جلسة صالون المنتدى ليومي الجمعة 12-8 والسبت 13-8-2011

[saeed]

كأنو حتى مؤيد اليوم برجوازي :rolleyes2:

يسعد صباحك أخت روان ...
السهرة كانت كتير حلوة ومميزة جداً .. مع عودة الغائبين .. وحضور ضيف جديد للأسرة ..
( نتمنى أن تكون السهرة تركت عند الضيف انطباعاً جيداً عن أسرة سيريا ستوكس بشكل عام ... وبصراحة الكل .. رحب بالضيف وتمنى أن يكون معنا دائماً ) ..

أما مؤيد .. فهو حكاية لحاله ...
صرلو يومين مو نايم وعنده شغل بكير وتعبان واقترب اليوم التاريخي للزفاف ( إن شاء الله التمام على خير والله ييسر له كل أموره ) ..

[economic opinion]

يسعد صباحك أخت روان ...
السهرة كانت كتير حلوة ومميزة جداً .. مع عودة الغائبين .. وحضور ضيف جديد للأسرة ..
( نتمنى أن تكون السهرة تركت عند الضيف انطباعاً جيداً عن أسرة سيريا ستوكس بشكل عام ... وبصراحة الكل .. رحب بالضيف وتمنى أن يكون معنا دائماً ) ..

أما مؤيد .. فهو حكاية لحاله ...
صرلو يومين مو نايم وعنده شغل بكير وتعبان واقترب اليوم التاريخي للزفاف ( إن شاء الله التمام على خير والله ييسر له كل أموره ) ..
آمين يا رب الله ييسرلوا كل أمورو وعقبال مانفرح فيكون كلكون :)
والحمد لله إنكون انبسطتوا والله ساعة البسط هالأيام ما بتتفوت

[economic opinion]

وأنت كيفك أخي سعيد؟

[abu mhd]

كأنو حتى مؤيد اليوم برجوازي :rolleyes2:

صباح الخير :)
والله متل ما ذكر الأخ سعيد انوا صارلي يومين مو نايم و اليوم ما نمت للساعة 5 فجرا رجعت من السهرة مع الشباب و تسحرت و كان باقي شوي للفجر فصليت و نمت و تأخرت شوي عن شغلي شي ساعة :eek:
بس لسه من الطبقة الكادحة بس اليوم تأخر شوي مبارح كانوا كلهم برجوازيين بالسهرة فأخدت نتر منهم Big GrinBig GrinBig Grin

[abu mhd]

صباح الخير جميعا
بداية اسبوع موفقة لكل اللي بدأ عملهم اليوم الأحد
اما المعترين متل حكايتنا فبكرة بيكون صار نصف الاسبوع عندهم

[economic opinion]

صباح الخير :)
والله متل ما ذكر الأخ سعيد انوا صارلي يومين مو نايم و اليوم ما نمت للساعة 5 فجرا رجعت من السهرة مع الشباب و تسحرت و كان باقي شوي للفجر فصليت و نمت و تأخرت شوي عن شغلي شي ساعة :eek:
بس لسه من الطبقة الكادحة بس اليوم تأخر شوي مبارح كانوا كلهم برجوازيين بالسهرة فأخدت نتر منهم Big GrinBig GrinBig Grin
يعطيك ألف ألف عافية يا أخي يا مؤيد وأنا مني منك ما بقصر بهيك وقت مشان ما تندم بعدين Big Grin

[economic opinion]

وشو لعبتو مبارح، علمتو لرامي شدة أو طاولة؟ طب لعبو برسيس ولا كمان ما بيعرف؟

[abu mhd]

الأخ رامي صارلوا يومين مستلمني ما بعرف ليش ونازل نتف بريشي يوم تأخر و يوم مدري شبو و يوم راحت عليك السهرة
بخصوص اني رحت مبارح قبل نهاية السهرة فلأنوا كنت تعبان و على أمل نام شوي قبل السحور بس وصلت الساعة 2.30 فراحت عليي غير انوا في مين عم يستناني على التلفون و اخر شي ما طلعت راضي حدا
رامي نازل نتف بريشي من جهة و من جهة تانية كمان نتف بريشي و طلعت مدري وين صايع
يعني بالحالتين اكلناها

[abu mhd]

وشو لعبتو مبارح، علمتو لرامي شدة أو طاولة؟ طب لعبو برسيس ولا كمان ما بيعرف؟

رامي ما انحرف و شكلي رح اتعب معوا كتير لحتى ينحرف :coool::coool:
انا و سعيد لعبة طاولة زهر و كانت النتيجة تعادل ay1
بس الزهر وقف معوا برحلة التعادل ولولا هيك ما كان شافواBig GrinBig GrinBig Grin

[economic opinion]

الأخ رامي صارلوا يومين مستلمني ما بعرف ليش ونازل نتف بريشي يوم تأخر و يوم مدري شبو و يوم راحت عليك السهرة
بخصوص اني رحت مبارح قبل نهاية السهرة فلأنوا كنت تعبان و على أمل نام شوي قبل السحور بس وصلت الساعة 2.30 فراحت عليي غير انوا في مين عم يستناني على التلفون و اخر شي ما طلعت راضي حدا
رامي نازل نتف بريشي من جهة و من جهة تانية كمان نتف بريشي و طلعت مدري وين صايع
يعني بالحالتين اكلناها
الله يعينك والله يا مؤيد والله قصة :confused2::confused2::confused2::confused2::confu sed2::confused2::confused2::confused2:
بس مؤيد لا تقلق يوم لك ويوم عليك وين بدو يروح منك رامي Big GrinBig GrinBig Grin

[abu mhd]

ردا على سؤال سابق للأنسة سلام
فأنا أهلي \ أبي و أمي \ متوفين رحمهم الله منذ مدة طويلة يعني ابي ما كتير بذكره كان عمري 6 سنوات وقت توفى و أمي كان عمري 14 سنة رحمهم الله

اما اليوم السابع بالأسبوع فماشاء الله ما بيمرق عليكي شي
والله هو هاد يوم احتياط لطلعة مع الشباب او عزيمة لزبون بالشغل
يعني يوم راحة من الجمييييييييييييييييييييييع

[economic opinion]

رامي ما انحرف و شكلي رح اتعب معوا كتير لحتى ينحرف :coool::coool:
انا و سعيد لعبة طاولة زهر و كانت النتيجة تعادل ay1
بس الزهر وقف معوا برحلة التعادل ولولا هيك ما كان شافواBig GrinBig GrinBig Grin
حرام عليكون إذا بدكون تحرفو معلش احرفو بتعلم شي لعبة بس غير هيك تركوه.
لعبتو محبوسة ولا مغربية إنت وسعيد ؟ :rolleyes2:

[saeed]

وأنت كيفك أخي سعيد؟

الحمد لله دائما وأبدا ...
اليوم معنويات عالية جداً ..
بعد سهرة مميزة جداً مع الشباب ..
أما بالنسبة للعب ..
فكانت لعبة الطاولة ( الزهر ) مع مؤيد العزيز وتعادلنا ( 1-1 ) يعني طلعنا أحباب ..
وما حبينا نكمل مشان ندردش مع الشباب ...

اللقاء مع الشباب .. بريح الأعصاب .. وبخفف التوتر كتير .. ومنفضفض لبعض :):)
الله يديم المحبة والألفة بين الأسرة الغالية ..
ويلي الواحد فيهن بس يدخل بجو الأسرة ..
مستحيل يستغني عنها ... وبتصير من أهم أولوياته ..
ولقاءتها فرض عين على الجميع ..:)Big Grin

[العربي]

صباح الخير صبايا و شباب
صارت الساعة 11 ألم تشتاقوا إلى شاشة السوق ؟

[abu mhd]

الله يعينك والله يا مؤيد والله قصة :confused2::confused2::confused2::confused2::confu sed2::confused2::confused2::confused2:
بس مؤيد لا تقلق يوم لك ويوم عليك وين بدو يروح منك رامي big grinbig grinbig grin

والله شايف يوم عليي ويوم عليي كمان
اما رامي فأنا عاطيه مهلة لبعد رمضان يا بينحرف لحالوا يا بعدين رح حطه ببالي بس لأفضاله شوي

[economic opinion]

ردا على سؤال سابق للأنسة سلام
فأنا أهلي \ أبي و أمي \ متوفين رحمهم الله منذ مدة طويلة يعني ابي ما كتير بذكره كان عمري 6 سنوات وقت توفى و أمي كان عمري 14 سنة رحمهم الله

اما اليوم السابع بالأسبوع فماشاء الله ما بيمرق عليكي شي
والله هو هاد يوم احتياط لطلعة مع الشباب او عزيمة لزبون بالشغل
يعني يوم راحة من الجمييييييييييييييييييييييع
الله يرحمون ويجعل الجنة ديارهون مع النبيين والصدقين
والله أنا معك بقصة الراحة من الجميع باليوم السابع، حقك الطبيعي

[abu mhd]

حرام عليكون إذا بدكون تحرفو معلش احرفو بتعلم شي لعبة بس غير هيك تركوه.
لعبتو محبوسة ولا مغربية إنت وسعيد ؟ :rolleyes2:

والله اكتر من لعبة طاولة او شدة مو طالع بإيدنا حتى نحنا ننحرف يعني انا بيعتبرني رامي من المنحرفين لأنوا بأركل Big GrinBig Grin
لعبنا محبوسة
شكلك لعيبة طاولة زهر
لازم نساوي اجتماع لكل أسرة سيريا ستوكس و نتعرف على مواهبك بلعب الطاولة

[saeed]

صباح الخير صبايا و شباب
صارت الساعة 11 ألم تشتاقوا إلى شاشة السوق ؟

يسعد صباحك د. فاروق الغالي .. ( اشتقنالك كتير ) ...
مبارح تذكرنا آخر جمعة معك ومع أخونا وحبيبنا غالب ( سومي ) ...
بأول يوم من أيام 2011 كانت من الجلسات المميزة ..
نسأل الله العلي القدير أن تعود تلك الأيام بأفضل حال وأروع صورة ..

[economic opinion]

والله اكتر من لعبة طاولة او شدة مو طالع بإيدنا حتى نحنا ننحرف يعني انا بيعتبرني رامي من المنحرفين لأنوا بأركل Big GrinBig Grin
لعبنا محبوسة
شكلك لعيبة طاولة زهر
لازم نساوي اجتماع لكل أسرة سيريا ستوكس و نتعرف على مواهبك بلعب الطاولة
الطاولة بس محبوسة المغربية مو لعبة :rolleyes2:
بس والله بلعب شوي بس مالي حريفة يعني دوبني بعرف حرك الحجار وحتى لهلأ بعد :StickOutTongue
والشدة بعرف إلعب معظم اللعب يلي فيها بس كمان مالي خلق إلها أبداً وما بلعب إلا مسايرة
بس كتير بحب إلعب برسيس :StickOutTongue:StickOutTongue وحريفة فيها

[Ship World]

صباح الخير جميعا
و نهاركم حلو محلى بالورد و الامل والامان

[saeed]

رامي ما انحرف و شكلي رح اتعب معوا كتير لحتى ينحرف :coool::coool:
انا و سعيد لعبة طاولة زهر و كانت النتيجة تعادل ay1
بس الزهر وقف معوا برحلة التعادل ولولا هيك ما كان شافواBig GrinBig GrinBig Grin


أول شي كانت الجولة الأولي لصالحنا ..
وبلش يتكركب مؤيد .. فشو قلت لحالي خلي يربح هي الجولة بالأخص صرلوا زمان ما لعب زهر ... :rolleyes2:
وبعدين بالجولة الثانية .. بعادله ..marsa
وهذا ما حصل بالضبط .. Big GrinBig Grin
ومشان نطلع حبايب .. مو معقول خسره ونحن برمضان .. Big GrinBig Grin

[economic opinion]

صباح الخير صبايا و شباب
صارت الساعة 11 ألم تشتاقوا إلى شاشة السوق ؟
صباح الخير يا أخي العربي ولا ما بعرف هالشاشة شو سرها :rolleyes2: ليش بتخلينا نتعلق فيها كل هالأد :confused2:

[saeed]

صباح الخير جميعا

و نهاركم حلو محلى بالورد و الامل والامان


ربي يسعد صباحك بأنوار النبي ..
كيفك أبو عبد الله العزيز ...
وكيف جزيرة مرمرا بتركيا ... ( الآن صح ) ..

[العربي]

ردا على سؤال سابق للأنسة سلام
فأنا أهلي \ أبي و أمي \ متوفين رحمهم الله منذ مدة طويلة يعني ابي ما كتير بذكره كان عمري 6


رحمهما الله و أسكنهما فسيح جناته

[economic opinion]

صباح الخير جميعا

و نهاركم حلو محلى بالورد و الامل والامان

نهارك وليلك وأيامك كلها خير وأمان ووطن أخي القبطان، كيف البحر اليوم؟

[العربي]

يسعد صباحك د. فاروق الغالي .. ( اشتقنالك كتير ) ...
مبارح تذكرنا آخر جمعة معك ومع أخونا وحبيبنا غالب ( سومي ) ...
بأول يوم من أيام 2011 كانت من الجلسات المميزة ..
نسأل الله العلي القدير أن تعود تلك الأيام بأفضل حال وأروع صورة ..

أهلين أخي سعيد اشتقنا لكم
أعاد الله تلك الايام

[saeed]

ردا على سؤال سابق للأنسة سلام
فأنا أهلي \ أبي و أمي \ متوفين رحمهم الله منذ مدة طويلة يعني ابي ما كتير بذكره كان عمري 6 سنوات وقت توفى و أمي كان عمري 14 سنة رحمهم الله

اما اليوم السابع بالأسبوع فماشاء الله ما بيمرق عليكي شي
والله هو هاد يوم احتياط لطلعة مع الشباب او عزيمة لزبون بالشغل
يعني يوم راحة من الجمييييييييييييييييييييييع


الله يرحمهم يارب ويجعل مثواهم الجنة بإذن الله ..
أخي مؤيد .. صحيح الأشخاص يلي ما عندهن أب وأم فعلياً وماعاشوا معهن وما كبروا معهن ...... نظرياً محرومين من شي مهم جداً ...
ولكن .. سبحان الله .. رب العالمين بيبلي وبعين ..
فتجدهم من أكثر الأشخاص تميزاً ومبدعين وناجحين في الحياة ....
يمكن من الأسباب أنهم تحملوا المسؤولية على صغر ...
ولكن الله أكيد وأكيد لم يظلمهم ... ولم يحرمهم ..
بل هذه قمة العطاء والرعاية الربانية ...

في حين تجد كثير ممن لهم أب وأم وهم من أفشل الناس ...

سبحان الله ...

[العربي]

صباح الخير يا أخي العربي ولا ما بعرف هالشاشة شو سرها :rolleyes2: ليش بتخلينا نتعلق فيها كل هالأد :confused2:

هاي الشاشة بتعمل إدمان
بس ان شا الله يكون الادمان عل الشاشة بس مو على لونها فاللون الاحمر صار مؤذي ;)

[Ship World]

طيب أكله لطباخ الببور؟؟ :);)

بس الفكرة انو انا وانت فطرنا محشي.... وبالنسبة للحمص المدقوق بيسموه بالشام مسبحة.... وبيعملوه بطحينة وليمون.... وبحمص بيعملوه بزيت وليمون (اطيب ) ...

بالنسبة لطبخ بوكرة فالموضوع عندي قيادة المنزل مو عندي...ولو انو كل يوم امي بتتلبك وبتكون مو عرفانة شو تطبخ بجي أنا بقترح عليها بعض الاقتراحات...ودائما بحاول نقي اسهل طبخة لانو مابتفرق معي كتير....المهم في اكل والحمد لله....

صباح الخير اخت سلام
و امبارح انا بعتت الرد و خرب النت عندي و منشان اكلات الطباخ شو جاب لجاب وين اكل البيت و وين اكل الطباخ الفرق من السماء للارض الله يخليلي ام الاولاد و بالنسبة للحمص المدقوق في طرطوس بعملوه بطحينة و زيت و هيك نحن بنلاقيه اطيب :)

[Ship World]

ربي يسعد صباحك بأنوار النبي ..
كيفك أبو عبد الله العزيز ...
وكيف جزيرة مرمرا بتركيا ... ( الآن صح ) ..

شكرا اخي سعيد الله يعطيك العافية
صح نحن الان بجزيرة مرمرة نشحن رخام الى طرطوس او بيروت ان شاء الله و الحمد لله عندنا الطقس برودة و جميل و كيف الطقس اليوم بالشام

[economic opinion]

صحيح أخي مؤيد بينا وبينك لوين فركتا مبارح ؟ لا تضحك علينا متل ما ضحكت على خطيبتك Big Grin
يعني مارح نفسد عليك

[economic opinion]

شكرا اخي سعيد الله يعطيك العافية



صح نحن الان بجزيرة مرمرة نشحن رخام الى طرطوس او بيروت ان شاء الله و الحمد لله عندنا الطقس برودة و جميل و كيف الطقس اليوم بالشام

يا سيدي أنا ساكنة بريف دمشق تقريباً بمنطقة اسمها قرى الأسد والجو عنا كتيييييييير حلو بيصير أيام شوية برد بالليل يس كتيييييييييير الجو منعش
وكنا أنا وأهلي يوم الجمعة عم نفطر ببلودان بس كان كتيييييييييييير برد تخيل إنو درجة الحرارة الساعة 10 مساءً كانت 16 سقعنا

[وائل77]

صباح الخير شايف لازم نشكر ادارة السوق لعدم وجود جلسة فبدل من سم البدن اصبح الحديث عن الطبخ والسحور وطاولة الزهر
اقترح تقديم دروس في الطبخ وطاولة الزهر من الخبرات التي ظهرت في المنتدى اضافة للتحليل الفني للاسهم وهكذا منكون كسبنا تتجارب من كل المحافظات وشكرا

[Ship World]

اخواني الكرام لدي طلب
و هو وضع شارت للشركات الدولي الاسلامي و سورية و المهجر و بنك قطر بس يكون بالشموع اليابانية لاخر يوم للتداول ان امكن
و لكم الشكر

[Ship World]

صباح الخير شايف لازم نشكر ادارة السوق لعدم وجود جلسة فبدل من سم البدن اصبح الحديث عن الطبخ والسحور وطاولة الزهر
اقترح تقديم دروس في الطبخ وطاولة الزهر من الخبرات التي ظهرت في المنتدى اضافة للتحليل الفني للاسهم وهكذا منكون كسبنا تتجارب من كل المحافظات وشكرا

يسعد ايامك اخي وائل
و الصالون مفتوح لجميع المواضيع لا على التعين فا ان كان عندك اي موضوع فيك تطرحو في صالون المنتدى :)

[saeed]

صباح الخير شايف لازم نشكر ادارة السوق لعدم وجود جلسة فبدل من سم البدن اصبح الحديث عن الطبخ والسحور وطاولة الزهر
اقترح تقديم دروس في الطبخ وطاولة الزهر من الخبرات التي ظهرت في المنتدى اضافة للتحليل الفني للاسهم وهكذا منكون كسبنا تتجارب من كل المحافظات وشكرا

يسعد صباحك أخي وائل ..
أحياناً نجتمع ساعات وساعات ..
ولا نتحدث كلمة واحدة عن الأسهم ...
يمكن ملينا .. يمكن صار الحديث يسبب الكثير من الازعاج ...
وصار بدنا نفتح أي نافذة ترويح عن النفس وتخفيف الضغوط ..
يلي صارت للأسف ضغوط بالجملة .. ومن كل الجهات ..
فرج الله عن الجميع ..
( أخي وائل صار لازم نتعرف عليك إن كنت ساكن بدمشق .. شو رأيك؟ ) ..

[abu mhd]

صحيح أخي مؤيد بينا وبينك لوين فركتا مبارح ؟ لا تضحك علينا متل ما ضحكت على خطيبتك Big Grin
يعني مارح نفسد عليك

يا حبيبي نحنا برامي مو خالصين كمان انتي :mad::mad::mad:
على العموم انا طلعت من السهرة 2.15 ووصلني الأخ منار جزاه الله خيرا
و اللي بيحب يتأكد من المكالمات الصادرة من البيت الساعة 2.30 يتفضل يتأكد
يعني الساعة 2.30 بالليل و الدنيا رمضان وين بدي روح يا على البيت يا على الجامع مافي حل تالت ابدا

[Ship World]

نهارك وليلك وأيامك كلها خير وأمان ووطن أخي القبطان، كيف البحر اليوم؟

شكرا اختي العزيزة روان
و الطقس الحمد لله طقسية ( منيح ) و الجو ايام صيفية و بصير بعض الاحيان ريح بس بكون ريح سطحي
يعني الحمد لله بالصيفية تكون معنا تمام بس بالشتوية بصير ندور وين نبدنا نتخبا من البحر العالي :)

[economic opinion]

يا حبيبي نحنا برامي مو خالصين كمان انتي :mad::mad::mad:
على العموم انا طلعت من السهرة 2.15 ووصلني الأخ منار جزاه الله خيرا
و اللي بيحب يتأكد من المكالمات الصادرة من البيت الساعة 2.30 يتفضل يتأكد
يعني الساعة 2.30 بالليل و الدنيا رمضان وين بدي روح يا على البيت يا على الجامع مافي حل تالت ابدا
أخونا منار :eeek::eeek: معناها شهد شاهدٌ من أهله Big GrinBig Grin

[saeed]

شكرا اختي العزيزة روان

و الطقس الحمد لله طقسية ( منيح ) و الجو ايام صيفية و بصير بعض الاحيان ريح بس بكون ريح سطحي
يعني الحمد لله بالصيفية تكون معنا تمام بس بالشتوية بصير ندور وين نبدنا نتخبا من البحر العالي :)



ما زالت الأعضاء تترقب بكل شغف قصص وحكايا عالم البحار المليء بالمفاجآت والإثارة ...
نأمل أن تكون قريبة .. :):)

[العربي]

اخواني الكرام لدي طلب


و هو وضع شارت للشركات الدولي الاسلامي و سورية و المهجر و بنك قطر بس يكون بالشموع اليابانية لاخر يوم للتداول ان امكن

و لكم الشكر


أخي انا ما عندي غير الشارت الموجود في موقع السوق

هذا الدولي الاسلامي
http://syria-stocks.com/forum/attachment.php?attachmentid=2868&d=1313312474

كيف تقرؤونه ؟

[وائل77]

أخ سعيد أنا ساكن بالشام وبعرف من الشباب بس بشار يلي فيه الخير والبركة وان شاء الله منشوفمك بوقت قريب ،

[Ship World]

ما زالت الأعضاء تترقب بكل شغف قصص وحكايا عالم البحار المليء بالمفاجآت والإثارة ...
نأمل أن تكون قريبة .. :):)

ان شاء الله اخي سعيد
بتكون جاهزة في فترة قريبة

[economic opinion]

ان شاء الله اخي سعيد

بتكون جاهزة في فترة قريبة

عم ننتظرها بفارغ الصبر :):):)

[economic opinion]

أخي انا ما عندي غير الشارت الموجود في موقع السوق

هذا الدولي الاسلامي
http://syria-stocks.com/forum/attachment.php?attachmentid=2868&d=1313312474

كيف تقرؤونه ؟
دكتور على حسب معلوماتي بانسبة للأعمدة يلي تحت بتعبر عن أحجام التداول، أما الشموع اليابانية يلي مرسومة فوق (المخطط) بيمثل سعر الإفتتاح وسعر الإغلاق للجلسة يللي هنة الجزة الملون وأما الخطوط الرفاع يلي فوقون او تحتون بيمثلو أعلى سعر تنفذ بالجلسة وأقل سعر تنفذ بالجلسة والشمعة الخضرا يعني السوق كان طالع والشمعة الحمرا يعني السوق كان نازل
وإذا حدا بيعرف غير هيك أرجو إنو تصححولي

[economic opinion]

صباحك ورد وفل وزنبق وأمان أخي محمد درويش كيفك وكيف أهلك وشو أخبارك

[Ship World]

أخي انا ما عندي غير الشارت الموجود في موقع السوق

هذا الدولي الاسلامي
http://syria-stocks.com/forum/attachment.php?attachmentid=2868&d=1313312474

كيف تقرؤونه ؟

شكرا اخي العربي على الاجابة
و اني اتدرب على التحليل الفني فلذلك ساحاول ان اطبق ما تعلمته عليه و ادعو كل الاخوة الى يكون
هناك تدريب على النت و تصحيح من لديه الخبرة لتكون لديهم القدرة على قرائة السوق
و شكرا مجددا لك و طاب يومك بكل خير

[Ship World]

دكتور على حسب معلوماتي بانسبة للأعمدة يلي تحت بتعبر عن أحجام التداول، أما الشموع اليابانية يلي مرسومة فوق (المخطط) بيمثل سعر الإفتتاح وسعر الإغلاق للجلسة يللي هنة الجزة الملون وأما الخطوط الرفاع يلي فوقون او تحتون بيمثلو أعلى سعر تنفذ بالجلسة وأقل سعر تنفذ بالجلسة والشمعة الخضرا يعني السوق كان طالع والشمعة الحمرا يعني السوق كان نازل
وإذا حدا بيعرف غير هيك أرجو إنو تصححولي

شكرا اخت روان الله يعطيك العافية
و هيدا صحيح لتكوين الشمعة او المخطط اما ماذا يقول المخطط مستقبلا و كيف نستخرج المعلومات منه هيدا يلي لازم نتدرب عليه ;)

[economic opinion]

شكرا اخت روان الله يعطيك العافية


و هيدا صحيح لتكوين الشمعة او المخطط اما ماذا يقول المخطط مستقبلا و كيف نستخرج المعلومات منه هيدا يلي لازم نتدرب عليه ;)

هو إجمالاً أخي القبطان التحليل الفني بيعتمد على أن الزمن يعيد نفسه و بيتوقع المستقبل من خلال أداء الماضي

[العربي]

دكتور على حسب معلوماتي بانسبة للأعمدة يلي تحت بتعبر عن أحجام التداول، أما الشموع اليابانية يلي مرسومة فوق (المخطط) بيمثل سعر الإفتتاح وسعر الإغلاق للجلسة يللي هنة الجزة الملون وأما الخطوط الرفاع يلي فوقون او تحتون بيمثلو أعلى سعر تنفذ بالجلسة وأقل سعر تنفذ بالجلسة والشمعة الخضرا يعني السوق كان طالع والشمعة الحمرا يعني السوق كان نازل
وإذا حدا بيعرف غير هيك أرجو إنو تصححولي

صحيح كلامك
و لكن من خلال الرسم ماهي قراءتك لحركة السعر و ماهي توقعاتك

[العربي]

شكرا اخي العربي على الاجابة

و اني اتدرب على التحليل الفني فلذلك ساحاول ان اطبق ما تعلمته عليه و ادعو كل الاخوة الى يكون
هناك تدريب على النت و تصحيح من لديه الخبرة لتكون لديهم القدرة على قرائة السوق

و شكرا مجددا لك و طاب يومك بكل خير


هات ياقبطاننا أنت تبحر و في البحر أمواج كيف تقرء امواج شارتنا ؟

[العربي]

مع الاسف انا الكمبيوتر الذي استعمله حاليا لايوجد به برامج تشارت لذلك استعملت شارت موقع السوق و هو قصير المدة يرجى ممن يستطيع رفع الشارت الكامل

[economic opinion]

دكتور فيك من هاد الرابط لموقع السوق تحدد الفترة يلي بدك يظهرها المخطط
http://www.dse.sy/user/?page=issuers_company_show&tab=6&id=10

[العربي]

دكتور فيك من هاد الرابط لموقع السوق تحدد الفترة يلي بدك يظهرها المخطط
http://www.dse.sy/user/?page=issuers_company_show&tab=6&id=10

مع الاسف عملية تعديل سعر السهم بعد التوزيعات او زيادة راس المال أو تعدبل القبمة الاسمية تجعل شارت الموقع مشوها و غير مطابق للحقيقة , الشارت الذي من الممكن الاعتماد عليه هو الشارت المعدل الذي يقوم برفعه اخي غالب في قسم بيانات الميتاستوك

[saeed]

أخ سعيد أنا ساكن بالشام وبعرف من الشباب بس بشار يلي فيه الخير والبركة وان شاء الله منشوفمك بوقت قريب ،

أهلا وسهلا بك أخي وائل ..
إذن اللقاء أصبح أسهل بكثير ...
إن شاء الله نلتقي بأقرب فرصة .. ويمكن قبل نهاية برمضان ...

[غالب]

صباح الخير يا شباب

شو قصتكم مو داخلين صالونات قبل كانوا ما حكيتوا بزمانكم نمت ساعتين قمت شفت شي 6 صفحات جديدة الله يبارك بكم جميعا .

اريح شي انوالصالون بدون جلسة تداول .

[غالب]

نرحب يالدكتور فاروق ( العربي)في صالوننا الجميل والذي يزداد جمالا بوجودك معنا

[Ship World]

هات ياقبطاننا أنت تبحر و في البحر أمواج كيف تقرء امواج شارتنا ؟

امواج البحر بيفهم عليها تمام و الحمد لله
بس هيدي الامواج بدا مترجم حتى يعرفا و بعدني بهدول الامواج جديد فالافضل اخد نفس عميق قبل الغوص بها حتى يضل فيه اوكســـجين و يكون فينا نطلع

[غالب]

الاخت روان ما شاء الله عليكي مسبعة الكارات بس شو هي نرسيس ما سامع فيها ولا الها غير اسم لازم تعلمينا اياها .

[غالب]

مع الاسف لازم نفتتح جلسة التداول ليوم غد وعندها سنضطر اسفين للانتقال لهناك في نقل حي ومباشر

[العربي]

نرحب يالدكتور فاروق ( العربي)في صالوننا الجميل والذي يزداد جمالا بوجودك معنا

تسلم أخي العزيز أبو النور

[العربي]

امواج البحر بيفهم عليها تمام و الحمد لله
بس هيدي الامواج بدا مترجم حتى يعرفا و بعدني بهدول الامواج جديد فالافضل اخد نفس عميق قبل الغوص بها حتى يضل فيه اوكســـجين و يكون فينا نطلع

أي نفس عميق ياعزيزي يمكن الواحد لازم ينزل معه أسطوانة اكسجين Big Grin

[Salam L]

لسا بكير على الانتقال للمتابعة...خلونا رايقين كمان كم ساعة...هههههه

وهلق انكشف سبب غيابكن مبارح... لكن لل 4 الصبح برات البيت وبدكن مايجيكن تلفونات سرية....


ومؤيد الله يرحمهن للوالد والوالدة ويجعل مثواهن الجنة....والله يعوضك بالدينة والآخرة....

[sommmmy]

اليكم الشارت بالكامل

http://www8.0zz0.com/2011/08/14/10/649139631.jpg

[Ship World]

أي نفس عميق ياعزيزي يمكن الواحد لازم ينزل معه أسطوانة اكسجين big grin

شكرا دكتور فاروق على النصيحة
صار الواحد لازم ياخذ حذره اكتر قبل ما يتهور و يفوت بهل البحور ( جمع بحر ) :)

و يومك مشرق بالسعادة ان شاء الله

[Ship World]

مساء الخير اخ غالب ( سومي )
و شكرا على التشارت و لكنها لمدة سنتين و ارغب في تشارت يكون ليوم او للجمعة او شهر و لكن افضل ليوم لتظهر الشمعات بوضوح

و تقبل تحياتي

[مجد]

بالنسبة الى التحليل .الان السهمين الوحيدين المتداولين بالسوق هم الاسلامي بالدرجة الاولى وخارج السوق الاسمنت .يعني سوقنا صار تقريبا معتمد على سهمين سهم داخل السوق وسهم خارج السوق .ولن يجدي نفعا اي تحليل الا قناعة شخصية بالاستثمار لمدة معينة

[ابي نادر]

صباح الخير اااااااااااااااااااااااااه بس لو اعرف كيف عما تفيقو على بكير

[مجد]

بسيطة .اما بسبب قطع الكهرباء او شي اتصال او شي بائع متجول او بياع غاز او بياع محارم .الضجيج عنا ماله حدود .يعني تلوث هواء وتلوث صوتي وتلوث فكري و وو وو وو

[محمد درويش]

صباحك ورد وفل وزنبق وأمان أخي محمد درويش كيفك وكيف أهلك وشو أخبارك
الله يخليكي يارب ويسعد أيامك دائماً وينولك يلي ببالك
نحنا بخير الحمد لله شكراً كتير على سؤالك
بس للأسف بالمختصر رجعت لقيت بيتي من الداخل مكسر ومخرب من قبل ألأمن والشبيحة وكمان عدد من بيوت جيراني ليش مابعرف مجرد أذى وولدنة حرام

[economic opinion]

الاخت روان ما شاء الله عليكي مسبعة الكارات بس شو هي نرسيس ما سامع فيها ولا الها غير اسم لازم تعلمينا اياها .
متل العادة أستاذ غالب تخبيص نقط قصدي (برسيس) :StickOutTongue

[economic opinion]

الله يخليكي يارب ويسعد أيامك دائماً وينولك يلي ببالك
نحنا بخير الحمد لله شكراً كتير على سؤالك
بس للأسف بالمختصر رجعت لقيت بيتي من الداخل مكسر ومخرب من قبل ألأمن والشبيحة وكمان عدد من بيوت جيراني ليش مابعرف مجرد أذى وولدنة حرام
الله لا يسامح يلي كسرهون بلا سبب مين ماكان

[مجد]

اخي محمد الله يعوض عليك .والله سيعاقب من فعل هذا مهما كان وهذا امر مؤكد .

[غالب]

متل العادة أستاذ غالب تخبيص نقط قصدي (برسيس) :stickouttongue


اوكي برسيس

بس ما قلتي لي شو هاي اللعبة يمكن بس انا غشيم فيها

[غالب]

اخي محمد درويش الله يعوض عليك كل ليرة بعشرة

[economic opinion]

اوكي برسيس

بس ما قلتي لي شو هاي اللعبة يمكن بس انا غشيم فيها
برسيس في ناس بتسميها برجيس وهي عبارة عن رقعة قماش وعليها 8 حجار كل 4 فريق وفيها ودع (6 ودعات) عرفتها أستاذ غالب؟

[قاسم]

كل التحية والاحترام لجميع اعضاء المنتدى وبالحقيقة ان هذة الفكرة عززت التواصل والنقاش واتوقع بانها سوف تخرج بتوحيد الافكار في مواجهة تدني اسعار الاسهم وايجاد مخرج ولو مؤقت لهذة المشكلة المرتبطة بشكل مباشر بالوضع الراهن في بالدنا الغالي الله يحمي سوريا

[قاسم]

اخي غالب اشتقنا لكم جميعا فقلوبنا ممتلئه بمحبتكم جميعا

[BROKER]

أهلا بالجميع ....

نرحب بك والحمد لله على سلامتك وعائلتك اخ محمد درويش ... والله ينتقم من الظلام

نرحب بك استاذ قاسم واشتقنا لك بس تنزل عالشام خبرنا

[BROKER]

حاجتنا لليوم صار لازم جلسة متابعة للسوق .... ورح نصير نستغل جلسات الصالون لحتى ناخد معلومات اكتر عن البورصة و التحليل والاسواق العالمية ..... بهي الحالة منكون عم نغرس معلومات لبينما يصير استغلالها عندنا تتحسن الأوضاع ويعود الانتعاش ولا نقع بنفس الخطأ السابق ...


يعطيكم العافية جميعاً

[غالب]

برسيس في ناس بتسميها برجيس وهي عبارة عن رقعة قماش وعليها 8 حجار كل 4 فريق وفيها ودع (6 ودعات) عرفتها أستاذ غالب؟


شكرا لك تقريبا عرفتها كنا نلعبها واحنا صغار ونسميها برجيس