ارباح بنك بيمو السعودي الفرنسي عن الربع الاول 2010

[BROKER]

التقرير الربع سنوي عن الربع الأول لنتائج أعمال بنك بيمو السعودي الفرنسي

التقرير الربع سنوي لنتائج أعمال بنك بيمو السعودي الفرنسي (bbsf)عن الربع الأول .


- صافي الارباح : 163.572.327 ليرة سورية .

- حصة السهم الواحد من الارباح : 25.10 ليرة سورية .


المقارنة بالسنة السابقة 2009 لنفس الفترة :

- صافي الارباح: 305.717.278 ل.س .
- حصة السهم الواحد : 60.95 ل.س .


للتفاصيل (http://www.dse.sy/includes-market-announce/market_announcement_ar_733.pdf)

[fawazz]

السيد بروكر
شكرا للخبر
ماسبب انخفاض الارباح حوالي 50% وهي نسبه كبيره جدا
وهل هناك اسباب دعت مصرف سوريه ووزارة الاقتصاد وهيئة الاوراق الماليه لعدم اعطاء البنك موافقه حتى الان لتوزيع 14% اسهم منحه وكذلك لزيادة راسمال البنك بحدود تقريبيه 20% ؟؟

من كان لديه فكره او معلومه فليكرمنا بها
شكرا

[جميل]

الحمد لله اني بعت اسهمي ببنك بيمو وبعتهم مو شطارة الحظ هو اللي ساعدني خليت كمية جدا قليلة والله ياشباب الواحد شو ما بيصير معه من مربح بالبورصة لا يقول شطارة الحظ له دور كبير الشكر لله دايم دوم على عطاياه التي لا تعد ولا تحصى

[قاسم]

بكرة بتندم يا جميل:patch_punnch:

[sommmmy]

الحمد لله اني بعت اسهمي ببنك بيمو وبعتهم مو شطارة الحظ هو اللي ساعدني خليت كمية جدا قليلة والله ياشباب الواحد شو ما بيصير معه من مربح بالبورصة لا يقول شطارة الحظ له دور كبير الشكر لله دايم دوم على عطاياه التي لا تعد ولا تحصى

استاذ جميل الله لايضرك ولايضرنا

والسهم أقوى مما يتخيل البعض بالبنك وشركة الوساطه القويه التابعه له

بس برافو عليك بترك بعض الاسهم ((حركه حلوه وهاي شطاره منكac1))

[غالب]

الحمد لله اني بعت اسهمي ببنك بيمو وبعتهم مو شطارة الحظ هو اللي ساعدني خليت كمية جدا قليلة والله ياشباب الواحد شو ما بيصير معه من مربح بالبورصة لا يقول شطارة الحظ له دور كبير الشكر لله دايم دوم على عطاياه التي لا تعد ولا تحصى
اخي جميل مبروك للي باع ومبروك للي اشترى ... اذا نزل السعر بتعوض واذا طلع خلي حدا يتنفع فيهم على رأي بروكر

[sommmmy]

اخي جميل مبروك للي باع ومبروك للي اشترى ... اذا نزل السعر بتعوض واذا طلع خلي حدا يتنفع فيهم على رأي بروكر

مشكور على مشاعرك النبيله اخي غالب

بس هل تتوقع لهذا السهم الصعود ام الهبوط أخ غالب

[omar]

السيد بروكر
شكرا للخبر
ماسبب انخفاض الارباح حوالي 50% وهي نسبه كبيره جدا
وهل هناك اسباب دعت مصرف سوريه ووزارة الاقتصاد وهيئة الاوراق الماليه لعدم اعطاء البنك موافقه حتى الان لتوزيع 14% اسهم منحه وكذلك لزيادة راسمال البنك بحدود تقريبيه 20% ؟؟

من كان لديه فكره او معلومه فليكرمنا بها
شكرا

انخفاض اجمالي الدخل التشغيلي بما يقارب 20% (تراجع الأداء التشغيلي) أدى الى تدهور ربحية السهم وانخفاضها 60% وهذا هو السبب الرئيسي اضافة الى اسباب جانبية مثل زيادة المصاريف بشكل طبيعي

[omar]

مشكور على مشاعرك النبيله اخي غالب

بس هل تتوقع لهذا السهم الصعود ام الهبوط أخ غالب

بالنظر الى اغلاق السهم بالحد الادنى بعروض وصلت الى 1700 سهم على الحد الادنى وبعد ذلك صدرت النتائج السلبية جدا على السهم فمن الطبيعي الانخفاض جلستين او ثلاث بالحد الادنى اذا لم يكن اكثر

[iass]

شباب رأي بالموضوع على الشكل التالي، ما لازم نقارن بالربع الأول يلي كان بالسنة الماضية، لازم نقارن بالربع الأخير من السنة الماضية على اعتبار أنو هي حالة تسلسلية، يعني كل ربع بيلحق الربع يلي بعدو، شغلة تانية بدي أذكرها حول المصاريف الزيادة يلي صارت على المصرف بسبب فرع باب توما، يلي هو من أنجح الفروع للبنك ويمكن تاني أقدم فرع، اضطرو أنو يتركو الفرع لأسباب إنشائية وياخدو فرع مقابيلو، يعني مصاريف ديكور ونفض وفروغ وإلخ، لبينما رجع يشتغل الفرع الأصلي من شي شهر، شغلة تانية أخي فواز، في غموض حول إذا البنك قدم طلب للهيئة بخصوص الزيادة ولا لأ، وفي تعتيم تحديدا من شركة الوساطة بخصوص هاد الموضوع، يعني أكيد شركة بيمو للوساطة هي رح تكون المسؤولة عن الإصدار، مو معقول ما يقولو إذا قربت القصة ولا لأ، وبعتقد السبب واضح، هو يلي ملو من السهم ومن النطرة يبيعو بسعر رخيص، بعد ما اشترو متل كل هالعالم بسعر غالي، يعني متل العادة، هي الشركة هي تحديدا لخدمة كبار المستثمرين على حساب الصغار، على كل، لهلق ما في حدا عم يشتري من الأسهم المعروضة، في سيناريو تاني، ممكن أني أتوقعو، بس بستبعد أنو يكون هيك، أنو تأخرو بنشر نتايج الربع الأول لهلق، وبعد كم يوم رح تصدر أخبار الزيادة، بحيث ما تأثر النتايج الضعيفة على السعر العالي للبنك، وفي إشارة فيني قول انها مهمة، من كم يوم صارت صفقة على خمس تالاف سهم، ما بعتقد يلي اشترى هدول الخمس تالاف سهم، كان شايف كيف أنو الأسهم معروضة للبيع وما في حدا يشتري غير قلة، أنو ما يشتريهن ألف ألف، كان وفر عالقليلة، 5 بالمية من السعر، طبعا أنا ماني خبير متل أخي الاستاذ عمر، ولا متل الأستاذ جميل أو الأستاذ غالب، بس حبيت أعطي رأيي، يلي يمكن عم أتمنى أنو يكون صحيح وما نفوت بالحيط

[omar]

الربع الثالث والرابع من العام الماضي كان هناك قرار بتطبيق مخصصات على الودائع لاول مرة وانخفضت ربحية البنوك قليلا فلا نستطيع اعتماد الربع الرابع او الثالث للمقارنة.

علما بأن المقارنة السليمة تكون مع الربع نفسة من العام الماضي وبنفس الوقت يقارن ايضا مع الربع السابق ولكن كما ذكرت سابقا ان هناك استثناء بالربع الثالث والرابع وانخفضت فيه الارباح قليلا بسبب القرارات

وبالنسبة لبنك بيمو فان هناك انخفاض باجمالي الدخل التشغيلي (اي تعاملات البنك انخفضت) ونسبة انخفاض تعاملات البنك كانت بنسبة 15-20%

[جميل]

استاذ قاسم على شو بدي اندم على خسارة مال لا والله ماراح اندم الله لايندمك على شي المصاري بتروح وبتجي والبورصة ربح وخسارة بعدين انا قلت بعتهم مو شطارة مني اضطريت والله وفقني بسهم كنت عم بحلم حلم فيه بس طريقتك بالتعبير قاسية شوي مو هيك اخي قاسم

[غالب]

استاذ قاسم على شو بدي اندم على خسارة مال لا والله ماراح اندم الله لايندمك على شي المصاري بتروح وبتجي والبورصة ربح وخسارة بعدين انا قلت بعتهم مو شطارة مني اضطريت والله وفقني بسهم كنت عم بحلم حلم فيه بس طريقتك بالتعبير قاسية شوي مو هيك اخي قاسم
اخي جميل ... تحية طيبة ... اكيد الاخ قاسم ما قصده الندم بحد ذاته وانما الجملة المصرية المعروفة حتندم يا جميل اي يا حلو وهي زابطة لانه اسمك جميل وان شاء الله تكون جميل واكيد جميل بأخلاقك وروحك الطيبة ورغبة بمساعدة الاخرين وعدم الانانية وهاي الصفات ما بتتوفر بكل الناس نيال من نفع واستنفع ... وما في شي بالحياة يستحق نندم عليه الانسان الحر بيأخذ قراراته عن قناعة وما بيندم على شي والله الموفق ....وانشالله السهم الي اخذته اكيد قطر الوطني الله يكتبلك فيه فائدة 10 عشر اضعاف بيمو والله اعلم ...

[sameer]

السلام عليكم
عندي سؤال بخصوص توزيع الأرباح وزيادة رأس المال متى سوف تتم علما أنه تم الجتماع قي 10-5-2010 وحتى الان لم يحصل على الموافقة
لو أي أحد يعرف أتمنى الاجابة
ولكم جزيل الشكر

[sameer]

أعني لبنك بيمو السعودي الفرنسي

[iass]

أخي سمير مو مبين، بحسب بعض الأخوة هون بالمنتدى أنو يمكن راحت لآخر السنة، وهاد احتمال كبير، لأنو إصدار أسهم زيادة الرأسمال بحاجة لوقت وحسابات ومدير إصدار، على عكس أسهم الزيادة

[البلخي]

برأيي الشخصي أن أسهم المنحة و زيادة رأس المال المرتقبة
ستدعم سعر السهم بشكل كبير بغض النظر عن النتائج الفصلية التي لا يعرف بها سوى عدد محدود من المساهمين، و لو حصل هبوط بسعر السهم لجلستين مثلا فأن ارتداد سريع
للأعلى سيحصل مباشرة

[iass]

روح الله يريحلك قلبك متل ما ريحتلي قلبي

[sameer]

السلام عليكم سيد البلخي
أنا عند أسهم وصرت خسران فيهم منيح مالي عرفان بيع ولا استنى شوي
ولغاية متى استنى وهيك بتزيد الخسارة
وبشكر الجميع على مساعداته ومشاركاته

[قاسم]

استاذ جميل ان اخي غالب عبرعن مافي داخلي ولكن من باب الملاطفة يا اخي العزيز واكن لك ولجميع من في هذا المنتدىكل لاحترام والتقديروانشاء اللة سهمك اخضر وتحياتي لاخي غالب من بلاد لاغترابac1