مشاهدة النسخة كاملة : بنك بيمو
aysar
05-10-2010, 02:21 PM
السادة اعضاء المنتدى المحترميين ارجوا ممن لديه معرفة لماذا تأخرت زيادة رأس مال البنك وتوزيع الارباح مع انه من فترة كان التوقعات تشير الى ان الزيادة بعد عطلة العيد بس طلع ما في شي مع انه البنك من فترة طويلة اقر في جلسته العمومية زيادة رأس المال وتوزيع الارباح من فترة اسبوع تكلمت مع عدد من الاشخاص وسالتهم عن الزيادة وكان الجواب لا جديد في الافق ارجوا ممن لديه الخبر الصريح والصريح فقط ان يشارك بهذا الموضوع
أنا رح قلك مين سألت، من كم يوم سألت واحد من شركة بيمو للوساطة، وهو خبرني أنو هنن رفعو طلب للهيئة بنشرة الإصدار فما وافقت عليه ورجعتو، وهلق توقعاتن أنو ما رح تصير الزيادة لنهاية السنة، يلي صار بعدين، أنو في حدا من رفقاتي بالمدرسة شفتو صدفة بالطريق، وسألتو، قام قلي أنو هو عندو أسهم وفي حدا خبرو أنو الزيادة رح تكون بشهر 2، وأنا برجح الخيار التاني يلي هو أنو بشهر 2، لأنو ما رح يعملو الزيادة بالشهر 12، وندخل السنة الجديدة بأسهم جديدة داخلة بالشهر الأخير من السنة ورح تحمل أرباح السنة كلها. كمان منشان البيانات المالية النهائية، وحصة السهم من الأرباح. يعني تكتيك.
هاد يلي عندي، أنا على كل انسحبت من السهم من زمان، لأنو شي بيجيب السكري
BROKER
05-10-2010, 06:25 PM
بعتقد الكلام الذي وصل للاخ اياس ... صحيح
وسيتم التأكد
البلخي
05-10-2010, 06:45 PM
الهدوء الحاصل على السهم بحجم التداول يعكس حالة هدوء و ترقب
و أول ما نشوف حركة كبيرة و مفاجئة فسيعني وجود اخبار جديدة
ابو هاشم
05-10-2010, 07:41 PM
الهدوء الحاصل على السهم بحجم التداول يعكس حالة هدوء و ترقب
و أول ما نشوف حركة كبيرة و مفاجئة فسيعني وجود اخبار جديدة
كلام سليم ففي بورصانا التسريبات اهم من الخبر
sommmmy
05-10-2010, 09:27 PM
بالنسبه لبنك بيمو توقعاتي تكون الزياده قبل نهاية العام
وسعره في الوقت الحالي برأي مناسب لمن يريد التعديل للذي اشترى بأسعار مرتفعه
بالنسبه لبنك بيمو توقعاتي تكون الزياده قبل نهاية العام
وسعره في الوقت الحالي برأي مناسب لمن يريد التعديل للذي اشترى بأسعار مرتفعه
اخي سومي مو الهيئة انه البنك راح يعمل الزيادة قبل نهاية العام والكلام الذي ذكره الاخ اياس هو الصح وهذا ايضا رأي اغلب الاخوة على كل حال الاخ بروكر وعدنا بالخبر الصحيح قريبا مع ظنه بما قاله الاخ اياس هو الصح طبعا الامر اثر على سعر السهم الذي هو بالاساس متضخم جدا قياسا لارباحه مقارنة مع باقي البنوك واعتقد راح يستمر بالهبوط الى 1800 ل.س الا اذا تدخلت شركة وساطة وحركت السهم نحو الاعلى حيث هناك العديد من الفرص متوفرة باسهم الدولي الاسلامي والتمويل والمهجر
أستاذ سومي، لأني سبق وأكلتا من هاد السهم، بنصح للتعديل أنو يصير بسعر 1850 أو 1900، واضح حاليا أنو السهم لانخفاض، قبل ما تطلع النتايج الفصلية يلي رح تطلع حكما أقل من السنة الماضية، ولهيك رح يعاني كمان من شوية انخفاض، بعدين رح يطلع من 1850 متل ما صار قبل هالمرة، ويمكن ينزل أكتر بشوي لأنو السهم ما وصل لنفس المقاومة السابقة.
sommmmy
05-10-2010, 11:27 PM
أستاذ سومي، لأني سبق وأكلتا من هاد السهم، بنصح للتعديل أنو يصير بسعر 1850 أو 1900، واضح حاليا أنو السهم لانخفاض، قبل ما تطلع النتايج الفصلية يلي رح تطلع حكما أقل من السنة الماضية، ولهيك رح يعاني كمان من شوية انخفاض، بعدين رح يطلع من 1850 متل ما صار قبل هالمرة، ويمكن ينزل أكتر بشوي لأنو السهم ما وصل لنفس المقاومة السابقة.
كلاماك فيه وجهه نظر أستاذي الكريم
والله يجيب العواقب سليمه
كلاماك فيه وجهه نظر أستاذي الكريم
والله يجيب العواقب سليمه
الاخ سومي اراك بدات تقتنع بان سعر السهم الان مرتفع اخ اياس انا كمان صار معي مثلك بس الكمية العندي كانت قليلة
sommmmy
06-10-2010, 12:34 AM
ياسيدي في الحقيقه ان سعر سهم بنك بيمو هو ثالث بنك بالرخص بعد المصرف الدولي للتجاره وبنك المهجر
وبرأي ايضا انو لي بياخدو الجلسه الجايه على ادنى سعر كمان بكون حظو سعيد
والسهم عندو مشوارمن التنازلات سواء على خطوط الفيبوناتشي او خطوط الدعم حتى يصل للسعر الذي طرحه اخونا Iass الكريم
انا لست من المدافعين عن هذا السهم ولكن هذه رؤيتي وعلى فكره خسارتي فيه حتى الآن ليست بقليله
أستاذ سومي، أنا اشتريت ب2300 ، واشتريت ب2150 واشتريت ب1950 طبعا صار التعادل عندي 2150 بس المشكلة بهي الفترة أنا ما قدرت أشتري أي شي تاني، لأني كنت بعرف تمام أنو رح يرد يطلع مرة تانية، وطلع والحمدالله طلعت منو ربحان، بس للأسف كنت مروح علي أرباح كتيرة بغير أسهم، كنت متوقع خبر الزيادة خلال 30 يوم من الإجتماع، بعدين صار أنو يبدو حرك البنك الزيادة أو حصل على موافقة ما، قام ارتفع السعر مرة تانية، وقدرت بيع وأخلص منو
أنا تقريبا كانت 60% من محفظتي منو، هلق محتفظ ب50 سهم منو، لأنو في فرص تانية خرج الواحد يفوت فيها حاليا، أما من ناحية قوة البنك وقوة السهم، لهلق هو السهم الأقوى بين كل الأسهم، وهو الوحيد يلي تداولاتو فيها كتير قليلة، طلعا مع بنك عودة، يعني لو حطيت مثلا بدك 10000 سهم متل باقي البنوك، ما رح تلاقي حدا يبيعك، معظم ملاك السهم محتفظين فيه، وأنا برأي أنو رح يتعافى البنك بنهاية الربع الرابع متل ما وضحت من فترة بإحدى المشاركات،
أنا هاد البنك علمني كتير الحقيقة، وهو بنك خطر ليلي بدو يضارب بسرعة، هاد بنك بدو واحد مستثمر قوي، معو مصاري كتير، وبيقدر أنو ينتظر عليهن 3 سنين، وشوف النتايج.
sommmmy
06-10-2010, 12:59 AM
معك حق 100% بان هذا السهم سهم استثمار وليس مضاربه
انا على العكس اشتريته من فتره وربحت فيه رباحه حلوه
ثم اشتريته ثانيه وخسران فيه خساره مرتبه
واذا بدي عدل بسعره سيروح مني فرص بسبب تجميد المصاري فيه
عمقلك شغلي عويصه
السلام عليكم
أخوتي الكرام لا تحزنوا على ارباح فاتت ولا تحزنوا على بعض الخسائر واعتبروها مكسب لكم بالخبرة والقراءة الصحيحة للأمور والابتعاد عن الاعتقادات والتوقعات التي لا تبنى من تحليل وحقائق.
تقبلوا خالص التحية والتقدير
sommmmy
06-10-2010, 05:21 AM
مشكور أخ عمر والله يعطيك الف عافيه
aysar
08-10-2010, 08:33 PM
كثر الله خيركم شباب وكلامكم ثقة جلسة الخميس بعت نصف الاسهم العندي من بيمو واشتريت قطر عم فكر الاحد بيع الباقي واشتري الدولي الاسلامي شو رأيكم اخوتي
BROKER
08-10-2010, 09:17 PM
كثر الله خيركم شباب وكلامكم ثقة جلسة الخميس بعت نصف الاسهم العندي من بيمو واشتريت قطر عم فكر الاحد بيع الباقي واشتري الدولي الاسلامي شو رأيكم اخوتي
فكّر أيضا بالاسلامي والزيوت ... واحسب أي الاسهم أجدى وأربح
تحياتي
aysar
09-10-2010, 08:09 AM
فكّر أيضا بالاسلامي والزيوت ... واحسب أي الاسهم أجدى وأربح
تحياتي
كل الشكر لك بروكرنا الغالي الدولي الاسلامي هو اول شيء عم فكر فيه بعد ما اشتريت قطر جلسة الخميس
vBulletin® v3.8.8, Copyright ©2000-2025, TranZ by Almuhajir