سعر صرف الدولار والذهب مقابل الليرة السورية ليوم الأثنين 07 -04- 2014

[المسار]

بسم الله الرحمن الرحيم

الصالة اليوميه المتابعه

لاسعار صرف الدولار والذهب مقابل الليره السوريه

اليوم الأثنين التاريخ 7/4/2014

اهلاً وسهلاً ومرحباً بكم



http://syria-stocks.in/forum/attachment.php?attachmentid=5824&stc=1&d=1385427993

[المسار]

دعاء دخول السوق
قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .

[المسار]

http://syria-stocks.in/forum/attachment.php?attachmentid=5735&stc=1&d=1382521970http://

[المسار]

ممنوع


- التحريض بأسلوب التخويف سواء على البيع أو الشراء
- الحديث والتوقعات والتنبؤات التي لا تعبر عن رأي شخصي إنما عن بث الخوف او الهلع.
- نشر الأسعار البعيدة عن حالة السوق سواء بارتفاعها أو بانخفاضها، والأسعار الواقعية لا مانع فيها ولو كانت مختلفة عن سعر السوق.
- طلبات وعروض البيع أو الشراء للدولار مقابل الليرة السورية.
- المشاحنات والمواضيع الخارجة عن اطار هدف الصالة.
- نشر أرقام الهاتف و عناوين الاميلات
- أي كلام طائفي (يتم حظر صاحبه مباشرة).

كما
يمكنم التبليغ عن المشاركات المسيئة عن طريق الضغط على رابط "التبليغ" الموجود على يمين المشاركات والموضح في الصورة التالية مع ذكر الأسباب
http://im32.gulfup.com/2F0SI.png

[المسار]

أسعار الإغلاق

حسب آخر تحديث بالموقع


شراء - 165

بيع - 166.5


هذا السعر لمدينة دمشق


هذا لا يمنع وجود حالات لبيع و شراء بأسعار أقل أو أكثر من ذلك

[المسار]

https://encrypted-tbn0.gstatic.com/images?q=tbn:ANd9GcREE8Y1E3Gitk1KFn35jyBF5IrE1TSYi mk6p2_b0XQ0pNx4T1PyIQ


سعر أونصة الذهب العالمية - 1303.19 $

[المسار]

https://encrypted-tbn3.gstatic.com/images?q=tbn:ANd9GcRU88b-8WNtEsig_XXoa1y3WeCWK6s5Hch0VdN7aHK01bW7TlLU

سعرالذهب في السوق المحليه ليوم الأحد

عيار 21 غرام 6075 ل.س

عيار 18 غرام 5207 ل.س

الليرة الذهبية السورية 50000 ل.س

ليرة ذهب (عيار 22) 52000 ل.س

ليرة ذهب (عيار 21) 50000 ل.س

[المسار]

إغلاق بيروت ليوم الأحد

162 للشراء

163 للمبيع

[المسار]

أسعد الله أوقاتكم جميعاً

الشكر الجزيل لكل المشاركات المفيدة

والمواكبة بأدق الأسعار

[تيسير ابو محمد]

مساء الخير لكل الاعضاء والزوار الكرام
وخصوصا اخونا المسار
اغلاق ريف حلب الشرقي
164.5 للشراء
165.5 للمبيع
متوفرررررررررررررررر

[تيسير ابو محمد]

باركولنا يا شباب
اليوم حتى قدرت زبط الخط
وان شاء عن قريب ترتفع الرقابة عنا
ملخص
سوق ريف حلب الشرقي
الافتتاح
164.5/165.5
الظهيرة
يزداد العرض ويمتنع بعض الصرافين عن الشراء
164/165
عند الاغلاق
توازن في السوق
164.5/165.5

[الياطر]

اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي فيه
اللهم إنك على كل شيئ قدير
آمين آمين آمين

[رشاد حج علي]

صباح الخير
مبروك اخونا ابو تيسير بأطلاتك المميزة الله لايحرمنا من اسعارك
توضيح لاخونا حكيم تعقيبا على روحتها لليرة عفوا نسيت ما وضح انا حطيت سعر ريال عالدولار والليرة لبناني وليس سوري

[تيسير ابو محمد]

تقدم الدولار بخطوات ثابتة
وليس بقفزات كبيرة
مما يؤكد ان القاع اصبح 160لل 165
والقمة المرتقبة 175
هذا والله اعلم

[تيسير ابو محمد]

مشكور اخ رشاد

[mak]

للأخ الذي سال عن صرف الريال في لبنان او سورية .....الأفضل طبعا في لبنان ....يصرفو دولار....و بعدين يصرف الدولار هون........و هاد لأي عملة غير الدولار.....لأنو بصراحة الصرافة هون يااما حرامية ...يا اما طبيعة الشغل هون بتخليهن يخورفو الواحد بالشراء او البيع باي عملة غير الدولار ...صحيح حتى بالدولار ما بيقصروا....بس بيضل الخورفة بالدولار اقل شي....و الرغبة بالدولار اكتر شي كما ذكر الاستاذ عابر
طبعا هاد اذ بدو يتعامل مع السوق السودة.....اما اذا بدو يصرف من محلات نظامية لازم يحسبها...غالبا بيطلع اذا صرفهم سوري بلبنان بيكون اربح...و ما بعرف اذا في قوانين تمنعو من تدخيل عملة سورية لحد معين .....بعرف الحد هو بس على اخراج العملة السورية .....بس ممكن حدا غيري يكون عندو معرفة قانونية اكتر

[رشاد حج علي]

افتتاح الذهب هبوط حاليا
1302$

[مرهف83]

السلام عليكم
على بركة الله



اللهم إني أعوذ بك من الجوع ، فإنه بئس الضجيع
وأعوذ بك من الخيانة ، فإنها بئست البطانة .

[البحر الهائج]

صباح الخير جميعا
وشكرا عالافتتاحية أخونا المسار

[البحر الهائج]

اغلاق اللاذقية
165 شراء
166-166.5 مبيع

[نورالهدى]

صباح الخير
تمنياتنا بيوم هادئٍ مثمرٍ للجميع

[omar1964]

صباح الخير
كل الشكر للأخ المسار على افتتاح المتابعة
ما شاء الله كل يوم عم نكتشف فيه مواهب جديدة ...marsa
....

[omar1964]

كان عنا ختيار اذا أراد أن يزم أحد الأشخاص السيئين و اللي فيه كل البلاوي
ما يوصفه غير بكلمة واحدة تختصر عنده كل المساوئ و السلبيات و تكفي عن كل قاموس الردح
((((( عَلاّك )))))
أجارنا الله و إياكم من مثل هؤلاء الأشخاص و تابعيهم .

[المعلم عمر]

السلام عليكم ورحمة الله وبركاته

أسعد اله صباحكم جميعاً بالخير

افتتاحية موفقة أخ المسار

[محمد سامر]

صباح الخير للجميع
يوم مبارك إن شاء الله

[ابن الجبل]

صباح الخير للجميع
صباح الوطن الجميل
http://www.cottagesmallholder.com/wild%20crocus.jpg

[المسار]

صباح الخير
كل الشكر للأخ المسار على افتتاح المتابعة
ما شاء الله كل يوم عم نكتشف فيه مواهب جديدة ...marsa
....

الله يخلينا ياك معلمنا ابو عمر نحنا من بعدكم

[hamod.kopani]

صباح الخير جميعاًوشكر للأخ المسار على الأفتتاحية

[أبو عدي]

صباح الخير

أفتتاحية موفقة أخي المسار


اتمنى يوم سعيد لكل الأعضاء في المنتدى


اغلاق مدينة منبج ( ريف حلب الشرقي )

165....165.75


أفتتاح يوم الأثنين

165 .......166

[رشاد حج علي]

بيروت
162,5_________163
ناسف لحذف المشاركة السابقة وهاد السعر حاليا

[dollar]

صباح الخير
التجاري السوري شراء 150.00 ل.س
تا 7-4-2014
ارتفاع 1.5 ل.س
يا شباب حدى اختفى من عندو شريط الاسعار العالمية
شكرا

[ahmad z]

صباح الخير

يوم سعيد للجميع

[ahmad z]

صباح الخير

يا شباب حدى اختفى من عندو شريط الاسعار العالمية
شكرا

فعلا الشريط اختفى

[mite mite]

صباح الخير
التجاري السوري شراء 150.00 ل.س
تا 7-4-2014
ارتفاع 1.5 ل.س
يا شباب حدى اختفى من عندو شريط الاسعار العالمية
شكرا

صباح الخير
انا عندي صرلو فترة شريط الاسعار العالمية مختفي ومابعرف السبب
ياريت حدا ينورنا

[ADIB]

$167
166

[ADIB]

صباح الخير جميعا

[جوليت]

صباح الخير والفل والياسمين

---------------------------------------------------------

[مجد (مضارب سوري)]

يسعد صباحكم جميعا بكل خير

اخي تيسير طلبك رفع للادارة وان شاء الله اليوم بينفك الرقابة

[تيسير ابو محمد]

صباح الخير للجميع
ولسوريا الغالية

[تيسير ابو محمد]

ريف حلب الشرقي
الافتتاح
الشراء 164.5
المبيع 165.5
توازن بين العرض والطلب
ننقل لكم الاسعار بكل دقة وامانة
منبج - الباب - دير حافر -مسكنة

[تيسير ابو محمد]

تحية طيبة لكل الاعضاء والزوار
يا سيدي هالسيريا ستوكس جوها كتير حلو
خصوصا سجالات جوليت مع الشباب تحياتي الك
وتحليلات انس الحموي رائع جداَ و والله سيد المعلمية
و النقد تبع عابر مجيب بس لازم عابر القارات تحياتي للامير عابر مجيب
لاننسى الملك الاستاذ رامي
طبعا تحياتي لكل الاعضاء ومو يعني اللي ما ذكرنا مو مميز الكل رائعين
للامام سيريا ستوكس

[البحر الهائج]

المصرف المركزي :
146.92 شراء
147.81 مبيع
أي بزيادة 15 قرش عن البارحة

[تيسير ابو محمد]

للتوضيح
ننقل وسطي السعر في ريف حلب الشرقي
الشراء يترواح 164.5لل 165
المبيع يترواح 165.5لل 166

[تيسير ابو محمد]

شايف هالمركزي
عم يلاحق السوق السوداء
اذا تم كل يوم ربع ليرة ونص ليرة يوصل بعد شهرين
180

[عابر مجيب]

المصرف المركزي :
146.92 شراء
147.81 مبيع
أي بزيادة 15 قرش عن البارحة

يبدو أن المركزي بدأ بخطة أكثر عقلانية في مواكبة الواقع ، وإن كانت خطواته بطيئة .

[عمار اللامي]

صبحكم الله بالحب

[عمار اللامي]

اللاذقية
165.5
167

[عمار اللامي]

الذهب
نشتري
6025
نبيع
6075

[مجد (مضارب سوري)]

افتتاح سوق دمشق 7-4-2014
استقرار على اغلاق الأمس

شراء : 165

مبيع : 166.5 - 167

[المضارب الحسكاوي]

يوم سعيد للجميع
من خلال متابعتي لحركة السوق في القامشلي بعد الثورة السورية ومن وجهتي نظري ان المضاربة هي اللي حافظت على قيمة الليرة السورية حتى هذا التاريخ وكان معلم المضاربين هو المصرف المركزي
ومن متابعتي للسوق في هذه الفترة عم لاحظ تحول تسعين بالمية من المضاربين الى الادخار اي حركة باردة جدا في السوق ما حدا عندو يشتري دولار وما حدا يبيع غير من اجل المصروف وعم لاحظ كل دولارات اللي بيشتريها الصرافيين من القامشلي بيحولوها وتنباع الى دمشق
وانا حاسس ان المعلم المركزي كمان تحول الى الادخار بدلا من المضاربة وعم يبدل العملة السورية بعملة اجنبية
بجوز مشان المصروف اليومي لانو ما ضل شي ينباع بالدولار غير العملة السورية وبيجوز عم يعمل ادخار مشان الايام الجاية
واذا صاب ظني الله يستر من الارتفاع القادم في سعر دولار

[rana-h]

عيار 21 غرام 6100 ل.س عيار 18 غرام 5229 ل.س الليرة الذهبية السورية 50100 ل.س ليرة ذهب (عيار 22) 52500 ل.س ليرة ذهب (عيار 21) 50100 ل.س الليرة الرشادية 44700 ل.س غرام الفضة الخام 100 ل.س

[rana-h]

سؤال بعيد عن الدولار شاب سوري مهندس ميكانيك حديث التخرج لا وجود لخبره ماهي الفرص المتاحه لعمله اي ماهي افضل شئ يعمله لديه جوازسفر هل من الممكن تقديم اي مساعده له للحصول على عمل

[-mouhamad]

هل سيكمل سعر الدولار المشوار لل175 ل س خلال هذا الاسبوع

[-mouhamad]

دمشق الآن من مصدرين على الهاتف 166-------------------167

[مجد (مضارب سوري)]

خااااااااااااص سيرياستوكس

سعر دولار استلام الحوالات ليوم الاثنين 7-4-2014

157.32 ل.س

[مجد (مضارب سوري)]

شو اخبار اسعار حماة ؟؟؟؟؟؟؟
وحلب العزة والمشاوي

[hasobman]

هل سيكمل سعر الدولار المشوار لل175 ل س خلال هذا الاسبوع
هيك كان لازم
بس شايفلك استقرار بين 164 و 167 بهالاسبوع
رغم ارتفاع سعر المركزي السوق السودا ما عم يطلع كتير
مبارح ليرة كاملة وما عملت شي بالسودة
الاسبوع القادم لل 175 والله اعلم
من هون لنهاية الاسبوع لازم نوصل لل 170
170 حاجز نفسي فقط متى ما اخترقناها اصبح الطريق سالك بسهولة لل 175

[BROKER]

صباح الخير للجميع
الاستاذ تيسير تم رفع الرقابة بتوصية من الاستاذ المسار

[BROKER]

السعر الى أين:

لا بد أننا نترقب نقطة 168 كأعلى نقطة حالياً، مع ارتفاع نقطة الدعم من 145 الى 155 وأخيرا الى 160.

[GoldMan$]

اللاذقية .. الان

شراء 165 - مبيع 166,5

مع اشتداد الطلب حسب ما سمعت والعرض قليل ...

[hamod.kopani]

عين العرب(كوباني)
شراء164.75___________________165.5متوفر

[عنب دوماني]

الغوطة الشرقية

سعر الدولار

افتتاح اليوم

158 - 159

[البحر الهائج]

اللاذقية :
165-165.5 شراء
167-166.5 مبيع

[(( أبو جهاد ))]

السلام عليكم ورحمة الله وبركاته

الدولار شراء : 165

الدولار بيع : 166

حلب

[(( أبو جهاد ))]

السلام عليكم ورحمة الله وبركاته

الذهب شراء : 6040

الذهب بيع : 6060

حلب

[أحمد الأحمد]

حماه لاتغيير
165 -- 166

[omar1964]

قد لا يكون السعر المذكور متوفر للجميع
165.5 عرض عليي مبلغ محدود أقل من 10000

[hash]

اللاذقية .. الان

شراء 165 - مبيع 166,5

مع اشتداد الطلب حسب ما سمعت والعرض قليل ...
شي اكيد مع كل صاروخ وصوت انفجار بشد الطلب والسعر نسأل الله السلامة لجميع الأبرياء

[أبو عدي]

السلام عليكم

مدينة منبج الريق الشرقي لحلب

165.25.............166

[المسار]

السلام عليكم

استقرار السعر ببيروت
عال

162 -162.5 للشراء

163.5 للمبيع

شكرا للفتتكم الكريمه استاذ رامي

[hasobman]

سؤال بعيد عن الدولار شاب سوري مهندس ميكانيك حديث التخرج لا وجود لخبره ماهي الفرص المتاحه لعمله اي ماهي افضل شئ يعمله لديه جوازسفر هل من الممكن تقديم اي مساعده له للحصول على عمل
ما الكي غير تبعثي لعندي واطالعلو شهادة سواقة تخت
ومعو معو بيصير خبير متلي شوفير تخت عمومي
ولكسر الملل عرفي على سيريا ستوكس بيفيد وبيستفيد
حتى ولو مفلس
المفلس الحقيقي من اتى يوم القيامة وقد شتم هذا واكل مال هذا كما قال الرسول الكريم
صلى الله عليه وسلم
الا ما يجي يوم وتفيدو شهادتو بس حاليا اذا في شي شق بشي حيط
خلي يعلق الشهادة فوقو يغطيه فيها هي الفائدة الوحيدة للشهادة بهالايام
وممكن اكون متشائم زيادة عن اللزوم
بس من مرارة قلبي هيك عم احكي
بسم الله الرحمن الرحيم
ان الله هو الرزاق ذو القوة المتين
صدق الله العظيم

[انس الحموي]

حماة الان شراء 165.75 ....مبيع 166.5 ارتفاع ثلاث ارباع الليرة عن تداولات الصباح ويوم امس

[black_ghost87]

بانياس-البحر-الدولار
شراء:164
مبيع:165.5

[black_ghost87]

بانياس-البحر-اليورو
شراء:225
مبيع:227

[mite mite]

ما الكي غير تبعثي لعندي واطالعلو شهادة سواقة تخت
ومعو معو بيصير خبير متلي شوفير تخت عمومي
ولكسر الملل عرفي على سيريا ستوكس بيفيد وبيستفيد
حتى ولو مفلس
المفلس الحقيقي من اتى يوم القيامة وقد شتم هذا واكل مال هذا كما قال الرسول الكريم
صلى الله عليه وسلم
الا ما يجي يوم وتفيدو شهادتو بس حاليا اذا في شي شق بشي حيط
خلي يعلق الشهادة فوقو يغطيه فيها هي الفائدة الوحيدة للشهادة بهالايام
وممكن اكون متشائم زيادة عن اللزوم
بس من مرارة قلبي هيك عم احكي
بسم الله الرحمن الرحيم
ان الله هو الرزاق ذو القوة المتين
صدق الله العظيم

الله يفرجها عالكل صقلا ايام زمان كنا نطلع برا البلد ب 100 دولار ونعيش ونشتغل وندرس ونعمل اللي بدنا هو ومو بس هيك كانو يحترمونا وكمان يساعدونا ماكانو يشوفونا متل الشحادين وماكانو يخافو منا
الله يفرجها

[hasobman]

الله يفرجها عالكل صقلا ايام زمان كنا نطلع برا البلد ب 100 دولار ونعيش ونشتغل وندرس ونعمل اللي بدنا هو ومو بس هيك كانو يحترمونا وكمان يساعدونا ماكانو يشوفونا متل الشحادين وماكانو يخافو منا
الله يفرجها
اهو جماعة الخليج .......من اول مو من جديد
بس اول ..... كانو ياخدو السوري لانو فهمان
بس هلا صارو يتحكمو في للسوري لانو محتاج
بس وين بدهو يروحو ان شاء الله بيرجعو متل اول
حفاة عراة رعاة الشاة
والله اني رح اشمت بيهو كتير بس يصير هيك
وباقي دول العالم ماعندي اطلاع عنهو بس بالزور عم يستقبلو 100 لاجئ
شنون بدهو يستقبلو عمالة وخاصة بهالاوضاع
الي بيطلع من دارو بيقل مقدارو
بس شنون نبوءة الرسول صلى الله عليه وسلم بدها تتحقق
عن أبي هريرة، قال:قال رسول الله صلى الله عليه وسلم ((منعت العراق درهمها وقفيزها. ومنعت الشام مديها ودينارها. ومنعت مصر إردبها ودينارها. وعدتم من حيث بدأتم. وعدتم من حيث بدأتم. وعدتم من حيث بدأتم)) صحيح مسلم
‏(‏وقفيزها‏)‏ القفيز مكيال معروف لأهل العراق‏.‏(‏مديها‏)‏ على وزن قفل، مكيال معروف لأهل الشام‏.‏‏(‏إردبها‏)‏ مكيال معروف لأهل مصر‏.
بس الحديث حسب ما فهمتو وشرحتو الو ابواب كتير
بس اهمها الوضع الاقتصادي السئ الذي سنعيشه
طبعا بالرجوع لشرح علمائنا الافاضل
ومنهم الشيخ ابو نجيب حفظه الله

[فهد]

الحسكة و القامشلي
165- 166

[فهد]

الذهب محسوب على سعر الدولار 166.5

[فهد]

تمّت عملية بيع دولار أمامي على سعر 169 يوم الأحد 2014/4/6 مساءً
طبعاً هذا لا يعني أنّه السعر المتداول

[عمار اللامي]

الرجاء تأكيد سعر دمشق
اللاذقية لا يوجد كمية بأي سعر
شو القصة ؟؟؟؟؟

[GoldMan$]

الرجاء تأكيد سعر دمشق
اللاذقية لا يوجد كمية بأي سعر
شو القصة ؟؟؟؟؟


انا متأكد باللاذقية من شوي اخي عمار بس كمية صغيرة على 166,5 وسألت كذا واحد بين ال 66,5 لل 67 هاد السوق بس اللي فهمتو من كلامهم انو في طلب والعرض معدوم ومتوقعين ارتفاع لهيك ما عم يبيعوا الا كميات صغيرة لانو ما عم يصرلهم يعوضوها ...

[فهد]

انخفضت قيمة الليرة السورية أمام الدولار خلال عام 2014
بنسبة 13.2% تقريباً
علماً أنه خلال الثلاث سنوات الماضية عادةً يكون الأنخفاض الاكبر لقيمة الليرة خلال الربع الثاني و الثالث من السنة

[فهد]

عاجل
الحسكة و القامشلي
165.5 - مبيع لا يوجد

[المضارب الحسكاوي]

القامشلي وتوابعها
شراء دولار 165.5 حتى166 مع التهرب من البيع هذا الوضع حاليا اثناء الكتابة

[أبو تيم]

السلام عليكم
سوق دمشق
165.5شراء....................166.5مبيع

[فهد]

( بعض الأقاويل المتداولة )
قد يتدخل المركزي لذلك يريد رفع السعر إلى حدود 175 من أجل تخفيضه إلى حدود 165

[فهد]

عاجللللللللللللللللللللللللللللل جداااااااااااااااااااااا
الحسكة و القامشلي
165.5 - بيع لا يوجد ( تمّت بعض الصفقات على 170 )

[فهد]

شباب الشام و حلب و اللاذقية
إذا ممكن الأسعار

[mite mite]

اهو جماعة الخليج .......من اول مو من جديد
بس اول ..... كانو ياخدو السوري لانو فهمان
بس هلا صارو يتحكمو في للسوري لانو محتاج
بس وين بدهو يروحو ان شاء الله بيرجعو متل اول
حفاة عراة رعاة الشاة
والله اني رح اشمت بيهو كتير بس يصير هيك
وباقي دول العالم ماعندي اطلاع عنهو بس بالزور عم يستقبلو 100 لاجئ
شنون بدهو يستقبلو عمالة وخاصة بهالاوضاع
الي بيطلع من دارو بيقل مقدارو
بس شنون نبوءة الرسول صلى الله عليه وسلم بدها تتحقق
عن أبي هريرة، قال:قال رسول الله صلى الله عليه وسلم ((منعت العراق درهمها وقفيزها. ومنعت الشام مديها ودينارها. ومنعت مصر إردبها ودينارها. وعدتم من حيث بدأتم. وعدتم من حيث بدأتم. وعدتم من حيث بدأتم)) صحيح مسلم
‏(‏وقفيزها‏)‏ القفيز مكيال معروف لأهل العراق‏.‏(‏مديها‏)‏ على وزن قفل، مكيال معروف لأهل الشام‏.‏‏(‏إردبها‏)‏ مكيال معروف لأهل مصر‏.
بس الحديث حسب ما فهمتو وشرحتو الو ابواب كتير
بس اهمها الوضع الاقتصادي السئ الذي سنعيشه
طبعا بالرجوع لشرح علمائنا الافاضل
ومنهم الشيخ ابو نجيب حفظه الله

في كتير دول باوروبا بتستقبل لاجئين سورين بس الكل تقريبا بدهون ياك تروح انته لعندهم وهنيك تقول انا لاجء سوري بيقبلوك فورا بس المشكلة كيف بدك تروح لهنيك اكيد عم تسمع شو عم يصير بالسورين بالبحر شي مخجل انو وصلنا لهون ومين وصلنا لهون

[GoldMan$]

انا متأكد باللاذقية من شوي اخي عمار بس كمية صغيرة على 166,5 وسألت كذا واحد بين ال 66,5 لل 67 هاد السوق بس اللي فهمتو من كلامهم انو في طلب والعرض معدوم ومتوقعين ارتفاع لهيك ما عم يبيعوا الا كميات صغيرة لانو ما عم يصرلهم يعوضوها ...

طلعت لاني متأكد ولا بطيخ ... بعد مشاركة الاخ عمار رجعت دقيت لنفس الناس لاشتري شوي واحد منهم قدرت عليه بالمونة بمبلغ صغير اما الباقي ... بح وما رضيو يعطوني سعر مبيع ...
اما شراء قاللولي قد ما بدك جيب على 165,5 بياخدوهم مني ... شو القصة ...؟؟؟

الله يستر .. الظاهر في شي خبر اتسرب لحتى بح ما عاد في بازيلا بالسوق ...

[pilot]

سوق حلب
165.5 __________ مبيع لايوجد
الصراف اللي ابن حلال يعرض يورو أو ريال سعودي لعدم توفر الدولار

[المسار]

يسعد مساكم

إغلاق بيرووت

163 للشراء

164-164.5 للمبيع

[المسار]

شو القصه

اليوم في عناصر فعاله غايبه عن

الساحه السيريا ستوكسيه

خير انشالله

[black_ghost87]

مسا الخير- بعد يومين انا مسافر الى لبنان و ممكن احتاج الى تصريف في طرابلس او بيروت. ممكن حدى من الشباب يتكرم علينا بشركة صرافة محترمة في المدينتين؟ شكرا

[المبتدئ]

حلب
166___168

[المبتدئ]

الكسر حلب
6070___6080

[أبو تيم]

دمشق
166شراء.................167مبيع
أرتفع السعرنصف ليره

[-mouhamad]

بدمشق تحت ال 169 ماعميبيعوا وللكميات الصغيرة وبمنية

[المسار]

مسا الخير- بعد يومين انا مسافر الى لبنان و ممكن احتاج الى تصريف في طرابلس او بيروت. ممكن حدى من الشباب يتكرم علينا بشركة صرافة محترمة في المدينتين؟ شكرا

اخي بلاك

اذا مبلغ مو محرز وين من رحت مو هالفرق

مع اني شخصيا من شي 15 سنه يا ما آكل ضروب
من صرافين طرابلس بس مبالغ صغيره

واذا مبلغ محرز ببعتلك رح ابعتلك عالخاص عناوين ببيروت

بطرابلس ما عندي فكره

[GoldMan$]

حلب
166___168

وانا سألت من مصدر بحلب قللي 67شراء - 68 مبيع

[jamal80]

أسعد الله مساءكم جميعاً

دمشق 6:30
165.5_167.5
مع التهرب من الكميات الكبيرة

[jamal80]

المصرف المركزي
يخفض الليرة السورية بمقدار 2% خلال شهر واحد

بتاريخ 06-03-2014
سعر صرف الليرة مقابل الدولار حسب نشرة المصرف المركزي 145.01 للمبيع

أما بتاريخ اليوم 07-04-2014
سعر صرف الليرة مقابل الدولار حسب نشرة المصرف المركزي 147.81 للمبيع

بزيادة قدرها 2% تقريباً خلال شهر

[عمار اللامي]

اللاذقية الان
166 شراء
مبيع لا يوجد
حلب
167.5
168.5
الذهب
6050
6100

[GoldMan$]

أسعد الله مساءكم جميعاً

دمشق 6:30
165.5_167.5
مع التهرب من الكميات الكبيرة


أخي التهرب من الشراء ام البيع ... ام الاثنين معا ...

[عمار اللامي]

دمشق
166
168

[GoldMan$]

اللاذقية الان
166 شراء
مبيع لا يوجد
حلب
167.5
168.5
الذهب
6050
6100

بس شو سبب الرفعة .. الصبح كان متوفر .. وفجقتا بح .. ما حا لحا وما حا ببيع حا ... شو القصة ...

[jamal80]

أخي التهرب من الشراء ام البيع ... ام الاثنين معا ...

حسب المصدر
التهرب من المبيع مع الرغبة بالشراء

شكرا لمرورك الكريم أخي GoldMan$

[hash]

مسا الخير- بعد يومين انا مسافر الى لبنان و ممكن احتاج الى تصريف في طرابلس او بيروت. ممكن حدى من الشباب يتكرم علينا بشركة صرافة محترمة في المدينتين؟ شكرا
ان شاء الله بتروح وبترجع بالسلامة انتبه من الصرافةالغير نظاميين اللي بطرابلس هادون مهنتون النصب اكتر من التصريف وبيعطوك سعر احسن من الصرافة النظامية مشان يسرؤوك روح عند الصراف النظامي لو عطاك سعر اقل ببيروت العاصي للصيرفة بشارع الحمرا صراف نظامي وما بغش

[انس الحموي]

انخفضت قيمة الليرة السورية أمام الدولار خلال عام 2014
بنسبة 13.2% تقريباً
علماً أنه خلال الثلاث سنوات الماضية عادةً يكون الأنخفاض الاكبر لقيمة الليرة خلال الربع الثاني و الثالث من السنة



هادا يلي كنا نحكيه من زمان انو بالربع الثاني والثالث عما تنخفض قيمة الليرة بشكل حاد نظرا لتزايد الطلب على الدولار لعدة اسباب ذكرناها سابقا

حماة الان شراء 166 ......مبيع 166.75

ومتل ما ذكرنا رح يبقى عطول الشراء والبيع متوفر نظرا لقيام كثير من المضاربين من الخروج بمناطق معينة بنظرهم هي القمة وهذا ما يشكل حالة من العرض والطلب ,,,باعتقادي في حال وصل السعر لقمة ال175 يجب هنا الخروج بنصف راس المال والنصف الاخر يتم تحديد منطقة ال200 والخروج عليها وعدم الدخول من جديد في حال تم الوصول لمنطقة 200 الا ببداية فصل الشتاء ...مع استبعادي امكانية وصول سعر الصرف لمستوى 200 ليرة ...باعتقادي قمته رح تكون بشهر سته وبعدها رح يكون في انزلاق بسعر الصرف نحو الاسفل ...للجميع المتابعة والمراقبة فقط وعدم اتخاذ اي اجراء قبل بلوغ 175 فالخروج بهذا الوقت للتعويض من مناطق اسفل خاصة للدراويش قد يتسبب لهم بخسارة فادحة لاسيما مع التقدم المستمر بسعر الصرف

[مجد (مضارب سوري)]

يسعد مساكم جميعا بكل خير
شكرا لكل مين وضع معلومة مفيدة
بكرة باذن الله سيتم الاستفادة منها ونشرها عبر صفحة الفيس بوك

[تيسير ابو محمد]

الملخص اليومي لحركة الدولار
في ريف حلب الشرقي
تراوح الشراء من 164 حتى 165
وتراوح المبيع من 165 حتى 166
اسعار الاغلاق
165.5للشراء
166 للمبيع

[تيسير ابو محمد]

شكرا لرفع الرقابة عن مشاركتنا الى
ادارة سيريا ستوكس على الثقة الممنوحة لنا
نعدكم بإذن الله ان ننقل الاسعار بكل امانة و دقة
من ريف حلب الشرقي
الباب - منبج - دير حافر - مسكنة

[تيسير ابو محمد]

نظرة عامة عن تدوالات اليوم
توازن بين العرض والطلب
مع ارتفاع طفيف في سعر الشراء قبيل الاغلاق
ريف حلب الشرقي
الاغلاق 165.5للشراء
166 للمبيع
ودمتم بخير

[تيسير ابو محمد]

اخ انس الشكر على تحليلاتك وان متابع جيد لمشاركاتك
اعتقد اننا لو نظرنا لسعر الدولار العام الماضي
فالقمة كانت حزيران وتموز شهر 6 و7
طبعا كان اعلى سعر في ريف حلب الشرقي تسجل
355للشراء 375 للمبيع
وكان اول يوم برمضان الماضي
فالله يجيرنا من القادم

[تيسير ابو محمد]

صباح الخير للجميع
الاستاذ تيسير تم رفع الرقابة بتوصية من الاستاذ المسار

شكرا استاذ رامي على ثقتك بنا
وان شاء نكون عند حسن ظنك وظن اخونا المسار
واسمح لي ان اقول عنك استاذ رامي انك
ملك التحليل
اكيد الشكر موصول للاخ المسار وكل الاعضاء
للامام سيريا ستوكس

[hamod.kopani]

المصرف المركزي
يخفض الليرة السورية بمقدار 2% خلال شهر واحد

بتاريخ 06-03-2014
سعر صرف الليرة مقابل الدولار حسب نشرة المصرف المركزي 145.01 للمبيع

أما بتاريخ اليوم 07-04-2014
سعر صرف الليرة مقابل الدولار حسب نشرة المصرف المركزي 147.81 للمبيع

بزيادة قدرها 2% تقريباً خلال شهر


معك حق امبارح صرافين معظمهم كانو يتهربو من الشراءكان العرض متل رز حسب مقولة اخت جوليت لكن المركزي مو من مصلحتو ينزل السعر خلينا ننتظر شو خسرانين

[انس الحموي]

الذهب عالميا 1296 انخفاض الاونصة عن جلسة الافتتاح 7 دولار .. حاليا يتلقى دعم عند 1295 اعتقد بانها سوف تكسر في الجلسة الاسيوية ان شاء الله ...الدخول من جديد بالذهب عند نقطة 1275 رح يكون جيد ويفضل الخروج بمنطقة 1300 ...والله ولي التوفيق للجميع

[تيسير ابو محمد]

يسعد صباحكم جميعا بكل خير

اخي تيسير طلبك رفع للادارة وان شاء الله اليوم بينفك الرقابة
الحمد لله رفعت الرقابة عن مشاركاتي
بس بدي اعرف اخ مجد شو عرفك بهالشي
في ان بالموضوع :confused2:
هههههههه

[المسار]

استاذ عابر

اليوم رحت عالدكتور عبصير معي وصفتلو حالتي

وسألني شو عبتابع قلتلو عالمنتدى

قام قلي يا ابني انت معك (أرق)

وكل يو بدك مشاركتين عالريق من الاستاذ عابر
وتنتين الظهر وتنتين المسا

فالله يخلينا ياك علاجنا بأيدك

لا تقطعنا
وقلتلو الاستاذ غسان عبيتقل علينا قلي كمان مشاركه منو صبح وظهر وعشيي

نعتذر على الاضافه اللاحقه

يمكن تفكرو انو مزح بس عن جد هيك صار معي

وصار بدي علاج

[kloush]

هادا يلي كنا نحكيه من زمان انو بالربع الثاني والثالث عما تنخفض قيمة الليرة بشكل حاد نظرا لتزايد الطلب على الدولار لعدة اسباب ذكرناها سابقا

حماة الان شراء 166 ......مبيع 166.75

ومتل ما ذكرنا رح يبقى عطول الشراء والبيع متوفر نظرا لقيام كثير من المضاربين من الخروج بمناطق معينة بنظرهم هي القمة وهذا ما يشكل حالة من العرض والطلب ,,,باعتقادي في حال وصل السعر لقمة ال175 يجب هنا الخروج بنصف راس المال والنصف الاخر يتم تحديد منطقة ال200 والخروج عليها وعدم الدخول من جديد في حال تم الوصول لمنطقة 200 الا ببداية فصل الشتاء ...مع استبعادي امكانية وصول سعر الصرف لمستوى 200 ليرة ...باعتقادي قمته رح تكون بشهر سته وبعدها رح يكون في انزلاق بسعر الصرف نحو الاسفل ...للجميع المتابعة والمراقبة فقط وعدم اتخاذ اي اجراء قبل بلوغ 175 فالخروج بهذا الوقت للتعويض من مناطق اسفل خاصة للدراويش قد يتسبب لهم بخسارة فادحة لاسيما مع التقدم المستمر بسعر الصرف


على النقيض تماما
أي دخول الان قد يتسبب بخسائر فادحة بل انه وقت البيع
نقطة 166 هي النقطة الامثل للخروج الان و لن يكون الدخول
الا بعد شهرين من الان موجة هابطة قوية تلوح في الافق
الستوب سيكون 170

[المضارب الحسكاوي]

مساءكم بالخير جميعا
مع احترامي لتحليلات الاستاذ رامي وتوقعات الاخ الانس بس انا اتوقع السعر القادم للدولار اذا استقر بدو يستقر بحدود 500 ليرة سوري وذلك من دراسة الوضع الاقتصادي للبلد خلال الثلاث السنوات الماضية حيث تستقر فترة وترجع تنط نطة قوية وتستقر بمستوى يكون اعلى من اعلى نطة للسنة اللي قبلها
وفي معلومات تقول المصرف المركزي فلس من العملة الاجنبية وحتى الذهب ما ضل عندو

[kayalij]

حلب الأن 167.5 - 168.5
168 - 169
ذهب حلب 6105 - 6115

[غسان]

تسلم اخي المسار مو تقل ولا شي ،،، لكن للقلب والعقل احوال ووقفات ،،، احيانا اتكلم واكتب واحيانا كثيرة اتكلم الصمت ،،،، وليس السكوت

بالنسبة للادمان فعلا موقع سيريا ستوكس مليء بالاعضاء المحببين الذين تحلو مشاركة الاوقات معهم ،،،
وهذا التنوع هو ضرورة لتوسيع المدارك والمعارف ،،،
التنوع هذا الامر الذي يدعو للتأمل
ومشان تنام مبسوط رح اكتب شوي عن التنوع وعذرا للاطاله ،،،اتذكر منذ فترة طويله جدا خلال زياره لي لبيروت ودخولي احد المحلات الفخمة جدا الاسعار الخرافية للبضائع ،،، بنطال بالف دولار طقم رجالي عده الاف من الدولارت ،، حقيبة نسائية الفي دولار ،،، عندها لم استوعب الهدف الذي يدعو انسان عاقل ليدفع ثمنا لسلعة اغلى من كلفتها بمئة ضعف او اكثر فقط لانها من الماركه المشهورة الفلانية ووقتها كنت ارى المحلات فارغة فاقول لنفسي لايمكن لاحد ان يشتري منهم او يربحوا ولكن تبين ان العكس هو الصحيح ،، من فترة بسيطة قرأت ان ثمن الاقامه ليوم واحد في احد فنادق دبي يبلغ ٢٥ الف دولار فقط لاغير ،،، ،، اطقم الذهب الالماس والسيارات الفارهة ،،،، بذخ لاحد له ولاعقل يستطيع تحمله ولا مطابع امريكا قادره على ان تطبع لكل هؤلاء الذين يريدون انفاقها بهذا الشكل ،،،، طبعا لكل معضله جواب وهذا الذي يملك او يربح عشرات او مئات الملايين. هل نريد منه ان يحجز غرفة بتختين بحركه ٥٠٠ دولار ،،، مابتزبط منوب وماحلوة ومو منطقية بحقو اصلا ،،،،،. عالم غريب عجيب ،،،
التنوع ايضا يوجهنا لمن يموت جوعا وبردا ،،،، تنوع قد يصيبنا بالدوخة ووجع الرأس ،،، لذلك نتوقف سريعا هنا ،،،،،
بالعوده للصالون نجد التنوع والاختلاف ايضا في الاراء والاهتمامات ،،، قسم تراه يحب الاختصار ووضع السعر فقط ومنهم من يحب المناكفه والبعض يحب التفاخر واخرين يحبون التحليل ومنهم من يحب الجزء الروحاني والعاطفي من الصفحة وكل’ يظن ان الحق هو في مايهتم به ....
والبعض وانا منهم احب الجميع ممن يملكون الصدق مع انفسهم ومع الاخرين

[جوليت]

مساءكم بالخير جميعا
مع احترامي لتحليلات الاستاذ رامي وتوقعات الاخ الانس بس انا اتوقع السعر القادم للدولار اذا استقر بدو يستقر بحدود 500 ليرة سوري وذلك من دراسة الوضع الاقتصادي للبلد خلال الثلاث السنوات الماضية حيث تستقر فترة وترجع تنط نطة قوية وتستقر بمستوى يكون اعلى من اعلى نطة للسنة اللي قبلها
وفي معلومات تقول المصرف المركزي فلس من العملة الاجنبية وحتى الذهب ما ضل عندو
موبس هيك في معلومات كمان متقول انو المركزي سكر حتى اشعار اخر والسيد ميالة (تحية معطرة بانوار النبي له ) مانو مبين ومختفي ,وعم يقولو كمان النظام يامصابح ياماسى بعد افلاس المركزي ,وعم يقولو كمان انو الاموال كلياتا هربوا عاجبال تورا بورا ,وفي اشاعات كمان انو الموظفين ماعاد الهون رواتب ,وفي حكي انو يوم القيامة حسب التنبوؤات بعد بكرا الساعة 3
دمتم بخير

[hasobman]

كيلو الكماية من 2000 الى 5000 ل س
حسب نوعها
وما ذقناها السنة لحد هلا

[المسار]

موبس هيك في معلومات كمان متقول انو المركزي سكر حتى اشعار اخر والسيد ميالة (تحية معطرة بانوار النبي له ) مانو مبين ومختفي ,وعم يقولو كمان النظام يامصابح ياماسى بعد افلاس المركزي ,وعم يقولو كمان انو الاموال كلياتا هربوا عاجبال تورا بورا ,وفي اشاعات كمان انو الموظفين ماعاد الهون رواتب ,وفي حكي انو يوم القيامة حسب التنبوؤات بعد بكرا الساعة 3
دمتم بخير

ههههههههههههههه

بركي بتتوسطيلنا بتأجيلو شي ساعتين تلاته

[المسار]

تسلم اخي المسار مو تقل ولا شي ،،، لكن للقلب والعقل احوال ووقفات ،،، احيانا اتكلم واكتب واحيانا كثيرة اتكلم الصمت ،،،، وليس السكوت

بالنسبة للادمان فعلا موقع سيريا ستوكس مليء بالاعضاء المحببين الذين تحلو مشاركة الاوقات معهم ،،،
وهذا التنوع هو ضرورة لتوسيع المدارك والمعارف ،،،
التنوع هذا الامر الذي يدعو للتأمل
ومشان تنام مبسوط رح اكتب شوي عن التنوع وعذرا للاطاله ،،،اتذكر منذ فترة طويله جدا خلال زياره لي لبيروت ودخولي احد المحلات الفخمة جدا الاسعار الخرافية للبضائع ،،، بنطال بالف دولار طقم رجالي عده الاف من الدولارت ،، حقيبة نسائية الفي دولار ،،، عندها لم استوعب الهدف الذي يدعو انسان عاقل ليدفع ثمنا لسلعة اغلى من كلفتها بمئة ضعف او اكثر فقط لانها من الماركه المشهورة الفلانية ووقتها كنت ارى المحلات فارغة فاقول لنفسي لايمكن لاحد ان يشتري منهم او يربحوا ولكن تبين ان العكس هو الصحيح ،، من فترة بسيطة قرأت ان ثمن الاقامه ليوم واحد في احد فنادق دبي يبلغ 25 الف دولار فقط لاغير ،،، ،، اطقم الذهب الالماس والسيارات الفارهة ،،،، بذخ لاحد له ولاعقل يستطيع تحمله ولا مطابع امريكا قادره على ان تطبع لكل هؤلاء الذين يريدون انفاقها بهذا الشكل ،،،، طبعا لكل معضله جواب وهذا الذي يملك او يربح عشرات او مئات الملايين. هل نريد منه ان يحجز غرفة بتختين بحركه 500 دولار ،،، مابتزبط منوب وماحلوة ومو منطقية بحقو اصلا ،،،،،. عالم غريب عجيب ،،،
التنوع ايضا يوجهنا لمن يموت جوعا وبردا ،،،، تنوع قد يصيبنا بالدوخة ووجع الرأس ،،، لذلك نتوقف سريعا هنا ،،،،،
بالعوده للصالون نجد التنوع والاختلاف ايضا في الاراء والاهتمامات ،،، قسم تراه يحب الاختصار ووضع السعر فقط ومنهم من يحب المناكفه والبعض يحب التفاخر واخرين يحبون التحليل ومنهم من يحب الجزء الروحاني والعاطفي من الصفحة وكل’ يظن ان الحق هو في مايهتم به ....
والبعض وانا منهم احب الجميع ممن يملكون الصدق مع انفسهم ومع الاخرين

استاذي هول كيف باخدن شراب الا حبوب

ههههههههه

من المحبه استاذنا منحب نشوفك معنا على طول

[المضارب الحسكاوي]

موبس هيك في معلومات كمان متقول انو المركزي سكر حتى اشعار اخر والسيد ميالة (تحية معطرة بانوار النبي له ) مانو مبين ومختفي ,وعم يقولو كمان النظام يامصابح ياماسى بعد افلاس المركزي ,وعم يقولو كمان انو الاموال كلياتا هربوا عاجبال تورا بورا ,وفي اشاعات كمان انو الموظفين ماعاد الهون رواتب ,وفي حكي انو يوم القيامة حسب التنبوؤات بعد بكرا الساعة 3
دمتم بخير

شكرا انسة جوليت واللهههههههه معلوماتك كلها من اللي بيحبو قلبي ويا رب تكون معلومات اكيدة هههههههه ما عدا اخر وحدة بخصوص يوم القيامةان شاء الله مو موكدة -------الحياة حلوة
بس عن جد تاخرت الرواتب بالقامشلي هذا الشهر شو السبب