متابعة رحلة رامي العطار الى الاردن [الأرشيف] - الأسهم السورية ( المضارب السوري)

مشاهدة النسخة كاملة : متابعة رحلة رامي العطار الى الاردن

غالب

13-09-2011, 05:36 PM

متابعة رحلة رامي العطار الى الاردن .

تحية طيبة جميعا

بما اننا ضمن استراحة المضاربين اتمنى ان ترتاحوا معنا بمتابعة رحلة رامي العطار الى الاردن .
يمكن تكون انفع من متابعة جلسة التداول وسمة البدن .

سافر رامي العطار الى الاردن ويقولون له ابو حازم مع انولا في حازم ولا ام حازم ولكنه ربما يحزم امره في القريب العاجل ليجد ام حازم وبعدها بسنة يكون على يده حازم ان شاء الله .

السفر كان يوم الاثنين صباحا الساعة 8:30 مع بشار طيفور ابو طارق وصديق ل رامي لحد الان لا اعرف اسمه واعادوه منى الحدود لانتهاء صلاحية جواز سفره .

وكانت الرحلة برفقة الاخ احمد النوري ابو معاذ ومدام رندة ام معاذ وبسيارة ابو معاذ الغالي والرحلة كانت ميسرة كثيرا والحواجز على الطريق الدولي الى الاردن كانت قليلة جدا وغير مزعجة ابدا . ووصلوا الى عمان في تمام الساعة الواحدة .

قضى ابو معاذ بعض الاعمال ويمكن تغدوا سوا وبعدها افترقوا كل الى مجاله .

عاد مساءا ابو معاذ وام معاذ الى المنزل ووصلافي 12 ليلا .

دخل رامي على المنتدى في وقت متاخر واليوم الاول كان جيدا ونحن بانتظار ان يروي لنا بعض التفاصيل عن اليوم الاول .

في اليوم الثاني سيذهب الى مكة مول وهو الان هناك واشترى شريحة اردنية ولم نعلم رقمه لحد الان .

هاي التفاصيل كرمال اخونا لقمان .

سيعود السيد رامي الى الشام خلال اسبوع فهل يستطيع ان يقضي اسبوع كامل بعيدا عن بلده دعونا ننظر

beautiful life

13-09-2011, 05:45 PM

متقن بشغلك أستاذ غالب بحييك :)

متابعين معكم ومع تفاصيلكم ;)

ونتمنى التوفيق للأخ رامي .. وبانتظار لائحة العقوبات ( يلي عم تحسسني كأني مندسة Big Grin )

طير الحر

13-09-2011, 06:05 PM

اولا .... و بعد التحية و السلام ... فينا نعرف سبب زيارة بروكرنا الى الاردن
هل هي لاسباب شخصية ... أم لاسباب تتعلق بصالح المنتدى و الاعضاء المنكوبين و الخاسرين المفلسين
ثانيا .... وبعد وصول بروكرنا بالسلامة ... هل سيحضر رامي هدية واحدة جماعية .... ام سيحضر لكل واحد من اعضاء المنتدى هدية خاصة افرادية
ثالثا .... رحلة موفقة و يرحعك لمحبيك سالم غانم رامي

غسان

13-09-2011, 06:48 PM

شكرا ابو النور وحلو انو نسمع اخبار من نحبهم
بالمناسبة اخونا مؤيد قضى يومين بتركيا وهلأ عندو 10 ايام بمصر بعدين بيرجعلنا بالسلامة
واللي بنحبهم بنسأل عنهم دائما...

BROKER

13-09-2011, 06:59 PM

والله الاستاذ غالب .... متل ما حكينا عن واحد من المسربين للأخبار

بانه العضو الوحيد الذي لا يستطيع الا ان يسرب الاخبار

طبعاً انا في الاردن يلي هية اقرب من دمشق لحلب .... بس حاسس حالي بالارجنيتن من البعد ، والنت الحمد لله لولاه ما بضل دقيقة لانو عم يحسسني انو لساتني ببلدي ...

- طيب انا مع الفكرة بس الحكي مو بتفاضيل بل بنقاط هااااامة ممكن تمر معي او لاحظها هون بهي البلد كوني لاول مرة بنام فيها ... يعني عادة بسافر بس بنفس اليوم برجع ...

BROKER

13-09-2011, 07:02 PM

متقن بشغلك أستاذ غالب بحييك :)

متابعين معكم ومع تفاصيلكم ;)

ونتمنى التوفيق للأخ رامي .. وبانتظار لائحة العقوبات ( يلي عم تحسسني كأني مندسة big grin )

العقوبات على المشرفين باستثناء الانسة جوهر كونها المسشرقة الوحيدة القائمة بمهامها

بس ما فينا نصدر العقوبات الا لنرجع لانو منخاف يصير شي انقلاب تارك المكتب بس للحرس ;)

BROKER

13-09-2011, 07:04 PM

ابو تيم

13-09-2011, 07:05 PM

يا ابو النور لازم تغير عنوان الموضوع إلى المتابعة اللحظية لرحلة رامي العطار إلى الأردن Big Grin

BROKER

13-09-2011, 07:07 PM

سيعود السيد رامي الى الشام خلال اسبوع فهل يستطيع ان يقضي اسبوع كامل بعيدا عن بلده دعونا ننظر

هذا اهم سؤال .... صاحبه لا يعرف جوابه الى الآن

في حال كملت الاسبوع فرح ارجع بعد يومين بنية البقاء لستة أشهر مع زيارة الشام كل اسبوع ليوم او أكتر ..... وفي حال ما كملت الاسبوع هذا يعني اني لن اعود لهنا ....

الوضع حالياً خريج مدرسة مس سلام 50%.

manar

13-09-2011, 07:23 PM

شكرا ابو النور
مع مزيد من الاخبار

BROKER

13-09-2011, 07:33 PM

ايجابيات ببلاش :

- أول ايجابية هية بسماع نغمة من الشارع تكررت كتير ..... فسألت شو هاد الصوت فطلع ( بياع الغاز ) ....

النغمة غير مزعجة ولا تتوتر منها ولا تنزعج .... ولا ينادي بياع الغاز بأي صوت آخر .

- الايجابية الثانية كانت في الباص ، ركبت باص مع صديقي مع توديع ابو معاذ ، تقريبا شكله نفس شكل باصاتنا الجديدة الخضراء ... لكن من الواضح انها في الاردن من سنوات أكثر .... فالميزة فيها أنها "مكيفة" ...... اما الميزة المجانية هي بوجود زر أمام كل راكب يكبسه اذا ارد النزول .... هذا الزر يشغل ضوء احمر عند السائق فيقف ، فلا تسمع صراخاً من آخر الباص ولا عياط ولا تخبيط على البواب ...... حضارة مجانية !!! ...

- حضارة سياحية : التكاسي

التكاسي في عمان نوعها ياباني ( توتوتا - نيسان ) منظرها جميل وشكلها ولونها موحد ، في التكسي عداد متل اللي عنا ..... لكن عندما تشير للتكسي للتوقف لا يسألك أين طريقك ؟؟!! فإما ان يمشي او يرضى وهذا مخالف عندهم وغير وارد ، ثم انه يصفر العداد مباشرة فلا يتحجج بانه معطل او يتناساه .... وتركب بالسيارة الفخمة المريحة المكيفة "فرشها جلد " وعندما تصل تدفع ما يظهر على العداد !!!! بالضبط بالسنت بالقرش .....

يعني يلي صار معي انو طلع على العداد 0.80 فعطيت الشوفير 1 دينار ونزلت بحكم العادة ، وبكنه نادا لي واعطاني 20 قرش !!!!!! وبعدما نزلنا قلي صديقي هون الدفع على العداد حتى لو طلع 0.86 برجعلك الباقي .

حضارة مجانية ....

- اما في حال قررت البقاء للمدة المذكورة فكان العرض باني اشتري سيارة مستعملة بحالة جيدة وهي تساوي اقل بــ 50% من الاسعار عندنا ... طبعاً اذا كانت حديثة اما القديمة فهي اقل بــ 70% .

حرية التجارة وعدم الاحتكار يؤدي الى تطور البلد وارضاء طافة الطبقات

- وأي شي جديد سواء سلبي او ايجابي رح اذكره هون ....... يمكن في امور احسن من عنا بغير بلاد كاوروبا ، لكن تعجبني المقارنة مع الاردن كونها بلد عربي وقريب من عاداتنا وهي ليست بلاد نفطية كالخليج بل لا يوجد فيها اي مورد .

ابو تيم

13-09-2011, 07:40 PM

بس انا بكره شغلة بالاردن ان المللك عبد الله بينادولوا سيدنا

هي انا ما حبيتها فيون

BROKER

13-09-2011, 09:01 PM

بس انا بكره شغلة بالاردن ان المللك عبد الله بينادولوا سيدنا

هي انا ما حبيتها فيون

لسا ما شفت هيك شي ... هلا بسأل

- بس صوره وين ما بتروح بتلاقيها .....

ابوحمزه

13-09-2011, 09:14 PM

ايجابيات ببلاش :

- أول ايجابية هية بسماع نغمة من الشارع تكررت كتير ..... فسألت شو هاد الصوت فطلع ( بياع الغاز ) ....

النغمة غير مزعجة ولا تتوتر منها ولا تنزعج .... ولا ينادي بياع الغاز بأي صوت آخر .

عنا بحلب : تطورنا بالنغمة مع المحافظة على التراث القديم بالخبط على جرة الغاز.. يعني النغمة +يخبطو على الجرة وبيصيح غاز ومشغل النغمة بالمسجلة ( يعني 3بـ1)

- الايجابية الثانية كانت في الباص ، ركبت باص مع صديقي مع توديع ابو معاذ ، تقريبا شكله نفس شكل باصاتنا الجديدة الخضراء ... لكن من الواضح انها في الاردن من سنوات أكثر .... فالميزة فيها أنها "مكيفة" ...... اما الميزة المجانية هي بوجود زر أمام كل

ومين قال انه باصاتنا غير مكيفة هي مكيفة بس على الساخن .

راكب يكبسه اذا ارد النزول .... هذا الزر يشغل ضوء احمر عند السائق فيقف ، فلا تسمع صراخاً من آخر الباص ولا عياط ولا تخبيط على البواب ...... حضارة مجانية !!! ...

هذا يخلق نوع من عدم التواصل الحي بين الراكب وسائق الباص

- حضارة سياحية : التكاسي

التكاسي في عمان نوعها ياباني ( توتوتا - نيسان ) منظرها جميل وشكلها ولونها موحد ، في التكسي عداد متل اللي عنا ..... لكن عندما تشير للتكسي للتوقف لا يسألك أين طريقك ؟؟!! فإما ان يمشي او يرضى وهذا مخالف عندهم وغير وارد ، ثم انه يصفر العداد مباشرة فلا يتحجج بانه معطل او يتناساه .... وتركب بالسيارة الفخمة المريحة المكيفة "فرشها جلد " وعندما تصل تدفع ما يظهر على العداد !!!! بالضبط بالسنت بالقرش .....

نحن منخاف على الراكب يركب تكاسي فخمة بيقوم تنفسد أخلاقه ويتعود على التكاسي وبيصير يدفع راتبه على التكاسي وبيعود بيقول انه راتبه لا يكفي مما يطالب رب عمله بالزيادة ...مما مما مما ....

يعني يلي صار معي انو طلع على العداد 0.80 فعطيت الشوفير 1 دينار ونزلت بحكم العادة ، وبكنه نادا لي واعطاني 20 قرش !!!!!! وبعدما نزلنا قلي صديقي هون الدفع على العداد حتى لو طلع 0.86 برجعلك الباقي .

نحن المواطنين ما بيسألو على الفراطة , الراتب بيكفي لأكثر من اسبوع وأحياناً لأسبوع ويوم ..

حضارة مجانية ....

- اما في حال قررت البقاء للمدة المذكورة فكان العرض باني اشتري سيارة مستعملة بحالة جيدة وهي تساوي اقل بــ 50% من الاسعار عندنا ... طبعاً اذا كانت حديثة اما القديمة فهي اقل بــ 70% .

إذا توفر البيت والسيارة بسهولة للمواطن سيحلم بأشياء محظورة لذلك تبقى السيارة والبيت حلم بعيد المنال ,,,

Salam L

13-09-2011, 09:16 PM

بس انا بكره شغلة بالاردن ان المللك عبد الله بينادولوا سيدنا

هي انا ما حبيتها فيون

ممممم..... بس يمكن هي ميزة ....بيضلو ملك ابن ملك...;)

Salam L

13-09-2011, 09:24 PM

بس استاذ غالب ماخبرتنا انو ساعة نام رامي وشو اكل ... ولا شو شكل المكان اللي مقيم فيه.... ووو وووو

ويكيليكس مو شغال منيح هالايام

غالب

13-09-2011, 09:41 PM

بس استاذ غالب ماخبرتنا انو ساعة نام رامي وشو اكل ... ولا شو شكل المكان اللي مقيم فيه.... ووو وووو

ويكيليكس مو شغال منيح هالايام

انسة سلام ما حبيت قلكم راح يشوف صبية اردنية بدوا يتزوجها يعني مو كل التفاصيل بتنحكى

بس صار مثلك بالاردن 50%

BROKER

13-09-2011, 09:52 PM

انسة سلام ما حبيت قلكم راح يشوف صبية اردنية بدوا يتزوجها يعني مو كل التفاصيل بتنحكى

بس صار مثلك بالاردن 50%

:eeek::eeek::eeek::eeek:

لاااااااااااااء هيك بلشت الاشاعات

مافي هيك شي ابداً اوعى حدا يصدق

بكرة بعمل مؤتمر صحفي للتنديد :coool:

غالب

13-09-2011, 09:54 PM

اذا ما عملنا هيك ما كان حكيناك

economic opinion

13-09-2011, 10:48 PM

والله مشكور يا أستاذ غالب

Salam L

13-09-2011, 11:58 PM

ويكيليكس بيبطل مشهور لو كل اخباره صحيحة... لازم شوية بهارات وشوي صح وشوي خطأ....

مشان يفوتوا الناس بالحيط ومايعرفوا راسهن من رجليهن

ABDUL KARIM

14-09-2011, 12:14 AM

نتمنى لك كل الخير اخي رامي وانت تحقق ما تصبو اليه وترجع بالسلامه

ABDUL KARIM

14-09-2011, 12:17 AM

ابو النور ماحدا خبرنا عن اخونا بشار ......ما يكون راح يشتغل بالسوق الثالثه بعمان لآنو بالشام ما ضل لاسوق ثالثه ولا رابعه

غالب

14-09-2011, 12:27 AM

ابو النور ماحدا خبرنا عن اخونا بشار ......ما يكون راح يشتغل بالسوق الثالثه بعمان لآنو بالشام ما ضل لاسوق ثالثه ولا رابعه

هههههههههههه

اخي ابو يوسف من كثر ما سمعوا عنه شركات الوساطة هون وشافوا كمان الي اصلهم اردني اتصلت فيه هيئة سوق المال وسوق عمان المالي لينشيء عندهم سوق ثالثة لتداول الاسهم غير المدرجة وهو حاليا بدرجة خبير .

على كل حال حبيبي ابو طارق وعندو افكار مستقبلية وبعد نظر والله يرزق الجميع يبحث عن رزق جديد كما كانت تقول العرب ابحث عن الكلأء والماء . يرجع بالسلامة لعائلته انا ما بحب العائلة تعيش بعيدة عن بعضها لاي سبب من الاسباب يلعن ابو المصاري يعيشوا سوا على خبزة ومكدوسة وزيتونة ولا يتغرب 4-5 سنوات منشان عيلته تتبرجز هون وهو عايش عيشة الك ..... بالغربة منشان يوفر وبيكون حرم اطفاله من تربيتهم وبعد عن زوجته وكلشي بثمنه .

ABDUL KARIM

14-09-2011, 12:32 AM

شكرا ابو النور والله يفقوا ويوفق الجميع وينال مراده

beautiful life

14-09-2011, 08:33 AM

العقوبات على المشرفين باستثناء الانسة جوهر كونها المسشرقة الوحيدة القائمة بمهامها

بس ما فينا نصدر العقوبات الا لنرجع لانو منخاف يصير شي انقلاب تارك المكتب بس للحرس ;)

أنا شايفة غيري من الاخوة المشرفين كفوئين بعملون أكتر مني بدي وكل حالي محامية دفاع ... بالانتظار لنشوف marsa

beautiful life

14-09-2011, 08:35 AM

لسا رح تشوف ايجابيات كتيرة ورح ضل بمقارنة وصراع عنيف لــــــ تنفسد أخلاقك وتقول أنا ما عايش

بس بيضل الشوق للوطن طاغي فوق كلشي ... من الإيجابيات :confused2:

BROKER

14-09-2011, 11:16 AM

نتمنى لك كل الخير اخي رامي وانت تحقق ما تصبو اليه وترجع بالسلامه

الله يخليك تسلم ابو يوسف

BROKER

14-09-2011, 11:18 AM

ابو النور ماحدا خبرنا عن اخونا بشار ......ما يكون راح يشتغل بالسوق الثالثه بعمان لآنو بالشام ما ضل لاسوق ثالثه ولا رابعه

ابو طارق مقطوع عن العالم الخارجي فلا انترنت ولا تلفزيون عن صديقه بالمكتب ...

- اليوم رح ينزل ليشوف بيوت لانه قرر امس وبعد اطلاعه على اسعارها وعلى سهولة تأسيس عمل في الاردن ان يشتري ويستقر فيها ...

ابوحمزه

14-09-2011, 11:23 AM

اذا ما عملنا هيك ما كان حكيناك

والله يا استاذ غالب انت عندك أساليب تجيب فيها أخبار احسن من ويكليكس

Salam L

14-09-2011, 01:40 PM

ابو طارق مقطوع عن العالم الخارجي فلا انترنت ولا تلفزيون عن صديقه بالمكتب ...

- اليوم رح ينزل ليشوف بيوت لانه قرر امس وبعد اطلاعه على اسعارها وعلى سهولة تأسيس عمل في الاردن ان يشتري ويستقر فيها ...

ما بيقصر....

لكن شو نوع الأعمال اللي ممكن الإنسان يأسسها بالأردن .... بشكل عام طبعا...

ابراهيم طاهر

14-09-2011, 02:23 PM

ان شاء الله بترجع بالسلامة فأنت المرشد الروحي والعلمي للسوق اتمنى لك التوفيق

مجد

14-09-2011, 02:38 PM

مجد

14-09-2011, 02:40 PM

قي صعوبة بالتواصل مع اخونا رامي الا عن طريق الجوال .

مجد

14-09-2011, 02:41 PM

على فكرة اسعار الاراضي والشقق بالاردن ببلاش مقارنة بالاسعاروالمستوى .عندهم ارخص بكثير وايضا مستوى الكسوة الخارجية والتخطيط العمراني ارقى

saeed

14-09-2011, 03:19 PM

سفرة موفقة أبو طارق الغالي ...
ترجعلنا بالسلامة ...
ومحقق كل أمانيك ...

ABDUL KARIM

14-09-2011, 05:34 PM

ابو طارق الحبيب ...........سعيدين بسماع اخبارك والله يوفقك,

BROKER

14-09-2011, 06:47 PM

ما بيقصر....

لكن شو نوع الأعمال اللي ممكن الإنسان يأسسها بالأردن .... بشكل عام طبعا...

والله انا لسا ما بعرف شو الممكن

لكن وجود المكاتب التجارية الفارغة كثيرة والبناء راقي والتسهيلات التجارية جيدة .... والاسعار رخيصة نوعا ما .. ويبدو انه لا يوجد وكالة عالمية من مطاعم او ملابس او غيرا الا موجودة ..

BROKER

14-09-2011, 06:48 PM

ان شاء الله بترجع بالسلامة فأنت المرشد الروحي والعلمي للسوق اتمنى لك التوفيق

الله يسلمك استاذ ابراهيم

الله يعزك :)

BROKER

14-09-2011, 06:51 PM

قي صعوبة بالتواصل مع اخونا رامي الا عن طريق الجوال .

هلا ابو طارق .... وين الصعوبة هي موبايل شغال

اليوم بحكي معك نطلع نتعشى سوا بدي آخدك على محل أكل يمني

طير الحر

14-09-2011, 08:14 PM

ج أولا : السبب عدة أسباب واحد منهم التطور العلمي .

ج2: هي القصة ما خطرت ببالو ما بيعرف ليش ;)

ج3: الله يسلم ويبارك فيك ويهنيك ويرجعلك حبابك

الله ينولك مرادك و ترجع مجبور الخاطر .... أمين

طير الحر

14-09-2011, 08:19 PM

السلام عليكم .
اناصارلي مقطوع عن العالم الخارجي ثلاثة ايام
اليوم دخلت مطعم (فكانوا حاطين الجزيرة انا اول شئ استغربت وبعدي تذكرت اني بالاردن) شاهدت جنود يقتلون حمير متجمعين وبعد الانتهاء من المطعم لقيت كافي نيت فدخلت فورا لعنده وانا الان عنده
رحلة موفقة يا حبيب .... و الله شاهدت المجزرة التي تذكرها و أكثر شي أحزنني حمار صغير كان يقف على جثة أمه و يرثي حالها .... العمى حتى الحمير تحزن

arnouri

15-09-2011, 01:48 PM

تكلمت مع بشار - ابو طارق - هو قادم الى سوريه اليوم
وقد فتح حساب في شركة وساطة

بالسلامه ابو طارق

arnouri

15-09-2011, 01:58 PM

صباح الخير رامي بيك

ابو تيم

15-09-2011, 01:59 PM

رحلة موفقة يا حبيب .... و الله شاهدت المجزرة التي تذكرها و أكثر شي أحزنني حمار صغير كان يقف على جثة أمه و يرثي حالها .... العمى حتى الحمير تحزن

أنا أحزني شيء واحد بالمشهد السابق أن التعليق ذكر انه يمكن منظمة الرفق بالحيوان سوف تتحرك و تدافع عن الحيوانات التي تقتل في سورية و ما في منظمة عم تدعي للدفاع عن البني ادميين الي عم يموتوا بسوريا

صرنا بزمن لا تزعلوا مني يا شباب بس صار الحيوان اغلى من المواطن السوري

BROKER

15-09-2011, 07:30 PM

صباح الخير رامي بيك

صباح الخيرات .... ابو طارق صار بالشام

BROKER

15-09-2011, 08:02 PM

مشاهد من عمّان :

- في بورصة عمان 260 شركة مساهمة ، أي أن هناك 260 شركة تعمل في بلد عدد سكانه 5 ملايين نسمة !!!!! مع الملاحظ أن هذه الشركات المدرجة منها .

- في بورصة عمان 64 شركة وساطة تعمل في السوق ....

- قيمة التداول في اليوم 7.9 مليون دينار ... أي ما يتجاوز 500 مليون ليرة سورية .

- في عمان تتوفر البنوك أينما ذهبت حتى في المول الواحد تجد أمثر من فرع لبنك واحد .

- في عمان تتوفر الخدمات الالكترونية لكل الخدمات سواء البنوك او الدفع او شراء المواد الاستهلاكية او دفع فواتير الموبايل ... وانتشار بطاقى ماستر كارد أمر طبيعي فيها .

- في عمان لا ترى بناء بمظهر غير حضاري ، كل الابنية السكنية مكسية من الخارج بالحجر الطبيعي وهذا ملزم للجميع فيمنع بناء حائط بدون ان يكسى بالحجر ..

- في عمان الجميع يقولون بان اسعار العقارات لديهم ارتفعت بنسب جنونية بعد دخول العراقيين ، ولكنك تشتري منزل في منطفة منظمة بمساحة 120 متر مربع و بناء نظيف وجيد بما يقارب 35000 دينار أي ما يقارب 2.5 مليون ليرة .... وإذا قمنا بالمقارنة مع دمشق تجد نفس ميزان هذا المنزل بما لا يقل عن 25 مليون ليرة .... وكثيرا ما تجد الفيلات بقلب المدينة ...

- في عمان تشترك بالانترنت على الهاتف فلا داعي للذهاب للمقسم او وضع اسمك وعمل واسطة أو انك تيأس للحصول على خط ، بل ان الشركة تأتي لعندك وكلفة اشتراك الدي اس ال أرخص بــ 50% من سوريا ...... وان كانت غير موصلة لمنطة ما تعطيك انترنت لاسلكي فيكفي وضع صحن لاقط على الشباك ..... واشتراك 3g بقمة السهولة واليسر وبسعر 3 غيغا بــ 10 دينار .... والسرعة 7 ميغا فعلية .....ولا ترى الاعلانات تكتب عنها ( أسرع من أن يوصف ) ...

- في عمان الفيس بوك مفتوح واليوت يوب وليسا محجوبين .

- في عمان تجد مول ولكن عندما تقول عنه "مول" يضحكون عليك لأن اسمه سوبر ماركت نظراً لانه صغير ، ولكنه بنظرنا أكبر من شام سيتي سنتر ...... أما المول فهو كــ مكة مول وسيتي مول ... التي تحتاج لايام لكي تنهي استكشافه .

- في عمان سعر تنكة المازوت تعادل ضعف سعرها في سورية .

- في عمان سعر تنكة البنيزين تعادل سعرها في سورية .

- متوسط الدخل حسب السؤال هو 1000 دولار شهريا ما يعادل ضعف دخل متوسط دخل السوري بمرة ونصف .

- في عمان أسعار المواصلات الجماعية "باص" أغلى بضعف الكلفة في سوريا ... اما التكسي فنفس الكلقة تقريباً او تتجاوزها بقليل .

- أسعار السيارات أرخص بــ 50% للمستعمل منها ... وهناك سيارات تأتي مستعملة من بلدها وهي أرخص منها فس سوريا بما يعادل 50% .... اما السيارات قديمة المنشأ ففيها فارق 60 -70% بين سعرها في سوريا .

- فيها اذاعة على الراديو اسمها (أمن FM ) تقوم هذه الاذاعة باعلام السائقين على المناطق المزدحمة وتستقبل الاتصالات والشكاوى من السائقين عن اي مخالفة مرور ... والاذاعة بنطهة شبابية ففيها اغاني وتترات ومؤثرات وليست "خضرا يا بلادي"

- تجد جميع الماركات العالمية من مطاعم الى الادوية مروراً بالالعاب والملابس ... وهي منتشرة في كل مكان وليست فرع واحد لطبقة واحدة في منطقة "المالكي"

هذا ما ودته ولمسته الى الآن ..... أحاول العثور على بعض السلبيات ولكنها تصعب قليلاً ....

- البضائع الكهربائية والالكترونية أغلى من سوريا .. اما العالمي منها فتقريباً نفس الاسعار ...... آي باد 2 سعره 46 ألف .... حدا بيعرف قديش سعره عندنا ..؟؟

تذكرت : شوارع عمان من ناحية الاسفلت كشوارع سوريا تماماً فيها الكثير من المطبات والجور ...... ولكن تنظيم الشوارع مختلف تماماً تجد الكثير من الانقاق والجسور .

BROKER

15-09-2011, 08:13 PM

لكي لا ننسى : ان الاردن لا تملك من الموارد شيئاً يذكر ... وهي عبارة عن دولة مصطنعة من قبل بريطانيا بغية تقسيم المنطقة ، فصنعت دولة لا موارد لها وليس فيها من الاراضي الصالة لمعيشة الادمي الا 10% .... وباقيها صحرا قاحلة ....

فهل يمكننا المقارنة ؟؟؟؟؟؟؟؟

مجد

15-09-2011, 08:20 PM

تاكيدا لكلام اخونا رامي سعر متر البناية (الارض)250دينار( بمنطقة حديثة)حوالي 17500ليرة وهذه الاسعار عندهم مرتفعة جدا والحق كما يقولون على العراقيين والا لازم المتر ثمنه 50دينار!!!!!!!!

مجد

15-09-2011, 08:31 PM

الف شكر لاخونا ابومعاذ اتصل علي قبل انطلاقي من عمان بدقائق ليطمئن علي

مجد

15-09-2011, 08:38 PM

أنا أحزني شيء واحد بالمشهد السابق أن التعليق ذكر انه يمكن منظمة الرفق بالحيوان سوف تتحرك و تدافع عن الحيوانات التي تقتل في سورية و ما في منظمة عم تدعي للدفاع عن البني ادميين الي عم يموتوا بسوريا

صرنا بزمن لا تزعلوا مني يا شباب بس صار الحيوان اغلى من المواطن السوري

بسيطة اخي ابو تيم
الانسان ممكن تدعي انه قتل ممكن عشرة من عائلتك قبل ان تقتله .مع ان اخذ الثار هو ليس قانوني ولا انساني ولاديني ولكن اقول هذا من باب المثال
اما الحمير او البقر او الغنم او الدجاج حين تقتل ماذا سيدعي عليها من قتلها

مجد

15-09-2011, 08:52 PM

ايضا بالاردن مسموح تشتري دولارات او يورووتحولهااويحول لك باي عملة تريدها بس انت اامر وتمنى العمولة قليلة جدا مثلا سعر بيع الدولار0.708ديناروسعرالشراء
0.71

ابوحمزه

15-09-2011, 09:03 PM

مشاهد من عمّان :

- في بورصة عمان 260 شركة مساهمة ، أي أن هناك 260 شركة تعمل في بلد عدد سكانه 5 ملايين نسمة !!!!! مع الملاحظ أن هذه الشركات المدرجة منها .

- في بورصة عمان 64 شركة وساطة تعمل في السوق ....

- قيمة التداول في اليوم 7.9 مليون دينار ... أي ما يتجاوز 500 مليون ليرة سورية .

- في عمان تتوفر البنوك أينما ذهبت حتى في المول الواحد تجد أمثر من فرع لبنك واحد .

- في عمان تتوفر الخدمات الالكترونية لكل الخدمات سواء البنوك او الدفع او شراء المواد الاستهلاكية او دفع فواتير الموبايل ... وانتشار بطاقى ماستر كارد أمر طبيعي فيها .

- في عمان لا ترى بناء بمظهر غير حضاري ، كل الابنية السكنية مكسية من الخارج بالحجر الطبيعي وهذا ملزم للجميع فيمنع بناء حائط بدون ان يكسى بالحجر ..

- في عمان الجميع يقولون بان اسعار العقارات لديهم ارتفعت بنسب جنونية بعد دخول العراقيين ، ولكنك تشتري منزل في منطفة منظمة بمساحة 120 متر مربع و بناء نظيف وجيد بما يقارب 35000 دينار أي ما يقارب 2.5 مليون ليرة .... وإذا قمنا بالمقارنة مع دمشق تجد نفس ميزان هذا المنزل بما لا يقل عن 25 مليون ليرة .... وكثيرا ما تجد الفيلات بقلب المدينة ...

- في عمان تشترك بالانترنت على الهاتف فلا داعي للذهاب للمقسم او وضع اسمك وعمل واسطة أو انك تيأس للحصول على خط ، بل ان الشركة تأتي لعندك وكلفة اشتراك الدي اس ال أرخص بــ 50% من سوريا ...... وان كانت غير موصلة لمنطة ما تعطيك انترنت لاسلكي فيكفي وضع صحن لاقط على الشباك ..... واشتراك 3g بقمة السهولة واليسر وبسعر 3 غيغا بــ 10 دينار .... والسرعة 7 ميغا فعلية .....ولا ترى الاعلانات تكتب عنها ( أسرع من أن يوصف ) ...

- في عمان الفيس بوك مفتوح واليوت يوب وليسا محجوبين .

- في عمان تجد مول ولكن عندما تقول عنه "مول" يضحكون عليك لأن اسمه سوبر ماركت نظراً لانه صغير ، ولكنه بنظرنا أكبر من شام سيتي سنتر ...... أما المول فهو كــ مكة مول وسيتي مول ... التي تحتاج لايام لكي تنهي استكشافه .

- في عمان سعر تنكة المازوت تعادل ضعف سعرها في سورية .

- في عمان سعر تنكة البنيزين تعادل سعرها في سورية .

- متوسط الدخل حسب السؤال هو 1000 دولار شهريا ما يعادل ضعف دخل متوسط دخل السوري بمرة ونصف .

- في عمان أسعار المواصلات الجماعية "باص" أغلى بضعف الكلفة في سوريا ... اما التكسي فنفس الكلقة تقريباً او تتجاوزها بقليل .

- أسعار السيارات أرخص بــ 50% للمستعمل منها ... وهناك سيارات تأتي مستعملة من بلدها وهي أرخص منها فس سوريا بما يعادل 50% .... اما السيارات قديمة المنشأ ففيها فارق 60 -70% بين سعرها في سوريا .

- فيها اذاعة على الراديو اسمها (أمن fm ) تقوم هذه الاذاعة باعلام السائقين على المناطق المزدحمة وتستقبل الاتصالات والشكاوى من السائقين عن اي مخالفة مرور ... والاذاعة بنطهة شبابية ففيها اغاني وتترات ومؤثرات وليست "خضرا يا بلادي"

- تجد جميع الماركات العالمية من مطاعم الى الادوية مروراً بالالعاب والملابس ... وهي منتشرة في كل مكان وليست فرع واحد لطبقة واحدة في منطقة "المالكي"

هذا ما ودته ولمسته الى الآن ..... أحاول العثور على بعض السلبيات ولكنها تصعب قليلاً ....

- البضائع الكهربائية والالكترونية أغلى من سوريا .. اما العالمي منها فتقريباً نفس الاسعار ...... آي باد 2 سعره 46 ألف .... حدا بيعرف قديش سعره عندنا ..؟؟

تذكرت : شوارع عمان من ناحية الاسفلت كشوارع سوريا تماماً فيها الكثير من المطبات والجور ...... ولكن تنظيم الشوارع مختلف تماماً تجد الكثير من الانقاق والجسور .

آآآآآآآآآآآآ ه ه ه ه ه ه ه يااااااااااااا وطن

ابوحمزه

15-09-2011, 09:07 PM

قي صعوبة بالتواصل مع اخونا رامي الا عن طريق الجوال .

موفق انشاء الله أبو طارق

السوق وسوريا سيخسر مساهم

ونحن إن شاء الله لن نخسرك

بس ما تأسس موقع انترنت اسمو Jordan-Stocks

مجد

15-09-2011, 09:45 PM

اخي ابو حمزة
نحن سنظل معكم بالمنتدى وسنفتح قسم للبورصة الاردنية بهداالمنتدى(نحن بانتظار موافقة اخونا رامي )

مجد

15-09-2011, 09:47 PM

كيلو السكر بعمان 45 ليرة .هل الاردن عنده مزارع قصب السكر !!!
ولمادا عندنا 60او65 !!!

Salam L

15-09-2011, 10:02 PM

يا جماعة اشتهيت روح عيش بالاردن...

تعوا نعمل هجرة جماعية ونحول هاد المنتدى نفسه الى اردن ستوكس

او ستوكس اردني... على نسق زعتر اردني ومسخن اردني....ههههههههههه

Salam L

15-09-2011, 10:03 PM

كيلو السكر بعمان 45 ليرة .هل الاردن عنده مزارع قصب السكر !!!
ولمادا عندنا 60او65 !!!

له له يا استاذ بشار... هيك بدي ازعل منك...

معقول مابتعرف انو السكر السوري فيه قدرة تحلية اكتر ب 3 مرات من السكر الاردني.... وهيك بيوقف السوري ارخص بكتير....

مع تحيات واح محشش سكاكر

لقماان

15-09-2011, 10:07 PM

يا جماعة اشتهيت روح عيش بالاردن...

تعوا نعمل هجرة جماعية ونحول هاد المنتدى نفسه الى اردن ستوكس

او ستوكس اردني... على نسق زعتر اردني ومسخن اردني....ههههههههههه
اذا رحنا على الأردن راح نساويها جنة متل سوريا ......................
و من كتر ما راح يفرح فينا الأردنين راح يجوا هنن على سوريا مشان يساوها صحراء قاحلة بدون موارد ............

غالب

16-09-2011, 12:20 AM

الحمد لله على سلامتك ابو طارق وبانتظار عودة الاخ رامي

Tareq

16-09-2011, 01:18 AM

سلاماتي إلى جميع الأخوة. انا بحكم عملي بالعراق ( ما بعرف ازا بتزكرني أخ ابو طارق اتصلت معك مرة من العراق) بسافر على الاردن مرتين بالشهر. بواف الاخ رامي والاخ ابوطارق بكل يلي حكوه عن مظاهر الحضارة بعمان ورخص العقارات فيها. بس برغم كل هالشي مالقيت فيها السحر والروحانية يلي موجودة بسوريا. عفكرة انا فلسطيني مولود وعايش بسوريا. رغم كل السلبيات يلي موجودة سوريا فيها سحر خاص ما لقيتو بكل البدان يلي سافرت فييها. الله يحمي بلدنا ويبعد عنها شر الطامعين. عفكرة اخ رامي لاحظت كشرة وجوه الأردنيين حتى انها صارت صفة مشهورييين فيها.

مجد

16-09-2011, 01:35 AM

الله يسلمك اخي غالب .ممكن اسافرعلى الاسكندرية كم يوم ايضا .

best time

16-09-2011, 01:41 AM

حمد لله على السلامة أبو طارق

BROKER

16-09-2011, 03:39 AM

ABDUL KARIM

16-09-2011, 08:55 AM

الله يسلمك اخي غالب .ممكن اسافرعلى الاسكندرية كم يوم ايضا .
ابو طارق صاير متل ابو بطوطه..........من مصر حول لعندي مو بعيد عنك ومننزل سوا على سوريا .....الله يوفقك ويسر امورك

مجد

16-09-2011, 10:56 AM

نتشرف اخي عبدالكريم .شو بدنا نساوي نقعد ننتظر الصندوق السحري .الذي نكذب على انفسنا انه قادم .بكل الاحوال انا مقتنع ان الدنيا لايمكن ان تظل نسير مثل مانربد .وبلدنا احلى بلد بالعالم لكن تحتاج للمخلصين ليطوروها .

economic opinion

16-09-2011, 11:08 AM

الحمد لله على سلامتك أستاذ أبو طارق وموفق بجولاتك الميدانية والله يقويك :)

مجد

16-09-2011, 11:08 AM

نحن نطفش المستثمرين المحليين والاجانب والعرب (من بقي كم اسم كلنا نعرفهم هم مفتوح لهم مصباح علاء الدين وهم اول من سيترك البلد بحالة اي طارئ لاسمح الله وياخذوا ملياراتهم ويذهبوا ومن ثم يقوم الغرب بمصادرة تلك الاموال فيما بعد ).ونطفش السياح بعدم توفير الخدمات المناسبة لهم .وايضا عبر استغلال البعض لهم بشكل غير معقول من وقت نزولهم في المطار الى وقت عودتهم .من سائق التكسي الى الكرسون بالمطعم .ماذا بقي لنا .بالاردن الاسعار بكل شئ هي واحدة سواء كان الشخص هناك هندي او غربي او عربي .وسائق التكسي بعمان ياخذ على العداد ويرجع لك الباقي ولو قرش واحد !!!

مجد

16-09-2011, 11:10 AM

الله يسلمك

غالب

20-09-2011, 01:42 PM

الحمد لله على سلامتك رامي

عاد رامي العطار الى دمشق صباح هذا اليوم الثلاثاء الساعة 3:30 فجرا ومباشرة" على سيريا ستوكس لانه ما بيقدر ينام قبل ما يطمئة على الموقع والمشاركات .

اهلا بعودتك