جلسة صالون سيريا ستوكس ليوم الخميس 25-8-2011 [الأرشيف] - الأسهم السورية ( المضارب السوري)

abu mhd

25-08-2011, 01:51 AM

جلسة صالون سيريا ستوكس ليوم الخميس 25-8-2011
مساء الخير جميعا
اسعد الله مسائكم بكل خير و تقبل صيامكم و قيامكم و صالح أعمالكم
جلسة جديدة و جمعة جديدة و مواضيع جديدة للنقاش
اهلا بكم و مساكم سعيد

sommmmy

25-08-2011, 01:54 AM

مشكور اخي مؤيد على هالافتتاح

وناطرين الموضوع

BROKER

25-08-2011, 02:04 AM

مسا الخير ....

أولا وقبل كل شيئ نبارك للأستاذ أبو معاذ وزوجته المدام رندة لنجاح دانا بالبكالوريا

كنا في لقاء على الافطار وجاءت الخبرية ونحن في المطعم

BROKER

25-08-2011, 02:08 AM

حالة اجتماعية ... حاولت تصور حدوثها وكيفية مواجهتها وحلها :

- شاب متزوج من امرأة ولديه طفلان ، الأول بنت عمرها 3 سنين ، والثاني صبي عمره سنة .. وهو بحالة جيدة ومستقرة مع زوجته ومتفقين بشكل عام .

الشاب مدير في احدى الشركات في القطاع الخاص وفي احدى الايام توظفت في الشركة موظفة جديدة وفي قسم ذلك الشاب ، ومن خلال التعامل اليومي معها اكتشف انها تفهمه جيداً ، ثم تحول هذا الاحساس بالتفاهم بينه وبين الفتاة بالعمل الى اعجاب ، فاكتشف بعد مدة أنه أحبها .

فلو كنت مكان هذا الرجل فما فماذا سوف تفعل ؟؟؟

- ملاحظة : القصة خيالية لكنها تحدث كثيراً في مجتمعنا ، وانا بصراحة فكرت فيها قبل ما اتزوج لحتى اعرف حل الازمة في حال وقعت فيها .... لهذا السبب خلينا نعرف آراء المتزوجين لكي نتدارك وقوع العازبين فيها .

sommmmy

25-08-2011, 02:21 AM

ذكرتني اخي رامي

بمثل لجدتي (الله يرحمها) كانت تقولو

((آخ ياقلبي ياكتكت شو بدك تحكي شو بدك تسكت))

sommmmy

25-08-2011, 02:22 AM

صحي مين شاطر بالأمثال هون

abu mhd

25-08-2011, 02:26 AM

الذهب 1747$ حاليا Big GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig Grin;)

هبوط اليوم للأونصة 110$ :eek::eek::eek::eek::eek:ay1ay1

وائل77

25-08-2011, 02:27 AM

مساء الخير على الجميع انا من شوي وصلت من المحل بتمنى تكونو انبسطوا بالفطور ورمضان كريم على الجميع

abu mhd

25-08-2011, 02:27 AM

المشكلة الأمثال اللي عندي ياها ما بتنحكا على العام هههههههههههه
على العموم رح حط كم بيت شعر عن حال شباب هالأيام
طبعا الشعر قديم و ليس جديد بس كتير حلو

sommmmy

25-08-2011, 02:28 AM

والله يا اخي رامي كتير اليوم تمنيت اشارككم الفطور

يالله انشالله بالقادمات

abu mhd

25-08-2011, 02:31 AM

ويح الشباب من النعومة إنها
أعراض سمٍّ للشعوب وشيك
ما أتعس الزمن الجديد بفتيةٍ
قتلوه بالتصفيف والتدليك
قلبٌ كقرط الغانيات مزعزعٌ
وعزيمةٌ من حيرة وشكوك
عاشوا صعاليك الحياة وليتهم
ظفروا بصدق عزيمة الصعلوك
أبقت ليالي الأنس في أخلاقهم
فزع النعامة وازدهاء الديك

sommmmy

25-08-2011, 02:31 AM

ناطرينك مؤيد

BROKER

25-08-2011, 02:33 AM

جدتي قالت لي في مرة كنت فيها اشتريت "صوص" بخمس ليرات لحتى ربيه على اساس

ففي أول يوم ادخلته على المنزل ولعبت معه طول النهار .... ثم ادخلته مساء الى غرفة صغيرة لكي ينام ولكنه أصدر أصواتا غريبة وعالية ... استغربت من الامر ... ففتحت الباب فسكت ... ثم اغلقت الباب فاصدر الأصوات وكان يمشي خلف الباب مباشرة .... عرفت منه انه يريد الخروج او انه لا يريد ان يبقى وحيداً مع ان الوقت هو موعد نومه .

في اليوم التالي كانت ستي "جدتي" عندنا وقلت لها عن الحادثة فقالت لي كلمة :

قالت ( فلتني ولا تطعميني ) ... اي ان حرية الصوص أغلى من طعامه علماً اني كنت أزيد له الطعام والماء لكي يسكت ولكنه يتجاهلها .....

على فكرة هو "صوص" صوص ...... صوص يعني

صوص صوص ابن الجاجة والديك !!!!

هاد يلي لونو أصفر وصغير وما بطير .... صوص يعني صوص ما عرفتوه ؟؟؟؟

Salam L

25-08-2011, 02:34 AM

ليست الفضفضة بمعنى التكلم عن مافي النفس والقلب ... ولكنها جلسة كلام وسلام

وعلى سيرة سلام الله يعينا من فضفضة سلام

يعني ابقى ساكتة؟؟؟ :rolleyes2::rolleyes2:

BROKER

25-08-2011, 02:36 AM

ساعة ولنا عودة ..... تحية لك ابو باسل ونحنا اشتهيناك وتذكرنا جمعاتنا بحمص

وتحية لك اخ وائل ... واهلا بمؤيد باشا

BROKER

25-08-2011, 02:37 AM

انسة سلام ... احكي وفضفضي وفشي خلقك

بدي ياكي آخر السهرة تخسري 5 كيلو من وزنك :)

Salam L

25-08-2011, 02:38 AM

انسة سلام ... احكي وفضفضي وفشي خلقك

بدي ياكي آخر السهرة تخسري 5 كيلو من وزنك :)

هو ياريت الواحد بالفضفضة بينزل وزنه..هههه

بالحقيقة انا الي كم يوم ماعم نام غير كم ساعة بالليل وعم اتعب... رح حاول اليووم نام بكير... بكير بين قوسين طبعا لانو هلق الساعة 2ونص بالليل.... بس يعني صعب سهرة للخمسة الصبح

abu mhd

25-08-2011, 02:39 AM

إحصائية ٢٠١٢

وزن البنت الطبيعية ٦٠ كلغ

وزن البنت بعد المكياج ٦٢ كلغ
...
وزن البنت بعد اللبس ٦٥.٥ كلغ

وزن البنت بعد السلاسل والخشاخيش ٦٩.٥

عزيزتي البنت شو يلي عم بيصير معك ؟؟؟

غالب

25-08-2011, 02:39 AM

مساء الخير يا شباب وصبايا

راحت اليوم على الي ما حضر الافطار العام في مطعم الاسطورة على جسر الهامة

غالب

25-08-2011, 02:42 AM

الف مبروك نجاح دانا احمد النوري وعقبال التخرج من الجامعة

فرحنا كثيرا بنجاحك وشاركنا والدك العزيز ابو معاذ لحظة رؤيته للنتيجة واعلانها واراهن انه فرح بنجاحك اكثر من فرحته بنجاحه بالبكلوريا وتخرجه من الجامعة .

مبروك لكم جميعا ومبروك ام معاذ

abu mhd

25-08-2011, 02:43 AM

شاركونا دعمكم لمشروع الصندوق السيادي على الرابط
طبعا ما ننسى انوا ما بدنا ننتقد اي احد بس مجرد دعم لفكرة الصندوق السيادي
http://www.syria-stocks.com/forum/showthread.php?p=109376#post109376

غالب

25-08-2011, 02:47 AM

وينك اخي مؤيد فاتتك السهرة ضلينا من الساعة 7 حتى الساعة وحدة وما حدا حابب يرجع

sommmmy

25-08-2011, 02:50 AM

وينك اخي مؤيد فاتتك السهرة ضلينا من الساعة 7 حتى الساعة وحدة وما حدا حابب يرجع

والله يا استاذ غالب السهره معكم مابتتعوض

sommmmy

25-08-2011, 02:50 AM

كيف صفقات ابوطارق؟؟؟؟؟؟؟

abu mhd

25-08-2011, 02:51 AM

رابط لتهنئة الانسة دانا أحمد النوري في الثانوية العامة
ابنة الأخ ابو معاذ و مدام رندة
1000 مبارك و عقبال باقي النجاحات
http://www.syria-stocks.com/forum/showthread.php?p=109408#post109408

abu mhd

25-08-2011, 02:53 AM

وينك اخي مؤيد فاتتك السهرة ضلينا من الساعة 7 حتى الساعة وحدة وما حدا حابب يرجع

والله بتعرف ابو النور ما بتأخر عن هيك جمعات بس اليوم كان عندي ارتباط عائلي
الواجبات الاجتماعية بدأت و انا ما كتير صحبة مع الواجبات الاجتماعية بس هيك الحياة
كان عم خطيبتي عازمنا على الافطار فما استطعت الحضور
منعوضها قريبا باذن الله

BROKER

25-08-2011, 03:47 AM

عدنا ....

abu mhd

25-08-2011, 04:11 AM

اهلا بكم و بعودتكم رامي باشا
فتحت موضوع مباركة بنجاح الأنسة دانا النوري و لكن الموضوع لا يظهر ضمن شريط المواضيع في الموقع فهل المشكلة عندي ام بالموقع
شكرا

abu mhd

25-08-2011, 04:12 AM

شو رأيك بالدهب ابو حازم
1758$
برأيك حاجز 1750 سيكون قوي ام سيكسره الى 1700

beautiful life

25-08-2011, 04:15 AM

صباح الخير للكل
كيفكم اليوم؟؟
وشو موضوع نقاشنا؟؟
‏
باتمنى ارتاحت الأعصاب بعد جلسة التلاتا

BROKER

25-08-2011, 04:26 AM

اهلا بكم و بعودتكم رامي باشا
فتحت موضوع مباركة بنجاح الأنسة دانا النوري و لكن الموضوع لا يظهر ضمن شريط المواضيع في الموقع فهل المشكلة عندي ام بالموقع
شكرا

هلا بيك ... ليست مشكلة

كل مواضيع ساحات صالة ملتقى المضاربين ... لا تظهر في الشريط

( الاستراحة - المطبخ - الشكاوي ) ...

BROKER

25-08-2011, 04:28 AM

شو رأيك بالدهب ابو حازم
1758$
برأيك حاجز 1750 سيكون قوي ام سيكسره الى 1700

1740 حاجز قوي ورح يرتد الذهب الى 1785

وفي حال الارتداد منها فانه الى 1650 ..

BROKER

25-08-2011, 04:35 AM

صباح الخير للكل
كيفكم اليوم؟؟
وشو موضوع نقاشنا؟؟
‏
باتمنى ارتاحت الأعصاب بعد جلسة التلاتا

صباح الخير اهلا وسهلا

على اساس فضفضة .... بس شايفلك اذا ما حفزتي الناس للتفكير بسؤال او حالة ما بيمشي الحال

beautiful life

25-08-2011, 04:40 AM

صباح الخير اهلا وسهلا

على اساس فضفضة .... بس شايفلك اذا ما حفزتي الناس للتفكير بسؤال او حالة ما بيمشي الحال

طيب بلش تحفيز ...
وأنا أول المحفزين
اسأل شي سؤال يخلي الواحد ينام بالأخير :coool:

BROKER

25-08-2011, 04:52 AM

حالة اجتماعية ... حاولت تصور حدوثها وكيفية مواجهتها وحلها :

- شاب متزوج من امرأة ولديه طفلان ، الأول بنت عمرها 3 سنين ، والثاني صبي عمره سنة .. وهو بحالة جيدة ومستقرة مع زوجته ومتفقين بشكل عام .

الشاب مدير في احدى الشركات في القطاع الخاص وفي احدى الايام توظفت في الشركة موظفة جديدة وفي قسم ذلك الشاب ، ومن خلال التعامل اليومي معها اكتشف انها تفهمه جيداً ، ثم تحول هذا الاحساس بالتفاهم بينه وبين الفتاة بالعمل الى اعجاب ، فاكتشف بعد مدة أنه أحبها .

فلو كنت مكان هذا الرجل فماذا سوف تفعل ؟؟؟

- ملاحظة : القصة خيالية لكنها تحدث كثيراً في مجتمعنا ، وانا بصراحة فكرت فيها قبل ما اتزوج لحتى اعرف حل الازمة في حال وقعت فيها .... لهذا السبب خلينا نعرف آراء المتزوجين لكي نتدارك وقوع العازبين فيها .

beautiful life

25-08-2011, 04:58 AM

أنا كيف بدي جاوب ؟؟
هاده لأن قلتلك اسأل سؤال بيخلي الواحد ينام
بدك فورا روح هلأ نام بدون ما احكي حرف
الله يسامحك

BROKER

25-08-2011, 05:11 AM

أنا كيف بدي جاوب ؟؟
هاده لأن قلتلك اسأل سؤال بيخلي الواحد ينام
بدك فورا روح هلأ نام بدون ما احكي حرف
الله يسامحك

اه ...

تحيلي حالك محله مافي حتى لو انك بنت وين المشكلة .... بكرة منحط قصة لبنت وبجاوب عنها

الحالة اجتماعية وبحاجة لحل

beautiful life

25-08-2011, 05:24 AM

مع أنك أنت طلبت آراء المتزوجين وأنا خارج هالنطاق ف رح أعطي رأيي ببساطه
الزواج استقرار نفسي والانسان بس يلاقي الشخص يلي بكمله وبيكون متفق معه فمارح تنحرف مشاعره لحدا تاني حتى لو صادف أحسن من شريكته من أي ناحية كانت
وأنت قلت هو ومدامته متفقين يعني مافي خلل
وهي نوع من الخيانة حتى لو بل مشاعر
وإن صار هالشي يعني حب شخص تاني و ماكان في مشاكل بينه وبين مرته
ف برأيي يجدد علاقته مع مرته
لأنه العلاقات بدها تجديد كل فتره وبيكون هالشخص حس بفتور مشاعر بعد كذا سنة زواج
و رجع يحسها مع هالموظفه

manar

25-08-2011, 05:41 AM

صباح الخير
و
صيام مقبولا

BROKER

25-08-2011, 05:46 AM

مع أنك أنت طلبت آراء المتزوجين وأنا خارج هالنطاق ف رح أعطي رأيي ببساطه
الزواج استقرار نفسي والانسان بس يلاقي الشخص يلي بكمله وبيكون متفق معه فمارح تنحرف مشاعره لحدا تاني حتى لو صادف أحسن من شريكته من أي ناحية كانت
وأنت قلت هو ومدامته متفقين يعني مافي خلل
وهي نوع من الخيانة حتى لو بل مشاعر
وإن صار هالشي يعني حب شخص تاني و ماكان في مشاكل بينه وبين مرته
ف برأيي يجدد علاقته مع مرته
لأنه العلاقات بدها تجديد كل فتره وبيكون هالشخص حس بفتور مشاعر بعد كذا سنة زواج
و رجع يحسها مع هالموظفه

ما طلبت اراء المتزوجين ابداً ..... السؤال كان لو كنت نكانه ماذا تفعل ؟؟؟ وبامكان كل شخص تخيل نفسه مكان بطل القصة ؟

- من ناحية رأيك : انا قلت انه متفهم مع زوجته ولكنه حس بشعور عاطفي ومحبة اتجاه زميلته بالشغل وبداية الشعور كانت مو عن قصد بل عن طريق التعامل والمعاملة بالعمل .

ما بعرف ليش حاسس المتزوجين رح يسبوني على هالحالة والموضوع :rolleyes2:

beautiful life

25-08-2011, 05:48 AM

صباح الخير
و
صيام مقبولا

‏
صباح النور
أهلا و سهلا فيك أخي منار

beautiful life

25-08-2011, 05:54 AM

والله إذا أكلت قتله ... ماباستبعدها ههههه
قلت رأيي لو صار هيك أمر ...
فجأة بيحس بشعور عاطفي تجاه الموظفه
لو كان في شعور عاطفي قوي بينه وبين مرته ماكان حس بهيك شي تجاه الموظفه ... أكيد الإنسان مابيقدر يحس بهيك مشاعر تجاه أكتر من شخص بنفس الوقت وبيكون هالزلمه حابب يعيش هالقصص تاني مره
فالحل يا أخي رامي بوجهة نظري
أنو يكبر عقلاته و يجدد علاقته مع مدامته مشان العصافير الصغار متل أنون يروحو سوا شي سياحه أو أي شي يقربون من بعض
أحلى شي بالزواج الوفا والاحترام

BROKER

25-08-2011, 06:10 AM

والله إذا أكلت قتله ... ماباستبعدها ههههه
قلت رأيي لو صار هيك أمر ...
فجأة بيحس بشعور عاطفي تجاه الموظفه
لو كان في شعور عاطفي قوي بينه وبين مرته ماكان حس بهيك شي تجاه الموظفه ... أكيد الإنسان مابيقدر يحس بهيك مشاعر تجاه أكتر من شخص بنفس الوقت وبيكون هالزلمه حابب يعيش هالقصص تاني مره
فالحل يا أخي رامي بوجهة نظري
أنو يكبر عقلاته و يجدد علاقته مع مدامته مشان العصافير الصغار متل أنون يروحو سوا شي سياحه أو أي شي يقربون من بعض
أحلى شي بالزواج الوفا والاحترام

قلتي : أكيد الإنسان مابيقدر يحس بهيك مشاعر تجاه أكتر من شخص بنفس الوقت

هذا بيعني انه لا يشعرها مع زوجته .... والحل في محاولة استعادتها برحلة .... طيب ما بدو يرجع ويشوف اللي عم تفهم عليه وعلى افكاره تمام التمام ؟؟؟؟؟

beautiful life

25-08-2011, 06:26 AM

صح رح يرجع يشوفها وقتها الممكن يصير

- إذا كان في مصارحه بينه وبين الموظفه بقصة الحب والإعجاب فبرأيي يقعد معها و يصارحها أنو الأمر ماصح يستمر ويتفاهمو و يقتنعو
وأنو مابده يخسر زوجته و ولاده
و إذا ماكان مصارحها فتدريجيا يخفف من علاقته معها لأن أكيد كانت العلاقه آخده فوق حدودها وتبقى علاقه زميل بزميله
‏
بشكل عام نحن عايشين بمجتمع مختلط يعني مافينا نعزل الرجل عن المرأة وإذا كان الكل بده يحس بهيك شي فالعوض على الله
لازم يكون في محاكمة عقلية و كلشي إله حل بيرضي العقل والقلب

BROKER

25-08-2011, 06:50 AM

لنشوف آراء النايمين .... ونستنبط الحل

ورح نتحول لنايمين الان

economic opinion

25-08-2011, 09:54 AM

صباح الخير :)

Salam L

25-08-2011, 10:06 AM

و
لو كان في شعور عاطفي قوي بينه وبين مرته ماكان حس بهيك شي تجاه الموظفه ... أكيد الإنسان مابيقدر يحس بهيك مشاعر تجاه أكتر من شخص بنفس الوقت وبيكون هالزلمه حابب يعيش هالقصص تاني مره

فالحل يا أخي رامي بوجهة نظري
أنو يكبر عقلاته و يجدد علاقته مع مدامته مشان العصافير الصغار متل أنون يروحو سوا شي سياحه أو أي شي يقربون من بعض
أحلى شي بالزواج الوفا والاحترام

يعني خلونا صريحين شوي.... حتى لو بيحب مرته كتير ممكن هيك شي يصير... حتى لو ماعجبتنا الفكرة او مابدنا نعترف فيها... ليش مابنسمع عن حالات اشخاص متزوجين 2 وبيحبوهن سوا!!!
واذا سألتيه بيقلك بحب كل وحدة بطريقة شكل.... في اشخاص هيك الله خلقهن ممكن يحبوا اكتر من مرة... وبنفس الوقت... والمرأة المحظوظة هي اللي مابيطلع زوجها من هاد الصنف هههههههههه

بالنسبة للحل.... انا لو مكانه ومابدي اخرب البيت... ممكن غير كل شغلي مشان بطل شوفها... وبعتبر هالشي تضحية متل كتير تضحيات بنعملها بحياتنا ... ومابخبرها ابدا لانو وقتها ممكن هي تلحقني (عم احكي بلسان الشب) ... واذا لحقتني فوقتها رح اضعف اكيد..... وطالما ماصار اخد ورد بشكل شخص بيني وبينها فما رح كون تعودت على وجودها بحياتي .. وهيك البعد بيصير اسهل

في الحل الاخر اللي قليل من الناس بيروحوا اله...
اذا كنت طابس فيها متل ما قيس طبس بليلي (وعم احكي بلسان الشب مرة تانية) ... بحاول اتزوجها وبجرب اقنع المدام .... ولو انها مارح تقتنع.. وقتها لازم اختار وحدة منهن.. ويمكن اختار الجديدة لانو مشاعري تجاهها مدمرة ولا يمكن تجاهلها (لاني بحالة جنان متل قيس) .. ورح توصل القصة للطلاق.... فبطلق الاولى وبتزوج التانية... وبعد كم سنة برجع بشوف بنت جديدة..وبتتكرر القصة.... تاتاتا.. وبيكونوا الاولاد من الاولى ومن التانية عم يدعوا عليي لاني وقتها بكون مع التالتة خخخخخخ

بهيك حالة رح نرجع نلاقي انو الحل الاول هو الاصح.... ومع هيك كل وضع الو خصوصيته...

abu mhd

25-08-2011, 10:27 AM

صباح الخير جميعا
و خاصة الكادحين روان - سلام

beautiful life

25-08-2011, 10:29 AM

صباح الخير :)

صباح الورد أختي روان :)

برجع بقول (( المنتدى يريد صورة وردة )) ولابعــــدين بطلع مسيرة هاا Big Grin

beautiful life

25-08-2011, 10:35 AM

يعني خلونا صريحين شوي.... حتى لو بيحب مرته كتير ممكن هيك شي يصير... حتى لو ماعجبتنا الفكرة او مابدنا نعترف فيها... ليش مابنسمع عن حالات اشخاص متزوجين 2 وبيحبوهن سوا!!!
واذا سألتيه بيقلك بحب كل وحدة بطريقة شكل.... في اشخاص هيك الله خلقهن ممكن يحبوا اكتر من مرة... وبنفس الوقت... والمرأة المحظوظة هي اللي مابيطلع زوجها من هاد الصنف هههههههههه

بالنسبة للحل.... انا لو مكانه ومابدي اخرب البيت... ممكن غير كل شغلي مشان بطل شوفها... وبعتبر هالشي تضحية متل كتير تضحيات بنعملها بحياتنا ... ومابخبرها ابدا لانو وقتها ممكن هي تلحقني (عم احكي بلسان الشب) ... واذا لحقتني فوقتها رح اضعف اكيد..... وطالما ماصار اخد ورد بشكل شخص بيني وبينها فما رح كون تعودت على وجودها بحياتي .. وهيك البعد بيصير اسهل

في الحل الاخر اللي قليل من الناس بيروحوا اله...
اذا كنت طابس فيها متل ما قيس طبس بليلي (وعم احكي بلسان الشب مرة تانية) ... بحاول اتزوجها وبجرب اقنع المدام .... ولو انها مارح تقتنع.. وقتها لازم اختار وحدة منهن.. ويمكن اختار الجديدة لانو مشاعري تجاهها مدمرة ولا يمكن تجاهلها (لاني بحالة جنان متل قيس) .. ورح توصل القصة للطلاق.... فبطلق الاولى وبتزوج التانية... وبعد كم سنة برجع بشوف بنت جديدة..وبتتكرر القصة.... تاتاتا.. وبيكونوا الاولاد من الاولى ومن التانية عم يدعوا عليي لاني وقتها بكون مع التالتة خخخخخخ

بهيك حالة رح نرجع نلاقي انو الحل الاول هو الاصح.... ومع هيك كل وضع الو خصوصيته...

اممممممممم .. أختي سلام صباح الخير

تعقيبا على رايك : الواحد لو حب اتنين لنفرض متل ماقلتلي .. فينو يعدل بيناتون ؟؟

أنــا برأيي أبداً .. لأنه الإنسان ماقادر يعدل بين ولاده .. إلا بيحب ولد أكتر من التاني حتى لو ماكانت
مبينة

فكيف بدو يعدل بين اتنين .. والله سبحانه وتعالى سمح بتعدد الزواج قال بشرط أن تعدلو بينهم

وما يرح يقدر يعدل .. وان تحقق العدل المادي .. العدل المعنوي مارح يصير

abu mhd

25-08-2011, 11:03 AM

على اعتباري اول الشباب المعلقين و نصف عزابي و نصف متزوج
اولا بقول الحمد لله أنوا شغلي ماله علاقة بالجنس الآخر و كل شغلنا مع الجنس الخشن فما مرقت بهالتجربة بعد
ولكن بقول ببساطة كل ممنوع مرغوب يعني هو اكيد كان ميت على ما يوافقوا اهل مرته على الخطبة بزمانه ووقت صارت ملكه صار يلاقي اي بنت فيها مقومات احسن من مرته
يعني الشب اللي معه بنت هل هو متأكد من مشاعره يعني حتى لو قال انوا بتفهمه ما كتير انا مع هالخيار لأنوا بالشغل معنا صبيتين \ هيك مكتوب بالهوية فقط \ و بتصير نوع من المجاملات وتبادل وجهات النظر و كل واحد بيفكر انوا التاني ياي شو متفتح و شو افكاره عملية بس بالواقع غير شي
و اكيد بالشغل رح يبين معوا انها بتفهمه لأنوا ما عم تمر بهالمشكلة و انما من بعيد يعني لو قال انه بأزمة مالية و مرته ما عم ترحمه بطلباتها اكيد جواب البنت اللي بالشغل انوا لا وما لازم هيك و المرة لازم تكون جنب جوزها و كل هالحكي فهو رح يعجب فيها بس لما تصير مرته اول كلمة رح تقولها اي بدي مصاري مشان ولادك بدهم اكل و لبس و طب و تعليم و انا بدي و كل هالحكي
و عفوا حتى لو حكينا من ناحية تانية انوا اللي بالشغل مرتبة حالها اكتر من مرته لأنها فاضية و عزابية ما وراها شي بس تورجيه حالها بعد ولدين اي الله يعينها هاد اكيد لا يعني انها معذورة باهمال زوجها بس كمان ولدين ما بيرحموا
فالمشاعر هنا مختلطة بين الاعجاب بأفكار الشخص اللي ستتبدل بحسب الزمان و المكان و الانجذاب نحو الجنس الاخر و هي طبيعة بشرية
المهم انه فيه ما يترك شغله متل ما قالت سلام لأنوا ممكن تواجه مشاكل اضرب و لكن يحط ضوابط للعلاقة معها و يحاول ما يحكي معها الا بنطاق العمل او يوصللها فكرة انوا هو بيحب مرته و ما ممكن يتزوج عليها او يعجب بأي بنت تانية و بيشوف باقي البنات متل اخواته صدقوني هية رح تقله حل عني مو ناقصني اخوات
اسف للإطالة بس في كانت بنت عم تتدرب عند محامي صديق اخي و كل واحد من طائفة و محافظة اسف للطائفية بس القصة انوا هو مابده يتزوج من غير طائفة ولا من بنت من غير محافظة و كل ما يتناقشوا بقصة الطوائف و المحافظات بتقله صحيح لازم كل واحد ياخد من ملته و من هالحكي و كل شغلة تكون فيها وهو معترض عليها تقله صح و تناقشه انوا وجهة نظره صحيحة لحتى اخر شي تزوجها يعني بقيت ترشله قنبز لحتى وقع
ما بعرف اذا فهمتوها بس انوا بانتيجة بقيت تسايره لحتى خلته يتزوجها
اسف للإطالة بس ما بعرف سردت بالحكي يمكن من كتر الشغل ؟؟؟؟؟؟

ابو تيم

25-08-2011, 11:07 AM

صباح الخير يا جماعة

beautiful life

25-08-2011, 11:09 AM

على اعتباري اول الشباب المعلقين و نصف عزابي و نصف متزوج
اولا بقول الحمد لله أنوا شغلي ماله علاقة بالجنس الآخر و كل شغلنا مع الجنس الخشن فما مرقت بهالتجربة بعد
ولكن بقول ببساطة كل ممنوع مرغوب يعني هو اكيد كان ميت على ما يوافقوا اهل مرته على الخطبة بزمانه ووقت صارت ملكه صار يلاقي اي بنت فيها مقومات احسن من مرته
يعني الشب اللي معه بنت هل هو متأكد من مشاعره يعني حتى لو قال انوا بتفهمه ما كتير انا مع هالخيار لأنوا بالشغل معنا صبيتين \ هيك مكتوب بالهوية فقط \ و بتصير نوع من المجاملات وتبادل وجهات النظر و كل واحد بيفكر انوا التاني ياي شو متفتح و شو افكاره عملية بس بالواقع غير شي
و اكيد بالشغل رح يبين معوا انها بتفهمه لأنوا ما عم تمر بهالمشكلة و انما من بعيد يعني لو قال انه بأزمة مالية و مرته ما عم ترحمه بطلباتها اكيد جواب البنت اللي بالشغل انوا لا وما لازم هيك و المرة لازم تكون جنب جوزها و كل هالحكي فهو رح يعجب فيها بس لما تصير مرته اول كلمة رح تقولها اي بدي مصاري مشان ولادك بدهم اكل و لبس و طب و تعليم و انا بدي و كل هالحكي
و عفوا حتى لو حكينا من ناحية تانية انوا اللي بالشغل مرتبة حالها اكتر من مرته لأنها فاضية و عزابية ما وراها شي بس تورجيه حالها بعد ولدين اي الله يعينها هاد اكيد لا يعني انها معذورة باهمال زوجها بس كمان ولدين ما بيرحموا
فالمشاعر هنا مختلطة بين الاعجاب بأفكار الشخص اللي ستتبدل بحسب الزمان و المكان و الانجذاب نحو الجنس الاخر و هي طبيعة بشرية
المهم انه فيه ما يترك شغله متل ما قالت سلام لأنوا ممكن تواجه مشاكل اضرب و لكن يحط ضوابط للعلاقة معها و يحاول ما يحكي معها الا بنطاق العمل او يوصللها فكرة انوا هو بيحب مرته و ما ممكن يتزوج عليها او يعجب بأي بنت تانية و بيشوف باقي البنات متل اخواته صدقوني هية رح تقله حل عني مو ناقصني اخوات
اسف للإطالة بس في كانت بنت عم تتدرب عند محامي صديق اخي و كل واحد من طائفة و محافظة اسف للطائفية بس القصة انوا هو مابده يتزوج من غير طائفة ولا من بنت من غير محافظة و كل ما يتناقشوا بقصة الطوائف و المحافظات بتقله صحيح لازم كل واحد ياخد من ملته و من هالحكي و كل شغلة تكون فيها وهو معترض عليها تقله صح و تناقشه انوا وجهة نظره صحيحة لحتى اخر شي تزوجها يعني بقيت ترشله قنبز لحتى وقع
ما بعرف اذا فهمتوها بس انوا بانتيجة بقيت تسايره لحتى خلته يتزوجها
اسف للإطالة بس ما بعرف سردت بالحكي يمكن من كتر الشغل ؟؟؟؟؟؟

وجهة نظرك واقعية كتير

والله يعطيك العافية على الشغل .. لســاتك ببــداية اليوم

economic opinion

25-08-2011, 11:16 AM

اممممممممم .. أختي سلام صباح الخير

تعقيبا على رايك : الواحد لو حب اتنين لنفرض متل ماقلتلي .. فينو يعدل بيناتون ؟؟

أنــا برأيي أبداً .. لأنه الإنسان ماقادر يعدل بين ولاده .. إلا بيحب ولد أكتر من التاني حتى لو ماكانت
مبينة

فكيف بدو يعدل بين اتنين .. والله سبحانه وتعالى سمح بتعدد الزواج قال بشرط أن تعدلو بينهم

وما يرح يقدر يعدل .. وان تحقق العدل المادي .. العدل المعنوي مارح يصير

هلأ أكيد ما رح يقدر عاطفياً (داخلياً) بس بيقدر إنو ما يظهر هي التفرقة، وهاد هو المهم إنو ما طرف يحس إنو الطرف التاني مدلل أكتر
" طبعاً هاد تحليل منطقي مالو علاقة برأيي الشخصي المباشر بالموضوع

economic opinion

25-08-2011, 11:21 AM

على اعتباري اول الشباب المعلقين و نصف عزابي و نصف متزوج
اولا بقول الحمد لله أنوا شغلي ماله علاقة بالجنس الآخر و كل شغلنا مع الجنس الخشن فما مرقت بهالتجربة بعد
ولكن بقول ببساطة كل ممنوع مرغوب يعني هو اكيد كان ميت على ما يوافقوا اهل مرته على الخطبة بزمانه ووقت صارت ملكه صار يلاقي اي بنت فيها مقومات احسن من مرته
يعني الشب اللي معه بنت هل هو متأكد من مشاعره يعني حتى لو قال انوا بتفهمه ما كتير انا مع هالخيار لأنوا بالشغل معنا صبيتين \ هيك مكتوب بالهوية فقط \ و بتصير نوع من المجاملات وتبادل وجهات النظر و كل واحد بيفكر انوا التاني ياي شو متفتح و شو افكاره عملية بس بالواقع غير شي
و اكيد بالشغل رح يبين معوا انها بتفهمه لأنوا ما عم تمر بهالمشكلة و انما من بعيد يعني لو قال انه بأزمة مالية و مرته ما عم ترحمه بطلباتها اكيد جواب البنت اللي بالشغل انوا لا وما لازم هيك و المرة لازم تكون جنب جوزها و كل هالحكي فهو رح يعجب فيها بس لما تصير مرته اول كلمة رح تقولها اي بدي مصاري مشان ولادك بدهم اكل و لبس و طب و تعليم و انا بدي و كل هالحكي
و عفوا حتى لو حكينا من ناحية تانية انوا اللي بالشغل مرتبة حالها اكتر من مرته لأنها فاضية و عزابية ما وراها شي بس تورجيه حالها بعد ولدين اي الله يعينها هاد اكيد لا يعني انها معذورة باهمال زوجها بس كمان ولدين ما بيرحموا
فالمشاعر هنا مختلطة بين الاعجاب بأفكار الشخص اللي ستتبدل بحسب الزمان و المكان و الانجذاب نحو الجنس الاخر و هي طبيعة بشرية
المهم انه فيه ما يترك شغله متل ما قالت سلام لأنوا ممكن تواجه مشاكل اضرب و لكن يحط ضوابط للعلاقة معها و يحاول ما يحكي معها الا بنطاق العمل او يوصللها فكرة انوا هو بيحب مرته و ما ممكن يتزوج عليها او يعجب بأي بنت تانية و بيشوف باقي البنات متل اخواته صدقوني هية رح تقله حل عني مو ناقصني اخوات
اسف للإطالة بس في كانت بنت عم تتدرب عند محامي صديق اخي و كل واحد من طائفة و محافظة اسف للطائفية بس القصة انوا هو مابده يتزوج من غير طائفة ولا من بنت من غير محافظة و كل ما يتناقشوا بقصة الطوائف و المحافظات بتقله صحيح لازم كل واحد ياخد من ملته و من هالحكي و كل شغلة تكون فيها وهو معترض عليها تقله صح و تناقشه انوا وجهة نظره صحيحة لحتى اخر شي تزوجها يعني بقيت ترشله قنبز لحتى وقع
ما بعرف اذا فهمتوها بس انوا بانتيجة بقيت تسايره لحتى خلته يتزوجها
اسف للإطالة بس ما بعرف سردت بالحكي يمكن من كتر الشغل ؟؟؟؟؟؟
والله يا مؤيد فيها وجهة نظر قوية

Salam L

25-08-2011, 11:24 AM

اممممممممم .. أختي سلام صباح الخير

تعقيبا على رايك : الواحد لو حب اتنين لنفرض متل ماقلتلي .. فينو يعدل بيناتون ؟؟

أنــا برأيي أبداً .. لأنه الإنسان ماقادر يعدل بين ولاده .. إلا بيحب ولد أكتر من التاني حتى لو ماكانت
مبينة

فكيف بدو يعدل بين اتنين .. والله سبحانه وتعالى سمح بتعدد الزواج قال بشرط أن تعدلو بينهم

وما يرح يقدر يعدل .. وان تحقق العدل المادي .. العدل المعنوي مارح يصير

انا ماحكيت على العدل ابدا... كل الفكرة انو من الوارد انو شخص يحب 2 بنفس الوقت..... سواء كان متزوج منهن او لاء....

beautiful life

25-08-2011, 11:25 AM

هلأ أكيد ما رح يقدر عاطفياً (داخلياً) بس بيقدر إنو ما يظهر هي التفرقة، وهاد هو المهم إنو ما طرف يحس إنو الطرف التاني مدلل أكتر
" طبعاً هاد تحليل منطقي مالو علاقة برأيي الشخصي المباشر بالموضوع

طيب نورينا برأيك الشخصي ؟؟ :)

Salam L

25-08-2011, 11:26 AM

على اعتباري اول الشباب المعلقين و نصف عزابي و نصف متزوج
اولا بقول الحمد لله أنوا شغلي ماله علاقة بالجنس الآخر و كل شغلنا مع الجنس الخشن فما مرقت بهالتجربة بعد
ولكن بقول ببساطة كل ممنوع مرغوب يعني هو اكيد كان ميت على ما يوافقوا اهل مرته على الخطبة بزمانه ووقت صارت ملكه صار يلاقي اي بنت فيها مقومات احسن من مرته
يعني الشب اللي معه بنت هل هو متأكد من مشاعره يعني حتى لو قال انوا بتفهمه ما كتير انا مع هالخيار لأنوا بالشغل معنا صبيتين \ هيك مكتوب بالهوية فقط \ و بتصير نوع من المجاملات وتبادل وجهات النظر و كل واحد بيفكر انوا التاني ياي شو متفتح و شو افكاره عملية بس بالواقع غير شي
و اكيد بالشغل رح يبين معوا انها بتفهمه لأنوا ما عم تمر بهالمشكلة و انما من بعيد يعني لو قال انه بأزمة مالية و مرته ما عم ترحمه بطلباتها اكيد جواب البنت اللي بالشغل انوا لا وما لازم هيك و المرة لازم تكون جنب جوزها و كل هالحكي فهو رح يعجب فيها بس لما تصير مرته اول كلمة رح تقولها اي بدي مصاري مشان ولادك بدهم اكل و لبس و طب و تعليم و انا بدي و كل هالحكي
و عفوا حتى لو حكينا من ناحية تانية انوا اللي بالشغل مرتبة حالها اكتر من مرته لأنها فاضية و عزابية ما وراها شي بس تورجيه حالها بعد ولدين اي الله يعينها هاد اكيد لا يعني انها معذورة باهمال زوجها بس كمان ولدين ما بيرحموا
فالمشاعر هنا مختلطة بين الاعجاب بأفكار الشخص اللي ستتبدل بحسب الزمان و المكان و الانجذاب نحو الجنس الاخر و هي طبيعة بشرية
المهم انه فيه ما يترك شغله متل ما قالت سلام لأنوا ممكن تواجه مشاكل اضرب و لكن يحط ضوابط للعلاقة معها و يحاول ما يحكي معها الا بنطاق العمل او يوصللها فكرة انوا هو بيحب مرته و ما ممكن يتزوج عليها او يعجب بأي بنت تانية و بيشوف باقي البنات متل اخواته صدقوني هية رح تقله حل عني مو ناقصني اخوات
اسف للإطالة بس في كانت بنت عم تتدرب عند محامي صديق اخي و كل واحد من طائفة و محافظة اسف للطائفية بس القصة انوا هو مابده يتزوج من غير طائفة ولا من بنت من غير محافظة و كل ما يتناقشوا بقصة الطوائف و المحافظات بتقله صحيح لازم كل واحد ياخد من ملته و من هالحكي و كل شغلة تكون فيها وهو معترض عليها تقله صح و تناقشه انوا وجهة نظره صحيحة لحتى اخر شي تزوجها يعني بقيت ترشله قنبز لحتى وقع
ما بعرف اذا فهمتوها بس انوا بانتيجة بقيت تسايره لحتى خلته يتزوجها
اسف للإطالة بس ما بعرف سردت بالحكي يمكن من كتر الشغل ؟؟؟؟؟؟

الافتراض اللي قال عليه رامي انو هو طبس لحاله... مو هي عم تطبقه للاخ... والفرض كمان انو هي فعلا بتناسبه!! هو مشان يصعب القصة علينا رامي حط هالتفاصيل هههههه

وبعدين معظم اجاباتكن عن تحكي بالعقل والمنطق....وبيصير ومابيصير... ليش لو هيك قصص بالعقل والمنطق كان ماشفتوا ولا بيت انخرب ولا علاقة فشلت....

الله لا يوقعنا بهيك قصة .... لا شب ولا بنت....

وائل77

25-08-2011, 11:37 AM

صباح الخير للجميع
قصة الشاب ممكن تحدث في اي مجال بس بعتقد ان حديث القلب لا يكفي فكثير من الامور الايجابية قد تكون مظاهر خادعة لا تعطي الانطباع الحقيقي عن الشخص الذي نتعامل معه بالدراسة او العمل

beautiful life

25-08-2011, 11:44 AM

إذا لــم تــســتــطــع أن تــنــظــر خــلــفــك

لأن مــاضــيــك مــؤلــم

ولا أمــامــك لأن مــســتــقــبــلــك مــظــلــم

فــأنــظــر الــى الــســمــاء تــجــد مـــن لا يـَـظْــــلـِـــم

ابي نادر

25-08-2011, 12:00 PM

صباح الخير للجميع

نزولآ تحت رغبة السيد رامي وبعض أعضاء المنتدى ( حيث تم ابلاغ السيد رامي وبعض اعضاء المنتدى بقرار البيع عندما كان الذهب ب 1914$)فقد قمت ببيع بعض كميات من الذهب وكما وعدت نزلناكم السعر لل 1728$ للأونصة :) :)

طبعآ كانت مجرد توقعات انو الذهب رح ينزل والحمد الله ظبطت :rolleyes2:

روان لاتنسي بس يصير ب 1600$ لاتنسي رسالة المباركة ;)

ابي نادر

25-08-2011, 12:04 PM

هيئة الأوراق المالية السورية تطلق موقعها الالكتروني الجديد
24/08/2011
أعلنت هيئة الأوراق والأسواق المالية السورية إطلاق موقعها الالكتروني الجديد www.scfms.sy بهدف تسهيل الوصول إلى جميع المعلومات المطلوبة عن الشركات المساهمة العامة وشركات الخدمات والوساطة المالية.
وذكرت هيئة الأوراق إن موقعها الجديد يتميز بسهولة الاستخدام وسرعة الوصول إلى المعلومة وتنوع الاستخدامات إضافة إلى إمكانية زيارة المستخدمين لصفحة إفصاحات الشركات المساهمة والتعرف على شكلها الجديد وزيارة صفحات شركات الوساطة ونشرات الإصدار وصفحات التوعية والعلاقات الدولية.

ابي نادر

25-08-2011, 12:07 PM

الذهب 1715$ للأونصة سعر اللحظة

ابي نادر

25-08-2011, 12:07 PM

الذهب 1708$ سعر اللحظة

BISO

25-08-2011, 12:09 PM

صباح الخير للجميع

نزولآ تحت رغبة السيد رامي وبعض أعضاء المنتدى ( حيث تم ابلاغ السيد رامي وبعض اعضاء المنتدى بقرار البيع عندما كان الذهب ب 1914$)فقد قمت ببيع بعض كميات من الذهب وكما وعدت نزلناكم السعر لل 1728$ للأونصة :) :)

طبعآ كانت مجرد توقعات انو الذهب رح ينزل والحمد الله ظبطت :rolleyes2:

روان لاتنسي بس يصير ب 1600$ لاتنسي رسالة المباركة ;)

صباح الخير للجميع

الحمد لله والصلاة والسلام على نبينا محمد صلى الله عليه وسلم

كل الشكر للجميع بهذا المنتدى على النصائح المفيدة

الحمد لله أنا بعت كامل الكمية من الذهب ع 1885$ والحمد لله .

مرة تانية كل الشكر لكل الأعضاء لمن ساهموا بتقديم النصيحة

abu mhd

25-08-2011, 12:10 PM

الذهب 1708$ سعر اللحظة

Big GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig Grin:):):):):)

ابي نادر

25-08-2011, 12:21 PM

Big GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig Grin:):):):):)

ما قلتلك من يومين رح اطرح كميتي للبيع ;)

رامي قلي بيع وفرج عن العالم :coool:

قمت بعت :) :) :) :) انبسطو

ابي نادر

25-08-2011, 12:23 PM

الذهب للحظة 1704$ للحظة

ابي نادر

25-08-2011, 12:23 PM

مؤيد انا برأي تدور على اللحظة المناسبة واشتري

BISO

25-08-2011, 12:23 PM

ما قلتلك من يومين رح اطرح كميتي للبيع ;)

رامي قلي بيع وفرج عن العالم :coool:

قمت بعت :) :) :) :) انبسطو

بإنتظار موعد الشراء الجديد

ع 1600 منيح ولا ممكن أقل ؟؟؟

1703$ حالياً

ابي نادر

25-08-2011, 12:32 PM

بإنتظار موعد الشراء الجديد

ع 1600 منيح ولا ممكن أقل ؟؟؟

1703$ حالياً

بدك رأي شخصي

الذهب بحالة هيستيريا الأن واتوقع رح يكون الهبوط قوي فلذلك روق لهذه الفترة ( هذا رأي شخصي )

العربي

25-08-2011, 12:38 PM

فلو كنت مكان هذا الرجل فماذا سوف تفعل ؟؟؟

هل تريد وجهة نظر مضاربية أم استثمارية ;) ؟

abu mhd

25-08-2011, 12:42 PM

مؤيد انا برأي تدور على اللحظة المناسبة واشتري

انا عم فكر 1650 او 1600 $ اشتري

economic opinion

25-08-2011, 12:45 PM

طيب نورينا برأيك الشخصي ؟؟ :)

المشكلة الرئيسية بالنسبة إلي إنو الموضوع كتير نظري " يعني شو ما رح إحكي ما رح يكون إلا تنظير يمكن، لأني اكتشفت إنو لما لبني آدم ينحط بالموقف عملياً كتير بتختلف ردة فعله عن توقعه"
هاد السبب يمكن ناسف كل الموضوع عندي، يعني، إذا هو ما كان حاسس إنو زوجته الحالية كانت فهمانتو عنجد وإنو بحبها فليش تزوجها من الأساس؟ وإذا كان حاسس بهداك الوقت إنها كانت فهمانتو بس شعورو تغيّر بعد انقضاء فترة معينة من زواجه (لأنو أكيد صار يشوف العيوب بحكم القرب والتعامل الدائم)، فهو لازم ينتبه لهي القصة ويعرف إنو احتمال يصل مع هي الإنسانة التانية لنفس النقطة بعد الزواج. بقى حيكون الأفضل إنو يضل مع زوجته الحالية وخاصةً مشان الأولاد، ولازم يذكر حالو بحسناتها ويتغاضى شوي عن سيئاتها لأنو مافي حدا خالي من العيوب بما في ذلك هو نفسه وهي المخلوقة التانية يلي مفكرها كاملة مكمّلة

economic opinion

25-08-2011, 12:46 PM

لاتآخذوني اتأخرت عليكون بالرد لأنو كان عندي اجتماع وحوصة صغيرة

economic opinion

25-08-2011, 12:51 PM

صباح الخير للجميع

نزولآ تحت رغبة السيد رامي وبعض أعضاء المنتدى ( حيث تم ابلاغ السيد رامي وبعض اعضاء المنتدى بقرار البيع عندما كان الذهب ب 1914$)فقد قمت ببيع بعض كميات من الذهب وكما وعدت نزلناكم السعر لل 1728$ للأونصة :) :)

طبعآ كانت مجرد توقعات انو الذهب رح ينزل والحمد الله ظبطت :rolleyes2:

روان لاتنسي بس يصير ب 1600$ لاتنسي رسالة المباركة ;)
إن شاء الله، الله يخترلك الخير أخي أبي نادر، لا تخاف بلشت جهز حالي لباركلك أكيد مارح انسى marsamarsa

economic opinion

25-08-2011, 12:53 PM

إذا لــم تــســتــطــع أن تــنــظــر خــلــفــك

لأن مــاضــيــك مــؤلــم

ولا أمــامــك لأن مــســتــقــبــلــك مــظــلــم

فــأنــظــر الــى الــســمــاء تــجــد مـــن لا يـَـظْــــلـِـــم

والله يا أمورة جوهر حكي أكثر من رائع كتييييييييييييييييييييييييييييييييييييييييير لااااااااااااااااااااايك
وعنجد صاربدنا الوردة من بروكرنا الكبير :rolleyes2: :)

economic opinion

25-08-2011, 12:55 PM

Big GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig GrinBig Grin:):):):):)
مبروك أخي مؤيد وإن شاء الله بيتبهدل كمان، بس كرمالك marsamarsa

BISO

25-08-2011, 01:01 PM

القاضي الشرعي الأول يدعو إلى التماس هلال شوال الاثنين الواقع في 29 من شهر آب الجاري

في معايداتنا نقول: كل عام وأنتم بخير، هذا العام لسنا بخير فهل سنكون بخير في العام القادم ؟؟

Salam L

25-08-2011, 01:05 PM

طار عقلي بسعر الدهب...

بس ياحرام قرايبي يمكن اشترى من يومين مدري 3... التاني بدو يخطب...

Salam L

25-08-2011, 01:06 PM

شباب اذا غرام الدهب ب 1600 ليرة قديش بيكون سعر الاونصة بالدولار؟؟؟ بشكل تقريبي

abu mhd

25-08-2011, 01:07 PM

مبروك أخي مؤيد وإن شاء الله بيتبهدل كمان، بس كرمالك marsamarsa

الله يخليكي و يسلمك يا رب
والله ايدي على قلبي كان هالأسبوعين اللي مضوا
و على قولتك يارب يتبهدل اكتر و اكتر
يعني اذا بترجع الأونصة لل 800$ بس شغلة ساعتين انزل اشتري و ترجع تطلع لل 1500$Big Grin
عنجد يا جماعة عليكم بالذهب بلا بورصة بلا وجع قلب

abu mhd

25-08-2011, 01:10 PM

شباب اذا غرام الدهب ب 1600 ليرة قديش بيكون سعر الاونصة بالدولار؟؟؟ بشكل تقريبي

لازم يكون 1140 $ اذا كان الدولار ب 50
و 1185$ اذا كان الدولار 48

economic opinion

25-08-2011, 01:11 PM

القاضي الشرعي الأول يدعو إلى التماس هلال شوال الاثنين الواقع في 29 من شهر آب الجاري

في معايداتنا نقول: كل عام وأنتم بخير، هذا العام لسنا بخير فهل سنكون بخير في العام القادم ؟؟

معناها خلينا نقول الله يبلغنا العيد الجاية على خير وأمان ووطن

وائل77

25-08-2011, 01:32 PM

المشكلة ببورصة الاسهم منعرف لحد كبير شو عم يصير ومين عم يرفع وينزل
بس بالذهب ما منعرف شي الله يستر

Salam L

25-08-2011, 01:52 PM

لازم يكون 1140 $ اذا كان الدولار ب 50
و 1185$ اذا كان الدولار 48

ممممم.......... مابعرف بس حاسة انو اكتر....

manar

25-08-2011, 01:57 PM

شو رأيك بالدهب ابو حازم
1758$
برأيك حاجز 1750 سيكون قوي ام سيكسره الى 1700
كسر حاجز 1705

abu mhd

25-08-2011, 02:04 PM

ممممم.......... مابعرف بس حاسة انو اكتر....

مو شغلة احساس بس رياضيات
1600 \ 21 هو العيار = 76.1 *24 وهو عيار اونصة الذهب = 1829
نقسم على سعر الدولار و لنفرض 50 = 36.6 $ * 31.1 وزن الونصة = 1140$ تقريبا

abu mhd

25-08-2011, 02:05 PM

كسر حاجز 1705

حاليا 1712$ عم تابعه اكتر من مسلسلات رمضان ههههههههههههههههههههه

غسان

25-08-2011, 02:42 PM

بالعودة لسؤال الجلسة في شوية تناقض بالسؤال
يعني اذا كان الرجل متافهم مع زوجته لن يفعل هذا الامر من الاساس غالبا اما اذا كان غير ذلك فهنالك حالات كثيرة واقعة في مجتمعنا : اما يتزوج او ان تبقى علاقة بدون زواج او يطلق وكل ذلك حسب اخلاق الرجل ومستواه الفكري

ابي نادر

25-08-2011, 02:44 PM

طار عقلي بسعر الدهب...

بس ياحرام قرايبي يمكن اشترى من يومين مدري 3... التاني بدو يخطب...

رحعت كيفكن بس كنت عما اعمل ضربة بلذهب نجحت بس بشكل جزئي هههههههههه بعت ب 1712$

ههههههههه فشل هلا 1717$

ما بعرف ليش بحس حالي فاشل ببعض اوقات مع انو منت بعرف انو رح يوصل لفوق 1716 بس الخوف لأنو عما يهوي بشكل جنوني

ليش يا حرام سلام واحد بدو يخطب هلا صار ينعزل عليه هههههههههههه وقت الخطبة كلن خواتم ما بيساوي شي

ابي نادر

25-08-2011, 02:46 PM

وهاي الذهب ب 1721$ :maad: :maad: :maad: :maad: :maad: :maad: :maad:

BISO

25-08-2011, 02:46 PM

نتمنى نهاية أسبوع هادئة وامنة وبدون دماء لبلدنا الغالية سوريا

تقبل الله صيامكم وطاعاتكم وقيامكم ليلة القدر

السلام عليكم

best time

25-08-2011, 02:48 PM

على اعتباري اول الشباب المعلقين و نصف عزابي و نصف متزوج
اولا بقول الحمد لله أنوا شغلي ماله علاقة بالجنس الآخر و كل شغلنا مع الجنس الخشن فما مرقت بهالتجربة بعد
ولكن بقول ببساطة كل ممنوع مرغوب يعني هو اكيد كان ميت على ما يوافقوا اهل مرته على الخطبة بزمانه ووقت صارت ملكه صار يلاقي اي بنت فيها مقومات احسن من مرته
يعني الشب اللي معه بنت هل هو متأكد من مشاعره يعني حتى لو قال انوا بتفهمه ما كتير انا مع هالخيار لأنوا بالشغل معنا صبيتين \ هيك مكتوب بالهوية فقط \ و بتصير نوع من المجاملات وتبادل وجهات النظر و كل واحد بيفكر انوا التاني ياي شو متفتح و شو افكاره عملية بس بالواقع غير شي
و اكيد بالشغل رح يبين معوا انها بتفهمه لأنوا ما عم تمر بهالمشكلة و انما من بعيد يعني لو قال انه بأزمة مالية و مرته ما عم ترحمه بطلباتها اكيد جواب البنت اللي بالشغل انوا لا وما لازم هيك و المرة لازم تكون جنب جوزها و كل هالحكي فهو رح يعجب فيها بس لما تصير مرته اول كلمة رح تقولها اي بدي مصاري مشان ولادك بدهم اكل و لبس و طب و تعليم و انا بدي و كل هالحكي
و عفوا حتى لو حكينا من ناحية تانية انوا اللي بالشغل مرتبة حالها اكتر من مرته لأنها فاضية و عزابية ما وراها شي بس تورجيه حالها بعد ولدين اي الله يعينها هاد اكيد لا يعني انها معذورة باهمال زوجها بس كمان ولدين ما بيرحموا
فالمشاعر هنا مختلطة بين الاعجاب بأفكار الشخص اللي ستتبدل بحسب الزمان و المكان و الانجذاب نحو الجنس الاخر و هي طبيعة بشرية
المهم انه فيه ما يترك شغله متل ما قالت سلام لأنوا ممكن تواجه مشاكل اضرب و لكن يحط ضوابط للعلاقة معها و يحاول ما يحكي معها الا بنطاق العمل او يوصللها فكرة انوا هو بيحب مرته و ما ممكن يتزوج عليها او يعجب بأي بنت تانية و بيشوف باقي البنات متل اخواته صدقوني هية رح تقله حل عني مو ناقصني اخوات
اسف للإطالة بس في كانت بنت عم تتدرب عند محامي صديق اخي و كل واحد من طائفة و محافظة اسف للطائفية بس القصة انوا هو مابده يتزوج من غير طائفة ولا من بنت من غير محافظة و كل ما يتناقشوا بقصة الطوائف و المحافظات بتقله صحيح لازم كل واحد ياخد من ملته و من هالحكي و كل شغلة تكون فيها وهو معترض عليها تقله صح و تناقشه انوا وجهة نظره صحيحة لحتى اخر شي تزوجها يعني بقيت ترشله قنبز لحتى وقع
ما بعرف اذا فهمتوها بس انوا بانتيجة بقيت تسايره لحتى خلته يتزوجها
اسف للإطالة بس ما بعرف سردت بالحكي يمكن من كتر الشغل ؟؟؟؟؟؟

كلامك جميل مؤيد بس احلى شى
ترشله قنبز هههههههههههههههههههههههههههههه Big GrinBig GrinBig Grin

ابي نادر

25-08-2011, 02:55 PM

1725$ السعر الحالي للذهب :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad:

ابي نادر

25-08-2011, 03:04 PM

ليش عما تحكو بلذهب هون ما عملنالكم صفحة للذهب :) ;)

رامي روق هون متعودين نحكي اكثر من فوركس

وثانيآ هون الأعضاء متواجدين دائمآ

فلذالك انا اسف رامي :) :)

abu mhd

25-08-2011, 03:10 PM

1725$ السعر الحالي للذهب :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad::mad: :mad::mad::mad::mad::mad::mad::mad::mad::mad:

شو عم يصير ابي نادر
لوين برأيك رايح طلوع ولا نزول ؟؟؟؟؟؟؟؟؟؟؟؟؟؟؟؟؟؟
اي والله شي بيخيل

ابي نادر

25-08-2011, 03:14 PM

شو عم يصير ابي نادر
لوين برأيك رايح طلوع ولا نزول ؟؟؟؟؟؟؟؟؟؟؟؟؟؟؟؟؟؟
اي والله شي بيخيل
شي طبيعي يلي صاير بعد هل النزول الكبير

بدا الشغلة رواق ومتابعة

ابي نادر

25-08-2011, 03:17 PM

مؤيد عندك معلومات انو سعر الذهب بيتحدد ساعة 11 الضهر من سوق الصاغة

وما بيتغير اذا نزل السوق بأغلب الأوقات الا اذا كان نزول كبير بيطرو يغيرو ببعض اوقات

وبس يطلع بيبطلو الصاغة يبيعوك هههههههههههه

best time

25-08-2011, 03:24 PM

http://photos.azyya.com/store/up2/0809081622591Wpw.gif (http://fashion.azyya.com/)

ابي نادر

25-08-2011, 03:30 PM

:maad::maad::maad::maad::maad::maad::maad::maad::m aad::maad::maad::maad::maad::maad::maad::maad:1730 .90$

ابي نادر

25-08-2011, 03:32 PM

قايم نملي شي ساعة زمان

سلام عليكم

ابي نادر

25-08-2011, 03:33 PM

هلا انا بعرف انو انا لحالي هون بس على كلن

سلام عليكم ههههههههههههه

ابي نادر

25-08-2011, 03:34 PM

تنويه الذهب1733

abu mhd

25-08-2011, 03:55 PM

اهلا ابي نادر
مو لحالك انا معك
التسعيرة بتطلع الساعة 11 و على قولة رفيقي بس تنزل كتير او تطلع كتير بيرفعوا السماعة و ماعاد يردوا على حدا بالصاغة هههههههه و الفكرة انوا التسعيرة بتحطها المالية مو نقابة الصاغة
لذلك بتلاقي كل محلات الدهب حاطينها على cnbc وعم يبيعوا و يشتروا على الأونصة
حاليا 1733.9

i.kusibati

25-08-2011, 03:57 PM

الذهب 1747$ حاليا big grinbig grinbig grinbig grinbig grinbig grinbig grinbig grinbig grinbig grinbig grinbig grinbig grinbig grin;)

هبوط اليوم للأونصة 110$ :eek::eek::eek::eek::eek:ay1ay1

الذهب لن يعود إلى سعرة المرتفع على المدى القريب بسبب رفع مستوى المخاطر على العقود ألأجلة.

عابر مجيب

25-08-2011, 04:20 PM

موضوع الحلقة اليوم متل اللي سأل الكومبيوتر شوفي مافي ؟ لوكان الموضوع بينتهي بقرار وابتعاد عن جو معين ما كان حدا تعب ، المشكلة من أصل تعليمنا عن الزواج . واللي بدو يتزوج امرأة ليتفاهم معها ممكن يجيه كتير وجع راس ورح توقفلو سنجق عرض بكل شاردة وواردة . علما بأن الرجوله مو غلاظة ومجرد فرض رأي بس كمان المركب بريسين بيغرق . يعني عم حاول اختصر بس افكاري عم تتزاحم ولو بدنا نعطي الموضوع حقو بدنا مجلدات ومع هادا مافي حالة متل التانية أبدا . والموضوع يمكن لازم يبدأ من مفاهيم الحرية والكبت ، بالمناسبة أنا قرأت مرة للمرحوم فضل الله وكانت بالصدفة ورقة لقيتها بالأرض ومطبوع عليها خطبة الجمعة ، ولفت نظري قوله بما معناه أن الافراط في الكبت لا يقل افسادا عن الافراط في التحرر . أحسست باحترام للرجل وتكررت عدة مصادفات بعد ذلك وكنت في كل مرة أجد فيه عقلا راجحا . هو بالمناسبة ميال للعقل أكثر من الاتباع لما يطلقون عليه ولاية الفقيه .
أما بمناسبة نجاح الآنسة دانا اللي لا بعرفها ولا بعرف أهلها لسا ، بحب اغتنم الفرصة وباركلها وانشالله موفقة ، بس اللي لفت نظري أنو الدورة التانية حملت خدعة مؤلمة لمن تقدم اليها لتحسين السكور ، لأن النتيجة لاتظهر إلا مع مفاضلة الموازي مع ان الأصل أن من حق الطالب التقدم للعامة مرة واحدة ! طيب لسا ما حدا قدم على العامة حتى يفقد فرصتو ! كأن اللي مصمم هالفكرة المنحوس المهايني وزير المال السابق ، شو هالأفكار هي ؟!
ثم هنن أصلا خدمونا بحيث تكون الموازي مع العامة سوا ! شو هالخدمة ؟ المفروض بعد فشل المحاولة بالعامة بيدفع الطالب خمس وعشرين ألف ملطوش وبيتقدم للمفاضلة . أما هلأ بدو يخاف يصفى ل منهون ولا منهون فبيقدم على الموازي من أول مرة ، يعني ألغوا العامة وما عاد إلها لزوم .
الحلو كمان أن التعليم المفتوح بيضل مغمض ، والطالب بعد ما يقبل بالحد الأدنى لطموحاتو ويدفع لمفاضلة الموازي ، يمكن المفتوح يكون فيه فرصة تحقيق حلم وبيسجل فيه وبيدفع من جديد وطبعا لو شاف حلمة أدنوا رح يشوف الخمس وعشرين ألف . بيجوز هدول المصاري اللي بدهم يساووا منهم الصندوق السيادي المزعوم . يا الهي قديش أنا متجني !!!.

غسان

25-08-2011, 06:56 PM

اخ عابر من تقدم للدورة الاولى او الثانية (نفس الشيء) لان نتيجة المفاضلة ستصدر بوقت واحد للجميع
اما ال 25000 فهي تأمين يعود للطالب في حال لم يستفد من مفاضلة الموازي...اما اذا استفاد من كلية ولم يسجل فيها فقد اضاع فرصة غيره في الاستفادة وعلامة واحدة بتفرق كتير وعليه ان يدفع غرامة ذلك الخلل

beautiful life

25-08-2011, 07:14 PM

صيام مقبول
وإفطار شهي للكل
ماينزل نقطه دم بالعيد
و نحن بألف خير

Salam L

25-08-2011, 08:10 PM

الذهب 1760... سلامتك ابي نادر كلو الا صحتك...
ونفس الشي مؤيد

BROKER

25-08-2011, 09:28 PM

صباح الخير للجميع

الحمد لله والصلاة والسلام على نبينا محمد صلى الله عليه وسلم

كل الشكر للجميع بهذا المنتدى على النصائح المفيدة

الحمد لله أنا بعت كامل الكمية من الذهب ع 1885$ والحمد لله .

مرة تانية كل الشكر لكل الأعضاء لمن ساهموا بتقديم النصيحة

ألف مبروك والله كان بالي مشغول عليك

BROKER

25-08-2011, 09:29 PM

ما قلتلك من يومين رح اطرح كميتي للبيع ;)

رامي قلي بيع وفرج عن العالم :coool:

قمت بعت :) :) :) :) انبسطو

مبرووووك معلم اي من زمان ارضي هالناس

BROKER

25-08-2011, 09:31 PM

بإنتظار موعد الشراء الجديد

ع 1600 منيح ولا ممكن أقل ؟؟؟

1703$ حالياً

قلنا سابقاً ان قاع الذهب 1700 يعني الارتداد منه قوي
وها هو ارتد لاكثر من 600 نقطة ...

لكن قاع الشراء الاستثماري 1550 - 1600

BROKER

25-08-2011, 09:37 PM

بالعودة لسؤال الجلسة في شوية تناقض بالسؤال
يعني اذا كان الرجل متافهم مع زوجته لن يفعل هذا الامر من الاساس غالبا اما اذا كان غير ذلك فهنالك حالات كثيرة واقعة في مجتمعنا : اما يتزوج او ان تبقى علاقة بدون زواج او يطلق وكل ذلك حسب اخلاق الرجل ومستواه الفكري

أبو يزن .... ما فدتنا

- السؤال : لو كنت مكانه ماذا تفعل ؟؟؟

BROKER

25-08-2011, 09:41 PM

ليش عما تحكو بلذهب هون ما عملنالكم صفحة للذهب :) ;)

رامي روق هون متعودين نحكي اكثر من فوركس

وثانيآ هون الأعضاء متواجدين دائمآ

فلذالك انا اسف رامي :) :)

الكلام بالذهب والبورصة مسموح تماماً وبشكل كامل لحتى نبقى نتذكر اننا اجتمعنا من ورا البورصة ....

BROKER

25-08-2011, 09:53 PM

أبي نادر ... حكى عن الذهب وطلع ونام وما عطى رايه بالقصة ؟؟؟

كل الآراء صدرت من العزابية ، يا تــــــــرى ليـــــــــــش ؟؟؟؟؟؟؟

هالموضوع حاسس انو رح يعمل مشاكل ، بس ما رح يتسكر الا لحتى يدخل ثلاثة من كبارنا ويضيفوا رأيهن لحتى يغلق ... !!!

أبو يزن -غسان - متزوج ولكن كان رأيه رفع عتب .

- عابر مجيب يلي بيعرفنا واحد واحد وما عرفنا على حالو ... بشارك وبفوتنا بالحيط ... بس يمكن لان لديه حكي كتير وبحاول يختصر كتير بقوم بيطلع الحكي مخربط ومنكون بموضوع منصير بموضوع وماعاد نفهم شي .

ومساكم خير .... اليوم الرجعة سريعة من التراويح.

GoldMan$

25-08-2011, 10:58 PM

مساء الخير ....
بدعي من كل قلبي لكل شاب عازب التوفيق والزواج بسرعة .. وطبعا كله نصيب وما التوفيق الا من عند الله
بالنسبة للموضوع اللي كنتو عم تحكو فيه ان الشب يحب وهو متزوج ... انا برأي انو الرجل متل الوعاء لازم يكون دائما مليء بالراحة والمشاعر الحلوة ..
يعني اذا زوجته امرأة ناجحة تعرف كيف تريح زوجها ودائما الابتسامة على وجهها وطلباتها مدروسة وتطلب بلباقة فاعتقد انو الرجل لن يرى أجمل ولن يحب غير زوجته
أما اذا كانت الزوجة مملة ونكديه وطلباتها تعجيزية وصوتها عم يرقع بالبيت بدون طعمه فالزوج رح يحب اول امراة يشوفها هادية غير زوجته ولو كانت السرلنكية .. ها ها ها

أما بالنسبة لموضوع الذهب انا بقعد مع زوجتي منتفرج على CNBC طبعا من باب التسلية ومنشوف قديش صار عنا حق الذهب ومنسوي مشاريع بعقلنا كل يوم Big Grin
طبعا انا من جماعة معارضين بيع الذهب وبحب اشتري كل ما الله رزقني شوي

BROKER

25-08-2011, 11:06 PM

استاذ الخطيب ... الله يهنيك يارب

- لم تفرض نفسك مكان بطل القصة ، وعملت على حال المشكلة ؟؟ كلامك قد تقوله لشخص توصيه بان يفعله لكي لا يقع بهذه الحالة لكن صاجبنا مرت عليه ويريد حلاً .

GoldMan$

25-08-2011, 11:18 PM

الرجال نوعين : نوع يتحكم قلبه بعقله والنوع الثاني يتحكم عقله بقلبه
انا برأي الخاص انو الشب يخلي قلبه يتكم بعقله طبعا ضمن حدود اكيد ..
لانو بعد الزواج يفضل تحكيم العقل على القلب لانو صار في شي اسمو مسؤولية وبيت
يعني الشب حب زميلته وهو متزوج .. يعني هو جزء مرتبط بالمجتمع والتقاليد والاعراف وعنده اولاد لازم يفضلهم على نفسه
لذا انا برأي انو يفكر يحول مشاعره تجاه زميلته الى زوجته ويحاول خلق اي جو ممكن لتكون مشاعره تجاه زوجته فقط ....

BROKER

25-08-2011, 11:45 PM

شباب اذا غرام الدهب ب 1600 ليرة قديش بيكون سعر الاونصة بالدولار؟؟؟ بشكل تقريبي

2285 ليرة .

i.kusibati

26-08-2011, 12:00 AM

المصارف السورية تتهم المصرف المركزي بتكبيدها خسائر بعشرات الملايين
http://aliqtisadi.com/index.php?mode=article&id=14126

ألمصائب عما تجي كرفتة بشكل متتالي.

mahermmmm

26-08-2011, 12:48 AM

تحية أرق من النسيم اذا سرى في وقت تصفو وتسمو فيه النفوس
فمن كنوز الحياة جمع المادة و المعنى
اعتذر لكثرة الغياب

فاميلي

26-08-2011, 01:26 AM

مساء الخير
انا برايي انه صاحبك يهرب من منزله بشكل غير مباشر
حتى لو كان يحب زوجته وبيته واولاده
ولكن لماذا
بعد فترة من الزواج تبدأ المسؤؤليات تكبر وتكبر
حمل الزوجة وولادتها ومرض الاولاد ومتطلباتهم
ومتطلبات المنزل وانشغال الزوجة ببيتها واولادها وعدم تفرغها لزوجها بالكامل وهذا طبيعي فهي ليست سوبر مان شغل وطبخ واولاد الخ
اما صاحبك في العمل فتأتي زميلته امغندرة ومبودرة على اخر طرز لا هم ولا غم لا نق على راسه
لا يرى منها الا الجانب الجيد ولا يوجد ما يسبب اي خلاف بينهما فيبدا بالمقارنة بالمنزل طلبات دائمة ومسؤؤلية وعدم راحة كما يرغب لان الحياة الخاصة بعد مجئ الاولاد قد تصبح صفر
وبعض الخلافات مع زوجته التي لا غنى عنها وهذا الامر طبيعي جدا
وبشكل مختصر الراحة التي يحصل عليها بالعمل لا يحصل عليها بالمنزل اضافة الى ان زميلته قد تكون شاطرة اشوي وتجذبه بطريقة او اخرى ان لكيدهن عظيم
وكمان صاحبك يمكن عينه زايغة
الحل يتجوزها ويشوفها بعد الزواج مثل قبل الزواج
ولا بده يرجع ايدور على زميلة ثانية تجذبه من جديد
يجب على الازواج من فترة لفترة ان يبتعدوا عن بعضهم حتى ولو ليومين او ثلاثة كأن تذهب الى اهلها
اواختها يعني نقاهة وكل شخص بيكون اشتاق للثاني وشعر بقيمة الاخر بعد الفراق وحب الاولاد والمنزل
يعني لازم ايجدد الواحد حياته كل فترة

غسان

26-08-2011, 02:27 AM

أبو يزن .... ما فدتنا

- السؤال : لو كنت مكانه ماذا تفعل ؟؟؟

بالعكس انا عطيتك معظم الحالات فاما ان تبقى علاقة محرمة او يتزوجها حسب موازينه
انا لو كنت مكانه ففي البداية لا اقدم على هذه الخطوة هذا المقصد ولا ادع الامر يتطور هكذا افكر
وكل وانسان يتصرف بطريقة معينة
واذا اردت ان تطبق الحالة علي بشكل نظري فاقول اتركها واعود لبيتي

غالب

26-08-2011, 03:00 AM

حالة اجتماعية ... حاولت تصور حدوثها وكيفية مواجهتها وحلها :

- شاب متزوج من امرأة ولديه طفلان ، الأول بنت عمرها 3 سنين ، والثاني صبي عمره سنة .. وهو بحالة جيدة ومستقرة مع زوجته ومتفقين بشكل عام .

الشاب مدير في احدى الشركات في القطاع الخاص وفي احدى الايام توظفت في الشركة موظفة جديدة وفي قسم ذلك الشاب ، ومن خلال التعامل اليومي معها اكتشف انها تفهمه جيداً ، ثم تحول هذا الاحساس بالتفاهم بينه وبين الفتاة بالعمل الى اعجاب ، فاكتشف بعد مدة أنه أحبها .

فلو كنت مكان هذا الرجل فماذا سوف تفعل ؟؟؟

- ملاحظة : القصة خيالية لكنها تحدث كثيراً في مجتمعنا ، وانا بصراحة فكرت فيها قبل ما اتزوج لحتى اعرف حل الازمة في حال وقعت فيها .... لهذا السبب خلينا نعرف آراء المتزوجين لكي نتدارك وقوع العازبين فيها .

اخي رامي كيفك

هذا الموضوع عالجه رب العالمين من خلال الوصايا العشر التي انزلها على النبي موسى ومنها :
1- لا تقتل
2- لا تسرق
3- لا تزني
4- لا تشتهي امرأة غيرك
5- لا تشتهي امرأة قريبك
6- لا تشتهي مال غيرك

ويوجد اربع وصايا اخرى وهذه الوصايا عمرها اكثر من ثلاثة الاف سنة .

لا يوجد رادع عند الانسان غير الرادع الديني والا يستطيع الانسان ان يفعل ما يشاء وقت ما يشاء وبدون روادع .

ان التربية السليمة والصدق والرادع الديني هو ما يمنع الخيانة ولا شيء غيرها .

احببت ان أسألك سؤالا لو فرضت اقتنعت انه لا يوجد جنة ونار فهل ستسير في حياتك بنفس الطريقة ام كانت اختلفت عندك الامور

ان نظرتك لشريكة حياتك واختيارها عن قناعة ومحبة وحوار ووقت مناسب قبل الزواج سيقلل من احتمالية هذه الحالة ولن ينهيها ابدا .

الرجل مثل الولد الصغير يبدا بالغيرة من أبنه وهو صغير وتعتني به امه بعد ان كانت تعتني بزوجها والان اصبح احد ما وهو ولده يشاركه وقتها .

الموضوع معقد ولكن يجب على الرجل ان يفكر ان ما يفعله يحق لزوجته ان تفعله .
ولا يوجد اي زوجة في العالم تقبل بضرة لها الا مرغمة لسبب ما .

فراس السكري

26-08-2011, 03:02 AM

حالة اجتماعية ... حاولت تصور حدوثها وكيفية مواجهتها وحلها :

- شاب متزوج من امرأة ولديه طفلان ، الأول بنت عمرها 3 سنين ، والثاني صبي عمره سنة .. وهو بحالة جيدة ومستقرة مع زوجته ومتفقين بشكل عام .

الشاب مدير في احدى الشركات في القطاع الخاص وفي احدى الايام توظفت في الشركة موظفة جديدة وفي قسم ذلك الشاب ، ومن خلال التعامل اليومي معها اكتشف انها تفهمه جيداً ، ثم تحول هذا الاحساس بالتفاهم بينه وبين الفتاة بالعمل الى اعجاب ، فاكتشف بعد مدة أنه أحبها .

فلو كنت مكان هذا الرجل فما فماذا سوف تفعل ؟؟؟

- ملاحظة : القصة خيالية لكنها تحدث كثيراً في مجتمعنا ، وانا بصراحة فكرت فيها قبل ما اتزوج لحتى اعرف حل الازمة في حال وقعت فيها .... لهذا السبب خلينا نعرف آراء المتزوجين لكي نتدارك وقوع العازبين فيها .

السلام عليكم
هناك نقطة مهمة انك ذكرت انه مدير اي حالته المادية جيدة ويستطيع فتح بيت اخر والزواج الثاني ليس بعيب مع توفر الامكانيات
المستغرب لدينا هو الزواج الثاني فالجميع يعتبره ماساة ساقص قصة عن الرسول الكريم
محمد صلى الله عليه وسلم دخل رجل يشتكي الفقر وضيق الحال فنصحه الرسول الكريم بالزواج فاجابه انه متزوج فقال تزوج اخرى
فتزوج الرجل مرة اخرى فزاد فقره فقر فتوجه عند الرسول لينصحه فقال الرسول الكريم تزوج اخرى فقال تزوجت ولم ينفع الحال فقال تزوج فتزوج اخرى ولم يكن في بيتها سوى سجادة صغيرة يجلسون عليها جميعا فاقترحت الزوجة الجديدة ان تعيد حياكة السجادة لتصنع اثنتين وتبيعهم وفعلا اعادة تصنيعهم وزوجها باع السجادتين واحضر لهم خيطان لصنع سجادة ليجلسون عليها فصنعوا بالخيطان ثلاثة وهكذا حتى اصبح اكبر تاجر سجاداو حصيرة كما عندهم المهم الزوجة الاخيرة انقذت الجميع من الفقر ولم تهتم بالغيرة او انها البديلة فكانت زوجة حكيمة فهذا منافي لقول ان حظك واحد لاتتعب وتشقى
اسف لاطالة ولكن راي يتزوجها

ابو تيم

26-08-2011, 03:03 AM

مساء الخير جميعا صياما مقبولا انشالله

ام محي الدين

26-08-2011, 04:11 AM

السلام عليكم جميعا
بالنسبة للقصة التي هي من واقع مجتمعنا
أرى انه يجب على الزوج ان يكون صريح
مع زوجته ويشاركها في مشكلته (لانه في مشكلة)
لان الزوجة شريكة زوجها في كل حياته بناءًعلى
العقد الذي بينهم ولا يحق للزوج ان يتخذ القرار لوحده
يجب عليه ان يقعد معها ويروي قصته (صحيح ان الزوجة
سوف تقول يا مأمنة بالرجال يا مأمنة بالمي بالغربال )ولكن بعد
حديث طويل وشائك ولكن اكيد سوف يصلون لحل او ان الزوج سوف يشعر بالملل
ويقول بداخله (انا يلي جبت الدب لكرمي )وينتهي الموضوع بخسائر كثيرة للزوج
1-البيت الزوجي 2-التفاهم الذي كان موجود 3-الثقة التي بين الازواج
4-......5-......6-......
وفي النهاية لا يصح الا الصحيح ويعود الزوج لبيته ويحاول اعادة الثقة
اما زميلته في العمل فهي نزوة ويجب ان يتعامل معها على هذا الاساس
وهذا رأي وليس ملزمممممممممممم

beautiful life

26-08-2011, 04:18 AM

حكمة التزم بها طوال حياتك :
افعل ما شئت : > لكن لا تظلم احداً
تميز بما شئت: > لكن لا تتكبر ابداً
اغضب كما شئت : > لكن لا تجرح احداً.

مجد

26-08-2011, 04:26 AM

اخي رامي كيفك

هذا الموضوع عالجه رب العالمين من خلال الوصايا العشر التي انزلها على النبي موسى ومنها :
1- لا تقتل
2- لا تسرق
3- لا تزني
4- لا تشتهي امرأة غيرك
5- لا تشتهي امرأة قريبك
6- لا تشتهي مال غيرك

ويوجد اربع وصايا اخرى وهذه الوصايا عمرها اكثر من ثلاثة الاف سنة .

لا يوجد رادع عند الانسان غير الرادع الديني والا يستطيع الانسان ان يفعل ما يشاء وقت ما يشاء وبدون روادع .

ان التربية السليمة والصدق والرادع الديني هو ما يمنع الخيانة ولا شيء غيرها .

احببت ان أسألك سؤالا لو فرضت اقتنعت انه لا يوجد جنة ونار فهل ستسير في حياتك بنفس الطريقة ام كانت اختلفت عندك الامور

ان نظرتك لشريكة حياتك واختيارها عن قناعة ومحبة وحوار ووقت مناسب قبل الزواج سيقلل من احتمالية هذه الحالة ولن ينهيها ابدا .

الرجل مثل الولد الصغير يبدا بالغيرة من أبنه وهو صغير وتعتني به امه بعد ان كانت تعتني بزوجها والان اصبح احد ما وهو ولده يشاركه وقتها .

الموضوع معقد ولكن يجب على الرجل ان يفكر ان ما يفعله يحق لزوجته ان تفعله .
ولا يوجد اي زوجة في العالم تقبل بضرة لها الا مرغمة لسبب ما .
أخي غالب وين اكلت علينا الوصاية الاربعة الباقية ارجو ذكر الباقي .للثقافة العامة (لنا)
علما كل الوصاية الستة المذكورة موجودة بالاسلام .وكلامك صحيح اخي غالب الرادع الوحيد هو الدين وخاصة بالدول المتخلفة .ونحن راينا الذين لادين لهم كيف ارتكبوا فضائع شنيعة ضد الانسانية على مدى العصور.

BROKER

26-08-2011, 04:29 AM

تحية أرق من النسيم اذا سرى في وقت تصفو وتسمو فيه النفوس
فمن كنوز الحياة جمع المادة و المعنى
اعتذر لكثرة الغياب

تحية لك اخي ماهر .... شايف حالك علينا صاير ;)

abu mhd

26-08-2011, 04:32 AM

فجر جديد و يوم رمضان جديد
ربنا تقبل منا انك انت السميع العليم

BROKER

26-08-2011, 04:38 AM

مساء الخير
انا برايي انه صاحبك يهرب من منزله بشكل غير مباشر
حتى لو كان يحب زوجته وبيته واولاده
ولكن لماذا
بعد فترة من الزواج تبدأ المسؤؤليات تكبر وتكبر
حمل الزوجة وولادتها ومرض الاولاد ومتطلباتهم
ومتطلبات المنزل وانشغال الزوجة ببيتها واولادها وعدم تفرغها لزوجها بالكامل وهذا طبيعي فهي ليست سوبر مان شغل وطبخ واولاد الخ
اما صاحبك في العمل فتأتي زميلته امغندرة ومبودرة على اخر طرز لا هم ولا غم لا نق على راسه
لا يرى منها الا الجانب الجيد ولا يوجد ما يسبب اي خلاف بينهما فيبدا بالمقارنة بالمنزل طلبات دائمة ومسؤؤلية وعدم راحة كما يرغب لان الحياة الخاصة بعد مجئ الاولاد قد تصبح صفر
وبعض الخلافات مع زوجته التي لا غنى عنها وهذا الامر طبيعي جدا
وبشكل مختصر الراحة التي يحصل عليها بالعمل لا يحصل عليها بالمنزل اضافة الى ان زميلته قد تكون شاطرة اشوي وتجذبه بطريقة او اخرى ان لكيدهن عظيم
وكمان صاحبك يمكن عينه زايغة
الحل يتجوزها ويشوفها بعد الزواج مثل قبل الزواج
ولا بده يرجع ايدور على زميلة ثانية تجذبه من جديد
يجب على الازواج من فترة لفترة ان يبتعدوا عن بعضهم حتى ولو ليومين او ثلاثة كأن تذهب الى اهلها
اواختها يعني نقاهة وكل شخص بيكون اشتاق للثاني وشعر بقيمة الاخر بعد الفراق وحب الاولاد والمنزل
يعني لازم ايجدد الواحد حياته كل فترة

تمام ابو المجد .... لنفرض أنه سافر عالبحر لكم يوم .... او قال لزوجته روحي زوي عن دامك كم يوم انبسطيلك شوي ... يعني المهم انه ابتعد باسلوب ما يحسس زوجته باي شي ...

وبعد ما بعدو عن بعض لكم يوم ... بقي الشعور اتجاه زميلته كما هو فما الحل ؟؟؟

BROKER

26-08-2011, 04:40 AM

بالعكس انا عطيتك معظم الحالات فاما ان تبقى علاقة محرمة او يتزوجها حسب موازينه
انا لو كنت مكانه ففي البداية لا اقدم على هذه الخطوة هذا المقصد ولا ادع الامر يتطور هكذا افكر
وكل وانسان يتصرف بطريقة معينة
واذا اردت ان تطبق الحالة علي بشكل نظري فاقول اتركها واعود لبيتي

يعني كيف تتركها ؟؟؟

المخلوقة مالها اي رابط معك واصلا هية مو عرفانة بشي ... وما بتعرف يمكن ترفضو للزملة لانو متزوج وعنده اولاد .... بس هو عجبتو وشعر اتجاهها بمشاعر الاعجاب ...

BROKER

26-08-2011, 04:41 AM

اخي رامي كيفك

هذا الموضوع عالجه رب العالمين من خلال الوصايا العشر التي انزلها على النبي موسى ومنها :
1- لا تقتل
2- لا تسرق
3- لا تزني
4- لا تشتهي امرأة غيرك
5- لا تشتهي امرأة قريبك
6- لا تشتهي مال غيرك

ويوجد اربع وصايا اخرى وهذه الوصايا عمرها اكثر من ثلاثة الاف سنة .

لا يوجد رادع عند الانسان غير الرادع الديني والا يستطيع الانسان ان يفعل ما يشاء وقت ما يشاء وبدون روادع .

ان التربية السليمة والصدق والرادع الديني هو ما يمنع الخيانة ولا شيء غيرها .

احببت ان أسألك سؤالا لو فرضت اقتنعت انه لا يوجد جنة ونار فهل ستسير في حياتك بنفس الطريقة ام كانت اختلفت عندك الامور

ان نظرتك لشريكة حياتك واختيارها عن قناعة ومحبة وحوار ووقت مناسب قبل الزواج سيقلل من احتمالية هذه الحالة ولن ينهيها ابدا .

الرجل مثل الولد الصغير يبدا بالغيرة من أبنه وهو صغير وتعتني به امه بعد ان كانت تعتني بزوجها والان اصبح احد ما وهو ولده يشاركه وقتها .

الموضوع معقد ولكن يجب على الرجل ان يفكر ان ما يفعله يحق لزوجته ان تفعله .
ولا يوجد اي زوجة في العالم تقبل بضرة لها الا مرغمة لسبب ما .

اهلا استاذ غالب ... الحمد لله

كل كلامك جميل وهذا الكلام ذكرني به كوني عازب قبل ما اوقع بنفس الخطأ تبع الزلمة

لكن موضوعنا الآن عنده .. لو كنت مكانه ما انت بفاعل ؟؟؟

BROKER

26-08-2011, 04:43 AM

السلام عليكم
هناك نقطة مهمة انك ذكرت انه مدير اي حالته المادية جيدة ويستطيع فتح بيت اخر والزواج الثاني ليس بعيب مع توفر الامكانيات
المستغرب لدينا هو الزواج الثاني فالجميع يعتبره ماساة ساقص قصة عن الرسول الكريم
محمد صلى الله عليه وسلم دخل رجل يشتكي الفقر وضيق الحال فنصحه الرسول الكريم بالزواج فاجابه انه متزوج فقال تزوج اخرى
فتزوج الرجل مرة اخرى فزاد فقره فقر فتوجه عند الرسول لينصحه فقال الرسول الكريم تزوج اخرى فقال تزوجت ولم ينفع الحال فقال تزوج فتزوج اخرى ولم يكن في بيتها سوى سجادة صغيرة يجلسون عليها جميعا فاقترحت الزوجة الجديدة ان تعيد حياكة السجادة لتصنع اثنتين وتبيعهم وفعلا اعادة تصنيعهم وزوجها باع السجادتين واحضر لهم خيطان لصنع سجادة ليجلسون عليها فصنعوا بالخيطان ثلاثة وهكذا حتى اصبح اكبر تاجر سجاداو حصيرة كما عندهم المهم الزوجة الاخيرة انقذت الجميع من الفقر ولم تهتم بالغيرة او انها البديلة فكانت زوجة حكيمة فهذا منافي لقول ان حظك واحد لاتتعب وتشقى
اسف لاطالة ولكن راي يتزوجها

مشكور اخ فراس لانك وضعت الحل كما لو انك مكانه ....

( بس بعد اذنك اذكرلنا صحة الحديث )

BROKER

26-08-2011, 04:49 AM

السلام عليكم جميعا
بالنسبة للقصة التي هي من واقع مجتمعنا
أرى انه يجب على الزوج ان يكون صريح
مع زوجته ويشاركها في مشكلته (لانه في مشكلة)
لان الزوجة شريكة زوجها في كل حياته بناءًعلى
العقد الذي بينهم ولا يحق للزوج ان يتخذ القرار لوحده
يجب عليه ان يقعد معها ويروي قصته (صحيح ان الزوجة
سوف تقول يا مأمنة بالرجال يا مأمنة بالمي بالغربال )ولكن بعد
حديث طويل وشائك ولكن اكيد سوف يصلون لحل او ان الزوج سوف يشعر بالملل
ويقول بداخله (انا يلي جبت الدب لكرمي )وينتهي الموضوع بخسائر كثيرة للزوج
1-البيت الزوجي 2-التفاهم الذي كان موجود 3-الثقة التي بين الازواج
4-......5-......6-......
وفي النهاية لا يصح الا الصحيح ويعود الزوج لبيته ويحاول اعادة الثقة
اما زميلته في العمل فهي نزوة ويجب ان يتعامل معها على هذا الاساس
وهذا رأي وليس ملزمممممممممممم

وعليكم السلام ورحمة الله

بدي علق على كلامك بس ما طلع معي شي :)

فراس السكري

26-08-2011, 04:56 AM

مشكور اخ فراس لانك وضعت الحل كما لو انك مكانه ....

( بس بعد اذنك اذكرلنا صحة الحديث )

رقم الفتوى 66835 التماس الغنى في الزواج
تاريخ الفتوى : 03 شعبان 1426
السؤال
ما صحة القصة التالية:
جاء رجل إلى النبي صلى الله عليه وسلم يشكو الفقر فقال عليه الصلاة والسلام تزوج، فتزوج ثم جاء إليه ثانية يشكو الفقر فقال له تزوج فتزوج ثم جاء إليه ثالثاً يشكو الفقر فقال له تزوج فتزوج ثم جاء إليه رابعاً يشكو الفقر فقال له تزوج فتزوج الرابعة وكانت تحسن الغزل فعلمت النسوة الثلاثة الغزل والنسيج فانفرجت ضائقة الرجل وصار من الأغنياء.
الفتوى
الحمد لله والصلاة والسلام على رسول الله وعلى آله وصحبه، أما بعد:
القصة وهي تدل على أن الزواج من أسباب التماس الغنى، وذلك المعنى صحيح دل عيه قوله تعالى: وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ {النور: 32}.
وقد بينا كثيراً من الآثار الواردة في ذلك في الفتوى رقم: 7863 .
والله أعلم.
المفتي: مركز الفتوى بإشراف د.عبدالله الفقيه
وأورده الذهبي في الميـزان (3/226) ترجمة سعيد بن محمد المدني، ونقل عن أبي حاتم قوله: سعيد ليس حديثه بشيء.
وأخرج الثعلبي – كما في تخريج أحاديث الكشاف (2/444)- بإسناده إلى ابن عجلان

ام محي الدين

26-08-2011, 04:58 AM

اللهم بلغنا ليلة القدر
وعفوا عنا وارحمنا
اللهم اعتقنا من النار
آمين يا رب العالمين

BROKER

26-08-2011, 05:08 AM

المفتي: مركز الفتوى بإشراف د.عبدالله الفقيه
وأورده الذهبي في الميـزان (3/226) ترجمة سعيد بن محمد المدني، ونقل عن أبي حاتم قوله: سعيد ليس حديثه بشيء.
وأخرج الثعلبي – كما في تخريج أحاديث الكشاف (2/444)- بإسناده إلى ابن عجلان

مشكور اخي فراس ....

ليس عندي خبرة في تخريج الاحاديث ... لكن ما أعلمه ان كل حديث للبخاري ومسلم هو صحيح

BROKER

26-08-2011, 05:12 AM

اللهم بلغنا ليلة القدر
وعفوا عنا وارحمنا
اللهم اعتقنا من النار
آمين يا رب العالمين

آمين ... بكرة اهم ليلة يارب تكون ليلة كبيرة

ام محي الدين

26-08-2011, 05:24 AM

آمين ... بكرة اهم ليلة يارب تكون ليلة كبيرة

اللهم أثلج صدورنا في النهار
وتقبلنا في الليل

ملك

26-08-2011, 08:11 AM

اذا كان مرتاح من الناحية المادية وكانت شخصيته قوية فيتزوجها وما يسأل ويحط زوجته الاولى تحت الامر الواقع ..... بالاول سوف تنزعج ولكن بعد ذلك ستتاقلم وخاصة انه اصبح لديها اولاد فلا عاد في مين يرجع يتزوجها اذا طلبت الطلاق ولا عاد اهلها يتحملوها اذا رجعت لعندهم مع اولادها .... والله سبحانه وتعالى حلل تعدد الزوجات ويجب على الزوجة ان ترضي بهذا ما دام انه بقي يحبها ولم يظلمها وان هذا شرع الله

اما اذا كان العكس رجل مهزوز وخائف من زوجته فاكيد لن يجرؤ على التفكير بالزواج مرة ثانية وسيكتفي بالنظرات والتشوقات

الله يرحم اجدادنا كانوا متل النموره كان كل واحد منهم متزوج اثنتين وثلاثة وكانت الزوجة متكيفة مع تعدد الزوجات وافضل ما الزوج يدفش زوجته كل فترة وفترة لعند بيت اهلها لحتى يرتاح من شوفتها وترتاح هي من شوفته يروح يتزوج مرة ثانية ويقضي يوم هون ويوم هون .... فاولا بتقل المشاكل الزوجية الناتجة عن الرؤية اليومية m@525d وثانيا بيكسب ثواب واجر المراة التي تزوجها وثالثا بعيش العمر عمرين :)

غالب

26-08-2011, 11:03 AM

اهلا استاذ غالب ... الحمد لله

كل كلامك جميل وهذا الكلام ذكرني به كوني عازب قبل ما اوقع بنفس الخطأ تبع الزلمة

لكن موضوعنا الآن عنده .. لو كنت مكانه ما انت بفاعل ؟؟؟

ساخبرك حال وجود حالة مشابهة ولا يمكن التنظير حاليا . وكل شخص مفتي لنفسه ما يناسبه سبحان الله سيجد التخريجة المناسبة .

لا تنسى النظرة الاولى حلال وكل يوم يحطها قداموا وما يشيل عينو عنها بيكون بعدو بالحلال .

من ناحية ثانية هذه حياته وحياة زوجته تعاهدوا على عدم الخيانة فيجب احترام تعهداتهما وهو ممكن يحل مشكلته بالحلال ويتزوجها زوجة ثانية . وانا ساعكس لك السؤال ان هي اعجبت به وهي متزوجة وعلى ذمة رجل اخر ما هي بفاعلة ولا يوجد لديه الممر الرجالي للحلال حتما ستقع في الحرام والحالة مشابهة لو وسعنا مداركنا قليلا .

ان رب العالمين سمح بتعدد الزوجات ضمن شروط صعبة قد تصل صعوبتها للتحريم وان خفتم الا تعدلوا فواحدة وانت تعرف ان العدالة في هذه الامور اشبه بالمستحيل .

ولا توجد زوجة تكون راضية وسعيدة بنصف رجل او ربع رجل او ثلث رجل تريده كاملا وبكامل رجولته وقلبه و وقته وماله وجهده . اذا نحن نظلم المرأة اشد الظلم عندما نطبق عليها شرع الله في تعدد ىالزوجات والطلاق وخلافه .

وائل77

26-08-2011, 12:51 PM

صباح الخير للجميع
اللهم اجعل يومنا هذا مليئاًبالطاعات التي تقربنا اليك

manar

26-08-2011, 01:00 PM

صباح الخير
اللهم قونا على طاعتك
و لا تجعل مصيبتنا في ديننا

abu mhd

26-08-2011, 04:47 PM

مرحبا بكم جميعا
جمعة جديدة و اخيرة من شهر رمضان المبارك
طمنونا عنكم
خاصة بحمص و ريف دمشق شو الأخبار ؟؟؟؟؟؟؟

غسان

26-08-2011, 05:15 PM

يعني كيف تتركها ؟؟؟

المخلوقة مالها اي رابط معك واصلا هية مو عرفانة بشي ... وما بتعرف يمكن ترفضو للزلمة لانو متزوج وعنده اولاد .... بس هو عجبتو وشعر اتجاهها بمشاعر الاعجاب ...

معناها صاحبنا بلش بالكذب من اولها وما خبرها الحقيقة والكذاب جبان لانه لايستطيع مواجهة الواقع انا بتوقع هيك واحد يستمر بالتسلية معها لحتى هي تفقد الامل منو ولو كان رجلا حقا وكان صادقا مع نفسه فاما ان يتزوجها او ينساها.ولو انه يحبها ...
تصور اننا كلما احببنا ما نراه اردنا ان نحصل عليه...... يدخل طفل مع ابيه مثلا الى مول ويرى لعبة ثمنها عشرة الاف يحبها الطفل ولكن واقع الاب لايسمح بذلك .

غسان

26-08-2011, 05:43 PM

رمضان كريم ...والله أكرم

ليلة مباركة على الجميع

تقبل الله صيامكم وقيامكم

BROKER

26-08-2011, 07:34 PM

هذه الليلة غياب لان هناك مهمات كبيرة

تقبل الله من الجميع والله يستجيب لكل واحد منكم

abu mhd

26-08-2011, 09:45 PM

تقبل الله منا و منكم جميعا
ليلة القدر
هي خير من عبادة ألف شهر

غسان

27-08-2011, 12:46 AM

مشكور اخ فراس لانك وضعت الحل كما لو انك مكانه ....

( بس بعد اذنك اذكرلنا صحة الحديث )

*** شيخنا الفاضل جزاك الله خير ونفع بكم
أحببت أن أسأل هل يوجد حديث بان رجل اتى الرسول صلى الله عليه وسلم يشكو الفقر فقال تزوج ومن ثم رجع اليه بعد فترة وشكى الفقر وقال له تزوج حتى الثالثة ومن ثم تغير حاله الى الأحسن
وما درجته ان وجد

وعليكم السلام ورحمة الله وبركاته

الجواب :

لم أقف على هذا الحديث فى البخاري ـ مسلم ـ أبو داود ـ ابن ماجة ـ النسائي ـ الترمذي ـ مالك ـ أحمد ابن حنبل

********لفتوى
الحمد لله والصلاة والسلام على رسول الله وعلى آله وصحبه، أما بعد:
فهذه القصة لم نقف عليها فيما اطلعنا عليه من كتب السنة ودواوين العلم إلا في بعض المصادر غير المعتمدة، وهي تدل على أن الزواج من أسباب التماس الغنى، وذلك المعنى صحيح دل عيه قوله تعالى: وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ {النور: 32}.
وقد بينا كثيراً من الآثار الواردة في ذلك في الفتوى رقم: 7863 .
والله أعلم.
المفتي: مركز الفتوى بإشراف د.عبدالله الفقيه

beautiful life

27-08-2011, 01:19 AM

اللهم لا تجعله آخرالعهد من صيامنا اياه فاجعلني مرحوما ولا تجعلني محروما
‏
بـعـد 4 أيـآم ..
ستنطفئ آلمصآبيح ..
وتنقطع آلترآويح ..
ونرجع إلى آلعآدة ..
ونفآرق شهر آلعبآدة ..
.ويذهب أهل آلإجتهاد بأجر آجتهآدهم في رمضآن
بـعـد أيـآم سـنـفـتـقـ د هـذآ آلـمـنـظـر
يآ شهر رمضآن ترفـــق ..
دموع آلمحبين تُدفق..
قلوبهم من ألم آلفرآق تشقق
أسأل الله أن لآ يختم لنآ شهرنآ هذآ . . إلآ بذنب مغفور ، وسعي مشكْور ، وعمل متقبل مبرور ، وأن يجعلنآ ووآلدينآ وأهلينآ وأحبتنآ من عتقآئہْ من آلنار ..
‏

•«( اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّآ )»•

فراس السكري

27-08-2011, 01:40 AM

اللهم لا تجعله آخرالعهد من صيامنا اياه فاجعلني مرحوما ولا تجعلني محروما
‏
بـعـد 4 أيـآم ..
ستنطفئ آلمصآبيح ..
وتنقطع آلترآويح ..
ونرجع إلى آلعآدة ..
ونفآرق شهر آلعبآدة ..
.ويذهب أهل آلإجتهاد بأجر آجتهآدهم في رمضآن
بـعـد أيـآم سـنـفـتـقـ د هـذآ آلـمـنـظـر
يآ شهر رمضآن ترفـــق ..
دموع آلمحبين تُدفق..
قلوبهم من ألم آلفرآق تشقق
أسأل الله أن لآ يختم لنآ شهرنآ هذآ . . إلآ بذنب مغفور ، وسعي مشكْور ، وعمل متقبل مبرور ، وأن يجعلنآ ووآلدينآ وأهلينآ وأحبتنآ من عتقآئہْ من آلنار ..
‏

•«( اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّآ )»•

الله يعيده علينا بالخير والسلامة

فراس السكري

27-08-2011, 01:42 AM

*** شيخنا الفاضل جزاك الله خير ونفع بكم
أحببت أن أسأل هل يوجد حديث بان رجل اتى الرسول صلى الله عليه وسلم يشكو الفقر فقال تزوج ومن ثم رجع اليه بعد فترة وشكى الفقر وقال له تزوج حتى الثالثة ومن ثم تغير حاله الى الأحسن
وما درجته ان وجد

وعليكم السلام ورحمة الله وبركاته

الجواب :

لم أقف على هذا الحديث فى البخاري ـ مسلم ـ أبو داود ـ ابن ماجة ـ النسائي ـ الترمذي ـ مالك ـ أحمد ابن حنبل

********لفتوى
الحمد لله والصلاة والسلام على رسول الله وعلى آله وصحبه، أما بعد:
فهذه القصة لم نقف عليها فيما اطلعنا عليه من كتب السنة ودواوين العلم إلا في بعض المصادر غير المعتمدة، وهي تدل على أن الزواج من أسباب التماس الغنى، وذلك المعنى صحيح دل عيه قوله تعالى: وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ {النور: 32}.
وقد بينا كثيراً من الآثار الواردة في ذلك في الفتوى رقم: 7863 .
والله أعلم.
المفتي: مركز الفتوى بإشراف د.عبدالله الفقيه

شكرا اخي غسان لبذلك جهد اثبات صحة العبرة من القصة

ابو تيم

27-08-2011, 02:04 AM

مساء الخير جميعا

arnouri

27-08-2011, 05:37 AM

صباح الخير
يمكن مافي حدا سهران

Salam L

27-08-2011, 06:42 AM

صباح الخير
يمكن مافي حدا سهران

انا كنت نايمة شوي وهلق فقت على الاخبار.... شكلها مولعة شوي بالبلد

arnouri

27-08-2011, 06:51 AM

انا كنت نايمة شوي وهلق فقت على الاخبار.... شكلها مولعة شوي بالبلد

ان شاء الله الأمور انتهت على الخير

arnouri

27-08-2011, 07:00 AM

مرحبا بكم جميعا
جمعة جديدة و اخيرة من شهر رمضان المبارك
طمنونا عنكم
خاصة بحمص و ريف دمشق شو الأخبار ؟؟؟؟؟؟؟

تحية لك اخ مؤيد
بدك تأتي وتفطر عندنا وبعدها نعملك لفه في ريف دشق الجميل ولكن لم تشم رائحة
الشجر والعشب ولم تسمع صوت العصافير - طبعا ليس في جميع الأوقات -

BROKER

27-08-2011, 08:23 AM

صباح الخير ..... كيفكم

BROKER

27-08-2011, 08:51 AM

انا كنت نايمة شوي وهلق فقت على الاخبار.... شكلها مولعة شوي بالبلد

مو شوي ...

مجد

27-08-2011, 09:08 AM

حدا ينقل لنا مايحدث .

محمد درويش

27-08-2011, 11:18 AM

السلام عليكم ورحمة الله وبركاته
تحياتي لكل الموجودين
ياأهل الشام الكرام طمنونا عنكم وخبرونا ماذا يحدث

BISO

27-08-2011, 11:34 AM

ألف مبروك والله كان بالي مشغول عليك

الله يبارك فيك .. ولايشغلك بال...

مشكور عالنصيحة.

abu mhd

27-08-2011, 11:44 AM

تحية لك اخ مؤيد
بدك تأتي وتفطر عندنا وبعدها نعملك لفه في ريف دشق الجميل ولكن لم تشم رائحة
الشجر والعشب ولم تسمع صوت العصافير - طبعا ليس في جميع الأوقات -

صباح الخيرات ابو معاذ تحية صباحية طيبة لك و لعائلتك
بالنسبة للفطور ان شاء الله بتبقى دياركم عامرة و بالنسبة للريف و رائحة العشب فالله يفرج لأننا لن نشتم رائحة الشجر و الورد و انما ...............

abu mhd

27-08-2011, 11:46 AM

صباح الخير ..... كيفكم

صباحك ورد و فل ابو حازم
الحمد لله نحن بخير انت كيفك طمنا امورك بخير
كان بالي مشغول عليك مبارح جدا بس وقت شفتك منور المنتدى اطمنت

BISO

27-08-2011, 11:48 AM

يارفاقي ودعوا شهر الصيام .... بدموع فائضات كالغمام
واسألوا الله قبولاً في الختام .... ونوال الخير مع نيل المرام
شهرالصيام لقد كرمت نزيلاً .... ونويت من بعد المقام رحيلا
أسفاً على الأمن الذي عوّدتنا .... وصنعت فعلاً لا يزال جميلَ
بالله هل شهر الصيام مودّع .... أم ما لقلبك مستهام موجع
أتراه يرحل مثل حلم في الكرى .... أو نظرة فيها الحبيب مودّع
يا فرحتي بلقائه يا حسرتي لفراقه .... فالعين حرّى تدمع
طوبى لمن قد صامه .... فله المقام الأرفع
قم والتمس في العزم ليلة قدره .... خيراً من الدنيا وما تتوقع
فرج إلهي كربنا واغفر بفضلك ذنبنا .... فإليك ربي المرجع

محمد درويش

27-08-2011, 11:50 AM

دياركم عامرة و بالنسبة للريف و رائحة العشب فالله يفرج لأننا لن نشتم رائحة الشجر و الورد و انما ...............
صباح الخير أخي مؤيد
أتنمى من الله أن تكون وجميع الأهل بألف خير
والله يا أخي مؤيد إن وعد الله حق ولن نشتم إلا رائحة المسك والورد من الشهداء

economic opinion

27-08-2011, 12:43 PM

صباحكم خير ومغفرة وعتق من النار بإذن الله

BISO

27-08-2011, 12:50 PM

حاكم مصرف سورية يدعو السوريين لعدم تناول البسكويت وشد الأحزمة

أكد حاكم المصرف المركزي السوري أديب ميالة أنه سيكون على السوريين شد الأحزمة بعد فرض عقوبات أوروبية وأميركية قاسية على بلدهم الذي أضعفته اقتصاديا الحركة الاحتجاجية الجارية، مؤكدا أن هذه الإجراءات ستضر بالمواطن السوري.

وقال ميالة في مقابلة حصرية مع فرانس برس "سنواجه صعوبات متزايدة بسبب العقوبات والأحداث وسيكون علينا شد الأحزمة". وأضاف أن "القطاع الأول الذي تضرر هو السياحة الذي تراجعت عائداته بنسبة تسعين بالمئة والمواطن هو المتضرر الأول. النقل والواردات والصناعات ستضطرب أكثر فأكثر وسيزداد الفقر والبطالة".

وقال ميالة بحسب ما نقلت صحيفة الاتحاد الإماراتية إن "الحظر عقوبة ضد كل السوريين وخصوصا الأكثر ضعفا. تأكيدهم (الأوروبيون والأميركيون) أنهم لا يريدون معاقبة الشعب هراء. هو وحده يتضرر وليس النظام” مشيراً إلى أن “الحظر يؤدي إلى ارتفاع في الأسعار يضرب الأكثر فقرا".

وتحدث ميالة الذي يحمل دكتوراه في الاقتصاد من جامعة ايكس اون بروفانس جنوب فرنسا ، عن حادثة في تاريخ فرنسا ، قائلا "أقول عكس ما دعت إليه ماري انطوانيت عندما طلبت من الشعب أن يأكل البسكويت إذا لم يكن لديه خبز". وأضاف "اعتقد أنه سيكون علينا التخلي عن تناول البسكويت لنأكل الخبز الأسمر".

ومن العقوبات الجديدة التي فرضتها الولايات المتحدة منع استيراد النفط والمشتقات النفطية السورية إلى الولايات المتحدة وتجميد كل أموال الدولة السورية التي قد تكون موجودة في أراض تخضع لقوانينها. وبعد فرض العقوبات، أوقفت سورية إبرام أي صفقات بالدولار وتحولت بالكامل إلى اليورو. وقال ميالة (55 عاما) الذي يشغل منصب حاكم المصرف المركزي السوري منذ ست سنوات "توقف (ابرام الصفقات بالدولار). إنها المرة الأولى في تاريخ البلاد".

وقال آسفا "منذ 2005 شجعنا كل القطاعات الاقتصادية على إبرام صفقات باليورو لكنه اغلبهم واصلوا مع الأسف إبرامها بالدولار".

BISO

27-08-2011, 01:02 PM

صباحكم خير ومغفرة وعتق من النار بإذن الله

صباح الخير وتقبل الله طاعتكم:)

economic opinion

27-08-2011, 01:10 PM

صباح الخير وتقبل الله طاعتكم:)

تقبل الله منا ومنك أخي بسام وجعلك من عتقاء ليلة القدر

economic opinion

27-08-2011, 01:12 PM

صباح الفل والياسمين والزنبق أخي محمد درويش، تقبل الله العلي العظيم طاعاتك وصيامك وقيامك وجعلك من عتقاء ليلة القدر وأوسع عليك وعلينا برحمته :)

محمد درويش

27-08-2011, 01:16 PM

يرجى تحديد المصدر!!!؟؟؟:confused2::confused2::confused2:

نفس المصدر الذي تستقي منه قناة الدنيا أخبارها;)

economic opinion

27-08-2011, 01:22 PM

نفس المصدر الذي تستقي منه قناة الدنيا أخبارها;)
ملعوبة ....... Big Grin

abu mhd

27-08-2011, 01:22 PM

صباح الخير جميعا
روان - محمد - بسام و كل الموجودين

محمد درويش

27-08-2011, 01:24 PM

صباح الفل والياسمين والزنبق أخي محمد درويش، تقبل الله العلي العظيم طاعاتك وصيامك وقيامك وجعلك من عتقاء ليلة القدر وأوسع عليك وعلينا برحمته :)
الله يسعد صباحك يارب آنسة روان والله إنت دائماً سباقة وكل عام وإنت بألف خير وجميع أهلك وكلشي بتحبيه

economic opinion

27-08-2011, 01:29 PM

الله يسعد صباحك يارب آنسة روان والله إنت دائماً سباقة وكل عام وإنت بألف خير وجميع أهلك وكلشي بتحبيه
بلاها آنسة أخي محمد بتحسسني كأني حاطة نظارة سمكها مدري كم "سم" وحاملة بإيدي عصاية .. Big GrinBig Grin
مو المهم مين يسبق أخي، أيام أنا أيام إنت موفارقة، المهم نتطمن على أحوال بعض. :)
طمنا، كيف الأهل والشغل؟

economic opinion

27-08-2011, 01:32 PM

صباح الخير جميعا
روان - محمد - بسام و كل الموجودين
أهلا وسهلا بأخي العريس مؤيد، شو اليوم من الكادحين ولا البورجوازيين؟ صح حدا بيعرف شو أخبار الذهب بآخر سعر؟ مو مشان شي لأنو عليي مباركة لأخونا أبي نادر متل ما بتعرفوا ;)

محمد درويش

27-08-2011, 01:35 PM

بلاها آنسة أخي محمد بتحسسني كأني حاطة نظارة سمكها مدري كم "سم" وحاملة بإيدي عصاية .. Big grinbig grin
مو المهم مين يسبق أخي، أيام أنا أيام إنت موفارقة، المهم نتطمن على أحوال بعض. :)
طمنا، كيف الأهل والشغل؟
والله معك حق
الله يخليك ويسلمك يارب أنا بخير الحمدلله رجعت من إجازتي بسورية على عملي بالسعودية متل ماذكرت بالمنتدى للشباب وأهلي الحمد لله كلن بخير بحماة

economic opinion

27-08-2011, 01:39 PM

والله معك حق
الله يخليك ويسلمك يارب أنا بخير الحمدلله رجعت من إجازتي بسورية على عملي بالسعودية متل ماذكرت بالمنتدى للشباب وأهلي الحمد لله كلن بخير بحماة
ألف الحمد لله، والله يديم نِعَمَه علينا ويرفع نِقَمَه عنا برحمته

BISO

27-08-2011, 01:43 PM

صباح الخير جميعا
روان - محمد - بسام و كل الموجودين

صباح الخير لعريس المستقبل

أنتم السابقون ونحن اللاحقون Big GrinBig Grin

محمد درويش

27-08-2011, 01:43 PM

صباح الخير جميعا
روان - محمد - بسام و كل الموجودين
صباح الخير أخي مؤيد
أتمنى من الله أن تكون وجميع الأهل بألف خير
والله يا أخي مؤيد إن وعد الله حق ولن نشتم إلا رائحة المسك والورد من الشهداء

mahermmmm

27-08-2011, 02:11 PM

صباح الخير ..... كيفكم

حبيبنا العين ما بتعلى على الحاجب
بالنسبة لموضوع الزواج من زميلته
ان ذهب للشرع يجد ما يبرر رغباته وان ذهب لاراء الناس يجد ما يبرر رغباته
ولكن هل الانسان خلق ليحقق رغباته فقط ؟؟؟
ام انه يشعر بقوة شخصيته عندما يكبح بعض الرغبات التي يستطيع تحقيقها وتبريرها
وهنا تشرق انسانية الانسان وتميزه عن ذوي الارجل الاربعة

abu mhd

27-08-2011, 02:40 PM

أهلا وسهلا بأخي العريس مؤيد، شو اليوم من الكادحين ولا البورجوازيين؟ صح حدا بيعرف شو أخبار الذهب بآخر سعر؟ مو مشان شي لأنو عليي مباركة لأخونا أبي نادر متل ما بتعرفوا ;)

والله اليوم مع البرجوازيين فقت الساعة 11 مع انوا دوامي الساعة 9 Big GrinBig Grin
الذهب مبارح ارتفع ووصل الى 1827$ay1ay1Frown11Frown11
يعني النزلة تبع يوم الخميس ما استفدنا منها بشي

ابوحمزه

27-08-2011, 02:45 PM

مسا الخير ....

أولا وقبل كل شيئ نبارك للأستاذ أبو معاذ وزوجته المدام رندة لنجاح دانا بالبكالوريا

كنا في لقاء على الافطار وجاءت الخبرية ونحن في المطعم

ألف مبروووك للسيد أبو معاذ والمدام رندة(ام معاذ) للنجاح
لأن فرحة الأب والأم تكون أكبر من فرحة الناجح نفسه

مرة ثانية ألف مبرووك وانشاء الله أفراحكم عامرة

BROKER

27-08-2011, 08:06 PM

صباحك ورد و فل ابو حازم
الحمد لله نحن بخير انت كيفك طمنا امورك بخير
كان بالي مشغول عليك مبارح جدا بس وقت شفتك منور المنتدى اطمنت

هلا مؤيد باشا الله ينور أيامك

BROKER

27-08-2011, 08:14 PM

السلام عليكم ورحمة الله وبركاته
تحياتي لكل الموجودين
ياأهل الشام الكرام طمنونا عنكم وخبرونا ماذا يحدث

وعليكم السلام اخ محمد درويش

نحنا بخير بس جامع الرفاعي بكفرسوسة ما ضل في شي صاغ ،طبعاً ليس نقلا عن احد إنما رؤية عين