قصيدة حلبية

[BROKER]

قصيدة حلبية
شفتك أول مرة جنب بيتنا بالحديقة
الزغنوطة

و قلبي لما
طسّيتك طرق
احلى زلغوطة

شقد
كنتي نهارا متلبكة و شكلك معبوطة

و انهزمتي مني !!!

ايه
بدي الحقك لو
لفيت متل ابن بطوطة !!!

ابوس
شناق وش الحجي
اذا بخطّبني
ياكي

و الله يستر يقوم ما يستحمل كتر كرّي و
علاكي

يأنو يا
خيتو بزت حالي من فوق السجرة
اذا بدي
اعيش بلاكي

بقا ان شاء الله يصير بيت ابوي هو بيت
حماكي !!

و يا يوم على
ايشاربك البني لما طيرو الهوا

و انا شفت وشك طبيت بأرضي و اكلت هوا

و قلت لحالي علوا نبقا العمر انا
وا نتي سوا

و لا نمرض و نروح حكيم و لا يوصفلنا
دوا

و بكرا يا
بتصيري حجة و
انا الحجي و
منخلّف
عجيان

و بطلعو كلون عاقلين الا واحد بيطلع
سعدان

و بيفرط معلاقنا و
بيفضحنا بالحارة و
يبتعربش
عالحيطان

و ببهدلنا قدام الخلق و كل يوم بضرب
ولاد الجيران !!


و انا
بضربو بالقشاط و
انتي حصريه على البلاطة

و بحرمو من المصروف لا بياخد صحاح و لا
فراطة

و لي عليكي و على هالخلفة ... . .. بطلت اتجوز !! و لي
عالجازة و على ساعتا

[أبو الروض]

أي أشو أشو هاد خيو أبو الريم يا هيك الأصايد يا بلا وبالحلبي العريض العريض
كتير كتير حلوة يسلموا ايديك

[طالب البركة]

مشكور عمّي رامي على هذه المعلـّقة الحلبية

شايفين يا جماعة كم اللّهجة الحلبية ظريفة ولطيفة ومهضومة .....:rolleyes2:

[سودوكو]

شكرا أخي رامي.

القصيدة تلقي الضوء على اللكنة الحلبية وبعض مفرداتها ذات الطابع الخاص, وتحتاج لشرح بعض المفردات المغرقة في اللكنة الحلبية.

الزغنوطة : الصغيرة, والكلمة تلفظ بالحلبية غالباً " زغنطوطة ".
طسيتك : رأيتك, شاهدتك.
شناق وش : هو المكان المرتفع في خد الإنسان, وتلفظ بالحلبية : " جنق " , والجنق يعني الصحن وهو الوعاء المعروف, ومعظم هذه الكلمات تركية امتزجت بالحلبية أيام الخلافة العثمانية.

كري : الثرثرة والكلام الكثير.

بلاكي : من دونك.

بيفرّط معلاقنا : كناية عن شدة الألم والتأثر الحزن, وعادة عند شدة الحزن يشعر الانسان بانقباض في المعدة وقد يتسبب الأمر بقرحة معدية له.

بيتعربش : يتسلق.

القشاط : النطاق أو الحزام.

حصريه : فعل أمر من الحصر, أي التضييق عليه في مكان لايستطيع المناورة أو الهروب منه.

ولي عليكي : كناية عن الدعاء على الإنسان بحلول المصائب التي لشدتها يدعو حينها على نفسه بالويل والثبور.

ودمتم بود.

[BROKER]

مشكور اخي بكري ... على شرح المفردات

وقريبا قصيدة شامية من كعب الدست

[minas]

شكرا أخي رامي.

القصيدة تلقي الضوء على اللكنة الحلبية وبعض مفرداتها ذات الطابع الخاص, وتحتاج لشرح بعض المفردات المغرقة في اللكنة الحلبية.

الزغنوطة : الصغيرة, والكلمة تلفظ بالحلبية غالباً " زغنطوطة ".
طسيتك : رأيتك, شاهدتك.
شناق وش : هو المكان المرتفع في خد الإنسان, وتلفظ بالحلبية : " جنق " , والجنق يعني الصحن وهو الوعاء المعروف, ومعظم هذه الكلمات تركية امتزجت بالحلبية أيام الخلافة العثمانية.

كري : الثرثرة والكلام الكثير.

بلاكي : من دونك.

بيفرّط معلاقنا : كناية عن شدة الألم والتأثر الحزن, وعادة عند شدة الحزن يشعر الانسان بانقباض في المعدة وقد يتسبب الأمر بقرحة معدية له.

بيتعربش : يتسلق.

القشاط : النطاق أو الحزام.

حصريه : فعل أمر من الحصر, أي التضييق عليه في مكان لايستطيع المناورة أو الهروب منه.

ولي عليكي : كناية عن الدعاء على الإنسان بحلول المصائب التي لشدتها يدعو حينها على نفسه بالويل والثبور.

ودمتم بود.

شكراً أخ سودوكو على شرح مفرداتنا الجميلة و الخاصة، للأخوة من المحافظات الأخرى Big Grin

[سودوكو]

شكراً أخ سودوكو على شرح مفرداتنا الجميلة و الخاصة، للأخوة من المحافظات الأخرى Big Grin

أهلا أستاذ ميناس.
هاده واجبنا خاي.Big Grin

[محمد فرح]

يسلموا ايديك
رجعتني عشرين سنة لورا