قصة ريادة رامي العطار مجلة الاقتصادي

[the king]

أقرأ اليوم مجلة الاقتصادي وأقلب بالصفحات فوجدت المشرف العام أخي رامي العطار

حبيت اسحب الصورة عن المقال

ويارب من حسن لأحسن رامي

بعرف إنك ما بتحب تتصور بس مو لهدرجة طخنتا هي صورة مجلة باعتلو أسوأ صورة والله ما عرفتك :)

بعدين ما تحكي صرلو العدد 8 أيام نازل ؟

اليكم ما كتب عن سيرياستوكس ومؤسسه وأعضائه في مجلة الاقتصادي .

http://www.syria-stocks.com/forum/attachment.php?attachmentid=2501&stc=1&d=1302526244

[arnouri]

تحياتي لمن نشر الموضو ع في المجلة الإقتصادية

وتحياتي لمن أدرج الموضوع

وتحياتي لك الإستاذ رامي - وإن شاء الله للأحسن - ولكل مجتهد نصيب -

شكراً

[Ahmadhsn]

الله يعطيك العافية ابو حازم على كل ما تقدمه ...
وان شاء الله من نجاح الى اكبر ...
مبروك لك اخي رامي ومبروك لكل اعضاء المنتدى ...

[غالب]

الف مبروك
رح تصير مغرور من هون وهيك بس لا تنسانا بس تكبر يا كبير

[ABDUL KARIM]

اتمنى لك النجاح الدائم اخي رامي والله يوفقك

[سمير]

تمنياتي لك بالتوفيق دوماً أخ رامي

[ابي نادر]

مبروك باشا بس ليش ما بتقول Big Grin


كان لازم تذكر أعضاء المنتدى عضو عضو من متابع جديد للمشرف العام Big Grin Big Grin :eeek:

وهيك كان بدك مجلة لشي أربع أو خمس أصدارات :rolleyes2:

مبروك ودائما للأفضل أن شاء الله تعالى

ليش حاسس هل المنتدى بيعتمد على المفاجأت :eek:

[فراس السكري]

فلة شمعة منورة

[Ahmadhsn]

احلى جملة سمعتها منك ابو حازم .... "ابحث عن نفسك لا عن رزقك فهو آت"
فاذا بحثت عن نفسك ستحصل على رزق اكثر ما كنت تتوقع ... "عن تجربة"
بالتوفيق

[BROKER]

بينما أتصفح اليوم مجلة الاقتصادي وأقلب بالصفحات فوجدت المشرف العام أخي رامي العطار

حبيت اسحب الصورة عن المقال

ويارب من حسن لأحسن رامي

بعرف إنك ما بتحب تتصور بس مو لهدرجة طخنتا هي صورة مجلة باعتلو أسوأ صورة والله ما عرفتك :)

بعدين ما تحكي صرلو العدد 8 أيام نازل ؟

اليكم ما كتب عن سيرياستوكس ومؤسسه وأعضائه في مجلة الاقتصادي .






مشكور حبيب القلب

أنا ما عرفت انو نزلت نسيان مين يتذكر لانو يمكن من شهر حكو معي ونسيت القصة

ومن جهة الصورة ما بعرف يمكن كنت مريض Big Grin

شكراً الك ويخلصك بالسلامة وتكون من الرائدين بمجالك

[BROKER]

الف مبروك
رح تصير مغرور من هون وهيك بس لا تنسانا بس تكبر يا كبير


الله يجيرنا من هالمرض .. مافي شي محرز

مين بيتذكر انو رح يموت ومارح يخلد ينسى التكبر

مشكور استاذ غالب كبيرنا وحبيبنا

[BROKER]

احلى جملة سمعتها منك ابو حازم .... "ابحث عن نفسك لا عن رزقك فهو آت"
فاذا بحثت عن نفسك ستحصل على رزق اكثر ما كنت تتوقع ... "عن تجربة"
بالتوفيق


هاد شعاري بالحياة
هو بصراحة متعب جداً لأنو الناس رح تشوفك مجنون وتلومك كتيييييير ويمكن تعلق مع أقربائك بس لو تصبر على فكرتك لو كانت أكيدة رح ترجع كل شي متل ما كان ....

يعني بدها شروط ( تأكد الفكرة - صبر - صبر - صبر - توكّل - يقين كامل )

والله ما بنسى شوفير الميكرو يلي بينفع يشتغل بأكبر شركات التسويق للموهبة التسويقية اللي عندو بس ما حدا اكتشفلو ياها .... قنعتو فيها وقلتلو انت مسوق بارع ... طبعاً ما فهم شو قصدي ..... قام حكيتلو مع صاحبي ينزلو معو تجريب ومن أول لقاء مع مدير لاحد المطاعم كان بايعو وعامل أوردر .

يا حرام كان مفكر أنو 600 ليرة باليوم ورا الدركسيون أكبر شي ممكن يعملو .... بس وقت ترك الميكرو ولبين ما تعلم ضل بدون مصروف وهو متزوج وعندو أولاد ..... وتخانق مع زوجتو .... وأكلتلي بهدلة كرتبة لأني لعبت بعقلو من عيلتو ومن جدي وخالي :confused2:

بس اليوم صار مدير التسويق للشركة وصار يعمل 60 الف بالشهر ما عدا العمولات ومو بس هيك حاسس حالوا مرتاح نفسياً لانه يعمل بما يحب وليس لكي يعيش .... بقول صرت ( بني آدم ) يا ترى شو كان ..؟؟؟؟

بس ما حدا اعتذر مني بعد البهدلة Frown11


موفق ابو حميد أنت انسان مبدع ورائع وخبرتك نادرة بالنسبة للضغوط يلي عليك

[mahermmmm]

لكل مجتهد نصيب
يعني لو في بهيئة سوق دمشق 4 او 5 متلك كانت اكيد غير هيك
خ+خ= نجاح خبرة وخير مبذول للاخرين
وهي موجودة فيك
رافقتك السلامة

[لقماان]

أخي رامي كلون عم يباركولك و يهتفولك
ما شاء الله شو الك شعبية ............شو رأيك ترشح حالك لمجلس الشعب ........أنا أول واحد راح أهتفلك ؟!!صحيح أنا ما بعرفك شخصيا ........................
بس تعرفت على أخلاقك الرفيعة من أسلوب ردك الراقي ................
وفقك الله الى الخير
و رحم الله والدك على حسن تربيته لك...........
و أسكنه فسيح جناته ..................
و أدام الله والدتك فوق رأسك و رضاها عنك هو الذي يمهد الطريق أمام نجاحك بإذن الله عز و جل
أخوك لقمان

[abu mhd]

انشاء الله الى المزيد من التقدم و التطور يا ابو حازم

ما بستاهل الا كل خير باذن الله

حبيبنا و اخونا

[غالية]

الف مبروك استاذ رامي
هي اندعمنا فكريا على ايدك وبالتوفيق

[abo haydara]

شو ها الرامي يا خي الله يحيمك يا حبيبنا و كبيرنا و ان شالله من احسن لاحسن الله يحميك و يوفقك

[سودوكو]

تسليط الضوء على الناجحين أمر مهم في منهاج النجاح.

[best time]

أبو حازم شهادتنا فيه مجروحة
اتمنى له مستقبل واعد إنشاء الله
مميز بأخلاقه الحلوة وقلبه الذي يسع الجميع
بالتوفيق إنشاء الله

[BROKER]

مشكورين جميعاً جميعكم أخوة وأحبة

[حكم جركو]

بالنسبة للمقال آراه دون المطلوب فموقع سيريا ستوكس يستحق أكثر من هذا العرض الهذيل .....

بالنسبة لرامي فهذا الشاب لا زال حتى اليوم يفاجئني ....

بأمكانياته....بطموحه.....بجرأته....

صحيح أنه قليل الكلام لكنه بارع بالكتابه وجريء وفاعل.

إنا مطمئن للمستقبل .....فها هم براعم بلادي.....

[iass]

ألف مبروك رامي، برافو عليك، وانشالله من أحسن لأحسن

[ranakar]

مبروك أخ رامي ...ولمزيد من التقدم في كافة المجالات .........
بس برأي المقال ماأعطاك حقك تماماً .....لأنو الجهد المبذول في سيريا ستوكس جهد جبار ....

وأكيد نحن شهادتنا مجروحة ....لأنو نحن محسوبين من أهل البيت

الله يقويك ...ويحميك

[BROKER]

تسلمولي كلكون والله أنا فرحان فيكون أكتر من أي شي تاني

يعني الواحد كان وحيد وصار عندو اخوة من كل الاعمار والجنسيات والطوائف يعني أحلى تشكيلة

الله يخليلي ياكون

[beautiful life]

مـــــبروك أخي رامي ... بتسـتـاهل كل الخير

الله يوفقك ببــقية الطريق ...لـ حتى توصل للــي بدك يــاه

[رندة]

ان مبادرة الاستاذ رامي جديرة بالاشادة والتشجيع لانها مبادرة
فردية وايجابية لكنها تخدم المجتمع بشكل عام
مما يلفت النظر لها هو خدمتها للمجموع و اعتمادها على التفاعل الايجابي بينهم
وتعد من أبرز مهام الأعلام الاشارة الى المبادرات الايجابية الناجحة
و تشجيع الأفراد على حشد الطاقات الفردية للمساهمة في البناء
وتمتاز جهود الشباب بأنها أقرب لروح العصر وأكثر حيوية ومرونة من المشاريع الرسمية
التي تفتقد الكثير من المرونة والحداثة
لنشجع الأجيال الشابة الواعدة لتشكيل نواة تطور حقيقية بعيدا عن الخطط الجامدة
هذه خطوة اولى نحو بيئة
منتجة مبدعة أفضل
مع تمنياتي بالتوفيق الدائم للموقع وللأستاذ رامي
ولجميع أعضاء المنتدى المميزين

[غالب]

تسلمولي كلكون والله أنا فرحان فيكون أكتر من أي شي تاني


يعني الواحد كان وحيد وصار عندو اخوة من كل الاعمار والجنسيات والطوائف يعني أحلى تشكيلة

الله يخليلي ياكون


يعني ما عدت وحيد

يعني حضر حالك تخدم عسكرية وبهيك ظروف هههههههههه.

[BROKER]

يعني ما عدت وحيد

يعني حضر حالك تخدم عسكرية وبهيك ظروف هههههههههه.



تكرم

[hesham]

والله أخي رامي أنت مصدر فخر لكل انسان يكون صادق مع نفسه ويتعرف اليك
لديك من القدرات والامكانيات والابداع مايكفي لتكون الأول والرائد في هذا المجال
اتوقع لك مستقبلا كبيرا في هذا المجال ولكني أدعو الى الله أن تكون الظروف والمناخ مناسبين لإبراز ريادتك

[احمد]

انا شهادتي برامي مجروحة
بس هو انسان بسيط ورائع لابعد الحدود ويدخل الى القلب بلمح البصر
بالوقت اللي شعب سوريا لحق فيه كليات الطب والهندسة فضل رامي ان يدرس بمجال البورصة واثبت نجاحه
حتى ان نجاحه شجعني انا شخصيا ان ادرس هذا المجال
بالتوفيق رامي

[Ghassan Tahtah]

اتمنى لك الاستمرار في النجاح اخ رامي .. الله يوفقك لإنك بتستاهل كل الخير .. فأنت منذ البداية ساعدت الجميع بالمعلومات التي وفرتها لنا .. فشكرا لك ..

[BROKER]

اتمنى لك الاستمرار في النجاح اخ رامي .. الله يوفقك لإنك بتستاهل كل الخير .. فأنت منذ البداية ساعدت الجميع بالمعلومات التي وفرتها لنا .. فشكرا لك ..


كل الشكر لك أستاذ غسان

هذا واجب

[loai]

رامي عقله مرتب جدا .. ومنظم جدا .. هالشي لامسته بعناية بالاضافة الى ادبه وحسن تعامله ..
خالو رامي .. العلم والتواضع زينة الانسان .. فاستمر على نفس النهج وانا واثق انك ستلبي طموحاتك باذن الله
موفق حبيبي

[BROKER]

رامي عقله مرتب جدا .. ومنظم جدا .. هالشي لامسته بعناية بالاضافة الى ادبه وحسن تعامله ..
خالو رامي .. العلم والتواضع زينة الانسان .. فاستمر على نفس النهج وانا واثق انك ستلبي طموحاتك باذن الله
موفق حبيبي

مشكور مشكور كتير خالو الأستاذ لؤي

نصيحتك على راسي من فوق :)

[Ship World]

الف مبروك من حسن الى احسن باذن الله اخي رامي و مع اني جديد بالمنتدى بس ما شاء الله المحبين كتار و زادو واحد و الذي هو محسوبك و الف مبروك النجاح و المحبة

[BROKER]

الف مبروك من حسن الى احسن باذن الله اخي رامي و مع اني جديد بالمنتدى بس ما شاء الله المحبين كتار و زادو واحد و الذي هو محسوبك و الف مبروك النجاح و المحبة



تسلم ونحنا زدنا خبير

مشكور لكلامك الطيب

[economic opinion]

والله فعلاً بروكرنا العظيم بيستاهل وفعلاً أحلى جملة "ابحث عن نفسك لا عن رزقك فهو آت"