سعر صرف الدولار و الذهب مقابل الليرة السورية ليوم الخميس 25-09-2014

[black_ghost87]

الصالة اليومية المتابعة

لاسعار صرف الدولار والذهب مقابل الليرة السورية

ليوم الخميس الواقع في : 25-09-2014

أهلا بكم
6235

[black_ghost87]

6236

[black_ghost87]

ممنوع


- التحريض بأسلوب التخويف سواء على البيع أو الشراء
- الحديث والتوقعات والتنبؤات التي لا تعبر عن رأي شخصي إنما عن بث الخوف او الهلع.
- نشر الأسعار البعيدة عن حالة السوق سواء بارتفاعها أو بانخفاضها، والأسعار الواقعية لا مانع فيها ولو كانت مختلفة عن سعر السوق.
- طلبات وعروض البيع أو الشراء للدولار مقابل الليرة السورية.
- المشاحنات والمواضيع الخارجة عن اطار هدف الصالة.
- نشر أرقام الهاتف و عناوين الاميلات
- أي كلام طائفي (يتم حظر صاحبه مباشرة).

كما
يمكنم التبليغ عن المشاركات المسيئة عن طريق الضغط على رابط "التبليغ" الموجود على يمين المشاركات مع ذكر الأسباب.

[black_ghost87]

أسعار الإغلاق

حسب آخر تحديث بالموقع


شراء - 196

بيع - 200


هذا السعر المتداول لمدينة دمشق


هذا لا يمنع وجود حالات لبيع و شراء بأسعار أقل أو أكثر من ذلك

[black_ghost87]

دعاء دخول السوق
قال الرسول صلى الله عليه وسلم :
« من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير"
كتب الله له ألف ألف حسنة ومحا عنه ألف ألف سيئة ورفع له ألف الف درجة »

[black_ghost87]

"الدولار لامس المقاومة لليوم 200
والشراء كان من 185نقطة الدعم السابقة .
بكرة ممكن يفتتح السوق باعلى من 200 ثم يعود للانخفاض لانها نقطة بيع .
ويتم رفع نقطة الشراء الى 190"
تحليل الأستاذ: رامي العطار
6238

[black_ghost87]

" صباح الخير جميعا زوارا و أعضاء"

[black_ghost87]

"السادة الأعضاء الكرام نرجو من حضرتكم تزويدنا بأسعار الصرف أولا بأول مع توخي الدقة و الحذر و لكم منا جزيل التقدير و الاحترام"

[عابر مجيب]

صباح الخير

[محمد سامر]

صباح الخير للجميع
يوم مبارك إن شاء الله

[عنب دوماني]

صباح الخير جميعاً
أسأل الله السلامة والتوفيق لنا ولكم

[fas80]

صباح الخير

[Ryad]

صباح الخير جميعا
من الغريب و من غير المألوف انو تصير حرب بالمنطقة عنا
و يصير تحالف عربي دولي لضرب مجموعة ما بتسيطر على كمية مهولة من النفط بسورية و العراق
و بالاخير بتكون ردة الفعل بالاسواق هو شبه انهيار للدهب يلي هلأ صار سعرو 1208$
حابب استوعب شو يلي صاير و المسيطرين عالدهب مين عم بيحاولوا يخوزقو

[mood86to]

صباح الخير من ريف حلب.....196----198

[رشاد حج علي]

سبحان مغير الاحوال
بيروت
187
189

[مرهف83]

السلام عليكم

حمص

197
200

[عابر مجيب]

صباح الخير جميعا
من الغريب و من غير المألوف انو تصير حرب بالمنطقة عنا
و يصير تحالف عربي دولي لضرب مجموعة ما بتسيطر على كمية مهولة من النفط بسورية و العراق
و بالاخير بتكون ردة الفعل بالاسواق هو شبه انهيار للدهب يلي هلأ صار سعرو 1208$
حابب استوعب شو يلي صاير و المسيطرين عالدهب مين عم بيحاولوا يخوزقو

بما أنه لديك تساؤلات ، وهذا سببه انعدام الرؤية عند الاعلام والمحللين السياسيين ، أو ربما هم مأجورون لترويج كلمتين مناسبتين بلا ذمة وبلا ضمير .
ما لا يمكن التلاعب به هو الاقتصاد ، يعني ممكن تزورني واحكيلك على رواج أعمالي ، وبالآخر بتسألني أديش معك مصاري ؟ بمد ايدي على الصندوق بيطلع معي ألف وست مئة ليرة ، بتشعر وقتها انك كنت عم تضيع وقتك معي وكنت عم تسمع جعجعة .
الحشد وطبول الحرب ، بس لمجرد الحماس ، وحابين يعجقوها ، قوى جبارة مقابل طرف شبه أعزل ، هاد أسمو حرب ؟
بنرجع للإقتصاد ومنشوف ارتفاع الدولار أمام كافة العملات والذهب وبنفهم أن النهاية محسومة ، بس هي فرصة لامتصاص امكانيات المنطقة برمتها .
بالسابق كان من المهم تعرف نفسك وكانوا معقدينها ، وخود على تفكيك وتحليل لتصرفاتك من خلال الفلسفة وعلم النفس ، وبتنتهي بأنك تصير تشك بعقلك .
اليوم ما بدها ، إعرف نفسك ، فورا بتمد ايدك على محفظتك وبتعد .

[-mouhamad]

صباح الخير جميعا

[-mouhamad]

صباح الخير جميعا
من الغريب و من غير المألوف انو تصير حرب بالمنطقة عنا
و يصير تحالف عربي دولي لضرب مجموعة ما بتسيطر على كمية مهولة من النفط بسورية و العراق
و بالاخير بتكون ردة الفعل بالاسواق هو شبه انهيار للدهب يلي هلأ صار سعرو 1208$
حابب استوعب شو يلي صاير و المسيطرين عالدهب مين عم بيحاولوا يخوزقو

كلامك صحيح كان المفروض أن يحلق الذهب عاليا لأنه هو الملاذ الآمن لكن تسريبات في بعض الصحف أظهرت العام الماضي التلاعب في بورصة الذهب لكن تم التعتيم عليها بشكل سريع وايقاف الحديث عنها . والذهب يتعلق باليهود بالدرجة الأولى فهم يعتبرونه حكرا عليهم وأنه لايليق الا بهم فهم أولى به أما بقية الناس من غير اليهود فيجب أن يذهبوا الى الورق لذلك قديكون الهبوط مفتعلا بدافع الشراء بسعر رخيص من بعض الرأسماليين وعندما تبدأفقاعة النقود الورقية الممولة بالعجز يسيطر بعدها اليهود بشكل كامل على الاقتصاد العالمي

[Tomy]

صباح الخير جميعا

بعد يوم معصلج والسوق كلو سكر ومافي شي

:)

[Tomy]

صباح الخير جميعا

بعد يوم معصلج والسوق كلو سكر ومافي شي

:)

[horizonvast]

اسعد الله صباحكم وجعل كل ايامكم خير وبركة
وكل عام وانتم بخير بمناسبة دخول شهر ذي الحجة

[Tomy]

شو سبب الطلوع؟؟؟؟
وشو سبب النزولل و الله شي بدوخ

[ابو خالد]

السوق اليوم بدو استشارة وإستخارة
شي مو معقول ناس باعت الصبح رجعت تدور على الدولار الظهر
وخايفة من الخسارة
موضوع الدولار بسورية بدو منجم وضريب مندل ويادوب تزبط معك

[البحر الهائج]

صباح الخير للمشرفين والاعضاء والزوار
أغتذر عن الغياب في الفترة الماضية بسبب انشغالي وبعدي عن السوق
وافتتاحية موفقة من الاخ بلاك كوست

[مرهف83]

المركزي ارتفاع ↑ ليرة وستة قروش

شراء 160.07
مبيع 161.03

[مرهف83]

حمص

196
198

[البحر الهائج]

المصرف المركزي :
160.07شراء
161.03مبيع
اي بارتفاع ليرة و6قروش عن يوم امس

[البحر الهائج]

شو سبب الطلوع؟؟؟؟
وشو سبب النزولل و الله شي بدوخ

المركزي ارتفاع ↑ ليرة وستة قروش

شراء 160.07
مبيع 161.03

تحياتي لك أخ مرهف
شكلنا كتبنا سعر المركزي سوا لأني ماانتبهت انك نزلتو
http://www.syria-stocks.in/forum/images/icons/icon7.gifIcon7

[عاقد الحاجبين]

السلام عليكم ورحمة الله وبركاته
ريـــف حـــلـــب الشـــمالـــي

شـــــراء 195
مبـيـــــع 197

طبيعي المركزي يرفع السوق ليرة وكسور
واليوم وبكرا لو شفنا نزول للأونصة
راح نشوف الاحد صعود ليرتين او تلاتة للمركزي

[سعد أطرش]

السلام عليكم افتتاحية مباركة
أسعار بيروت عاودت الارتفاع
188.5 .....191

[شوفي مافي]

بما أنه لديك تساؤلات ، وهذا سببه انعدام الرؤية عند الاعلام والمحللين السياسيين ، أو ربما هم مأجورون لترويج كلمتين مناسبتين بلا ذمة وبلا ضمير .
ما لا يمكن التلاعب به هو الاقتصاد ، يعني ممكن تزورني واحكيلك على رواج أعمالي ، وبالآخر بتسألني أديش معك مصاري ؟ بمد ايدي على الصندوق بيطلع معي ألف وست مئة ليرة ، بتشعر وقتها انك كنت عم تضيع وقتك معي وكنت عم تسمع جعجعة .
الحشد وطبول الحرب ، بس لمجرد الحماس ، وحابين يعجقوها ، قوى جبارة مقابل طرف شبه أعزل ، هاد أسمو حرب ؟
بنرجع للإقتصاد ومنشوف ارتفاع الدولار أمام كافة العملات والذهب وبنفهم أن النهاية محسومة ، بس هي فرصة لامتصاص امكانيات المنطقة برمتها .
بالسابق كان من المهم تعرف نفسك وكانوا معقدينها ، وخود على تفكيك وتحليل لتصرفاتك من خلال الفلسفة وعلم النفس ، وبتنتهي بأنك تصير تشك بعقلك .
اليوم ما بدها ، إعرف نفسك ، فورا بتمد ايدك على محفظتك وبتعد .
أستاذ عابر يسعد صباحك
أنا ما زبط معي كيف لا يمكن التلاعب بالإقتصاد وشو دخل الإقتصاد بالجرد الفعلي المفاجأ للي عم يحكي بأرقام ومبيعات وملكانات وما بيطلع معو إلا ألف وستميت ليرة لك يا حبيبنا شو دخل الطب بالحلاقة وشو دخل الإقتصاااااد بالموجودات المتداولة ومن ضمنها مايسمى البيتي كااااش أو البوكيت موني .
والله بحب مداخلاتك بس هي ما عم تركب معي لا بميزان ولا بقبان ذكرتني بنقاشنا الأخير يمكن من شي سنتين لما قلتلك أنو القيم المتطرفة ومهما كانت متطرفة لا يمكن إقصائها من العينة الإحصائية وأنت رديت بنظريات فرويد عن الإنتاج ونظريات داروين بالتطور وصرت بوادي تاني و بملكوت مغاير تماماً للي عم نحكي عليه
الإقتصاد ومتل مابتعرف جزئي وكلي ومعلومك الإقتصاد الكلي أكتر شغلة يمكن التلاعب فيييها لأنو بتلاعب فيها دول كبرى وعلى رأسهم أميريكا ولا يمكن إستبعاد علم النفس المتهكم عليه بالمداخلة من إستراتيجيات هي الدول بالتعامل لأنو أهم سياسة بتعتمدها هي الدول هي سياسة القطيييع أو الهيرد بيهافير كونك بتحب المصطلحات المؤنكلزة وعلى هيك كل فترة وفترة بيقشطوا سعر الدهب العالمي بالطلوع بتركد كل العالم بتشتري وفجأة طخخخخخ بيهوي وبيزل و شو بقولولك عم يصحح مسارووو وهي أحلا حلقة ولا لما بنزل والعالم بتبلش تنكشف بمراكز بيع وعند حد وليميت معين كمااان طخخخخخ بيطلع وبيقشط طلوع غير شكل وبقلولك لم يتمكن من الوصول لقيعان جديدة ونتيجة إغلاقات لمراكز البيع المكشوفة إزداد الشراء وطلع السعر وبالمحصلة القصة واضحة وجليه ولا تحتمل النقاش والبورصة العالمية أكبر كازينو قمار وبتعتمد على سياسة المثل الوارد في الأثر الشعبي (إلك معنا وما معنا ولما بيصير معنا الله لا يجمعنا)

[black_ghost87]

بانياس-البحر-مركز المدينة
شراء:193
مبيع:196

[black_ghost87]

بانياس-البحر-مركز المدينة-يورو
شراء:240
مبيع:245

[yasser ha]

دمشق الان

سعر الشراء 195
سعر البيـــع 197

[mak]

شباب حدا عم يسمع شي عن الألف الجديدة؟.....كانو ما نزلو شي منها ...ولا الأوضاع الحالية ما بتسمح بالشعرة التي قد تقصم ظهر البعير؟

[البحر الهائج]

اللاذقية الآن:
193-192شراء
196-195مبيع
السوق متوازن نوعا ما بعد تخبطه ووصوله ظهرا إلى
192-194

[hamod.kopani]

السلام عليكم ورحمة الله وبركاته
عين العرب(كوباني) لايوجد تداولات لظروف واوضاع يعلمها جميع

[black_ghost87]

بانياس-البحر-اغلاق
192
194

[فهد]

الحسكة و القامشلي
بحدود 195 للبيع و الشراء

[فهد]

الدولار 205
طبعا بتاريخ 25 / 9 / 2013

[فهد]

الدولار 144
طبعا بتاريخ 1 / 1 / 2014

[فهد]

الدولار 177
طبعا بتاريخ 1 / 9 / 2014

[فهد]

ارتفع سعر الدولار امام الليرة خلال 2014
بنسبة تقريبا 35%

[فهد]

ارتفع سعر الدولار امام الليرة وفق سعر المركزي خلال 2014 بنسبة تقريبا 15%

[فهد]

ارتفع الدولار امام الليرة وفق السوداء
خلال ايلول 2014
بنسبة تقريبا 10%

[فهد]

خلال اقل من شهر و نصف الدولار وفق المركزي يترتفع بمقدار تقريبا 10 ليرة

[عابر مجيب]

أستاذ عابر يسعد صباحك
أنا ما زبط معي كيف لا يمكن التلاعب بالإقتصاد وشو دخل الإقتصاد بالجرد الفعلي المفاجأ للي عم يحكي بأرقام ومبيعات وملكانات وما بيطلع معو إلا ألف وستميت ليرة لك يا حبيبنا شو دخل الطب بالحلاقة وشو دخل الإقتصاااااد بالموجودات المتداولة ومن ضمنها مايسمى البيتي كااااش أو البوكيت موني .
والله بحب مداخلاتك بس هي ما عم تركب معي لا بميزان ولا بقبان ذكرتني بنقاشنا الأخير يمكن من شي سنتين لما قلتلك أنو القيم المتطرفة ومهما كانت متطرفة لا يمكن إقصائها من العينة الإحصائية وأنت رديت بنظريات فرويد عن الإنتاج ونظريات داروين بالتطور وصرت بوادي تاني و بملكوت مغاير تماماً للي عم نحكي عليه
الإقتصاد ومتل مابتعرف جزئي وكلي ومعلومك الإقتصاد الكلي أكتر شغلة يمكن التلاعب فيييها لأنو بتلاعب فيها دول كبرى وعلى رأسهم أميريكا ولا يمكن إستبعاد علم النفس المتهكم عليه بالمداخلة من إستراتيجيات هي الدول بالتعامل لأنو أهم سياسة بتعتمدها هي الدول هي سياسة القطيييع أو الهيرد بيهافير كونك بتحب المصطلحات المؤنكلزة وعلى هيك كل فترة وفترة بيقشطوا سعر الدهب العالمي بالطلوع بتركد كل العالم بتشتري وفجأة طخخخخخ بيهوي وبيزل و شو بقولولك عم يصحح مسارووو وهي أحلا حلقة ولا لما بنزل والعالم بتبلش تنكشف بمراكز بيع وعند حد وليميت معين كمااان طخخخخخ بيطلع وبيقشط طلوع غير شكل وبقلولك لم يتمكن من الوصول لقيعان جديدة ونتيجة إغلاقات لمراكز البيع المكشوفة إزداد الشراء وطلع السعر وبالمحصلة القصة واضحة وجليه ولا تحتمل النقاش والبورصة العالمية أكبر كازينو قمار وبتعتمد على سياسة المثل الوارد في الأثر الشعبي (إلك معنا وما معنا ولما بيصير معنا الله لا يجمعنا)

أول شي الحمد لله انوشفناك بعد زمان
تانيا لما بدو الواحد يشرح موضوع بيبسط مو بيصعب ، لما بدك تشرح عن نجاح أعمال من فشلها ، بتضرب مثل عن صاحب بسطة لحتى الناس تفهم ، مو بتضييع المتابع وبتشرح عن شركة فيها موجودات ثابتة وماكينات وبضاعة ومستودعات وحسابات دائنة وحسابات مدينة ونسبة الاهتلاك ، المختصر بتشوف شو الناتج ، يعني كان لازم أعمل جرد كامل وأحسب بالآخر القيمة الدفترية للشركة بدل ما قول موجودات الصندوق بالمختصر . وبعدين حتى موجودات الصندوق مؤشر كافي للاستمرار أو التصفية . يعني فتحت عليي باب مليت من كتر ما درستو لأولادي على التوالي خصوصا اني كل مرة بحل مسألة الاقتصاد الجزئي وبخترع احصائية وبلفق الأرقام وبناخد العلامة التامة .
أما ما ورد عن التلاعب بالاقتصاد الكلي فالميزان التجاري معروف والناتج المحلي واضح ، والدول الكبيرة ليس لديها ماتخفيه ولا يمكنها أصلا حصر معلوماتها بأشخاص أو بشخص واحد يروج الأفكار على هواه ويحفظ المعلومات ويقفل عليها الباب ويحط المفتاح بجيبو . سعر الذهب ما بيتحدد بالحكي ، يا ببيعوا كميات يابيشتروا كميات وسياسة القطيع بترفع وبتخفض بنسبة قد لا تتجاوز 10% وبعدها بترجع الزيادة أو النقص وهاد تصحيح المسار وما بياخد أكتر من اسابيع قليلة ليثبت على السعر الحقيقي .
طيب لنفرض جدلا ان الحرب قائمة والتوازن حاصل والنتائج غير محسومة أو العكس ، وين تأثير سياسة القطيع اليوم على سعر الذهب الملاذ الآمن المعتاد ؟

[فهد]

اعتذر للمرة الثانية
لعدم وجود زر الشكر

[عابر مجيب]

السلام عليكم ورحمة الله وبركاته
عين العرب(كوباني) لايوجد تداولات لظروف واوضاع يعلمها جميع


ملعون ابو الدولار على ابو أهلو
انت طمنا عنك شو أخبارك ووين صفيان ، كيف عم تلاقوا شبكة نت ؟ باقي عندكم كهرباء ؟

[alternative]

اغلاق دمشق
191 - 194

[alternative]

مازل هناك عروض بيع من قبل الصرافة في دمشق
دمشق اﻻن
192 مبيع

[Ryad]

مازل هناك عروض بيع من قبل الصرافة في دمشق
دمشق اﻻن
192 مبيع

ايوا
نزل الدولار ليرتين بالبيع من 194 لل192 خلال ربع ساعة
في شي صاير بلسوق و في بوادر انهيار للدولار؟
معناتا شراء صار 189؟؟
بصراحة دقيت و ما عم لاقي بهالسعر بركي ساعة تاني بيبين

[alternative]

اخي الكريم رياض
مبارح كان السعر بالموقع 200 بعد السادسة ونصف
اتصلنا بصرافين اثنين طلبوا
198
اليوم اتصلنا باحد الصرافين قال 194
بعد قليل اتصل وعرض 193 النالو ﻻ بدنا اقل من هيك
قال 192 انت شو بيشتغل معك
قلتلو مو اكتر من 190 ال طيب بس يجيني بحاكيك
يعني ما رضي يبيع عل 190 بس ترك الباب مفتوح

[رشاد حج علي]

تاكيدا لكلامك اخي الكريم بيروت افتتح السوق
190____195 الساعة عشرة
187____189 طلع سعر دمشق رجع السعر 189____191
وفي كتير هاجمونا وكذبونا بالفيس عالسعر

[mddyab]

حلب سعر الصرف :
شراء : 192 مبيع : 194

[انس الحموي]

عفكرة شيرين ايام بحسك مستغربه من اسعاري مع انو بحياتو ماطلع واحد وقال انو سعري زياده فيه او نقص فيه ولو ربع ليرة ,,,وبامكانك تنزلي عحماة ومنحملك بحقيبتك قد مابدك دودو عسعر ال 196 انت بس قوليلي ثيتلي هههههه ...تاني شي اليوم المركزي باع عال 186 مو 183 ومع هيك السوق للعصر ما تجاوز ال 194 وبعد ما شد بكل المحافظات شد عنا ليرتين مع انو شد بالمحافظات اربع ليرات...والف مرة وبرجع بعيدها للمرة المليون السوق عنا للساعه 12 بالليل ,,,ولما بكون في طلوع اول واحد بينقل السعر ولما بكون في نزول كمان اول واحد ,,,وما بهمني الا الحقيقة بنقل السعر مع انو نايم عدودو وما معي ولا ليرة ذهب من ليرتنا الذهبيه ,,,بس بهمني الحقيقة وبس بعيد عن أي مصلحة شخصيه ...ولا تتفاجئي قلك افتتاح حماة حماة بكرى بسعر اعلى او انقص ...لانو المضاربين ما بيحكمهم الا الخوف سواء بالطلوع او النزول والبارحة حطيت مشاركة حماة الان شراء 200 ...مبيع 205 مع انو الشام ما تجاوزت 197 ...وبعد ساعة نزل من 205 لل 195 ...وثبت 24 ساعه عال 194


عكل حال حماة وانا عما اكتب المشاركة حماة شراء 195 ...مبيع 195.5 هبوط نصف ليرة اخرى ....والسعر متوفر بالطرفين بمختلف الكميات






هي اخر مشاركة الي كانت البارحة ,,,مشكلت الاعضاء هون اغلبهم اخر من يعلم بالشيء واغلبهم وجوده متل عدمه ...ولو في اعضاء نشطين كانوا زودنا بالسعر حتى باخر الليل ...من البارحة نبهت الكل انو السوق نزل عنا كتير وفي عرض كبير قامت شيرين تتمسخر وتقول انو معقول لسه في سوق للعشرة ونص عندكم علما انو تم فاتح للساعه وحدة ونص ....عالعموم فتح السوق عنا عال 193.5 شراء ...مبيع 194.5


وبدأ الطحن والعرض بكميات كبيرة ادت الى ثباته من ثلاث ساعات للشراء 191.5 ...مبيع 192.5 متوفر بالطرفين ...وعفكرة مالي بالنية عحدا لما بحط السعر بس واجب علي اتعب منشان المنتدى والاعضاء لاني عضو بالمنتدى مو مشاهد ولا زائر ولا متابع ....واخيرا بتمنى بعض الاعضاء يبذلوا جهد ولو كم مكالمة باليوم وينورونا بالاسعار اول باول ...لانو حاسس مافي سرعة بتداول الخبر والسعر لا بالطلوع ولا بالنزول ...وكتير اعضاء بتحط السعر بكون واصل السعر للمنطقة يلي ذاكرها من ساعات

[انس الحموي]

شو سبب الطلوع؟؟؟؟
وشو سبب النزولل و الله شي بدوخ




الخوف هو العامل الاكبر للطلوع والعامل الاكبر للنزول ,,,الخوف من المضاربين بالخسارة بالطلوع والنزول ,...اضافة الى بعض الحيتان والمتلاعبين بالسوق ,,,اضافة الى غياب واختفاء للمركزي عن الساحة بكثير من الاوقات

[انس الحموي]

السلام عليكم ورحمة الله وبركاته

ريـــف حـــلـــب الشـــمالـــي

شـــــراء 195
مبـيـــــع 197

طبيعي المركزي يرفع السوق ليرة وكسور
واليوم وبكرا لو شفنا نزول للأونصة
راح نشوف الاحد صعود ليرتين او تلاتة للمركزي



ما دخل ارتفاع او انخفاض الاونصه بتسعيرة المركزي ...رفع السعر بالمركزي بسبب ارتفاع الدولار عالميا ,,,معظم العملات الرئيسية العالمية خسرت الى العشر من قيمتها ...فما بالك بالليرة السورية ...اعتقد ان سعر المركزي قابل للتراجع في حال تراجع سعر الدولار عالميا ,,,البارحة كنت عما احكي عالواتس مع اسامه التله شوف الازواج كيف نازلة اليوم ومنهارة ...بكرى مية بالمية في ارتفاع بتسعيرة المركزي عالاقل ليرة ,,,وبالفعل هل الشي شفناه اليوم

[انس الحموي]

هناك العديد من الأصدقاء يسألون عن سبب عدم طرح القطع اليوم بشكل عام لدى معظم مؤسسات الصرافة وهنا لدينا توضيح هام وعدة نتائج يسعدنا أن نشارككم بها:
إن طرح الدولار بالشكل الموسع كما جرى الأسبوع الماضي كان مفيدا لفترة وجيزة ثم ظهرت متغيرات أثرت بسعر الصرف أدت لإمتصاص قوة التدخل من قبل السوق وبالتالي أصبح الضخ بشكله المعلوم عبئ على المؤسسات وبدون أي نتيجة لجهة الهبوط بالسعر خاصة إذا أضفنا المتغيرات ال...طارئة في الإقليم.
وبالتالي أصبحنا أمام فجوة بين سعر حقيقي فعال وآخر وهمي إلكتروني ولكن له جمهوره وهذه الهوة بين السعرين سمحت للكثير من المضاربين وضعاف النفوس والعاطلين بالدخول وخلق سوق ثالثة تستفيد بالشراء من الشركات وتبيع الآخرين الموهومين والساذجين الذين يصدقون أسعار الإنترنت.
هنا وبعد هذه المعطيات تعامل المصرف المركزي مع الموقف بسرعة وأوقف الآلية السابقة وفعل آلية أخرى سرية أدت بسرعة قياسية لتوقف صعود السعر مبدئيا وخلقة حالة من الإرباك لدى المضاربين لن تطول حتى تتحول إلى حالة من البيع العشوائي خاصة بعد تنفيذ الشق الثاني بدءا من يوم السبت القادم.
ومثلما لاحظنا أن سعر الصرف اليوم كان مستقرا نوع ما وميال للهبوط مع أن ما إستخدم اليوم كان أقل بكثير مما إستخدم في الأمس وهذا دليل صوابية العلاج.
الأمر الآخر المهم أن عدد المواطنين الذين كانو يقفون بالطابور أمام مؤسسات الصرافة بهدف الشراء قد إنخفض إلى أقل من١٠٪عن أمس مما يؤكد نظرية أن الطلب الكبير كان يذهب للمضاربة وخاصة بعد تقلص الهامش بين السعرين ولكن لا ننسى أن مؤسسات الصرافة ما زالت تلبي حاجات المواطنين التجارية وغير التجارية ومن مواردها الخاصة ولو إنخفضت الكميات عن السابق إلا أنها تذهب لمحتاجينها فعلا.
في المحصلة نحن نسير بالإتجاه الصحيح ومن لديه ثقة وإنتماء لوطنه ومؤسساته فقد فسرنا القليل مما سمح لنا به ومالم يصرح لنا به سترى نتائجه قريبا




هادا الحكي من صفحة الوسيط للصرافة السورية عالفيس بوك...وباكد انو الضخ كان من تحت الطاولة وبفسر الشي يلي صار البارحة واليوم ...بس شي بفرط ضحك تناقد عجيب غريب بنفس الوقت بيعترفوا انو شركات الصرافة حرامية وعما يدخل وسطاء بينها ويين المواطنين (المحسوبين على الوسطاء ) وتلبية طلباتهم والمسحوبين على الوسطاء وشركات الصرافة عما تشتريه من هون بتبيعه بالسوق السوداء من هون ...وهل الحكي منعرفه من زمان ...وباخر المقالة بناقدوا حالن وبقولوا ان شركات الصرافة عما تلعب دور فعال وانو الكميات يلي عما يبيعوها عما تروحوا لمحتاجينها فعلا هههههههه,,,,يازلمة شقفة مقالة ما بيعرفوا يخبوا كذباتن فيها ....هههههه,,,,واحلى شي حسيت انو مدير الصفحة اديب ميالة ونائبه موجود بالصفحة تحت اسم جوليت ستوكس ,,,هههههه

[alternative]

نرجو من ادارة الموقع تعديل السعر الى
190 - 192
ملاحظة حسب صراف اليوم ما صار بيع على 196
وانحصر ب 194 بعد الظهر 192 مساءا

[hamod.kopani]

ملعون ابو الدولار على ابو أهلو
انت طمنا عنك شو أخبارك ووين صفيان ، كيف عم تلاقوا شبكة نت ؟ باقي عندكم كهرباء ؟
بشكرك استاذنا وجميع اخوة اعضاء الله يطمن بالك الحمد لله نسوانا واطفال وعجزة كلهم بتركياوهو منفذ وحيد ونت من سنتين عم نشتغل على خطوط تركية وكهرباء محركات او اشتراك متل لبنان الحمدلله على شي

[جوليت]

ليش شو بها جوليت سيد أنس ؟ من شو بتشكي ؟ شو الغلط يلي عم تسويه ؟ماتكون جريمة بهالايام المدافعة عن الليرة ضد مصاصي الدماء ؟
----------
هام وعاجل :
اكتشاف شبكة لتزوير الدولار أحد اعضاؤها من قرية بطرطوس , الكميات التي ضبطت كبيرة وهذا بفضل العين الساهرة للشباب الطيبة .
-------------
الخاص تبع المرسوم الخاص بالسيارت بلشت تندع الصحف فيه ,ناطرين ليصير لحتى نفندو
---------------
الاسبوع القادم أسبوع ميالة (مع حفظ الالقاب بامتياز ) بامتياز ...وخاصو انو التغطية يلي قلت عنها من كم يوم وصدرت اليوم للعلن ستعطيه القدرة اللامتناهية على توجيه الضربات المتلاحقة للمضاربين .. طبعا نحنا اعضاء سيرياستوكس بالموقع لاعلاقة لنا بهم ,نحنا فقط نهتم بالتحليل ونقل واقع السوق ونضعه على طبق من فضة للعالم وطبعا لانسألهم عليه اجر فأجرنا بالنهاية عالله
تحليل وبس ... بس تحاليل لا أكثر ولا أقل
-------
بكفي ,كان في شغلتين هامتين بدي أولون , بس ميتي من الجوع وايدي وجعوني من الكتابة
-----------
تحية لأبطال عين عرب الذين سطرو البطولات

[hash]

مساء الخيرنسأل الله في هذه الايام المباركة الخير والامن والامان للجميع اغلق سعر الدولار في مدينة اللاذقية 193-195

[shereen]

مساء الخيرنسأل الله في هذه الايام المباركة الخير والامن والامان للجميع اغلق سعر الدولار في مدينة اللاذقية 193-195
نفس سعر دمشق واكتر بنصف ليرة بيعا وشراء بس في ناس بعد ماسكر السوق ورجعو عبيوتهم صارو يشترو 190 (حسب اسعار البعض) عكل حال اليوم باعت الشركات وسلمت مبالغ منيحة من الدولار 3000 دولار وطالع هاد ساهم بتخفيف الصعود (طبعا مع احترامي للناس اللي عم تقول انو الاقتصاد تحسن والصناعة عم تزدهر والحرب تقريبا خلصت)وبصراحة قيت عالتلفيزون السوري الرسمي انو في تدخل الجمعة والسبت بالسوق السودة مشان مايستغل بعض الصرافين انو في عطلة ويبلش يرفع بالسعر .

[shereen]

مساء الخير
بكل شفافية السعر بدمشق و من تاجر تقيل
188-191
الكلام عال9.30 مساءاً
9:30 منيح نزل ياريت حدا يجبلنا اغلاق الساعة 12:00 المسا

[shereen]

شيرين لا تزوديها
والله العظيم و رشاد بيعرف
انا متسبب بخسارة لجماعة بشي 150.000 ليرة لأنو.خليتون يشتروا مبارح من شتورة و كل ليرة عم ينزل الدولار عم بخسر 15.000 ليرة مع انو لا عم نتاجر ولا هم يحزنون
مالي مضطر برر بس رقدينا بقا و السعر يلي حطيتو انا صحيح 100٪
يااخي الكريم بعد ال 8 او بعد مايسكر الصرافة الشركات النظامية كلها بتصير اسعار استغلالية وتسكير زمم

[الشامي]

الدخول من 190و192رائع هالمره لفوق 200ياشباب

[cold0zero]

مساء الخيرنسأل الله في هذه الايام المباركة الخير والامن والامان للجميع اغلق سعر الدولار في مدينة اللاذقية 193-195

وين في هيك اسعار باللادئية ياريت تساعدني و تخبرني ع الخاص إن أمكن

[hamod.kopani]

استخدام الغازات السامة في عين العرب من قبل داعش

[عابر مجيب]

استخدام الغازات السامة في عين العرب من قبل داعش
ممكن يكون انتقام من استهداف أهالي عين العرب لداعش بصواريخ التوماهوك من البارجة كوباني ؟
نحنا مغيبين وما عم نفهم ، أول يوم كان في فرح على التلفزيون ، مبارح كان في انتقاد ، أيهم الأصح ؟
اليوم الصبح عم فكر ، إذا لقيت بوشي ميكروفون ، وسألوني عن رأيي بالضربات
إذا قلت مع الضربات بتطلع خيانة عظمى ، يالطيف
إذا قلت أنا ضدها بكون مع الإرهاب ، لسا ألعن
بعدين قلت أحسن شي بقول للسائل ما بعرف ، انت شو رأيك ؟ وبفوتو بالحيط
في حدى ينورنا بأمانة ؟
لأول مرة بحس انو عندي موهبة بالكوميديا السوداء !

[hamod.kopani]

ممكن يكون انتقام من استهداف أهالي عين العرب لداعش بصواريخ التوماهوك من البارجة كوباني ؟
نحنا مغيبين وما عم نفهم ، أول يوم كان في فرح على التلفزيون ، مبارح كان في انتقاد ، أيهم الأصح ؟
اليوم الصبح عم فكر ، إذا لقيت بوشي ميكروفون ، وسألوني عن رأيي بالضربات
إذا قلت مع الضربات بتطلع خيانة عظمى ، يالطيف
إذا قلت أنا ضدها بكون مع الإرهاب ، لسا ألعن
بعدين قلت أحسن شي بقول للسائل ما بعرف ، انت شو رأيك ؟ وبفوتو بالحيط
في حدى ينورنا بأمانة ؟
لأول مرة بحس انو عندي موهبة بالكوميديا السوداء !
بداية الازمة كان في مظاهرات سلمية بس بعدها استلم لجان شعبية والان زمام امور بيد وحدات حماية شعب لا شفنا براميل ولا صواريخ ولا اي شي والحمدلله كنا بخيرومرةكنا محاصرين من جيش الحر ومنذ سنة وثلاثة اشهر محاصرين من داعش والله انا ما بعرف اش بدون لا ابار نفط ولا اي شي بحب اقول بس عنا مافي غير زراعة اذا ممنوع وحاليا منذ عشرة دقائق طائرات تحالف فوق سماء عين العرب دون ضرابات منذ ليلة ماضية

[hamod.kopani]

والأن ضربات مؤكدة
يمكن طيارة امارتية هههههههههههه

[عابر مجيب]

والأن ضربات مؤكدة
يمكن طيارة امارتية هههههههههههه


لا بقا تقولو داعش هاجمة عليكم ، بتوفروا ضربة الطائرات .
بكفيكم داعش
شر البلية ما يضحك

[mite mite]

ممكن يكون انتقام من استهداف أهالي عين العرب لداعش بصواريخ التوماهوك من البارجة كوباني ؟
نحنا مغيبين وما عم نفهم ، أول يوم كان في فرح على التلفزيون ، مبارح كان في انتقاد ، أيهم الأصح ؟
اليوم الصبح عم فكر ، إذا لقيت بوشي ميكروفون ، وسألوني عن رأيي بالضربات
إذا قلت مع الضربات بتطلع خيانة عظمى ، يالطيف
إذا قلت أنا ضدها بكون مع الإرهاب ، لسا ألعن
بعدين قلت أحسن شي بقول للسائل ما بعرف ، انت شو رأيك ؟ وبفوتو بالحيط
في حدى ينورنا بأمانة ؟
لأول مرة بحس انو عندي موهبة بالكوميديا السوداء !

---------------------------------------------------------
هل يحق لنا ان نقول راينا بصراحة وبدون خوف من العواقب نعم او لا؟؟؟؟؟

[فهد]

الحسكة و القامشلي
يتراوح السعر ما بين
191 الى 195
حسب كل صراف و حسب المبلغ

[hasobman]

هلا بشكل عام السوق رايح لفوق و لتحت
على المدى الطويل اكيد لفوق
على المدى المتوسط اكيد لفوق
على المدى القصير لوين
يعني من هون للعيد شو بتتوقعو
انا بتوقع نزول وملامسة 188 هيك بدون اي تحليل او اي جكة ابرة عشان ما حدا يسالني على شو معتمد
وانتو شو بتتوقعو

[hasobman]

بعدين نقطة تانية من خلال تجربتي الشخصية
لما الواحد بدو يضارب لازم السوق يكون اسمو سوق بالاول مو هات ايدك والحقني
وصل السعر بالموقع عال 200 رفيقي راح ليبيع 300 دولار معو من ايام دولار ال 250
قالولو السوق واقف بس اذا بتحب مناخدون منك عال 195 وما لقا مين يشيل من هالحرامية اكتر من هيك
وهلا لنفرض انو بدو يرجع يشتري يا ترى رح يلاقي حدا يبيعو اقل من 195 اسمو السوق نزل لل 193
لذلك لما بتحطو بالموقع انو هي نقطة قاع وهي نقطة مقاومة وهي نقطة قمة الله وكيلكون هي نظري بنظري
والواقع شي تاني خالص
لذلك بلا مضاربة بلا بطيخ
قاعدة ذهبية
اصرف على قد حاجتك
وخلي الباقي تحت البلاطة

[hasobman]

تالتن رسالة لبعض التجار الي عم يشوفونا بالموقع
لما الدولار بيرتفع رجاء حار لا تشتري بضاعة لمحلك وتصرع سمانا انو اشتريتا بالغالي
لانو بدو يرجع ينزل شوي
وحلكون يا هالتجار تشبعو والله عبيتو بهاازمة ما فتح ورزق
لكان كيس السكر ارتفع من 4800 الى 5600 مع بوسة ايد ليبيعك
يعني ارتفع 800 ل س

[انس الحموي]

ليش شو بها جوليت سيد أنس ؟ من شو بتشكي ؟ شو الغلط يلي عم تسويه ؟ماتكون جريمة بهالايام المدافعة عن الليرة ضد مصاصي الدماء ؟
----------
هام وعاجل :
اكتشاف شبكة لتزوير الدولار أحد اعضاؤها من قرية بطرطوس , الكميات التي ضبطت كبيرة وهذا بفضل العين الساهرة للشباب الطيبة .
-------------
الخاص تبع المرسوم الخاص بالسيارت بلشت تندع الصحف فيه ,ناطرين ليصير لحتى نفندو
---------------
الاسبوع القادم أسبوع ميالة (مع حفظ الالقاب بامتياز ) بامتياز ...وخاصو انو التغطية يلي قلت عنها من كم يوم وصدرت اليوم للعلن ستعطيه القدرة اللامتناهية على توجيه الضربات المتلاحقة للمضاربين .. طبعا نحنا اعضاء سيرياستوكس بالموقع لاعلاقة لنا بهم ,نحنا فقط نهتم بالتحليل ونقل واقع السوق ونضعه على طبق من فضة للعالم وطبعا لانسألهم عليه اجر فأجرنا بالنهاية عالله
تحليل وبس ... بس تحاليل لا أكثر ولا أقل
-------
بكفي ,كان في شغلتين هامتين بدي أولون , بس ميتي من الجوع وايدي وجعوني من الكتابة
-----------
تحية لأبطال عين عرب الذين سطرو البطولات


بحب امزح معك وجاكرك احيانا ,,,جوليت وردة المنتدى مع انو انا وانت مختلفين بالفكر وبكتير صفات ويمكن متناقضين كتير بس بالنسبة الي انت فلة ووردة المنتدى ,,,,واكيد انا متاكد انك مو قليلة بنوب وقريبة من صناع القرار ....وبالنسبة للوطنية كلنا وطنين جوليت بس هدفي دايما نقل الحقيقة وبس لانو الحقيقة امانة برقبة كل شخص بحب اهل بلدو وبخاف عليهم ...


يلا صارت وصارت رح وبافيكم بسعر حماة مع انو انا كمان ميت من الجوع ولهلىء ما تغديت ... حماة من بعد صلاة الظهر اشتداد الطلب وندرة بالعرض ....حماة الان شراء 192.5 ...مبيع 193.25 ...علما انو وصل السوق لل 192 ليلة امس للمبيع مع توقف البعض عن الشراء ....حابب نوه جوليت لشغلة سياسة اديب مياله بتخويف المضاربين وتغذية السوق من جيبوبهم وجيوب الناس غير كافية والدليل عما ينزل عال 192 وبيرجع بصورخ عال 200 ولو بالفعل في ضخ يومي من قبل المركزي واغراق السوق بالدولار لما راينا السعر فوق 190 فيجب عالمركزي الضخ باستمرار فالسوق وعندما يتوفر العرض لن يكون هناك أي طلب ...


برجع بذكر بالقاع 185 ....والقمة 195 وحتى ان راينا احيانا السعر فوق 195 الا انه يبقى التداول عليه قليل ولفترة ساعة او ساعتين وطلوع الدولار لل205 وقت الضربة ونزوله لل195 بساعة وحدة ماهو الا دليل على الحاجز النفسي عند المضاربين وكثير من الناس ...195 منطقة ممتازة للبيع و 185 منطقة جيدة جدا للشراء

[انس الحموي]

اتوقع غدا ارتفاع بتسعيرة المركزي ليرة اخرى ,,,بسبب ارتفاع الدولار عالميا

[shereen]

بحب امزح معك وجاكرك احيانا ,,,جوليت وردة المنتدى مع انو انا وانت مختلفين بالفكر وبكتير صفات ويمكن متناقضين كتير بس بالنسبة الي انت فلة ووردة المنتدى ,,,,واكيد انا متاكد انك مو قليلة بنوب وقريبة من صناع القرار ....وبالنسبة للوطنية كلنا وطنين جوليت بس هدفي دايما نقل الحقيقة وبس لانو الحقيقة امانة برقبة كل شخص بحب اهل بلدو وبخاف عليهم ...


يلا صارت وصارت رح وبافيكم بسعر حماة مع انو انا كمان ميت من الجوع ولهلىء ما تغديت ... حماة من بعد صلاة الظهر اشتداد الطلب وندرة بالعرض ....حماة الان شراء 192.5 ...مبيع 193.25 ...علما انو وصل السوق لل 192 ليلة امس للمبيع مع توقف البعض عن الشراء ....حابب نوه جوليت لشغلة سياسة اديب مياله بتخويف المضاربين وتغذية السوق من جيبوبهم وجيوب الناس غير كافية والدليل عما ينزل عال 192 وبيرجع بصورخ عال 200 ولو بالفعل في ضخ يومي من قبل المركزي واغراق السوق بالدولار لما راينا السعر فوق 190 فيجب عالمركزي الضخ باستمرار فالسوق وعندما يتوفر العرض لن يكون هناك أي طلب ...


برجع بذكر بالقاع 185 ....والقمة 195 وحتى ان راينا احيانا السعر فوق 195 الا انه يبقى التداول عليه قليل ولفترة ساعة او ساعتين وطلوع الدولار لل205 وقت الضربة ونزوله لل195 بساعة وحدة ماهو الا دليل على الحاجز النفسي عند المضاربين وكثير من الناس ...195 منطقة ممتازة للبيع و 185 منطقة جيدة جدا للشراء
انا بدي اشتري وقت يوصل على 190

[shereen]

هلا بشكل عام السوق رايح لفوق و لتحت
على المدى الطويل اكيد لفوق
على المدى المتوسط اكيد لفوق
على المدى القصير لوين
يعني من هون للعيد شو بتتوقعو
انا بتوقع نزول وملامسة 188 هيك بدون اي تحليل او اي جكة ابرة عشان ما حدا يسالني على شو معتمد
وانتو شو بتتوقعو

بتوقع شخصيا يوصل لل 225 خلال اسبوعين والسعر 190 هوة سعر مغري جدا للشراء

[hash]

بتوقع شخصيا يوصل لل 225 خلال اسبوعين والسعر 190 هوة سعر مغري جدا للشراء
اقتصاد شبه مدمر امان لايوجد هاون براميل كروز توماهك دبابات طائرات الحمد لله كلو موجود برأي كل الاسعار مغرية للشراء الله يستر