سعر صرف الدولار والذهب مقابل الليرة السورية ليومي الخميس والجمعه ( 14 -15) - 11- 2013

[Maher_mla]

المركزي ينهي جلسة تدخل جديدة والدولار في شركات الصرافة بـ150 ليرة

14 نوفمبر 2013 3:40 م

http://i0.wp.com/aliqtisadi.com/wp-content/uploads/2013/08/مصرف-سورية-المركزي-جديد15-446x319.jpg

المركزي يأمر شركات الصرافة ببيع الدولار للمواطنين بسعر 150 ليرة

الاقتصادي سورية – خاص:

أنهى "مصرف سورية المركزي" اليوم اجتماعاً جديداً للتدخل في السوق لبيع الدولار للبنوك وشركات الصرافة، حيث بيع الدولار من قبل المركزي للشركات بسعر 148.5ليرة، على أن يتم بيعه للمواطنين بسعر 150 ليرة.

واشترط "المصرف المركزي" على الراغبين بشراء الدولار تقديم صورة هوية شخصية، أوسند إقامة موقع أصولا، أو فاتورة ماء أو كهرباء، أو هاتف.

وكان سعر الدولار وصل يوم 6 الشهر الجاري، إلى 125 ليرة، منخفضا بمعدل 25 ليرة خلال يومين، لكنه عاد للارتفاع تدريجيا إلى أن وصل اليوم لسعر 163 ليرة للمبيع و158 ليرة للشراء.

وأجرى المركزي سلسلة من جلسات التدخل في سوق الصرف، كان أولها مطلع شهر تموز الماضي، حيث باع على أثرها لشركات الصرافة كميات من الدولار بسعر 240 ليرة على أن تباع للمواطنين بسعر 250 ليرة، وآخرها 7 الشهر الجاري، عرض فيها مبلغ 20 مليون دولار للبيع.

ويسمح في جلسات التدخل السابقة للشركات ببيع المواطنين 10 آلاف دولار أميركي في العام، على ألا تزيد عن ألف دولار في الشهر، لكن المركزي شدد الشروط في الفترة الأخيرة بحيث طلب من شركات الصرافة أن تطلب من المشترين فاتورة للكهرباء أو الماء أو الهاتف وكذلك سند إقامة.

يشار إلى أن سعر دولار السوق السوداء كان وصل تموز الماضي، إلى أكثر من 300 ليرة.

الأكثر قراءة : نقلاً عن موقع الأقتصادي السوري

[خليل حسو]

خي خليل اليوم مو معطلين
بقامشلو مافي عطلة حتى يوم الجمعة بتسير تداولات عالخفيف وبعض الصرافين بيشتغلو
وأكثر العملات تداولا : دولار - تركي - يورو - سوري
وتصريف العملات من أيسر ماتكون

[حمادة 82]

رجاء ايضاح
تم البيع من صراف الى
والكميه التي تم 1 او 1000

والبيع تم قبل التدخل البنك ولا يوجد اي صراف يشتري على هذا السعر اثناء الجلسه

الصراف باع على هاد السعر

قبل العلم بالتدخل

تحياتي

[fade.199]

ممكن نعرف باديش الدولار بالشام

[fade.199]

مسالخير
ممكن نعرف بأديش الدولار بالشام

[عبدالقادر]

مشاركة لي سابقة الاعلان عن تدخل لن يكون له تأثير السوق جاف المية والميتين مارح تساوي شي عالم عم تطلب ميات الالوف التدخل من تحت الطاولة بهدي السوق ولكنه بوجه التيار خسارة

[عبدالقادر]

السوق الى ارتفاع لوين ارتفاع منعيد لوين ارتفاع

[عبدالقادر]

شباب صار لازم ننزل من الباص و نحجز بالنقل الجماعي

[عبدالقادر]

عم نشوف مشاركات التخويت عندون مالو ... وووووالي . مالو ... ووووالي

[عبدالقادر]

جوليت بتقلد العالم وبعدا.بتقلك عصروا مخكون وحقوق الملكية الفكرية

[انس الحموي]

وعدتنا تحكيلنا القصة من يومين :)



والله يا ابو خالد الصواب يلي اكلته كبير كتير وهل الشي اثر على نفسيتي ...القصة ومافيها بتذكروا لما وصل السعر لل165 صار عنا السوق بنص ساعة 157 ...هادا يا سيدي كنت بسوق الصياغ ومن المعروف عنا كل الصياغ بيشتغلوا بالدولار ,,دخل حوت بدو يلم دولار وكان السوق وقتها 162 ...قال السوق نازل بحلب والدولار ب155 وحط هيك وفرد 100 الف عالطاولة وقلهم قد مابدكم ببيعكم على 157 وبالفعل باع الكمية على 157 هون خلال دقائق صارت حالة خوف وهلع عند كل التجار والصياغ وكل يلي بيشتغل بالدولار وصار كب الدولار بالهبل ...هون داخل بالصدفة مرة تانية واذ هادا الحوت بقلوا للصياغ شلوني معك بردتلك السوق عالاخر هلىء قد مافيك لم على 155 وبالفعل انا واقف عما اتفرج لموا اكتر من نص مليون دولار خلال اقل من نص ساعه على سعر 155 ...الحيتان محد قدهم وراس المال بيعمل العجايب :rolleyes2:

حماة طيلة تداولات يوم الجمعة ... شراء 151 .....مبيع 153

[عبدالقادر]

اخ انس هي كانت ضخة المركزي قبل الاعلان عن التدخل وبها الطريقة كلما لو السوق على استنزاف

[عبدالقادر]

المركزي بضخ بهي الطريقة مشان العالم ترجع تبيع وهيك بكون من زيتاتون .غم يقليلون .

[عبدالقادر]

انسة شيرين المركزي لو ما عمبساوي هيك كانت هلق ليرتنا بالباي .باي . انا بنتقدوا .بس بنفس الوقت بحترموا . وبتمنى تكون الحلول جذرية مو انيية .وكل ماعصب بيندار علينا وبشلحنا خرجيتنا

[pharma1]

شكرا على الافادة

[dollar]

تحية لجميع الاعضاء
اول مادخلت بالمنتدى حبيت كتير اني اتعرف على اصدقاء حقيقين وحبيت هالشعور يللي بداخلهم وقلت اكيد رغم اني ماني صغير بالسن ومع ذلك حبيت اتعرف على الجميع وتمنيت انو يكونو كل الاعضاء اصدقائي وبعد ماتعرفت على بعض الاصدقاء يللي هم من نفس المدينة حبيتون جدا وحبيت رافقون وين مايروحو وانا معهم عالموت واي شي بقولو الي بوثق فيهم لدرجة مابتوقع فيها انو يوم من هالايام يغدرو فيي ولكن ...
مع احترامي لجميع المضاربين
اكتشفت انو بعض المضاربين لما بيشعرو بخطر الخسارة مابهمو اي شي بيشلف الضمير عجنب والصداقة على جنب وبباشر فورا ببرم صفقة لصالحو فورا ورغم انو بيعرف صديقه ان ماعندو هالخبرة وهو بيستفيد من عدم خبرة صديقه وبيفكر يعوض خسارته باي شكل كان حتى لو خسر صديقه كل شي المهم هو بامان
هاد الكلام صار معي انا شخصيا ومع احترامي للجميع وبحياتكون لاتوثقو بحدا وانتبهو منيح منيح كتير لان ممكن جدا انكون تكونو فريسة سهلة لبعض الذين يعدون نفسهم اصدقاء مقربين
ولازم الانسان يعرف ينتقي اصدقائه بشكل صحيح واهم شي انو يكون مربى والمربى غالي مويعني مصاري انو يكون تربية وأخلاق قبل اي شي
لاتواخذوني ياشباب وياصبايا بس الحياة تجارب
شكرا شباب
شكرا صبايا
شكرا سيريا ستوكس

اهلا و سهلا سيد تيم
من بعد اذن الاعضاء و المشرفين رح نطلع شوي عن موضوع الدولار و ناخد من وقت السيد تيم و يشرحلنا شوي شو عم يصير بسوق السيارات و شو متوقع بعد اول السنة
شكرا