مطلوب أسهم بنك الشام الاسلامي بسعر 550 [الأرشيف] - الأسهم السورية ( المضارب السوري)

omar

26-07-2009, 03:29 AM

السلام عليكم

وين المضاربين يا شباب ؟؟؟ صار لي فترة انتظر ردود بساحة تداول بنك الشام

واتوقع انه ما احد يدخل ساحة تداول بنك الشام ولهذا السبب فكرت بفتح موضوع مستقل

انا ارغب بشراء 100 او 200 سهم ببنك الشام بسعر معقول وهو 550 ليرة للسهم الواحد

يلي عنده رغبة بالبيع يراسلني ويعطيني تلفونه على الخاص أو يكتب رد

وبما ان هناك اكتتاب لبنك جديد الان فان المضاربين يستطيعون اعادة استثمار اموالهم مرة اخرى ug3;

وشكرا

NetPro

27-07-2009, 02:59 PM

يا أخي
السبب هو ان السعر المعروض من قبلك سعر غير عادل.
أقترح عليك أن ترفع السعر وستجد من يبيع.
بالنسبة لي عرضت البيع بسعر 900 ولكن بسبب الفرق الكبير لم أجرب التفاوض معك لو ترفع سعرك قليلاً لأمكننا ايجاد سعر مقبول من كلينا ... ارفع السعر واانا جاهز لتنزيل السعر المعروض من قبلي.

ابو هاشم

27-07-2009, 06:26 PM

اخي لايمكنك ان تشتري سهم لشركة مدرجة في سوق دمشق للأوراق المالية من خارج السوق
غرامة 100الف ليرة وسجن
اقرا الموضوع التالي
http://www.syria-stocks.com/showthread.php?t=876

مهند خولاني

28-07-2009, 09:39 AM

بنك شام لم يدرج بعد
ولا أحد يعرف متى سيدرج؟

ابو هاشم

28-07-2009, 11:28 AM

بنك شام لم يدرج بعد
ولا أحد يعرف متى سيدرج؟
كلامك سليم اخي
و انا اشتري 50 سهم على 600

NetPro

28-07-2009, 12:33 PM

أملك 225 سهم ببنك الشام ولدي رغبة بالبيع قبل شهر رمضان
حسب الأسعار المعروضة حالياً ....
أخي أبو هاشم بيناسبك تشتري بـ 700 ... اذا زدت الكمية بيصير السعر أقل
وأخي عمر اذا بيهمك تشتري كامل الكمية سيكون السعر 650

مهند خولاني

30-07-2009, 02:15 PM

لدي أسهم في بنك شام الإسلامي للبيع بسعر 600
والبيع فورا لأول من يتصل بي

NetPro

30-07-2009, 05:03 PM

أرجو تحديد الكمية ... كم سهم عندك؟

AllooOoodY

30-07-2009, 05:17 PM

omar

01-08-2009, 04:58 AM

أخواني شاكر لكم ردودكم

والصراحة انه معروض عليي الكثير من اسهم بنك الشام على سعر 600 للسهم الواحد

ولكني ابحث عن سعر اقل من 600 وحتى الان لم اجد سعر اقل ومازلت بالانتظار

يلي عنده اسهم ببنك الشام الاسلامي بسعر اقل من 600 للسهم الواحد يرد على الموضوع

مع العلم اني احتاج تقريبا 150 سهم ( 100 سهم يمشي الحال معي )

omar

01-08-2009, 05:03 AM

يا جماعة طولوا بالكون شوي لأنو رح يتغير وضع البنك بعد فترة
و إذا دخلوا بالسوق رح يكون سعرو أكتر من 700 ليرة أول ما يفوت
لذلك أنا برأيي اللي انتظر 3 سنين ينتظر 6 شهور أو 10 شهور تانية
لأنو هوي الكسبان و أول ما يصير في تداول على أسهم الببنك رح يرتفع سعرو أكتر
سهم بنك سورية الدولي الاسلامي هلئ 846 تقريباً
أنا بالنسبة إلي بفضل انتظر شوي إلا إذا صحلي سعر منيح فوق الـ 800 ليرة
بعدين لا تنسوا أنو القيمة الاسمية للسهم هي 1000 مدفوع منها 500
لذلك رح يكون وضعوا أفضل من غير أسهم لأنو بالأساس سعرو كبير

----------------------------------------------------------------
اللي بدو يشتري بـ 800 أنا عندي 100 سهم بدي بيعهون هلئ
اللي بدو يطتب تعليق مشان نتواصل ...,

أخي الكريم

بنك الشام مارح يشوف سوق الاسهم قبل ما يتوفر عنده شرطين اثنين وهما:

1- ميزانية رابحة

2- اكتمال رأس مال البنك ( وبنك الشام بنهاية 2010 رح يطلب تسديد القسط الباقي من رأس المال )

الخلاصة : بنك الشام سوف يتم ادراجه بالسوق نهاية 2010 ( عندما يكتمل رأس ماله )

وشكرا

ado

01-08-2009, 01:58 PM

أخي عمر

أنت متأكد أن بنك شام لن يدرج بسوق دمشق للأوراق المالية إلا بـ 2010

AllooOoodY

01-08-2009, 10:35 PM

متأكد من كلامك أخي عمر ..؟؟؟

فيك تقلنا المصدر اللي جبت منو هالكلام ...

مشان نعرف شو بدنا نساوي ....

hythm

02-08-2009, 02:54 AM

مساء الورد للعضوات المحترمين
عندي سؤال لو سمحتوا
مع تمنياتي لبنك الشام ان يحقق الارباح ويصبح في سوق دمشق المالي

ماذا يفعل بنك ليس عنده اي ارباح بل خسارة مستمرة منذ انشائه في سوق البورصة
ولماذا تظنون ان المسنثمرين سوف ييهجمون على اسهم هذا البنك ياقاتل يامقتول وعلى اي اساس

omar

03-08-2009, 01:28 AM

والله رح افرط من الضحك وانا اقرأ الحماس والسؤال عن المصدر

ههههههه الله يهديكم

عم تسألوني عن المصدر وهذه المعلومة هي من قوانين السوق ( من قوانين سوقنا اكتمال رأس المال )

بالنسبة للقسط الثاني فان النظام الاساسي لبنك الشام تم ذكر القسط الثاني يطلب خلال مدة اقصاها 3 سنوات ونحن بنهاية السنة الثانية ( باقي سنة )

وحتى الان لم يطلب البنك القسط واذا طلبه بداية 2010 رح تأخذ الاجراءات ( موافقة الهيئة وموافقة الجمعية العمومية للبنك والدفع وبعدها تقديم الاوراق الى سوق المال وموافقات ...الخ) راحت الى نهاية السنة قولاً واحداً

وين المصدر يلي عم تطلبوه ( هذه قوانين وانظمة وشروط ما يقدر أحد تجاوزها )

الخلاصة : يتم ادراج بنك الشام اخر 3 شهور من عام 2010
سوف يتم طلب القسط الثاني عندما توافق عليه الجمعية العمومية للبنك ( الاجتماع يكون بالشهر الثالث او الرابع من سنة 2010 ) وسنة 2010 هي السنة الثالثة واخر مهلة لطلب القسط الثاني

هذه ليست مصادر وانما هي معلومات لازم الكل يكون عارفها قبل ما يكون مضارب

وشكرا

NetPro

03-08-2009, 10:14 AM

1- بنك الشام يستطيع تقديم ميزانية رابحة اخر العام الحالي
2- استكمال رأس المال يمكن أن يتم أواخر العام الحالي
بعدها حوالي 3 شهور ويمكنه دخول سوق الأوراق المالية يعني دخوله متوقع ابتداء من شهر 4 العام القادم إلى شهر 6 ولا أعتقد بأبعد الأحوال أن يتجاوز الشهر التاسع.
هذه توقعاتي.

البلخي

05-08-2009, 11:41 AM

يا شباب كل شي فهمناه إلا كيف تتم عملية شراء الاسهم الغير مدرجة في السوق ؟
ارجوا الافادة

omar

05-08-2009, 12:00 PM

يا شباب كل شي فهمناه إلا كيف تتم عملية شراء الاسهم الغير مدرجة في السوق ؟
ارجوا الافادة

عن طريق الذهاب الى ادارة الشركة نفسها الغير مدرجة بالسوق ويتم التنازل عن الاسهم بمقر الشركة

البلخي

05-08-2009, 01:00 PM

شكرا على التوضيح

NetPro

05-08-2009, 01:02 PM

ماشي هلأ ... اذا حدا بدو يشتري أسهم بنك الشام الإسلامي يبعتلي ايميل.
سلام

AllooOoodY

05-08-2009, 01:03 PM

هيك احكي من الأول أخي عمر

و ما في داعي تفرط من الضحك لأنو ما حدا حكا شي بيضحك ....

omar

07-08-2009, 02:56 AM

هيك احكي من الأول أخي عمر

و ما في داعي تفرط من الضحك لأنو ما حدا حكا شي بيضحك ....

أخوي انت من الذين سألوا عن المصدر

ولم اكن اقصد بالضحك ان اسيء لكم والسموحة منك عزيزي

AllooOoodY

08-08-2009, 03:32 PM

ما في مشكلة .......... بس هيك حسيت بدايةً

AllooOoodY

08-08-2009, 03:34 PM

أنا عندي 100 سهم ببيع عالـ 700 ليرة

و إذا حدا حابب يشتري في مجال لأنزل بالسعر

اللي بدو ....هادا ايميلي الخاص

عماد

28-10-2009, 08:10 PM

مرحبا عندي 200 سهم في بنك الشام بسعر 550 للجادين فقط

رقمي الرجاء التواصل بعر المنتدى أو الخاص

عماد

28-10-2009, 08:16 PM

مرحبا عندي 200 سهم في بنك الشام بسعر 550 للجادين

young cesar

18-11-2009, 07:17 PM

أخي عماد اذا انت بدك تبيع انا بشتري 100 سهم بسعر 500 والمصاري موجودة فورا

طبعا نشالله تلاقي الشخص المستعد لدفع المبلغ المطلوب ولكن هذا اقصى حد ممكن ادفعه للاسهم في بنك الشام

omar

08-12-2009, 02:22 AM

ارجو من الاخوان الجاديين بالبيع وضع كمياتهم والسعر المطلوب

هناك من يرغب بشراء اسهم ببنك الشام الاسلامي

وشكرا

مهند خولاني

08-12-2009, 12:19 PM

322 سهم بسعر 555 ل س للسهم الواحد

omar

08-12-2009, 01:17 PM

اخي مهند انت عارف ان السعر اقل من هيك الان

على كل حال بتمنالك بيعة حلوة لهم

مهند خولاني

08-12-2009, 01:49 PM

اذا بتاخد كامل الكمية ممكن انزل بالسعر شوي

الطير

08-12-2009, 04:38 PM

انا عندي 213 سهم ببنك الشام
و عندي استعداد بيعهم على سعر 550 ل س
لمن يرغب ارسال ايميل

omar

09-12-2009, 01:59 AM

اذا بتاخد كامل الكمية ممكن انزل بالسعر شوي

بعد الاجتماع السيء يلي صار اليوم لازم تنزل السعر شويتين عزيزي مهند

مهند خولاني

21-12-2009, 10:02 PM

حال تواجد الزبون أنا مستعد للبيع باي سعر مقبول

mak

15-02-2010, 01:14 PM

للبيع 125 سهم بسعر 550, يللي مهتم يخبرني أو يعطيني ايميله و انا براسلو.

طالب البركة

18-02-2010, 09:07 PM

للتذكير... استدعاء النصف الثاني لرأس مال بنك الشام بدأ من تاريخ 9/12/2009 وسيستمر حتى 29/6/2010

Ahmadhsn

19-02-2010, 04:10 AM

للبيع 125 سهم بسعر 550, يللي مهتم يخبرني أو يعطيني ايميله و انا براسلو.

انا مستعد للشراء بقيمة 65000 ليرة ...
اذا مهتم راسلني عالخاص ...

omar

26-02-2010, 02:37 AM

السلام عليكم

اخواني الاعزاء ما زال هناك من يرغب بالشراء فارجوا من يرغب بالبيع ان يضع الكمية والسعر

mak1

28-02-2010, 12:03 PM

السلام عليكم

اخواني الاعزاء ما زال هناك من يرغب بالشراء فارجوا من يرغب بالبيع ان يضع الكمية والسعر

السلام عليكم ...ما زال عرض ال 125 سهم قائما ...و ما شان ما ينقال مسكت عالسعر ...ممكن بيع ب 535 للسهم ...بس طبعا هاد السعر ممكن يتغير في حال لم يوجد طلب شراء قريب.

(ملاحظة انا استعمل حاليا اسم mak1 عوضا عن mak بسبب مشكلة في الدخول بإسمي القديم).

omar

28-02-2010, 01:43 PM

السلام عليكم ...ما زال عرض ال 125 سهم قائما ...و ما شان ما ينقال مسكت عالسعر ...ممكن بيع ب 535 للسهم ...بس طبعا هاد السعر ممكن يتغير في حال لم يوجد طلب شراء قريب.

(ملاحظة انا استعمل حاليا اسم mak1 عوضا عن mak بسبب مشكلة في الدخول بإسمي القديم).

اخي الكريم الناس عم تبيع بـ 490 و 500

اذا كنت جاد بالبيع فارجوا ان تخفض السعر مع جزيل الشكر

mak1

28-02-2010, 04:58 PM

اخي الكريم الناس عم تبيع بـ 490 و 500

اذا كنت جاد بالبيع فارجوا ان تخفض السعر مع جزيل الشكر

من جهتي انا جاد بالبيع ...و لكني غير مضطر للبيع بهكذا سعر حتى ولو باع الآخرون....مع اني غير مقتنع ان أحدا يبيع بأقل من السعر الإسمي و خاصة في هذه المرحلة حيث ستطرح الأسهم في البورصة بعد الإنتهاء من تسديد ثمن الأسهم و بعد ان تعافى البنك من خسارته السابقة....لذا أرجو أيضا من من يرغب بالشراء ان يكون سعره منطقيا....و سعر السهم الذي يباع فيه الآن هو بين 520 و 550 ...و بالتالي أظن ان سعر 535 هو سعر منطقي....و ان كنت أتوقع أن يتحسن السعر بعد الإنتهاء من تسديد بقية ثمن الأسهم.

مع الشكر الجزيل لجميع المشاركين

Tarouqa

28-02-2010, 07:06 PM

السلام عليكم

انا مستغرب كيف ان الاخ عمر مهتم بهذا السهم طبعا هو اعلم واخبر

بس البنك طلع بنهاية 2009 خسران 20% من راس المال

والبنك ولم يعوض اية خسارة بالربع الاخير بل على العكس زادة الخسارة بحدود 80 مليون باخر ربع

وادراجه بالبورصة ؟؟؟؟؟؟؟؟؟؟

طالب البركة

01-03-2010, 03:09 PM

الحقيقة الاخ عمر يشتري في الوقت المناسب , هناك ضوء قوي في آخر النفق

البلخي

01-03-2010, 04:28 PM

الحقيقة الاخ عمر يشتري في الوقت المناسب , هناك ضوء قوي في آخر النفق
أتفق معك و الموضوع بحاجة الى قليل من الصبر
و أنا لن أبيع أسهمي بالبنك و سأستمر حتى النهاية

omar

02-03-2010, 03:45 AM

مازلت بانتظار عروض للبيع باسعار معقولة علما بانه موجود لدى شركات الوساطة اسهم بسعر 500 ولكني ابحث عن سعر اقل علما بان القيمة الدفترية للسهم اصبحت 400

من يملك اسهم وجاد بالبيع فليضع الكمية وسعر معقول

وشكرا

mak1

02-03-2010, 02:01 PM

أتفق معك و الموضوع بحاجة الى قليل من الصبر
و أنا لن أبيع أسهمي بالبنك و سأستمر حتى النهاية

شكرا شباب للتوضيح ...و يبدو فعلا ان الآن هو الوقت المناسب للشراء و ليس للبيع ....و اذا كان هناك عروض بأسعار كالتي يتحدث عنها الأخ omar فربما انضم اليه في الشراء , و تأجيل البيع لمرحلة تالية!!

محمد مازن المطيط

11-04-2010, 11:50 AM

بسم الله الرحمن الرحيم
عندي 200 سهم و لظروف خاصة أرغب ببيعها بالسرعة القسوى أرجو التواصل على رقم الجوال رجاء التواصل عبر الخاص او رسائل الزوار
http://www.syria-stocks.com/forum/u940.html