شو فطرت اليوم؟؟

[Salam L]

كل يوم خلونا نتشارك فطور افتراضي... واقتراحات مشان بوكرة... لانو دائما برمضان في سؤال صعب وهو ...شووو بدنا نطبخ؟؟

[سودوكو]

يبرق

[Salam L]

ومؤيد فطر يبرق كمان....

بالنسبة لفطورنا فكان...


شوربة البصل:

يتم تقلاية بصل جوانج ثم توضع فوقها مرقة دجاج ويغلي حتى يستوي البصل (يمكن بدو شي ربع ساعة)... في طنجرة منفصلة يتم تحميص شوية طحين بالزبدة ثم يضاف قليل من الحليب او مرقة الدجاج... بعدين يضاف المرق والبصل الى الطحين المحمص مع شوية قطع دجاج.... والتقديم يتم بوضع قطعة توست في الصحن وتضاف فوقه الشوربة السخنة وفوقها جبنة قشقوان مبشورة وهيك بتدوب فوق الشوربة فورا....

السبرينغ رولز... هي متل البرك بس الحشوة تبعها عبارة عن قطع جاج وملفوف وجزر وبصل (بيتقلوا كلهن سوا) وبعدين يتم اضافة صلصة الصويا... وشوية من مرق الجاج مشان البهارت...ومعهاهيل حب مفروط لاني بحبه لما يقرش .... وطبعا بتلفها برقائق (شمس اطيب شي) وبعدين قلي...

منزلة الاحمر طبخة شامية قديمة.... في ناس بيعملوها مع كوسا محشي بس نحنا بنعملها مع رز ... يعني بتصير متل ملوخية والرز والباميةوالرز وهيك....
هي عبارة عن بندورة مغلية شوي ومقشرة ...مفرومة ... وبعدين يضافة الها لحمة مفرومة لحتى تغلي وتصير سمييكة...وبعدين بتحط فوقها شوية كزبرة وثوم وغلوتين... وصحة وهنا

[manar]

برك + فتة مكدوس + سبانخ بلحمة مع رز + فتوش

[Salam L]

برك + فتة مكدوس + سبانخ بلحمة مع رز + فتوش



جمعت سوا اكتر اكلة بحبها بالعالم... فتة المكدوس..وعكسها.. وهي السبانخ...

اللي مابيعرف كيف بتتساوى فتة المكدوس يقلي .... لانو اكله حرام تتفوت على حدا

[beautiful life]

شيش برك و فطاير لحمة
شو هاي فتة مكدوس ماسمعانة فيا أبدا !!

[youyou]

رمضان كريم عالجميع والحمد لله الخير كتير
أوزي+لحمة بالصحن+شرحات جاج(اسكالوب)+فتوش +تبولة+شوربة خضار

[غالب]

شيش برك و فطاير لحمة
شو هاي فتة مكدوس ماسمعانة فيا أبدا !!


صباح الخير

صحتين وهنا

انتي بتعرفيها ولكن باسم اخر نحن بأنتظار شرح الانسة سلام ل فتة المكدوس زخلاصتها حسب ما اعتقد
كم بيتنجانة حبات صغيرة بحجم بيتنجان المكدوس تقشر جزئيا وتفتح بالسكين وتقلى بالزيت وثم تحشى لحمة مفر ومة مطبوخة ونقطع الخبز جيدا على شكل قطع الفتة ونضعه في صحن غميق كثيييييييير وثم نضع صلصة البندورة مع بصل وثوم ومبعرف شو كمان ونضع المكدوسات الي قليناهم وحشيناهم قبل شوي وثم نضع الطراطور يمكن لبن وطحينة او لبن لوحده وعليه سمنة او زيت زيتون وجنبه رز وكول اذا بتاكل وخصوصا اذا كنت صايم او جائع وصياما مقبولا .

والان مع الوصفة الحقيقية مع الانسة سلام الي ما بتطبخ هيي بس بتعرف الطبخات كيف بتصير وهاي دعاية الك مو منيحة ضحكي علينا وقولي بعرف اطبخ .

[manar]

شيش برك و فطاير لحمة
شو هاي فتة مكدوس ماسمعانة فيا أبدا !!

المقادير:


كيلو ونصف باذنجان أسود صغير الحجم
نصف كيلو لحم مفروم
بصلة صغيرة
ملح وبهارات
ربع كوب صنوبر
2 كيلو طماطم
بصلة متوسطة الحجم مفرية
ملعقتان كبيرتان زيت
ملعقة كبيرة معجون فلفل
ملعقتان كبيرتان من دبس الرمان
ملعقتان كبيرتان عصير تمر هندي* حسب الرغبة
ملعقة كبيرة معجون طماطم
رغيفان خبز شامي مقطعان قطعا صغيرة ومقليان في الزيت
نصف كوب طحينة مخلوطة مع نصف كوب لبن و ربع كوب ماء وفص ثوم والقليل من الملح
ربع كوب صنوبر مقلي
ربع كوب لوز مقلي


طريقة التحضير:


لتحضير اللحم:
1- سخني 4 ملاعق كبيرة زيت في مقلاة أو في قدر صغيرة الحجم. أضيفي البصل المفروم واقليه إلى أن يميل لونه للذهبي.
2- أضيفي اللحم والملح ثم اتركي المزيج على النار إلى أن ينضج اللحم تماما.
3- ارفعي المزيج عن النار ثم أضيفي له البهارات والصنوبر وقلبي جيدا. اتركي المزيج جانبا حتى يبرد.


لتحضير الباذنجان:
1- اغسلي حبات الباذنجان الصغيرة ثم جففيها جيدا. اتركي الأعناق ملتصقة بها ثم اثقبي فجوات صغيرة أسفل كل حبة باذنجان لتفرغي منها اللب.
2- اقلي حبات الباذنجان المفرغة في زيت ساخن، ثم أخرجيها فوق مناديل ورقية.
3- احشي حبات الباذنجان المقلية باللحم.


لتحضير صلصة الطماطم:
1- قشري الطماطم ثم اهرسيها جيدا لتحصلي على الصلصة. اقلي البصل في الزيت ثم أضيفيه لصلصة الطماطم.
2- أضيفي الملح والبهارات ودبس الرمان وعصير التمر الهندي ومعجون الفلفل وقلبي جيدا حتى تحصلي على مزيج متجانس.
3- ضعي صلصة الطماطم في قعر إناء خبيز، ثم ضعي فوقها قطع الباذنجان المحشوة. غطي إناء الخبيز بورق ألومنيوم ثم اخبزيه في الفرن لمدة 20 دقيقة أو إلى أن ينضج الباذنجان ويصبح طريا.


للتقديم:
1- رصي قطع الخبز المقلي في قعر طبق التقديم، ثم ضعي فوقها الصلصة.
2- رصي رؤوس الباذنجان المحشوة فوق الصلصة، ثم ضعي فوقها الطحينة واللبن.
3- زيني الطبق باللوز المقلي أو الصنوبر، ثم رشي فوقه القليل من البقدونس المفروم وقدمي.

[manar]

لمقادير: باذنجان
لحمة معصجة
شوربة لحم
معجون طماطم
عيش محمص قطع صغيرة
طحينة
زبادي
ملح / فلفل
ليمون
ثوم مطحون
بقدونس مفروم
زيت قلي


الطريقة:
طريقه عمل فتة المكدوس
يحشي الباذنجان باللحمة المعصجة
ثم يحمر الباذنجان نصف تحمير
يضاف معجون الطماطم للشوربة و الملح و الفلفل و الليمون
يوضع الباذنجان المحمر في الشوربة حتي يسلق
يوضع العيش المحمص في صينية التقديم
و يضاف اليه الشوربة الساخنة
ثم البدء برص الباذنجان فوقه
تحضر الطحينة بالملح و اللمون و الثوم
ثم يضاف إليه الزبادي
و يضاف خليط الطحينة علي فتة المكدوس
يوضع على فتة المكدوس البقدونس للتجميل
تقدم فتة المكدوس
و بالهناء و الشفاء

[manar]

وهي الطبق
file:///C:/Users/manar/AppData/Local/Temp/moz-screenshot-8.png

[ابي نادر]

انا شخصيآ

كل يوم اكل جاهز بس بحب شكل يعني يوم شيش ويوم فراريج ويوم شاورما وصفيحا وهيك ياريت في عنا مطاعم بتطبخ اكلات شغل بيوت

بدكن تسألوني بلأكل الجاهز انا موسوعة هههههههههه

بس شو منشان لحمة بلصحن (الشي الطبيعي تكون لحمة بلصحن ) يعني وين بدا تكون اكيد بلصحن

[Salam L]

مشكورين جميعا.. انا صاير فيني شي ملقبين مرتبين ولذلك نفسيتي زفت والحمد لله...

وببقى بقرا بالتفاصيل شو كتبتوا... لنروق اول...

وشكرا استاذ منار على وصفة الفتة مكدوس... اطيب اكلة بالدنية... بشرط امي تطبخها... هههههههه

[beautiful life]

مشكورين جميعا.. انا صاير فيني شي ملقبين مرتبين ولذلك نفسيتي زفت والحمد لله...

وببقى بقرا بالتفاصيل شو كتبتوا... لنروق اول...

وشكرا استاذ منار على وصفة الفتة مكدوس... اطيب اكلة بالدنية... بشرط امي تطبخها... هههههههه



سلامتك يارب

ناطرين تروووقي :)

[beautiful life]

صباح الخير

صحتين وهنا

انتي بتعرفيها ولكن باسم اخر نحن بأنتظار شرح الانسة سلام ل فتة المكدوس زخلاصتها حسب ما اعتقد
كم بيتنجانة حبات صغيرة بحجم بيتنجان المكدوس تقشر جزئيا وتفتح بالسكين وتقلى بالزيت وثم تحشى لحمة مفر ومة مطبوخة ونقطع الخبز جيدا على شكل قطع الفتة ونضعه في صحن غميق كثيييييييير وثم نضع صلصة البندورة مع بصل وثوم ومبعرف شو كمان ونضع المكدوسات الي قليناهم وحشيناهم قبل شوي وثم نضع الطراطور يمكن لبن وطحينة او لبن لوحده وعليه سمنة او زيت زيتون وجنبه رز وكول اذا بتاكل وخصوصا اذا كنت صايم او جائع وصياما مقبولا .

والان مع الوصفة الحقيقية مع الانسة سلام الي ما بتطبخ هيي بس بتعرف الطبخات كيف بتصير وهاي دعاية الك مو منيحة ضحكي علينا وقولي بعرف اطبخ .




يسلمو كتير عالشرح طلعت عنجد مابعرفها وابدا ما اكلتها ... رح خليها لامي تساويها

وبنشوف ... :)

وشكر تاني للأستاذ منـــار :)

[best time]

أستاذ منار رح سميك
منار رمزي
Big GrinBig GrinBig Grin:eek:Big GrinBig GrinBig Grin

[manar]

أستاذ منار رح سميك
منار رمزي
big grinbig grinbig grin:eek:big grinbig grinbig grin
هذا شخص اتعرفت علية من حوالي 10 سنوات انت بتعرفو ايضا هو يعمل في مجال الديكورات

[manar]

يسلمو كتير عالشرح طلعت عنجد مابعرفها وابدا ما اكلتها ... رح خليها لامي تساويها

وبنشوف ... :)

وشكر تاني للأستاذ منـــار :)

عفوا صحتين وعافية

[غسان]

بما انو اليوم مشيت بشموس كومايات اكتر من العادة واحترء نفسي..........
بتوقع افطر تمرة وكاسيتن مي وكاستين عصير ..وخلصت
والله يعين اللي شغلو بشموس طول النهار وبيصوم ..وكل شي بحسابو

[best time]

داوود باشا

لاتسألوني كيف بصير لاني ما بعرف
بعرف بس اكل
اسألوا سلام والشيف منار

[غسان]

داوود باشا

لاتسألوني كيف بصير لاني ما بعرف
بعرف بس اكل
اسألوا سلام والشيف منار


صحتين ابو عدنان والله بنسمي الاكل اسماء غريبة عجيبة ..داوود باشا السفاح !!!
لحمس بالصحن (لحمة بالصحن )
حارء نفسو ( حراء اصبعو)
طابخ حالو ( طباخ روحو)

لو شوي مات ( بس مشكات)

ستي بالسمنة (جدي بالزيت)
شيخ محدين ... ( شيخ المحشي )

متفجرات (مناسف)

والحلو ياعيني عالحلو ....كول وشكور عصملية ......ام النارين .....

[hesham]

انا كان عندي عزيمة على الفطور
ثلاث عائلات اصدقاء
لذلك عملت زوجتي 4 اصناف من الطعام

1 - قوزة وهي عبارة عن رز مطبوخ مع بازيلا ولحمة ويتم وضعهم في عجينة مخصصة (ابو اللبن) مع المكسرات وتوضع في الفرن
2 - كدابات وهي عبارة عن برغل منقوع ومطحون ويصنع منع قطع مثل الكبة الحميص ولكن الحشوة هي بصل مع حمص مفقوش ثم يتم سلقهم وبعد ذلك يتم وضع القطع في جاط ويوضع فوقهم طحينة ممزوجة باللبن والحامض ...... ويمكن وضع دبس حامض بدلا من الطحينة
وهذه الاكلة طيبة جدا جدا
3 - محاشي باذنجان وكوسا ويقطين
4 - شيش برك وهو عبارة عن عجينة تقسم الى قطع صغيرة جدا وتحشى كل قطعة بلحمة وبصل وتطبخ باللبن وبجانب هذه الاكلة يتم طبخ برغل

[hesham]

الاخوة الاعزاء
من يرغب بمعرفة تفاصيل اي طبخة من الطبخات السابقة ( ربما تكون الاكلة معروفة ولكن تختلف بالاسم ) يرجى الاتصال بي لتزويده بكافة التفاصيل اللازمة من قبل ( الشيفة ) الغالية على قلبي...... زوجتي

[manar]

الاخوة الاعزاء
من يرغب بمعرفة تفاصيل اي طبخة من الطبخات السابقة ( ربما تكون الاكلة معروفة ولكن تختلف بالاسم ) يرجى الاتصال بي لتزويده بكافة التفاصيل اللازمة من قبل ( الشيفة ) الغالية على قلبي...... زوجتي
صحتين و عافية
الله يخليلك شيفتك الغالية

[manar]

صيادية سمك مع صوص + سمك تايلندي + سلطة

[Salam L]

صيادية سمك مع صوص + سمك تايلندي + سلطة


وشو هاد السمك التايلاندي؟؟؟
بعيلتي مابناكل ابدا اكل بحري.... ولا حتى طون...

نحنا اليوم فطورنا يبرق...وهو اكلة غنية عن التعريف.... وانا بالنسبة الي اهم شي تكون حامضة...
وسبحان الله الناس بتحب تاكل قطع اليبرق اللي مالها مفزورة( يعني اللي مالها مفتوحة وطالع منها الرز)... انا بالعكس هدول بدور عليهن وباكلهن انا ... بحس انو اطرى وطعمة المرقة طالعة فيهن ..

[Salam L]

انا كان عندي عزيمة على الفطور
ثلاث عائلات اصدقاء
لذلك عملت زوجتي 4 اصناف من الطعام

1 - قوزة وهي عبارة عن رز مطبوخ مع بازيلا ولحمة ويتم وضعهم في عجينة مخصصة (ابو اللبن) مع المكسرات وتوضع في الفرن
2 - كدابات وهي عبارة عن برغل منقوع ومطحون ويصنع منع قطع مثل الكبة الحميص ولكن الحشوة هي بصل مع حمص مفقوش ثم يتم سلقهم وبعد ذلك يتم وضع القطع في جاط ويوضع فوقهم طحينة ممزوجة باللبن والحامض ...... ويمكن وضع دبس حامض بدلا من الطحينة
وهذه الاكلة طيبة جدا جدا
3 - محاشي باذنجان وكوسا ويقطين
4 - شيش برك وهو عبارة عن عجينة تقسم الى قطع صغيرة جدا وتحشى كل قطعة بلحمة وبصل وتطبخ باللبن وبجانب هذه الاكلة يتم طبخ برغل
3 اكلات معروفين عنا... الاولى بس بنسميها اوزي....

بس التانية ماعنا فكرة عنها...

[Salam L]

داوود باشا

لاتسألوني كيف بصير لاني ما بعرف
بعرف بس اكل
اسألوا سلام والشيف منار

يميي... رح ذكر امي بهي الطبخة العظيمة....

انا كل اكلة فيها مرقة حمرا ومحطوح معها دبس رمان بموت عليها.... ويمكن مشان هيك بحب فتة المكدوس .. وحتى احيانا اذا مافي فتة مكدوس بعمل فتة لحمة بنفس طريقة فتة المكدوس وبحط معها دبس رمان فبتطلع النكهة قريبة....

بالنسبة للطريقة بعتقد ( مالي متأكدة تماما من التفاصيل الدقيقة) انو بيتم تقلاية بصل جوانح وبعدين بينحط معهن كرات لحمة لحتى يستوا نص نص... وبعدين بينضاف مي ورب البندورة ودبس رمان وملح... وبيضلوا بيغلوا هيك لتستوي... وبعدين يتم قلي بطاطا مكعبات على جنب... ووقت التقديم بتنحط البطاطا فوقها.... مع رز..

في ناس بتحط البطاطا مع الطبخة دغري مشان تصير المرقة سميكة.... نحنا احيانا هيك واحيانا هيك..

[Salam L]

صحتين ابو عدنان والله بنسمي الاكل اسماء غريبة عجيبة ..داوود باشا السفاح !!!
لحمس بالصحن (لحمة بالصحن )
حارء نفسو ( حراء اصبعو)
طابخ حالو ( طباخ روحو)

لو شوي مات ( بس مشكات)

ستي بالسمنة (جدي بالزيت)
شيخ محدين ... ( شيخ المحشي )

متفجرات (مناسف)

والحلو ياعيني عالحلو ....كول وشكور عصملية ......ام النارين .....

في اكله اسمها ستي زبقي!!! لا تسألني شو هية ماعندي فكرة....

وبالنسبة للحلو.... ذكرتني بالقطايف العصافيري... والتي هلق خطر ببالي ترجمها ل
Never life my birds
مو اول كلمة قطايف (قط) اي (Never)

[hesham]

3 اكلات معروفين عنا... الاولى بس بنسميها اوزي....

بس التانية ماعنا فكرة عنها...
اكلة الكدابات اكلة طيبة جدا جدا
واذا بدك تكرم شخص وتوجبوا بتعملوا هادي الاكلة لأنو بتعذب بالشغل يعني بدا شغل كتير
بس الحقيقة طيبة كتير كتير كتير
واذا كنتي مهتمة بطريقة اعدادها يمكنك ارسال رسالة لي على الخاص
وانا سأكتب لك رقم هاتف زوجتي لتتصل بك وتعطيكي التفاصيل

[BROKER]

صحتين وهنا للكل .... اما انا مارح احكي لانو شي بخجل قدام اللي عم ينحكا من انواع واصناف

[Salam L]

صحتين وهنا للكل .... اما انا مارح احكي لانو شي بخجل قدام اللي عم ينحكا من انواع واصناف




طبعا اللي مخليها على السحور بس هيك بدو يحكي.... انت قرر انك تفطر منيح واكيد رح تلاقي كتير انواع هههه

[Salam L]

انا شخصيآ

كل يوم اكل جاهز بس بحب شكل يعني يوم شيش ويوم فراريج ويوم شاورما وصفيحا وهيك ياريت في عنا مطاعم بتطبخ اكلات شغل بيوت

بدكن تسألوني بلأكل الجاهز انا موسوعة هههههههههه

بس شو منشان لحمة بلصحن (الشي الطبيعي تكون لحمة بلصحن ) يعني وين بدا تكون اكيد بلصحن

ممم في عندي سؤال كتير بيحرني

ليش الشباب العزابية مابيتعلموا الطبخ!! والله القصة مالها اختراع ذري!!
وفي طبخات فعلا مالها معقدة وسهل انو تتساوى....

[ابي نادر]

ممم في عندي سؤال كتير بيحرني

ليش الشباب العزابية مابيتعلموا الطبخ!! والله القصة مالها اختراع ذري!!
وفي طبخات فعلا مالها معقدة وسهل انو تتساوى....


انا بلنسبة الي يعني بدي قشر بصل وثوم وبطاطا..........ألخ

ما بحب ابدآ وبقول بشتري جاهز بس طبعآ بشتاق لأكل البيوت لحتى حدا يعزمنا ههههههههه ;)

احيانآ بلاقي وقت فراغ بقوم بحاول بأكلات بسيطة بس النتائج بتكون على طول في عندي نسبة فشل

بس بعرف مثلأا ققلي بيض وماجي ومعكرونة بلبن وبيض وبصل وبندورة بس فقط لاغير

يعني انا سنتين اذا ما بتجوز رح يصير وزني شي 70 كيلو مع العلم طولي 189 يعني لازم يكون وزني 85 بس هلا عما حاول انو انصح شوي بس بعد رمضان

[abu mhd]

ممم في عندي سؤال كتير بيحرني

ليش الشباب العزابية مابيتعلموا الطبخ!! والله القصة مالها اختراع ذري!!
وفي طبخات فعلا مالها معقدة وسهل انو تتساوى....

مو شغلة ما بيتعلموا
انا مثلا بعرف كم طبخة بس انوا طالع من بيتي الساعة 8 الصبح و ما برجع اقل يوم للساعة 6 المسا لسه بدي فكر شو بدي اطبخ و بلش بالطبخة بخلص الساعة 8 و جلي و مدري شو ساعة تانية
اي بكون اكلت و نمت و فقت قبل ما يطلع معي شو الطبخ مع انوا بحب اطبخ وقت كون فاضي اكيد مو محاشي بس يعني بعرف كم أكلة

برمضان بقضيها من بيت لبيت كل يوم عزيمة كل رمضان بقول بركي رمضان الجاية بتنحل مشكلتي لنشوف كمان هالسنة منقول يارب يكون اخر رمضان في شنططة

ابي نادر انت كمان متل حكايتي قاعد لحالك ما حدا معك ؟؟؟؟؟؟؟؟؟؟؟؟

[abu mhd]

عملت بحث عن اكلة ستي زبئي
ستي زمئي

المكونات :

عدس
معكرونة (عجين)
بصل
زيت
بهارات

طريقة التحضير :

نسلق العدس مع البصل المقطع ناعم
ثم نقطع العجين (او المعكرونة) قطع طوالية بطول 2 سانتي
بعد ان يستوي العدس نصف استواء نضيف العجين دون ازالة ماء العدس
و نضيف زيت زيتون و بهارات حسب الرغبة
و ننتظر حتى تستوي تماماً و لكن نحرص على ان لا تجف الماء نهائيا
يعني طيبة تكون مسقسقة شوي

[ابي نادر]

ابي نادر انت كمان متل حكايتي قاعد لحالك ما حدا معك ؟؟؟؟؟؟؟؟؟؟؟؟

من وقت كان عمري 26 سنة عايش لحالي Frown11

[Salam L]

والله زعلوتني عليكن انتوا الجوز...حاستتكن متل اللي عايشين بالصومال ...ههه

مؤيد بالمناسبة كتير نساء عاملات بيرجعوا من شغلهن بدهن يطبخوا ويمسحوا البيت ويدرسوا الاولاد!!

واذا بدك في اقتراح... انت جهز طبختين مثلا يوما ما المسا.... يعني فوت اطبخ الساعة عشرة بالليل.. اعتبرها سهرة.. وضل كول من هالاكلات يومين تلاتة.... وفيك حتى تحط اكل بالفريز وقت تجي من الشغل تسخنه... صدقني القصة سهلة هي بس بدها تنظيم وتخطيط... في نسوان بيفوتوا يوم الجمعة بيحضروا مشاريع اكل اسبوع كامل... في كتير اشياء بتتحضر سلف....

بس يلا مابقى حرزانة...هانت ورح تتجوز وفي مين يطبخلك...

الضرب هلق بقى على السيد ابي نادر.... هو اللي لازم يشد همته ويتعلم شي 3 اكلات اضافية....

يعني دخلك في اسهل من الرز ببزاليا؟؟ او الرز بفول؟؟ وفي خضر مجمدة بالسوبر ماركت... وفي نسوان بالبيوت بتجهز مونة... انت بس لازم تعمل كم حركة تخطيط وتنفيذ وبعدها كلو بيمشي حاله...

بالنسبة لفطوري اليوم كان بامية ورز....

[BROKER]

طبعا اللي مخليها على السحور بس هيك بدو يحكي.... انت قرر انك تفطر منيح واكيد رح تلاقي كتير انواع هههه

معك حق والله ....

اليوم رح اكتب أكلات لنشوف رح تعرفوها .. :coool: أكلتها لأول مرة بحياتي

اليوم فطرت باشمسكات ... ودجاج تاج الملك

شي طيب وظريف وعلى كيفكن

[Salam L]

معك حق والله ....

اليوم رح اكتب أكلات لنشوف رح تعرفوها .. :coool: أكلتها لأول مرة بحياتي

اليوم فطرت باشمسكات ... ودجاج تاج الملك

شي طيب وظريف وعلى كيفكن


هلق احلى خبرية انك فطرت متل الخلق والعالم بغض النظر عن نوع الاكل...

بالنسبة للباسمشكات (انت عكست السين والشين) معروفة... ولو انو نحنا مابنطبخها الا نادرا جدا..

بس شو هاد دجاج تاج الملك؟؟؟

[BROKER]

هلق احلى خبرية انك فطرت متل الخلق والعالم بغض النظر عن نوع الاكل...

بالنسبة للباسمشكات (انت عكست السين والشين) معروفة... ولو انو نحنا مابنطبخها الا نادرا جدا..

بس شو هاد دجاج تاج الملك؟؟؟

اي والله فطرت متل الخلق والعالم اليوم ...

الباسمكشات .. تمام هيك .... معروفة عندك ؟؟ يا خسارة قلت لحالي بفاجئكون Frown11

دجاج تاج الملك .... او دجاج الملك .... يمكن مافي تاج ... هلأ هية صدر جاج محطوط بصحن وعليه صلصة لونها أبيض وطيبة وبس ... غير هيك ما بعرف ... ومتل عادتي حطيت فلفل وكترت

[Salam L]

اي والله فطرت متل الخلق والعالم اليوم ...

الباسمكشات .. تمام هيك .... معروفة عندك ؟؟ يا خسارة قلت لحالي بفاجئكون frown11

دجاج تاج الملك .... او دجاج الملك .... يمكن مافي تاج ... هلأ هية صدر جاج محطوط بصحن وعليه صلصة لونها أبيض وطيبة وبس ... غير هيك ما بعرف ... ومتل عادتي حطيت فلفل وكترت


ههههههه الف صحة وهنا... وبالحقيقة فاجأتنا بأنك اكلت وهي لحالها مفاجأة...وفوقها كمان باسمشكات... اي انا مالي اكلتها من عشر سنين يمكن....

وبعتقد انو الصلصة اللي فوق الدجاج هي صلصة باشماميل... بدنا الشيف منار يتأكدلنا من اسم الطبخة لنعرف...

وطلع لازمك دورة تأهيل بالأكل فوق الفن...


مؤيد عليك به....مافي غيرك كفو لهي المهمة الصعبة..

[رندة]

رمضان كريم
مسا الخير
الباسمشكات من اكلاتي المفضلة
شرائح لحمة محشيةقليل من الرز و الكثير من الصنوبر واللخم تطبخ بصلصة بنية

يمكن الاكلة الثانية هي كوردون بلو \هي شرائح دجاج
محشية بالدجاح وجبنة القشقوان
مع صلصلة بيضاء بشاميل مع قليل من الكريمة

فطورنا مبارح صينية دجاح مع خضرة مشوي بكيس الفرن
-فريكة باللحمة -شوية كبة مشوية ومقلية وصينية


افطارا شهيا لكم جميعا

[Salam L]

اهلا مدام رندة....

مابعتقد كوردون بلو... لانو هو قال صدر دجاج فوق صلصة بيضاء.. ماجاب سيرة انو محشي...

وشهيتوني الباسمشكات لازم قدم طلب لأمي بركي بتوافق على طبخها ههههههه

بالنسبة للدجاج بالفرن رح اعطيكي وصفة سريعة وطيبة كتير كتير....

وهي الشباب بيعملوها بسهولة...

عدة قطع صدر دجاج
فنجان زيت زيتون
فنجان ليمون
ملح- بهار- فلفل
هيل مطحون ملعقة كبيرة
ثوم مدقوق ملعقة ونص كبيرة... ...
علما انو اساس الخلطة هي الثوم والهيل.... لانو رح تعطي مزيج نكهة هائل... وهدول رح يشكلوا مع الليمون والزيت نوع متل صلصلة مع الدجاج...
قليل من الكمون ... ممكن فليفلة حمرا مطحونة....
على فكرة انا بحط المقادير بدون تحديد.. يعني على النظر... بس عم حاول اعطي كميات تقديرية...

بتتركي المزيج منقوع قد مابتقدري... ساعتين تلاتة منيح... وبعدها بتحطيها بالفرن... يمكن بدو شي نص ساعة ليستوي... احيانا بنحط بالصينية بطاطا شرائح واحيانا لاء.. على هوا المزاج....


هلق بقى نفس هي المقادير ممكن تعدليها وتعمليها شيش طاووق....
بدال شرائح الدجاج بتحطي دجاج مقطع... نفسه تبع الشيش...

بتحطي نفس المقادير... انا بضيف الها احيانا ملعقتين كتشب... مشان اللون والنكهة...
بعد النقع... بتحطيهن بطنجرة على النار وبتقلبيه كم دقيقة لحتى تشوفي انو القطع صار فوقها طبقة استواء خفيفة... مابعرف شو بيسموا هي العملية لكن اكيد بتعرفي كيف... بس الشرح للشباب...

لانو قال اذا تغطى الدجاج اول مابينحط على النار مابيعود بيستوي منيح..ليش مابعرف.... المهم بعد شي 3 دقائق على النار بتضيفي شي فنجان مي او كاسة شاي مي... وبتغطي الطنجرة وبتتركيها.... وهيك لحتى يستوي الدجاج... المفروض يطلع طري ومعه الصوص اللي تشكل من الزيت والليمون وبقية المكونات...
وهي الاكلة احيانا اذا موجود فطر فريش بنحطه معها بيطلع كتير طيب...وبالمناسبة نكهة التوم مابتضل واضحة.. بتتغير كتير... يعني لاتخافوا انو تطلع نكهته قوية....
بس مو تحطوا نص كيلو توم بعدين تجوا تقولولي مو طيبة... هو بالحقيقة تحديد هي المقادير هو اللي بيفرق بين طبخة وتانية... وهو بذاته النفس بالطبخ....

وفيكي تعمل بطاطا مقلية او تساوي الشيش سندويش.. اللي هو... كل مرة شكل....
وصحتين والف هنا...

[فراس السكري]

اليوم الفطور عندي اسكالوب
ومبارح كان سمك هامور والله الاكل بحير
بس شو بده يعمل الواحد بده يفطر
شكر اخت سلام على الموضوع بحسس الواحد بالجوع

[رندة]

شكرا جزيلاً
الشيف سلام على الوصفة وبتشبه وصفتي بس في اعشاب بالتتبيلة

كيفك استاذ هشام
رمضان كريم لك ولعائلتك
نحن في اكلة يمكن ساحلية اسمها كببيبات سبانخ اوسلق
نحن مناكلها بمطعم نارنج
ممكن تستفسرنا عن الوصفة من المدام
وشكرا سلف

[beautiful life]

عم اسمع أكلات غريبه هون
وفكره أنو الدجاج مابيتغطى فورا أنا اليوم تشاطرت وطبخت وساويت دجاج مع بهارات متنوعه وزيت حلو ومابضفلا ماي بتستوي ع ميتها و كانت طيبه
وجنبها فينا نساوي صلصله عباره عن بطاطا مسلوقه بنقطعها وبنحطها عالخلاط ولبن وشوية طحينه وتوم وملح وبنخلطها كويس
وصحتين وهنا

[Adnan89]

على فكرة احدى الشروط الواجب توافرها في فتاة أحلامي أنو تكون صاحبة مراء بالطبخ و كل ما بحكي ادام حدا بيقوم بيقلي على الشروط التي حاططها ببالك ما لح بتلاقي واحدة هيك ما بعرف يمكن صح بس الله وكيلكم شروط عادية طبخ و ذوق و نظافة و ثقافة و رتابة و ....................... بيكفي هدول بلا ما حدا يئلي ...........................على الشروط التي حاططها ببالك ما لح بتلاقي واحدة هيك
و أن من أنصار أكل البيت و الابتعاد عن أكل السوق لأنو الله بيعلم شو حاطين فيه

[فراس السكري]

على فكرة احدى الشروط الواجب توافرها في فتاة أحلامي أنو تكون صاحبة مراء بالطبخ و كل ما بحكي ادام حدا بيقوم بيقلي على الشروط التي حاططها ببالك ما لح بتلاقي واحدة هيك ما بعرف يمكن صح بس الله وكيلكم شروط عادية طبخ و ذوق و نظافة و ثقافة و رتابة و ....................... بيكفي هدول بلا ما حدا يئلي ...........................على الشروط التي حاططها ببالك ما لح بتلاقي واحدة هيك
و أن من أنصار أكل البيت و الابتعاد عن أكل السوق لأنو الله بيعلم شو حاطين فيه
بما انك اثرت الموضوع
فهذا يشجعني على ان اسئل عدة اسئلة على امل ان تصل الفكرةاولا
الإسلام كرم المرأة وصانها وهذا مفروغ منه لكن المشكلة في التطبيق كما في كثير من الأشياء في الحياة وللأسف كثيراً كثيرا ً كثيرا ً ما يكون للعرف والتقاليد دور كبير للمجتمع ويكون بعيدا ًعن الشرع والدين ...

فعلى سبيل المثال ..

التدبير المنزلي للمرأة عادة وعرف مجتمع متعارف عليه نظرا لتفرغ المرأة منذ القدم وبحكم تواجدها في البيت مما وزع الأدوار تلقائيا ( الزوج في العمل والزوجة تخدم البيت ) في مقابلة أن الشرع والدين لا يجبران المرأة بفعل ما تقوم به حاليا ً .. أي أن الإسلام لا يلزم المرأة بخدمة زوجها شرعا :

ليس من واجبها تنظيف البيت .....

ليس من واجبها أن تطبخ وتنفخ .....

ليس من واجبها أن تغسل الملابس .....

ليس من واجبها حتى إرضاع الأطفال وتربتهم .....

ويا كثر من ليس من واجبها ... وليس من واجبها ... وليس من واجبها

أما الواجب الذي على الزوجة هو حفظ عرض الزوج وعدم الخروج من بيته إلا بأذنه وإنجاب أطفال ما دامت قادرة .. ! يعني تأكل وتنام فقط .. ! لست أدري ما هي الحكمة في ذلك ..؟

مادام السائد هو العرف الاجتماعي ، يعني أن الشرع سقط و مات لأن الزوجة في البيت بمثابة ( خادمة )

أما الذي غير مفروغ منه هو تجول بعض الإسئلة و التي تدور في بالي دائما ً :

هل يحق للزوجة رفض الأعمال المنزلية .. ؟

هل يحق للزوجة رفض إرضاع الأطفال وتربيتهم .. ؟


هل يحق للزوجة مطالبة زوجها بممارسة أعمالها الخاصة ( دراستها أو مشاريعها ) ؟؟

هل يحق للزوجة طلب راتب و إلزام الزوج بالدفع على أي شيء تعمله من غسيل وطبخ وتنظيف وتغسيل وحتى إرضاع الأطفال .. ؟

[Salam L]

أخي فراس.. انا بعتقد انو نعم يحق لها رفض كل هذه الامور.... مع انو المنطق بيقول انو لازم تعملها...
لكن انت هون عم تسأل عن حكم شرعي... والشرع هيك بيقول ولو انو مو كل الرجال بيعترفوا بهاد الكلام... واللي بدو يحتكم للشرع لازم يرضى بأحكامه!!

لكن بالنهاية.... وان كان بيحق الها الرفض... فالأفضل انو تقوم بهي الامور... مشان مصلحة العائلة.... وبنفس الوقت لازم الرجل يقدر لها هذا الامر... واذا قصرت بيوم من الايام يعتبر انو الموضوع كتير عادي... وطبيعي...

لكن اذا كان رجل سيء...وهو بالاساس مقصر بواجباته...وفوقها يجي يطالب المرأة بأمور الله ما اجبرها تساويها... ويخانق ويبهدل اذا قصرت شوي... فبظن هالامر لا بيرضاه لا عقل ولا دين...