سعر صرف الدولار والذهب مقابل الليرة السورية اليوم الخميس & الجمعة 26&27 -12- 2013

[ساحرالقلوب]

بسم الله الرحمن الرحيم




سعر صرف الدولار (https://syria-stocks.com/forum/showthread.php?t=14908) والذهب مقابل (http://syria-stocks.in/forum/showthread.php?t=16083) الليرة (http://syria-stocks.in/forum/showthread.php?t=16083) السورية




اليوم الخميس & الجمعة 26&27 - 12- 2013 (https://syria-stocks.com/forum/showthread.php?t=14908)



اهلا و سهلا و مرحبا بكم









http://syria-stocks.in/forum/attachment.php?attachmentid=5824&stc=1&d=1385427993

[ساحرالقلوب]

http://syria-stocks.in/forum/attachment.php?attachmentid=5735&stc=1&d=1382521970

[ساحرالقلوب]

ممنوع


- التحريض بأسلوب التخويف سواء على البيع أو الشراء

- الحديث والتوقعات والتنبؤات التي لا تعبر عن رأي شخصي إنما عن بث الخوف او الهلع.
- نشر الأسعار البعيدة عن حالة السوق سواء بارتفاعها أو بانخفاضها، والأسعار الواقعية لا مانع فيها ولو كانت مختلفة عن سعر السوق.
- طلبات وعروض البيع أو الشراء للدولار مقابل الليرة السورية.
- المشاحنات والمواضيع الخارجة عن اطار هدف الصالة.
- نشر أرقام الهاتف و عناوين الاميلات

- أي كلام طائفي (يتم حظر صاحبه مباشرة).

كما
يمكنم التبليغ عن المشاركات المسيئة عن طريق الضغط على رابط "التبليغ" الموجود على يمين المشاركات والموضح في الصورة التالية مع ذكر الأسباب


http://im32.gulfup.com/2F0SI.png

[ساحرالقلوب]

حسب آخر تحديث بالموقع


شراء : 144

بيع : 145



هذا السعر لمدينة دمشق



هذا لا يمنع وجود حالات لبيع و شراء بأسعار أقل أو أكثر من ذلك

[ساحرالقلوب]

https://fbcdn-photos-b-a.akamaihd.net/hphotos-ak-ash3/945450_1398219560414864_23219734_s.jpg


أسعار الذهب في السوق العالمية : 1204.15 $ للأونصة

[ساحرالقلوب]

دعاء دخول السوق
قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .

[ساحرالقلوب]

أسعد الله أوقاتكم جميعاً

الشكر الجزيل لكل المشاركات المفيدة

والمواكبة بأدق الأسعار

[نورالهدى]

صباح الخير
تمنياتنا بيوم هادئٍ مثمرٍ للجميع

[حكيم الزمان]

أسعد الله صباحكم بكل خير

وصرف عنكم برحمته كل شر

وهيئ لكم الخير في كل قدر

ورزقكم عند القضاء الصبر

[مرهف83]

السلام عليكم
على بركة الله

سئل الشافعي : يبتلى المرء أو يمكن ؟
قال : لا يمكن له حتى يبتلى

[جوليت]

خبر fresh :



حاكم المصرف المركزي السوري أديب ميالة :

وفرنا إحتياجات سورية من الغذاء والنفط والدواء بأسعار تقل عن الدول المجاورة ولدينا مخزونات إستراتيجية من المواد الأساسية لتلبية إحتياجات الشعب .

كل ما يترتب علينا من ديون حتى للدول المعادية سددناها .

مساعدة إيران وروسيا ودعم بعض الدول الصديقة ساعدانا على مواجهة الأزمة .

بعض الدول العربية أصبحت تمثل خطراً على الأمة العربية يوازي بل يفوق الخطر الإسرائيلي .

الفجوة ما بين سعر الصرف في السوق النظامية والسوداء تقلصت إلى حدود ضيقة جداً .

[مرهف83]

خبر fresh :


حاكم المصرف المركزي السوري أديب ميالة :

وفرنا إحتياجات سورية من الغذاء والنفط والدواء بأسعار تقل عن الدول المجاورة ولدينا مخزونات إستراتيجية من المواد الأساسية لتلبية إحتياجات الشعب .

كل ما يترتب علينا من ديون حتى للدول المعادية سددناها .

مساعدة إيران وروسيا ودعم بعض الدول الصديقة ساعدانا على مواجهة الأزمة .

بعض الدول العربية أصبحت تمثل خطراً على الأمة العربية يوازي بل يفوق الخطر الإسرائيلي .

الفجوة ما بين سعر الصرف في السوق النظامية والسوداء تقلصت إلى حدود ضيقة جداً .


مع ميالة مش حتقدر تغمض عينيك .. وزير اقتصاد + وزير خارجية +وزير ...

[البحر الهائج]

صباح الخير للجميع
افتتاحية مباركة أخ ساحر

[عبدالقادر]

وهلق هيك بكون وصلت مشاركاتي بصدق انشاء الله .استاذ ارنوري .من شهر.كل اسبوع كان ألي مشاركة .بمحاولة حثيثة من المركزي.بخفض سعر الدولار 100.ولكن المعطيات ما عم تكتمل .وليوم حطيت المشاركة واكتملت .وانس وقت شاف مشاركتي بعد جوليت حب يدافع عني امامك .والقرا مشاركاتي الاسابيع الماضية فهم ليوم شو كان قصدي .وهلق الانتباه .انا مدخر .ومارح اظلع .البحب .يمشي مع القطيع هو حر .وهو بيتحمل النتائج .وتأكدو المركزي عمل حسابو .ودرس كمية السوري .وعرف وين.. هي بلاها ..ودرس القعدة تحت كتير منيح.وممكن يغير بأي لحظة .لان هو هامور السوق. متل ما غير الاسابيع الاربعة الماضية .مشان .ومشان .ومشان .هدول جوليت بتعرفون.واذا في خطأ بمشاركتي يرجى الحذف

[عبدالقادر]

مع ميالة مش حتقدر تغمض عينيك .. وزير اقتصاد + وزير خارجية +وزير ...

هزلت
شايف ما اسهل الحل خلصت الحكاية كل واحد يروح على امو .بس بدك هالقطيع ما يجن ومتل ماقال استاذ عابر اذا هيك الله لايقيموا

[المعلم عمر]

السلام عليكم ورحمة الله وبركاته


أسعد الله صباحكم بالخير جميعاً


افتتاحية موفقة أخي ساحر


http://www.syria-stocks.in/forum/attachment.php?attachmentid=5914&d=1388029835

[المعلم عمر]

البنك المركزي

141.36 ل.س

142.21 ل.س

[ابن الجبل]

صباح الخير للجميع
صباح الوطن الجميل
http://farm4.staticflickr.com/3088/2637788164_e2a78d87cb_b.jpg

[عابر مجيب]

احكيلك شي كلمة استاذ عابر مشان ماحدا يطلع يقول انت قلت الدلار طلع هاد المركزي الرح يدير السوق مو انا وبجوز تكون لعبة

يسعد صباحك وصباح الجميع
ما بقي شي ينحكى ، كل الناس عاملة احتياطها وعاملة استحكامات بكياس رمل معباية دولار وذهب، لذلك قل الطلب على الدولار .
وفي ناس فردوا سوري بالسوق لتجارة المواد الغذائية ، بس اي هزة بتخليهم يكشوا ويكتر الطلب على الدولار بليلة ما فيها ضو قمر ، والهوامير بيقولوا اللي بيحب النبي يخلي .
وعلى المدى الطويل وبدون هزات ، ما بتستمر المكابرة ورح ينكشف المستور ، وتبين الليرة على حقيقتها .
بنهاية المشاركة حسيت حالي متل الشمتان ، بس بيقولوا الشريك السيء خسار وخسرو !
قديش تضرر مساكين بذكاء المركزي المؤقت ، واللي انقلب انعدام ثقة ، ما بعرف صح نسميه ذكاء وسياسة ؟!

[hamod.kopani]

السلام عليكم ورحمة الله وبركاته
صباح الخير للجميع واشكر اخ ساحر على افتتاحية

[hamod.kopani]

ميلاد مجيد ومبارك للعالم ولجميع الأخوة المسيحية

[جوليت]

صباح الخير والفل والياسمين ان شاء الله

[syrian22577]

صباح الخير للجميع

[hamod.kopani]

افتتاح عين العرب (كوباني)
شراء142_______________مبيع142.5متوفر
الليرةتركيةشراء68_______68.5

[AYMTAL]

حاكم المصرف المركزي السوري أديب ميالة :

وفرنا إحتياجات سورية من الغذاء والنفط والدواء بأسعار تقل عن الدول المجاورة ولدينا مخزونات إستراتيجية من المواد الأساسية لتلبية إحتياجات الشعب .

كل ما يترتب علينا من ديون حتى للدول المعادية سددناها .

مساعدة إيران وروسيا ودعم بعض الدول الصديقة ساعدانا على مواجهة الأزمة .

بعض الدول العربية أصبحت تمثل خطراً على الأمة العربية يوازي بل يفوق الخطر الإسرائيلي .

الفجوة ما بين سعر الصرف في السوق النظامية والسوداء تقلصت إلى حدود ضيقة جداً .[/quote]
-----------------------------------------------------------------
السلام عليكم جميعاً

الكلام باللون الأزرق برأيي الشخصي جداً كلام الأول من نوعو و يمثل انعطافة كبرى و تحول مهم جداً و مؤشر على المرحلة المقبلة بالمنطقة و خاصة انه صادر من حاكم مصرف سوريا المركزي

الكلام باللون الأحمر واضح جداً و اللبيب من الاشارة بيفهم يعني القعر الحديدي مازال 140 و سيظل الى فترة مقبلة ربما لن تقصر

دمتم بخير

[جوليت]

سيد سامح صباح الخيرات
بعد اذن حضرتك اذا بتألنا اسعار الافتتاح وشكرا جزيلا لك

[جوليت]

-----------------------------------------------------------------
السلام عليكم جميعاً

الكلام باللون الأزرق برأيي الشخصي جداً كلام الأول من نوعو و يمثل انعطافة كبرى و تحول مهم جداً و مؤشر على المرحلة المقبلة بالمنطقة و خاصة انه صادر من حاكم مصرف سوريا المركزي

الكلام باللون الأحمر واضح جداً و اللبيب من الاشارة بيفهم يعني القعر الحديدي مازال 140 و سيظل الى فترة مقبلة ربما لن تقصر

دمتم بخير[/quote]
------------------
وعليكم بالسلام ورحمة الله وعفوه

بالنسبة للون الازرق برأي المو شخصي (لأنو الكل صار بيعرف هالشي ), ماجاب شي جديد
بالنسبة للون البرتقالي لايبنى على كلام السيد ميالة الذي قاله شي (بعتقد اللبيب مابيوقع بالحفرة مرتين ,ذاكرتنا بعدا خصبة لما قالو سعر 200 كتير منيح وطبيعي وبعدا بكم يوم هبط الدولار فرد هبطة
دمنا من اللبيبين

[الياطر]

سعر الذهب عيار ٢١ ٥٠٠٠
سعر الذهب عيار ١٨ ٤٢٨٦
سعر الذهب عيار ١٤ ٣٣٣٣
سعر الذهب عيار ١٢ ٢٨٥٧

[الياطر]

سعر الذهب الكسر في اللاذقية
٤٩٤٠للمبيع ٤٩٢٠للشراء

[Sameh]

سيد سامح صباح الخيرات
بعد اذن حضرتك اذا بتألنا اسعار الافتتاح وشكرا جزيلا لك

صباح النور سيدة جوليت
للاسف لغاية الساعة ماحدا عم يرد على جواله من الصرافة
بس سعر الحريقة من تاجر
144__145
تخليص ذمم مالية ((ارقم عم يتم تداولها تسكير حسابات ))

[Sameh]

الحريقة
تم بيع 500 دولار لصراف بسعر
144.25 زبون مداوم

[عبدالقادر]

-----------------------------------------------------------------
السلام عليكم جميعاً

الكلام باللون الأزرق برأيي الشخصي جداً كلام الأول من نوعو و يمثل انعطافة كبرى و تحول مهم جداً و مؤشر على المرحلة المقبلة بالمنطقة و خاصة انه صادر من حاكم مصرف سوريا المركزي

الكلام باللون الأحمر واضح جداً و اللبيب من الاشارة بيفهم يعني القعر الحديدي مازال 140 و سيظل الى فترة مقبلة ربما لن تقصر

دمتم بخير
------------------
وعليكم بالسلام ورحمة الله وعفوه

بالنسبة للون الازرق برأي المو شخصي (لأنو الكل صار بيعرف هالشي ), ماجاب شي جديد
بالنسبة للون البرتقالي لايبنى على كلام السيد ميالة الذي قاله شي (بعتقد اللبيب مابيوقع بالحفرة مرتين ,ذاكرتنا بعدا خصبة لما قالو سعر 200 كتير منيح وطبيعي وبعدا بكم يوم هبط الدولار فرد هبطة
دمنا من اللبيبين[/quote]
وهي انتي قلتيا معناتا لعبة لسرقة المدخرات والي ماطلع بالنقل الجماعي يطلع لان رح يلحقنا سباحة

[hamod.kopani]

صباح النور سيدة جوليت
للاسف لغاية الساعة ماحدا عم يرد على جواله من الصرافة
بس سعر الحريقة من تاجر
144__145
تخليص ذمم مالية ((ارقم عم يتم تداولها تسكير حسابات ))


حسب قناعتي كما ذكرا اخ سامح راح يكون تسكيروجرد حسابات
يعني ما راح يكون في طلب الى مابعد راس سنة

[رشاد حج علي]

اسعد الله اوقاتكم بيروت ١٤٢،٥ للشراء
١٤٣ مبيع

[خليل حسو]

القامشلي
142.5 ـــــــــــــــــ 143

[سيوار كوباني]

عين العرب الدولار:142 142.5
الليرة التركية:68 68.5

[AYMTAL]

-----------------------------------------------------------------
السلام عليكم جميعاً

الكلام باللون الأزرق برأيي الشخصي جداً كلام الأول من نوعو و يمثل انعطافة كبرى و تحول مهم جداً و مؤشر على المرحلة المقبلة بالمنطقة و خاصة انه صادر من حاكم مصرف سوريا المركزي

الكلام باللون الأحمر واضح جداً و اللبيب من الاشارة بيفهم يعني القعر الحديدي مازال 140 و سيظل الى فترة مقبلة ربما لن تقصر

دمتم بخير
------------------------------------------------------------
رد ( جولييت)
وعليكم بالسلام ورحمة الله وعفوه

بالنسبة للون الازرق برأي المو شخصي (لأنو الكل صار بيعرف هالشي ), ماجاب شي جديد
بالنسبة للون البرتقالي لايبنى على كلام السيد ميالة الذي قاله شي (بعتقد اللبيب مابيوقع بالحفرة مرتين ,ذاكرتنا بعدا خصبة لما قالو سعر 200 كتير منيح وطبيعي وبعدا بكم يوم هبط الدولار فرد هبطة
دمنا من اللبيبين[/quote]
--------------------------------------------------------------------
تأخرت بالرد هلأ أجت الكهربا بس مو مشكلة
و كل ميلاد مجيد و انت بخير

بالنسبة لرأيك المو شخصي ( الكل صار بيعرف عالشي ) ما فهمت شو قصدت بس معقول انو الكل صار بيعرف انو بعض الدول العربية صارت بالنسبة لسوريا أخطر من اسرائيل ( الكيان المغتصب لفلسطين و الجولان السوري )

بالنسبة للون البرتقالي حسب رأيك ( لا يبنى على كلام السيد مياله الذي قاله أي شي) معقول انت يلي بضل بتقدس بالسيد أديب ميالة و بالمركزي بتقول هالكلام و لا حسب السوق منسوق و الغاية تبرر الوسيلة بالعكس هالمرة السيد ميالة و لاول مرة بأول الحقيقة كاملة .
يلي ال سعر 200 طبيعي بهاالاوضاع كان السيد رئيس الوزراء و بعتقد في فرق بين رئيس الوزراء و حاكم المركزي

و بأكد على جملتك دمت من اللبيبين

[AYMTAL]

الذهب العالمي http://goldprice.org/NewCharts/gold/images/gold_1d_o_USD.png

[osama289]

سلام الله عليكم
دولار حماة شراﺀ 143.20----مبيع 143.5
دمتم بخير

[black_ghost87]

مساء الخير جميعا

[black_ghost87]

بانياس-الدولار-متوفر
شراء:143-143.5
مبيع:144-144.5

[black_ghost87]

بانياس-اليورو-متوفر
شراء:195-196
مبيع:197-198

[black_ghost87]

بانياس-الذهب عيار 21 قيراط
5000 ل.س

[black_ghost87]

بانياس-الذهب الكسر
شراء:4920
مبيع:4940

[AYMTAL]

وزارة التجارة: دراسة لتحويل قيمة مواد الدعم من عينية إلى مادية

26 ديسمبر 2013 - 06:21 http://i2.wp.com/aliqtisadi.com/wp-content/uploads/2013/12/%D8%B3%D9%84%D8%B9-%D8%AC%D8%AF%D9%8A%D8%AF-1-446x319.jpg العام القادم سيشهد افتتاح صالات ومنافذ بيع جديدة في دمشق وريفها وباقي المحافظات
الاقتصادي سورية ـ وكالات:

أكد معاون وزير التجارة الداخلية وحماية المستهلك جمال شعيب، أن هناك دراسة لتحويل قيمة مواد الدعم من مستحقات عينية إلى مادية، "أي تحويل قيمة الدعم عن طريق بطاقة مصرفية".

وأكد شعيب وفقا لوكالة الأنباء الرسمية "سانا"، إلى أن العام القادم سيشهد افتتاح صالات ومنافذ بيع جديدة في دمشق وريفها وباقي المحافظات، ما سيسهم في توافر المواد بشكل كبير وبأسعار مخفضة، منوها في هذا السياق إلى أن أسعار المواد بدأت بالانخفاض فالبندورة المحلية أصبحت بـ50 والمستوردة بـ75 ليرة، إضافة إلى انخفاض باقي أسعار لمواد بعد أن شهدت ارتفاعا في سعرها نتيجة انخفاض درجات الحرارة في الفترة الماضية.

وبين شعيب أن الوزارة بصدد افتتاح مجمع الامويين مع بداية العام، ليصبح بنظام المول ويعمل على نظام الباركود، مشيرا إلى أن الوزارة انتهت من انجاز قانون حماية المستهلك ووضعت القانون الجديد على موقع التشاركية.

وفي سياق متصل بين مدير التجارة الداخلية وحماية المستهلك باسل طحان، أن المديرية ومع اقتراب الأعياد كثفت دورياتها لضبط حالات الغش، مؤكدا أن المديرية ضبطت معملا في منطقة الطلياني يصنع الكابتشينو والشوكولا بطريقة مخالفة للمواصفات الغذائية السورية.

وكانت مصادر حكومية مطلعة أوضحت مؤخرا، أن الحكومة جادة باستبدال الدعم الذي تقدمه للمواطنين عبر بعض السلع بمبالغ نقدية تصرف شهريا، من خلال الدراسة التي أعدتها الحكومة لهذا الشأن ولتوزيعها على الوزارات كافة لإبداء ملاحظاتها ورأيها بالمشروع الذي قد يوفر على الدولة وفورات هائلة من المبالغ التي تدعم بها بعض السلع والتي لا تصل إلا لنسبة أو شريحة ضيقة من المواطنين نتيجة استغلال السماسرة والتجار.

وذكر المحلل الاقتصادي عابد فضلية: أنه "لم يحدث أن تم تحويل الدعم العيني إلى نقدي ولا يوجد أي مقترحات واضحة أو تفاصيل حول الموضوع"، لافتا إلى أن في إيصال المبالغ النقدية عبر "بطاقات" تشابه البطاقات المصرفية مشكلة كبيرة، "في ظل أن البنية التحتية للمصارف السورية لا تسمح حالياً ولا حتى من خلال السنوات القادمة، بإمكانية التوسع بخدمات الصراف الآلية إلى الحجم الذي يمكنه صرف المبالغ عن طريق الصرافات".

[AYMTAL]

http://goldprice.org/NewCharts/gold/images/gold_1d_o_USD.png?0.18012686717417048الذهب العالمي و أعتقد أنه الى صعود

[ابو ليلى 44]

مسا الخير ياقوم..شو لساتكن عايشين هههههه
الله يسعد مساكن ويحميكن...

[najm]

مساء الخير
gold 1211.50
نقاط الدعم :
1187 ( 1 )
1180 ( 2 )
1155 ( 3 )
المقاومة :
1210 ( 1 )
1224 ( 2 )
1251 ( 3 )

أتوقع أرتفاع خلال الايام القادمة لسببين عملي وفني الأول زيادة الطلب بمناسبة عيد الميلاد وعيد رأس السنة والثاني موجة صاعدة تصحيحية بعد الهبوط الاخير وملامسة القاع السابق وهذه أفكار شخصية ليست مبنية على أسسس علمية أو تحليلات فنية انما على خبرة ومتابعة طويلة ..
والعلم عند الله

[خليل حسو]

الساعة
20:48:45
الليرة التركية
في أدنى مستوى أمام الدولار

2.1307

[ابو داود]

درعا لغاية الساعة 8:00 مساءا الاسعار هي
الدولار شراء 142
مبيع 143
الدينار الاردني شراء 200
مبيع 202

[najm]

الساعة
20:48:45
الليرة التركية
في أدنى مستوى أمام الدولار

2.1307


شو الأسباب اذا بتعرف مشكورا

[hamod.kopani]

شو الأسباب اذا بتعرف مشكورا
بسبب فساد مالي واستقالة ثلاثة من الوزراءاول امس

[najm]

هذا السؤال يطرح عدة أسئلة ... فساد مالي واستقالة ثلاثة وزراء أودى بالسعر الى ادنى مستوياته
أديش نسبة الانخفاض وبأي فترة زمنية .. يعني لا في حرب ولا كوارث طبيعية ولا أزمة اقتصادية بمعنى أزمة من فترة كانوا عميحكو أنو تركيا صارت من الدول المقرضة وتمتاز بنمو اقتصادي وتجاري على مستوى عالمي الى أخره ..
كيف نتركت الليرة التركية تهبط لأدنى مستوياتها من أول هزة ؟؟
ولو اني ما بعرف كتير عن النظام المالي عندون بس ما بظن ساوا حملات على الصرافة وأوقفوا تبديل النقد أو تحديد الكمية أكيد العكس بظن نتركت الامور على طبيعتها لتاخود حدها وتعكس السعر الطبيعي للعملة بحسب حجم الخبر وانعكاساته ..

[hamod.kopani]

هذا السؤال يطرح عدة أسئلة ... فساد مالي واستقالة ثلاثة وزراء أودى بالسعر الى ادنى مستوياته
أديش نسبة الانخفاض وبأي فترة زمنية .. يعني لا في حرب ولا كوارث طبيعية ولا أزمة اقتصادية بمعنى أزمة من فترة كانوا عميحكو أنو تركيا صارت من الدول المقرضة وتمتاز بنمو اقتصادي وتجاري على مستوى عالمي الى أخره ..
كيف نتركت الليرة التركية تهبط لأدنى مستوياتها من أول هزة ؟؟
ولو اني ما بعرف كتير عن النظام المالي عندون بس ما بظن ساوا حملات على الصرافة وأوقفوا تبديل النقد أو تحديد الكمية أكيد العكس بظن نتركت الامور على طبيعتها لتاخود حدها وتعكس السعر الطبيعي للعملة بحسب حجم الخبر وانعكاساته ..
هو بالاساس قبل الازمة السورية كان كل مليون ليرة يساوي 27ليرة سورية لكنهم عدلو عملة الى ليرة حتى يومنا هذا يقولون عن ليرة مليون
وفي شق السياسي اتهامات بين المعارضة وحكومة اردوغان الذي استقال ثلاثة من وزرائه بسبب فضيحة الفساد بان حكومة اردوغان يحاول ان يحكم من خلال دولة عميقة يعمل في خفاء وجاء رد حكومة من خلال وزير داخلية جديد بان حكومة تركية مستهدفةمن جيران يحسدونها بسبب نجاحتها على مستوى اقليمي ودولي

[نورالهدى]

صباح الخير
تمنياتنا بعطلة هادئة هانئة للجميع

[المعلم عمر]

السلام عليكم ورحمة الله وبركاته


أسعد الله صياحكم بالخر جميعاً




http://www.syria-stocks.in/forum/attachment.php?attachmentid=5918&d=1388123086

[غسان]

قصه متل :( أن توقد شمعه خير لك من أن تلعن الظلام )

يحكى ان اعرابيا اراد في ليله مظلمه ان يقضي بعضا من حاجته فلم يستطع بسبب شده ظلمتها فأخذ يلعن الظلام ....

.فسمعه ابوالاسود الذي كان مارا بالقرب منه فقال له :
أن توقد شمعه خير لك من أن تلعن الظلام .....
.......
.............
هون انفلت عليه الاعرابي وقال له : ليش ضل فيها شمعه ولا لمبه ....لك سنفر من خلئتي احسن ما اجي كركب واجهتك !! لك اسمك ابو الاسود انت ،،،، ناقصك انا ؟؟ يخرب بيتك من حالك هلكتنا بالفصحى يازلمه قل ولا تقل
بدي اوقد كرسي الحمام وادفى عليه منيح هيك قال شعيل شمعه قال لاء اوقد اوقد يعدمني ياك بليله مافيا ضو قمر متل هالليله الفرجه
:::
بانت علامه الدهشه على وجه ابو الاسود الذي لم يفهم ولا كلمه من الاعرابي ولكنه قال له :
انت سوري مو؟؟. ....
خلص معك حق معك حق ،،،،،،،،،، ياعليي عليك ،،،،،، يلعن ابو الظلام برجلي

[ADIB]

صباح الخير جميعا

[ADIB]

الذهب عالميا 1213 مو 1118

[خليل حسو]

الليرة التركية
في انخفاض مستمر أمام الدولار
الساعة
12:26:44

2.1671

[عبدالقادر]

اه اه من صبر برا حالنا وجعتنا بالجوف مغتما هلق بيطلع واحد بيسألني انت مهندس بقلوا لاء بياع فجل .وبيطلع التاني بيسألني انت شاري بالغالي بقلوا لاء انا بايع بالرخيص

[خليل حسو]

القامشلي

الدولار
142.60 ــــــــــــــ 142.90
الليرة التركية
66.5 ـــــــــــــــــــ 67.5

[najm]

قال لقمان (عليه السلام) لإبنه : يا بُنَيَّ ذُقتُ الصَّبرَ ، وأَكَلتُ لِحَاء َ الشَّجَر , فَلَم أجد شَيئاً هُوَ أمرُّ مِنَ الفَقر .. فإن بُليتَ بهِ يَوماً ، لَا تُظهرِ النَّاسَ عَلَيهِ فَيَستَهينُوكَ ولا يَنفَعُوكَ بِشَيء .. ارجع إلى الَّذي ابتَلَاكَ بِهِ ، فَهُوَ أقدَرُ عَلَى فَرَجكَ ، وَسَلهُ ... مَن ذَا الَّذِي سَأَلَهُ فَلَم يُعطِهِ ... أو وثِقَ بهِ فَلَم يُنجهِ؟

[najm]

http://www.kitco.com/images/live/gold.gif

[عبدالقادر]

الدهب ماعم يحسن يشد بالطلوع والاخبار ليوم كلا بتعطيه رفسة لورا .كأن العالم شافوه مركب عم يغرق فقررو يعطو رفسة

[hash]

أكد رئيس "الجمعية الحرفية للصاغة والمجوهرات بدمشق وريفها" غسان جزماتي، أن الجمعية قامت بوضع آلية جديدة لمراقبة السوق وذلك لمنع انتشار ظاهرة غش وتزوير القطع الذهبية في السوق.

وعن الآلية الجديدة أوضح جزماتي لموقع "سيريانديز" الالكتروني، "يطلب من كل صاحب ورشة إرسال جميع القطع المشغولة ليتم فحص كل قطعة للتأكد منها إن كانت مشغولة بشكل صحيح أو يوجد تلاعب بها، وفي حال كانت القطعة مزورة أو مخالفة للمعايير فيتم كسر باقي القطع، كما تم تشديد الرقابة على جميع الأونصات والليرات الذهبية الموجودة لدى الصاغة". نقلا عن ا لاقتصادي اون لاين

[hash]

أكد "سامي الخطيب رئيس المجلس السوري لزيت الزيتون " في تصريح خاص لموقع "B2B" أن هنالك عدد من التجار يقومون بتهريب زيت الزيتون التركي إلى سوريا ويحصلون على وثائق من غرف التجارة بأن منشأ الزيت سوري لتصديره إلى إيران للاستفادة من ميزات الخط الائتماني الايراني وهذا أخطر من تهريب الزيت السوري لتركيا وأوضح أن أسعار الزيت الحالية مقبولة في ضوء الكلف العالية المترتبة على المزارعين من مستلزمات الانتاج وأجور اليد العاملة ولكن للاسف يقوم سماسرة الزيت بشراء معظم الانتاج من المعاصر وتخزينه وبيعه بأسعار مرتفعة في فترات لاحقة . نقلا عن b2b

[AYMTAL]

http://goldprice.org/NewCharts/gold/images/gold_1d_o_USD.png?0.4034651625145488

[جوليت]

هذا السؤال يطرح عدة أسئلة ... فساد مالي واستقالة ثلاثة وزراء أودى بالسعر الى ادنى مستوياته
أديش نسبة الانخفاض وبأي فترة زمنية .. يعني لا في حرب ولا كوارث طبيعية ولا أزمة اقتصادية بمعنى أزمة من فترة كانوا عميحكو أنو تركيا صارت من الدول المقرضة وتمتاز بنمو اقتصادي وتجاري على مستوى عالمي الى أخره ..
كيف نتركت الليرة التركية تهبط لأدنى مستوياتها من أول هزة ؟؟
ولو اني ما بعرف كتير عن النظام المالي عندون بس ما بظن ساوا حملات على الصرافة وأوقفوا تبديل النقد أو تحديد الكمية أكيد العكس بظن نتركت الامور على طبيعتها لتاخود حدها وتعكس السعر الطبيعي للعملة بحسب حجم الخبر وانعكاساته ..

تحية لك سيد نجم :
الازمة التركية المتصاعدة التي قد تطيح بأردوغان لاتزال في طورها الاولي , وحضرتك عم تقول انو الاتراك تركو الامور على طبيعتا لتأخد حدودها ليرتون ,بالمقابل نحنا عنا بسوريا انتركت سنة كاملة الامور بدون اي تتدخل يذكر وما انخفضت كتير الليرة السورية خلال هالسنة مع العلم انو الشي يلي كان صاير عنا بالسنة الأولى شي كبير ولا يستهان به , النظام المالي التركي لا يقارن بالنظام المالي السوري (الدعم ) ...... النظام المالي السوري نظام متماسك يستمد قوته من حلفائو المالليين , ويمكن حضرتك سمعت السيد ميالة مبارح الصبح وقت حكى عن الحلفاء الماليين روسيا وايران ...فشو جاب لجاب مافي مقارنة بين الليرة السورية والتركية (الضعيفة الهشة ) حتى مافي مقارنة بين مركزي تركي ومركزي سوري ولاتنسى والاهم ماعندون ميالة للاسف

[عبدالقادر]

تحية لك سيد نجم :
الازمة التركية المتصاعدة التي قد تطيح بأردوغان لاتزال في طورها الاولي , وحضرتك عم تقول انو الاتراك تركو الامور على طبيعتا لتأخد حدودها ليرتون ,بالمقابل نحنا عنا بسوريا انتركت سنة كاملة الامور بدون اي تتدخل يذكر وما انخفضت كتير الليرة السورية خلال هالسنة مع العلم انو الشي يلي كان صاير عنا بالسنة الأولى شي كبير ولا يستهان به , النظام المالي التركي لا يقارن بالنظام المالي السوري (الدعم ) ...... النظام المالي السوري نظام متماسك يستمد قوته من حلفائو المالليين , ويمكن حضرتك سمعت السيد ميالة مبارح الصبح وقت حكى عن الحلفاء الماليين روسيا وايران ...فشو جاب لجاب مافي مقارنة بين الليرة السورية والتركية (الضعيفة الهشة ) حتى مافي مقارنة بين مركزي تركي ومركزي سوري ولاتنسى والاهم ماعندون ميالة للاسف
مع افكارك انتي بس عرفنا نكره عملتنا ونحس وقولي انك غلطانة غلطانة بس قوليها لو حتى بعينكي لو بوصف لليرة وصف وبكتبا حرف حرف ما بتعرفي بكلامك شو ساويتي الليرة لعبة بأيديكي

[hash]

تحية لك سيد نجم :
الازمة التركية المتصاعدة التي قد تطيح بأردوغان لاتزال في طورها الاولي , وحضرتك عم تقول انو الاتراك تركو الامور على طبيعتا لتأخد حدودها ليرتون ,بالمقابل نحنا عنا بسوريا انتركت سنة كاملة الامور بدون اي تتدخل يذكر وما انخفضت كتير الليرة السورية خلال هالسنة مع العلم انو الشي يلي كان صاير عنا بالسنة الأولى شي كبير ولا يستهان به , النظام المالي التركي لا يقارن بالنظام المالي السوري (الدعم ) ...... النظام المالي السوري نظام متماسك يستمد قوته من حلفائو المالليين , ويمكن حضرتك سمعت السيد ميالة مبارح الصبح وقت حكى عن الحلفاء الماليين روسيا وايران ...فشو جاب لجاب مافي مقارنة بين الليرة السورية والتركية (الضعيفة الهشة ) حتى مافي مقارنة بين مركزي تركي ومركزي سوري ولاتنسى والاهم ماعندون ميالة للاسف
برأيك وأت المركزي ترك العملة تنهار وصل سعر الدولار 300 وما فوق وفي كتيرتجار استوردت على دولار 300 وفي كتير ناس مدخرين اموالون على دولار 300 بعدين اتذكر المركزي انو لازم يدخل يعني عمليا الناس خسرت نص راسمالا والسلع اضاعف سعراومزال المركزي عندو القدرة القوية ليش ما ادخل من الاول والناس ما كانت خسرت ولا انخرب بيتا

[عبدالقادر]

برأيك وأت المركزي ترك العملة تنهار وصل سعر الدولار 300 وما فوق وفي كتيرتجار استوردت على دولار 300 وفي كتير ناس مدخرين اموالون على دولار 300 بعدين اتذكر المركزي انو لازم يدخل يعني عمليا الناس خسرت نص راسمالا والسلع اضاعف سعراومزال المركزي عندو القدرة القوية ليش ما ادخل من الاول والناس ما كانت خسرت ولا انخرب بيتا
وهاد بيت القصيد ما هي الا ايام معدودة وطالعين لنفس المستويات ومنذكر بعض

[أحمد الأحمد]

تحية لك سيد نجم :
الازمة التركية المتصاعدة التي قد تطيح بأردوغان لاتزال في طورها الاولي , وحضرتك عم تقول انو الاتراك تركو الامور على طبيعتا لتأخد حدودها ليرتون ,بالمقابل نحنا عنا بسوريا انتركت سنة كاملة الامور بدون اي تتدخل يذكر وما انخفضت كتير الليرة السورية خلال هالسنة مع العلم انو الشي يلي كان صاير عنا بالسنة الأولى شي كبير ولا يستهان به , النظام المالي التركي لا يقارن بالنظام المالي السوري (الدعم ) ...... النظام المالي السوري نظام متماسك يستمد قوته من حلفائو المالليين , ويمكن حضرتك سمعت السيد ميالة مبارح الصبح وقت حكى عن الحلفاء الماليين روسيا وايران ...فشو جاب لجاب مافي مقارنة بين الليرة السورية والتركية (الضعيفة الهشة ) حتى مافي مقارنة بين مركزي تركي ومركزي سوري ولاتنسى والاهم ماعندون ميالة للاسف

حقيقة وبعد قراءتي لهأذا التحليل المميز والذكي جدا جدا والنتيجة والاستنتاج الرائع بأن من يعيش على الديون أفضل بكثير من تلذي يملك رأس المال والقادر على ادانة الاخرين.
لذاااا قررت ان لا ادخل المنتدى الا كزائر مادام هذا الكاتب موجودا فيه ...تخنت كتير ..اكتشفت حالي كتير صغير وعبي .
بالحقيقة بحثت عن كيفية الغاء اشتراكي ولم اجده .لذلك اطلب من المشرفين التكرم والقيام بالمهمة

[mak]

تحية لك سيد نجم :
الازمة التركية المتصاعدة التي قد تطيح بأردوغان لاتزال في طورها الاولي , وحضرتك عم تقول انو الاتراك تركو الامور على طبيعتا لتأخد حدودها ليرتون ,بالمقابل نحنا عنا بسوريا انتركت سنة كاملة الامور بدون اي تتدخل يذكر وما انخفضت كتير الليرة السورية خلال هالسنة مع العلم انو الشي يلي كان صاير عنا بالسنة الأولى شي كبير ولا يستهان به , النظام المالي التركي لا يقارن بالنظام المالي السوري (الدعم ) ...... النظام المالي السوري نظام متماسك يستمد قوته من حلفائو المالليين , ويمكن حضرتك سمعت السيد ميالة مبارح الصبح وقت حكى عن الحلفاء الماليين روسيا وايران ...فشو جاب لجاب مافي مقارنة بين الليرة السورية والتركية (الضعيفة الهشة ) حتى مافي مقارنة بين مركزي تركي ومركزي سوري ولاتنسى والاهم ماعندون ميالة للاسف

برأيك وأت المركزي ترك العملة تنهار وصل سعر الدولار 300 وما فوق وفي كتيرتجار استوردت على دولار 300 وفي كتير ناس مدخرين اموالون على دولار 300 بعدين اتذكر المركزي انو لازم يدخل يعني عمليا الناس خسرت نص راسمالا والسلع اضاعف سعراومزال المركزي عندو القدرة القوية ليش ما ادخل من الاول والناس ما كانت خسرت ولا انخرب بيتا


لا تنسى انو اول فترة من (الأزمة) و قت كانو عم يقولو انو خلصت (من اكتر من سنتين و نص) كان المركزي عم يبيع 10000 دولار كل شهر للإدخار الشخصي!!!!.......و اذا بتراقب مي كان عم يستفيد من ما اسميه للسرقة الموصوفة لاحتياطيات البلد هم كبار التجار و الصناعيين و المسؤوليين ......كل واحد بيبعت كل شهر العمال و الموظفين البسطاء و بيسحب على اسمهم يللي فيه النصيب.......يعني هي الطبقة لمت كميات هائلة من الدولارات على سعر حوالي ال 50 ......كتير منها صار برا ...و جزء ضل هون مشان اللعبة تبع ال 300 يللي ساووها ...من اجل سرقة ما تبقى بايدي مواطني هذا البلد (بمباركة و مشاركة من مسؤولي المركزي)

اما بالنسبة للدعم ....لازم نفرق بين الدعم و بين البيع ...خصوصا عندما يبيع احد ما شيئا ليس ملكه......و الله يجيرنا من عواقب هذا (الدعم)

[جوليت]

لا تنسى انو اول فترة من (الأزمة) و قت كانو عم يقولو انو خلصت (من اكتر من سنتين و نص) كان المركزي عم يبيع 10000 دولار كل شهر للإدخار الشخصي!!!!.......و اذا بتراقب مي كان عم يستفيد من ما اسميه للسرقة الموصوفة لاحتياطيات البلد هم كبار التجار و الصناعيين و المسؤوليين ......كل واحد بيبعت كل شهر العمال و الموظفين البسطاء و بيسحب على اسمهم يللي فيه النصيب.......يعني هي الطبقة لمت كميات هائلة من الدولارات على سعر حوالي ال 50 ......كتير منها صار برا ...و جزء ضل هون مشان اللعبة تبع ال 300 يللي ساووها ...من اجل سرقة ما تبقى بايدي مواطني هذا البلد (بمباركة و مشاركة من مسؤولي المركزي)

اما بالنسبة للدعم ....لازم نفرق بين الدعم و بين البيع ...خصوصا عندما يبيع احد ما شيئا ليس ملكه......و الله يجيرنا من عواقب هذا (الدعم)
سيد ماك تحية لك ماتفضلت به اوافقك الرأي , أكبر غلطة بتاريخ المركزي كانت موضوع 10000 ,ولم يستفد المواطنين البسطاء من ذلك الأمر , ماتفضلت به صحيح الذي استفاد التجار الكبار صح مية مية ولكن مين طلع هالقرار ؟؟؟؟؟ بس للأمانة وبرأي الشخصي موضوع الرفع 300 لادخل له المركزي ابدا والموضوع اكبر واعقد من ذلك

[جوليت]

حقيقة وبعد قراءتي لهأذا التحليل المميز والذكي جدا جدا والنتيجة والاستنتاج الرائع بأن من يعيش على الديون أفضل بكثير من تلذي يملك رأس المال والقادر على ادانة الاخرين.
لذاااا قررت ان لا ادخل المنتدى الا كزائر مادام هذا الكاتب موجودا فيه ...تخنت كتير ..اكتشفت حالي كتير صغير وعبي .
بالحقيقة بحثت عن كيفية الغاء اشتراكي ولم اجده .لذلك اطلب من المشرفين التكرم والقيام بالمهمة
سيد احمد مابدا كل هالتشنج ؟؟ ليش لما حط مداخلة لازم يفهما البعض وكأنو مهاجمة أو شي ؟؟؟ طيب الحقيقة هيك هلأ ,شو بدك بغمض عيوني وبقول غير هيك ؟؟؟ شو رأيك بلد متل سوريا العجلة الاقتصادية واقفة ,معامل مدمرا ,نفط عم ينسرق يوميا , عقوبات خيرات الله , طيب العمل ؟؟؟ شو برأيك ؟؟؟ يعني الله سبحانو وتعالى بالعين مانشاف بس بالعقل انعرف , بتمنى تروق وانا سياسة ماعاد احكي طالما في عالم عم تتدايق وانا ماقصدي شي الله بيشهد , يازلمة صرت حاسة عم بتعامل من البعض بالمنتدى وكأني عدوة الكن ؟ شو منشان , يعني اختلاف بالرأي لازم يوصل لمرحلة العداوة ؟؟؟ برأي أكيد لأ
السيد نجم قال شي وانا عقبت عامداخلتو شو فيا ؟؟؟ اعتبرا مداخلة غبية , طيب بتستلزم منك هالرد وهالطريقة وانو ماعاد بدك تشارك والخ , جد مو حلوة بنوب
وانا بدي شارك بحرية ولكن ضمن حدود الادب وانت الك الحق متل ماالي واكتر وهيك مابصير شي

[عبدالقادر]

حقيقة وبعد قراءتي لهأذا التحليل المميز والذكي جدا جدا والنتيجة والاستنتاج الرائع بأن من يعيش على الديون أفضل بكثير من تلذي يملك رأس المال والقادر على ادانة الاخرين.
لذاااا قررت ان لا ادخل المنتدى الا كزائر مادام هذا الكاتب موجودا فيه ...تخنت كتير ..اكتشفت حالي كتير صغير وعبي .
بالحقيقة بحثت عن كيفية الغاء اشتراكي ولم اجده .لذلك اطلب من المشرفين التكرم والقيام بالمهمة
اخ احمداحمد لا تحملا ماانت قلتلي تروك الامر لله وطول بالك

[جوليت]

رجاء خاص من الادارة الكريمة وعلى رأسهم السيد رامي العطار المحترم بعدم حذف هذه المشاركة ورجاء قلبي

موضوع المشاركة : التصويت الديموقراطي على عدم مشاركة العضو في منتدى سيرياستوكس المدعو جوليت المحترمة

ألية التصويت :زر الكشر بوضعه على المشاركة يعني الموافقة على عدم مشاركة العضو المذكور اعلاه

تقييم نجاح التصويت لصالح عدم المشاركة :أكبر نسبة تواجد للأعضاء في أحد الايام على ماأظن 100 فاذا النسبة 50 + 1 تعني عدم الموافقة على مشاركة العضو بالمنتدى اي تقريبا 47 عضو لأنو مو متأكدة من 100

المشاركة تنشر الجمعة والسبت والأحد , العضو الواحد لا يحق له التصويت أكثر من مرة

مع احترامي للجميع : اعضاء التثقيل : السيد عابر المجيب 5 ( أي زر الشكر يحسب 5 ) , السيد ماك 3 , السيد ايتمال 3 , السيد أحمد الاحمد 3 ,السيد عمار اللامي 3 , السيد جمال 3 , السيد مرهف 3,السيد اسامة 3


عند نجاح التصويت صدقا ستنسون اسم جوليت ,الرجاء من الجميع التفكير مليا قبل وضع الزر والتخلي عن شخصنة الامور

ملاحظة هامة برأي : نجاح التصويت ستقدمون خدمة كبيرة لناس برا المنتدى واظن ان اغلبيتكن بتكرهون

ملاحظة هامة 2 : اذا فشل التصويت (ان شاء لله ) رح ضل شارك بنفس الطريقة ونفس الاسلوب ويحق للجميع انتقادي ولكن الميثاق الشرفي الذي سأخذه من الجميع عند فشل التصويت عدم وضع اي عبارة تحمل الاهانة لشخصي وشكرا


الرجاء ثم الرجاء من الادراة عدم حذف المشاركة لاتها مشاركة ديمقراطية بحتة , والمنتدى برأي ديمقراطي وشكرا جزيلا لكم

[shereen]

مساء الخير قريتو من شوي علفيس

مع الدعوات لتخفيض سعر الصرف الى 100 ليرة سورية

وللإفادة نعيد رأينا الذي وضّحناه عدّة مرّات ...

بدايةً عند وصول سعر صرف الدولار إلى 300 ليرة لم يتوقع أحد انخفاضها سوى المركزي الذي طرح الدولار بسعر 250 ومن ثم 230 ومن ثم 175 والآن يبيعه ب 150
ولا يمكن أن يتوقع أي شخص في العالم سعر صرف الليرة المناسب سوى من خلال قرار المصرف المركزي السوري ..
وللتوضيح الاقتصادي نبين :

إن الصادرات بأنواعها ومن ضمنها النفطية متوقفة والإنتاج الصناعي بأنواعه متوقف والإنتاج الزراعي منهوب و في غياب أي مصادر للدخل القومي من أنشطة سياحية وصناعية وزراعية وخدمية و ضرائب ورسوم وعائدات تشغيل المنافذ الحدودية والموانئ وغيرها من مصادر الدخل سواء أكانت بالليرة السورية أو بالقطع الأجنبي وهي إن وجدت تكون بالحدود الدنيا !!..
وبالتالي من المفترض أن تكون الليرة السورية منهارة تماماً !!!!! ..
ولكن قوة ومتانة احتياطيات المصرف المركزي مع مهارة في الإدارة لسعر الصرف بالتزامن مع التطورات السياسية والعسكرية وحسن توظيف مساعدات الأصدقاء قد أدّت دورها تماماً , سواءاً تم فهم هذه الإجراءات أم لم يتم فهمها اقتصادياً كون الحرب كانت وستبقى خدعة ..
و ليس المطلوب من المركزي تبرير أي تصرف ما دام يحافظ على سعر الصرف عند السعر الذي يقرره والذي يراه اقتصادياً وفق مصلحة الدولة في معركتها ..

وتبقى الأسعار ضمن مسؤولية مختلفة لا نستطيع أن نربطها مع سعر صرف الليرة كون أسعار الصرف لا تتدخل في مجمل الأسعار بنسبة تزيد عن 20% ..

ومن المناسب للاقتصاد السوري عملياً تثبيت سعر الصرف أكثر من السعي المستمر لتخفيضه
وذلك أن الحركة المستمرة والتذبذب في سعر الصرف يوقف ما تبقى من الحركة الاقتصادية في البلد بالكامل بسبب توقف قدرة الأبطال السوريين الذين يحاولون تصدير بعض المنتجات السورية من فائض المواسم الزراعية والصناعات النسيجية وغيرها ...

و باشراقة أمل نتمنى سرعة انتهاء هذه الأزمة التي تمر بالبلاد ويعود اقتصادنا مزدهراً وقد بدأت بشائر الخير بعقد عمريت للتنقيب على النفط على السواحل السورية ..

الاقتصادي اياد أنيس محمد

[أبو تيم]

رجاء خاص من الادارة الكريمة وعلى رأسهم السيد رامي العطار المحترم بعدم حذف هذه المشاركة ورجاء قلبي

موضوع المشاركة : التصويت الديموقراطي على عدم مشاركة العضو في منتدى سيرياستوكس المدعو جوليت المحترمة

ألية التصويت :زر الكشر بوضعه على المشاركة يعني الموافقة على عدم مشاركة العضو المذكور اعلاه

تقييم نجاح التصويت لصالح عدم المشاركة :أكبر نسبة تواجد للأعضاء في أحد الايام على ماأظن 100 فاذا النسبة 50 + 1 تعني عدم الموافقة على مشاركة العضو بالمنتدى اي تقريبا 47 عضو لأنو مو متأكدة من 100

المشاركة تنشر الجمعة والسبت والأحد , العضو الواحد لا يحق له التصويت أكثر من مرة

مع احترامي للجميع : اعضاء التثقيل : السيد عابر المجيب 5 ( أي زر الشكر يحسب 5 ) , السيد ماك 3 , السيد ايتمال 3 , السيد أحمد الاحمد 3 ,السيد عمار اللامي 3 , السيد جمال 3 , السيد مرهف 3,السيد اسامة 3


عند نجاح التصويت صدقا ستنسون اسم جوليت ,الرجاء من الجميع التفكير مليا قبل وضع الزر والتخلي عن شخصنة الامور

ملاحظة هامة برأي : نجاح التصويت ستقدمون خدمة كبيرة لناس برا المنتدى واظن ان اغلبيتكن بتكرهون

ملاحظة هامة 2 : اذا فشل التصويت (ان شاء لله ) رح ضل شارك بنفس الطريقة ونفس الاسلوب ويحق للجميع انتقادي ولكن الميثاق الشرفي الذي سأخذه من الجميع عند فشل التصويت عدم وضع اي عبارة تحمل الاهانة لشخصي وشكرا


الرجاء ثم الرجاء من الادراة عدم حذف المشاركة لاتها مشاركة ديمقراطية بحتة , والمنتدى برأي ديمقراطي وشكرا جزيلا لكم


بسم الله على عقلك
ياسيد هاد موقع أقتصادي مهم مو موقع للأطفال إذا موعايش طفولتك لسع روح عيشها بعيد عن هل المنتدى؟؟؟
وحترم الأعضاء

[جوليت]

بسم الله على عقلك
ياسيد هاد موقع أقتصادي مهم مو موقع للأطفال إذا موعايش طفولتك لسع روح عيشها بعيد عن هل المنتدى؟؟؟
وحترم الأعضاء
انا لما حطيت المشاركة حطيتا لناس محترمين ,فأكيد مارح تعجبك والموقع اكبر من انو موقع اقتصادي ويلي متل حضرتك بهيك كلام لا اخلاقي اكيد مارح يفهم هالكلام وشكرا
وانا متمسكة بالمشاركة والادارة بس تحذفا بكون عملت يلي علي , وحضرتك عجبك تحترم مشاركتي منيح ماعجبك بعد اذنك ضل ساكت , لأنوكل شي ومتكون مفكر حالك متل ماقال البعض انك سيد القوم , انت سيد حالك ,فرجاء احترم حالك ولاتصادر رأي غيرك
وبالنسبة لعقلي ان بسم الله عليه , بتمنى انو يكون بسم الله علي وهادا فضل من الله ساعتا

[جوليت]

برأيك وأت المركزي ترك العملة تنهار وصل سعر الدولار 300 وما فوق وفي كتيرتجار استوردت على دولار 300 وفي كتير ناس مدخرين اموالون على دولار 300 بعدين اتذكر المركزي انو لازم يدخل يعني عمليا الناس خسرت نص راسمالا والسلع اضاعف سعراومزال المركزي عندو القدرة القوية ليش ما ادخل من الاول والناس ما كانت خسرت ولا انخرب بيتا

ليش اخي اديش ضل رقم 300 ؟؟؟ كم يوم؟؟؟ كل شي ومايكون عم تحاول تقنعني انو التجار لحقت تفتح اعتماد وتجيب بضاعة عا300 خلال كم يوم ؟؟؟؟
التجار ضلو عم ياخدو من المركزي دولارن للاستيراد بين 160 --- وبعض الاحيان 180 ( عدد قليل ) طبعا مو الكماليات شو المسوغ لحتى يحسبو عا 300 ؟؟؟ ولا الشغلة سرقة وبس

[المسار]

مساء الخير على الجميع

[المسار]

رجاء خاص من الادارة الكريمة وعلى رأسهم السيد رامي العطار المحترم بعدم حذف هذه المشاركة ورجاء قلبي

موضوع المشاركة : التصويت الديموقراطي على عدم مشاركة العضو في منتدى سيرياستوكس المدعو جوليت المحترمة

ألية التصويت :زر الكشر بوضعه على المشاركة يعني الموافقة على عدم مشاركة العضو المذكور اعلاه

تقييم نجاح التصويت لصالح عدم المشاركة :أكبر نسبة تواجد للأعضاء في أحد الايام على ماأظن 100 فاذا النسبة 50 + 1 تعني عدم الموافقة على مشاركة العضو بالمنتدى اي تقريبا 47 عضو لأنو مو متأكدة من 100

المشاركة تنشر الجمعة والسبت والأحد , العضو الواحد لا يحق له التصويت أكثر من مرة

مع احترامي للجميع : اعضاء التثقيل : السيد عابر المجيب 5 ( أي زر الشكر يحسب 5 ) , السيد ماك 3 , السيد ايتمال 3 , السيد أحمد الاحمد 3 ,السيد عمار اللامي 3 , السيد جمال 3 , السيد مرهف 3,السيد اسامة 3


عند نجاح التصويت صدقا ستنسون اسم جوليت ,الرجاء من الجميع التفكير مليا قبل وضع الزر والتخلي عن شخصنة الامور

ملاحظة هامة برأي : نجاح التصويت ستقدمون خدمة كبيرة لناس برا المنتدى واظن ان اغلبيتكن بتكرهون

ملاحظة هامة 2 : اذا فشل التصويت (ان شاء لله ) رح ضل شارك بنفس الطريقة ونفس الاسلوب ويحق للجميع انتقادي ولكن الميثاق الشرفي الذي سأخذه من الجميع عند فشل التصويت عدم وضع اي عبارة تحمل الاهانة لشخصي وشكرا


الرجاء ثم الرجاء من الادراة عدم حذف المشاركة لاتها مشاركة ديمقراطية بحتة , والمنتدى برأي ديمقراطي وشكرا جزيلا لكم


بظن اذا عملتي صوت الاستاذ عابر 50+1 لحالو مش رح يحط اشكر

(مسيك بالخير استاذي)

[جوليت]

سيد المسار بعد اذنك انا حطيت المشاركة مو منشان كل واحد يحط تعليق عليا وفتح باب للجدال , يلي بحب يشارك فيا بشكرو ويلي مابحب رجاءا بلا التعليقات يلي بلا داعي وشكرا ومسا النور ... وانا جدية فيا
واخر همي اذا حط او ماحط , لاتحكي عن الزلمة شي ماقالو , بختلف معو بس بحترمو

[عبدالقادر]

هلق شيرين شو رأيك بالتقرير الحطيتيه معناتا مناداتي من ثلات جمع كانت صحيحة ولكن كنب عمقول داخليا قطيع مارح يمشي وبما اني البسمار الأخير نحط عالفيسبوك فبعتبر خلص مشي وبجوز اقل من 100

[shereen]

هلق شيرين شو رأيك بالتقرير الحطيتيه معناتا مناداتي من ثلات جمع كانت صحيحة ولكن كنب عمقول داخليا قطيع مارح يمشي وبما اني البسمار الأخير نحط عالفيسبوك فبعتبر خلص مشي وبجوز اقل من 100
والله مافهمت عليك بس بالمشاركة وكاتبها محلل قريب من المركزي قال انو الحفاظ على السعر اهم من تخفيضه

[جوليت]

هلق شيرين شو رأيك بالتقرير الحطيتيه معناتا مناداتي من ثلات جمع كانت صحيحة ولكن كنب عمقول داخليا قطيع مارح يمشي وبما اني البسمار الأخير نحط عالفيسبوك فبعتبر خلص مشي وبجوز اقل من 100

انا مستغربة هيك كلام شو قصدك اقل من 100 , انت ملاحظ سيد عبد القادر انو ماعندك لامعلومات ولاشي وانت عم تحط كلام بس , شو يعني قصدك اقل من 100 ؟؟؟ يعني الدولار بدو ينزل لتحت 100 , فهمني بس كيف , واذا عندك معلومات ,اول عندي معلومات ومو شرط تذكرا بس عالقليلة أول انك مستند عاشي

[shereen]

انا مستغربة هيك كلام شو قصدك اقل من 100 , انت ملاحظ سيد عبد القادر انو ماعندك لامعلومات ولاشي وانت عم تحط كلام بس , شو يعني قصدك اقل من 100 ؟؟؟ يعني الدولار بدو ينزل لتحت 100 , فهمني بس كيف , واذا عندك معلومات ,اول عندي معلومات ومو شرط تذكرا بس عالقليلة أول انك مستند عاشي
الاخ عبد القادر عندو ضمير مستند عليه بس في ناس مو مستندة على محرمة

[المسار]

سيد المسار بعد اذنك انا حطيت المشاركة مو منشان كل واحد يحط تعليق عليا وفتح باب للجدال , يلي بحب يشارك فيا بشكرو ويلي مابحب رجاءا بلا التعليقات يلي بلا طعمة وشكرا ومسا النور ... وانا جدية فيا
واخر همي اذا حط او ماحط , لاتحكي عن الزلمة شي ماقالو , بختلف معو بس بحترمو

اولا انا قلت بظن يعني ما حكيت عنو

ثانيا يا مناديت الآداب ما عمنحكي شي بلا طعمة(والتزاما منا بادبيات المنتدى نحتجب عن الرد)

ثالثا طريقتك هذه انتقاص من جميع الاعضاء الاكارم

رابعا والاهم (((رحم الله عبدا عرف حده فوقف عنده)))؟؟؟؟؟؟؟؟؟؟

[جوليت]

الاخ عبد القادر عندو ضمير مستند عليه بس في ناس مو مستندة على محرمة
ضميرو الو انو الدولار نازل تحت المية ؟؟؟؟ امانة راجع مشاركتك ابل ماتحطي مو ناقصيين صف حكي منشان الله

[جوليت]

اولا انا قلت بظن يعني ما حكيت عنو

ثانيا يا مناديت الآداب ما عمنحكي شي بلا طعمة(والتزاما منا بادبيات المنتدى نحتجب عن الرد)

ثالثا طريقتك هذه انتقاص من جميع الاعضاء الاكارم

رابعا والاهم (((رحم الله عبدا عرف حده فوقف عنده)))؟؟؟؟؟؟؟؟؟؟

سيد المسار المشاركة عادية يلي حطيتا تبع التصويت وبعدين طريقة ديمقراطية عجبك شارك ماعجبك لاتشارك بس , وفكر شوي بتلاقي انو انا ثلاث ارباع كلامي مو موجه للاعضاء
وبالنسبة لبلا طعمة اسفة عليا وكمان هلأ بعدلا

[رشاد حج علي]

مسا الخير جميعا قالتلي العصفورة الدولار رح ينزل مو مستند عأي معلومات ولاتأخدو مني غير الكذب اللي بحب يقامر يقامر والتجارة ربح وخسارة بالنسبة للاخت جوليت ملاحظ كتير الضغط عالهعضو يعني مثلا اذا انا قلت الدولار 100 ل س كلنا بالسوق ومنعرف محدا مضطر ياخد عكلام حدا بالنهاية الربح الك والخسارة الك عفوا عالتدخل والاطالة وتحياتي للاستاذ المسار فقدتك اليوم

[shereen]

ضميرو الو انو الدولار نازل تحت المية ؟؟؟؟ امانة راجع مشاركتك ابل ماتحطي مو ناقصيين صف حكي منشان الله
انت فهمان عليي بس عم تلعب دور الاحمق

[جوليت]

انت فهمان عليي بس عم تلعب دور الاحمق
يا سيدتي عندك معلومات انتي او السيد عبد القادر انو نازل تحت المية حطو انو عنا معلومات , ماعندكن لأتأليلي ضمير ومابعرف شو ... يعني مو معقول هالحكي , بعدين لعلمك الكاتب يلي اقتبستي عنو المشاركة مو قريب من المركزي , قريب من الاستاذ ناصر قنديل المحترم

[hash]

ليش اخي اديش ضل رقم 300 ؟؟؟ كم يوم؟؟؟ كل شي ومايكون عم تحاول تقنعني انو التجار لحقت تفتح اعتماد وتجيب بضاعة عا300 خلال كم يوم ؟؟؟؟
التجار ضلو عم ياخدو من المركزي دولارن للاستيراد بين 160 --- وبعض الاحيان 180 ( عدد قليل ) طبعا مو الكماليات شو المسوغ لحتى يحسبو عا 300 ؟؟؟ ولا الشغلة سرقة وبس
طيب شورأيك انا بعر تلات تجار اشترو دولار على سعر 300 وحولو للخارج واستوردو بضاعة على هل سعرولبين ما وصلت البضاعة كان الدولار صار اريب ل 200والتاجر اكيد مابحب الخسارة يعني اذاما كان في منافس بالسوق مارح يبيع بخسارة يعني بدو يبيع على سعر دولار 300لبين ما يجي تاجر ينافسو بالسعريعني بعد شهرين والمنافسةنادرة هل ايام بسبب قلة المستوردين واسباب اخرى بالمحصلة اكتر الناس اللي عم تتأذى الشعب البسيط

[shereen]

يا سيدتي عندك معلومات انتي او السيد عبد القادر انو نازل تحت المية حطو انو عنا معلومات , ماعندكن لأتأليلي ضمير ومابعرف شو ... يعني مو معقول هالحكي , بعدين لعلمك الكاتب يلي اقتبستي عنو المشاركة مو قريب من المركزي , قريب من الاستاذ ناصر قنديل المحترم
حلو معناها اتفقنا انو المحافظة على السعر الحالي افضل من تخفيضه حسب قول الكاتب

[ابن البلد البار]

انت فهمان عليي بس عم تلعب دور الاحمق

مسا الخير شيرين ولكل المحترمين بهالمنتدى (بيعرفوا حالهم )
مشاركاتك بتريح القلب
بس هادا لابسوا دورالأحمق منيح وما بدو يفهم أنو منبوذ
سلام

[رشاد حج علي]

لشو ماعم تطلع المشاركات بالنسبة للسعر اليوم ببيروت
١٤٢،٥ شراء ١٤٣ مبيع مع التنويه بعد انفجار بيروت البناني عالدولار ١٥١٠

[جوليت]

حلو معناها اتفقنا انو المحافظة على السعر الحالي افضل من تخفيضه حسب قول الكاتب
كمان لا

[جوليت]

طيب شورأيك انا بعر تلات تجار اشترو دولار على سعر 300 وحولو للخارج واستوردو بضاعة على هل سعرولبين ما وصلت البضاعة كان الدولار صار اريب ل 200والتاجر اكيد مابحب الخسارة يعني اذاما كان في منافس بالسوق مارح يبيع بخسارة يعني بدو يبيع على سعر دولار 300لبين ما يجي تاجر ينافسو بالسعريعني بعد شهرين والمنافسةنادرة هل ايام بسبب قلة المستوردين واسباب اخرى بالمحصلة اكتر الناس اللي عم تتأذى الشعب البسيط
بعد اذن حضرتك (وكلي ثقة فيك ) بتقدر تألي شو استوردو ب300 ؟؟

[shereen]

كمان لا
طيب شو لكن ارجوكي احكي كلمة مفيدة بدون الغاز ومراهقة

[رشاد حج علي]

حسب معرفتي البسيطة انو التجار السورين بهديك الفترة ربحو طبعا اللي باع لان كانو عم يحسبو البضاعة ع 300 واللي خسرو هنن التجار هون عنا ببيروت طبعا عسبيل االمثال لا الحصر تجار الالبسة والاقمشة

[المسار]

طيب شو لكن ارجوكي احكي كلمة مفيدة بدون الغاز ومراهقة


اقتباس من مشاركة سابقة للاستاذ عابر

واكتشاف المعلومة المضللة أو الخرافة ، أفضل من تعلم عشرة معلومات حقيقية .
أملي الوحيد لو أن كل مخادع يكون أكثر ذكاءا ، لنجد متعة اكبر في حل الألغاز .


ما بدا تنين (شخصين) يحكو فيها

شكرا وتصبحو على خير

[hash]

والله مافهمت عليك بس بالمشاركة وكاتبها محلل قريب من المركزي قال انو الحفاظ على السعر اهم من تخفيضه
هل حكي صح لما كنت عم ادرس بالجامعة كان عنا مادة اسما بنوك ومكتو فيها انو اهم وظيفة للبنك المركزي هو الحفاظ على استقرارقيمة العملة وبالنسبة لليرة السورية ااذا فرضنا انو السعر الحالي هو السعر الحقيقي يعني بعد 900 يوم من الاذمة انخفضت عملتنا مقا بل الدولار 100ل س فاذا كان المركزي بدو يحافظ على استقرار العملة السورية كان لازم يدخل بشكل مستمر ويخفض العلمة كل يوم 10 قروش تقريبا وئتا الشعب بكون الوثقة بالليرة وما ابيتبع سياسة القطيع وابيشتري الدولار باكتر من سعرو الحقيقي والصرافين ما ابيستغلو الوضع وما بكون الفرق بين سعر الشراء والمبيع عشر ليرات وعشرين ليرة

[جوليت]

هل حكي صح لما كنت عم ادرس بالجامعة كان عنا مادة اسما بنوك ومكتو فيها انو اهم وظيفة للبنك المركزي هو الحفاظ على استقرارقيمة العملة وبالنسبة لليرة السورية ااذا فرضنا انو السعر الحالي هو السعر الحقيقي يعني بعد 900 يوم من الاذمة انخفضت عملتنا مقا بل الدولار 100ل س فاذا كان المركزي بدو يحافظ على استقرار العملة السورية كان لازم يدخل بشكل مستمر ويخفض العلمة كل يوم 10 قروش تقريبا وئتا الشعب بكون الوثقة بالليرة وما ابيتبع سياسة القطيع وابيشتري الدولار باكتر من سعرو الحقيقي والصرافين ما ابيستغلو الوضع وما بكون الفرق بين سعر الشراء والمبيع عشر ليرات وعشرين ليرة

بس كمان بعتقد انو درسونا انو من وظائف المركزي ايضا ويحق له : - سياسه السوق المفتوحة

[hash]

بعد اذن حضرتك (وكلي ثقة فيك ) بتقدر تألي شو استوردو ب300 ؟؟
واحد استورد مواد غذائية والتاني عدة صناعية لوازم بناءالتالت ما عندي علم شو استورد

[hash]

بس كمان بعتقد انو درسونا انو من وظائف المركزي ايضا ويحق له : - سياسه السوق المفتوحة
بس لاتنسي انو في شرط اساسي اي قرار بدو ياخدو المركزي لازم يكون مبني اولا واخيرا على المصلحة العامة للشعب ما على مصلحتو الخاصة لانو المركزي مانو بنك مضارب المركزي بنك حكومي وظيفتو الحفاظ على استقرار العملة واللي بدورا ابتنعكس ايجابيا لتحسين مستوى معيشة الشعب