدة الباقية Big GrinBig Grin"
وممنوع حدا يعمل انقلاب على رامي ;)

[لقماان]

حاسس بداية :eek::eek::eek::coool::coool::coool:....... على رامي ولا شو؟؟؟؟
شو شامم ريحة انقلاب ما انقلاب......
هي ريحة مقلوبة بالبيتنجان و الجوز
الله يخليك هاد الحكي(انقلاب ) بيودي لورا الشمس................
يعني وأت برشح حالي للانتخابات ما راح انتخب حالي راح انتخبوا لأبو حازم من كتر اخلاصنا لألو ....................
هاد أبو حازم هاد ..................

[BROKER]

أعزائي المشاهدين أعزائي الحضور
لفت نظرنا في الآونة الأخيرة قيام السيد رامي العطار بتبديل طرابيش جميع الكادر الموجود معه في المنتدى ...........
مالهدف من ذلك و ماهي تصوراتكم عن الوضع هذا ما سنناقشه في هذا الملف الشائك في برنامج الطربوش و الطربوش الآخر
فمن لديه مشاركة تفيد الموضوع نرجوا أن لا يبخل بها علينا :
أولا سنبدأ بمداخلة السيد لقمان حدو :
يقول السيد لقمان متحدثا بالعامية /أي يكتب كما يلفظ /:
راح احكي عن الصور وحدة وحدة
نبدأ بصورة الأخ غالب أبو النور
يعني صورتو أبل كانت فيا ابتسامة و مريحة
و كنا وأت نشوف رد للأخ غالب لا نقوم الا بتأيويله على المنحى الحسن ...........حتى و لو كان عميهاجمنا .........
بالفعل كانت في ابتسامة ود و طيبة على الوجه
بس بعد تغيير الصورة يا جماعة و الله ماعدت أعرف احكي معو و حسيتوا واحد ديكتاتور................
هيك متل شي ضابط مخابرات حاطط ايدو على كمروا
و عميتفرج علينا من فوء لتحت و ما في شي عاجبو ..............
أناشدكم تغيير الصورة

الأخ العريس المسكين مؤيد
صورتو بالأول بتخلي مين يشوفوا يفرحلوا انو في حدث سعيد بحياتو .........و بتخلي الواحد يتفائل
بس صورتو هللأ للأسف متل شي واحد الهم و الحزن آخد منو مأخد و بتخلي الواحد يؤول حسبي الله و نعم الوكيل
و تذكرت هي الصورة المتداولة لشخص فرحان و مكتوب جنبا قبل الزواج بعدين بتئلب الصورة بيطلعلك واحد الهم آتلوا
و مكتوب جنبا بعد الزواج ......................
أناشدكم تغيير الصورة
لأنو عنجد صعبة ادام عيلتو...............
فراس السكري : كنا راسمينلوا صورة حسب تسريباتو هوة
انو شاب رشيق الاطلالة ....
هللأ تبين انو شاب رشيق ...........
بس رشيق بالكلمات ....بس الصورة حلوة
الأخ أبو طلال صورتو حلوة
و اجاني طلبات كتير من العذال مشان أسعى في شيلة صورتو ......
الأخ وائل 77 مبين أكبر بالعمر بكتير من الصورة الأولى ...............
الأخ هشام على ما يبدوانو مدعوم طالعة الصورة تمام التمام و باين عريس المنتدى
الأخ عبد الكريم صورتو كأنا مصورة باليونان لأنو فرء من السما و الأرض بين الصورتين و التانية أحلى بكتير من الصورة الأولى يلي مصورة من على دور فرانسا
أما الصورة المنورة فهي للأخ فواز.....بالفعل هيئة الوقار ما شاء الله باينة على وجه و بيرتحلوا الواحد من النظرة الأولى .......و أنا كتير تشجعت اتعرف عليه
هللأ الاخوة البائيين لسا ما اطلعت مظبوط على صورن لنحكم عليون
أخيرا أقول للأخ رامي لصالح من هذا التغيير و ماهو هدفك ............
بالفعل صرنا ما عاد نعرف نحكي مع و لا واحد من يلي غيرتلون الصورة
كأنون أشخاص أول مرة بنشوفون .....
و بدنا وأت طويل لنتعود نحكي معون لأنو لازم نمحي الانطباع الأديم يلي تكون عنا وهاد يعني انو راحت كل حصيلتون التراكمية عبر السنين يلي تعبوا عليا تعب ............
بس صورتك (يعني صورة الأخ رامي )
يا سلام محفورة بالذاكرة و ماعاد نأدر غير نحكي معاك براحتنا لأنو بتوحيلنا أنو في ثبات على المواقف ......


اممممممممم

يا اخ ابو حكيم الدين ... قبل كل شي وقبل ما تحكي لازم تشكر ربك وتتصدق بــ 20 كيلو لحمة أني لم أعطي الاوامر بتغيير صورتك ، وذلك لغاية في نفس يعقوب ...

اما الاهداف والغاية والاسباب فهي اسرار امنية

واقرب رأي للنية هو راي الاخ غسان :rolleyes2:

- اما عن سبب عدم تغيير طربوشي ..... لأني بصراحة لن أضع صورة جديدة أكثر ابتسامة نظراً لحزننا على شهداء بلدنا ..... ولا احب "الزور" فارتأيت ان تبقى كما هي ... :)

- اما عن اكثر راي اعجبني هو رأي مؤيد ... ;)

- والدفاع الذكي هو دفاع الانسة روان .... لانها اول من الف الانقلابات و أول من اعترض و حرض على تبديل الصور ... والآن تقول ( انا ضد الانقلابات ) هي دبلوماسية بحق :coool:

[لقماان]

اممممممممم


(يا اخ ابو حكيم الدين ... قبل كل شي وقبل ما تحكي لازم تشكر ربك وتتصدق بــ 20 كيلو لحمة أني لم أعطي الاوامر بتغيير صورتك ، وذلك لغاية في نفس يعقوب ... )
20 كيلو لحمة .............20 كيلوا لحمة عشرين يا أبو حازم
اي بزمناتوا مشان كيلو لحمة كنت ألتو الله يرحموا ................

(اما الاهداف والغاية والاسباب فهي اسرار امنية
واقرب رأي للنية هو راي الاخ غسان :rolleyes2:)
هو الأخ غسان في عندو ميول أمنية هو و أصحابوا أبو سعد و أبو الهول (الله يكسر من أمثال واحد منون على أولة التاني

(- اما عن سبب عدم تغيير طربوشي ..... لأني بصراحة لن أضع صورة جديدة أكثر ابتسامة نظراً لحزننا على شهداء بلدنا ..... ولا احب "الزور" فارتأيت ان تبقى كما هي ... :)
هاد هو الثبات على المواقف ................... )
- اما عن اكثر راي اعجبني هو رأي مؤيد ... ;)
و هيك بتكون أثبتت بشكل عملي المثل يلي بيؤول على مبدأ ما بعرف خيرو لتجرب غيروا
- والدفاع الذكي هو دفاع الانسة روان .... لانها اول من الف الانقلابات و أول من اعترض و حرض على تبديل الصور ... والآن تقول ( انا ضد الانقلابات ) هي دبلوماسية بحق :coool:
شفت شلون هي أكبر صدمة يعني الأخت روان هي شعلت الفتنة ووأت اجا تلفزيون المنتدى عملت حالا عمتطفي النار حتى بدموع عينا من كتر اخلاصا لمقام جنابكون .......................
أخيرا تبين لي أنو:
هدا الطريق يلي عم أمشي في غلط هو طريق غلط ....و راح يؤدي للخراب ........
و تبين لي انو المصاري يلي مولتني فيا الجهات المغرضة
كنت عمأصرفا على الملذات الشخصية ...........
و تبين لي أنو أنا ندمان على هالعملة......الشنيعة ............
و تبين لي أنو المنتدى كلوا بيحبكون .............
و انو المنتدى ما فيو روان وحدة .........المنتدى كلوا روان ..

[economic opinion]

- اما عن سبب عدم تغيير طربوشي ..... لأني بصراحة لن أضع صورة جديدة أكثر ابتسامة نظراً لحزننا على شهداء بلدنا ..... ولا احب "الزور" فارتأيت ان تبقى كما هي ... :)

- والدفاع الذكي هو دفاع الانسة روان .... لانها اول من الف الانقلابات و أول من اعترض و حرض على تبديل الصور ... والآن تقول ( انا ضد الانقلابات ) هي دبلوماسية بحق :coool:




شفت شلون هي أكبر صدمة يعني الأخت روان هي شعلت الفتنة ووأت اجا تلفزيون المنتدى عملت حالا عمتطفي النار حتى بدموع عينا من كتر اخلاصا لمقام جنابكون .......................


و انو المنتدى ما فيو روان وحدة .........المنتدى كلوا روان ..

في بيان عن مواقفي.... بحب أول شي رد على تعليق بروكرنا حول كوني أول شخص بلش بفكرة الإنقلابات "صح، بس كان الإعلام المغرض خادعني Big Grin _هون بكون عم بتنصل من المسؤولية_" وبكوني أول من حرض على تبديل الصور ذلك لأني بشوف إنو، مع إني مع رامي، بس هي "مطالب محقة" مافيني اغفل عنهاmarsa
أنا مع الإصلاح بس ضد الفوضى والإنقلابات، ورامي كلنا منعرفوا متفهم وبيلبي المطالب المحقةmarsa
وعلى فكرة أما عن جملتك "
- اما عن اكثر راي اعجبني هو رأي مؤيد ... ;)"
فأنا بشوف إنو هي دبلوماسية بحق :coool:

بس رامي تعليقاً على جملتك تبع مابدك تحط زورة شو تعليقك على صورة الأستاذ الغالب وعريسنا مؤيد، يعني ليش هدول بدلت ابتسامتون بزورة؟؟:confused:
وهي الوردة هدية مني لبروكرنا eee
وهي كمان وردتين هدية مني لأخي أبو حكيم الدين cccrrr

[لقماان]

في بيان عن مواقفي.... بحب أول شي رد على تعليق بروكرنا حول كوني أول شخص بلش بفكرة الإنقلابات "صح، بس كان الإعلام المغرض خادعني big grin _هون بكون عم بتنصل من المسؤولية_" وبكوني أول من حرض على تبديل الصور ذلك لأني بشوف إنو، مع إني مع رامي، بس هي "مطالب محقة" مافيني اغفل عنهاmarsa
أنا مع الإصلاح بس ضد الفوضى والإنقلابات، ورامي كلنا منعرفوا متفهم وبيلبي المطالب المحقةmarsa
بس رامي تعليقاً على جملتك تبع مابدك تحط زورة شو تعليقك على صورة الأستاذ الغالب وعريسنا مؤيد، يعني ليش هدول بدلت ابتسامتون بزورة؟؟:confused:
وهي الوردة هدية مني لبروكرنا eee
وهي كمان وردتين هدية مني لأخي أبو حكيم الدين cccrrr
أنا مصدوم ..........................
و لا بعشرة دولارات عفوا وردات بأبل .......................
هيك يا أخت روان ..................هيك .........
هيك بعد ما بلشنا النضال و الكفاح بروح الطليعة النخبوية التي تحسن قراءة واقع الحدث للتعامل مع بؤر الرجعية البرجوازية التي سنوصلها الى الليبرالية الراديكالية .........
(علي الحلال اي أنا ما فهمت ولا كلمة من يلي ألتون أنا فوء )

هللأ أنا عمعاني من وهن عام في احساسي النهضوي بعد الاطلاع على حقيقة المواقف الفئوية الضيقة للرفيقة الأخت روان

(علي الحلال اي أنا ما فهمت ولا كلمة من يلي ألتون أنا لا فوء و لا هللأ)
الله يخليلنا هالمصطلحات يعني تنقذ الواحد وأت الأزمات وأت ما بيعرف حالو شو بدو يحكي
و بيكون خايف من أنو تنحسب عليه أي كلموة بيؤولا

[economic opinion]

بروكرنا أبو حازم أنا أعلن إنو أخي الرفيق أبو حكيم الدين طلَّع إيدو من الموضوع وإنو هو بكل روحو النضالية بصفك، وليس له أي علاقات مباشرة أو غير مباشرة بمواقفي، حتى إنو متل مالك ملاحظ بتعليقه الذي يسبق تعليقي هاد، فرض عليي عقوبات وقطع علاقاته الدبلوماسية معي، وما قدرت ارشيه .... عفواً عفواً..... راضيه بوردتين مو بوردة وحدة :rolleyes2:;)
وهيك بضل أنا لحالي... وبدون دعم.... وبدون ضهر على مواقفي نفسها
:patch_pleur1::patch_pleur:

[لقماان]

بروكرنا أبو حازم أنا أعلن إنو أخي الرفيق أبو حكيم الدين طلَّع إيدو من الموضوع وإنو هو بكل روحو النضالية بصفك، وليس له أي علاقات مباشرة أو غير مباشرة بمواقفي، حتى إنو متل مالك ملاحظ بتعليقه الذي يسبق تعليقي هاد، فرض عليي عقوبات وقطع علاقاته الدبلوماسية معي، وما قدرت ارشيه .... عفواً عفواً..... راضيه بوردتين مو بوردة وحدة :rolleyes2:;)
وهيك بضل أنا لحالي... وبدون دعم.... وبدون ضهر على مواقفي نفسها
:patch_pleur1::patch_pleur:
الهلوكست الثانية ..............

[economic opinion]

الهلوكست الثانية ..............
أخي أبو حكيم .... حاول تستفيد منها .... لا تندب عليها:patch_omlt::patch_balon:

[BROKER]

دائما بس تلاقي مؤامرة عليك .... ( علق المعارضين بين بعض)

خدوها مني !!!!!

[لقماان]

دائما بس تلاقي مؤامرة عليك .... ( علق المعارضين بين بعض)


خدوها مني !!!!!

خبير
يا أبو حازم بس انت ما سمعت شو حكى عنك الأخ سعيد ...........
يلي أيد حديثوا أخونا غسان ...........
وأت كانوامجتمعين بمزرعة أبو معاذ بعد ما وصلون لهنيك أخونا غالب ............
بالفعل لو سمعان شو حكوا عنك ...........
كنت أكيد أعدت ترتيب حساباتك ............

[غالب]

خبير
يا أبو حازم بس انت ما سمعت شو حكى عنك الأخ سعيد ...........
يلي أيد حديثوا أخونا غسان ...........
وأت كانوامجتمعين بمزرعة أبو معاذ بعد ما وصلون لهنيك أخونا غالب ............
بالفعل لو سمعان شو حكوا عنك ...........
كنت أكيد أعدت ترتيب حساباتك ............

قديمة

ابو حازم ما عاد تاثر بهيك حكي ما الو سند

[لقماان]

قديمة

ابو حازم ما عاد تاثر بهيك حكي ما الو سند
يلي مالوا أديم مالوا جديد ..............
بعدين شو آصد انو أبو حازم ما عاد يتأثر بالحكي ................
لكن بشو بيتأثر أبو حازم ............
بالمصاري مثلا .............
هي ما حبيتا منك بحئ أخونا أبو حازم .......
بعرف انو بيكنلك محبة خاصة لألك ......
لي هيك عمتحكي عنوا ....