المتابعة اللحظية لجلسة تداول الإثنين 3-5-2010

[BROKER]

متابعة جلسة تداول الإثنين 3-5-2010

أولاًَ:نصـــــــــــائح مــهمــة عند بداية دخولك للسوق:




http://www.gasb.ly/images/logo.jpg


-دعـــاء دخـــول الــــسوق ....



-الاستغفار دائما وأبدا والحمد والشكر لله الكريم على نعمه التي لا تعد ولا تحصى ...

-حب لأخيك ماتحبة لنفسك وذلك اقتداء بقائدنا وحبيبنا ونبينا محمد صلى الله عليه وسلم ...

- لا تقدم على عمليات شراء فورية عند نزول السوق ....

- لا تقدم على عمليات بيع فورية عند ارتفاع السوق ....

- دائما اشتر السهم على دفعات بحيث في حالة نزول السهم توجد امكانية للتعديل ....

- تابع سهمك وذلك بمعرفة نقاط الدعم والمقاومة له ....

- اشتر على اشاعة السوق ( القوية ) وبع عند إعلان الخبر....

- حاول اقتناص الفرص في حا لة النزول وفكر في الاسهم الاستثمارية التي لها محفزات والشراء كما قلنا على دفعات ...

وتفاءلوا دائما بالخير تجدوه إن شاء الله ....

- دائما شارك وتفاعل معنا بحيث تفيد وتستفيد واعتبر نفسك من رواد المتابعة اللحظية ونحن معك دائما ....

- لا لا لا للبيع بخسارة واذا كنت خايف من السهم بع النصف واشتر في النصف الاخر عند نزول السهم ....

- تــابـعوا افتتاح السوق بتركيز واغلاقه وركز على ســــــــهمك ....

- الـتــوكـــل على الله عــــز وجـــل ....

شــارك مـعنا فــي الــمتابعة اللــحظية لـكـي تـعـم الـفائـدة للــجميـــع

سيريا ستوكس
syria-stocks

[BROKER]

اسماء الشركات المدرجة ورموزها


- المتحدة للتأمين uic

- الشركة الأهلية لصناعة الزيوت avoc

- بنك سوريا الدولي الاسلامي siib

- الشركة الهندسية الزراعية للاستثماراتnama

- البنك الدولي للتجارة والتمويل ibtf

- البنك العربي سورية arabs

- بنك بيمو السعودي الفرنسي bbsf

- بنك سورية والمهجر bso

- بنك عودة سوريا basy

- المجموعة المتحدة ug

- الشركة الأهلية للنقل ahy

- بنك بيبلوس BBS

-السورية الدولية للتأمين AROP جديد

- بنك قطر الوطني -سورية QNBS جديد


لمعرفة المزيد حول الشركات المدرجة اضغط على الرابط التالي :

معلومات جميع الشركات المساهمة المدرجة حالياً.... بسوق دمشق للأوراق المالية . (http://www.syria-stocks.com/forum/t191.html)

[BROKER]

أيام التداول في سوق دمشق

الاثنين - الثلاثاء - الخميس

من 10.30 صباحا حتى 01.00 ظهرا

[MARC]

انشاء الله جلسة خضراء

[BROKER]

SIIB


نشرت سوق دمشق للأوراق المالية محضر اجتماع الهيئة العامة غير العادية لبنك سورية الدولي الإسلامي التي عقدت بتاريخ 02/05/2010.


للإطلاع على المحضر اضغط هنا (http://www.dse.sy/includes-disclosure/SIIB_generalAssembly_02-05-2010_ar.pdf)

ومن أهم القرارات عدم توزيع الارباح للتدوير

[BROKER]

ARBS


نشرت سوق دمشق للأوراق المالية محضر اجتماع الجمعية العمومية العادية للبنك العربي - سورية التي عقدت بتاريخ 29/04/2010.

وبناءً عليه ستعاد أسهم البنك العربي - سورية (ARBS) إلى التداول في جلسة يوم الاثنين 03/05/2010 .

وسيتم تعديل السعر المرجعي لسهم البنك (ARBS) ليصبح 1,278.53 ليرة سورية وذلك بناءً على قرار الهيئة العامة للشركة بتوزيع (3%) من القيمة الاسمية للسهم أي بواقع /15/ ليرة سورية للسهم الواحد.


للإطلاع على المحضر اضغط هنا (http://www.dse.sy/includes-disclosure/ARBS_generalAssembly_02-05-2010_ar.pdf)

[BROKER]

BBS

نشرت سوق دمشق للأوراق المالية محضر اجتماع الجمعية العمومية العادية لبنك بيبلوس - سورية التي عقدت بتاريخ 29/04/2010.

وبناءً عليه ستعاد أسهم بنك بيبلوس - سورية (BBS) إلى التداول في جلسة يوم الاثنين 03/05/2010 .

وسيتم تعديل السعر المرجعي لسهم البنك (BBS) ليصبح 672.75 ليرة سورية وذلك بناءً على قرار الهيئة العامة للشركة بتوزيع (8%) من القيمة الاسمية للسهم أي بواقع /40/ ليرة سورية للسهم الواحد.

بالإضافة إلى اعتبار هذه الجلسة أول جلسة تداول تلي تاريخ اكتساب المساهم لحق الأفضلية في الاكتتاب بأسهم الزيادة في رأس المال والمحدد في موافقة هيئة الأوراق والأسواق المالية السورية بتاريخ 29/4/2010

للإطلاع على المحضر اضغط هنا (http://www.dse.sy/includes-disclosure/BBS_generalAssembly_02-05-2010_ar.pdf)
للإطلاع على التعميم اضغط هنا (http://www.dse.sy/includes-market-announce/market_announce_02-05-2010_172.pdf)

[BROKER]

BSO

نشرت سوق دمشق للأوراق المالية محضر اجتماع الجمعية العمومية غير العادية المعدل لبنك سورية والمهجر (BSO) التي عقدت بتاريخ 26/04/2010

لمزيد من المعلومات اضغط هنا (http://www.dse.sy/includes-disclosure/BSO_generalAssembly_02-05-2010_ar.pdf)

2-5-2010

[Sawt Al Watan]

ان شاءالله يا رب الله يسمع منك وتكون جلسة خضرة للجميع

انا بتمنى من الاخوة الافاضل اللي عندون خبرة جيدة بالسوق يفيدونا على حسب توقعاتهم على السهم اللي

باماكنو الواحد يقدر يشتريه وبتمنى من كل شخص كمان انو يبدي الراي ووجهت نظرو

واتمنى التوفيق للجميع

[BROKER]

انشاء الله جلسة خضراء


الله يسعد أيامك

جلسة موفقة للجميع ....

الآن حان وقت النوم .... نراكم بإذن الله عند بداية التداول

صباحكم سعيد

[BROKER]

ان شاءالله يا رب الله يسمع منك وتكون جلسة خضرة للجميع

انا بتمنى من الاخوة الافاضل اللي عندون خبرة جيدة بالسوق يفيدونا على حسب توقعاتهم على السهم اللي

باماكنو الواحد يقدر يشتريه وبتمنى من كل شخص كمان انو يبدي الراي ووجهت نظرو

واتمنى التوفيق للجميع


إن شاء الله ما حدا بيقصر

ادخل المتابعة غدا من أولها وستجد اي اجابة لاسئلتك

تحياتي أستاذ أبو هيثم

[Sawt Al Watan]

الله يحييك اخي الكريم بروكر ويبارك فيك

واسال الله العظيم ان يجعل اعمالك في ميزان حسناتك ولكل من قائم على هذا العمل الطيب

ولكل الاخوة المشاركين في هذا المنتدى العطر

واتمنى للجميع التوفيق

[Salam L]

صباح جديد وجلسة جديدة...نشالة تكون موفقة

[anwarhasan]

صباح الخير ..
الله يستر اليوم سهم سورية الدولي الإسلامي .. ما في أرباح وزيادة رأس المال راحت حتى 15/12
الله يستر من الأحمر

[Sawt Al Watan]

صباح الخير والفل والياسمين

ان شاءالله جلسة خضرة وحلوة ومربحة لكل حملة الاسهم وخاص ناص على الاسلامي لانو يمكن يكون في خطر عليه اليوم

[anwarhasan]

اليوم عروض البيع طيبة على سهم الدولي للتجارة .. أكيد بسبب الاكتتاب على المرحلة التانية , مع انه توزيع الأرباح يوم الخميس القادم .
السهم مناسب تماما للشراء

[anwarhasan]

عنوان جلسة اليوم : بطئ موقع السوق القاتل
يا ريت ما يصير هاد عنوان كل يوم
طول عمرنا والمسؤولين عنا بيعتمدوا سياسة ((الترقيع)) وما بيعتمدوا تجهيزات تفي بالغرض لسنوات قادمة

[سمير]

السلام عليكم
ياعباد الله الصالحين
وجعل أيامكم خضراء
وفرجها علي وعلى عباده المظلومين
آآميين

[BROKER]

صباح جديد وجلسة جديدة...نشالة تكون موفقة


أهلا أستاذة سلام

بالتوفيق لسهمك

وصلك توزيع الارباح ؟

[BROKER]

صباح الخير ..
الله يستر اليوم سهم سورية الدولي الإسلامي .. ما في أرباح وزيادة رأس المال راحت حتى 15/12
الله يستر من الأحمر

حاجتو طاحش لفوق ...

الله يصبحك بالخير

[BROKER]

صباح الخير والفل والياسمين

ان شاءالله جلسة خضرة وحلوة ومربحة لكل حملة الاسهم وخاص ناص على الاسلامي لانو يمكن يكون في خطر عليه اليوم


صباحك خير و لون أخضر على سهمك ...

بانتظار هالشاشة الاعجوبة حتى تفتح ونشوف اللون للاسلامي



عنوان جلسة اليوم : بطئ موقع السوق القاتل
يا ريت ما يصير هاد عنوان كل يوم
طول عمرنا والمسؤولين عنا بيعتمدوا سياسة ((الترقيع)) وما بيعتمدوا تجهيزات تفي بالغرض لسنوات قادمة



:confused2::confused2::confused2::confused2:

[BROKER]

السلام عليكم
ياعباد الله الصالحين
وجعل أيامكم خضراء
وفرجها علي وعلى عباده المظلومين
آآميين

وعليكم السلام والرحمة

الله يفرجها عليك همك وحزنك يارب

أهلا بك أستاذ سمير

[khjanbakly]

صباح الخير
يا ترى في أمل تشتغل الشاشة اليوم
ولا متل العادة قبل نهاية الجلسة بتبلش تشتغل
بيكون يلي ضرب ضرب ويلي هرب هرب

[BROKER]

أصدر الدكتور محمد الجليلاتي المدير التنفيذي لسوق دمشق للأوراق المالية توضيح للمساهمين حول آلية تعديل السعر المرجعي لسهم بنك بيبلوس – سورية (BBS) .

للإطلاع اضغط هنا (http://www.dse.sy/includes-market-announce/market_announce_03-05-2010_174.pdf)

[Sawt Al Watan]

يا جماعة شو هالموقع هاد تبع البورصة شاشة جمدانة وما عم نشوف شي

الله المستعان كل جلسة نفس الشي

والاسلامي مافي حدى عم يشتري منو ونزل لادنى سعر الو 1244 ومافي شراء

[Salam L]

أهلا أستاذة سلام

بالتوفيق لسهمك

وصلك توزيع الارباح ؟



لسا ماقبضت الارباح. وشركة الوساطة مابعتتلي شي. رح جرب روح اليوم على مكتب الاهلية للنقل لشوف شو القصة

[BROKER]

صباح الخير
يا ترى في أمل تشتغل الشاشة اليوم
ولا متل العادة قبل نهاية الجلسة بتبلش تشتغل
بيكون يلي ضرب ضرب ويلي هرب هرب


في أمل في أمل :patch_pleur1:

[BROKER]

لسا ماقبضت الارباح. وشركة الوساطة مابعتتلي شي. رح جرب روح اليوم على مكتب الاهلية للنقل لشوف شو القصة

شوفي الاستاذ نت برو شو عمل ..

ومن جهة الزيوت ؟

[Sawt Al Watan]

على حد علمي امل عطتكون عمرها

بس بقت بنت عمها خيريه رح تجي باخر الجلسة بس اذا ماتت خيريه تبهدلنا

الله المستعان

[SAMER_H]

صباح الخير

فعلاً يا بروكر اللي ضرب ضرب واللي هرب هرب

تم خسف الاسلامي

[BROKER]

يا جماعة شو هالموقع هاد تبع البورصة شاشة جمدانة وما عم نشوف شي

الله المستعان كل جلسة نفس الشي

والاسلامي مافي حدى عم يشتري منو ونزل لادنى سعر الو 1244 ومافي شراء


بدنا ندعيلو يشتغل ..... ويمكن بدنا نلم تبرعات

[سمير]

الموقع عندي صار بدون أسعار

[سمير]

انكسرت المقاومة
واشترينا كام سهم منشان زيادة الرسمال
وانكسرنا ورح نشلف هالكام سهم شي سنة

[Sawt Al Watan]

:patch_pleur1:بدنا ندعيلو يشتغل ..... ويمكن بدنا نلم تبرعات




اذا بدون منلملون تبرعات ومو خصارة المهم نشوف السوق

الله المستعان

[BROKER]

الموقع عندي صار بدون أسعار


وأخيرا شاشة سوداء ...

[BROKER]

انكسرت المقاومة
واشترينا كام سهم منشان زيادة الرسمال
وانكسرنا ورح نشلف هالكام سهم شي سنة

لسا ما خلق اللي بدو يكسرك أستاذ سمير

باطل ...

شباب الشاغور معك ...

[Sawt Al Watan]

انكسرت المقاومة
واشترينا كام سهم منشان زيادة الرسمال
وانكسرنا ورح نشلف هالكام سهم شي سنة


الله يعوضك اخي الكريم بس ان شاءالله ما رح يستمر تراجع السهم

انا حطيت اوامر بيع بـ 1244 وقدامي خير الله وما عم شوف شو صار

:patch_punnch: وشو الحل

[BROKER]

صباح الخير

فعلاً يا بروكر اللي ضرب ضرب واللي هرب هرب

تم خسف الاسلامي


أهلا استاذ سامر

شايفلك البيع على العمياني غليظ ... متل اللي عم يشتري سمك بالمي

[soso]

صباحكم خير

شوهاد شوهاد شوهاد

وين الشاشة وين التداول وين الزيوت

الامور فايتة بالحيط

[سمير]

الله حيو شباب الشاغور والميدان وو
(انكسرنا شوي صغيرة بالاسلامي)
ماي محرزة
تاركينكم لشي مهم
هلأ بس ادعولي
بالنسبة للأسهم مافي مشكلة أبداً أبداً
بس أصعب شي
"قهر الرجال"

[sasoky]

وضعت امر البيع 1244

بس مالي شايف شي

[khjanbakly]

طلبات الشراء على الاسلامي 00000

[khjanbakly]

طبعا على ذمة الراوي
(الشاشة الظريفة)

[ado]

وانا كمان ساسوك

متلك

الله يستر

[soso]

على فكرة اختي سلام

ارباح الزيوت و صلتني بدون مارح لعند حدا

من شركة الوساطة

[BROKER]

صباحكم خير

شوهاد شوهاد شوهاد

وين الشاشة وين التداول وين الزيوت

الامور فايتة بالحيط





طولي بالك
اربت تنحل

[khjanbakly]

بعيدا عن التحيلي الفني والاساسي
والله اعلم شكله هلق الوقت مناسب للتجميع بكل شي خصوصا الدولي للتجارة والتمويل
لانه السيولة مسحوبة من السوق بسبب الاكتتابات
ومصيرها ترجع بسبب فائض الاكتتاب
:coool:

[BROKER]

وأخيرا اشتغلت

في حدا ما فتحت عندو

[khjanbakly]

عم تفتح
بس بتجيب الجلطة وقت بتحاول تشوف الصفقات المنفذة

[SAMER_H]

أهلا استاذ سامر

شايفلك البيع على العمياني غليظ ... متل اللي عم يشتري سمك بالمي


الله يسعد صباحك اخي بروكر


في عبط بالموضوع يا الكل بيشتري سوا يا الكل ببيع سوا

المعروض في الاسلامي 12134 على الـ 1244 حجم الصفقات المنفذة 1,090,000

[BROKER]

حجم المعروض : 12,344 سهم

اسلامي

[BROKER]

الله حيو شباب الشاغور والميدان وو
(انكسرنا شوي صغيرة بالاسلامي)
ماي محرزة
تاركينكم لشي مهم
هلأ بس ادعولي
بالنسبة للأسهم مافي مشكلة أبداً أبداً
بس أصعب شي
"قهر الرجال"

بس عطينا اشارة ....

[ado]

شوهاد المعروض

وين الشراة

[NetPro]

في عبط بالموضوع يا الكل بيشتري سوا يا الكل ببيع سواحلوة منك .... عجبتني تبع العبط:patch_rir:

[BROKER]

الله يسعد صباحك اخي بروكر


في عبط بالموضوع يا الكل بيشتري سوا يا الكل ببيع سوا



:confused2::confused2::confused2:

[anwarhasan]

بعيدا عن التحيلي الفني والاساسي
والله اعلم شكله هلق الوقت مناسب للتجميع بكل شي خصوصا الدولي للتجارة والتمويل
لانه السيولة مسحوبة من السوق بسبب الاكتتابات
ومصيرها ترجع بسبب فائض الاكتتاب
:coool:

صحيح تماما أخي الكريم .. وكل من اشترى اليوم وسيشتري غدا سيستفيد من توزيع الأرباح وسيعاود السهم ارتفاعه لاحقا بشكل أكيد .. إلا أني أتوقع أن طلبات البيع ستكون قليلة على سهم الدولي للتجارة من يوم الأثنين القادم حتى وصول السهم لسعر معقول وعادل لأن سعر السهم الحالي رخيص نسبيا
وبالتوفيق لكل من استفاد من فرصة الشراء الحالية على هذا السهم

[khjanbakly]

سيعاود السهم ارتفاعه لاحقا بشكل أكيد .. إلا أني أتوقع أن طلبات البيع ستكون قليلة على سهم الدولي للتجارة من يوم الأثنين القادم حتى وصول السهم لسعر معقول وعادل لأن سعر السهم الحالي رخيص نسبيا



إلى أن تدرج أسهم الزيادة
ساعتها رح يكون البيع على ابو موزةc11

[سوري2]

وبــــــــــعــــــــديــــــــــــــن

[ملك]

افضل سهم موجود الان بالساحة هو المصرف الدولي للتجارة

[BROKER]

بعد ما فتحت الشاشة
فصل النت

[anwarhasan]

إلى أن تدرج أسهم الزيادة
ساعتها رح يكون البيع على ابو موزةc11
؟؟
كيف يمكن أن يؤثر إدراج أسهم الزيادة في الإكتتاب على معروض البيع ؟؟
إن أسهم الزيادة عددها حوالي 234 ألف سهم بينما تم إدراج 4 ملايين سهم مؤخرا واستمر ارتفاع السهم , وبالعكس الكثيرين سيعاودون شراء السهم بعد إعادة الفائض المرهون للإكتتاب الثاني لأنه يمكن أن تصل الطلبات إلى 1000% أي من طلب 1000 سهم سيحصل على أكثر من مئة سهم بقليل وذلك حسب نظام التوزيع الذي سيطبق وباقي الفائض من السيولة سيرجع للمكتتبين والذين بجزء منهم سيعاودون الشراء على نفس السهم وأنا واحد من هؤلاء
لهذا لا أعتقد إطلاقا أن انتهاء تملك أسهم الزيادة ستؤثر على سعر السهم

[سوري2]

12,654 حجم البيع 1244

[سمير]

؟؟
كيف يمكن أن يؤثر إدراج أسهم الزيادة في الإكتتاب على معروض البيع ؟؟
إن أسهم الزيادة عددها حوالي 234 ألف سهم بينما تم إدراج 4 ملايين سهم مؤخرا واستمر ارتفاع السهم , وبالعكس الكثيرين سيعاودون شراء السهم بعد إعادة الفائض المرهون للإكتتاب الثاني لأنه يمكن أن تصل الطلبات إلى 1000% أي من طلب 1000 سهم سيحصل على أكثر من مئة سهم بقليل وذلك حسب نظام التوزيع الذي سيطبق وباقي الفائض من السيولة سيرجع للمكتتبين والذين بجزء منهم سيعاودون الشراء على نفس السهم وأنا واحد من هؤلاء
لهذا لا أعتقد إطلاقا أن انتهاء تملك أسهم الزيادة ستؤثر على سعر السهم

أما أنا فسأبيع بعد حصولي على أسهم الزيادة وتحقيق ربح مناسب

[BROKER]

لو تتجه السيولة الى الزيوت ونخلص

[soso]

والله شي بديء الخلء

[SAMER_H]

حلوة منك .... عجبتني تبع العبط
:patch_rir:

شو استاذنا تنصحنى بالبيع بكرة اذا كسر الـ 1240

[BROKER]

الله بعوض

[soso]

كنت رح بيع الزيوت بخسارة وادخل بالاسلامي

الحمد لله اللي ما ساويتها

[جميل]

شباب نصيحة عليكم بسهم نماء مثل ماقال الاستاذ ياسر اسهم نماء من ذهب وخاصة انه تقدم من فترة يطلب زيادة راس ماله وسيقود العملية بايونييرز وسعر سهمه عند الاكتتاب 250 ل.س والتوقع ان تكون الزيادة بمقدار الضعفين

[BROKER]

شباب نصيحة عليكم بسهم نماء مثل ماقال الاستاذ ياسر اسهم نماء من ذهب وخاصة انه تقدم من فترة يطلب زيادة راس ماله وسيقود العملية بايونييرز وسعر سهمه عند الاكتتاب 250 ل.س والتوقع ان تكون الزيادة بمقدار الضعفين


وينو الاستاذ ياسر مو مبين اليوم

معك في النصيحة

[soso]

صارت الساعة 1.10 وما سكر السوق

شو عم يعوضو ساعات الأعطال

[جميل]

الله يخليك استاذ بروكر والزيادة قريبة شباب اكثر مما تتوقعون بس اذا تسالوا شركات الوساطة راح يقولوا مو مبيين مثل ما عملوا فينا بالدولي للتجارة والتمويل والاكيد انهم تقدموا للسوق بطلب الزيادة منذ فترة لاباس بها

[Salam L]

شباب نصيحة عليكم بسهم نماء مثل ماقال الاستاذ ياسر اسهم نماء من ذهب وخاصة انه تقدم من فترة يطلب زيادة راس ماله وسيقود العملية بايونييرز وسعر سهمه عند الاكتتاب 250 ل.س والتوقع ان تكون الزيادة بمقدار الضعفين

طيب هل من المفيد شراء السهم اذا كان مافي سيولة للاكتتاب على المزيد من الاسهم؟؟ يعني لنفرض انا اشتريت 50 سهم نماء لكن ماكان معي سيولة لاشتري كمان ولو ب 250. شو بيكون الوضع بهي الحالة؟

بالنسبة للزيوت اليوم قرأت توقعات عن ارباح كبيرة لهذا الربع وسوف يعلن عنها قريبا ويبدو عقدة السهم رح تنحل.

[جميل]

اخت سلام فيكي ما تعملي زيادة لاسهمك وبتبيعيهم قبل الاستحقاق بكون السهم ارتفع سعره كويس وحققت مرابح جيدة.وارغب من تجربة شخصية عندما تسال شركة الوساطة ماذا اشتري من اسهم افعلوا عكس ما يقولون وهذه العملية ولله الحمد ناجحة معي حت الان

[وسام الساهر]

مرحبا شباب انا أشتريت اليوم اسهم المصرف الدولي للتجارة والتمويل بس الشركة اشترت على
1428 ليرة مع انو مكتوب انو اعلى سعر وصلو اليوم هو
1420 ليرة شو القصة ممكن حدا يفهمني
وشو النصحية لغدا

ويعطيكون الف عافية ياشباب على هالمنتدى المفيد بصراحة وشكرا للقائم عليه الأستاذ بروكور

[BROKER]

مرحبا شباب انا أشتريت اليوم اسهم المصرف الدولي للتجارة والتمويل بس الشركة اشترت على
1428 ليرة مع انو مكتوب انو اعلى سعر وصلو اليوم هو
1420 ليرة شو القصة ممكن حدا يفهمني
وشو النصحية لغدا

ويعطيكون الف عافية ياشباب على هالمنتدى المفيد بصراحة وشكرا للقائم عليه الأستاذ بروكور


أهلا بحضرتك أستاذ وسام

هذه الزيادة هي عمولة الوسيط

تابعنا غدا وكن معنا بالمتابعة اللحظية

وشارك في جميع اقسام المنتدى

[مصطفى]

اللي حسبناه صار العرض أكثر من الطلب على الاسلامي حتى امر البيع ماتنفذ ,شو السيناريو المقبل على السهم نبيع مع نزول ولا ننتظر ليهدأ ويستقر السهم بدنا حل ياشباب ........

[khjanbakly]

أما أنا فسأبيع بعد حصولي على أسهم الزيادة وتحقيق ربح مناسب

هاد يلي قصدته بالضبط
بتصور انه اغلب حملة اسهم الزيادة رح تبيع على الاقل جزء من هالاسهم لقطف الارباح خاصة انه قيمة اسهمهون السوقية انخفضت بقرار زيادة راس المال - وبالتالي ارباحهون كانت عبارة عن جزء من اسهم الزيادة بحسب السعر يلي اشترو فيه ومدة احتفاظهون بالسهم
برجع بقول رأيي الشخصي هاد مو مبني على تحليل اساسي او فني - بس عن وجهة نظر شخص عم يستثمر بهالسهم
مع العلم انه هالسهم من الأسهم الجديرة بالاحتفاظ فيها مدة اطول بكل المعايير بس من وجهة نظري بيع جزء من اسهم الزيادة احتمال وارد جدا عند اغلب المستثمرين على الاقل يلي بعرفهون
يا ريت اذا رايي غلط حدا يصححلي ياه