كي لا ننسى الفرح اليوم حفل زفاف أخونا محمد مسلاتي الصابوني في حلب

[لقماان]

اخوتي أعضاء المنتدى الكرام
((الحياة ستستمر))
اليوم هو عرس أخونا محمد المسلاتي الصابوني في مدينة حلب
فقد آثر أخونا محمد استخدام ثمن أسهم بنك الشام الاسلامي بعد أن قمت بتأمين مشتر لهم بسعر 1125أن يستثمر هذا المبلغ في الزواج
و زينة ما فعلت يا أخي محمد
لذلك نصيحة الى كل من يملك أسهم ببنك الشام أن يقوم ببيعهم و أن يستثمرهم بالزواج شبابا و شابات
طبعا هذا الكلام موجه الى العزابية فقط
أما المتزوجين أمثالي المشحرين فما باعوا أسهم بنك الشام للحفاظ على تماسك و ترابط البيوت و اللحمة الداخلية ؟؟؟؟؟؟
و أتوقع أن وراء هذه الخطة
الادارة العتيدة لبنك الكويت الاسلامي ؟؟
عفوا
الادارة العتيدة بنك الشام الاسلامي
لقد اتصل أخي محمد معي في العيد معايدا و قد عزمني على عرسه و كنت أحب أن ألبي الدعوة فما أحوجنا هذه الأيام الى الفرح
لكن للظروف التي يمر بها وطننا سنقوم بحضور عرسه افتراضيا و نرسل له التهاني بالرفاه و البنين عن طريق المنتدى
و ان شاء الله يغار منه جميع العزابية في هذا المنتدى أمثال المدعو :أبو حازم و أقرانه
(مبارك لك أخي محمد و القذافي للمنتدى )
عفوا
مبروك الك أخي محمد و عقبال عزابيةالمنتدى )
بارك الله لكما و حولكما
و لا تنس صلاة الركعتين في خضم المعمعة ..

[Salam L]

ههههه

بس ايمتى لقيت مشتري بهاد السعر!! اكيد مو هلق!!

الف مبروك للعريس وعقبال الجميع....

[ابو تيم]

الف مبروك و انشالله عقبال ما يعوضون و يشتري اسهم جديدة لان آية الرزق بتنفتح بعد الزواج و الاولاد

[لقماان]

ههههه

بس ايمتى لقيت مشتري بهاد السعر!! اكيد مو هلق!!

الف مبروك للعريس وعقبال الجميع....
و الله ضحكتيني يا أخت سلا م
يعني أنو اكتشفت انو السعر مو هللأ
اي شو الموضوع سلق بيضة اي اذا بتكون ملكة جمال الكون بالأخلاق و بالشكل يعني الموضوع بدو شي كام شهر
و أخونا محمد قرر الزواج بعد ما بعنالو الأسهم قبل كام يوم من اجتماع الهيئة العامة لبنك الشام .
صحيح أخت سلام بالمناسبة مافي فقرة بالقانون تحتم على البنك تجزئة االأسهم خلال شهر من اقراره بالاجتماع
و لا السيد الدكتور رئيس الدائرة القانونية
ايمتا ما بدو بيطبق القانون و ايمتا ما بدو بيطنشوا
و بعدين ما على أساس المزاد بيت الشهر التامن و السابع ....
آه بس أكيد هنن ما ذاكرين السنة يعني على مشيتون السريعة بتوقع انون آصدين سنة 2221

[فراس السكري]

الف مبروك
وعقبال الاخ رامي وكل عزابي بقول انا
والمتزوج مادخلنا بدو يؤخذ موافقة الداخلية اللي عنده
عنده لا بتقول موافقة لا اما بصفي بره البيت

[وائل77]

ألف مبروك
وبالنسبة لبنك الشام الله يطعموا يطلق ويتزوج من جديد بركي بيتحسن وضعه

[Ship World]

الف مبروك لاخونا محمد و بالرفاه و البنين
و عقبال العزابية بالمنتدى يمشو بمشروع زواج و الجاهزين يتمم جوازهم بخير و سعادة

[محمد s]

اعتذر عن تأخير وذلك بسبب انشغالي
شكرا جزيلا لكل شخص شاركني فرحتي وانشاء الله رب العالمين برزق كل شخص عزابي زوجة صالحة
ويلي متزوج الله يرزقه حج بيت الله
وشكر خاص لاخي العزيز لقمان الذي اكن له معزة خاصة في قلبي
والحمد لله رب العاليمن

[لقماان]

على مهلك خاي .................
خليك عمتتسمع لصباح فخري .................
و بعدين خاي
بإشو كنت مشغول خاي ..................
اذا شي بينحكا ....احكي .......................
استنالك شوية دي بآآ
لحتى يشرف المحروس ولي العهد
بعدين بتتفضالنا ...............مو هيك خاي.............

[BROKER]

مبرووك لك اخ محمد

ان شاء الله بالفرح والهنا والسعادة الدائمة

يمكن تصير تشاركنا اكتر بعد الزواج :)

[مجد]

الف مبروك اخي محمد .

[ابراهيم طاهر]

ان شاء الله زواج موفق الف مبروك اتمنى لك حياة سعيدة وكما يقول المثل الشامي ( جوازة الدهر ) الى القفص الذهبي ادخل

[سمير]

الف مبروك للأخ العزيز محمد
بالرفاه والبنين

[ابو حمادة]

الف مبروك وعقبال العزابية وانشاء الله بالرفاه والبنين

[محمد s]

شكرا جزيلا لآحاسيسكم نبيلة وعقبال عزابية والله لا يحرما لحدى وبنصح كل عزابي مايتأخر بالزواج لآني بالفعل حياة أخرى وأهم شغلة هي مرضاة للرب بالدرجة الاولى

[economic opinion]

ألف مبروك أخونا محمد وإن شاء الله بالرفاه والبنين والبنات ;) والله يتمملك بالخير ويسعدكون على طول :)
ccc ccc

[manar]

الف الف الف مبروك
وان شاء الله بالرفاء والبنين
والله يكرمك بالذرية الصالحة
وعقبال العزابية
الف مبروك

[محمد s]

شكرا جزيلا اخي منار والله يفتح عليك

[Adnan89]

ألف مبروك و ان شآء الله زواج الدهر







سؤال : شرط كل واحد بدو يتزوج يكون عندو أسهم ببنك الشام ؟؟؟

[محمد s]

ألف مبروك و ان شآء الله زواج الدهر







سؤال : شرط كل واحد بدو يتزوج يكون عندو أسهم ببنك الشام ؟؟؟



اكيد لاء اذا بكون عندك اسهم بنك شام اكيد مارح تتزوج لاني رح تكون فلست حمد لله انو تخلصت من اسهم بنك شام وهذا بفضل الله ثم الاخ لقمان والله يعوض يلي اشترى مني ويرزقه من غير اسهم بنك شام
وشكرا لك وعقبال عندك انشالله يارب وعقبال كل عزابية

[لقماان]

ما زال تقبل التهاني مستمرا.........
مستمرا الى أن يشرف ولي العهد ........
بتعرفوا :لأنو هللأ صارت الهدايا أدسم
صارت بالدولار ..........و المحبين كتار .......

[فاميلي]

الف مبروك
انشاء الله بتتهنى

[د.وائل نحاس]

مبروك اخ محمد
بالرفاه و البنين

[فهد]

ألف مبروك اخ محمد
وبالرفاه والبنين

[Tareq]

ألف مبروك أخ محمد وعقبال تعبي البيت صبيان وبنات. بس لو بعرفك من قبل كنا زوجناك من الشام متل ما انا اتزوجت من حلب. ( تشجيع للسياحة الداخلية)

[محمد s]

شكرا جزيلا على شعوركم نبيل والله يرزق كل عضو عزابي زوجة صالحة او الزوج الصالح في حال كانت فتاة

[BISO]

ألف مبروك أخ محمد وعقبال تعبي البيت صبيان وبنات. بس لو بعرفك من قبل كنا زوجناك من الشام متل ما انا اتزوجت من حلب. ( تشجيع للسياحة الداخلية)

أنا جاهز للسياحة الداخلية ....Big GrinBig Grin

[Tareq]

أنا جاهز للسياحة الداخلية ....big grinbig grin


تكرم عيونك أخ بسام. بس تنوي نحنا جاهزين للخدمة.