70 سهم في بنك شام بسعر 525

[AllooOoodY]

تحية للجميع

لدي 70 سهم في بنك شام للبيع بسعر 525 ليرة


دفعة واحدة و بشكل عاجل


السعر الكامل تقريبا 36750 ليرة ug3;

و رسوم التنازل مناصفة بيني و بين الشاري

للتواصل على الخاص

مع تحياتي
azhar1

[Muhammad Duksi]

أخي AllooOoodY يمكن هيك السعر صار أحسن من قبل، و الله يبعتلك مين يشتري لأنك قلت بشكل عاجل
بس بالنسبة إليّ
Still Too much

مو معروف وضع البنك كيف، كان خسران و كان السهم عبينباع بخسارة بـ 475 و كتير عرضوا عليّ بس لما شفته عبيخسر خفت و ما قبلت
بس صار تغير حلو و انتقل البنك من الخسارة إلى ربح طفيف و مو معروف وضعه كيف
على كل حال و مشان ما أحكي كتير
و ما بدي أخيسلك بالسعر الي حاطه لأنه يمكن صار مقبول و لازم تلاقي مين يشتري بهالسعر
بالنسبة إلي، لأ...

و السلامـ،

[AllooOoodY]

بعد ما نشرت عرضو للبنك عم تقول ما بدك تخيسلي السعر هههههههههههههه

اخي الكريم البنك وضعو تغير عن قبل و اول مايفوت عالبورصة رح يرتفع سعرو فورا مالا يقل عن 200 ليرة

يعني رح يصير السعر بحدود 1200 ليرة فورا هالحكي اذا ضل بوضعو الحالي

اما اذا تحسن و هالشي هوي الاكيد رح يكون سعرو مالا يقل عن 1400 ليرة

لذلك السعر منطقي جدا و انا اساسا ماني معتمد عليه كربح لأنو مارح يفرق معي غير 1000 ليرة

أنا مستثمر بغير أسهم و عدد كبير مو 70 سهم بس

بس انا نوعت استثماراتي مشان هيك شغلات و انا حاليا مستعجل ببيعو

و الي حابب يشتري اهلا و سهلا و للتواصل على الخاص و ممكن نتفق

[BROKER]

النتائج المالية الرابحة للبنك في الربع الاول أدت الى الاقبال على السهم ، كما أن المؤشرات تدل على ان البنك سيبدأ من هذا الربح الى النمو والاتجاه الرابح

بالتوفيق للجميع

[AllooOoodY]

النتائج المالية الرابحة للبنك في الربع الاول أدت الى الاقبال على السهم ، كما أن المؤشرات تدل على ان البنك سيبدأ من هذا الربح الى النمو والاتجاه الرابح

بالتوفيق للجميع
بظن انو هادا الكلام هوي المظبوط

يسلم تمك أخي بروكر

لساتو العرض قائم بكل الأحوال و قابل للتفاوض بس مو كتير :patch_comm:

[عارف]

هل تقايضهم على خمسين سهم عقيلة

[AllooOoodY]

هل تقايضهم على خمسين سهم عقيلة
للأسف اخي عارف

لا أتعامل مع العقيلة ولا بأي شكل من الأشكال

حتى لو قلت لي 100 سهم عقيلة لن ارضى

[عارف]

أتمنى لك التوفيق و الربح الوفير

و لكن مما تشكو العقيلة ، حتى تكلمت عنها بهذه الطريقة

[AllooOoodY]

أتمنى لك التوفيق و الربح الوفير

و لكن مما تشكو العقيلة ، حتى تكلمت عنها بهذه الطريقة
شكرا لك اخي عارف

لا تشكو من شيء و ارجو ان لا تفهمني بسوء

و لكني لا اتعامل مع الشركة بحد ذاتها لا اقل و لا اكثر

ليس هناك أي سبب و لم اقصد ان اتكلم عنها بطريقة مزعجة و لكني لا احب شركات التامين (فقط)

[عارف]

أحترم رأيك و أستغربه

كنت أعتقد أنك لو قبلت المبدأ سيكون أسهل عليك بيع العقيلة في هذا الوقت من بيع الشام

خالص تحياتي لك أخي الكريم

[AllooOoodY]

أحترم رأيك و أستغربه

كنت أعتقد أنك لو قبلت المبدأ سيكون أسهل عليك بيع العقيلة في هذا الوقت من بيع الشام

خالص تحياتي لك أخي الكريم
اعرف أنه غريب بعض الشيء و لكن لكل شخص مايحبه و ما يكرهه و ما لا يفضله

و انا شخصيا لا احب شركات التامين بكافة اشكالها ربما هي رابحة و جيدة ولكني شخصياً لا أفضلها ابدا

أعرف ان عرضك كان جيدا و لكني لا أتعامل مع شركات التامين مطلقاً مهما كانت الظروف

تقبل تحياتي :)

[عارف]

بالمناسبة أنا أيضاً لا أحب طريقة تعامل شركات التأمين مع المتضرر من حادث سير ، و محاولتهم التقليل و التشكيك بقيمة الأضرار و الاصلاحات و ابتزازه بأن اللجوء للقضاء مكلف و يحتاج لوقت طويل حتى يرضى بأقل تعويض .

و لكن تداول أسهمهم شيء آخر بالنسبة لي .

[AllooOoodY]

كلامك صحيح و لكن انا لي اسباب كثيرة اخرى غير الذي ذكرت و منها خاص بعض الشيء

[حلبي]

////////عندك اسهم بركة للبيع ؟؟ \/////////

[عارف]

////////عندك اسهم بركة للبيع ؟؟ \/////////

بكم تشتري ؟؟

[Muhammad Duksi]

سبحان الله تقولوا مو ماشي بالسوق غير أسهم البركة
أنا بشتري بـ 475 لغاية ألف سهم و طبعاً الدفع كاش و رسوم التنازل مناصفة

[ابو فراس]

محمد يعني انت كأنك بعيد عن السوق ولسا بتطلب ان تشتري 475 ل س للسهم البركة السهم اليوم سعره 510 ل س وانا مستعد لشراء كميه كبيرة مها كانت على نفس السعر

[Muhammad Duksi]

Talkonline


أخي الكريمـ، والله مو قصة بعيد عن السوق بس أنا صار عندي كمية منيحة من أسهم البركة و آخر سعر اشتريت فيه كان 425 و بما أنو عندي مالي مضطر عالشراء، لهيك إذا بدي أشتري عبدور على سعر يكون مغري لشخص مستعجل عالبيع
هي أولاً

و ثانياً ما منقدر نقول في سعر سوقي لسهم مو مطروح بالبورصة ، يعني هادا السعر الي قرروه الناس
لهيك هي ظاهرة سوقية لا أكثر ...
يعني لحد الآن البنك مو معروف وضعه كيف بالرغم من سمعته الممتازة
و بالنهاية ممكن يكون سعر الحالي أقل من 500 يعني كيف ربح 100% على أي مؤشر أو أي مقياس

صح كلامي ولا عندك رأي تاني

و السلامـ،

[ابو فراس]

سيد محمد مافي حدا عم يبيع على 500 ل س يعني السعر اعلى من 500 اليوم وهذا سوق بورصه اليوم هيك السعر بكرا مابنعرف شو رح يصير ممكن يصير 600 وانا لا استبعد ذلك

[AllooOoodY]

يا جماعة خلونا بأسهم بنك شام و الي بدو يشتري يرفع ايدو :patch_punnch:

وقفو عالدور لقلكون :patch_sante:

[NetPro]

أنا أشتري منك بسعر 505 للسهم وأرسلت لك رقمي على بريد المنتدى
بحال الموافقة يكون التنازل يوم الأحد
إذا إدارة البنك تفتح السبت فلا مانع عندي أن يكون التنازل السبت.

[ابو فراس]

انا بشتري اسهم بنك الشام ولكن 70 سهم عدد قليل اريد اكثر 500 حد ادنى والسعر 500 والمصاريف كاملة على البائع

[AllooOoodY]

مسا الخير جميعا

الأخ NetPro اشترى الأسهم و مبروكين عليه

مشكورين جميعا عالتواصل و عقبال ما نلتقي ببيعات تانية

[Muhammad Duksi]

الله يبارك للي باع و للي اشترى
و سعر 505 ممتاز بالوقت الحالي

و بالنسبة للأخ talk online
والله بعرف، و يوصل قد ما يوصل بس لا تنسى أن الشركة ما باشرت عملها و السهم ما اندرج بالبورصة
رغم التأكيد أنه رح يندرج بس الشغلة بدها وقت لسا، إما لحتى يقدم ثلاث ميزانيات رابحات أو ممكن يندرج بالسوق الموازي
المهم من الموضوع، أني استمتعت بالنقاش معك، ولا تاكل همي وقت بدي أشتري بسعر السوق بلحظة بلاقي، بس أنا عبدور عالسعر الأرخص و هادا حقي ههههههههههه

شكراً للجميع

[AllooOoodY]

الله يبارك فيك أخ Muhammad Duksi

[Salam L]

مبروك للطرفين

[AllooOoodY]

الله يبارك فيكي آنسة سلام

[حلبي]

مطلوب شراء اسهم بنك البركة وعقيلة
0954660356