خاص beautiful life

[beautiful life]

هي وصفة أنا بساويها وبسيطة وسهلة

وبتناسب كل الأذواق

بس مابعرف اسمها Big Grin



المقادير :

- ا\2 كيلو جبنة خضرة

- 3 بيض

- معلقة ونص كبيرة زبدة

- 2 كاسة كبيرة طحين

- ملح حسب الرغبة

- 1\2 معلقة صغيرة بيكربونات

- 1 معلقة كبيرة حبة البركة



طريقة التحضير :

أول الشي بنفصل صفار 2 من البيض (3) وبنحطون على جنب للــدهن

وبــ نخلط الجبنة مع البيض المعزول منه صفارين والطحين والزبدة بعد ما بندوبها

والملح والبيكربونات

بنخلط العجين حتى يمسك منيح ... وبعدا بنساوي العجين على شكل أقراص بيضوية

وبنحطون على صينية مدهونة شوي بالزيت النباتي وبعدين بــندهن الاقراص

بــ صفار البيض يلي حطيناه على جنب من البداية وأخيرا بــنرش فوق كل قرص شوية

حبة البركه حسب الرغبة


وبنحطه بالفرن بــ درجة 250

لحد مايستوي


ملاحظة : مشان ما يلزق العجين بالايد بعد الخلط وقبل ماتساووا الاقراص اغسلوا ايديكم بعدا ساووا الاقراص



وصحتين وهـــنا :)

[BROKER]

من وين نجيب "جبنة خضرا" ؟؟؟؟

[Rihab]

يسلموا أيدكي أخت بيوتفل هي مشروع تشيزكيك ساخن

[Rihab]

من وين نجيب "جبنة خضرا" ؟؟؟؟




الجبنة الخضرا هي الجبنة البلدية على ما اعتقد

[لقماان]

من وين نجيب "جبنة خضرا" ؟؟؟؟





من البورصة السورية بس ترجع ترتفع الأسهم بعد
تدخل الهيئة العامة للأوراق المالية لانقاذ البورصة .............................

عرفت أخي رامي من وين بيجيبو جبنة خضرا ...................................
اذا ما لأيت
فيك تجيب من برنامج أرضنا الخضراء
أو ملاعبنا الخضراء
أو اذا بدك من ليبيا كل شي عندون أخضر ...........
بس بدك تلحق حالك .........يمكن كل شي عم يصير بليبيا الى اللون الأحمر

[beautiful life]

من وين نجيب "جبنة خضرا" ؟؟؟؟






أخي

هي نفسها الجبنة يلي بيعلمو منها كنافة ومتواجدة أكيد بكل محلات الالبان والاجبان

[beautiful life]

يسلموا أيدكي أخت بيوتفل هي مشروع تشيزكيك ساخن


هي لاقيتلنا الاسم

مشكورة :)

[beautiful life]

من البورصة السورية بس ترجع ترتفع الأسهم بعد
تدخل الهيئة العامة للأوراق المالية لانقاذ البورصة .............................

عرفت أخي رامي من وين بيجيبو جبنة خضرا ...................................
اذا ما لأيت
فيك تجيب من برنامج أرضنا الخضراء
أو ملاعبنا الخضراء
أو اذا بدك من ليبيا كل شي عندون أخضر ...........
بس بدك تلحق حالك .........يمكن كل شي عم يصير بليبيا الى اللون الأحمر



رح يبطل أخي رامي يجيبها :rolleyes2: بعد هالدلالـــة

مشكور

[BROKER]

أخي

هي نفسها الجبنة يلي بيعلمو منها كنافة ومتواجدة أكيد بكل محلات الالبان والاجبان


اممممممممممممممم

جبنة بيضا يعني

لسا ما دخلتي البورصة وصرتي تخربطي بالألوان :)

شو بدنا نحكي نحنا ؟؟

[beautiful life]

اممممممممممممممم

جبنة بيضا يعني

لسا ما دخلتي البورصة وصرتي تخربطي بالألوان :)

شو بدنا نحكي نحنا ؟؟




الله يسامحك ... أنا صعب خربط

بس اسمها الفني للجبنة هيك .. هيك أخدناها من الست الوالدة :rolleyes2:

وجيب وشوف انه هيك اسمها :)

[BROKER]

الله يسامحك ... أنا صعب خربط

بس اسمها الفني للجبنة هيك .. هيك أخدناها من الست الوالدة :rolleyes2:

وجيب وشوف انه هيك اسمها :)




خلص صدقتك ...طلعتي براءة

تذكرت الوالدة وقت توصيني على ( نشا خضرة ) ودور ولف وما لاقي :confused2:

آم طلع لونها أبيض والخضرة اجت انو مو يابسة يعني

[beautiful life]

خلص صدقتك ...طلعتي براءة

تذكرت الوالدة وقت توصيني على ( نشا خضرة ) ودور ولف وما لاقي :confused2:

آم طلع لونها أبيض والخضرة اجت انو مو يابسة يعني



كمان بيجوز يصير اختلاف أسماء بين المحافظات