سعر صرف الدولار والذهب مقابل الليرة السورية ليومي الخميس و الجمعه 10 & 11 -04- 2014

[الياطر]

مع احترامي وتقديري ومحبتي لكن الاخوة الاعضاء في هذا المنتدى
من اتفق معهم بالاراء ومن اختلف معهم
ولكن بضل بحس انو في شي ناقص
بهاد اليوم العصيب وزحمة وطحشة واختلاف الاسعار بين المحافظات
بيخطر على بالي قول مساء الخير لاخونا الغالي
يلي طول بغيبتو عنا الاخDynamic Pulse (https://www.syria-stocks.com/forum/member.php?u=4205)
اخي ابو محمد يسعد مساك والله يرزق ويحفظك انت وعائلتك
بس طمنا عنك

[جوليت]

حللولنا بعد اذنكن مشكلة الاقتباس والله دخنا
----------------
سيد مجد كلامك صحيح لما بكون بدي صرف ومامبدي اشتري ,بس لما واحد بفوت معو سوري (كيس معبا ) وبيشتري دولار ,والتاني بفوت معو دولار (كمية محرزة ) وبصرفون ... أكيد ماعاد فيني اعتبر الصراف حرامي , وبعتبر السعر يلي باع واشترى عليه حقيقي , ولاتفكر حط سعر وانا ماني متأكدة منو ,متل المعلومات عندي فرد شكل لاتقبل الخطأ أو الكذب , عاكل كلو خير

[al.faqir]

مساء الخير
رأي شخصي غير ملزم حتى للقراءة
بالنسبة للمركزي غير مستعد للخسارة وهناك دلالات ومؤشرات مريبة جدا وغير مطمئنة.
حسب تصريحات الميالة انه سوف يحافظ على ثبات سعر الصرف وجاهز للتدخل بأي لحظة.
منذ فترة ونرى تدخلات المركزي الخجولة.
والذي يمنع ارتفاع سعر الصرف هو نفسية الناس نفسها حيث انها لاتثق بالدولار ولا تثق بالليرة و يدخل المضاربين بثلثي رأس المال على الاكثر لضمان ربح متوازن واقل ضرر من الخسارة.

[تيسير ابو محمد]

السلام عليكم
مساء الخير للجميع
احداث تسارعت اليوم لكن لم يتوفر عندي النت لايصالها لكم
انقلها لكم الان بعد قليل

[عابر مجيب]

انعدام الاقتباس وفر عليي حكي كتير
فعلا بعض المشاركات بدها رد عشر اسطر على القليلي
مو اعتراضا على المشاركين لا سمح الله بس تحرضت عندي افكار إلها أول ما إلها آخر
وصلت للنهاية بعد عراك مع النت ، ونسيت كل الأفكار
بس موضوع شركة الطيران ، مو على اساس جابوا برنامج من أشهر وبلشو بالتدريب عليه ، وقالوا رح يدربوا شركات السياحة من خلال دورات ، كل هالحكي طلع مجرد حكي .
اتذكرت
180 مليون دولار يوميا تحويلات المواطنين من الخارج ، من وين هالرقم ؟
انا تأكدت طلع الرقم الفعلي زايد واحد واربعين ليرة وخمسطعشر قرش
يا ناس عيب تنقلوا أخبار غير دقيقة هدول لا ليرة ولاتنتين ، واحد وأربعين وكسور .
المكتب اللي عم يسلم تحويلات ما في غيرو ، بجسر فيكتوريا ، وباقي الفروع ما لها علاقة .
عدد المواطنين اللي واقفين متل الشحادين ما بيتجاوز 100 شخص ، يعني كل معتر عم يوصلو مليون و800 ألف دولار ؟!
شوفوا العالم ! وعاملين حالهم شحادين وعم يبوسو ايدين الأبو بريص اللي واقف على الباب وعم يدفشهم لبرا .
بلا ميه خليهم ألف ، يعني كل واحد عم يستلم قيمة ميه وتمانين ألف دولار
كل هاد لسا مو مشكلة ، طيب وين النشالين ياجماعة ؟! طيب بلا نشالين ، كانوا الشحادين عملوا مخيم جنب المكتب .

[تيسير ابو محمد]

ريف حلب الشرقي
الافتتاح 172//////173
بعد ساعة 173//////175
قبل الظهر 175//////176
القمة 176.5/////178
برود عند العصر
الاغلاق 175//////176
ودائما كان الدولار متوفر للبيع

[black_ghost87]

اغلاق بانياس
174-175

[تيسير ابو محمد]

اغلاق ريف حلب الشرقي
175///////////176.5لل177

[hasobman]

هاد شو ؟ اعتراف من المركزي بالإفلاس !!!!
هالمرة أكيد مالي نعسان ، شو بيكون ؟؟؟؟

والله يا استاذ عابر انت الوحيد مو نعسان هالمرة
بس اني سبقتك استاذي

[hasobman]

مليون دولار يوميا تحويلات المواطنين من الخارج ، من وين هالرقم ؟
انا تأكدت طلع الرقم الفعلي زايد واحد واربعين ليرة وخمسطعشر قرش
يا ناس عيب تنقلوا أخبار غير دقيقة هدول لا ليرة ولاتنتين ، واحد وأربعين وكسور .
المكتب اللي عم يسلم تحويلات ما في غيرو ، بجسر فيكتوريا ، وباقي الفروع ما لها علاقة .
عدد المواطنين اللي واقفين متل الشحادين ما بيتجاوز 100 شخص ، يعني كل معتر عم يوصلو مليون و800 ألف دولار ؟!

صدقا استاذ عابر انا عم استنى تعليقك على هالنقطة بالذات
لانها كانت جاغصتني

[عابر مجيب]

بس على موضوع بيع المواطنين فلوسهم ( اللي صارت عليهم صدقة ) خلال شهر قبل اعادة البيع للمركزي
وعلى فرض خطأ الصياغة ، وإن كانت معهودة ، ليتم سحب السجق من السندويش في أي وقت
على اساس سوء التفسير
طيب استلموا دولاراتهم وين بدهم يبيعوها ؟ لشركات الصرافة ، ويصبح الدولار متوفر لكافة المواطنين فوق 18 عام وعندهم هاتف أرضي ، وما حدا من اسرتهم شم ريحة الدولار ؟!
بواقع 300 - 500 دولار بالشهر !
إذا هيك ، راجعين على 115 أو 130 بالكتير
يا هيك التخطيط يا بلا ، تخطيط قلنا ، مو تخبيط ، ويروح حدا يقولني شي ما قلتو :coool:

[alternative]

انعدام الاقتباس وفر عليي حكي كتير
فعلا بعض المشاركات بدها رد عشر اسطر على القليلي
مو اعتراضا على المشاركين لا سمح الله بس تحرضت عندي افكار إلها أول ما إلها آخر
وصلت للنهاية بعد عراك مع النت ، ونسيت كل الأفكار
بس موضوع شركة الطيران ، مو على اساس جابوا برنامج من أشهر وبلشو بالتدريب عليه ، وقالوا رح يدربوا شركات السياحة من خلال دورات ، كل هالحكي طلع مجرد حكي .
اتذكرت
180 مليون دولار يوميا تحويلات المواطنين من الخارج ، من وين هالرقم ؟
انا تأكدت طلع الرقم الفعلي زايد واحد واربعين ليرة وخمسطعشر قرش
يا ناس عيب تنقلوا أخبار غير دقيقة هدول لا ليرة ولاتنتين ، واحد وأربعين وكسور .
المكتب اللي عم يسلم تحويلات ما في غيرو ، بجسر فيكتوريا ، وباقي الفروع ما لها علاقة .
عدد المواطنين اللي واقفين متل الشحادين ما بيتجاوز 100 شخص ، يعني كل معتر عم يوصلو مليون و800 ألف دولار ؟!
شوفوا العالم ! وعاملين حالهم شحادين وعم يبوسو ايدين الأبو بريص اللي واقف على الباب وعم يدفشهم لبرا .
بلا ميه خليهم ألف ، يعني كل واحد عم يستلم قيمة ميه وتمانين ألف دولار
كل هاد لسا مو مشكلة ، طيب وين النشالين ياجماعة ؟! طيب بلا نشالين ، كانوا الشحادين عملوا مخيم جنب المكتب .
من كتر ما المشاركين عم يشكو من اﻻقتباس الت لحالي لجرب وشوف
ملاحظاتك دقيقة استاذ
حابب ذكركون انو البنك المركزي جهة رسمية
يعني قال وقلنا و ......
ما بيمشي الحال
ﻻزم يكون في بيان رسمي موقع ومختوم
فحتى المحلات ﻻزم تعملك فاتورة اذا اخدت منها شي اﻻ اذا كان ما بدو يلتزم باستحقاقات البيع
واي تدخل مزعوم ما في قرارات مكتوبة ممكن يكون غير ملزم واحتمال كبير انو ما يكون موجود اصلا
ومن الملاحظ انو اخر تدخلين ان كان حصلو ما فيهم قرارات وﻻ بيانات وﻻ حدن جاب سيرتون من الصفحات الرسمية
فلا نستغرب اذا طلع تصريح من المركزي انو لم يعلن عن جلسات تدخل او يصدر قرارات وهاد من حقو وشي طبيعي

[aassi]

من كواليس اجتماع اليوم : احد اصحاب شركات الصرافة سأل سؤال لمدير الاجتماع انو شو منشان الدولارات المحولة يلي بدنا نتلذذ ببيعا هالشهر ؟؟ الو هادا الشهر رح يعتبر المركزي مافي ولا دولار محول فات على شركتكون والشهر يلي بعدو بترجع التحويلات نظامية يوميا بين 5-6 مليون دولار ... وضحت .... وعلا التصفيق في القاعة وخرج الجميع وفق القاعدة المعهودة في تعامل اي احد مع الكبير (المركزي ) " الكل مبسوط " القاعدة الذهبية

السلام عليكم
انسة جوليت لما بتنقلي تفاصيل اجتماع سري بالمركزي الكبير
كيف يعني حضرتك كنت حاضرة الاجتماع مثلاً ؟ ... و هذا يعني انك موظفة لدى المركزي و فيها ارتكاب مخالفة لنشر أخبار و معلومات اجتماعات يفترض أنها سرية
أو تم تسريب بعض الاخبار لك لكي تقومي بنشرها ؟ و هذا يعني أنك مستخدمة من قبل تلك الجهة التي تريد تسريب هذه المعلومات بدون تحمل أي مسؤولية عن هذه الأخبار
ما بائي غير احتمال ثالث أن تكون كل الأخبار فبركة متقنة من صنع الخيال ..
لا أقصد المشاركة موضوع الاقتباس فقط ..

[ابو رفيف]

السلام عليكم
بالنسبه للسوق والله انا شايفو بخوف هاد وجهة نظري
بدرعا عم ينعرض بكميات كبيرة جدن وتداولات ضخمة وعرض فوق الطبيعي بسعر 173 ونباع اكتر من مليون ونص دولار في درعا بسعر 173
الله يستر

[تيسير ابو محمد]

ريف حلب الشمالي
عند الظهيرة 176////////178
الاغلاق 173//////////174لل175

[تيسير ابو محمد]

كلس الحدود السورية التركية
الساعة 5
173////////////175

[Tomy]

بس حابب احكي انو اليوم بعت 100 شقفة وحدة ب 171 اخدها

شلون عم يحكو هالعالم انو ما حدا عم ياخد غير 69 و68 والله احترنا ما هيك؟؟؟

100 ب171 بقا شلون الكميات و هادا الحكي الساعة 5.30 المسا وكتبت مشاركة وما طلعت طبعا باسم زائر

السعر النهائي كان 172 بياخد اد مابدك و للنص كمان بيع 75 76 اذا كمية

[Dynamic Pulse]

يمسيك بالخير أخي الياطر أنت وكل الموجودين
أنا ما إنقطعت عن المنتدى ولا يوم كزائر بس ولله الحمد الأشغال عنا بالشام تحسنت وعم تاخد مني كل الوقت
بالأمس حملة على الصرافين وأشباه الصرافين والبطاحيش والفرافير في الحريقة وتوابعها أسفرت عن إعتقال أكثر من عشرة ممن تبقوا منهم
وبما أني مولقيان رعبة ما دخات على صراف من كذا يوم
الله يعزك ويقويك ويرزقك ويعطيك على قد نيتك الطيبة

[omar1964]

بس حابب احكي انو اليوم بعت 100 شقفة وحدة ب 171 اخدها

شلون عم يحكو هالعالم انو ما حدا عم ياخد غير 69 و68 والله احترنا ما هيك؟؟؟

100 ب171 بقا شلون الكميات و هادا الحكي الساعة 5.30 المسا وكتبت مشاركة وما طلعت طبعا باسم زائر

السعر النهائي كان 172 بياخد اد مابدك و للنص كمان بيع 75 76 اذا كمية

-----
أخي انت عم تحكي السوق الحقيقي تبع 100 و 500 و 1000
بعض الأعضاء بتزت موضوع الرزم 50000 او حتى صارو 100000 منشان الهوبرة الاعلامية مو اكتر عأساس بيصير رعب عنا
يعني تصور اذا اجا زبون لعند تاجر زيت يقولو أنا ما بشتري أقل من 1000 تنكة و بيعطيه سعر عالي كتير بس روح جيب 1000 تنكة ...!!!!

[M-PMP]

مساء الخير للجميع
كيفكم ..

يا جماعة ليش كل هالتوتر...

اول شي بدي قول للمركزي شغلة مهمة "الأفعال دائماً أعلى صوتاً من الأقوال"
هناك أمر واحد يجب أن تعيه السيدة/الانسة جولييت وكل من يتفق معها هو "أن البلد ليست بخير وكأن الأمور جيدة او ممتازة بفعل سحر ياحر"
الأمر الآخر: أسعار جولييت خرافيية لدرجة بتخلي اي حدا يتقرب منها عامل مصلحة مشتركة. . بدنا نسالها بوضوح.
معك دولار للبيع؟ سعر دولارك فرصة! يكون بعلمك يللي هون 99% عندو مصالح تجارية ومعني بصرف الدولار ... انتي شو مستفيدة من التأثير النفسي ع الآخرين بنقل معلومات مشوهة ومشبوهة!!! هل تقومي باستقاء المعلومات من مصادرها المباشرة بنفسك. .. ثم بتاكدي للجميع انو السيد ميالة حاطط الشر بعيونو وكانوا المشهد حقيقي وواقعي. .. اذا جوابك اي!! شو شوفك بعيون السيد ميالة وبماذا يفكر!؟ طيب بدي سألك. . الا توافقي المنطق على أن خيالك يداعب أذهان الآخرين وكثيراً ما تخلطي بخلاطاتك بين فن تصميم الأزياء وشخصنتك مايجري في البلاد وما تفكر به العباد. . !! يعني معلش هون منتدى للمستثمرين للاقتصاديين لأصحاب المصالح ولكل مهتم .... وليس للتنجيم!!

بدي أتوجه بالشكر لإدارة سيريا ستوكس المحترمين والمحترفين بتقديم خدمات رائعة. .. وللمجهود الكبير في المتابعة ...
وبتمنى من المسؤول عن تحديث أسعار التطبيق الانتباه للشاشة وتغييراتها لأنها أصبحت تؤثر في ردود أفعال أصحاب المصالح والأفراد المعنيين بالصرف. ..

اغلاق سوق اللاذقية
توتر و تواتر وتويتر

وسطيا
شراء 172.5
مبيع 175.5

والاتجاه صاعد عموماً
---

شكراً للجميع

[عابر مجيب]

كوت " حاسوب مان
والله يا استاذ عابر انت الوحيد مو نعسان هالمرة
بس اني سبقتك استاذي
كوت "

شلون شفتلي هالاقتباس المتطور ؟:coool:
الله لا يفرق بيناتنا ، نحنا من بعدكم حبيبي

[رشاد حج علي]

الغريب اليوم سعر الذهب استاذ عابر 172
غريب لان بالعادة بكون شاطحين لفوق خمس ليرات

[تيسير ابو محمد]

اليورو دولار مولع 1.3887
كيف لو كان الدولار طالع
كان شو صار بعملاتنا

[تيسير ابو محمد]

بعد ان قرأت كافة مشاركات الاعضاء
وتعليقا على عدم توفر المبيع
ريف حلب كان في بعض الصرافين يمتنع لعدم توفر الدولار لديه
لكن غيرو كان يبيع
والعرض كان موجود
ولو انعدم العرض مع وجود الطلب كان شفنا الدولار ب 200 اليوم
دمتم بخير

[تيسير ابو محمد]

بالنسبة لسوق ريف حلب عموما
السوق انخفض المساء
والقمة كانت عند بين الظهر والعصر

[تيسير ابو محمد]

ريف حلب
القمة للمبيع 179 لل 180 عند بعض المناطق
المساء في بيع 174
طبعا ريف حلب منطقة كبيرة

[omar1964]

اخي رشاد انا طلع معي سعر دولار الذهب 175

طبعا حسب سعر الاونصة اليوم 1318 $ و اعتماداً على سعر مبيع الكسر الذي ذكره الأخ الياطر

[hasobman]

"شلون شفتلي هالاقتباس المتطور ؟:coool:
الله لا يفرق بيناتنا ، نحنا من بعدكم حبيبي "
شي فخامة شايف انو الحاجة ام الاختراع ولهيك المركزي بيطلع بسحبات
امين يا رب
العين ما بتعلى عالحاجب
معلمي واستاذي الله يخلينياك ويحفظك يا رب

[تيسير ابو محمد]

للتوضيح
ريف حلب
الباب - منبج - دير حافر- مسكنة - عين العرب
اعزاز - مارع - جرابلس - عندان - تل رفعت
حريتان
لكن اقوى الاسواق بالنسبة لريف حلب الشرقي
الباب - منبج

[رشاد حج علي]

اخي رشاد انا طلع معي سعر دولار الذهب 175

طبعا حسب سعر الاونصة اليوم 1318 $ و اعتماداً على سعر مبيع الكسر الذي ذكره الأخ الياطر
بما انو انا مو خبير بالدهب وهي الحسابات مهارات مكتسبة من المنتدى والاعضاء ذات الخبرة
حسابي على وقت كان 1317$حاليا 1319$ وعسعر 6375 الي هو سعر التطبيق سيريا ستوكس لكن اسعار قريبة على بعض ان كان 170/175 يبدو ان التسعيرة قديمة

[عابر مجيب]

" كوت ,.(رشاد حاج علي )
الغريب اليوم سعر الذهب استاذ عابر 172
غريب لان بالعادة بكون شاطحين لفوق خمس ليرات ( كوت )"

تسعير الذهب من جمعية الصاغة من الصبح ، وبعدها بينزل جزماتي على السوق على اساس بيتفقد الذهب المغشوش ، بيشتري غراض وبيرجع على البيت ، لتاني يوم ليطلع سعر جديد ، الصياغ بيتصرفوا من عندهم ، سعر الموقع ما بياخد بكلامهم .

[omar1964]

شحاري كنت مفكر انو الـ 1000 تنكة زيت رقم كبير كتير كتير
طلعوا ما بيكفوني افتح بسطة بالصالة ....هههههههههههه

[رشاد حج علي]

شحاري كنت مفكر انو الـ 1000 تنكة زيت رقم كبير كتير كتير
طلعوا ما بيكفوني افتح بسطة بالصالة ....هههههههههههه

عسيرة الزيت اخ ابو عمر شو اسعارو بحماة الفداء حماة النواعير وبدي اسالك البراري وكروما فاتحين الا لساهن مسكرين شتقنا لحلاوة الجبنة والهريسة

[جوليت]

سيد M-PMP (http://syria-stocks.in/forum/member.php?u=3998)
‏ حاول قدر المستطاع ماتتسرع بالحكم ,تأكد مابسترجي أعرض هالرقم عالسيد أنس الحموي لأنو لكل مقام مقال ( المقام هنا هو القدرة على السرعة بالتحرك والمرونة في تحريك الاموال وهذه بحاجة لامور معقدة جدا (http://syria-stocks.in/forum/member.php?u=3998)
فلاتتهم غيرك بأمور غير قادر انت على القيام بأقل بكثير منها , وبلالك التحدث من يوم ورايح بالرزم ؟؟؟؟
جوليت الخرافية ............. حذفت المشاركات منشان ماضل حسرة بقلبك ( ملاحظة قد اكون غير صادقة ولكن كان عليك المغامرة لتكتشف ذلك )

[المسار]

كوت(ولا عيب ولو هيك اخوكن المسار غايب

ما حدا بيسال عنو بهالسهره الحلوة

الله يسامحكن) كوت

عندي اقتباس بس تعاطفا معكن على طريقة استاذي

[omar1964]

أخ رشاد الزيت الاكسترا يعني تبع التصدير حموضة أقل من 8 شخوط اليوم سعرو أقل بحبة من 7000 للكميات التي فوق 1000 تنكة طبعاً
حلاوة الجبنة و الهريسة موجودة و جاهزة بس شرف لعنا انت و ما عليك .

[رشاد حج علي]

كوت(ولا عيب ولو هيك اخوكن المسار غايب

ما حدا بيسال عنو بهالسهره الحلوة

الله يسامحكن) كوت

عندي اقتباس بس تعاطفا معكن على طريقة استاذي

ولوو يا غالي انت بالقلب

[رشاد حج علي]

أخ رشاد الزيت الاكسترا يعني تبع التصدير حموضة أقل من 8 شخوط اليوم سعرو أقل بحبة من 7000 للكميات التي فوق 1000 تنكة طبعاً
حلاوة الجبنة و الهريسة موجودة و جاهزة بس شرف لعنا انت و ما عليك .

بالنسبة للزيت بادلب ارخص على ما اعتقد 6200 الجودة من الكرم للمعصرة للمستهلك مباشرة يعني حدة وريحتا بتشق الراس بالنسبة للحلاوة والهريسة قلبي الصغير لايتحمل ابدا ومن دواعي سروري ان اقوم بزيارة لحضرتكم ولكن عم اتذكر ايام شيزر والبرراي كنت كل شهرين اعمل اجازة حاليا صرلي سنتين والعداد مفتوح

[جوليت]

أفضل ستة أطعمة مضادة للشيخوخة


أكدت دراسات علمية حديثة بأن هناك أطعمة مغذية لها مفعول مضاد للشيخوخة يمكن أن نبدأ بها يومنا. أبرز هذه المواد الغذائية "المضادة للشيخوخة" قدمتها صحيفة "هوفينغ بوست"، فجاءت كالتالي:

1- التوت الأزرق، رغم صغر حجمه إلا أنه مفيد جدا. فهو غني بمادة "البوليفينول"، وهي من المواد المضادة للأكسدة والغنية بالألياف وتساعد على تعزيز المهارات الحركية وتناولها باستمرار يساعد على الوقاية من أمراض القلب والسرطان والسكر. ففي دراسة حديثة، نشرتها المجلة العلمية لأمراض الدورة الدموية، ثبت أن النساء اللواتي يتناولن التوت الأزرق أو فواكه مشابهة كالفريز وغيرها أقل عرضة للإصابة بنوبات قلبية بنسبة 32% مقارنة بالنساء اللواتي لا يتناولنه إلا نادرا.

2- دقيق الشوفان، تشير الدراسات إلى دور دقيق الشوفان في خفض مستويات الكوليسترول في الدم. إذ يحتوي على ألياف خاصة قابلة للذوبان، ما يساعد على الحد من الكوليسترول الضار. إضافة إلى العديد من المواد المضادة للأكسدة التي تمنع تلف الخلايا وتساعد على تقليل التجاعيد.

3- البيض، تكثر الشكوك حول دور البيض في رفع مستوى الكوليسترول في الدم، إلا أن دراسات أكدت أن الأشخاص الأصحاء بإمكانهم تناول بيضة واحدة يوميا بدون أن يكون لذلك عواقب سلبية على صحتهم. وبالرغم من ذلك فإن البيض يحتوي على العديد من الفيتامينات منها فيتامين b1، b2، b3، b5 b6، b12، إضافة إلى البوتين والكولين وحمض الفوليك. ويساعد الكولين على حماية الذاكرة أما مادتي لوتين وزياكسانثين فتساعدان على تقوية الرؤية.

4- الشاي الأخضر، العديد من أنواع الشاي غنية بالمواد المضادة للأكسدة، فالشاي الأخضر يحتوي على مادة مضادة للأكسدة تسمى "egcg": وهي مادة تقضي على التجاعيد وتساعد على تجديد خلايا الجلد. ومن مميزات الشاي الاخضر بأنه يساعد على الوقاية من مرض السرطان كما ينظم نسبة السكر في الدم ويقلل من الالتهابات المعوية المعروفة بمتلازمة كرون والتهاب القولون التقرحي.

5- الرمان، لأولئك الذين لا يفضلون شرب الشاي الأخضر، عليهم شرب عصير الرمان. إذ تشير الدراسات إلى أن كوبا واحد من عصير الرمان يوميا يمنع حدوث التجاعيد. فالرمان يبطئ عملية الأكسدة الطبيعية لحمض dna ويقي من الإصابة بأمراض القلب ويقلل من التوتر.

6- الجريب فروت (الليمون الهندي)، يقوي هذا النوع من الفاكهة الشعور بالشبع ما يساعد على تخفيف الوزن. ويمكن أن يساعد على تخفيض مستوى الكوليسترول ويقي من الإصابة بأمراض القلب. ويحذر الأطباء من تناوله مع بعض الأدوية، إذ من الممكن أن يكون تأثيره مميتا.

منقول للافادة
-------------------------------------------------------------------------------------------
تصبحو على خير ودمتم مو خرافيين متلي

[أحمد الأحمد]

أخ رشاد الزيت الاكسترا يعني تبع التصدير حموضة أقل من 8 شخوط اليوم سعرو أقل بحبة من 7000 للكميات التي فوق 1000 تنكة طبعاً
حلاوة الجبنة و الهريسة موجودة و جاهزة بس شرف لعنا انت و ما عليك .

مساء الخير جميعا
ابو عمر بدي تنكة مسطرة بسعر الجملة حتى اختبرها .
وبدي اسالك هاد سعرها على انو سعر دولار :)

[omar1964]

بالمواصفات يلي حكيت عنها للزيت سعر ادلب مبارح الصبح 6850 ليرة مبيع
عادة بيكون السعر بحماه اكتر بين 100 و 50 لكل تنكة .

[عابر مجيب]

اضافة إلى كل خسائرنا
تتم اضاعة مواهبنا في التنبؤ والتخمين ، ومحاولة فك طلاسم السياسة الاقتصادية
وكان المفترض ان نكون شركاء حقيقيون ، وتتم مصارحتنا بإخلاص لنخرج من ازمتنا على خير
ومع هذا ما زلنا نحاول بصدق تقديم انتقاد بناء ، وإن بدا لاذعا احيانا ، لعل القائمون على شؤوننا يتنبهوا أو يتلقفوا شيئا من تحليلاتنا
فنحن نساعدهم في بيان الثغرات
تصبحوا على خير استوينا .

[omar1964]

اخي احمد السعر الحالي كان على دولار 156 طبعا اقصد التصدير
اليوم ما عاد واضح كيف رح يكون السعر
الرؤية غير واضحة ..
تكرم تنكة ممتازة مع مليون تحية .

[omar1964]

اخت جوليت يا ريت لو نشرتي المقال تبع الاطعمة بالصالون كان أنسب
و شغلة تانية انا بفضل تقريب الاسما و المصطلحات للاسماء المستخدمة عنا
مثلاً الجريب فروت شو بيقابل عنا من اصناف الحمضيات المتنوعة ؟

[ph-hosam]

اخت جوليت يا ريت لو نشرتي المقال تبع الاطعمة بالصالون كان أنسب
و شغلة تانية انا بفضل تقريب الاسما و المصطلحات للاسماء المستخدمة عنا
مثلاً الجريب فروت شو بيقابل عنا من اصناف الحمضيات المتنوعة ؟
يسعد مساك
الكريفون

https://encrypted-tbn2.gstatic.com/images?q=tbn:ANd9GcSjIk9VY4HEj5en9FQz9CwPvEXpz3W5X OJjvaFqCaruyFUW23YkCg

[hash]

سؤال اذا الاشاعة صحيحة شو كمية الدولارات ا للي بيستطيع الشخص شراؤها من شركات التحويل وشو سعر الدولار واذا شخص جايتو حوالة بالدولار بيعطو سوري وبيحسبولو سعر الدولار 150 تقريبا و اذا رضيو يبيعو بيحسبولو الدولار 162 متل ما فهمت والفرق بين الشراء والمبيع ربح وللاسرقة والاحلى انو الشخص بالاصل الحوالة جايتو بالدولار يعني غير اجار التحويل بياخدو من الشخص 12 ليرة على كل دولار اذا انا غلطان اونعسان على قولت الاستاذ عابر يا ريت حدى يصححلي

[مرهف83]

سبحان الله

https://pbs.twimg.com/media/Bk4QFvMCIAAwXZK.jpg



الصورة من أوزونغول التركية / طرابزون

أحببت أن أشارككم الاستمتاع بها

[hash]

أكد مصرف سوريا المركزي, يوم الخميس, قيامه بتمويله المستوردات بحدود 3 ملايين دولار يوميا, كما توعد التدخل في سوق القطع الأجنبي بشكل أكبر لتحقيق استقرار سعر صرف الليرة.

وقال المركزي, في تصريح, تلقت وكالة الأنباء الرسمية (سانا) نسخة منه, إن "طلبات تمويل المستوردات خلال الربع الأول من العام الحالي لم تتجاوز 50 مليون دولار شهريا".
ووجه رئيس الوزراء وائل الحلقي، مؤخرا، وزارة الاقتصاد والتجارة الخارجية ومصرف سورية المركزي بزيادة نسبة تمويل المستوردات "حرصا"على استقرار سعر صرف الليرة وتحقيق انخفاضات جديدة بأسعار السلع في الأسواق.
وأوضح المركزي أن "مجلس النقد والتسليف قرر تسهيل إجراءات تمويل المستوردات والتدخل في سوق القطع الأجنبي بشكل أكبر لضبط وتحقيق استقرار سعر صرف الليرة".
ويعلن المركزي أنه مستمر بعمليات التدخل في السوق السوداء لخفض سعر صرف الدولار، الذي اعتبره وهمي وغير حقيقي، نقلا عن سيريانيوز

[mak]

"بس هي اموال ناس ...

كيف بياخد منون بسعر ويسمح يبيعوهون بسعر اعلى؟؟

يعطي اللي اجتو حوالة بالدولار او غيرو بنفس العملة المحولة ..كمان ما بيصير غير الدويخة؟؟"
-------------------------------------------------------------------------------------------




بالنسبة لي هذا ما اسميه السرقة المحمية بالقانون .....بس طبعا ما في مشكلة طالما ان التضحية بمصلحة و حقوق المواطن هي مقابل المصلحة العليا.....و الا بجوز نشك بوطنيتك دير بالك.......بس الشي يللي ما عم افهمو انو ليش دائما بتكون مصلحة الوطن متعارضة مع حقوق و مصلحة ابناء هذا الوطن و دائما تصب في مصلحة فئة محددة تزداد غنى على حساب بقية ابناء الوطن .....يمكن انا أحول و ما عم شوف مظبوط...يا اما نعست و بلشت خبص!!

[M-PMP]

صباح الخير سيدة/انسة جولييت

انا انتبهت لبوستك وشكرا من القلب عالرد وبالبداية طنشتوا بعناية... بعدين انتبهت انو عاملة تعديلات .. مشان الضجة تكون مدوية وغير مالوفة. مو نحنا اعتدنا على مشاركاتك المدوية المجلجلة في ارجاء القلوب.

اول شي مشان PMP توقيعي
وهي اختصار
Project Management Professional (PMP)®
هي شهادة عالمية تهم فئة من مدراء وافراد فرق عمل المشروعات والمشرفين والمنفذين والمستفيدين من المشروعات ورجال واصحاب الاعمال والمقاولين ومدراء الانتاج والحسابات والمبيعات والمهندسين يللي بيهتموا بتمنية معارفهم ومهاراتهم بادارة المشروعات
وتطبيقاتها ...

اقتباس "المقام هنا هو القدرة على السرعة بالتحرك والمرونة في تحريك الاموال وهذه بحاجة لامور معقدة جدا"
اي ضل تعطينا دروس بعلوم الاقتصاد والصرافة واسراره .. وكيف بدنا نحول وشوي تاني بتشرحيلنا عن IBAN شوهو!؟ مانك قليلة هههههه بتعمليها ... وع فكرة انا بحترم المتفوقين وحتى وان كانوا غريبي الاطوار ...
ومع ذلك بتمنى شوف تصاميمك بشي مجلة عالمية حول الموضة القصير والطويل منها :)

اقتباس "فلاتتهم غيرك بأمور غير قادر انت على القيام بأقل بكثير منها , وبلالك التحدث من يوم ورايح بالرزم ؟؟؟؟"
مشان الرزم!! عن شو عم تحكي بالضبط؟!
مافي داعي للتوتر الجسدي والنفسي والذهني لتطلعي بقراءات بدل على ضعف كفاءاتك ومهاراتك بالكلام ... الامر الاخر يوم الاحد القادم احملي طيارتك او طلعي بطياراتك عاللاذقية لتسليم 200 الف دولار امريكي وذلك بتمام الساعة 12 ظهرا ومو نحنا يللي منضيع
الفرص الذهبية... في حدن من (طرفنا) تاجر معروف ومحترم ح يسحب من كذا بنك 40 مليون مشان يقبضك حق ال 200 واشكري الله انو في مين معو هيك رصيد بالليرة.. وللتذكير "اعطيتي Order فكوني عالموعد والاناقة شغلة مهمة"

ولهذا الاعتبارات مافي داعي تزداد عليكي امارات التوتر... متل ما لاحظت .. اسمحيلي اتشكرك عالبوست مرة تانية.

[ابو رفيف]

مرحبا شباب
السوق بدرعا 169 للشراء 173للمبيع مع تخوف من الشراء

[omar1964]

صباح الخير للجميع
جمعة مباركة بإذن الله

[عابر مجيب]

اقتباس: http://syria-stocks.in/forum/syriastocksnew/quotes/quot-top-right.gif
http://syria-stocks.in/forum/syriastocksnew/quotes/quot-by-left.gif المشاركة الأصلية كتبت بواسطة hash

سؤال اذا الاشاعة صحيحة شو كمية الدولارات ا للي بيستطيع الشخص شراؤها من شركات التحويل وشو سعر الدولار واذا شخص جايتو حوالة بالدولار بيعطو سوري وبيحسبولو سعر الدولار 150 تقريبا و اذا رضيو يبيعو بيحسبولو الدولار 162 متل ما فهمت والفرق بين الشراء والمبيع ربح وللاسرقة والاحلى انو الشخص بالاصل الحوالة جايتو بالدولار يعني غير اجار التحويل بياخدو من الشخص 12 ليرة على كل دولار اذا انا غلطان اونعسان على قولة الاستاذ عابر يا ريت حدى يصححلي

عملت اقتباس بتصرف
اول شي تكرم هاي عملتلك تصحيح للتاء المفتوحة وربطلك ياها ههههههه
تاني شي شغلة الحوالات هاي مجرد دعسة فرام على غفلة ، بس المشكلة الفرام طلع مبلط .
هلأ شو المبلط ؟ الفرام بس ينداس كتير بيحمى وبيبطل مفعولو ، بتصير كأنك حاطط زيت على الكوليات ، لذلك بالنزول القوي ، بيكتبولك غير إلى الأول ( مو الدولار ) لأ ، ترس الأول ، وبتلحقلك كم فرام موتور ، وسماع الأصوات وقتها متل إذا السيارة بلا تشابيه مسهلة . طبعا الحكي على السيارات الكبيرة بحجم المركزي .
الخلاصة ، هاي عم نتعلم البيطرة بجحاش النور ، بنرجع للتدخل :
هالمرة من باب الملاطشة ، طلعت هالفكرة ، بس لساها لا مختمرة ولا مبينة آلياتها ، ولا عرفانين شلون بدها تصير . لا في هديك الأرقام المحرزة ولا رح تطلع التعليمات التنفيذية قبل اسبوع على الأقل ، مبدأيا عنا عطلة جمعة وسبت .
يعني تخدير ، وأصلا هي لساها اشاعة ، متل وقت بيطرحو كل الاشاعات ، ليش لتكون هاي أكثر أهمية .
حاولت انتقل لغير متصفح ( اكسبلورر ) وعملت اقتباس ، ما استفدت شي ، داق خلقي وما دققت شو الفرجن ، كروم أو ألومنيوم ، ورجعت على الفاير فوكس .

[عابر مجيب]

عجبكون
هاي فتت طحش ونسيت صبح عليكم
صباح الخير
صباح الورد والفل
صباح أحلى من صباح المعلم عمر حبيبي
صباح الخير لمفتتح الصالة
سامحتوني ؟

[omar1964]

طلعنا عم نوفر كل شهر 90 مليون دولار على الأقل بس من التحويلات ( بحسب آخر الاشاعات ) من بعد خصم تمويل المستوردات
و لسى باقي العائدات من تصدير بعض المواد القليلة ..
يعني يلي بالمقلاية سالمين بس عم نصيد غيرهم ...
العمى هالدولار ما اتنحو بالسنة مليار اضافي و ما عم ينزل ...
مدري ليش ...!!!!!! :confused2:

[Ryad]

انشالله ريتوصباح الخير عالجميع

[drmousali]

يا صباح الخير....جمعة مباركة للجميع

[M-PMP]

صباح الخير

جمعة مباركة بإذن الله

[hash]

صباح الخير وجمعة مباركة للجميع وكل الشكر والامتنان للاعضاء اللي عم يشاركونا بالاخبار الصحيحة والمعلومات القيمة وشكر خاص للاستذ عابر

[البحر الهائج]

صباح الخير لأحلى أعضاء ومشرفين وزوار سيريا ستوكس
وجمعة مباركة للجميع

[المسار]

صباح الخير للجميع
جمعة مباركة بإذن الله

عجبكون
هاي فتت طحش ونسيت صبح عليكم
صباح الخير
صباح الورد والفل
صباح أحلى من صباح المعلم عمر حبيبي
صباح الخير لمفتتح الصالة
سامحتوني ؟

انشالله ريتوصباح الخير عالجميع

صباح الخير

جمعة مباركة بإذن الله

صباح الخير وجمعة مباركة للجميع وكل الشكر والامتنان للاعضاء اللي عم يشاركونا بالاخبار الصحيحة والمعلومات القيمة وشكر خاص للاستذ عابر

صباح الخير لأحلى أعضاء ومشرفين وزوار سيريا ستوكس
وجمعة مباركة للجميع

الله يصبحكم بأنواره
ويهنيكم بعطلتكم

وجمعه هانئة هادئه للجميع انشالله

وكل واحد ما عندو اقتباس لا يحسدني

تحندقو

[aassi]

صباح الخير لكافة الاعضاء
جمعة مباركة
على المحبة نلتقي

[انس الحموي]

حماة الان شراء 174 ....مبيع 175 توازن بالعرض والطلب ....ترى هل هي استراحة محارب وغدا سوف نشهد انطلاق جديد ...ام سوف يكون يوم الخميس قمة هادا ااشهر وخلال هذا الشهر سوف نعود لرقم 167 او 165 تدريجيا ...ووضعت هل الرقمين بالتحديد بناءا على تمويل المستوردات بسعر 162 وغالبا بكون الفرق بين رقم تمويل المستوردات والسوق السودا 5 ليرات ....دعونا نراقب ونشاهد ...عفكرة استيراد البطاطا لعب دور كبير برفع سعر الدولار كما حدث العام الماضي ....

[Tomy]

صباح الخير للجميع

وانشاء الله جمعة مباركة للجميع والله يفرج علينا جميعا وعالبلد + الدولار :)

[جوليت]

يسعد اوقات الشباب الطيبة ,تمنياتي القلبية بجمعة قادمة مليئة بالمفاجأت
------------
السيد omar1964 معك حق بالنسبة يلي قلتو بشأن مشاركتي الطعامية شكرا لك
------
السيد pmp بالنسبة للرقم كان خمسة اضعاف الرقم يلي ذكرتو حضرتك وانا لم أعدل مشاركتي بعد ان وضعتها ,وكنت صادقة بالمشاركة فقط خلال نصف ساعة وبعدها أكيد الموضوع ماعاد يهمني ... شكرا لك ( انا لم اقل اني متوترة انا قلت سأخرج عن طوري ولأول مرة كوني لا أحب استخدام هكذا مشاركات اي لا احب عرض العضلات ) وبالنسبة للاسمك وعلى ماذا يدل ,انا سبق وقلت انو اهتماماتي المالية هواية جديدة علي وبالنسبة للمصطلحات المالية لا افقه بها وبالنسبة للقدرات اللغوية كمان لا افقه بها وبالنسبة للاناقة انا صحي مصممة ازياء بس بحياتي مالبست من تصاميمي لأنو لما بصممها بكون حاطة هدف انو تعجب يلي بدو يلبسا وانا مو شرط تكون عاجبتني ... ولكن الذي استغربته منك استخدام مصطلحات لاتليق بأناقتك ( متل كلمة خرافية ) أنا بعتقد الاناقة الكلامية اهم من اناقة المظهر أو توازيها ..... شكرا لك وتمنياتي لك بالتوفيق (عفكرة انا ماعندي طيارات ولا سيارات بحب الدراجات النارية الرياضية كتير كتير وجد ماهرة جدا بقيادتها )
----------------------
السيد المسار شو قصة كل واحد من الاعضاء لما الادراة بتكرمو بنيشان معين بتخف مشاركتو الفاعلة ؟؟؟ تحية لك (شو منشان كنافة السيد خيرو الشامي الله يوجهلو الخير ؟؟)

[جوليت]

منقول وفق تقنية القص واللصق :
" مجلس النقد والتسليف قرر تسهيل إجراءات تمويل المستوردات والتدخل في سوق القطع الأجنبي بشكل أكبر لضبط وتحقيق استقرار سعر صرف الليرة."

[omar1964]

استراحة مع الشعر

أسكتي يا شهرزاد .
أسكتي يا شهرزاد .
أنت في وادٍ .. وأحزاني بواد
فالذي يبحث عن قصة حبٍ ..
غير من يبحث عن موطنه تحت الرماد ..
أنت .. ما ضيعت ، يا سيدتي ، شيئاً كثيراً
وأنا ضيعت تاريخاً ..
وأهلاً ..
وبلاد ...

-----
نزار قباني

[hamod.kopani]

مساء الخير
وجمعة مبارك

[munibit]

((انا انتبهت لبوستك وشكرا من القلب عالرد ))
شو عم يصير بالمنتدى ؟؟؟

[المسار]

السيد المسار شو قصة كل واحد من الاعضاء لما الادراة بتكرمو بنيشان معين بتخف مشاركتو الفاعلة ؟؟؟ تحية لك (شو منشان كنافة السيد خيرو الشامي الله يوجهلو الخير ؟؟)
هههههههههههههههه
علما انو طلبت من الاداره بإلغاء وسامي من اول يوم
الشعور بالمسؤوليه هاي الله لا يحملك ياها (صعبه)
وسؤالك بدو صفحات للاجابه بس رح حاول رد عليه بكم سطر
ببرمجتي اللغويه العصبيه
يا ستي هاي الاوسمه والنياشين الها قصه
_منهم من يعتبرها ترقيه ويريد ان يحافظ عليها
_ومنهم من يعتبر انها مسؤوليه وبالتالي المسؤول كلامه محسوب عليه فيقدم تصريحات مختصره على العكس ما كان قبل المنح
_ ومنهم من يعتبر انه وصل لهدفه وليس عنده هدف اعلا منه
_ومنهم من اعطاه ركازه (تقاله)

الا انا عطاني جلاقه (من مجلوق هههههه)

وهلق اسالي الشباب كلهم الا ما يطلع سبب من الاسباب صار معهم
واذا منشان رشاد كان وزنو قبل الوسام 105 لل110 كغ
مبارح زنتو طلع معي 150كغ غرام شو بكون السبب يا هل ترى (يمكن الكنافيات تبع خيرو الشامي هوي اكلن كلن؟؟؟ صحتين)
عفوا ونسيت شي تاني
الاداره مشكوره طبعا
تقدم الوسام لتكرمو بس اللي عبصير انو عبتحجمو مدري العضو هوي عبحجم حالو

[فهد]

الحسكة و القامشلي ( الساعة الثانية )
175 - مبيع لا يوجد

[فهد]

الحسكة و القامشلي ( صباحاً )
174 - 178

[المسار]

نسيت ما خبركم
اليوم كان في عضو كريم ويشهد له بالكرم
عبيزع (باذنجان وبندوره و فليفله وباقي الخضار)
وقرر يوهبن لاعضاء المنتدى

فلا تاكلو هم يا شباب الخضريات تامنو
بس بقى بدنا شي عضو قصاب لنأمن اللحمايات

[فهد]

هل سيسعر غرام الذهب عيار 21 غداً 6600 ؟

[فهد]

هل تعلم أنّ الليرة السورية فقدت خلال شهر من قيمتها أمام الدولار بالسوق السوداء تقريباً 11%

[مجد (مضارب سوري)]

يسعد اوقاتكم صباحا وظهرا ومساء
جمعة سعيدة ممتعة ارجوها لكم

[Mfadel]

مسا الخير ريف ادلب ظ،ظ§ظ¢‏_‏ظ،ظ§ظ¦

[Mfadel]

مسا الخير ريف ادلب ١٧٢‏_‏١٧٦

[رشاد حج علي]

بيروت
170______171

[عبدالقادر]

الحيتان حطو 25 هدف عالمركزي ولسا ماشفنا من المركزي شي ولكن تأكدو اول هدف بدو يحطو المركزي رح يهر حيطان الملعب فوق الجمهور ويطبش اللعيبه والحكم والناس الماشيه برات الملعب .انا ضبيت غراضي وطلعت من الملعب من شهر .الف كلمة جبان ولا كلمة الله يرحمو .لعبه فيا تكسير الكل عم يكسر .انا بطلت .

[انس الحموي]

حماة الان شراء 173.5 ....مبيع 174.5 متوفر بالاتجاهين... انخفاض بسعر المبيع نصف ليرة

[المسار]

مسا الخير ريف ادلب ظ،ظ§ظ¢‏_‏ظ،ظ§ظ¦

فهمنا عليك
وبحب اكدلك هالسعر

صحيح 100%

ههههههههه

[hash]

أكد مصرف سورية المركزي أنه يمول المستوردات بحدود 3 ملايين دولار يومياً، وأن طلبات تمويل المستوردات خلال الربع الأول من العام الحالي لم تتجاوز 50 مليون دولار شهرياً.

وكان مصرف سورية المركزي أبدى أمس استعداده لتلبية كل طلبات التمويل للمستوردات ولجميع المستوردين الحاصلين على إجازات الاستيراد من وزارة الاقتصاد والتجارة الخارجية بسعر صرف تمييزي بحدود 162 ليرة للدولار.

من جهة أخرى، نقلت وكالة سانا عن مصدر مصرفي قوله: إن القيمة الإجمالية للحوالات الشخصية الواردة إلى سورية تتجاوز 7 ملايين دولار يومياً. نقلا عن b2b

[عابر مجيب]

اقتباس : المشاركة الأصلية كتبها عبد القادر
الحيتان حطو 25 هدف عالمركزي ولسا ماشفنا من المركزي شي ولكن تأكدو اول هدف بدو يحطو المركزي رح يهر حيطان الملعب فوق الجمهور ويطبش اللعيبه والحكم والناس الماشيه برات الملعب .انا ضبيت غراضي وطلعت من الملعب من شهر .الف كلمة جبان ولا كلمة الله يرحمو .لعبه فيا تكسير الكل عم يكسر .انا بطلت .
الشغلة ماعادت شغلة مركزي
العين بصيرة واليد قصيرة
كتبت ومحيت أحسن ، لكون مفكر حالي أنا المتابع الوحيد !

[النسر]

السلام عليكم
اخوتي الاعزاء الاكارم
بعتذر منكم على عدم نقل سعر الدولار بحمص
فالشقيعة عم تسعر متل ما بدها بسبب غياب الحيتان
وبالتالي ما في مصداقية 100%
وتاني شي نحنا ما عنا طلب عالدولار متل باقي المحافظات
لان الحماصنة اشترو الدولار وقت ما كان ب 49 ل س ( جدبان ) .....
على كل السعر كان 172 شراء
175 /176مبيع

[عابر مجيب]

من جهة أخرى، نقلت وكالة سانا عن مصدر مصرفي قوله: إن القيمة الإجمالية للحوالات الشخصية الواردة إلى سورية تتجاوز 7 ملايين دولار يومياً. نقلا عن b2b


يا لطيف كل يوم كل يوم ؟ يعني مافي أول الشهر ، مافي مناسبة عيد ، مافي فالنتاين ؟
مبارح كان المبلغ 180 مليون شو عدا ما بدا
حاج عاد
رجعت قريت الخبر ، قال تتجاوز ، كلمة تتجاوز ، هاي عبارة بيستعملها المبالغين .
والشيء بالشيء يذكر
كل ما طلع واحد بتصريح يبدأ كلامه بكلمة
الحقيقة بسوريا وما حولها والبشر كلهم ماعدا :
الحئيئة بس بلبنان ، حتى بيحلفوا بالئرآن الشريف
الحكيكة فلسطين والأردن
الحغيغة السودان
واللي جايب كذبة جديدة بيقول
بالواقع .... وبيكمل الكذبة !

[المسار]

يعني

الحجيجه وين راحت

سقطت سهوا او عمدا

[hash]

استاذ عابر يمكن لمل قالو 180 مليون $كانو حاسبين الشهر 25 يوم حازفين يوم الجمعة بس ياخوفي بالتصريح الجاية يحزفو يوم السبت باعتبارو يوم عطلة وئتا بينزل المبلغ ل 150 مليون$

[hash]

حسب التصريحات والاقاويل قيمة الحوالات يوميا7 مليون $ .المركزي بيمول المستوردين 3 مليون $ النتيجة كل يوم بيدخل على خزينة المركزي فقط من الحوالات 4 مليون $ بستغرب ليش عم ترتفع قيمة الدولار

[عابر مجيب]

يعني

الحجيجه وين راحت

سقطت سهوا او عمدا

الحق معك بس ما عرفت هجيها بالقاف ولا بالكاف ولا بالغين
الجيم معقولة بشرط تكون مصرية ، مو الجيم الصعيدية المعطشة ( هيك اسمها الجيم تبعنا )

[أحمد الأحمد]

من جهة أخرى، نقلت وكالة سانا عن مصدر مصرفي قوله: إن القيمة الإجمالية للحوالات الشخصية الواردة إلى سورية تتجاوز 7 ملايين دولار يومياً. نقلا عن b2b


يا لطيف كل يوم كل يوم ؟ يعني مافي أول الشهر ، مافي مناسبة عيد ، مافي فالنتاين ؟
مبارح كان المبلغ 180 مليون شو عدا ما بدا
حاج عاد
رجعت قريت الخبر ، قال تتجاوز ، كلمة تتجاوز ، هاي عبارة بيستعملها المبالغين .
والشيء بالشيء يذكر
كل ما طلع واحد بتصريح يبدأ كلامه بكلمة
الحقيقة بسوريا وما حولها والبشر كلهم ماعدا :
الحئيئة بس بلبنان ، حتى بيحلفوا بالئرآن الشريف
الحكيكة فلسطين والأردن
الحغيغة السودان
واللي جايب كذبة جديدة بيقول
بالواقع .... وبيكمل الكذبة !


بالواقع كل شي عم تئوله واقع
ولا تاجر ئلي انو في مستوردات عم تتمول
ال متل ماسمعو بدهم يمولو

يعني كل من عنده موال يمولو ..ونحنا بنسمع

[omar1964]

التصريحات شيء و الأقاويل شيء آخر
حتى الآن لا يوجد تصريحات رسمية مدعمة بوثائق
اذا كان بالماضي بدنا 5 سنوات حتى نقرأ ارقام عادية جدا عن الاقتصاد السوري
الآن بعد كم سنة ممكن نقرأ الأرقام الحالية ؟؟؟؟؟؟؟؟
بتشبه النظر للنجوم البعيدة بالكون قال شغلة صارت من شيء مليون سنة و نحنا عم
نشوفها هلق .. بدا خيال خصب .. شي بيخوت ..ما هيك ...

[عابر مجيب]

استاذ عابر يمكن لمل قالو 180 مليون $كانو حاسبين الشهر 25 يوم حازفين يوم الجمعة بس ياخوفي بالتصريح الجاية يحزفو يوم السبت باعتبارو يوم عطلة وئتا بينزل المبلغ ل 150 مليون$

وانا اللي كنت مفكر باليوم 180 ، ما بذكر قريت بالشهر !
بيضل الرقم كبير ، أنا بعرف واحدة بتضل تبوس ايد جوزها كل يوم ، وكل عدة أشهر بيبعت لأمها 500 ريال . وعن طريق عالم ( أوفر )

[black_ghost87]

جمعة مباركة باذن الله

[samsamo]

هههههههههههههه انت رهيب يا أخي munibit (http://syria-stocks.in/forum/member.php?u=4057)
مساء الخير الك و للجميع

[جوليت]

برأي الشخصي المتواضع هذا الاسبوع سيتم ارتكاب المجازر الدولاراتية بكل من سولت له نفسه بضرب الليرة السورية أو فكر بضربها أو تخيل ضربها ,أو تحدث بينه وبين نفسه بضربها ..وخاصة ان الامر اصبح على مستوى عالي ...فلأول مرة تتدخل القيادة القطرية لحزب البعث العربي الاشتراكي على الخط بالتصريحات البارحة ... برأي أمام المصرف المركزي خيارين لا ثالث لهما اما تخفيض السعر والخيار الثاني تخفيض السعر .
------
تنويه :يلي عم يقول انو المركزي فلس الله يستر بعد انتهاء الازمة مايضطلع السيد ميالة بالحديث عن الاحتياطي ويطلع زايد عن ماقبل الازمة ....مو وين ؟؟؟ ربك بيرزق

[جوليت]

برأي جلسات التتدخل التي يعلن عنها المركزي لم تعد كما هو بالماضي ... فجلسات التتدخل اصبحت بنكهات خاصة ,كل جلسة قرار شكل ... بمعنى حسب السوق سوق
---------------
برأي هذا الاسبوع سنشهد هكذا امور وربما أكثر من مرة .... هناك رقم حاطو المركزي براسو ولن يتراجع قيد انملة حتى تحقيقو وهذا الرقم قد يكون مفاجئ للجميع وقد يكون اعتيادي ..

[المضارب الحسكاوي]

عن الانسة جوليت قالت في يوم الجمعة في 10\4\2014
ان الاحتياطي من النقد الاجنبي في المركزي اكبر من الاحتياطي قبل الثورة
واذا صدقت جوليت هذا سوف يؤدي انخفاض سعر دولار الى مستوى اقل من قبل الثورة اي بيجوز دولار بيصير 25 ليرة سوري مو هيك جولي

[جوليت]

سيد المضارب الحسكاوي تحية لك اولا :
بالنسبة للاحتياطي انا متأكدة انو أكبر قبل بدء الازمة السورية ولا ممكن شك ناقص صفر بالمية
,اما بالنسبة لرقم 25 أكيد بس صير جولي الخرافية ممكن فكر هيك
-------------------------
وبعد اذنك اسمي جوليت وليس جولي

[عابر مجيب]

ببالغ الأسى
سيتجاوز الدولار المتوقع يوم الأحد ظهرا وسبق ان قلت ان الأمر لم يعد بيد المركزي قبل صفحتين .
وذلك على فرض ان يكون السبت للترقب فقط
لن يقف تسعير الذهب عائقا ، ولا خوف من نفاذه بالأسواق ، لأنه محمي باشاعة التزوير .

[عبدالقادر]

طولو بالكون شباب مابدنا تعصيب حاج ترعبي الاعضاء جوليت بوكرا واذ بيرتفع شي عشرين ليرة.والله انا بعيد عن الملعب نهزت الارض من تحتي حسيتو بالهزه

[جوليت]

بدي أسأل الجهابذة يلي عم ينادو بأنو الدولار لازم ياخد قيمتو الطبيعية حتى لو وصل الى 1500 ليرة سورية , الارتفاع الذي حصل بمقدار 15ليرة خلال الفترة الماضية هل رافقه ارتفاع للاسعار بنفس القيمة ؟؟ كل من ينادي بأنو الدولار لازم ياخد مجراه (طبعا اصدو انهيار الدولار ولكن عم يجملها بكلمات مقنعة تحت بند تقديم النصايح ) , اذا هيك وشوية شغلات تافهة عم تكلفو الفات شو بدو يصير اذا صار 1500 ونحنا ضمن حرب عالمية بكل ماتعنيه الكلمة ؟؟ عنجد لو كان البلد مو بلدون ماكانو بيتمنو هيك خراب لاقتصادو... البعض قاعد هون عم يدور خسر كم مية الف او ربح كم مية الف والناس برا المنتدى عم تفكر وتسأل حالا " ياترى اليوم بلاقي معي حق ربطة خبز ؟؟"
دمتم بخير

[omar1964]

توفر الطحين هو الذي يهم صوت الطاحون صار تأثيره ضعيف حتى لو كانت طاحون كبيرة و صوتها قوي...

[جوليت]

سيد عبد القادر "ببالغ الاسى كمان" ماعم ارعب حدا ,سيد عبد القادر في ناس بتزت حكي من باب التمني وفي ناس واثقة من يلي عم تحكيه وشتان بين الاثنين متل الفرق مابين السما والارض أو أبعد نتوفة ,انا عم قول رأي الشخصي وخلال فترة قصيرة جدا بفند كل شي قلتو كالمعتاد ...الصبر قليلا

[Ryad]

هل تعلم أنّ الليرة السورية فقدت خلال شهر من قيمتها أمام الدولار بالسوق السوداء تقريباً 11%


23%
175-143 والناتج تقسيم 143

[Ryad]

بدي أسأل الجهابذة يلي عم ينادو بأنو الدولار لازم ياخد قيمتو الطبيعية حتى لو وصل الى 1500 ليرة سورية , الارتفاع الذي حصل بمقدار 15ليرة خلال الفترة الماضية هل رافقه ارتفاع للاسعار بنفس القيمة ؟؟ كل من ينادي بأنو الدولار لازم ياخد مجراه (طبعا اصدو انهيار الدولار ولكن عم يجملها بكلمات مقنعة تحت بند تقديم النصايح ) , اذا هيك وشوية شغلات تافهة عم تكلفو الفات شو بدو يصير اذا صار 1500 ونحنا ضمن حرب عالمية بكل ماتعنيه الكلمة ؟؟ عنجد لو كان البلد مو بلدون ماكانو بيتمنو هيك خراب لاقتصادو... البعض قاعد هون عم يدور خسر كم مية الف او ربح كم مية الف والناس برا المنتدى عم تفكر وتسأل حالا " ياترى اليوم بلاقي معي حق ربطة خبز ؟؟"
دمتم بخير


بتعرفي شو؟؟
كل دول العالم حمير و نحنا بس يلي منفهم
كل دول العالم بتسعر قيمتا بالسعر لحقيقي قدر الإمكان مشان ما يصير في تلاعب
الا عنا بيطلع الدولار للـ350 و بس يبلش ينزل منقول 200 سعر جيد جدا و بس ينزل للـ200 منقول هاد انجاز و بس ينزل كمان للـ140 بيقوم بيرتفع سعر المركزي لتمويل المستوردات للـ162 !!!!!

بس كل هااااااااااااد و بتقولي انو التسعير الحقيقي هو تدمير للاقتصاد!!!!!
ازا المركزي عم يرفع السعر و الموازنة العامة مسعرة الدولار على 175
كل هالشي و انتي مع المعذرة منك أفهم منون

[Ryad]

بعدين بعيد وبكرر
السعر الحالي هو سعر المركزي ووزارة المالية و مجلس النقد للموازنة العامة لعام 2014
و هاد الرقم متاخد على اعلى المستويات يعني مو تأفيل
المركزي بدو يمول ب162
لك ايا مجزرة دولاراتية بحياة ربك؟؟؟؟؟؟
انو ينزل الدولا من الـ175 للـ170؟؟؟؟ بعد ما طلع خلال شهر من الـ143 للـ175؟؟؟؟
فعلا انجاز
بيطلع 32ليرة و مننزلو 5 ليرات!!!!

[عابر مجيب]

الحمد لله كنت دافع ضعف التأمين على باخرة الفلفل اللي غرقت بالبحر ، وما فرقت معي .
دفعولي ضعف قيمتها
بواخر التوابل كام يوم وبيوصلوا من الهند
نزلت واحدة بدبي ورح اسحب البضاعة تابل ورا تابل ( تابل مفرد توابل )
الدفع بالروبل الهندي تحسبا لانهيار الدولار

[جوليت]

سيد رياض مسا الخير
عطيني بلد واحد بالعالم صار فيه متل ماصار بسوريا ,لك يازلمة مدينة حلب أكبر مدينة تاريخية بالعالم وحسب تقرير للامم المتحدة يمكن بقول :40 من حلب مسحت عن وجه الكرة الارضية ,والباقي 20 بالمية مهدم جزئيا والباقي ماشي حالو ,وجاي تألي اقتصاد وقوانين مالية وموازنات .............. انا لاأفه غير شغلة وحدة الدولار يجب ان يبقى سياسي امني لحتى العالم ماتجوع غير هيك مابفهم , منشان ريحك اعتبرني مجنونة وقامت وخلصت

[جوليت]

بالمشاركة السابقة تبع الجهابذة ,قصدي انهيار الليرة وليس الدولار ,الخربطة نتيجة المشغولية

[البحر الهائج]

23%
175-143 والناتج تقسيم 143

أخي رياض
الأخ فهد بيقصد عن شهر فقط أي من تاريخ 10-3 عندما كان سعره 157 في السوق السوداء
أما بالنسبة لرقمك فيننا نقول خلال الربع الأول من عام2014

[جوليت]

سيد رياض منشان ريحلك راسك ,الموازنة يلي عم تحكي عنها مابتكفي شهرين بالبلد ,وهادا الحكي بالسنة المالية 2013 فكيف هلأ ؟؟؟ نصيحة مني ( واذا بدك بحتفظ فيا لنفسي ) ,كل شي بتشوفو عالاعلام من ارقام وما الى ذلك انساه , الحقيقة غير ذلك تماما ....
-----------------------------------

[عابر مجيب]

لما قالوا :
عدو عاقل خير من صديق جاهل ، ما قالوها عن عبث .
بتكون غرقان وبيروح وبيجي وبيسقيك مي .

[omar1964]

لا تفتكرو انو الشباب بالمنتدى فرحانين بهبوط قيمة الليرة السورية .حتى لو كان مع البعض منهم
شوية فراطة دولارات رح يخلصو بعد فترة قصيرة بسبب الغلاء الكبير يلي رح يصير ..
الكل بيتمنى القوة الشرائية لليرة تتحسن أو على الأقل تحافظ على حالها بهالفترة ..
لكن الأمنيات و الأحلام شيء و الواقع شيء آخر .

[Ryad]

سيد رياض مسا الخير
عطيني بلد واحد بالعالم صار فيه متل ماصار بسوريا ,لك يازلمة مدينة حلب أكبر مدينة تاريخية بالعالم وحسب تقرير للامم المتحدة يمكن بقول :40 من حلب مسحت عن وجه الكرة الارضية ,والباقي 20 بالمية مهدم جزئيا والباقي ماشي حالو ,وجاي تألي اقتصاد وقوانين مالية وموازنات .............. انا لاأفه غير شغلة وحدة الدولار يجب ان يبقى سياسي امني لحتى العالم ماتجوع غير هيك مابفهم , منشان ريحك اعتبرني مجنونة وقامت وخلصت

اليابان يلي اكلت قنبلتين نوويتين مثلاً؟؟؟؟؟؟؟؟؟؟؟؟؟؟؟
المانيا يلي احنلتا 3 دول و بعدين دولتين و لهلأ عندا معاهدات اذعان
اليابان يلي للاسبوع الماضي لفكت الحظر عن حالا مشان الاسلحة
النمسا؟؟؟!!!!
كفيلك؟؟؟
و لك ايراااااااااااان حتى!!!!!!!!!!!!!

[bright blue]

الحمد لله كنت دافع ضعف التأمين على باخرة الفلفل اللي غرقت بالبحر ، وما فرقت معي .
دفعولي ضعف قيمتها
بواخر التوابل كام يوم وبيوصلوا من الهند
نزلت واحدة بدبي ورح اسحب البضاعة تابل ورا تابل ( تابل مفرد توابل )
الدفع بالروبل الهندي تحسبا لانهيار الدولار

الحمد لله إنك مأمن عليها عند مؤسسة بتحترم حالها عوضت عليك ما عند عصابة بتدفعلها رسوم وإيدها بجيبتك
على كل التوابل من الهند السعر طلوع ماعدا الكركم الله يربحك

[رشاد حج علي]

������
جربت سمايلات ما اشتغلو غير معرفات عالبرنامج
اغلاق بيروت
170______171
ريف ادلب
174______176مع الحذر من البيع
الرقة
175_______177 ملاحظةالرقة وصل السعر 182 لساعات قليلة انبارح مو اليوم

[bright blue]

لا تفتكرو انو الشباب بالمنتدى فرحانين بهبوط قيمة الليرة السورية .حتى لو كان مع البعض منهم
شوية فراطة دولارات رح يخلصو بعد فترة قصيرة بسبب الغلاء الكبير يلي رح يصير ..
الكل بيتمنى القوة الشرائية لليرة تتحسن أو على الأقل تحافظ على حالها بهالفترة ..
لكن الأمنيات و الأحلام شيء و الواقع شيء آخر .

اللي استحوا ماتوا

[ايهم حجو]

الله العليم بكرا نازل الاخضر ليرتين تلاتة وبعدا رح يقلع (شدة على اللام) رابع من ارضو
الظاهر ان المركزي عم يلعب لعبتو بس بالاخير رح تبقى الراية بإيدو

[Ryad]

لا تفتكرو انو الشباب بالمنتدى فرحانين بهبوط قيمة الليرة السورية .حتى لو كان مع البعض منهم
شوية فراطة دولارات رح يخلصو بعد فترة قصيرة بسبب الغلاء الكبير يلي رح يصير ..
الكل بيتمنى القوة الشرائية لليرة تتحسن أو على الأقل تحافظ على حالها بهالفترة ..
لكن الأمنيات و الأحلام شيء و الواقع شيء آخر .

هادا الكلام موزون و عالعين و الراس

خلونا نفترض انو كل مصارينا دولار بس بالاخير نحنا بلبلد و عم نقبض سوري و كلياتنا تقريب بعمر بيخلينا لسا نطالع مصاري اكتر من يلي طالعناه و بالسوري
فالنتيجة انو بدنا السوري يقوى و بدنا الليرة تتحسن
الشغلة مو مشاعر انا عم بحكي مصلحة
بس اول خطوة باتجاه التعافي هو الاعتراف بالمرض و التعامل معو انو مرض مو انو مزحة

[رشاد حج علي]

يا جماعة من باب انو مافي شي مستحيل قد يعود الدولار 50 وقد يصبح400 المشكلة مو بالسعر فقط لكن هناك امور يجب مراعاتها ك الدخل والتضخم وكلفة اعادة الاعمار
بس الخطورة تكمن باتقلابات الحادة بسعر الصرف
سنة الماضية كان يقفز 20/30ليرة حاليا بشكل عام مستقر اكتر من السابق بغض النظر عن كيف ( امنيا وسياسيا) اقتصاديا ماعم تظبط مع حدا سر صمود الليرة لحد الان رغم كل الصعوبات
هاد رأي شخصي غير مبني على دراسات وارقام واحصائيات
متل شغلة قيمة الحوالات 7 مليون دولار اللي عم يقول مافي هيك رقم لازم يذكر رقم والي عم يقول هاد الرقم لازم يقول منين جاب هالرقم ؟؟؟؟؟؟؟؟

[omar1964]

كيف بدنا ننسى الأرقام التي يذكرها الاعلام الرسمي فقط
عن خسائر الاقتصاد السوري بالسياحة و الزراعة و الصناعة و النفط و كلفة اعادة الاعمار

اذا كانت هالارقام كلها مو مظبوطة بتثبت مقولة الراحل ممدوح عدوان
الاعلام السوري يكذب حتى في النشرة الجوية .

[عبدالقادر]

قالو الحيتان مالازم ندشر الملعب فاضي مالازم .البطل رح يضل بالملعب هيك لازم .والاعضاء اختلفو على شو لازم وشو ما لا زم .وعقلي سكر باب تفكيرو ومفتاحو معاكون.والمفتاح ماعاد لازم

[M-PMP]

مسالخير للجميع،،،

جملة واحدة "تحصيل الضرائب من كل هدف متحرك"
الكل بيعرف انو الدولة تفرض المزيد والمزيد من الضرائب وطباعة الاموال مما يقود الى مزيد من التضخم والتضخم الفلكي ان صح التعبير!

جملة واحدة "تحول المركزي من دور المنظم والمسير الى لاعب رئيس في العملية الاقتصادية"
الكل بيعرف انو سعر الدولار في البلاد هو سعر أمني قطع بت... فلتو شراكات الصرافة يللي تم اغلاقها والتجربة الحرة داخل السوق وفق العرض والطلب ستثبت ان الليرة ستدخل موسوعة غينس خلال شهر واحد...

جملة واحدة "تنفق الدولة اكثر مما تملك وتواجه عجزا بالميزانية"
والكل بيعرف كيف عم تقوم بالمزيد والمزيد من التدخل في الشان الاقتصادي عبر .. و .. و.. الخ

هيدا حكي
هيدا هو الفكر السياسي الاقتصادي المحافظ ... وراء التعتييم دوافع .....

الله يفرجها عالبلاد والعباد

[تيسير ابو محمد]

مسا الخير للجميع
ان شاء الله تكون جمعة مباركة للجميع

[تيسير ابو محمد]

انقل لكم بعض التداولات في يوم الجمعة
من ريف حلب
طبعا في سوق بعد صلاة الجمعة

[تيسير ابو محمد]

للتذكير
اغلاق ريف حلب الشرقي
175/////////176.5لل177

[تيسير ابو محمد]

انخفاض ملحوظ جدا في تداولات اليوم
يصل لخمس ليرات في بعض المناطق

[تيسير ابو محمد]

ريف حلب الشمالي
البارحة وصل الى 178///////180 في احدى اللحظات
اليوم االجمعة 172/////173

[تيسير ابو محمد]

ريف حلب الشرقي
البارحة وصل لل 176.5/////178 في احدى اللحظات
اليوم الجمعة 174/////////175

[تيسير ابو محمد]

ريف حلب
الوضع العام
تخبط في الاسعار
من خلال التدوالات يظهر هبوط طفيف
حالة ترقب و حذر للغد

[تيسير ابو محمد]

اعدكم بصالة الغد ان اعلمكم
بخطة للمركزي للتاثير في ريف حلب
من خلال وجهة نظر الصرافين في ريف حلب
وبالفعل الخطة تؤثر بالسوق
دمتم بخير

[M-PMP]

الان عالميا

يورو/دولار ومستويات 1.3885
تمكن من الارتفاع بعد اختراق القناة السعرية الصاعدة عند مناطق 1.3904

الاسبوع المقبل ... حرب عملات رهيبة..

[انس الحموي]

حماة الان شراء 173.75 ....مبيع 174.25 ...انخفاض ربع ليرة عن تداولات العصر على الرغم من ضيف وقلة التداولات ...ولكن كما قال الاخ تيسير يوجد انخفاض عن يوم امس ...بتداولات حماة يوجد انخفاض ليرتين عن تداولات يوم الخميس ولايمكن ان يحدث ذلك الانخفاض بدون تدخل مباشر بالسوق ...فيوم الخميس كانت موجة صاروخية فالمضاربين اصبحوا متل المجانين اي رقم يذكر امامهم واي مبلغ يتم شيله من السوق فورا ....ومقارنة اليوم بالبارحة يوجد فرق كبير ...دعونا ننتظر يوم السبت ما يخفيه لنا ...اخيرا انا بغض النظر عن كوني بختلف من جوليت بكتير نقاط ...بس انا معها بانو كل الطرق متاحة للحفاظ على قيمة سعر الصرف مهما كانت تلك الطرق وبغض النظر عن نبلاها او خباثتها ...وكلياتنا منذكر شو صار فينا لما صار الدولار ب325 كنا ننزل عالسوق نحط 20 الف حق اكل ونطلع ...فمابالكم لو يصير الدولار ب400 و 500 لا سمح الله ...عن نفسي بضم صوتي لصوت الاخ عمر وبتمنى ما نرجع نشوف الدولار ب200 ومافوق

[القلب الأبيض]

السلام عليكم
أنا عضو جديد معكن بالمنتدى
بس بتابع آرائكن من زمان
بتمنى المتابعة مع افتتاح سوق يوم الغد
دمتم بخير

[عابر مجيب]

العملات العالمية مرتفعة امام الدولار ما عدا الكندي عم يراوح

[hash]

التمني شي والواقع والحقيقة شيء اخر

[القلب الأبيض]

ريف حلب الشمالي
انخفاض في سعر صرف الدولار مساء الجمعة برغم قلة التداولات حيث سجل بيع بسعر 172 مع العلم ان سعر الإغلاق يوم الخميس 174_176

[عابر مجيب]

أنا شخصيا ما في شي بيسعدني أكتر من انهيار الليرة
الناس بتفلس وبرتاح من الزبائن، وبتصير الروحة على مكتبي نزهة مسلية
وما بقدر اشتري شي ، وبرجع على البيت بدون حمل اكياس وتعب
بعد فترة بنجوع وبنتحول لأفاقين ، وبينتهي حالنا بالمخيمات بناكل ببلاش
مو هيك بالله
تصبحوا على خير

[al.faqir]

مساء الخير
تحياتي للاخ عابر مجيب على مشاركاته وتحليلاته الواقعية و المنطقية وخاصة ما بين السطور.
هناك شيئان يحدثان بالتوازي التشكيك بتزوير الليرات الذهبية والثاني رفع قيمة الدولار من المركزي وارتفاعه في السوق السوداء ونرى من المركزي جعجعة بدون طحين.
هل سلم المركزي للامر وبدأ بالتضخم الكبير.
شكرا لكم.