اسهم بنك البركة للبيع بالمزاد العلني

[حكم جركو]

تم تحديد يوم الخميس الواقع في 2014/8/28 الساعة العاشرة صباحاً موعداً لإجراءات البيع بالمزاد العلني لأسهم المقصرين بسداد الدفعة الثانية من القيمة الأسمية للسهم وذلك في مدرج جمعية خريجي المعاهد التجارية الكائن في دمشق -المزة-اتوستراد- مقابل دار البعث.
تباع الأسهم بأعلى سعر معروض.
يتم هذا الأمر بإشراف دائرة التنفيذ المدني.
مبلغ التأمين الأولي للمشاركة بالمزاد مائة الف ليرة سورية.
يتعين على من يرسى عليه المزاد سداد ثمن أسهمه فوراً نقداً أو بموجب شيك مصدق..
معلومات اخرى :عدد الأفراد المعروضة اسهمهم للبيع 88.
عدد الأسهم المعروضه للبيع : 171650 سهماً..

[عابر مجيب]

يسعد مساك استاذنا حكم
شو هالسلبة بجعزة ؟
شلون بدنا نعرف سلفا قيمة المبلغ المطلوب تحديده بالشيك المصدق ؟
أو معقول يحمل الشاري مبلغ 17 مليون تقريبا في ظل الأمان الحالي ؟
شو قصدهم بفورا؟!
يمكن فينا نقول الله يهني اللي مقررين يبيعوه سلفا وبلا ما حدى يروح .
وشو لزوم التأمين بهالحالة ؟!!!

[حكم جركو]

تحياتي أستاذ عابر. ..
ﻷ طبعاً تم نشر اسماء المقصرين بالسداد وعدد اسهمهم بإعﻻن البيع وعددهم 88 كما أشرت ويتراوح عدد اﻻسهم المباعة لكل مساهم مابين 8000 سهم وصوﻻ ل 270 سهم وسأحاول نشر صورة عن اعﻻن البيع .

[wagnawy]

اخي الكريم السلام عليكم

طيب اللي بدي يسدد الدفعة التانية كيف ممكن ووين؟

انا عندي 611 سهم كم بدون ادفع واذا خليتهم ينباعو بالمزاد اربحلي ولا اسدد الدفعة التانية؟

مع جزيل الشكر والتقدير

[حكم جركو]

اخي الكريم السلام عليكم

طيب اللي بدي يسدد الدفعة التانية كيف ممكن ووين؟

انا عندي 611 سهم كم بدون ادفع واذا خليتهم ينباعو بالمزاد اربحلي ولا اسدد الدفعة التانية؟

مع جزيل الشكر والتقدير

أخي العزيز:
بأمكانك مراجعة ادارة البنك قسم شؤون المساهمين وتسديد الدفعة الثانية ويتم سحب اسمك واسهمك من المزاد ..
طبعاً عليك تحمل بعض النفقات الزائدة التي تسببت بها ..
بالنسبة ايهما الأفضل سداد تتمة سعر الأسهم أم بيعها بالمزاد ؟
فهذا أمر غيبي لا يمكن التكهن به قد ترتفع قيمة السهم بالمزاد وتحقق ربحاً جيداً وقد يحدث العكس...
المشكلة أن الأمور تخرج عن سيطرتك بمجرد دخول اسهمك حلبة المزاد...

[Syria-boursa]

هل يمكن دفع المتبقي من سعر السهم الأن و أين يمكننا الدفع ...إذا لم يتم دفع النصف للسهم فهل يتم اعتبار المساهم مسدد لنصف عدد أسهمه و يعطى نصف اﻷسهم .

[firas1]

شكرا استاذ حكم
هل العدد 88 هم كل الذين لم يسددوا النصف الثاني ام هناك اعداد ومزادات اخرى؟

[wagnawy]

[QUOTE=حكم جركو;348203][color=darkorchid][size=5]أخي العزيز:
بأمكانك مراجعة ادارة البنك قسم شؤون المساهمين وتسديد الدفعة الثانية ويتم سحب اسمك واسهمك من المزاد ..
طبعاً عليك تحمل بعض النفقات الزائدة التي تسببت بها ..
بالنسبة ايهما الأفضل سداد تتمة سعر الأسهم أم بيعها بالمزاد ؟
فهذا أمر غيبي لا يمكن التكهن به قد ترتفع قيمة السهم بالمزاد وتحقق ربحاً جيداً وقد يحدث العكس...
المشكلة أن الأمور تخرج عن سيطرتك بمجرد دخول اسهمك حلبة المزاد...

طيب اخ حكم كم بدي ادفع يعني على سعر 500 ل س ولا 100 ل س

ومافي طريقة نتكهن فيها ايهما اربح دفع القسط الثاني ولا المزاد

واذا انباعوا بالمزاد بكون حقهم اللي انا صاحب الاسهم

ووين بكون محفوظ المبلغ.

مع الشكر الجزيل ونأسف على الاطالة.

[firas1]

في حال لم ادفع النصف الثاني و تم بيع السهم بالمزاد فرضا 140 ليرة هل ساحصل على 50 ليرة أم ساحصل على 70 ليرة؟

[economic opinion]

[QUOTE=حكم جركو;348203][SIZE=5]أخي العزيز:
بأمكانك مراجعة ادارة البنك قسم شؤون المساهمين وتسديد الدفعة الثانية ويتم سحب اسمك واسهمك من المزاد ..
طبعاً عليك تحمل بعض النفقات الزائدة التي تسببت بها ..
بالنسبة ايهما الأفضل سداد تتمة سعر الأسهم أم بيعها بالمزاد ؟
فهذا أمر غيبي لا يمكن التكهن به قد ترتفع قيمة السهم بالمزاد وتحقق ربحاً جيداً وقد يحدث العكس...
المشكلة أن الأمور تخرج عن سيطرتك بمجرد دخول اسهمك حلبة المزاد...

[COLOR=Red]1- طيب اخ حكم كم بدي ادفع يعني على سعر 500 ل س ولا 100 ل س

2- ومافي طريقة نتكهن فيها ايهما اربح دفع القسط الثاني ولا المزاد

3- واذا انباعوا بالمزاد بكون حقهم اللي انا صاحب الاسهم

4- ووين بكون محفوظ المبلغ.

مع الشكر الجزيل ونأسف على الاطالة.

رح ساعد الأستاذ حكم شوي بما اعلم وجاوب على بعض أسئلتكون أخي الكريم

فيما يتعلق بسؤالك الأول أخي فحضرتك أكيد متأخر عن سداد قسط قيمتو 50 ليرة سورية كون القيمة الإسمية الحالية للسهم هي 100 ليرة.

اما السؤال الثاني أخي الكريم فجوابو عند حضرتك لأنك هون أمام خيارين مختلفين:
الخيار الأول هو الإحتفاظ بالسهم: بهي الحالة أخي فتسديدك للقسط هو أرخص سعر ممكن تشتري فيه السهم حالياً، ومستحيل قانوناً تقدر تشتري السهم من المزاد بقيمة أرخص من سدادك للقسط لأنو المزاد بيبدا من القيمة يلي لازم حضرتك تدفعها والناس بتزاود عليها.
أما الخيار التاني هون أخي فهو التخلّي عن السهم: فبهي الحالة حضرتك لا تدفع القسط وهيك بيروح السهم على المزاد،
أما إذا حضرتك مفكر إنك توظف كاش جديد بدفعك للقسط وترجع تبيع الأسهم لحالك بعد المزاد وعم تسأل مين اربحلك إنو ينباع بالمزاد ولا تبيعو حضرتك برا بعد المزاد فهي أكيد متل ما قال الأستاذ حكم خاضعة للتكهنات والتحليل. وصعب كتير نتكهن بأديش ممكن ينباع بالمزاد.

أما سؤالك التالت والربع: أخي فجوابو إنو حضرتك بيرجعلك من قيمة السهم يلي انباع بالمزاد كل شي فائض عن قيمة القسط التاني والمصاريف يلي اندفعت عالمزاد يعني مثال أخي:
حضرتك معك شهم واحد
الشركة بدها من حضرتك 50 ليرة قسط + تكلفت 10 ليرات زيادة عالسهم مشان تعمل المزادك
وبالتالي الشركة رح تبدأ المزاد على سهم حضرتك ب 60 ليرة
لنفترض رسى المزاد عليي بـ 75

فهون أخي أنا بدفع 75 والشركة بترجع لحضرتك : 75 - 60= 15 ليرة سورية

هدول بتحطلك ياهون الشركة بحساب امانات عندها وبتعطيك ياهون أول ما حضرتك تراجع دائرة المساهمين بالشركة.

بس لازم اخي تاخد بعين الإعتبار إنو هاد السهم مقبل عالإدراج بالسوق وعادةص سعر السهم بيرتفع أول ما يدرج بالسوق بس كمان ما فينا نعرف إذا سعر الإدراج رح يكون 100% أعلى من المزاد.

وفي فكرة إنو الموافقة الأولية عالإدراج صدرت وهاد بيعني إنو أول ما الشركة رح تخلص المزاد رح تسلم سجل المساهمين للسوق وهاد الشي بيمنع حضرتك إنك تقدر تبيع السهم من فترة تسليم السجل يلي هي غالباً بعد شي يومين بس من نهاية المزاد لحين بدء التداول على السهم بالسوق وهون حضرتك رح تكون مجبر تبيعو عن طريق سوق الأوراق المالية. يعني جملتو إنو أخي في عندك فترة بين الشهر والشهرين رح تكون هي الأسهم غير قابلة للبيع حتى تنتهي عملية الإدراج بالسوق ويبدأ التداول.

فهون أخي اذا حضرتك قررت تدفع القسط لأنو حسيت إنو بيعو بسوق الأوراق المالية أربحلكن لازم تكون حضرتك آخد بعين الإعتبار فترة هالشهر أو شهرين ومدى قدرتك على تجميد ثمن هي الأسهم. بتمنى كون جاوبت هون كمان على سؤال الأخ فراس

[economic opinion]

السادة الكرام صورة إعلان البيع موجودة بالخبر بس اكبسو عالجملة يلي لونها أزرق فاتح




<table align="center" border="0" width="100%" cellpadding="0"><tbody><tr><td colspan="2" class="txt_title_main" dir="rtl" align="center">بنك البركة يدعو إلى إجراء مزاد علني لبيع أسهم المتخلفين عن سداد التزاماتهم المالية</td> </tr><tr> <td colspan="2" style="padding-top: 8px; padding-bottom: 8px" align="left"> |
</td> </tr><tr><td colspan="2" style="padding-top: 10px" align="right"> <table align="left" border="0" width="1%" cellpadding="0" cellspacing="0"> <tbody><tr><td style="padding: 0 5 0 5px" align="left" valign="top"> http://www.syriandays.com/photo//17/index.jpg (http://www.syriandays.com/?page=show_det&select_page=67&id=40606)</td> </tr> </tbody></table> سيريانديز - خاص
دعا بنك البركة – سورية إلى إجراء مزاد علني لبيع الأسهم (http://scfms.sy/news/ar/32/1696/files/docs/ar_section_1696_1.pdf) العائدة للمساهمين المقصرين عن سداد الدفعة الثانية من القيمة الأسمية لأسهمهم ،وذلك وفقاً لأحكام المادة (92/6) من قانون الشركات الصادر بالمرسوم التشريعي رقم /29/ لعام 2011.
حيث تم تحديد تاريخ المزاد العلني في تمام الساعة العاشرة من صباح يوم الخميس الواقع في 28/8/2014 في مدرج جمعية خريجي المعاهد التجارية – أتوستراد المزة.

ويبلغ عدد لبمساهمين المتخلفين عن السداد 88 مساهماً قام البنك مؤخراً بتوجيه بطاقات بريدية لتبليغهم بكافة البيانات الخاتصة بهم لجهة عدد الأسهم العائدة لكل مساهم.

</td></tr></tbody></table>

[economic opinion]

هل يمكن دفع المتبقي من سعر السهم الأن و أين يمكننا الدفع ...إذا لم يتم دفع النصف للسهم فهل يتم اعتبار المساهم مسدد لنصف عدد أسهمه و يعطى نصف اﻷسهم .

اجل تستطيع السداد أخي الكريم فقط راجع دائرة المساهمين في الشركة.
أما إنو يخلوك تتصرف بنصف الأسهم فهي الفكرة غير واردة على حد علمي ولا يمكنك التصرف بأي سهم إلا في حال سدادك للقسط او إذا انباعت أسهمك بالمزاد فبيرجعولك المصاري يلي بتبقالك متل ما شرحت بمشاركتي فوق وطبعاً وقتها ما غلك أي حق ملكية بالسهم

[فهد]

في حال لم ادفع النصف الثاني و تم بيع السهم بالمزاد فرضا 140 ليرة هل ساحصل على 50 ليرة أم ساحصل على 70 ليرة؟

ستحصل على 90 ليرة
طبعا بدون ياخذو بعض المصاريف

[فهد]

هل يمكن دفع المتبقي من سعر السهم الأن و أين يمكننا الدفع ...إذا لم يتم دفع النصف للسهم فهل يتم اعتبار المساهم مسدد لنصف عدد أسهمه و يعطى نصف اﻷسهم .
لا يعطى نصف الاسهم
لانو المزاد يبدأ بسعر القسط الثاني مضافا اليه بعض المصاريف

[فهد]

اخي الكريم السلام عليكم

طيب اللي بدي يسدد الدفعة التانية كيف ممكن ووين؟

انا عندي 611 سهم كم بدون ادفع واذا خليتهم ينباعو بالمزاد اربحلي ولا اسدد الدفعة التانية؟

مع جزيل الشكر والتقدير
دخول الاسهم المزاد قد يعرضك لخسارة رأسمالك بالكامل
امامك خيارين
الاول انو تسدد ( الموضوع بيرجع الك )
الثاني عدم التسديد و بالتالي المزاد
وهون لازم تروح عالمزاد و مع اخوك على سبيل المثال
لنفرض قيمة المصاريف 10 ليرة بالتالي قيمة القسط الثاني تكون 60
فإذا لم يتجاوز السعر 60 فيجب ان يقوم اخاك بالشراء لانو اذا ما اشترى بتخسر كامل راسمالك
و سعر المزاد الذي يعادل تسديدك للقسط يجب ان لا يقل عن 110 ليرة
يعني فوق 110 بتكون ربحان و اقل بتكون خسران
عندها الموضوع بيرجع الك حسب مقدار الربح يالي بتريدو او الخسارة يالي مستعد انك تخسرها
فإذا كان سعر المزاد مناسب الك بيع اما اذا لم يكن مناسب فلازم اخاك بيشتري طبعا وفق الخيارات يالي انت محددة

[احمد م حسن]

انا اسمي وارد بالقائمة بالرغم من اني مسدد كامل ثمن الاسهم ومعي الاشعار!
وبالمقابل بعرف اسماء لم تسدد واسمائهم غير واردة بالقائمة!

[firas1]

اسمي غير وارد واعرف اشخاص غير واردة اسمائهم ايضا.فشو السبب؟

[economic opinion]

انا اسمي وارد بالقائمة بالرغم من اني مسدد كامل ثمن الاسهم ومعي الاشعار!
وبالمقابل بعرف اسماء لم تسدد واسمائهم غير واردة بالقائمة!
معناها أخي ضروري جداً تراجع دائرة المساهمين بالشركة وتاخد معك الإشعار مشان يتم إصلاح هالخطأ وبأسرع وقت ممكن
غذا صعب عليك تراجع الشركة حاول تتصل فيهون بالهاتف وتحكيلون الموضوع

[economic opinion]

اسمي غير وارد واعرف اشخاص غير واردة اسمائهم ايضا.فشو السبب؟
السبب أخي إنو في ناس ما قدرت الشركة تبلغون بالتأخر والبيع بالمزاد عن طريق البطاقات البريدية "لأنو النظام الأساسي للشركة وارد فيه إنو بيتم التبليغ فقط عن طريق البطاقات البريدية" متل قانون الشركات .
لهيك الشركة بحاجة حالياً لعقد إجتماع هيئة عامة غير عادية لتعديل النظام الأساسي مشان تقدر تضيف عليه طريقة أخرى للمناطق الساخنة متل الإبلاغ عن طريق الإعلان بالصحف أو المجلات أو عن طريق التبليغ من خلال مختار المنطقة متل ما انسمح آخر فترة

[احمد م حسن]

معناها أخي ضروري جداً تراجع دائرة المساهمين بالشركة وتاخد معك الإشعار مشان يتم إصلاح هالخطأ وبأسرع وقت ممكن
غذا صعب عليك تراجع الشركة حاول تتصل فيهون بالهاتف وتحكيلون الموضوع

حكيت معهم ومشي الحال ,حتى انهم تذكروا اني دافع عن طريق حوالة بمصرف قطر

[firas1]

السبب أخي إنو في ناس ما قدرت الشركة تبلغون بالتأخر والبيع بالمزاد عن طريق البطاقات البريدية "لأنو النظام الأساسي للشركة وارد فيه إنو بيتم التبليغ فقط عن طريق البطاقات البريدية" متل قانون الشركات .
لهيك الشركة بحاجة حالياً لعقد إجتماع هيئة عامة غير عادية لتعديل النظام الأساسي مشان تقدر تضيف عليه طريقة أخرى للمناطق الساخنة متل الإبلاغ عن طريق الإعلان بالصحف أو المجلات أو عن طريق التبليغ من خلال مختار المنطقة متل ما انسمح آخر فترة
شكرا جزيلا معناها ما عاد في ضرورة ادفع بالوقت الحالي

[Romeo]

ياشباب اذا بتريدو فهموني أنا اسمي مالو وارد ضمن القائمة يعني مابدهون يبعولي ياهون وفيني ادفع قيمتهون بعد فترة ولا كيف ماعم افهم .
رجاءاَ حدا يفهمنا شو عم يصيير؟؟؟؟؟؟

[economic opinion]

شكرا جزيلا معناها ما عاد في ضرورة ادفع بالوقت الحالي
تماماً أخي هيك
طالما اسمك مو وارد بالقائمة فمالك مضطر تدفع هلأ بس كمان لازم تكون مأدرك إنك ما رح تقدر تبيع أسهمك بالسوق لأنك مو دافع :)

[economic opinion]

ياشباب اذا بتريدو فهموني أنا اسمي مالو وارد ضمن القائمة يعني مابدهون يبعولي ياهون وفيني ادفع قيمتهون بعد فترة ولا كيف ماعم افهم .
رجاءاَ حدا يفهمنا شو عم يصيير؟؟؟؟؟؟


روق أخي رميو اقرا المشاركات التي واردة قبل على مهل
مختصر مفيد
طالما اسمك مو وارد بالقائمة معناها ما رح يبيعولك أسهمك بـ 28/08 لأنون غالباً ما قدروا يبلغوك ببطاقة بريدية لعنوان سكنك يلي موجود عندون.

وطبعاً فيك تراجع الشركة وتدفع قيمة أسهمك بأي وقت من هون ليصير مزاد تاني ويكون اسمك نازل بالقوائم
بس اخي رميو ما فيك تبيع أسهمك او تتصرف فيهون إذا مو مسدد قيمتون كاملة
يعني ما فيك بس يندرج السهم بالسوق تلاقي السعر عجبك بالسوق وتقرر تبيع قبل ما تراجع الشركة وتسدد باقي ثمن الأسهم
واضحة هيك أخ روميو :)

[economic opinion]

حمدان: إدراج بنك البركة في البورصة أيلول القادم


<time class="date" datetime="2014-08-20T15:35:35+00:00" pubdate=""> 20 أغسطس 2014 - 15:35 </time>


(https://sy.aliqtisadi.com/440934-%d8%a7%d8%b3%d8%aa%d9%82%d8%b1%d8%a7%d8%b1-%d8%b3%d9%8a%d9%88%d9%84%d8%a9-%d8%a7%d9%84%d9%85%d8%b5%d8%b1%d9%81-%d8%a7%d9%84%d8%b9%d9%82%d8%a7%d8%b1%d9%8a-%d8%b3%d9%88%d8%b1%d9%8a%d8%a9/)الاقتصادي – خاص:

كتب محمد وائل الدغلي

أفاد الرئيس التنفيذي لـ”بورصة دمشق”، مأمون حمدان، أنه من المتوقع إدراج أسهم “بنك البركة” بشكل نهائي في السوق نهاية أيلول القادم.

وأضاف في تصريح لـ”الاقتصادي”، أن ذلك سيكون عقب الانتهاء من إجراء المزاد العلني لبيع الأسهم العائدة للمساهمين المقصرين عن سداد الدفعة الثانية من القيمة الاسمية لأسهمهم، والتي ستتم في 28 من آب الجاري، ودراسة نتائجه.

وتصل نسبة الأسهم غير المسددة إلى 6% من رأسمال البنك وجزء منها لن يباع في المزاد القادم، بسبب عدم تمكن البنك من تبليغ عدد كبير من حملة الأسهم، والذين يصل عددهم إلى 600 مساهم حسب القانون بسبب تغيير عناوينهم أو سفرهم خارج سورية، حيث سيقوم البنك بعقد هيئة عامة وتبليغ غير المسددين عن طريق الصحف، وسيكون هنالك مزادا آخر بعد الإدراج ، “لأننا نرغب بالإسراع بدخول البنك للسوق واستكمال بعض الاجراءات فيما بعد، وفقاً لما قاله حمدان”.

وأشار إلى أن انخفاض قيمة التداولات في السوق خلال آب الحالي، في أغلب الجلسات يعود إلى أن فترة ما بعد العيد تشهد إنخفاض في التداولات، وهو نفس الأمر الذي يحصل في الأسواق الآخرى، إضافة إلى حدوث عمليات جني أرباح قوية أدت لانخفاض بعض أسعار الأسهم، ومنها سهم “بنك الشام” الذي حقق ارتفاعاً ملحوظاً بعد الإدراج، لينخفض تدريجياً بفعل جني الأرباح، “وبشكل عام فالتداول في السوق هو ضمن الحدود الطبيعية والمقبولة في الظروف الحالية”.

ولفت أنه لا جديد يذكر في موضوع فرض ضريبة أو رسم على تداول الأسهم، “حيث أنهت اللجنة المكلفة بدراسة فرض ضريبة أو رسم على الأسهم المتداولة في بورصة دمشق أعمالها منذ مدة، ورفعت مقترحاتها إلى مجلس المحاسبة والتدقيق في وزارة المالية، وبانتظار اتخاذ القرار بناءً على ما خلص إليه أعضاء اللجنة”.

وقال حمدان: “لا نحبّذ كإدارة سوق دمشق للأوراق المالية فرض ضريبة أو رسم حالياً، لأنه قد يعيق حركة التداول ولكن من ضمن المقترحات وضع رسم بسيط يكون معقولاً على التداول، وبالتالي لايؤثر على حركة السوق”.

وحصل “بنك البركة سورية”، مؤخراً على موافقة أولية بإدراج أسهمه في “بورصة دمشق”، وبذلك يكون على موعد مع إدراج أسهمه بالكامل ما يتيح للمساهمين الاستثمار وتداول الأسهم في السوق المالية.

يشار إلى أن “بنك البركة سورية” أحد مصارف “مجموعة البركة المصرفية” ذات الانتشار الواسع في 15 دولة حول العالم، وبأكثر من 450 فرعاً، تأسس في كانون الأول 2009، وبدأ بمزاولة أنشطته التجارية في 2010، ويدير البنك أنشطته من خلال شبكة مكونة من 9 فروع منتشرة في مواقع حيوية عبر سورية، ويستعد لافتتاح فرع اللاذقية قريباً.

[Romeo]

روق أخي رميو اقرا المشاركات التي واردة قبل على مهل
مختصر مفيد
طالما اسمك مو وارد بالقائمة معناها ما رح يبيعولك أسهمك بـ 28/08 لأنون غالباً ما قدروا يبلغوك ببطاقة بريدية لعنوان سكنك يلي موجود عندون.

وطبعاً فيك تراجع الشركة وتدفع قيمة أسهمك بأي وقت من هون ليصير مزاد تاني ويكون اسمك نازل بالقوائم
بس اخي رميو ما فيك تبيع أسهمك او تتصرف فيهون إذا مو مسدد قيمتون كاملة
يعني ما فيك بس يندرج السهم بالسوق تلاقي السعر عجبك بالسوق وتقرر تبيع قبل ما تراجع الشركة وتسدد باقي ثمن الأسهم
واضحة هيك أخ روميو :)
شكراً شكراً شكراً:)

[firas1]

هل حضر أحد المزاد؟

[economic opinion]

إقبال 25 شركة على أسهم بنك البركة في المزاد العلني


<time class="date" datetime="2014-09-01T14:32:10+00:00" pubdate=""> 1 سبتمبر 2014 - 14:32 </time>


الاقتصادي – خاص:
أنهى “بنك البركة – سورية” مزاداً علنياً لبيع أسهم المساهمين المتخلفين عن سداد الدفعة الثانية من قيمة الأسهم المكتتب عليها في البنك.
وأوضح مصدر في البنك لـ”الاقتصادي”، أنه تم تنفيذ المزاد العلني وفق أحكام المادة 6/92 من قانون الشركات الصادر بالمرسوم التشريعي رقم 29 لعام 2011.
وعن عملية المزايدة، فقد شارك 25 شركة وفرداً مهتماً بشراء أسهم البنك، حيث تم بيع كامل الأسهم المعروضة والتي يبلغ عددها 122.330 سهماً.
وفي سياق متصل، بلغ متوسط سعر بيع السهم الواحد 140.8 ليرة سورية، علماً أن القيمة الاسمية للسهم هي 100 ليرة سورية.
وبلغ عدد المساهمين المتخلفين عن السداد 88 مساهماً، قام البنك مؤخراً بتوجيه بطاقات بريدية لتبليغهم بكافة البيانات الخاصة بهم لجهة عدد الأسهم العائدة لكل مساهم.
يشار إلى أن “بنك البركة – سورية” أحد مصارف “مجموعة البركة المصرفية” ذات الانتشار الواسع في 15 دولة حول العالم، وبأكثر من 400 فرع.
وتأسس “بنك البركة – سورية” في كانون الأول (ديسمبر) 2009، وبدأ بمزاولة أنشطته التجارية في 2010، ويدير البنك أنشطته من خلال شبكة مكونة من 9 فروع منتشرة في مواقع حيوية عبر سورية.

[قاسم]

بفظلكم وبفظل موقعكم عرفنا بالمزاد لانو انا واحد من الذين اصبح صعب التواصل معي وانا خارج البلد شكرا لكم جميعا وفي اقرب وقت سوف اسدد الدفعه الثانيه عن طريق احد اصدقائي

[firas1]

هل سيكون السعر بالمزاد الثاني للاسهم التي لم يسدد اصحابها الدفعة الثانية والتي لم تشمل بالمزاد الاول ستكون ضمن مجال +5 و -2 للسعر المتداول بالبورصة بذلك اليوم ام ليس من الضروري؟