مطلوب 500 سهم من بنك البركه بسعر 700

[GDahrouj]

مطلوب 500 سهم من بنك البركه بسعر 675

[abu mhd]

مسا الخير

انا عندي 200 سهم بركة اذا على سعر 700 انا موافق
وهي رقمي لاتمام العملية

0933331923 مؤيد الاتصال بأي وقت

[عصفورة]

أخ بروكر ..

مثل هذه مواضيع تؤثر على مصداقية المنتدى .. يعني مبين أنو اللي كتب الموضوع و اللي رد عليه عم بيحاولوا ينزلوا سعر السهم.

هذه مضاربة غير صحية، الرجاء محي هكذا مواضيع فوراً.

مع التحية.

[abu mhd]

والله ما عم نحاول نزل سعر السهم لأنو السهم سعرو نازل

و انا بعت 200 سهم اللي اعلنت عنهم عن طريق احدى شركات الوساطة بسعر 700 ليرة

اكيد كنت حابب بيع بسعر 800 او 750 بس هيك السوق

والله يوفق الجميع لمافيه خير الربح

[GDahrouj]

أخ بروكر ..

مثل هذه مواضيع تؤثر على مصداقية المنتدى .. يعني مبين أنو اللي كتب الموضوع و اللي رد عليه عم بيحاولوا ينزلوا سعر السهم.

هذه مضاربة غير صحية، الرجاء محي هكذا مواضيع فوراً.

مع التحية.


إلى العصفورة
السوق عرض وطلب
سعر السهم في سوق هو بهذه الحدود
انا شخصيا اشتريت اليوم 300 سهم ع سعر 680
وسعر السهم هو بهذه الحدود
على مايبدو هو انكي انتي من تريدين الضغط على السهم للإرتفاع
ولكن 200 سهم و500 سهم لن تؤثر على السوق لرفع السعر أو تخفيضه
شكرا لمرورك

[د.وائل نحاس]

حسب شركات الوساطة
الطلب بين 725 إلى 740
العرض بين 740 إلى 760
الصفقات المنفذة بين 730 إلى 760
هذا الكلام نقلا عن شركات الوساطة يوم الثلاثاء 25-1-2011

[عصفورة]

200 او 500 سهم ما بتأثر على سعر السهم وقت بتنباع و يعرف السعر فقط البائع و المشتري..

بس وقت يتم نشر أسعار غلط على الملأ الناس بتتأثر ، و أكيد حضرتك بتعرف انو 200 سهم بالبورصة ممكن تأثر صعوداً او هبوطاً 2 %، و هون بره السوق مافي هالحدود السعرية و مافي مكان يمكن متابعة السعر الصحيح فيه لذلك التأثير النفسي و التلاعب بالأسعار أسهل و أكبر تأثيراً.

أنا ما بدي لا نزل سعر السهم و لا طالعوا، بس مابحب حدا ينضحك عليه بلعب المضاربين.

[ابي نادر]

اخت عصفورة اقراي المقال الخ امجد وبتعرفلي ليش سهم البركة بهل السعر

[communication-engineer]

و الله أنا بضم صوتي للعصفورة

واضح أنو القصة لعبة ................ يعني لو ما كان القصد المضاربة ما كان أنكتبت الأسعار

[BROKER]

وضعنا شروط قاسية في صالة "سوق التداول "

وهي عدم نشر أي إعلان او مشاركة هنا إلا بعد مرورها على الرقابة

وأيضا شرط أساسي للمعلن ان يذكر رقم الهاتف للاتصال وعدد الاسهم والسعر المطلوب .

وأعتقد ان صاحب الموضوع لم يخفي اي شرط لذلك لا يمكننا الغاؤه .

ونحن نرحب بأي فكرة او مقترح تجدوه نافعاً ، لكي لا يحدث اي تأثير مقصود على اسعار الاسهم خارج السوق .

مع التحية

[عصفورة]

أخ بروكر، اللي بتمناه انو وقت ينزل هيك موضوع المشرف على القسم يشوف السعر، و إذا بعيد عن حدود سعر السوق صعوداً او هبوطاً متل السعر المحطوط بهل موضوع (و الدليل ما قاله الأستاذ نحاس) فعندها يجب عدم السماح بنشر الموضوع ..

متل مو الهيئة عم تحمي من المضاربة بالتلاعب و إنذار شركة بيمو هو مثال على ذلك، انتو كمان لكم دور كبير بالنسبة للأسهم اللي خارج السوق.

أكيد رح يكون في شغل زيادة على المشرف، بس بنضمن المصداقية، و هذا اهم شي..

و الله مو حلوة بحق المنتدى انو واحد يقول سعر السهم كذا حسب المنتدى يقوموا الناس يضحكوا عليه و يقولوا هالسعر مو صحيح من وين جبت هالأخبار!!.

مع التحية.

[abu mhd]

هلأ أنتو كل هالضوجة مشان السعر

طيب ما هاد السعر ليش عم نكذب على حالنا يا جماعة أنا كنت بتمنى بيع لما كان بسعر 950 او حتى 850 بس الطمع ضر ما نفع و قررت بيع هلأ و بعت اليوم بسعر \ 700 \ ليرة ببنك البركة واللي بيحب يتأكد انو مو لعبة بعطيه رقم العقد و مالي مستغني عن ربح 20 الف او 10 الاف في سبيل اكسر السعر بس من اسبوعين و انا عم اسأل و كل مالو عم ينزل و لسه في نزول لما بيصير اكتتاب الاسلامي \ زيادة راس المال \ و طلب الدفعة الثانية لأسهم البركة
وفي مين باع و انا واقف على سعر \ 685 \ واللي مو مصدق يسأل
فلكل من شكك بالسعر او انو لعبة بدون انزعاج من حدا او حدا يفكر انو بشكل شخصي
انا مالي هيك غاية و مالي فاضي لهيك حكي فاضي
و شكرا للجميع