منح بنك البركة موافقة أولية لإدراج أسهمه في سوق دمشق للأوراق المالية.

[economic opinion]

<table height="100%" width="100%" cellpadding="0" cellspacing="0"><tbody><tr align="center"><td colspan="3" class="TITLE">منح بنك البركة موافقة أولية لإدراج أسهمه في سوق دمشق للأوراق المالية.

</td></tr><tr><td colspan="3">23/07/2014</td></tr><tr height="20"><td>
</td></tr><tr><td colspan="3"> أصدر المدير التنفيذي لسوق دمشق للأوراق المالية قراراً بالموافقة الأولية على إدراج أسهم بنك البركة في السوق ضمن السوق النظامية على أن يقوم البنك باستكمال جميع الخطوات التالية للحصول على الموافقة النهائية:
أ‌- نشر الخبر المتضمن إبلاغ حاملي الأسهم بأن الشركة ستقوم بإدراج أسهمها في السوق في جريدتين رسميتين يوميتين، وموافاة السوق بنسخة عن هذا الإعلان.
ب‌- تزويد مركز المقاصة والحفظ المركزي في السوق بسجل المساهمين لإجراء عملية تسجيل وإيداع الأسهم لدى المركز.
ج‌- تسديد البدلات المقررة للإدراج في السوق.
د‌- توقيع اتفاقية الإدراج مع السوق التي تحدد حقوق والتزامات الطرفين.
ه‌- استكمال كافة البيانات الناقصة ضمن طلب الإدراج المرسل للبنك سابقاً.
و‌- تقديم دراسة تقييم لتقدير القيمة العادلة للشركة وفق معايير التقييم الدولية معدة من جهة محايدة ومستقلة.
على أن يتم استكمال البنود الآنفة الذكر خلال شهر واحد فقط من تاريخ صدور هذه الموافقة الأولية أي لغاية 22/08/2014، يتم بعدها صدور الموافقة النهائية على الإدراج.
</td></tr></tbody></table>

[BROKER]

مبروك

[firas1]

هل ستدرج اسهم من لم يدفع النصف الثاني من ثمن اسهمه؟

[economic opinion]

هل ستدرج اسهم من لم يدفع النصف الثاني من ثمن اسهمه؟
أجل أخ فراس غالباً ستدرج لكنها ستكون غير قابلة للتداول "أي أن صاحب هذه الأسهم لا يستطيع بيعها أو التصرف بها إما لحتى ينباعو بالمزاد بشي طريقة أو لحتى يكمل المستثمر سداد ثمنون
أنا نصيحتي إلك أخ فراس إنك إذا كنت أحد الغير مسددين للقسط التاني روح سدد لأنو أكيد بتنقش معك بس يدرج

[economic opinion]

أخي فراس إذا ما بدك ياهون خبرني أنا باخدون منك وبروح معك عالشركة قبل المزاد ومننقل الملكية وبعطيك القسط يلي كنت حضرتك دافعو وبدفع أنا القسط التاني وأي مصاريف تانية مترتبة عالسهم Big Grin

[firas1]

أجل أخ فراس غالباً ستدرج لكنها ستكون غير قابلة للتداول "أي أن صاحب هذه الأسهم لا يستطيع بيعها أو التصرف بها إما لحتى ينباعو بالمزاد بشي طريقة أو لحتى يكمل المستثمر سداد ثمنون
أنا نصيحتي إلك أخ فراس إنك إذا كنت أحد الغير مسددين للقسط التاني روح سدد لأنو أكيد بتنقش معك بس يدرج
شكرا لك

[wagnawy]

اخي الكريم السلام عليكم

انا عندي 611 سهم كم بدون ادفع واذا خليتهم ينباعو بالمزاد اربحلي ولا اسدد الدفعة التانية؟

طيب بدي ادفع على سعر 500 ل س ولا 100 ل س

ومافي طريقة نتكهن فيها ايهما اربح دفع القسط الثاني ولا المزاد

واذا انباعوا بالمزاد بكون حقهم الي انا صاحب الاسهم

ووين بكون محفوظ المبلغ.

مع الشكر الجزيل ونأسف على الاطالة.

[Ghassan Tahtah]

السلام عليكم ،،،
أخوتي الكرام وفقكم الله في أعمالكم وتجارتكم ،،

أرغب بالإستفسار منكم عن أسهمي إذا أمكن وأطمع كذلك بنصائحكم الكريمة علما إنني لا أعلم ما آلت إليه تلك الأسهم التي أمتلكها والمسجلة بأسماء أخوتي وأخواتي منذ عدة سنوات وهي:

1. أسهم siib عدد 299 بسعر 500 للسهم.
2. أسهم qnb عدد 1850 بسعر 500 للسهم.
3. أسهم بنك البركة عدد 600 بسعر 500 للسهم.
جميع هذه الأسهم تم شراءها منذ أيام الأكتتاب ومسددة بالكامل ولا أعلم عنها شيئ حالياً.

هل تتكرمون علي بمعرفة وضعها الحالي وكيف تم تجزئتها وكم هو سعرها وهل تم توزيع أي أرباح أو أسهم منحة؟!! وكم أصبح عددها، وكبف أستطيع بيعها الآن..
شكرا لكم على مساعدتكم ووقتكم..

أخوكم غسان

[economic opinion]

السلام عليكم ،،،
أخوتي الكرام وفقكم الله في أعمالكم وتجارتكم ،،

أرغب بالإستفسار منكم عن أسهمي إذا أمكن وأطمع كذلك بنصائحكم الكريمة علما إنني لا أعلم ما آلت إليه تلك الأسهم التي أمتلكها والمسجلة بأسماء أخوتي وأخواتي منذ عدة سنوات وهي:

1. أسهم siib عدد 299 بسعر 500 للسهم.
2. أسهم qnb عدد 1850 بسعر 500 للسهم.
3. أسهم بنك البركة عدد 600 بسعر 500 للسهم.
جميع هذه الأسهم تم شراءها منذ أيام الأكتتاب ومسددة بالكامل ولا أعلم عنها شيئ حالياً.

هل تتكرمون علي بمعرفة وضعها الحالي وكيف تم تجزئتها وكم هو سعرها وهل تم توزيع أي أرباح أو أسهم منحة؟!! وكم أصبح عددها، وكبف أستطيع بيعها الآن..
شكرا لكم على مساعدتكم ووقتكم..

أخوكم غسان
تكرم عينك أخي غسان
بداية أخي لازم تعرف إنو كل هدول الأسهم يلي حضرتك مالكون صار عليهون شي اسمو "تجزئة قيمة اسمية stock split" يعني أخي صارت القيمة الإسمية لهدول الأسهم 100 بدال 500 وصار عدد السهم يلي شاريها حضرتك 5 أضعاف يعني كالتالي أخي

بالنسبة للأسهم تبعات حضرتك فهنة حالياً بيكونو هيك صارو

أولاً: أسهم siib عدد 299 بسعر 500 للسهم
صارو أخي 299 سهم *5 وكلفتون عليك 100 للسهم بدل 500
1495 سهم حالياً * 100 = 149500 هي أخي كلفتون عليك
أما سعرون اليوم ببداية جلسة اليوم كان120
يعني صار حقون بالسوق : 1495 سهم * 120 = 179400

يعني بتطلع حضرتك ربحان 179400 - 149500 = 29900 ليرة
مع العلم إنو البنك الإسلامي وزع أسهم مجانية خلال الفترة الماضية بس صعب هل أخي احسبلك قديش المفروض وصلك اسهم زيادة عن يلي حضرتك شاريهون بس أكيد عندك هلأ أكتر من 1495 وفيك تعرف بالضبط قديش من خلال طلب كشف ملكية من مركز المقاصة بسوق دمشق او بتوقع إذا بتراجع دائرة المساهمين بالبنك الإسلامي كمان بتوقع بيساعدوك.



.ثانياً: أسهم qnbS عدد 1850 بسعر 500 للسهم


صارو أخي 1850 سهم *5 وكلفتون عليك 100 للسهم بدل 500
9250 سهم حالياً * 100 = 925,000 هي أخي كلفتون عليك
أما سعرون اليوم ببداية جلسة اليوم كان بيجبلك الساعة 11:30 124 ليرة للسهم تقريباً
يعني حقون بالسوق : 9250 سهم * 124 = 1,147,000

يعني بتطلع حضرتك ربحان 1,147,000 - 925,000 = 222,000 ليرة


ثالثاً: أأسهم بنك البركة عدد 600 بسعر 500 للسهم.

صارو أخي 600 سهم *5 وكلفتون عليك 100 للسهم بدل 500
3000 سهم حالياً * 100 = 300,000 هي أخي كلفتون عليك

أما اليوم أخي فما إلون سعر لأنو السهم بطور الإدراج وغالباً رح يبدا التداول عليه بعد العيد مباشرة بناءً على تصريحات مدير السوق مأمون حمدان، بس فيني قلك أخي إنو آخر مرة انباع السهم بسعر متوسط 140 ليرة بالمزاد العلني يلي انباعت فيه أسهم بعض الناس اللي كانو مو دافعين القسط التاني
يعني بيكون حقون حسب آخر سعر : 3000 سهم * 140 = 420,000

يعني بتطلع حضرتك ربحان 420,000 - 300,000= 120,000 ليرة




وبكل الأحوال أخي الكريم فيك تروح لمبنى سوق دمشق للأوراق المالية بمنطقة برزة مسبقة الصنع وتطلب "إشعار ملكية" من مركز المقاصة والحفظ والحفط المركزي، فبيعطوك ورقة بالأسهم يلي موجودة عندك اليوم، ويمكن كل شي بتحتاجو هو هويتك إذا الأسهم بإسم حضرتك أو إذا عندك وكالة عامة على أسهم لأشخاص آخرين، مع الوكالة طبعاً في حال وجودها" ورسم يمكن شي 200 ليرة بس لكل إشعار ملكية بتطلبو. بس يفضل أخي الكريم تتواصل بالهاتف عالأقل مع البنوك المذكورين يلي حضرتك مالك فيهون وتتأكد من دائرة المساهمين بكل بنك إنو أسهم حضرتك "مودعة"، مودعة أخي يعني إنو صورة هويتك مسلمة للسوق من قبل البنك يلي حضرتك شاري فيه أسهم.


بتمنى أخي كون وضحتلك سؤالك وإذا عندك أي سؤال واستفسار بهالموضوع أو غيرو فتكرم عينك اسآل واستوضح :)

[Ghassan Tahtah]

السلام عليكم ..

أخي الكريم أشكرك جزيل الشكر على تجاوبك مع اسئلتي ..
لقد شرحت لي كل شيء بشكل واضح ودقيق..

لك مني كل الشكر والتقدير ..

وفقك الله .. ووفقنا جميعا ..

غسان