الخيارات المتاحة الك للموت بسوريا..................... [الأرشيف]

UGU

31-03-2010, 10:24 AM

كيف بتحب تمــــوت( بعيد الشر عني و عنك)..؟؟

بدك تموت شهيد؟
يا تمشي على طريق حلب اللاذقية ............. يا تسافر على طريق حمص بالليل

بدك تموت من الجوع؟
يا تتجوز بنت حلوة غاوية نيو لوك ............. يا تسافر تعمل شوبينغ في لبنان

بدك تموت من الحسرة؟

يا تتفرج على جلسات مجلس الشعب ...... يا تتناقش مع ابنك في القيم والأخلاق

بدك تموت من الزهق؟

يا تدخل على النت من التليفون ... يا تستنى دورك في مستشفى حكومي من غير واسطة

بدك تموت من الهبل؟

يا تسمع الأغاني الشبابية ............ يا تسمع برنامج أرضنا الخضراء على الأرضية أو رسالة الحسكة

بدك تموت مخنوق؟
يا تروح تجدد شهادة السواقة ......... يا تتفرج على القناة السورية التانية المسا بعد الساعة 6 و خاصة برنامج شاشة الصحافة

بدك تموت مفطوس؟

يا تتفرج على إعلانات التليفزيون السوري ( محارم / مسكة /شامبو / حفاضات اطفال / شيبس /فقط لا غير و مع تحيات محارم ديمة. يا تتفرج على ستار أكاديمي

بدك تموت مرعوب؟
روح على مشفى المواساة أو المجتهد .......

بدك تموت مليونير؟

يا تعطي دروس للبكالوريا ............... يا تنتج فيلم لهيفاء وهبي

بدك تموت متنكد؟

يا تتفرج على قناة الجزيرة أو المستقبل ...يا تحاول تفهم شو عم يصير في العراق

بدك تموت من الحزن؟
يا تفكر في أفضل وسيلة للاستفادة من راتبك...........يا تفكر أنك تتزوج .....

بدك تموت من القهر؟
وقف بالدور لتاخد شيك المازوت........وبعدين وقف بالدور لتصرفه بالبنك .....

بدك تموت فرحان ؟
ضروب راسك بالحيط لحتى تفقد الذاكرة........بتصير تضحك عالناس وهنن بيضحكوا عليك .....

BROKER

31-03-2010, 02:21 PM

بدك تموت فرحان ؟

ضروب راسك بالحيط لحتى تفقد الذاكرة........بتصير تضحك عالناس وهنن بيضحكوا عليك .....

أحسن شي ...akh1

شكرا لك على إغنائك للمنتدى أستاذ ugu

UGU

31-03-2010, 02:40 PM

و إياك أخ بروكر
أتمنى أكون ذو فائدة للمنتدى
بس كيف فيني أتواصل مع حضرتك لو سمحت

BROKER

01-04-2010, 02:50 AM

و إياك أخ بروكر
أتمنى أكون ذو فائدة للمنتدى
بس كيف فيني أتواصل مع حضرتك لو سمحت

راسلني على الخاص اخي الكريم

خالد الحاج

01-04-2010, 10:59 PM

وأنا أضيف :
بدك تموت مجلوط000فوت على موقع سوق دمشق للأوراق المالية0

محمود خضير

06-04-2010, 02:56 AM

اذا ما بدك اشي معنى ذلك انك ميت ورحمة الله عليك

UGU

06-04-2010, 08:56 AM

إنا لله و إنا إليه راجعون
الله يرحمو
كان اسمو مواطن (sorry)