صالة أسعار الدولار والذهب مقابل الليرة السورية ليوم الاثنين 16-12-2013

[omar1964]

بسم الله الرحمن الرحيم




صالة أسعار (https://syria-stocks.com/forum/showthread.php?t=14908) صرف الدولار والذهب (https://syria-stocks.com/forum/showthread.php?t=14908) و العملات





و المناقشة العلمية لحركة الاسعار




ليوم الاثنين 16 - 12- 2013 (https://syria-stocks.com/forum/showthread.php?t=14908)




اهلا وسهلا و مرحبا بكم



http://syria-stocks.in/forum/attachment.php?attachmentid=5824&stc=1&d=1385427993

[omar1964]

http://syria-stocks.in/forum/attachment.php?attachmentid=5735&stc=1&d=1382521970

[omar1964]

ممنوع

مع أسفنا للقيود

- التحريض بأسلوب التخويف سواء على البيع أو الشراء
- الحديث والتوقعات والتنبؤات التي لا تعبر عن رأي شخصي إنما عن بث الخوف او الهلع.
- نشر الأسعار البعيدة عن حالة السوق سواء بارتفاعها أو بانخفاضها، والأسعار الواقعية لا مانع فيها ولو كانت مختلفة عن سعر السوق.
- طلبات وعروض البيع أو الشراء للدولار مقابل الليرة السورية.
- المشاحنات والمواضيع الخارجة عن اطار هدف الصالة.
- نشر أرقام الهاتف و عناوين الاميلات

- أي كلام طائفي (يتم حظر صاحبه مباشرة).

كما
يمكنم التبليغ عن المشاركات المسيئة عن طريق الضغط على رابط "التبليغ" الموجود على يمين المشاركات والموضح في الصورة التالية مع ذكر الأسباب


http://im32.gulfup.com/2F0SI.png

[omar1964]

أسعار الإغلاق



حسب آخر تحديث بالموقع



شراء : 143

بيع : 145



هذا السعر لمدينة دمشق



هذا لا يمنع وجود حالات لبيع و شراء بأسعار أقل أو أكثر من ذلك

[omar1964]

https://fbcdn-photos-b-a.akamaihd.net/hphotos-ak-ash3/945450_1398219560414864_23219734_s.jpg


أسعار الذهب في السوق العالمية : 1238.62 $ للأونصة

[omar1964]

https://fbcdn-sphotos-e-a.akamaihd.net/hphotos-ak-frc3/1477474_1414490638787756_789954647_n.jpg

[نورالهدى]

صباح الخير
تمنياتنا بيوم هادئٍ مثمرٍ للجميع

[نورالهدى]

دعاء دخول السوق
قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .

أنور

[سائل مقيم]

اقتباس من السيد خيرو الشامي:

الاعضاء الكرام
اليوم المسا كنت جالس عند الصايغ بهل بردات وعلى ضوء شاحن ليزري صغير طالع دفترو وصار يقلب بوراقو
طلع معو سعر الدولار تقريبا 80 ليرة في مثل هذا اليوم من السنة الماضية والذهب تقريبا اربعة الاف ومدري اديش انا نسيت من كتر ما قلب بدفترو
وطلع سعر الذهب للغرام 10000بشهر اب يعني من اربع شهور وقلب شي اربع اوراق صار الذهب9200للغرام وقلب كم صفحة صار الغرام8000وقلب شي صفحتين صار7000وكم صفحة صار6000
وبدأ يندب حظو ويقول لازم دهباتي يدوبلو لازم يدوبلو وصار يقول انا حاسس اني خسرت نصف قيمة الذهب تبعي
وصار يقول الاونصة بدها تشد وتصير ب2400
صرخت عليه وقلتلو شبك لح تجن طول بالك كل الصياغ متلك قلي كلو متخوزق
وكمان برد وطفي كهرباء ---------(العمى ضربو شو صرلو)
حرد وسكر محلو على بكير
ان شاء الله يكون سكر الخزنة منيح وما يكون نسي يقفل محلو مظبوط او مزبوط او مضبوط

-----------------------------------------------------------


ههههههههههههه.. يحرئ حشيشك يا سيد خيرو .. أضحكتني يا فتى .. عم اتخيلو فلت عيارو وبلش يخبص و يحكي شروي غروي وأنت عم تتلفت يمين وشمال (انشالله ما حدا يسمع) و قلتلو شبك (على طريقة فناننا الراحل الكبير سليم كلاس) مو متل الراحل عنابة (تبع السيدة جوليت) اللي بصراحة لا أنا ولا غوغل أفندي سمع فيه .. لأنو طلع معي بمعية غوغل أنو صاحب قصيدة ياترى هو الشاعر أمل دنقل وسماها لاتصالح (يصطفل هو ما بدو يصالح .. أنا بدي .. الصلح بيعمر البيوت) ..
وسلامي لجميع الأعضاء وتمنياتي لكم بأحلام سعيدة طوييييييلة المدة (يعني حجز فيلمين ببلاش) علها تخفف عنكم واقع بلدنا الجريح.

[المعلم عمر]

السلام عليكم ورحمة الله وبركاته


أسعد الله صياحكم بالخير جميعاً


افتتاحية موفقة أخي أبو عمر


http://www.syria-stocks.in/forum/attachment.php?attachmentid=5885&d=1387164454

[المعلم عمر]

البنك المركزي

140.32 ل.س

141.17 ل.س

[BROKER]

صباحكم أمان جميعاً
طالما السوق بخط افقي فلا جديد عليه والنقاط على حالها .

[pop75]

السلام عليكم و اسعد الله صباحكم بكل حب و تحية طيبة للاخ ابو عمر على الافتتاح
azhar1

[pop75]

صباحكم أمان جميعاً
طالما السوق بخط افقي فلا جديد عليه والنقاط على حالها .



صباحك ورد و الله يعطيك الف عافيه

azhar1

[فراس السكري]

صباح الخير
نهاية االشهر هو الفاصل لسعر الدولار فان انخفض تحت 140 فستكون سياسية البنك تنزيله الى حدود معينة
اما ان بقي نفس السعر فهدفه رفع سعره الى هذا الحدود

[hash]

اسعد الله صباحكم بكل خير اغلق سعر الدولار في اللاذقية بالامس 143-145

[zuhear]

السلام عليكم
وصباحكم معطر بالصلاة ع الحبيب المصطفى

[hash]

ذكر وزير التجارة الداخلية سمير قاضي أمين، أن الأسعار ستشهد انخفاضاً واضحاً خلال الأيام القليلة القادمة، وذلك بعد تأمين كميات كبيرة من السلع بطرق خاصة لمؤسسات التدخل الإيجابي، والاستفادة من خط الائتمان الإيراني وغيره من الجهات، التي يمكن من خلالها تأمين حاجة السوق المحلية من المواد والسلع الضرورية. نقلا عن الاقتصادي اون لاين

[hamod.kopani]

السلام عليكم نشكر استاذ عمر على افتتاحية
عين العرب شراء142.25مبيع143في طلب
الليرةتركية شراء69مبيع69.5

[-mouhamad]

صباح الورد والفل والياسمين

أونصة الذهب الآن 1228 دولارومتوقع أن تصل حتى نهاية العام الى 1180 والله اعلم

[غسان]

صباح الامل رغم كل شيء

كان معلم في مدرسة... يسأله الطلاب : كم سنة صار لك تدرس ؟؟

فيجيب : ثلاثين سنة

فيقول احدهم : طيب ..الم تشعر بالملل من اعطاء نفس الدروس طوال تلك السنين

فأجاب : الدروس مكررة ولكن باعتبار من يتلقاها غير مكرر ويتجدد كل سنة فهذا يدفعني للافضل

الحياة صور مكررة .. لنرسم الاجمل

[رشاد حج علي]

بيروت الآن ١٤٣ شراء ١٤٤ مبيع
اسعد الله صباحكم مع الاماني بالتوفيق والامن والامان

[Sameh]

صباح الخير جميعا
قبل شوي سألت عن اسعار الذهب
أسعار الذهب ليوم الاثنين (16-12-2013 )

العيار 21 = 5150

العيار 18 = 4414

الليرة الذهبية الإنكليزي وزن 8 غرام = 42500

أونصة الذهب 31.12عيار 24 = 188000

بس ممكن حدا من اخواتنا يوضحلنا كيف عم ينحسب سعر الاونصة بالسوق

[جوليت]

صباح الخير

[ابن الجبل]

صباح الخير للجميع
صباح الوطن الجميل
http://3.bp.blogspot.com/_8LXI-EEpVyg/TPFY2MOPM7I/AAAAAAAADXo/k4rNIYuPtkU/s1600/Thymbra+capitata%252C+3029.JPG

[Sameh]

صباح الخير جميعا

الليرة الذهبية الإنكليزي وزن 8 غرام = 42500

أونصة الذهب 31.12عيار 24 = 188000

بس ممكن حدا من اخواتنا يوضحلنا كيف عم ينحسب سعر الاونصة بالسوق

بعد مراجعت الصايغة هل سألته وقلتله بس الاونصة سعرها 183340 كان جوابه التالي
==========
هاد سعر أونصة الذهب بلا مصنعية يعني شغل سعرك هاد سعر بيع اللأونصة كسر
أما سعر الأونصة جديدة 188000
==========
مالنا غير اخونا الياطر يوضحلنا الموضوع

[الياطر]

سعر الذهب عيار ٢١ ٥١٥٠
سعر الذهب عيار ١٨ ٤٤١٤
سعر الذهب عيار ١٤ ٣٤٣٣
سعر الذهب عيار ١٢ ٢٩٤٣

[الياطر]

سعر الذهب الكسر في دمشق
٥١٥٠للمبيع ٥٠٥٠للشراء

[الياطر]

سعر الذهب الكسر في اللاذقية
٥١٥٠للمبيع ٥٠٠٠للشراء

[حكيم الزمان]

https://fbcdn-sphotos-a-a.akamaihd.net/hphotos-ak-prn2/q71/s720x720/1459195_508233362607777_13130946_n.jpg

[الياطر]

بعد مراجعت الصايغة هل سألته وقلتله بس الاونصة سعرها 183340 كان جوابه التالي
==========
هاد سعر أونصة الذهب بلا مصنعية يعني شغل سعرك هاد سعر بيع اللأونصة كسر
أما سعر الأونصة جديدة 188000
==========
مالنا غير اخونا الياطر يوضحلنا الموضوع

اخي السلام عليكم
ما شاء الله عليك حكيك كلو سليم١٠٠%
وزن الاونصة ٣٥،٦*٥١٥٠‏=‏١٨٣٣٥٠سعر ذهب بلا صياغة
بالنسبة للصياغة الارخص طبعا بالشام وحلب كون ورش الذهب متوزعة بالمدينتين حصرا .
صياغة الا نصة معك من ٣٠٠٠الى ٦٠٠٠كل واحد وشطارتو وحسب المحافظة .

[Sameh]

اخي السلام عليكم
ما شاء الله عليك حكيك كلو سليم100%
وزن الاونصة 35،6*5150‏=‏183350سعر ذهب بلا صياغة
بالنسبة للصياغة الارخص طبعا بالشام وحلب كون ورش الذهب متوزعة بالمدينتين حصرا .
صياغة الا نصة معك من 3000الى 6000كل واحد وشطارتو وحسب المحافظة .

شكرا اخي الياطر يسلم ايديك
معلوماتك قيمة ومفيدة

[جوليت]

اقتباس من السيد خيرو الشامي:

الاعضاء الكرام
اليوم المسا كنت جالس عند الصايغ بهل بردات وعلى ضوء شاحن ليزري صغير طالع دفترو وصار يقلب بوراقو
طلع معو سعر الدولار تقريبا 80 ليرة في مثل هذا اليوم من السنة الماضية والذهب تقريبا اربعة الاف ومدري اديش انا نسيت من كتر ما قلب بدفترو
وطلع سعر الذهب للغرام 10000بشهر اب يعني من اربع شهور وقلب شي اربع اوراق صار الذهب9200للغرام وقلب كم صفحة صار الغرام8000وقلب شي صفحتين صار7000وكم صفحة صار6000
وبدأ يندب حظو ويقول لازم دهباتي يدوبلو لازم يدوبلو وصار يقول انا حاسس اني خسرت نصف قيمة الذهب تبعي
وصار يقول الاونصة بدها تشد وتصير ب2400
صرخت عليه وقلتلو شبك لح تجن طول بالك كل الصياغ متلك قلي كلو متخوزق
وكمان برد وطفي كهرباء ---------(العمى ضربو شو صرلو)
حرد وسكر محلو على بكير
ان شاء الله يكون سكر الخزنة منيح وما يكون نسي يقفل محلو مظبوط او مزبوط او مضبوط

-----------------------------------------------------------


ههههههههههههه.. يحرئ حشيشك يا سيد خيرو .. أضحكتني يا فتى .. عم اتخيلو فلت عيارو وبلش يخبص و يحكي شروي غروي وأنت عم تتلفت يمين وشمال (انشالله ما حدا يسمع) و قلتلو شبك (على طريقة فناننا الراحل الكبير سليم كلاس) مو متل الراحل عنابة (تبع السيدة جوليت) اللي بصراحة لا أنا ولا غوغل أفندي سمع فيه .. لأنو طلع معي بمعية غوغل أنو صاحب قصيدة ياترى هو الشاعر أمل دنقل وسماها لاتصالح (يصطفل هو ما بدو يصالح .. أنا بدي .. الصلح بيعمر البيوت) ..
وسلامي لجميع الأعضاء وتمنياتي لكم بأحلام سعيدة طوييييييلة المدة (يعني حجز فيلمين ببلاش) علها تخفف عنكم واقع بلدنا الجريح.




تحية لك سيد سائل مقيم ,ونتمنى من كل قلبنا انو تكون عوضت جزء من خسارتك الماضية كونك لاذنب لك بالخسارة .............
بالنسبة للشاعر الكبير الراحل محمد عنابة طبع 118 نسخة فقط لاغير ,وعندما نزلت الى المكتبات اشتريت كلياتا انا لانو ماحبيت اصدمو (لأني كنت شبه متأكدة انو ماحدا رح يشتري هيك شعر ) وهو لأبل مايروح وهو مفكر انو النسخ كيلياتا انباعت بس الحقيقة مافي شي انباع ؟؟؟؟ فلهيك صعب تلاقي هيك شي عاغوغل ,وانا منذ ذلك الوقت وانا اهدي نسخه للمقربين مني جدا واعرف انو افكارن قريبة من افكاري ...........
---------------------------------------------
مشاركة السيد خيرو
سيدة جوليت سعر اغلاق الذهب والدولار نفس سعر الساعة 5
5100----------5150 ذهب
143شراء ------ 145دولار
"شكرا لك سيد خيرو ولكن لن نعتذر لك وشكرا لك مرة ثالثة على التجاهل
----------------------------------------------------------------







افتتاح دمشق 144 ----- 142

[dollar]

ــــــــــــــــــــــــــــــــــــــــــــــــ
التجاري السوري شراء 142 ل.س
شكرا

[svush]

ممكن سعر الذهب الكسر اليوم بالشام , بيع و شراء؟

[عابر مجيب]

صباح الخير
نهاية االشهر هو الفاصل لسعر الدولار فان انخفض تحت 140 فستكون سياسية البنك تنزيله الى حدود معينة
اما ان بقي نفس السعر فهدفه رفع سعره الى هذا الحدود

آخر الشهر وربما قبل آخر الشهر تحمل أحداثا جساما
الاتحاد الأوروبي اكتشف ثغرات في رفع الحظر !
شهر العسل الايراني الأمريكي ومحاولة اسرائيل قطع الكهرباء والماء عن العروسين !
ملاطفة امريكا هل ستستمر بعد سحب الكيماوي ؟
الخليج !
لبنان !
أكتر من هيك نظري ما جاب !
سورية لاعب كبير وليست دولة هامشية كما يظن البعض .

[سعد أطرش]

مع هذه الشمس الدافئة في بيروت يبقى سعر الدولار دافئا ومستقرا
شراء 143.5 ،،،، مبيع 145

[عابر مجيب]

ذكر وزير التجارة الداخلية سمير قاضي أمين، أن الأسعار ستشهد انخفاضاً واضحاً خلال الأيام القليلة القادمة، وذلك بعد تأمين كميات كبيرة من السلع بطرق خاصة لمؤسسات التدخل الإيجابي، والاستفادة من خط الائتمان الإيراني وغيره من الجهات، التي يمكن من خلالها تأمين حاجة السوق المحلية من المواد والسلع الضرورية. نقلا عن الاقتصادي اون لاين

احترنا
واحد بيقول خفض الأسعار
واحد تاني بيقول توزيع مبالغ نقدية

[Sameh]

ممكن سعر الصرف بدمشق شباب

[Sameh]

سعر الذهب الكسر في دمشق
5150للمبيع 5050للشراء

ممكن سعر الذهب الكسر اليوم بالشام , بيع و شراء؟

تفضل اخي ذكرها اخونا الياطر

[حكيم الزمان]

https://fbcdn-sphotos-g-a.akamaihd.net/hphotos-ak-prn1/q71/s720x720/997033_508289552602158_1965827473_n.jpg

[عبدالقادر]

الاساتذة العم تقول بدا .تنزل اسعار المواد ليش عم تقلنا قوم اشتغل انا مستعد تزيد خسارتي دبلين كمان بس هالفقرا بالارض تاكل مابدنا صف حكي كل يوم .عالم بالسواق مالا .لا بالنفير ولا بالنعير والله مالصبح شفت مرة عم تبكي بنص السوق وعم تقول شحدنا ما معنا ناكل والتانية بدا تشتري عضام عالحل والتالتة والرابعة ولسا بدا نزل وبدنا نزل .لك ليش عم تقلنا يالله نزل بالفعل لك والله والله اللي انشال منو الحس شو ماحكيت مارح تستفيد انا ما بعصب بس العم نشوفوا بخلي الحيطان تحكي

[GoldMan$]

اللاذقية ...

143- 144 شراء

مبيع 145

[Ryad]

ليوم و بكرا مهمين كتير كتير كتير
لأنو اليوم مجلس الاتحاد الأوروبي رح يجتمع ببروكسل مشان يعدلو العقوبات ضد سورية
و ما حدا فهمان ازا لتخفيض العقوبات بعد الكيماوي أو لتشديدا بعد اكتشاف ثغرات بالحظر

الله يكون بعون العالم

[عمار اللامي]

أسعد الله أوقاتكم بالحب

[عمار اللامي]

مجنون اللاذقية
144
145

[Sameh]

دمشق
الحريقة على الهاتف
مصدر اول
144____145
مصدر اخر
144.5___145.5

[عمار اللامي]

الذهب
نشتري 5065
نبيييييع 5135

[سائل مقيم]

اقتباس من السيدة جوليت :
تحية لك سيد سائل مقيم ,ونتمنى من كل قلبنا انو تكون عوضت جزء من خسارتك الماضية كونك لاذنب لك بالخسارة .......

----------------------------------------------------------------------
شكرا على مشاعرك الطيبة .. ولكن كيف سأعوض خسارتي في ظل سعر الدولار الحالي ؟؟
إذا أردت مساعدتي و مساعدة أمثالي حاولي القيام بوساطة عند أحد أصحاب القرار ليرتفع الدولار لحدود 240 ل.س ولمدة يومين الى 3 أيام فقط ..عندها سأبيع الدولار المغضوب و سأجافيه وأنا على ثقة هذه المرة أن هناك من يهتم ويصرح باستمرار بأن الليرة السورية ستبقى صامدة ..
وبعد الارتفاع المقصود (كرمالنا يعني) نرجو العودة للسعر الحالي و ما دون كي تعم الفائدة على جميع السوريين.. (هيك العالم كلها بتكون ممنونة للدولة وبروح من بالها أي التباس أو شعور ظني بأنو كان في مين عم يشلحون مصاريون وفق خطة مدروسة).

----------------------------------------------------------------
وهلأ بدي مازحك شوي بس مو تبطلي تساعديني ههههه ;);)
بالنسبة لعنابة الشاعر الكبير .. باينتو فضح عمرك الحقيقي !!!!!!
لأنو الشاعر أمل دنقل ( نقل من عنابة القصيدة ونشرها أكيد قبل أكتر من 30 سنة !! ) ليش يا ترى ؟؟؟ لأنو أمل دنقل مات عام 1983 .............الله يرحمو ويبشبش الطوبة اللي تحت راسو ......
فتأملي يرعاك الله . :):):rolleyes2:

[خيرو الشامي]

سيد مرهف بالنسبة لسعر الاونصة التي تظهر على الشاشة ::الصياغ يضيفون عليها من15دولارالى 20دولار فوراويضيفون من1500ليرة سورية الى 2000ليرة سورية اجرة بمعنى
الاونصة 1230مثلا يضاف20دولار تصبح 1250 ضرب سعر الدولار145 يساوي 181,250 +2000ليرة تصبح183250 يوجد صياغ هكذا تحسب
ويوجد صياغ تحسب هكذ 35.55ضرب سعر النقابة مثلا 5150يساوي183000زائد الفين اجرةيساوي185000
طبعا كل صايغ حر بحسابو وبحساب الاجرة كما قال السيد الياطر مشكورأ

[GoldMan$]

مصدر واحد باللاذقية
شراء 143

مبيع 144,5 بس كميات قليلة

[جوليت]

دمشق العاصمة
143 ----- 142
انخفاض عن الصبح
العدد المصادر 3
-------------------------
سيد سائل بالنسبة للعمر مكتوب بمعلومات عني وهي حقيقة (وانت حر ) والشاعر اسمو محمد عنابة مو متل ماقلت وكمان انت حر
2- شي تاني من شان الواسطة تبع الرفع ليش ماادريت انو قلعوني من وظيفتي ؟؟؟؟ والتلون لعما اديش خدمتكن وخدمة هالوطن قام الولي لاتبيعينا وطنيات وخلينا نشتقللك, سلمي ,فياريت مبارح التلي كان مشي الحال ....... بالتوفيق سيد سائل
--------------------------------------------
ياريت حدا من حماة يخبرنا لانو سمعنا عن طوشة صارت بسوق الصرافة وله جزيل الشكر

[خيرو الشامي]

الذهب الكسر الان 5100شراء مبيع5140
سعر الدولار لا تغيير استقرار وحركة السوق باردة متل الجو

[eng.mdkh]

دمشق
شراء: 144.5 - 144.75 - 145
مبيع: 145.25 - 145.5

[البحر الهائج]

السلام عليكم جميعا
المصرف المركزي
140.75 شراء
141.60 مبيع
وذلك حسب أخر تحديث
أي بزيادة 42 قرش عن أعلى تحديث ماضي

[ahmad1972]

طرطوس 143 145 مكاتب الصرافة 142 143.40

[الياطر]

سعر الذهب الكسر في
دمشق : ٥١٢٥للمبيع ٥٠٥٠للشراء
اللاذقية : ٥١٢٥للمبيع ٥٠٧٥للشراء

[سائل مقيم]

دمشق العاصمة
143 ----- 142
انخفاض عن الصبح
العدد المصادر 3
-------------------------
سيد سائل بالنسبة للعمر مكتوب بمعلومات عني وهي حقيقة (وانت حر ) والشاعر اسمو محمد عنابة مو متل ماقلت وكمان انت حر
2- شي تاني من شان الواسطة تبع الرفع ليش ماادريت انو قلعوني من وظيفتي ؟؟؟؟ والتلون لعما اديش خدمتكن وخدمة هالوطن قام الولي لاتبيعينا وطنيات وخلينا نشتقللك, سلمي ,فياريت مبارح التلي كان مشي الحال ....... بالتوفيق سيد سائل
--------------------------------------------
ياريت حدا من حماة يخبرنا لانو سمعنا عن طوشة صارت بسوق الصرافة وله جزيل الشكر
االسيدة جوليت المحترمة ..
أنا ما فهمت ليش رديتي عليي بعصبية ؟؟ مع أني قلت إني عم مازحك ؟؟
عالعموم المعلومات اللي ذكرتا بالنسبة للشاعر موجودة ع النت وإن كنت حر ولا مالي حر وبدي صدق ولا مابدي صدق فمافينا نغير الحقيقة .. وما فهمت ليش عدتيلي اسمو لمحمد عنابة ؟؟ ؟؟ (والشاعر اسمو محمد عنابة مو متل ماقلت وكمان انت حر) ؟؟؟
وكمان استنتاج العمر صحيح بالتواريخ (حسب روايتك تبع ال 118 نسخة) فليش الزعل
و أخيرا بحب قلك أني ما بحب كون حر بمفهوم حرية هالأيام .. لأن حرية أغلب هالعالم عم تكبس على نفس هالكم راقي بهالبلد.......

[المسار]

مسا الخير على الجميع انشالله

بيروت والاتجاه على الاغلاق على حالو من عشرة ايام

142.5-143 للشراء

144.5-145 للمبيع

شكرا ودمتم بصحة وعافية

[عبدالقادر]

استاذي يمكن وقت حطيت رقابة علي هاد لصالحي لان صار لازم ابلع لساني عالم مارح تنصلح ولارح يرق قلبا وانا حكيت كتير وكلامي بيجوز يرتد علي بالشر فالرقابة خير وتنبيه الي وشكرا

[عبدالقادر]

استاذي ارجو انك ترجع الرقابة علي وتشيلا عن كل الاعضاء القدامى واول وحدة شيرين

[Sameh]

يسعد مساكم
دمشق الان
الحريقة
شراء 144 __144.5
المبيع 145
الشعلان والحمرا
143___145

[omar1964]

استاذي ارجو انك ترجع الرقابة علي وتشيلا عن كل الاعضاء القدامى واول وحدة شيرين
مساء الخير
اخ عبد القادرمرة ذكرت القريشة بإحدى مشاركاتك اللطيفة :rolleyes2:
فينا نعرف شو أسعار القريشة بحماه بهالوقت... من بعد إذن المشرف طبعا ..
و شكراً

[omar1964]

للعلم للإخوة الاعضاء
اليوم تنكة زيت الزيتون ( اكسترا ) نزل سعرا و صارت بـ 8000 ليرة سورية فقط

[عابر مجيب]

مساء الخير
سعر دمشق سوق سوداء من صراف موثوق
144 شراء
146 مبيع
أعدت عليه السؤال عدة مرات وأكد بشكل جازم .

[جوليت]

االسيدة جوليت المحترمة ..
أنا ما فهمت ليش رديتي عليي بعصبية ؟؟ مع أني قلت إني عم مازحك ؟؟
عالعموم المعلومات اللي ذكرتا بالنسبة للشاعر موجودة ع النت وإن كنت حر ولا مالي حر وبدي صدق ولا مابدي صدق فمافينا نغير الحقيقة .. وما فهمت ليش عدتيلي اسمو لمحمد عنابة ؟؟ ؟؟ (والشاعر اسمو محمد عنابة مو متل ماقلت وكمان انت حر) ؟؟؟
وكمان استنتاج العمر صحيح بالتواريخ (حسب روايتك تبع ال 118 نسخة) فليش الزعل
و أخيرا بحب قلك أني ما بحب كون حر بمفهوم حرية هالأيام .. لأن حرية أغلب هالعالم عم تكبس على نفس هالكم راقي بهالبلد.......
سيد سائل المزيد من الاحترام لك , روووق مزحة مو اكتر ولوووو
يازلمة صرت حاسة حالي فايتة عاشي فرع امن والمحقق عم يسألني أسئلة وأول سؤال شو اسميك ؟؟ولسا مابنطق اول حرف من اسمي وبأول جو ......بألي كذابببببببببببببة والكف بكون لاحق الكلمة

[غسان]

للعلم للإخوة الاعضاء
اليوم تنكة زيت الزيتون ( اكسترا ) نزل سعرا و صارت بـ 8000 ليرة سورية فقط
اديه وصل اعلى سعر؟
من زمان كان سعر التنكه ب2800
وكان زيت خريج يمكن انتاج الساحل اغلى بفرق جيد ويمتاز بلون كامد ونكهه قويه جدا .....بس طيب

[eng.mdkh]

اديه وصل اعلى سعر؟
من زمان كان سعر التنكه ب2800
وكان زيت خريج يمكن انتاج الساحل اغلى بفرق جيد ويمتاز بلون كامد ونكهه قويه جدا .....بس طيب

في ناس ما بهمها السعر ... اليوم أخدت بيدون عشرة ليتر و عبيتو من الكازية ، كان في شخص عم يعبي سيارتو هوندا آكورد ... المهم صار الرقم أعلى من خمسة آلاف قلت له : ما شاء الله بللوعة ...
و الله اليوم أكلت بالطريق كروسانة - قلت بنفسي ما لازم عيدها بالطريق بركي في ناس مشتهية الأكل - ...

[غسان]

في ناس ما بهمها السعر ... اليوم أخدت بيدون عشرة ليتر و عبيتو من الكازية ، كان في شخص عم يعبي سيارتو هوندا آكورد ... المهم صار الرقم أعلى من خمسة آلاف قلت له : ما شاء الله بللوعة ...
و الله اليوم أكلت بالطريق كروسانة - قلت بنفسي ما لازم عيدها بالطريق بركي في ناس مشتهية الأكل - ...
شكرا لك
اذا فقد الانسان احساسه بالاخر فقد انسانيته

[أحمد الأحمد]

حماه 143--144

[jamal80]

أسعد الله مساءكم جميعاً

دمشق 6:30
143.5_145.5
مصدر واحد

[jamal80]

شركة بيكو للصرافة شارع 29 أيار
الساعة 2:30
142.55_144
السعر الموجود على الشاشة

علماً بأن البيع بحسب تعليمات المصرف المركزي

[رشاد حج علي]

مسا الخيرر اغلاق بيروت
١٤٣ للشراء ١٤٥ للمبيع

[غسان]

شعر قاسم ببرده الثلج تخترق عظامه ورغم سنين عمره الكثيره الا انه لم يمر عليه زمهريرا مثل زمهرير اليكسا ...... لايكاد يشعر باصابع يديه وقدميه ... مرتاح ضميرك هيك ياليكسا ؟؟
كان عليه النزول سريعا الى عمله ..... نوفوتيه صغير في سوق شعبي
؛؛؛؛؛؛؛؛
حمى سيارته قرابه 20 دقيقه وانطلق مسرعا.....
لم يلبث ان اوقفه موتور الشرطي .........لقبض 200 ليره ......دسها سريعا في الميكانيك دون معرفه سبب توقيفه ......
فالاسباب كثيره ومفحمه.......
لم تمض بضع دقائق حتى احس ان السياره تترنح ودولابه (مبنشر) شتم وسب ماخطر بباله ثم شمر وركب الاستبنه وانطلق مسرعا
اقترب من السوق ....اصوات كثيره على غير العاده وزمامير الاسعاف والشرطه تهز المكان

ركن سيارته جانبا وتابع سيرا باتجاه محله وكلما اقترب منه زادت الزحمه والاصوات والغبار المتصاعد .....(يا لطيف يالطيف ...يارب سترك ....الله يرحمو .....)
ياحرام ياحرام المحل احترق اكيد صاحبه صار فحمه مسكين اخذ احدهم يتكلم مخاطبا نفسه لاسماع الجموع
اقترب قاسم اكثر واكثر .....وياللصدمه. كانت الهاون العشوائي قد اتت على محله وكأنها مقصوده ان تهبط عليه من بين محلات السوق جميعها
اخذ جيرانه يقبلونه ويعانقوه غير مصدقين :.... لك منيح يلي تأخرت اليوم ....الله انقذك باعجوبه
لوكنت داخل المحل كنت رحت..... فرق عمله
لم يدري قاسم هل يبكي ام يضحك فمن جهه خسر محله ومن جهه بقي حيا ولم يصب بأذى
ضاع شقا العمر
صار قاسم يضحك ويصيح : شرطي ومسمار .....شرطي ومسمار .....شرطي ومسمار

[hamod.kopani]

للعلم للإخوة الاعضاء
اليوم تنكة زيت الزيتون ( اكسترا ) نزل سعرا و صارت بـ 8000 ليرة سورية فقط
.زيت زيتون او كما يسمى في عين العرب (زيت الكردي)
السعر تنكة 6200 ليرة سوري فقط

[جوليت]

المسوؤل عن حجب موقع سيرياستوكس شقيق لأحد رجال الاعمال من عائلة غريواتي
الالية : رشاوي لثلاثة مزودات للخدمة قدمت بيانات معينة مضللة والبيانات الكاذبة التي قدمت كالتالي : موقع سيرياستوكس موقع سياسي بحت وله دور محدد لضرب العملة السورية عن طريق تنفيذ اجندة معينة
الوثيقة ستنشر لاحقا
مو المهم حدا من الاعضاء يصدق المهم الشخص يلي عم يشوف هالشي يعرف انو مو صعب نعرف الحقيقة
الهدف : ينشر لاحقا .......
-------------------------------------------------
اختراق حواسيبي 96 مرة لن يفي بالغرض

[mak]

االسيدة جوليت المحترمة ..
أنا ما فهمت ليش رديتي عليي بعصبية ؟؟ مع أني قلت إني عم مازحك ؟؟
عالعموم المعلومات اللي ذكرتا بالنسبة للشاعر موجودة ع النت وإن كنت حر ولا مالي حر وبدي صدق ولا مابدي صدق فمافينا نغير الحقيقة .. وما فهمت ليش عدتيلي اسمو لمحمد عنابة ؟؟ ؟؟ (والشاعر اسمو محمد عنابة مو متل ماقلت وكمان انت حر) ؟؟؟
وكمان استنتاج العمر صحيح بالتواريخ (حسب روايتك تبع ال 118 نسخة) فليش الزعل
و أخيرا بحب قلك أني ما بحب كون حر بمفهوم حرية هالأيام .. لأن حرية أغلب هالعالم عم تكبس على نفس هالكم راقي بهالبلد.......


يعني في ناس انزعجت من تعليق يحمل اهانة اقل من هيك لكتير لأعضاء المنتدى و ليس لشعب كامل .....بس هيك تعليق بيمر عادي و يمكن ينشكر كمان.......هلأ اذا في كم واحد بهالبلد معتبرين حالون هنن الكم راقي و بقية الشعب لازم يكونو عبيد عندهم بيكونو غلطانين و يروحو يمارسو رقيهم بغير بلد (الرقي حسب مفهومهم) ما رح فوت بمفهوم الحرية لأنو مو مجالو هون و طبعا في ناس كتير بيفهموه و بيمارسوه غلط ....بسهون مو مجال الحكي بالتفاصيل

[عبدالقادر]

مساء الخير
اخ عبد القادرمرة ذكرت القريشة بإحدى مشاركاتك اللطيفة :rolleyes2:
فينا نعرف شو أسعار القريشة بحماه بهالوقت... من بعد إذن المشرف طبعا ..
و شكراً
استاذ عمرانا مقيم بالشام وبتردد عحماه القريشة للربيع بس ذكرتا كان احد الاعضاء عم يخوف الناس من الدهب والدولار وبيعوا فورا لأن بوكر ماحدا رح يا خدون واهل القريشة بفزعو الواحد مشان يشتروا بأرخص الأثمان لأن الحليب وكل مشتقاته مالو روح ويجب دفنه ببطن الزبون خلال ايام والا بأنشح وبتطلع رحيتو متل الميت تماما والقشطة والأيما والبيريت كلو عنفس المنوال

[GoldMan$]

اللاذقية ثبات متواصل ...

شراء 143 - 143,5

مبيع 144,5 - 145

[omar1964]

اديه وصل اعلى سعر؟
من زمان كان سعر التنكه ب2800
وكان زيت خريج يمكن انتاج الساحل اغلى بفرق جيد ويمتاز بلون كامد ونكهه قويه جدا .....بس طيب
لحد بداية عام 2013 ما تجاوز سعر تنكة الزيت السوري اكسترا ( اسيد أقل من 1% )
3000 ليرة بالمفرق و حتى نهاية شهر أيار 2013 اقل من 5000 ليرة ...
ارتفاع السعر صار من بداية أو منتصف شهر حزيران و وصل لحد 10000 ليرة بالجملة
لذلك هلق عم نشوفو بـ 8000 ليرة نازل و كلام الاخ عن السعر بعين العرب دقيق ..
و في بريف حلب حاليا اسعار اقل بين 5500 و 6000 للتنكة .. لكن صعوبة النقل بين المناطق عملت فروقات كبيرة كتير بالاسعار ...
بالنسبة لزيت الخريج مع انو أطيب و نكهته أقوى لكن من الناحية الصحية الزيت البكر الاكسترا أو حتى النوع الاول و التاني افضل بكتير.. ( التصنيف حسب المواصفة السورية الخاصة بزيت الزيتون )

...........
آخر شي وسطي السعر العالمي بشهر 11 الماضي للطون 3680 دولار

[BROKER]

استاذي ارجو انك ترجع الرقابة علي وتشيلا عن كل الاعضاء القدامى واول وحدة شيرين

أخي عبد القادر
ماعم افهم عليك
قمت بمراجعة الرقابة ولا توجد عليك ولا على الانسة شيرين.
اذا في مشكلة تقنية ياريت تنطرح بقسم "الشكاوى".

[عابر مجيب]

لحد بداية عام 2013 ما تجاوز سعر تنكة الزيت السوري اكسترا ( اسيد أقل من 1% )
3000 ليرة بالمفرق و حتى نهاية شهر أيار 2013 اقل من 5000 ليرة ...
ارتفاع السعر صار من بداية أو منتصف شهر حزيران و وصل لحد 10000 ليرة بالجملة
لذلك هلق عم نشوفو بـ 8000 ليرة نازل و كلام الاخ عن السعر بعين العرب دقيق ..
و في بريف حلب حاليا اسعار اقل بين 5500 و 6000 للتنكة .. لكن صعوبة النقل بين المناطق عملت فروقات كبيرة كتير بالاسعار ...
بالنسبة لزيت الخريج مع انو أطيب و نكهته أقوى لكن من الناحية الصحية الزيت البكر الاكسترا أو حتى النوع الاول و التاني افضل بكتير.. ( التصنيف حسب المواصفة السورية الخاصة بزيت الزيتون )

كنت بدي علق على زيت الخريج ، بس خفت تكون معلوماتي مو أكيده
فعلا سمعت بأنه مضر ، ولكنه فعلا لذيذ ، وعندما تضع خبزا مغموسا به في فمك ينتابك شعور وكأنك تأكل زيتونا ويبدأ لسانك لا شعوريا بالبحث عن البزرة .
عندما عملت في مشروع خط توتر حماة بانياس ، تعرفت على هذا الزيت ، واشتريت من سيدة عجوز في منطقة برمايا ، وأذكر انه ليس زيتا يباع بالأسواق وانما هو للمونة الشخصية وقل ما يباع بكميات .
يسلق الزيتون ، تم يجفف وينشر في الهواء ويغطى بالخروب ، ثم يؤخذ لاحقا للعصر ، هكذا قيل لي .
وياما في الجراب ياحاوي !

[سائل مقيم]

يعني في ناس انزعجت من تعليق يحمل اهانة اقل من هيك لكتير لأعضاء المنتدى و ليس لشعب كامل .....بس هيك تعليق بيمر عادي و يمكن ينشكر كمان.......هلأ اذا في كم واحد بهالبلد معتبرين حالون هنن الكم راقي و بقية الشعب لازم يكونو عبيد عندهم بيكونو غلطانين و يروحو يمارسو رقيهم بغير بلد (الرقي حسب مفهومهم) ما رح فوت بمفهوم الحرية لأنو مو مجالو هون و طبعا في ناس كتير بيفهموه و بيمارسوه غلط ....بسهون مو مجال الحكي بالتفاصيل
مرحبا سيد ماك ...
بحب وضح عدة نقاط اذا بتسمحلي :
أولا أنا كتبت الجملة الأخيرة وكنت على عجالة خوفا من انقطاع التيار الكهربائي وبالتالي ضياع المشاركة , وربما كان يجب استعمال تعبير ألطف لشرح الفكرة .. ولكن أكيد مو الهدف هو اهانة شعب كامل متل ما فهمت حضرتك .. من هنا ندخل للثانيا : أنا قلت أغلب العالم و أغلب يعني 51% وما فوق وليس بالضرورة 75% وما فوق لتكون اهانة شعب .. و أنا مصر أنو 51% من شعب بلدك واللي هي بلدي (وما في داعي تأمرني روح لغيرها لمارس الرقي :: شايف كيف مارست عليي حريتك -- نفيتني يا زلمة ) يمارسون حريتهم بطريقة فوضوية ولو على حساب ايذاء الاخرين .. نعم سيدي ايذاء وليس فقط تعدي صارخ على حرية الاخرين .. واذا بدي عدلك ما رح نخلص و أكيد أي انسان متحضر وحساس لمس هالشي .. فما في داعي تزاود عليي بالوطنية وبحبك للشعب اللي أنا واحد منو .. بس برجع وبأكد مليون بالمية أنو 51% من هالشعب يؤمن بمبدأ أنا ومن بعدي الطوفان ....... اذا بتحب أذكرلك مظاهر حريتهم قلي لأكتبلك صفحات عن ... مخالفات بناء - حجب الرؤية عن جيرانك بحائط بني حديثا - احتلال أرصفة وتسكير حارات ببضائع تجبر الناس على السير بمنتصف الشارع (واذا تكلمت تكون أنت المخطئ والغلط .. أخي الناس بدها تتسبب .. وكأنك ضد !! طيب خود نص الرصيف و خلي العالم تمر .. يعني كون فوضوي وحر بالمخالفة مشان ظروفك القاهرة .. بس استحي شوي وما تبلع الشارع كلو هاد الشارع اللي و اللك .. ولا شو ؟؟؟؟؟؟؟ ) .
ثالثا و أخيرا مين قلك أنو هالشعب عبيد عندي ؟؟؟؟؟ منين أجاك هالاحساس ؟؟؟؟ أنا ما قلت هيك شي ... وأنا واحد عادي بدي سلتي بلا عنب .. بدك تحطلي فيها شوية هوررر و سوري نو بربلم يو ار ويلكح ... سلام

[عابر مجيب]

الطن =1000 كغ ، والتنكة 16 كغ
الطن = 1000 / 16 = 62.5 تنكة
ثمن التنكة بالدولار 3680 / 62.5 = 58.88$
يكون دولار الزيت يساوي 8000 / 58.88 = 135.88
يعني التصدير مفيد ، سمعنا في حدا بدو يصدر الله يتم عليه ، طبعا حيشتري جملة وأرخص ، ممكن ياخدهم من أرض المعصرة بعين العرب بيوقف دولارو = 105.31 وبيراعونا للجملة .

[عابر مجيب]

مرحبا سيد ماك ...
بحب وضح عدة نقاط اذا بتسمحلي :
أولا أنا كتبت الجملة الأخيرة وكنت على عجالة خوفا من انقطاع التيار الكهربائي وبالتالي ضياع المشاركة , وربما كان يجب استعمال تعبير ألطف لشرح الفكرة .. ولكن أكيد مو الهدف هو اهانة شعب كامل متل ما فهمت حضرتك .. من هنا ندخل للثانيا : أنا قلت أغلب العالم و أغلب يعني 51% وما فوق وليس بالضرورة 75% وما فوق لتكون اهانة شعب .. و أنا مصر أنو 51% من شعب بلدك واللي هي بلدي (وما في داعي تأمرني روح لغيرها لمارس الرقي :: شايف كيف مارست عليي حريتك -- نفيتني يا زلمة ) يمارسون حريتهم بطريقة فوضوية ولو على حساب ايذاء الاخرين .. نعم سيدي ايذاء وليس فقط تعدي صارخ على حرية الاخرين .. واذا بدي عدلك ما رح نخلص و أكيد أي انسان متحضر وحساس لمس هالشي .. فما في داعي تزاود عليي بالوطنية وبحبك للشعب اللي أنا واحد منو .. بس برجع وبأكد مليون بالمية أنو 51% من هالشعب يؤمن بمبدأ أنا ومن بعدي الطوفان ....... اذا بتحب أذكرلك مظاهر حريتهم قلي لأكتبلك صفحات عن ... مخالفات بناء - حجب الرؤية عن جيرانك بحائط بني حديثا - احتلال أرصفة وتسكير حارات ببضائع تجبر الناس على السير بمنتصف الشارع (واذا تكلمت تكون أنت المخطئ والغلط .. أخي الناس بدها تتسبب .. وكأنك ضد !! طيب خود نص الرصيف و خلي العالم تمر .. يعني كون فوضوي وحر بالمخالفة مشان ظروفك القاهرة .. بس استحي شوي وما تبلع الشارع كلو هاد الشارع اللي و اللك .. ولا شو ؟؟؟؟؟؟؟ ) .
ثالثا و أخيرا مين قلك أنو هالشعب عبيد عندي ؟؟؟؟؟ منين أجاك هالاحساس ؟؟؟؟ أنا ما قلت هيك شي ... وأنا واحد عادي بدي سلتي بلا عنب .. بدك تحطلي فيها شوية هوررر و سوري نو بربلم يو ار ويلكح ... سلام

كل شي حكيتو صح ، بس غيرت صفة الفعل ، هاد مو حرية ، هاد فوضى
واللي عم يمارسوها اتباع وازلام لمتنفذين أو هم متنفزين بأنفسهم ، والحرية هي انك تخلص من هدول اللي عم توصفهم ، وتحطلهم حد حتى ما يتعدوا على الحرية ، وشو ؟ قال باسم الحرية !.
شو رأيك انزعج من جاري وروح مارس حقي وحريتي وروح اقتلو واخلص منو مثلا ، معقول حدا يحرمني من هالحرية ؟! لا تخلط السموات بالأبوات .

[salkiny]

الطن =1000 كغ ، والتنكة 16 كغ
الطن = 1000 / 16 = 62.5 تنكة
ثمن التنكة بالدولار 3680 / 62.5 = 58.88$
يكون دولار الزيت يساوي 8000 / 58.88 = 135.88
يعني التصدير مفيد ، سمعنا في حدا بدو يصدر الله يتم عليه ، طبعا حيشتري جملة وأرخص ، ممكن ياخدهم من أرض المعصرة بعين العرب بيوقف دولارو = 105.31 وبيراعونا للجملة .


سلامات اخي عابر
وتحياتي لكل الاصدقاء
سعر تنكة الزيت نوع اول ( اول متل ما منقول نحن اسيد نص ) ب 40 دولار
ومن ارض المعصرة فيك تحصلها ب 38 دولار

[omar1964]

الطن =1000 كغ ، والتنكة 16 كغ
الطن = 1000 / 16 = 62.5 تنكة
ثمن التنكة بالدولار 3680 / 62.5 = 58.88$
يكون دولار الزيت يساوي 8000 / 58.88 = 135.88
يعني التصدير مفيد ، سمعنا في حدا بدو يصدر الله يتم عليه ، طبعا حيشتري جملة وأرخص ، ممكن ياخدهم من أرض المعصرة بعين العرب بيوقف دولارو = 105.31 وبيراعونا للجملة .
استاذ عابر حساباتك صحيحة لكن المصدرين حطو السعر 35 دولار لزيت حلب و ادلب
و 40 دولار لزيت المنطقة الوسطى ( فرق الـ 5 دولار يعود لنوعية الزيت و التكاليف اقل كونها اقرب للساحل و لبنان ) ..يعني مزارع الزيتون بدو دولار غالي لأن التكاليف السنة كتير عالية
تسعيرة المصرة 6 ليرات للكيلو
التنكة بحاجة لحوالي 70 - 90 كغ زيتون
اجور القطاف للكغ حوالي 10 ليرات للكغ قيمة
التنكة الفارغة 350 ليرة
اجور النقل من و الى المعصرة كمان حوالي 15 ليرة للكغ حسب بُعد الارض
آخر شي مصاريف شوالات و عتالة و نثريات
طبعاً ما حسبنا اجور الفلاحة و قيمة المازوت أو الكهرباء للري التكميلي و أجرة العيلة يلي قاعدة بالمزرعة و كلفة البخ و التقليم ...
بحسبة بسيطة تنكة الزيت بمناطقنا عم تكلف تقريبا اكتر من السعر يلي عم تنباع فيه ...!!

[عابر مجيب]

على السعر المحلي بيطلع الدولار فوق 200
أنا حسبتها على التنكة السويسرية المجلتنة
هههههههههههه

[hash]

للعلم للإخوة الاعضاء
اليوم تنكة زيت الزيتون ( اكسترا ) نزل سعرا و صارت بـ 8000 ليرة سورية فقط
اخي الكريم لايزال سعر تنكة الزيت البلدي في اللاذقية ب12500طبعا للنوع الممتاز

[omar1964]

اخي الكريم لايزال سعر تنكة الزيت البلدي في اللاذقية ب12500طبعا للنوع الممتاز
المفروض التجار بتمشي مع السوق صعودا او نزولا ..
علما انو الشهر الماضي راحت بضاعة كتير لللاذقية و لطرطوس من ريف حلب و ادلب و باسعار مقبولة بين 7000 و 8000 واصلة .. و حاليا ارخص
حط عليها 10% تقريبا ربح ( حسب كل تاجر ) بيطلع سعر المفرق .

[mak]

مرحبا سيد ماك ...
بحب وضح عدة نقاط اذا بتسمحلي :
أولا أنا كتبت الجملة الأخيرة وكنت على عجالة خوفا من انقطاع التيار الكهربائي وبالتالي ضياع المشاركة , وربما كان يجب استعمال تعبير ألطف لشرح الفكرة .. ولكن أكيد مو الهدف هو اهانة شعب كامل متل ما فهمت حضرتك .. من هنا ندخل للثانيا : أنا قلت أغلب العالم و أغلب يعني 51% وما فوق وليس بالضرورة 75% وما فوق لتكون اهانة شعب .. و أنا مصر أنو 51% من شعب بلدك واللي هي بلدي (وما في داعي تأمرني روح لغيرها لمارس الرقي :: شايف كيف مارست عليي حريتك -- نفيتني يا زلمة ) يمارسون حريتهم بطريقة فوضوية ولو على حساب ايذاء الاخرين .. نعم سيدي ايذاء وليس فقط تعدي صارخ على حرية الاخرين .. واذا بدي عدلك ما رح نخلص و أكيد أي انسان متحضر وحساس لمس هالشي .. فما في داعي تزاود عليي بالوطنية وبحبك للشعب اللي أنا واحد منو .. بس برجع وبأكد مليون بالمية أنو 51% من هالشعب يؤمن بمبدأ أنا ومن بعدي الطوفان ....... اذا بتحب أذكرلك مظاهر حريتهم قلي لأكتبلك صفحات عن ... مخالفات بناء - حجب الرؤية عن جيرانك بحائط بني حديثا - احتلال أرصفة وتسكير حارات ببضائع تجبر الناس على السير بمنتصف الشارع (واذا تكلمت تكون أنت المخطئ والغلط .. أخي الناس بدها تتسبب .. وكأنك ضد !! طيب خود نص الرصيف و خلي العالم تمر .. يعني كون فوضوي وحر بالمخالفة مشان ظروفك القاهرة .. بس استحي شوي وما تبلع الشارع كلو هاد الشارع اللي و اللك .. ولا شو ؟؟؟؟؟؟؟ ) .
ثالثا و أخيرا مين قلك أنو هالشعب عبيد عندي ؟؟؟؟؟ منين أجاك هالاحساس ؟؟؟؟ أنا ما قلت هيك شي ... وأنا واحد عادي بدي سلتي بلا عنب .. بدك تحطلي فيها شوية هوررر و سوري نو بربلم يو ار ويلكح ... سلام


ما كنت ناوي علق لأنو الفكرة بظنها وصلت بس بما انو الصالة فاتحة رح اكتب كم كلمة

اولا الاعتراض الاساسي و الأكبر ليس على رفضك مفهوم الحرية عند أغلبية الشعب على حد وصفك و ما ذكرته من امثلة عبر عنه الأستاذ عابر بالشكل الصحيح....الإعتراض الأكبر كان على تعبير (كاتمين على نفس هالكم راقي) بما يوحي انو مافي غير قلة قليلة هم الراقون و الباقي هم رعاع او ما الى ذلك ......برأيي شعبنا السوري من ارقى الشعوب و هاد لا يعني انو ما في ناس سرسرية و مجرمين و حرمية و ما الى ذلك...والا ما كنا وصلنا لهون ...و انا ما عم زايد على حدا بس نسبة الراقين في مجتمعنا كبيرة بس طبعا مقياس كل واحد للرقي بيختلف ...ممكن واحد يكون ما عندو مارسيدس او لبسو مبهدل يكون ارقى بكتير من اصحاب الملايين و الملابس و السيارات

بعدين كان بامكانك بسهولة تعدل المشاركة بعد ما اجت الكهربا.....على كلن ما علينا و انشالله دائما بنحسن نحل خلافاتنا برقي و تفاهم

[hash]

المفروض التجار بتمشي مع السوق صعودا او نزولا ..
علما انو الشهر الماضي راحت بضاعة كتير لللاذقية و لطرطوس من ريف حلب و ادلب و باسعار مقبولة بين 7000 و 8000 واصلة .. و حاليا ارخص
حط عليها 10% تقريبا ربح ( حسب كل تاجر ) بيطلع سعر المفرق .
كلامك صح اخي الكريم تنكة الزيت اللي عم تجي من من ادلب سعرها 8000 ل س لكن سعر تنكة الزيت انتاج محافظة اللاذقية 12500 لانو السنة موسم الزيتون خفيف كتير عنا والناس هون بفضلو الزيت اللادئاني عن الزيت الادلبي لانو الزيت اللادئاني لزوجتواكتر من الزيت الادلبي

[سائل مقيم]

كل شي حكيتو صح ، بس غيرت صفة الفعل ، هاد مو حرية ، هاد فوضى
واللي عم يمارسوها اتباع وازلام لمتنفذين أو هم متنفزين بأنفسهم ، والحرية هي انك تخلص من هدول اللي عم توصفهم ، وتحطلهم حد حتى ما يتعدوا على الحرية ، وشو ؟ قال باسم الحرية !.
شو رأيك انزعج من جاري وروح مارس حقي وحريتي وروح اقتلو واخلص منو مثلا ، معقول حدا يحرمني من هالحرية ؟! لا تخلط السموات بالأبوات .


مرحبا سيد عابر ..
هالمرة خيبت ظني لأني بعتقد أنك ما قرأت النقاش من أوله ..
وأنا ما عم أخلط السموات بالأبوات وبعرف الفرق بين الحرية و الفوضى ..بس الحكي كان عن الفوضوي اللي مفكر الفوضى اللي عم يمارسها حرية شخصية له ....... (فيك تقنعو أنو فوضوي .. أساسا هيك ناس اخر همها نظرة الاخرين لها .. المهم تدبر حالها وكل شي تاني مو مهم).
هلأ بقى بنرجع لمضمون نقاشي مع السيد ماك (اللي أنت ما قرأتو) وهو أنو أغلبية العالم 51% تمارس الفوضى بمفهومنا (الحرية بمفهومن .. متل ما شرحت فوق) وأنت وافقتني على هذا .. وهذا يدل للأسف على تأخر هذا الشعب بمقياس رقي الشعوب ...
وأقول للسيد ماك المحترم أن الاختلاف في الرأي لا يفسد للود قضية ولكن القلة من السرسرية موجودة في كل البلدان ولا تؤثر في حياة الشعوب ..أما الكثرة من السرسرية (مهما كانت توجهاتها كي لا أفهم خطأ) هي من أوصلتنا لهون حسب مشاركتك الأخيرة ..
أخيرا وما حدا يزعل ححط مثال صغير : أنو الناس اللي وضعت لي شكر وفهمت مشاركتي و أيدتها (يعني عم تعاني من الفوضى ومو رضيانة فيها)
هنن 3 مشاركين (بشكرهن) من أصل ........ يعني نسبة قليلة .. وهاد الشي أكد كلامي للأسف .. وبرجع بقول ما حدا يزعل .. واذا بدنا نصير أول شعوب العالم لازم نواجه الحقيقة بشجاعة.........................
وبالنسبة لعدم تعديل مشاركتي ما حبيت أهرب من خطأي بالتعبير المتسرع كما شرحت (ولحتى القراء يعرفو سبب النقاش) ..