صالون سيريا ستوكس ليوم السبت 20-8-2011 [الأرشيف] - الأسهم السورية ( المضارب السوري)

مشاهدة النسخة كاملة : صالون سيريا ستوكس ليوم السبت 20-8-2011

abu mhd

20-08-2011, 11:17 AM

جلسة مناقشة و حوار يوم السبت 20-8-2011

صباح الخير جميعا

بداية يوم جديد و أسبوع جديد اللهم اجعله اسبوع خير و بركة
نسأل الله ببداية يومنا و اسبوعنا الرحمة و الطمأنينة لنا جميعا فيه و أن يعيد لنا الاستقرار و السكينة و أن يرحم الشهداء و يشفي الجرحى و ينزل السكينة على أهلهم

اليوم من رمضان نهاية عشر المغفرة اللهم اجعلنا ممن غفرت لهم و رحمتهم
و غدا بداية العشر الأخير وهو عشر العتق من النار اللهم اجعلنا منهم
رمضان مبارك لكم جميعا لمن صام و لمن لم يتوجب عليه الصيام

beautiful life

20-08-2011, 11:35 AM

بمـــــــــا أنه دخلنا بالعشر الاواخر الله يتقبل من الجميع

بحب ذكر تذكرة صغيرة

انو ندعي كتير بهالدعاء بالايام الفضيلة

(( اللهم إنـــــــــــتك عفوٌ تحبٌّ العفوَ فــاعف عنّي ))

http://a5.sphotos.ak.fbcdn.net/hphotos-ak-snc6/208468_10150159748638647_156816408646_6721307_7231 829_n.jpg

abu mhd

20-08-2011, 11:37 AM

abu mhd

20-08-2011, 11:43 AM

رح ابدأ بنفسي أنا كنت بزماني كتير متفائل يمكن اكتر من اللازم
بس للأسف انصدمت كتير بحياتي و مرقت فيني تجارب سيئة طبعا هاد لا يعني انوا حياتي مافيها فرح او سعادة بالعكس لازم نشكر نعم الله علينا و الحمد لله عندي امور و حققت شي يمكن غيري ما حققه الى الان
بس هالظروف خلتني شوف دائما الجانب الأسود و الشي العجيب انوا الشي اللي عم اتوقع انوا ما يظبط مع اني بحاول كون متفائل و اجبر حالي على التفاؤل ما بيزبط اخر شي
يمكن احيانا بقول اني عم شوف الواقع صح اكتر من اللازم
او احيانا بقول انوا في شي اسمه حظ للإنسان و أنا ما عندي هالشي بشكل كبير
يعني في ناس فيك تقول عنها محظوظة و كيف ما ضربتها بتصيب معها و ناس غير هيك
طبعا هو قضاء و قدر بس ما بعرف المشكلة انوا هالمشكلة سببتلي كتير قلق و مشكلة بحياتي لدرجة انوا كلشي عم شوفه اسود و ليس ملون

beautiful life

20-08-2011, 11:53 AM

شو رأيكون نبلش بنقاش صغير على الصبح هاد غير نقاشات المسائية الدسمة
يعني هيك ترويقة بين ما يفيقوا الشباب السهرانين

هل انت متشائم أم متفائل في الحياة يعني هل تنظر للأمور التي حولك بنظرة تفائل أم تشاؤم و هل تؤثر عليك و على مجرى حياتك هذه النظرة

قاادرة اتحمل اسا ساعة قبل نوم وجاية من الامتحان فـــإن شاء الله ماخبص بالحكي

الجواب : جوابك ياحضرة المشرف قريب على جوابي

شو ماصار شوماصار بحياتي بضل باتفائل .. وكل ما باتفائل وامشي بالحياة بهمة اكبر

كلـــــــــــ ما تيجي صدمة ورا صدمة وكل وحدة أكبر من التانية . .. الانسان مابيقدر يختار

قدره ... ظروفه الخارجة عن ارادته... صح .. بس سوء الخيبات المتكررة عم تخلي التفائل

مجرد سلوى للنفس .. بغض النظر إذا فعلا نحن متفائلين ولا لاء من جوا

يعني بنقول يلا متفائلين الجاية أحلى ... بس هيك بيكون عم نضحك على حالنا .. لنعيش

بس بلحظة ... لحظة ضعف ماعم نتحمل هالتمثيلية ونقول قصددي نصرخ حااااجة

شو رأيك حضرة المشرف ؟؟؟ ... شو الحل ؟؟؟

abu mhd

20-08-2011, 12:09 PM

قاادرة اتحمل اسا ساعة قبل نوم وجاية من الامتحان فـــإن شاء الله ماخبص بالحكي

بس سوء الخيبات المتكررة عم تخلي التفائل

مجرد سلوى للنفس .. بغض النظر إذا فعلا نحن متفائلين ولا لاء من جوا

يعني بنقول يلا متفائلين الجاية أحلى ... بس هيك بيكون عم نضحك على حالنا .. لنعيش

بس بلحظة ... لحظة ضعف ماعم نتحمل هالتمثيلية ونقول قصددي نصرخ حااااجة

الله يقويكي و موفقة و من الناجحين باذن الله و حاليا حكيك مافي تخبيص نظامي
كلامك جميل و يعبر عن مافي نفسي
اما ما الحل فوالله لو بعرف كنت عالجت مشكلتي اولا Big GrinBig GrinBig Grin
الحل انوا تتغير حياتنا للأحسن و نروح لشي مكان نشتري حظ حلو

economic opinion

20-08-2011, 12:10 PM

هلأ أول شي اسمحولي قلكون صباح الخير والورد والفل والياسمين جميعاً

عابر مجيب

20-08-2011, 12:13 PM

صباح الخير جميعا( معذرة عالتأخير بس على ماكتبت وما لحقت نقح وراجع لقيت القطار فات ولحقت حالي على الصفحة الجديدة ).

قرأت اليوم صفحات عديدة لأني ليس لدي خط نت في البيت يوم الجمعة . مر اقتراح موضوع الكبت مرور الكرام ولم يتطرق له أحد وكان الحوار عن الدراسة أكبر وتلاه بالاهتمام موضوع التدخل بشؤون الآخرين .

أنا لست مع التدخل بشؤون الآخرين ما لم ألمح رغبة من الجهة المتضررة .

بالنسبة للتعليم ، أظن أن البداية هي عند وعي الأهل وما قامو بحشوه في أفكار أولادهم قبل أن يقولوا : يقبروا قلبي ولادي واعيين ولهم حق الاختيار .

نحن نعاني من أمية مع أننا نتقن الكتابة والقراءة واليكم المثال :

يقلد أحدنا الغرب بالملبس أو الأكل أو الشكل والتصرفات فنقول عنه بلهجة الاعجاب اسمالله عليه والله متل الأجانب ، واذا أردنا أن ندعم فكرة من بنات جهلنا ولا نجد لها سندا نقول : عند الأجانب يفعلون هذا فينبهت الذي اعترض وكأننا أتيناه بثالثة الأثافي وقمة الافحام .

يأتينا طبيب متخصص بالكسور والحوادث فنهب إليه كمن فتح صفحة غووغل لنجد لدية أجوبة أسئلتنا ، فواحد يمد يده وبها تحسس ويحضر له المراهم التي لم يراها يوما لا في مجال تخصصه ولا يوم أصابه الجرب هو نفسه وذهب للعلاج عند زميل له متخصص بالجلدية ، يهب الجيران للسؤال عن عقم ابنتهم على الرغم من زيارة عدة أطباء متخصصين ومقامات أولياء بتخصص عام أو بجلب الغائب وتوسيع الرزق ، في هذا الخضم يأتي أبوفيصل الخياط العربي للسؤال عن القرشين اللي مصمدون ، شو يساوي ؟ يحولهم دولار ولا يشتري دكان للتأجير ؟ وطبعا اذا كان طبيبنا ماعندوا ثقافة ومعلومات عامة أوما كان لوفكجي ، سينفض الجمع عنه قائلين شو هاد ؟ قال دكتور قال ! أما لوكان متربيا على يد إحدى الجدات اللواتي كن فعلا أميات ولكن الحياة صقلتهم ( ألهم إلا ان لا يكون عندهن أصلا عقلا ولا ذكاء ليصقل ) نعم أقول لوكان يجيد بعض المعلومات فسيصبح مثالا يحتذى ويصبح حديثه أشبه بالرسوم الكاريكاتورية التي يتم مناقشتها في نهاية برنامج اخباري حواري في البي بي سي وكأنها وحي من السماء . ياأخي دكتور عم يحكي ! انت شو بيفهمك !؟

هذا طيف لرقاقة يمثل ما يتم حشوه بذاكرة أطفالنا ، لذلك تجدنا مقلدين نعتمد النقل لا العقل ( دخلنا في السلفية ) والحقيقة المعرفة والثقافة وشؤون حياتنا كلها متداخلة فالقذر في لباسه قذر في بدنه قذر في أفكاره والمتخلف في حياته متخلف في دينه ومعتقداته دون أن يشعر ، وهو بذلك يسيء إلى شريحة واسعة ولنقل هنا من أهل السلف الصالح مثلا .

إن النجاح مرتبط بما حولنا من ظروف وكمثال :

أنا أعلم أنني أملك مالا كثيرا ساهمت بجزء منه في مصرف وعندي ولد يدرس الاقتصاد ، سأبحث له عن الشهادة فوظيفته مؤكدة من خلال تسلطي على المصرف . ستأتي المعلومات لاحقا وسيقطعها في رقبة الزبائن ، يأتي الزبون مبهورا إلى المصرف ويأتيه أجوبة غبية فيظن أنه لم يفهم ، والزبون الفاهم ينظر بعين الشفقة على الموظف إياه ثم يبحث عن المعلومة في مكان آخر .

من خلال المثال وبعد أن أعدت القراءة استنتجت أن المعرفة ليست ضرورية طالما أنه لا يوجد من يقدر أو يحاسب أو يراقب . ومن باب الاستنكار وليس القبول في استعمال الحق لتبرير الباطل كما في قول للرسول : اذا هبت ريحك فاغتنمها . لا سمح الله . كم من فتوى وكم من قياس ومقارنة نطوعها لرغباتنا بعد ادعاء الأخذ بالتعاليم أو الرخص وفي حال عجزنا نلوذ بأننا أخطأنا معلش إن الله غفور رحيم . نخلط بين النفاق والتقية . ألم أقل أن أمورنا خليط متداخل ؟.

أب يعمل في مجال ناجح بصرف النظر عن العمل مادام شريفا ، ما المانع أن يرث الابن صنعته ؟ أنا أفهم لو كان الأب متعسرا أو فاشلا سيقول لابنه حبيبي إن عملي لم يدر علي ربحا ولولا ورثتي من جدك لا كنت تزوجت ولا اشتريت بيتا ، لذلك حاول أن تتعلم سيئا ينفعك تعلم النجارة أو الحدادة أو الهندسة أو المحاسبة أو الطب لتستطيع العيش وتجد لك عملا في وظيفة قد يكون وضعك أفضل وقد كسرت الضرائب والتراخيص ظهر أبيك . ( يعني أبو الولد مو أبيك بيك بيكي ...)

شو بيشكي لو كان ابن أحدكم وول مارت أو بيل غيت أوالنجار المسابكي أو باشايان الكندرجي ؟ المهم النجاح وبظن باشايان اشتغل مهنه أبوه . معذرة على سوء ترتيب الأفكار ولكن لا بد من الفائدة من خلال زاوية طرح مختلفة لتوضيح مشهد أو فكرة لم يسبق أن وضحت بشكل مختلف .انفتح الموضوع وماعدت اعرف سكرو رح ساوي مثل المسلسلات المصرية اللي بعد مطمطة وعي بيبتروه بتر بآخر حلقة وقول لكم باي هلأِ .

تحياتي .

economic opinion

20-08-2011, 12:13 PM

تاني شي بدي اتطمن عن فحص مشرفتنا بيوتيفل وإن شاء الله تكوني قدمتي منيح.
وكمان بدي اتطمن عنك مؤيد بما إنك سهران طول الليالي وفايق من صباحية الله، فكيفك؟ وكيف حاسس حالك؟

beautiful life

20-08-2011, 12:14 PM

هلأ أول شي اسمحولي قلكون صباح الخير والورد والفل والياسمين جميعاً

صبــــــــــــــآآآح الجوري والزنبق :)

دورت بين هالسمايلات لاهديلك وردة مالاقيت :rolleyes2:

المنتدى يريد من البروكر سمايل وردة Big Grin

abu mhd

20-08-2011, 12:15 PM

هلأ أول شي اسمحولي قلكون صباح الخير والورد والفل والياسمين جميعاً

مع الموافقة على الصباحية كونها تحمل الورد و الياسمين يعني سمحنالك Big GrinBig GrinBig Grin

صباح الخير و الفل و السعادة
شو اليوم معطلة ولا دوام مع الكادحين

beautiful life

20-08-2011, 12:16 PM

تاني شي بدي اتطمن عن فحص مشرفتنا بيوتيفل وإن شاء الله تكوني قدمتي منيح.
؟

تسلمي يا روان .. الحمد لله قدمت زفت .. أنا ترفعت من الفصل التاني وهي مواد بقيت معي

وليش زفت .. لا تســـــــــألي .. بس ما كسل Frown11

beautiful life

20-08-2011, 12:19 PM

الله يقويكي و موفقة و من الناجحين باذن الله و حاليا حكيك مافي تخبيص نظامي
كلامك جميل و يعبر عن مافي نفسي
اما ما الحل فوالله لو بعرف كنت عالجت مشكلتي اولا big grinbig grinbig grin
الحل انوا تتغير حياتنا للأحسن و نروح لشي مكان نشتري حظ حلو

يا أخي مؤيد أنا هالحالة يلي حكيتا مو عن حالي بس عن حالة الناس العموما

يعني ترجمت لغة هالمعاناة على قدر ماباقدر ... لحتى نتناقش ونلاقي الحل المناسب

abu mhd

20-08-2011, 12:22 PM

وكمان بدي اتطمن عنك مؤيد بما إنك سهران طول الليالي وفايق من صباحية الله، فكيفك؟ وكيف حاسس حالك؟

والله الحمد لله في شوية نعس و تعب فايق من الساعة 9 يعني تأخرت شوي عن شغلي
بس عموما شغال لسه بضاين لنهاية الدوام

economic opinion

20-08-2011, 12:27 PM

أما بالنسبة لموضوع النقاش فأنا الحقيقة بختلف عنكون بالوقت الحالي، الحقيقة إني لما كنت بالإعدادي والثانوي كنت حس حالي ماعندي حظ وكنت حس إنو كل شي بيصير معي مو منيح، ويمكن طبيعتي الحساسة شوي كانت تعزز عندي هاد الشعور. بس بعد هيك لما دخلت الجامعة بلشت شوف بطريقة كتييييير مختلفة، لاحظت إنو كتبر أشياء صارت معي بحياتي أنا كنت مفكرة سيئة كانت هي السبب الرئيسي بتكوين شخصيتي ويمكن حتى بمستقبلي، وزعلت كتييييييييير من حالي لما حسيت إني بمراحل معينة كنت حاسة إنو الله مابيحبني أو إنو بحب غيري أكتر مني، اكتشفت إنو الله بيحبني كتييييييييييييييييير وإنو محدودية نظري (كوني من البشر) خلتني ظن إنو هي الأشياء سيئة، ومن وقتها زرعت بنفسي فكرة "الخير فيما اختاره الله، أو متل ما بيقول رامي لعله خير" وآمنت إنو كل حدث بيصير معي قد ما كان سيء من الخارج أو في البداية، فهو أكيد بالمستقبل رح يبين معي إنو هو يلي كان الأفضل إلي وإنو رب العالمين ما حرمني من شي بل اخترلي الأفضل يلي بيناسبني.
مشان هيك أنا آمنت بقدرة الله عز وجل على اختيار الأفضل لنا لأنو عارف وشايف كل حياتنا وإنو محدودية نظرنا هي يلي ما بتخلينا نشوف الخير بالأمر يلي بيصير معنا
طبعاً هي وجهة نظر شخصية إلها علاقة بوقائع صارت معي أنا :)

BISO

20-08-2011, 12:30 PM

صباح الخير للجميع

الرحمة لشهداء الوطن ... المجد والعزة لسورية

تحياتي لكم ...

رح أستغل الفرصة ... بإعتبار جماعة إدراة الأعمال موجودين وبدي أسأل عن امتحان محاسب قانوني ... إذا حدا قدمه السنة الماضية أو حدا بيعرف عنه شي ... لانه صاير السؤال عن هاد الفحص متل اللي عم يدور ع ابرة بكومة قش ... والكل بقول مابعرف مابعرف ...

مرة تانية تحياتي لكم ...

beautiful life

20-08-2011, 12:32 PM

أما بالنسبة لموضوع النقاش فأنا الحقيقة بختلف عنكون بالوقت الحالي، الحقيقة إني لما كنت بالإعدادي والثانوي كنت حس حالي ماعندي وكنت حي إنو كل شي بيصير معي مو منيح، ويمكن طبيعتي الحساسة شوي كانت تعزز عندي هاد الشعور. بس بعد هيك لما دخلت الجامعة بلشت شوف بطريقة كتييييير مختلفة، لاحظت إنو كتبر أشياء صارت معي بحياتي أنا كنت مفكرة سيئة كانت هي السبب الرئيسي بتكوين شخصيتي ويمكن حتى بمستقبلي، وزعلت كتييييييييير من حالي لما حسيت إني بمراحل معينة كنت حاسة إنو الله مابيحبني أو إنو بحب غيري أكتر مني، اكتشفت إنو الله بيحبني كتييييييييييييييييير وإنو محدودية نظري (كوني من البشر) خلتني ظن إنو هي الأشياء سيئة، ومن وقتها زرعت بنفسي فكرة "الخير فيما اختاره الله، أو متل ما بيقول رامي لعله خير" وآمنت إنو كل حدث بيصير معي قد ما كان سيء من الخارج أو في البداية، فهو أكيد بالمستقبل رح يبين معي إنو هو يلي كان الأفضل إلي وإنو رب العالمين ما حرمني من شي بل اخترلي الأفضل يلي بيناسبني.
مشان هيك أنا آمنت بقدرة الله عز وجل على اختيار الأفضل لنا لأنو عارف وشايف كل حياتنا وإنو محدودية نظرنا هي يلي ما بتخلينا نشوف الخير بالأمر يلي بيصير معنا
طبعاً هي وجهة نظر شخصية إلها علاقة بوقائع صارت معي أنا :)

ياسلاااااام ... كتير حلو .. ابقي ساعدينا بالحل

حبينا ناخد المساعدة من حضرة المشرف .. هرب ما كان يرضى

شو رأيك الحل ؟؟؟؟؟؟؟؟ :confused2: :confused2: :confused2:

عابر مجيب

20-08-2011, 12:33 PM

التفائل اذا كان من نوع الانفتاح والاستبشار والاقدام على الحياة والعمل فهو خير أما أن نتفائل من نوع التوكل والأحلام فهذا يكون توفيقه من باب الصدف .
لا أظن أن هنالك تفاؤل بالمطلق ولا تشاؤم بالمطلق . وكمثال يمس دواخل انفسنا : هل تجرأ أحد بالشماتة ولو بينه وبين نفسه بمن رسب بالامتحان حينما كان هو نفسه بانتظار نتيجته ؟ لا أظن . اذن التفاؤل هو الشعور العادي والتشاؤم هو الخوف .
على أن لا نخلط بين التفاؤل والمخاطرة ، وبين الجرأة والوقاحة أو بين السلبية والانعزالية مقارنة مع الحرص و الوعي من خلال تجارب سابقة لنا أو معلومات عرفناها .

economic opinion

20-08-2011, 12:33 PM

والله الحمد لله في شوية نعس و تعب فايق من الساعة 9 يعني تأخرت شوي عن شغلي
بس عموما شغال لسه بضاين لنهاية الدوام
الله يقويك ويحميك، ومشرفتنا لاتزعلي "لعله خير" :)، ومؤيد أنا اليوم عندي عطلة ما منداوم السبت

beautiful life

20-08-2011, 12:34 PM

طيب بدي اسألك .. لو ما اكتشفتي انو الله بيحبك بالجامعة ومن خلال تغير شخصيتك شو رح يكون ردة فعلك ؟؟

economic opinion

20-08-2011, 12:35 PM

ياسلاااااام ... كتير حلو .. ابقي ساعدينا بالحل

حبينا ناخد المساعدة من حضرة المشرف .. هرب ما كان يرضى

شو رأيك الحل ؟؟؟؟؟؟؟؟ :confused2: :confused2: :confused2:

الموضوع سهل جداً، وراجعتلكون، بس هلأ لازم قوم شوي وبس ارجع منحكي :)

BISO

20-08-2011, 12:36 PM

1852.52 = 2660 ل.س / غ

ولسه

beautiful life

20-08-2011, 12:37 PM

ومشرفتنا لاتزعلي "لعله خير" :)،

مازعلانة . ... الحمد لله :)

beautiful life

20-08-2011, 12:39 PM

الموضوع سهل جداً، وراجعتلكون، بس هلأ لازم قوم شوي وبس ارجع منحكي :)

خدي راحتك بالانتظار :)

beautiful life

20-08-2011, 12:53 PM

ياجماعة أنا مضطرة قوم لان فرطت تعب لهلا مانايمة بشـــــــــــوفكون على خير مع آرائكم

sommmmy

20-08-2011, 11:58 PM

مسا الخير للجميع

سأسرد لكم هذه القصه

القصة أن شيخاً كان يعيش فوق تل من التلال ويملك جواداً وحيداً محبباً إليه ففر جواده وجاء إليه جيرانه يواسونه لهذا الحظ العاثر فأجابهم بلا حزن وما أدراكم أنه حظٌ عاثر؟ وبعد أيام قليلة عاد إليه الجواد مصطحباً معه عدداً من الخيول البريّة فجاء إليه ...جيرانه ...يهنئونه على هذا الحظ السعيد فأجابهم بلا تهلل وما أدراكم أنه حظٌ سعيد؟ ولم تمض أيام حتى كان إبنه الشاب يدرب أحد هذه الخيول البرية فسقط من فوقه وكسرت ساقه وجاءوا للشيخ يواسونه في هذا الحظ السيء فأجابهم بلا هلع وما أدراكم أنه حظ سيء؟ وبعد أسابيع قليلة أعلنت الحرب وجند شباب القرية وأعفت إبن الشيخ من القتال لكسر ساقه فمات في الحرب شبابٌ كثر. وهكذا ظل الحظ العاثر يمهد لحظ سعيد والحظ السعيد يمهد لحظ عاثر الى ما لا نهاية في القصة وليست في القصة فقط بل وفي الحياة لحد بعيد. فأهل الحكمة لا يغالون في الحزن على شيء فاتهم لأنهم لا يعرفون على وجهة اليقين إن كان فواته شراً خالص أم خير خفي أراد الله به أن يجنبهم ضرراً أكبر، ولا يغالون أيضاً في الابتهاج لنفس السبب، ويشكرون الله دائماً على كل ما أعطاهم ويفرحون بإعتدال ويحزنون على مافاتهم بصبر وتجمل. وهؤلاء هم السعداء فأن السعيد هو الشخص القادر على تطبيق مفهوم (الرضى بالقضاء والقدر) ويتقبل الاقدار بمرونة وايمان لا يفرح الإنسان لمجرد أن حظه سعيد فقد تكون السعاده طريقًا للشقاء. والعكس بالعكس

فراس السكري

21-08-2011, 12:44 AM

السلام عليكم ورحمة الله وبركاته
التفاؤل والتشاؤم
كلمتان دائما نسمع عنهما قد يرى البعض إنهما مجرد كلام فلسفي لا قيمة له ولا تأثير له على النفس البشرية ولكن بالنسبة لي فأن لهما دورا مهما في حياة الناس إذا أحسن فهمهما وإستخدامهما .

التشاؤم:
******* هو حالة نفسية كثيرا ما يتعرض لها الإنسان في المراحل الإنتقالية من حياته كتحوله من مرحلة الطفولة إلى مرحلة الشباب أو دخول الإنسان مرحلة الكهولة وإحساسه بضعف نشاطه في المجتمع .
أو مرحلة إنتقالية في حياته العملية
والتشاؤم هو أن ترى الجانب السئ أو المظلم في المستقبل ولا تفكر إلا بها وهنا لن ترى الحلول المثلى للمشاكل .

التفاؤل:
******** وهو نوعان

التفاؤل الغافل : الذي هو أقرب إلى التشاؤم في نتائجه ومعناه أن ترى الجانب الحسن والمشرق فقط لا غير من المستقبل إنما هو أقرب إلى الخيال .

التفاؤل الجاد : وهو بالضبط ما أهدف إليه في كلامي هذا النوع الذي يدفع الإنسان إلى تخطي الصعاب وإيجاد الحلول المثالية لكل الأزمات .
وهو أن ترى الجانب السئ والحسن معا وأن ترد المشكلة إلى أصولها وتبحث عن أسبابها وتضع لها أكثر من حل وتعرف أو تقدر نتيجة هذه الحلول كي لا تتفاجاء بها
هو أن لا تميل وتخضع وتندب حظك لمجرد إنك فشلت في أمر ما ، أن تنهض من جديد وتعتبرها مجرد تجربة تستفيد منها في محاولاتك الثانية والثالثة وغيرها حتى تصل إلى هدفك .
هو أن لا تعتبر النجاح هدفك في الحياة إنما المحافظة على نفسك ناجحا دائما .
هو هو أن لا تثور آنيا لموقف تصادفه وإنما تحافظ على هدوءك وتحلل ما حدث تحليلا عقلانيا وترده إلى أسبابه وستجده عندها أمرا تافها لا يستحق منك كل هذا الإهتياج .
********************
أن تعيش في جو الحقيقة بعيدا عن الخيال وتحول أن تتوقع حدوث كل شئ وتتهيء له ...
أن لا تصدر أحكاما سريعة أبدا قد تغير مجرى حياتك وحياة غيرك قبل التمعن فيها ...
وأخيرا أن تنشر التفاؤل بين الناس وتعلمهم كيف يتغلبون على مصاعبهم وينهضون من جديد ...

عندها سترى الحياة تفتح ذراعيها لك ......

تقبلوا تحياتي

manar

21-08-2011, 12:45 AM

مساء الخير للجميع

sommmmy

21-08-2011, 12:48 AM

مساء الخير للجميع

مسا النور اخي منار

شو وين الشباب

اكيد عاملين شي ((عسه)) عزيمه يعني بالحمصي

بالهنا انشاء الله

ام محي الدين

21-08-2011, 01:01 AM

مساء الخير للجميع
موضوع اليوم يضرب عصب الحياة
فالحياة لا تخلوا من الخير والشر او من
التفاؤل والتشاؤم وكلاهما يشكلون نسبة
50%لكل طرف المهم اين يرى الانسان
نفسه والاهم هو التسليم لقضاء الله بكامل
الايمان !!!!!!!!
بالنسبة لي فانا احب العمل بمقولة
(اعقل ثم توكل )(وكل شيء من الله يا محلاه)
ولكن يجب ان اخذ بالاسباب والحمد لله
مرة بتكون الامور جيدة ومرات سيئة
هكذا الحياة ليس بيدنا شيء

ام محي الدين

21-08-2011, 01:34 AM

ان شاء الله بينعاد عليكم بالصحة والسلامة
بلش العشر الاخير من رمضان تقبل الله
منكم صيامكم وسائر عباداتكم آمين يا رب
يمكن ما اقدر اسهر معكم بعد اليوم
اتمنى لكم التوفيق

beautiful life

21-08-2011, 02:36 AM

اجيت عالصالون لقيت كل البيت فاضي ........ مافي حدا ؟؟؟ !!!!!

abu mhd

21-08-2011, 02:37 AM

مساء الخير جميعا
سهرة جميلة برفقتكم و برفقة اعضاء المنتدى

BROKER

21-08-2011, 03:01 AM

مسا الخير .... كيفكم اشتقتلكم

يعني مخربط جراء السهرة الى 12 الظهر .. وبعدها الافطار وبعدها سهرة مع الشباب .... يعني افتقدناكم ...

BROKER

21-08-2011, 03:12 AM

ان شاء الله بينعاد عليكم بالصحة والسلامة
بلش العشر الاخير من رمضان تقبل الله
منكم صيامكم وسائر عباداتكم آمين يا رب
يمكن ما اقدر اسهر معكم بعد اليوم
اتمنى لكم التوفيق

مبارك لك والله يبلغك الثواب الكامل

خير مدام لشو الغيبة ؟ إذا كان بسبب التفرغ لليالي العشر الاخير فياريت تدعيلنا كتييييير

BROKER

21-08-2011, 03:33 AM

مسا النور اخي منار

شو وين الشباب

اكيد عاملين شي ((عسه)) عزيمه يعني بالحمصي

بالهنا انشاء الله

عسه يا ابو باسل

بس عالخفيف قهوة وشاي ... والمنحرفين اركيلة الله وكيلك دخنا اكتر منن

BROKER

21-08-2011, 03:37 AM

طيب إذا غبنا ليش ما بتفتحوا نقاش لحالكم ؟؟؟

بتعرفوا شي ؟؟ اكتشفت انو لازم نعمل دراسة حول أزمة القيادة في المطنقة العربية ، بمعنى اننا شعب لا يستطيع المسير بدون قيادة او توجيه ويصعب ترك الاختيار لتعدد القادة ..!!!! وهذه المفارقة في حال ظهور صحتها فقد تؤدي بنا الى اضطرابات مستقبلية .....

والصراحة : اننا لا نستيطع العمل ضمن فريق team work لانها مبدأ تروبي لم نعتاد عليه ... ولم نرجى الا نجاحات فردية بينما في الغرب نشاهد نجاحات جماعية .. كمؤسسة او فريق

فما السبب وما عواقبها وكيف نعالجها ؟؟؟ بدها موضوع لحالها

beautiful life

21-08-2011, 04:05 AM

غسان

21-08-2011, 04:09 AM

كنت اسأل نفسي دائما عن الامثال الشعبية التي اطلقها اجدادنا في الماضي ومعظمها صحيح
من جد وجد .......ومن سار على الدرب وصل
(مطبوعة على المرحى المهداة للطلاب)
ولكن احيانا لاتصدق.....
مثلا طالب اجتهد طوال العام لكن لظرف معين لم يستطيع ان يتقدم للامتحان ..ورسب
عليه ان يتفائل ان يستطيع ذلك ..ولكن بعد سنة كاملة

امثلة كثيرة جدا ممكن ذكرها ...........

BROKER

21-08-2011, 04:30 AM

abu mhd

21-08-2011, 04:48 AM

بداية يوم جديد و فجر جديد أسأل الله لكم فيه الخير و التوفيق و النجاح
يوم جديد من أيام رمضان وهو اليوم 21 تقبل الله منا و منكم الصيام و القيام و أعاننا على حفظ اللسان

beautiful life

21-08-2011, 04:56 AM

اجعـل يقينـك بالله .. ♥ وأملــك بالله .. ♥ وحسن ظنـك بالله .. ♥ ...... فهــو وحده الذي يحقـق المقصـود .. ♥ ويأتي بالمطلـوب ويسعـد القلـوب ..

♥ " وَإذَا قَضَى أَمْراً فَإِنَّمَا يَقُولُ لَهُ كُنْ فَيَكُونُ .. ♥

عابر مجيب

21-08-2011, 09:31 AM

صباح الخير
تعذر فتح الموقع البارحة عند حوالى الساعة الثانية واستمر إلى نهاية دوامي بالمكتب الساعة أربعة ، عسى السبب خير ، والله انشغلت وقلت ربما السبب مني ، الحمد لله اليوم فتح عادي . يسعد صباحكم .

economic opinion

21-08-2011, 10:08 AM

صباح الخير :)

abu mhd

21-08-2011, 10:54 AM

صباح الخير جميعا

تحية صباحية مميزة لأبو النور و الانسة روان

غالب

21-08-2011, 10:57 AM

صباح الخير لنا ولكم نحن الكادحين

BISO

21-08-2011, 11:00 AM

صباح الخير للمتفائلين والمتشائمين

الرحمة لشهداء الوطن .... المجد والعزة لسورية ...

عابر مجيب

21-08-2011, 11:22 AM

أخ غالب والله خيلتنا اليوم ، شو القصة ؟
صورتك بتبين أنك لسا شب ما حلك تخربط ، لتكون عم تصوم منشان ترفع سكورك بالجنه !
انشالله تكون ما بتكره المزح .
صباحك عسل .

BISO

21-08-2011, 11:26 AM

يقول شكسبير

يرضع الطفل من امه حتى يشبع ..

ويقرأ على ضوء عينيها حتى يتعلم القراءة والكتابة ..

وياخذ من نقودها ليشتري اي شيء يحتاجه...

ويسبب لها القلق والخوف حتى يتخرج من الجامعة ..

وعندما يصبح رجلاً .......

يضع ساقاً فوق ساق في أحد مقاهي المثقفين ويعقد مؤتمراً صحفياً يقول فيه :

إن المرأه بنصف عقل !! ...

تباً لسطحية سكنت عقول البشر

شكسبير

محمد درويش

21-08-2011, 11:46 AM

السلام عليكم جميعاً ويسعد صباحكم يارب بكل خير
تحية لكم جميعاً حيث رجعت إلى متابعة عملي في الرياض
أتمنى أن تكونوا جميعاً بكل خير وسورية الحبيبة بحفظ الله
طمننونا عنكم جميعاً

غالب

21-08-2011, 11:49 AM

أخ غالب والله خيلتنا اليوم ، شو القصة ؟
صورتك بتبين أنك لسا شب ما حلك تخربط ، لتكون عم تصوم منشان ترفع سكورك بالجنه !
انشالله تكون ما بتكره المزح .
صباحك عسل .
صباح الخير منيح طلع في حدا مركز هون

وبالنسبة للسكور في الجنة رح حولك كل رصيدي مبروك عليك .
من من ناحية الصيام فانا لا اصوم صيام رمضان لانني لست بمسلم مع اعتزازي بكافة اصدقائي الصائمين .

غسان

21-08-2011, 11:52 AM

السلام عليكم جميعاً ويسعد صباحكم يارب بكل خير
تحية لكم جميعاً حيث رجعت إلى متابعة عملي في الرياض
أتمنى أن تكونوا جميعاً بكل خير وسورية الحبيبة بحفظ الله
طمننونا عنكم جميعاً
الحمد لله على سلامتك اخي محمد

محمد درويش

21-08-2011, 11:54 AM

الحمد لله على سلامتك اخي محمد
الله يسلمك ويخليك كلك ذوق

abu mhd

21-08-2011, 11:57 AM

شو اليوم مافي حدا من الكادحين و الثوريين
الانسة سلام صارلها يومين غايبة كمان عم نسجلها غياب غير مبرر

وائل77

21-08-2011, 12:04 PM

صباح الخير للجميع ونتمنى أن يحمل هذا اليوم بعض التفاؤل الذي كدنا ننساه

ابي نادر

21-08-2011, 12:24 PM

صباح الخير للجميع

ابي نادر

21-08-2011, 12:27 PM

شو بتتوقعو بكرى للأسلامي :

خلونا برجع شوي للبورصة بعد ما شفنا بيمو عما تلم اسلامي على 102

103 ما اشترت وحطت طلابات شراء بقرابة 40000

ابراهيم طاهر

21-08-2011, 12:28 PM

مرحبا بكم

سيكون هناك عودة مهما طال الزمن

best time

21-08-2011, 02:32 PM

تحياتي لكم جميعا

توقيف التداول يومين خطوة ممتازة وبتريح التفكير والأعصاب
من زمان لازم

عابر مجيب

21-08-2011, 02:39 PM

صباح الخير منيح طلع في حدا مركز هون

وبالنسبة للسكور في الجنة رح حولك كل رصيدي مبروك عليك .
من من ناحية الصيام فانا لا اصوم صيام رمضان لانني لست بمسلم مع اعتزازي بكافة اصدقائي الصائمين .
بعرف هالشي منشان هيك حبيت مازحك ، نحن مختلفون بالتفاصيل ولكننا متحدون من حيث المبدأ ، ومن صدق نيته ووثق بمعتقده وعامل الناس بالحسنى سيلقى خيرا في الآخرة لأن الله عادل بصرف النظر عن الأسلوب والمنطق أو لغة الحوار والعبادة .

economic opinion

21-08-2011, 02:42 PM

تحياتي لكم جميعا

توقيف التداول يومين خطوة ممتازة وبتريح التفكير والأعصاب
من زمان لازم
هلأ أنا عنجد شايفتها مريحة للأعصاب، وعم تخلينا نحكي بشغلات غير خسائرنا الكبيرة بالأسهم :rolleyes2:

beautiful life

21-08-2011, 03:22 PM

السلام عليكم جميعاً ويسعد صباحكم يارب بكل خير
تحية لكم جميعاً حيث رجعت إلى متابعة عملي في الرياض
أتمنى أن تكونوا جميعاً بكل خير وسورية الحبيبة بحفظ الله
طمننونا عنكم جميعاً

وعليكَ السلام ورحمة الله وبركاته
الحمد لله على السلامة :)

beautiful life

21-08-2011, 03:23 PM

beautiful life

21-08-2011, 03:34 PM

آحرِصْ على حِفظِ القُلوبِ مِنَ الأَذَى

فَـ رُجوعها بَعد التَّنافُر يَصْعَبُ

إنّ القُلوووبَ إذا تَنـافَر ودُّهَــا

شَبهُ الزَّجاجَة كَسرُها لا يشْغَبُ

مجد

21-08-2011, 04:23 PM

بيمو حطت الطلبات ليش باخر الجلسة!
اعتقد فعلت هذا ليبدا القطيع بالتسابق على وضع طلبات الشراء .(توقع)
وممكن جاء دورها بان تبيع للهامور !

BROKER

21-08-2011, 05:50 PM

BROKER

21-08-2011, 05:51 PM

السلام عليكم جميعاً ويسعد صباحكم يارب بكل خير
تحية لكم جميعاً حيث رجعت إلى متابعة عملي في الرياض
أتمنى أن تكونوا جميعاً بكل خير وسورية الحبيبة بحفظ الله
طمننونا عنكم جميعاً

وعليكم السلام ورحمة الله وبركاته

الحمد لله على سلامتك وان شاء الله تلاقي الخير وترجع لبلدك سالم غانم بعد معاقبة من اخرجوكم

BROKER

21-08-2011, 05:54 PM

الى متابعة التداول وجلسة الأسهم ليوم الاثنين .... مشكورين جميعاً