لقماان
29-09-2011, 01:14 AM
بروح بكير على شغلي
و بدخل المكتب وبروح تأفتح باب البلكون و بس حرك البرداية شوي
بتبلش العصافير برفع صوت زءزءتا ...
و كأنا عمتألي صباح الخير
صباح الدرة ...............
صباح الحنطة و الماي ..........
بكمش شوية حنطة أو درا بيضا من الكيس يلي عندي بالمكتب و بحطلون ياهون على حرف البرندا و بغيرلون المي
لأنو بتعرفوا بعد الأكل لازم الواحد يشرب شاي
بس العصافير ما بتشري الا الماي ...........
المهم هيك كل يوم بؤول يارب في كل كبد رطبة أجر ....................
كل يوم على هالحال حتى صار في شوية ونس بيني و بين العصافير و ما بتخاف مني كتير بس وأت بكون لحالي ......
المهم مالكون بالطويل الأصير أحلى.....؟؟؟
اليوم المدير العام زودلي الراتب .....
طبعا زودلي الراتب بعد ما يئست خلاص انو ماراح يزود لأنو ما تركت وسيلة و لا طريقة و أنا عمحاول أقنعوا مشان يزيد راتبي ما كان يقتنع ....
سبحان الله تؤول اجا العناد
و كأنو فيو عرء كردي ..........
يعني حاولت بكل الطرق السلمية و حتى لوحت باستعمال الأسلحة المحرمة دوليا و الله و لا كأنو حكيت شي ...................
لأنو بيعرفني ألبي طيب و الأهم من هيك ما بصخا فيو لأني بالفعل بحبو
بحياتكون شفتوا موظف بيحبوا لمديروا يلي ما بيزودلوا الراتب ...سبحان الله أنا
لأنو هو بالفعل بينحب ووائف معي بأيام الأزمات متل أخي و أكتر .........
المهم اليوم و نحن عمنجهز للرواتب مشان نأبض العمال بكرة
تفاجئت انو عاملي زيادة بالراتب 2000ليرة
صحيح هنن دون الطموح لأنو ابن آدم طماع
بس و الله فرحت فيون و تفاجئت كمان لأنو آخر مطالبة مني بالزيادة انتهت انو زعلت منو ......
و صرت احرموا من طلتي البهية و ما أحكي معو الا للضرورة.....آل أخدت موقف
(بالمناسبة هو مدير و من كبار الملاك بس أخلاؤو كتير عالية بس راسو كردي )
المهم أعدت فكر انو شلون هيك زودلي...
فجأة في شي هزني من جوا و تذكرت شغلة صارت معي بأول هالجمعة ...........
شفت شوية عصافير عمتحوص ادام البرندا
أمت حطيطلون شوية حنطة
بعد شوي رجعوا امت حطيطلون كما هيك حتى خلص الكيس كلوا ...........
بعد شوي حسيت في عصفور عميحوص حوالين البرندا.............
و كأنوا عميؤول أنا راح موت من الجوع ..
ضربت ايدي على كيس الحنطة لائيتوا فاضي .....أمت ألبتوا للكيس طلع فاضي....
أنا و عمكبوا بالسلة وئعت منو حبة حنطة وحدة ......حبة حنطة وحدة وئعت بالسلة ما بعرف ليش وأتا تذكرت الآية الكريمة يلي بما في معناها :
أن ما من حبة من خردل في السموات و الأرض الا و يعلمها الله
و تذكرت أنه يعرف دبيب النملة السوداء على الصخرة الصماء في الليلة الظلماء......
و صرت حكي حالي
هللأ اذا لائيتا لالحبة و حطيتا و أكل منا شي هالعصفور أديش بتكون منيحة لألوا و أديش بيجيني ثواب من رب العالمين ...........
ما بعرف ليش هالحبة بالذات أخدت مني هالمنحى بالتفكير مع أنو بالأيام البائية بيوءع كتير من الحب و ما بنتبهلون كتير ......
المهم ألت يارب بعرف انو ما راح تضيعلي شي حتى و لو كان شي صغير ممكن يكون عندك كبير ........
المهم مسكتلكون هالسلة و دحشت ايدي فيا و طالعت كل شي فيا و صرت بحبش تؤول عمدور على صندوق الكنز
و ضليت مدة طويلة من الوأت و أنا عمبحبش و دور و أنا مصر انو لائيا و في عندي احساس داخلي عميؤول بدك تلائيا للحبة و بدو ياكلا هالعصفور و بدو يدعيلك
و كل ما يفوت حدن على المكتب جلس حالي و عبي مركزي متل ما بيؤولوا .............
و بعد ما يطلع اهجم رد على السلة بكل جدية و اصرار..........
المهم بعد جهد جهيد لائيتا لحبة الحنطة
مسكتا هيك بايدي تؤول ماسك شي ألماسة و بكل حنية حطيتا على حرف البلكون و ألت يا رب أؤجرني بكرمك عليها لا بعددها عند عصافيرك و لا بقيمة العمل بالمقياس المادي الدنيوي ...........
فتت من على البرندا و اجا رأسن العصفور و أكلا واجت عيني بعينوا و حسيتوا عميتفرج علي و هو عميبتسم كانت نظرتوا سبحان الله حلوة و مميزة (أو أنا هيك تخيلت )
كان كأنوا عميدعيلي و يؤول روح الله يجزيك الخير أضعاف مضاعفة..............
ما بعرف كتير انبسطت وأتا و ألت الحمد لله يلي دلني على طريق فيو خير ......
و راحت الشغلة كام يوم ............
و بعدا زودلي المدير العام راتبي...........
شفتوا كيف بيزود الواحد راتبوا ........
و بدخل المكتب وبروح تأفتح باب البلكون و بس حرك البرداية شوي
بتبلش العصافير برفع صوت زءزءتا ...
و كأنا عمتألي صباح الخير
صباح الدرة ...............
صباح الحنطة و الماي ..........
بكمش شوية حنطة أو درا بيضا من الكيس يلي عندي بالمكتب و بحطلون ياهون على حرف البرندا و بغيرلون المي
لأنو بتعرفوا بعد الأكل لازم الواحد يشرب شاي
بس العصافير ما بتشري الا الماي ...........
المهم هيك كل يوم بؤول يارب في كل كبد رطبة أجر ....................
كل يوم على هالحال حتى صار في شوية ونس بيني و بين العصافير و ما بتخاف مني كتير بس وأت بكون لحالي ......
المهم مالكون بالطويل الأصير أحلى.....؟؟؟
اليوم المدير العام زودلي الراتب .....
طبعا زودلي الراتب بعد ما يئست خلاص انو ماراح يزود لأنو ما تركت وسيلة و لا طريقة و أنا عمحاول أقنعوا مشان يزيد راتبي ما كان يقتنع ....
سبحان الله تؤول اجا العناد
و كأنو فيو عرء كردي ..........
يعني حاولت بكل الطرق السلمية و حتى لوحت باستعمال الأسلحة المحرمة دوليا و الله و لا كأنو حكيت شي ...................
لأنو بيعرفني ألبي طيب و الأهم من هيك ما بصخا فيو لأني بالفعل بحبو
بحياتكون شفتوا موظف بيحبوا لمديروا يلي ما بيزودلوا الراتب ...سبحان الله أنا
لأنو هو بالفعل بينحب ووائف معي بأيام الأزمات متل أخي و أكتر .........
المهم اليوم و نحن عمنجهز للرواتب مشان نأبض العمال بكرة
تفاجئت انو عاملي زيادة بالراتب 2000ليرة
صحيح هنن دون الطموح لأنو ابن آدم طماع
بس و الله فرحت فيون و تفاجئت كمان لأنو آخر مطالبة مني بالزيادة انتهت انو زعلت منو ......
و صرت احرموا من طلتي البهية و ما أحكي معو الا للضرورة.....آل أخدت موقف
(بالمناسبة هو مدير و من كبار الملاك بس أخلاؤو كتير عالية بس راسو كردي )
المهم أعدت فكر انو شلون هيك زودلي...
فجأة في شي هزني من جوا و تذكرت شغلة صارت معي بأول هالجمعة ...........
شفت شوية عصافير عمتحوص ادام البرندا
أمت حطيطلون شوية حنطة
بعد شوي رجعوا امت حطيطلون كما هيك حتى خلص الكيس كلوا ...........
بعد شوي حسيت في عصفور عميحوص حوالين البرندا.............
و كأنوا عميؤول أنا راح موت من الجوع ..
ضربت ايدي على كيس الحنطة لائيتوا فاضي .....أمت ألبتوا للكيس طلع فاضي....
أنا و عمكبوا بالسلة وئعت منو حبة حنطة وحدة ......حبة حنطة وحدة وئعت بالسلة ما بعرف ليش وأتا تذكرت الآية الكريمة يلي بما في معناها :
أن ما من حبة من خردل في السموات و الأرض الا و يعلمها الله
و تذكرت أنه يعرف دبيب النملة السوداء على الصخرة الصماء في الليلة الظلماء......
و صرت حكي حالي
هللأ اذا لائيتا لالحبة و حطيتا و أكل منا شي هالعصفور أديش بتكون منيحة لألوا و أديش بيجيني ثواب من رب العالمين ...........
ما بعرف ليش هالحبة بالذات أخدت مني هالمنحى بالتفكير مع أنو بالأيام البائية بيوءع كتير من الحب و ما بنتبهلون كتير ......
المهم ألت يارب بعرف انو ما راح تضيعلي شي حتى و لو كان شي صغير ممكن يكون عندك كبير ........
المهم مسكتلكون هالسلة و دحشت ايدي فيا و طالعت كل شي فيا و صرت بحبش تؤول عمدور على صندوق الكنز
و ضليت مدة طويلة من الوأت و أنا عمبحبش و دور و أنا مصر انو لائيا و في عندي احساس داخلي عميؤول بدك تلائيا للحبة و بدو ياكلا هالعصفور و بدو يدعيلك
و كل ما يفوت حدن على المكتب جلس حالي و عبي مركزي متل ما بيؤولوا .............
و بعد ما يطلع اهجم رد على السلة بكل جدية و اصرار..........
المهم بعد جهد جهيد لائيتا لحبة الحنطة
مسكتا هيك بايدي تؤول ماسك شي ألماسة و بكل حنية حطيتا على حرف البلكون و ألت يا رب أؤجرني بكرمك عليها لا بعددها عند عصافيرك و لا بقيمة العمل بالمقياس المادي الدنيوي ...........
فتت من على البرندا و اجا رأسن العصفور و أكلا واجت عيني بعينوا و حسيتوا عميتفرج علي و هو عميبتسم كانت نظرتوا سبحان الله حلوة و مميزة (أو أنا هيك تخيلت )
كان كأنوا عميدعيلي و يؤول روح الله يجزيك الخير أضعاف مضاعفة..............
ما بعرف كتير انبسطت وأتا و ألت الحمد لله يلي دلني على طريق فيو خير ......
و راحت الشغلة كام يوم ............
و بعدا زودلي المدير العام راتبي...........
شفتوا كيف بيزود الواحد راتبوا ........