سكروا كفرسوسة ....والأزمة بالبرامكة ...فهل عانيت مما نعاني؟

[ado]

مرحبا ياجماعة ...
أكيد كلنا سمعنا أو شفنا أو عانينا من إغلاق نفق كفرسوسة .... وكأنو كان ناقصنا عجقة ...
ومو بس اللي بروحوا من دوار كفرسوسة هنن اللي عم يعانوا بس:evil_smile: ...

الأزمة المرورية تفاقمت في كل دمشق ... خاصة وأنو النازلين من المزة وكفرسوسة أو حتى اللي طالعين ع المزة ... صاروا يروحوا عن طريق البرامكة ...

والبرامكة متل ما بتعرفوا ... من دون دف بترقص ...af7a1


وإذا بتقلل عقلك وبتحاول تنزل بنص الشام وقت الظهر ....رح تشوف نجوم الظهر ...
وما كتير بتفرق سواء كنت بتركب مكرو أو بتركب سيارة الخاصة ....لأنو لبين ما تلاقي مكان تصف فيه سيارتك ...رح يكون المكرو وصل...

ويذكر أنو مدة تنفيذ نفق كفرسوسة ... 10 أشهر:v9v9net_102: .... الله يكون بعونا عليهم ...هاد إذا عنجد 10 شهور..

الله يرحم أيام زمان:
كان مشواري على المزة ياخد 40 دقيقة هلأ صارت سفرتي على المزة بدها 1-1.30ساعة


سيدي ...
ما بدك تدقق كتير منشان صحتك:wink: ...
بس والله العظيم .........بأي دولة بالعالم بصير أنفاق وجسور وفي طرق كتير بتسكر ... بس ما بصير أزمة مرورية لهل الدرجة والناس ما بختنق بالشارع ...لأنو ببساطة عندون بدل النفق خمسة...وبدل الجسر عشرة... وبدل الطريق مية...
منشان هيك ما بكون تأثير تسكير ساحة لهل الدرجة ....

سكروا كفرسوسة وقالوا لهم روحوا عن طريق البرامكة... وكأنو البرامكة متحملة حالها ....
متل ما بقولوا :قال مكرسح لمكرسح يلا بينا نتفسح:v9v9net_074:...

ومتل ما الطبل بدوما والعرس بحرستا ....كمان عنا الحفريات بكفرسوسة و العرس بالبرامكة:0069:

فهل هناك من يعاني مثلي .... أم أنني مدلل وشديد السلبية .؟؟!!!

[Beno]

الطبل بدوما والعرس بحرستا ...

لاوالله العرس بكل الشام ...

[BROKER]

هلا الازمة على الكل البرامكة منظرها بخوف من الزحمة ....

- بس أنا مو جاية انقد بصراحة :evil_smile:

يعني النفق يلي بدو يصير بالدوار أديش حيخفف زحمة و عجقة وطجقة ؟؟؟؟؟؟؟


بدها شوية صبر .... :v9v9net_110:

لكن الشي اللي بتمناه انو يبنفذو المشروع باسرع وقت ممكن ...


وبرأيي يجب علينا نساعدهم ونؤيدهم ..... وبس ليقصروا يا ويلهم منا :coool::coool:


على راسي ado

[Beno]

مدة 10 أشهر ويطمح المسؤولين في إنجازه قبل هذه المدة

[مهند خولاني]

عم فكر أفتح معهد لتعليم التريكو أو حتى جيب تلفزيزنات مع اشتراك شو تايم وأوربي للسيارات

حتى هل الشباب يستفيدوا من وقتهم على اشارات المرور

يا سيدي كل ساعة وقفة عم يطلع ضغطي درجة

[ArcadA]

عجبتني شغلة ( الطبل af7a1 بدوما و العرس :0069: بحرستا )

أخي مهند خولاني مشروعك ربحان 10000% بس اعمول معو بسطة بزر و قضامة و عرباية فلافل
بيصير شغلك نار :150: :150:
و صدقني كلها 10شهور و بيصير فيك تفتح شركة وساطة للبورصة :wink:
هاد إذا صدقو وخلصوها ب 10 شهور :eeek:

10 شهور :eeek: ليش هالسرعة كلها و الله حرام هيك مشروع بالقليلة بدو من السنتين و طالع لحتى يخلص :v9v9net_074:

[BROKER]

اليوم الصبح علقت بنفق الفحامة يلي بودي للبرامكة .... يمكن مافي خط الا تحول لهدا الطريق ....:v9v9net_110:

بس مستبشر خير بهالنفق:wink::wink::wink:

[البلخي]

أحلى شي بالموضوع أن رئيس قسم هندسة المرور بالمحافظة صرح
بأنه تم أختيار و ترتيب طرق بديلة ؟ بس لم يقل ماهي و أين تقع ؟؟
لازم المواطن يكتشفها بنفسه !!
أنا وجدت طريقة بديلة و هي بدل أن تصحى من النوم الساعة 8 و تذهب الساعة 9
تصحى من النوم الساعة 5 و تذهب الى عملك الساعة 6
هذه طرق بديلة !
و لكن المشكلة لم أجد طرق بديلة في العودة بعد الظهر :confused2: