بدي مساعدتكم !

[Dnouri]

بما أنو أنا أصغر عضو بالمنتدى و بكالوريا كمان
أنا محتارة شو بدي ادخل فرع
أنا عندي هوس بالمعلوماتية كتير و بحب انو كون مبرمجة برامج
بس أبي بدو مصارف أو إدارة أعمال لانو البنوك بسوريا لسه عم تفتح
أمي بدها صحافة لانو أنا بحب الكتابة
شو رأيكم ؟؟؟ :confused:

[khaled807]

بهذا الموضوع بالذات
انا برأيي بيرجع القرار لصاحب العلاقة نفسه مع احترامنا لآراء الأهل
بس لازم يكون عندك ميول للفرع حتى تقدري تنجحي فيه
مشان هيك بنصحك بالمعلوماتية
و بالتوفيق

[Aziz]

أنا برأي المعلوماتية فرع حلو ومفيد وبإمكانك اتباع رغباتك وبتوقع اهلك ما رح يمانعوا تدخلي معلوماتية

[NetPro]

اختي
بعلم إدارة الموارد البشرية بيقولوا لك النجاح في ما تعمل يعتمد على عاملين الحب والمهارة
بمعنى أن تكوني محبة لعملك وتملكي المهارة فيه.
وهنا ينصح الأهل باكتشاف مهارات أولادهم مبكراً واكتشاف ما يستهويهم لمحاولة دمج الشرطين واختيار أنجح الاختصاصات لهم وتوعيتهم عليها.

اذا انت تعتقدي انك تملكي مهارات برمجية وبنفس الوقت تحبي هالشغلة فبدون تردد ادخليها واذا مجموعك ما سمح لك بالجامعة الحكومية بنصحك بالجامعة الافتراضية السورية.

[manar]

مرحبا
الموضوع سهل و بسيط
الأفضل ان تدرسي ماتحبين
والنجاح يتحقق في كل مجال
المعلوماتية لغة العصر ( سوفت وير ) و يمكنك الدخول من خلالها الى عالم البنوك مع دراسة بعض الدبلومات في الادارة و المصارف الى جانب دراستك
اما بخصوص الصحافة فممكن ممارستها من خلال الانترنيت و المواقع الاخبارية كمراسلة غير متفرغة او متخصصة بالتقارير الاخباري
مع احترامي للجميع
وتمنياتي لك بالتوفيق و النجاح على اي صعيد تختارينه

[Dnouri]

بهذا الموضوع بالذات

انا برأيي بيرجع القرار لصاحب العلاقة نفسه مع احترامنا لآراء الأهل
بس لازم يكون عندك ميول للفرع حتى تقدري تنجحي فيه
مشان هيك بنصحك بالمعلوماتية

و بالتوفيق

شكراً أستاذ خالد

[Dnouri]

أنا برأي المعلوماتية فرع حلو ومفيد وبإمكانك اتباع رغباتك وبتوقع اهلك ما رح يمانعوا تدخلي معلوماتية
شكراً أستاذ عزيز أهلي ما عندون مانع

[Dnouri]

مرحبا


الموضوع سهل و بسيط
الأفضل ان تدرسي ماتحبين
والنجاح يتحقق في كل مجال
المعلوماتية لغة العصر ( سوفت وير ) و يمكنك الدخول من خلالها الى عالم البنوك مع دراسة بعض الدبلومات في الادارة و المصارف الى جانب دراستك
اما بخصوص الصحافة فممكن ممارستها من خلال الانترنيت و المواقع الاخبارية كمراسلة غير متفرغة او متخصصة بالتقارير الاخباري
مع احترامي للجميع
وتمنياتي لك بالتوفيق و النجاح على اي صعيد تختارينه

شكراً أستاذ منار والله حلك بيرضي الكل !!

[Dnouri]

اختي

بعلم إدارة الموارد البشرية بيقولوا لك النجاح في ما تعمل يعتمد على عاملين الحب والمهارة
بمعنى أن تكوني محبة لعملك وتملكي المهارة فيه.
وهنا ينصح الأهل باكتشاف مهارات أولادهم مبكراً واكتشاف ما يستهويهم لمحاولة دمج الشرطين واختيار أنجح الاختصاصات لهم وتوعيتهم عليها.


اذا انت تعتقدي انك تملكي مهارات برمجية وبنفس الوقت تحبي هالشغلة فبدون تردد ادخليها واذا مجموعك ما سمح لك بالجامعة الحكومية بنصحك بالجامعة الافتراضية السورية.

شكراً إلك أنا مهوسة بالكمبيوتر لما كنت صف 6

[BROKER]

أول شي خبرينا إذا نجحتي ؟؟!!!!! حتى نباركلك بالأول

انا اتصلت بوالدك بس موبايله مغلق

- منرجع لموضوعنا: لا تردي لا على أبوكي ولا على أمك Big Grin

طبعاً بشروط :



انك تكوني مقتنعة بالمجال اللي اخترتيه يعني (فعلاً) بتحبيه مو لأنو مجال العصر وبرستيجو حلو (صارحي حالك كتير منيح) .
تخيلي حالك قاعدة عم تكتبي كود برمجي فيا ترى كم ساعة مستعدة تشتغلي لو حدا طلب منك برنامج ؟؟ ( لازم يكون الجواب اكتر من 18 ) .
حاولي تفكري بمشروعك الشخصي لأنو حافز كبير كتير انو يساعدك على سرعة تعلم المجال بنسبة 500% يعني كل سنة بتفرق معك 5 سنوات عن اي طالب عادي ... وقصدي بالمشروع انو يكون عندك فكرة لبرنامج أنتِ رح تألفيه ورح يصير عالمي ورح تشتريه الشركات العالمية ورح يكون أول برنامج عربي وصل للعالمية ... (عم احكي جد) ...
في حال قررتي تتخصصي بالمعلوماتية فإياكي ثم إياكي تسجلي بمكان كبير وله اسم بس مشان اسمو ( ان شاء الله عمرينو الاسم ) يعني الله وكيلك لو لقيتي مكان ما بيعطي شهادات أبداً بس بيعطي علم حقيقي ومكان تاني بيعطي شهادة بس مشان تتعلق عالحيط ( تغلبي على نفسك) واختاري الأول .... ومو مشكلة ترجعي للمكان تبع الشهادة لانو بالنهاية المجتمع هيك بدو شوية (فزلكة).
بعد ما تختاري المجال يلي لقيتي انو المناسب ... انوي انو يكون ( لله ) وليس للناس بغض النظر عن الدين المهم ان تكون النية لله ، حتى تكون حياتك كلها لله وهذا هدف وجودنا على الأرض ( اني جاعل في الأرض خليفة ) ويلي ما عندو هدف مالو خليفة ... للأسف هو بس بياكل وبنام وبجيب ولاد وبعدين بموت .


ملاحظة : أنا كنت رح كون بنفس الموقف لو اخترتي شو ما كان يعني لو كان اختيارك ( كلية الفنون الجميلة ) واهلك رافضين كنت رح وقف معك لأن الخالق أعلم من الأهل فقال ( لا يكلّف الله نفساً إلا ما آتاها ) فإذا آتاكي الفن كالرسم فهو مجالك الحقيقي وليس الوهمي كالكثير من الأطباء في سورية .

آسف طولت ولعيت كتير .... بس بهي الأمور القريحة تفتح عندي وبصير بحكي كتير ..... مرة عم احكي مع ولاد خالتي بهي القصص ضلينا من الساعة 11 بالليل للـ 6 الصبح ... Big Grin غليظ مو بايدي .... بس كتير بزعل عالناس يلي راحت مواهبها الخيالية بسبب الفزلكة أو عدم الانتباه لها أو القمع.


وعذرا أستاتذتنا أبو وأم دانا ... لو ما بعرفكن ما كنت استرجيت احكي هيك :)

[best time]

نصيحة تعرفي على ما تهوى نفسك حقا

ضعي نفسك في الخيارات المطروحة لساعات طويلة
والأفضل أن تنزلي لمواقع العمل لجميع الخيارات المطروحة وتري نفسك ما تريد وادرسي جيدا المساوء والمحاسن لكل خيار وأن تكتبي كل الأفكار على ورقة وأن تعملي مفاضلة وعلامات للميزات والمساوء (جدول مقارنات مع درجات لكل الأفكار والنقاط) وأنصحك بان تحتفظي بهذا الجدول لتتذكري كيف كان إختيارك وعلى أي اساس بعد الدخول في الإختصاص

ولا يكون خيارك بناء على
1- تحدي للغير
2- ارضاء لأحد

بل يكون عن طريق دراسة منطقية يدخل فيها الرغبات الشخصية والتطلعات

ولكل مجتهد نصيب
وللجميع نصيحة بالدعاء الى الله تعالى بإخلاص لأن يلهمك الخير حيثما كان

[لقماان]

و الله الصحافة حلوة كتير
و انا كتير متندم لأنو ما درستا
اهم شي بأي قرار ياخدو الواحد انو يكون صريح مع حالو
و ياخد هالقرار لأنو هو المناسب لألو و لإمكانياتو
طبعا بعد أخد المشورة من أشخاص لهم خبرةو يريدون الخير لنا (أهلك في المقام الأول طبعا )
و الأهم نثق بمشورتهم
(بعض الأقارب و الأصدقاء )
و من ثم نتناقش معهم لأن النقاش ضروري
فقد تخفى عليك أمور يكون أهلك على دراية اكبر بها و أنت بهذه السن و قد تلفتي نظرهم الى نقاط قد تغيب عنهم
و أخيرا توكلي على الله سبحانه و تعالى و اطلبي منه ان يختار لك الخير
أهم ما في الموضوع كما قال لك الأخ رامي
انو لا تلحأي اسم الشهادة أو الجامعة أو حتى الاختصاص بدون الاهتمام بالمضمون (المتوافق مع رغباتك و مواهبك )
اختيارك بدو يكون هو طريق حياتك يلي بدك تمشي عليه أنت .....
فتعبي حالك شوي هللأ بترتاحي بعدين

[nicolas]

لازم يكون عندك رغبة بالفرع
لازم تاخدي فكرة عن كل فرع ( المواد الشغل)
البنت برايي يناسبها فرع ما يكون صعب
اذا دريسة المعلوماتية
وهي أصعب فرع بالجامعة
والقرار لك وحدك
بالتوفيق

[BROKER]

UP

[Salam L]

up


احتمال دانة قررت ومشي الحال!!

[abu mhd]

صباح الخير دانا و مبارك النجاح
بالنسبة للفرع اولا الصحافة عنا حاليا متل قلتها يعني العبد الفقير كان ناوي يدخل صحافة بزمانه بعدين نصحني احد الصحفيين انوا دور على شغلة تطعمي خبز لأنوا من كتر الجرايد اللي فيكي تعبري عن اراك فيها و حتى لو و كل ما يدور ببالك لسه بدنا كتير فأنا برأيي خليها هواية و حتى لو بتحبيها فيكي تكتبي بأي مجلة أو جريدة ولو كنتي خبيرة معلوماتية او مصارف و كمثال كاتب رواية عمارة يعقوبيان الشهيرة \ علاء الأسواني \ هو طبيب اسنان

هلأ النصيحة التانية شهادتي مجروحة لأنوا انا بشتغل بالمجال المحاسبي و الاداري و بلاقيه ممتع و فيه خبرة و فائدة عملية و مالية و المستقبل له و خصوصا اذا كنتي متميزة و معك كمبيوتر و لغات ففرصك كتير كبيرة

المعلوماتية المشكلة فيها متل ما قال رامي انوا كم مستعدة تضيعي من وقتك و شو مجالاتها هون
و مو كتير سهلة دراستها متل مو مفكرة او بهالمتعة اللي عم تتصوريها

النصيحة الأخيرة اسألي أهل الاختصاص او طلاب من كل فرع من الفروع المذكورة و كل واحد بيقلك سلبيات و ايجابيات

بعتذر على الاطالة بس بحب اعطي الموضوع حقه يمكن شوي زيادة عن اللزوم

[Dnouri]

أول شي خبرينا إذا نجحتي ؟؟!!!!! حتى نباركلك بالأول


انا اتصلت بوالدك بس موبايله مغلق

- منرجع لموضوعنا: لا تردي لا على أبوكي ولا على أمك big grin

طبعاً بشروط :



انك تكوني مقتنعة بالمجال اللي اخترتيه يعني (فعلاً) بتحبيه مو لأنو مجال العصر وبرستيجو حلو (صارحي حالك كتير منيح) .
تخيلي حالك قاعدة عم تكتبي كود برمجي فيا ترى كم ساعة مستعدة تشتغلي لو حدا طلب منك برنامج ؟؟ ( لازم يكون الجواب اكتر من 18 ) .
حاولي تفكري بمشروعك الشخصي لأنو حافز كبير كتير انو يساعدك على سرعة تعلم المجال بنسبة 500% يعني كل سنة بتفرق معك 5 سنوات عن اي طالب عادي ... وقصدي بالمشروع انو يكون عندك فكرة لبرنامج أنتِ رح تألفيه ورح يصير عالمي ورح تشتريه الشركات العالمية ورح يكون أول برنامج عربي وصل للعالمية ... (عم احكي جد) ...
في حال قررتي تتخصصي بالمعلوماتية فإياكي ثم إياكي تسجلي بمكان كبير وله اسم بس مشان اسمو ( ان شاء الله عمرينو الاسم ) يعني الله وكيلك لو لقيتي مكان ما بيعطي شهادات أبداً بس بيعطي علم حقيقي ومكان تاني بيعطي شهادة بس مشان تتعلق عالحيط ( تغلبي على نفسك) واختاري الأول .... ومو مشكلة ترجعي للمكان تبع الشهادة لانو بالنهاية المجتمع هيك بدو شوية (فزلكة).
بعد ما تختاري المجال يلي لقيتي انو المناسب ... انوي انو يكون ( لله ) وليس للناس بغض النظر عن الدين المهم ان تكون النية لله ، حتى تكون حياتك كلها لله وهذا هدف وجودنا على الأرض ( اني جاعل في الأرض خليفة ) ويلي ما عندو هدف مالو خليفة ... للأسف هو بس بياكل وبنام وبجيب ولاد وبعدين بموت .

ملاحظة : أنا كنت رح كون بنفس الموقف لو اخترتي شو ما كان يعني لو كان اختيارك ( كلية الفنون الجميلة ) واهلك رافضين كنت رح وقف معك لأن الخالق أعلم من الأهل فقال ( لا يكلّف الله نفساً إلا ما آتاها ) فإذا آتاكي الفن كالرسم فهو مجالك الحقيقي وليس الوهمي كالكثير من الأطباء في سورية .

آسف طولت ولعيت كتير .... بس بهي الأمور القريحة تفتح عندي وبصير بحكي كتير ..... مرة عم احكي مع ولاد خالتي بهي القصص ضلينا من الساعة 11 بالليل للـ 6 الصبح ... Big grin غليظ مو بايدي .... بس كتير بزعل عالناس يلي راحت مواهبها الخيالية بسبب الفزلكة أو عدم الانتباه لها أو القمع.


وعذرا أستاتذتنا أبو وأم دانا ... لو ما بعرفكن ما كنت استرجيت احكي هيك :)



شكراً إلك كتير أستاذ رامي بس أنا شكلي رح فوت معلوماتية لانو ما بقدر اتخلى عن حلمي
و يمكن بقدر افتح شركة برمجة و ادمج الحاسوب بشي اختصاص متل العلوم أو هندسة الوراثية
أنا بعرف انو احلامي كتير صعبة المنال بس من حقي احلم و حاول

[economic opinion]

وأنا معك بهاد القرار آنسة دانة، ادرسي معلوماتية لأنك بتحبيها، بس بنفس الوقت لاتتخلي عن مواهبك الباقية، يعني بس تلاقي حالك عندك شوية وقت مو غلط تمارسي هوايتك بالكتابة وتطوريها
روان

[Dnouri]

احتمال دانة قررت ومشي الحال!!
و الله أنا قررت شكراً إلك

[best time]

شو قررتي يا دانا؟؟؟؟

[غسان]

يوجد متسع من الوقت ( شهر ) فكري جيدا ولاتسجلي الا بعد ان تتأكدي ......

[Dnouri]

شو قررتي يا دانا؟؟؟؟
شكراً على سؤال و الله أنا قررت انو ادرس أدب انكليزي لانو كنت بمدرسة لغات و رح يكون الفرع كتير سهل و بنفس الوقت اعمل دورات برمجة و تصميم هيك بكون ما تخلت عني حلمي و بنفس الوقت معي شهادة بمادة بحبها و بقدر بكرة اعمل اختصاص بشي شاعر أو نوع أدب

[Salam L]

شكراً على سؤال و الله أنا قررت انو ادرس أدب انكليزي لانو كنت بمدرسة لغات و رح يكون الفرع كتير سهل و بنفس الوقت اعمل دورات برمجة و تصميم هيك بكون ما تخلت عني حلمي و بنفس الوقت معي شهادة بمادة بحبها و بقدر بكرة اعمل اختصاص بشي شاعر أو نوع أدب
الووووووووووووووووووووووو الو حول....

شو دخل مدرسة اللغات بالادب الانكليزي....:eek::eek::eek::eek::eek::eek:

ومين قلك اذا بتعرفي انكليزي رح يكون الفرع سهل! :eek::eek::eek::eek::eek::eek::eek:

ومين قال انو اذا بدك تعملي دراسات عليا او دكتوراة عن شي شاعر رح يكون شي ممتع! :eek::eek::eek:

برأي روقي شوي.... انتي اساسا ماكنتي جايبة سيرة الادب الانكليزي ..مو هيك؟؟

اذا هدفك ما تتخلي عن حلمك فدراسة فرع بالجامعة بيتفق معه امر كتير اساسي.... انا بالمناسبة ضد فكرة انو دراسة الجامعة مابتفيد والدروات بتكفي لحالها.... صحيح بتاخدي كتير شغلات مالها طعمة بس صدقيني مافي مقارنة بين شخص متخصص بشي فرع وعامل دورات وبين شخص عامل دورات الدنية كلها....

كان بدك شي الو علاقة بالبزنز والمعلوماتية!!

في فرع اسمو تكنولوجيا معلومات.... وهو الرابط الذي لا يستغنى عنه بأي عمل... هو الشخص اللي بيطلع بيفهم بالأعمال اللي مابيفهموها المهندسين.... وبيفهم بالمعلوماتية اللي مابيفهموه جماعة الاعمال.... ومهمة اللي بيدرس هالفرع الاساسية تطوير برمجيات او حلول تقنية متعلقة بالاعمال للشركات....

فأنتي وييين والادب الانكليزي وين

[Salam L]

علما انو اذا قررتي تكملي للدكتوراة بالادب الانكليزي لازم تكون دودة كتب وتحطي قدامك كم مجلد وشي نضارتين تلاتة او تسكني بشي مكتبة...مع كتب ماحدا بيعرف اسماءها وتقري عن ناس ماحدا بيعرف شو لازمتهن ...
وتعملي بحوث عن اشخاص لما تذكري مين ههن قدام الناس الطبيعين بيحولوا عيونهن ويقولولك شو هاد؟؟ يعني بالمختصر اذا ماكان القراءة والادب عندك هاجس ومن عمرك 10 سنين فانسي موضوع الدكتوراة.....

الا اذا بدك تعمليها بحقول حديثة متعلقة بالتدريس وتطور واستخدام اللغة.. وهي لسا على اضرب وامر ومالها سهلة.... وبرجع بقول لو انتي هيك بتحلمي هاد شي تاني....
لكن كلامك بالاول مالو علاقة ابدا ابدا بالفرع اللي اخترتيه... هلق ممكن تاخدي الاجازة الجامعة وتنجحي فيها لانو مالها كيماء القصة بالاخير.... لكن وبعدين؟؟؟ شو رح تقدم لخدمة الحلم اللي عم تحلمي فيه؟؟؟


الدراسة الجامعية والوقت والتكلفة عليها لازم تكون لخدمة الحلم.... او الرغبة.... الفصل بينهن رح يخليكي تضيعي وتصيري لا هون ولا هون......

[Dnouri]

الووووووووووووووووووووووو الو حول....

شو دخل مدرسة اللغات بالادب الانكليزي....:eek::eek::eek::eek::eek::eek:

ومين قلك اذا بتعرفي انكليزي رح يكون الفرع سهل! :eek::eek::eek::eek::eek::eek::eek:

ومين قال انو اذا بدك تعملي دراسات عليا او دكتوراة عن شي شاعر رح يكون شي ممتع! :eek::eek::eek:

برأي روقي شوي.... انتي اساسا ماكنتي جايبة سيرة الادب الانكليزي ..مو هيك؟؟

اذا هدفك ما تتخلي عن حلمك فدراسة فرع بالجامعة بيتفق معه امر كتير اساسي.... انا بالمناسبة ضد فكرة انو دراسة الجامعة مابتفيد والدروات بتكفي لحالها.... صحيح بتاخدي كتير شغلات مالها طعمة بس صدقيني مافي مقارنة بين شخص متخصص بشي فرع وعامل دورات وبين شخص عامل دورات الدنية كلها....

كان بدك شي الو علاقة بالبزنز والمعلوماتية!!

في فرع اسمو تكنولوجيا معلومات.... وهو الرابط الذي لا يستغنى عنه بأي عمل... هو الشخص اللي بيطلع بيفهم بالأعمال اللي مابيفهموها المهندسين.... وبيفهم بالمعلوماتية اللي مابيفهموه جماعة الاعمال.... ومهمة اللي بيدرس هالفرع الاساسية تطوير برمجيات او حلول تقنية متعلقة بالاعمال للشركات....

فأنتي وييين والادب الانكليزي وين
أول شي شكرا
أنا درست مقارنات بين الشعراء و مسرحيات بالانكليزية القديمة و روايات الأدب البريطاني و الأمريكي و كمان انا منهج مدرستي أصعب من جامعة دمشق و كنت مقدمة على باكلوريا بريطانية من جامعة كامبرج !!!! أنا بالنسبة إلي منهج جامعة دمشق رح يكون تسلية مو أكتر

[ابو تيم]

انا بعد كل هالحوارات عن موضوع اختيارك الجامعي حبيت قول جملة

الدراسة الجامعية لا تعوض بدورات الدنية كلها فالدراسة الاكاديمية تختلف عن ما تقدمه المعاهد مهما علا شانها هي ممكن ترفعللك مستواكي بشي درستي اكاديميا بس ما ممكن تحل مكان الدراسة الجامعية باي شكل من الاشكال

[beautiful life]

موفقة باختيارك :)

[Dnouri]

بحب أشكر الكل على مساعدتي !!
و أنا استفدت منكم و من خبرتكم
و أنا بدي أشكر أستاذ أبو فراس على موضوع يلي فاتحو و أشكر كل من كتب و شكرني أنا و أهلي و أنا بعتذر على التأخير !!! و أكيد بشكر أستاذ رامي و على جمعة الحلوة و أستاذ غالب على الحوار المنطقي و الاختلاف بالرأي لا يعنى خلاف شخصي و عنجد بشكر تفهمك !!!
و أكيد بشكر كل من أتى و باركلي و شكراً على الهدايا !!!
و مرة تانية أنا بعتذر على التأخير