صالة أسعار صرف الدولار والذهب وباقي العملات مقابل الليرة السورية ليوم الاربعاء 11-9-2013

[pop75]

صالة أسعار صرف الدولار والذهب وباقي العملات مقابل الليرة السورية ليوم الاربعاء 11-9-2013

اهلا و سهلا بكم

http://im34.gulfup.com/A7yDK.jpg

azhar1

[pop75]

يمكنم التبليغ عن المشاركات السيئة عن طريق الضغط على رابط "التبيلغ" الموجود على يمين المشاركات والموضح في الصورة التالية مع ذكر الأسباب.:


http://im32.gulfup.com/2F0SI.png

azhar1

[pop75]

توضيح حول موقع سيرياستوكس و خدماته (http://www.syria-stocks.in/forum/showthread.php?t=14728)

azhar1

[pop75]

تحليل للسيد رامي عطار من صالة امبارح

نعم ما يدور في بال الكثير ان هنالك هبوط للدولار في هذا اليوم
ويتم الفكير هل ابيع ما لدي ؟؟

رغم أن كل هدفنا من خلق نقاط الدعم والمقاومة ما هي الا لاطالة مدة استقرار الليرة رغم كل الضغوط عليها
إلا أن النقطة الحالية ليست نقطة خروج ، نعم ممكن هبوط الدولار وفي حال الهبوط يتم التجميع عند الدعوم ( 200 - 190 ) وتعديل نقطة رأس المال .

وذلك لأن الدولار يتراوح ضمن أسباب التردد السائدة في السوق والسياسة.

- وفي حال عودة الاستقرار النسبي نعود لنقطة المقاومة (240) ليكون الشراء من 190 - والخروج عند 240 .

azhar1

[pop75]

من قوانين المنتدى مع اسفنا للقيود

ممنوع


- التحريض بأسلوب التخويف سواء على البيع أو الشراء

- الحديث والتوقعات والتنبؤات التي لا تعبر عن رأي شخصي إنما عن بث الخوف او الهلع.

- نشر الأسعار البعيدة عن حالة السوق سواء بارتفاعها أو بانخفاضها، والأسعار الواقعية لا مانع فيها ولو كانت مختلفة عن سعر السوق.

- طلبات وعروض البيع أو الشراء للدولار مقابل الليرة السورية.

- المشاحنات والمواضيع الخارجة عن اطار هدف الصالة.

- نشر أرقام الهاتف و عناوين الاميلات

- أي كلام طائفي (يتم حظر صاحبه مباشرة)

azhar1

[pop75]

أسعار الإغلاق


حسب السعر الموجود بآخر تحديث على الموقع



شراء : 217
بيع : 211
هذا السعر لمدينة دمشق

هذا لا يمنع وجود حالات لبيع و شراء بأسعار أقل أو أكثر من ذلك

azhar1

[pop75]

أسعار الذهب في السوق العالمية : 1365.12 $ للأونصة

azhar1

[omar1964]

مساء الخير
كل الشكر و المحبة للأخ ابو عبد الرزاق على افتتاح الصالة
على فكرة سبقتني بدقيقة فقط .
يوم مبارك للجميع

[pop75]

السلام عليكم جميعا و اسعد الله صباحكم بكل خير و يومكم مبارك باذن الله

azhar1

[pop75]

مساء الخير
كل الشكر و المحبة للأخ ابو عبد الرزاق على افتتاح الصالة
على فكرة سبقتني بدقيقة فقط .
يوم مبارك للجميع


حبيبي انت يا ابو عمر و القلوب عند بعضها و الله انا عم شيك على المنتدى لقيت ما حدا فتح صالة جديدة قلت لحالي لنكسب اجر و نفتحها هههههههههههههه و انا و انت و احد ان شاء الله

azhar1

[مرهف83]

السلام عليكم
على بركة الله


قال الأحنف بن قيس: شكوت إلى عمي وجعا في بطني فنهرني ثم قال: يا بن أخي لا تشك إلى أحد ما نزل بك فإنما الناس رجلان : صديق تسوؤه و عدو تسره.

يا بن أخي .. لا تشك إلى مخلوق مثلك لا يقدر على دفع مثله لنفسه ولكن اشك إلى من ابتلاك به فهو قادر على أن يفرج عليك.

يا بن أخي .. إحدى عيني هاتين ما أبصرت بهما سهلا ولا جبلا منذ أربعين سنة و ما أطلعت ذلك امرأتي ولا أحدا من أهلي.

[زلاتان]

السلام عليكم
اتوجه بالاستشاره لأهل الخبره
وخصوصا الاخ رامي العطار وباقي الاعضاء الكرام

انا متابع لكم بشكل زائر دائما
اريد النصيحه : لانو ماعددت اتحمل ضربات
بسبب الظروف لم استطع حيازه مبلغ ادخار والان استطيع
ولكن خسارتي صارت اكثر من النصف
المهم النصيحه نشتري اليوم ام ننتظر كمان ؟ هل نلجأ للدهب ام للعمله و ماالفرق ؟
الرجاء اخذي برحابه صدر وشكرا لكم وبالنهايه العلم عند الله ولكن يجب استشاره اصحاب الخبره

[عبدالقادر]

نبارح ركة صرافة هكرواالموقع وقت بلش ينزل والمسا حاولو يرفعوا بلعبة خسيسة والمركزي عا مل حالوا مانوا هون بالرغم من انها فرصته ليكسر الصرافة تكسير وبالذات كلون شترو بالغالي على اساس انو في ضربة بس عم شك انو ا لمركزي معاهون وين الفريق الاقتصادي لعما

[عبدالقادر]

قلنالكون انو اقتصاد سورية بدوفك طلاسم كان المركزي عم يطح وينح ماعم ينزلو ليرتين نبارح وليوم بخبر نزل كر لورا والصرافة عملوا جهذون لما ينزل ونزل بمشيقة الله

[mak]

السلام عليكم
اتوجه بالاستشاره لأهل الخبره
وخصوصا الاخ رامي العطار وباقي الاعضاء الكرام

انا متابع لكم بشكل زائر دائما
اريد النصيحه : لانو ماعددت اتحمل ضربات
بسبب الظروف لم استطع حيازه مبلغ ادخار والان استطيع
ولكن خسارتي صارت اكثر من النصف
المهم النصيحه نشتري اليوم ام ننتظر كمان ؟ هل نلجأ للدهب ام للعمله و ماالفرق ؟
الرجاء اخذي برحابه صدر وشكرا لكم وبالنهايه العلم عند الله ولكن يجب استشاره اصحاب الخبره


قبل ما قول رأيي الذي يحتمل الخطأ و الصواب.....النصيحة انك تستخير و تتوكل على الله.....برأيي انو هل السعر هو فرصة للادخار لمن فاته القطار سابقا......اذا كان المبلغ كبير دخول على دفعات بس لا تتأخر لأنو هالنزلة برأيي الشخصي ما رح تطول والله اعلم......بتوقع السعر الجديد على الأقل 225-235 .......شو ما صحلك تحت ال 220 لقطة......ممكن يرتد السعر لل 210 او 205 ..بس من جهتي بتوقع انك ما تلحق تشتري بهيك سعر.....الذهب للادخار طويل الأمد (اكثر من سنة) و خسارتو للصياغ كبيرة يعني بينصب عليك شو ما كان السعر و بتطلع خسران اكتر من الدولار...بس هلأ حتى الدولار صار النصب فيه شغال بعد اختفاء اغلب الصرافة و صارو الشقيعة يتحكمو بالواحد....بس اذا اضطريت تسافر اكيد دولار اريح

[عبدالقادر]

حكيت مع صراف بحماه قلتلو ليش ارتفع السعر المساوصارب220مع انو العصركان ب212مع بوسة ايد قال والله صار طلب قلتلو بدي بيعك قالي بعد بلجمة ب200 قمت قلتلو والله شو ماصار فيكون قليل

[عبدالقادر]

ليوم انشاءالله نازل اللي رفعوا الضربة وهلق مافي ضربة والكل شاري من فوق حلوا بقا

[عبدالقادر]

المهم المنفهمو انو نطات هالشهر ما في عطونا رياحة فالسعر لورا والاسعار هالشهر رياحة فاشتروا طنجره وعلقو النار وببسطو بطبخة لان نشف قلبنا

[عبدالقادر]

في غياب كتير بالمنتدى ديناميك انس جوليت وكتار كنا نعتمد عليهون بالاسعار

[علاء 2]

شو اسعار الدولار في حماه ارجو مساعدة

[BROKER]

السلام عليكم
اتوجه بالاستشاره لأهل الخبره
وخصوصا الاخ رامي العطار وباقي الاعضاء الكرام

انا متابع لكم بشكل زائر دائما
اريد النصيحه : لانو ماعددت اتحمل ضربات
بسبب الظروف لم استطع حيازه مبلغ ادخار والان استطيع
ولكن خسارتي صارت اكثر من النصف
المهم النصيحه نشتري اليوم ام ننتظر كمان ؟ هل نلجأ للدهب ام للعمله و ماالفرق ؟
الرجاء اخذي برحابه صدر وشكرا لكم وبالنهايه العلم عند الله ولكن يجب استشاره اصحاب الخبره

وعليكم السلام
لا استطيع الرد الا بالكلام الموجود من الامس واعاد نسخه الاخ فاتج الجلسة مشكوراً :



نعم ما يدور في بال الكثير ان هنالك هبوط للدولار في هذا اليوم
ويتم الفكير هل ابيع ما لدي ؟؟

رغم أن كل هدفنا من خلق نقاط الدعم والمقاومة ما هي الا لاطالة مدة استقرار الليرة رغم كل الضغوط عليها
إلا أن النقطة الحالية ليست نقطة خروج (بيع) ، نعم ممكن هبوط الدولار وفي حال الهبوط يتم التجميع (الشراء) عند الدعوم ( 200 - 190 -+10) وتعديل نقطة رأس المال .

وذلك لأن الدولار يتراوح ضمن أسباب التردد السائدة في السوق والسياسة.

- وفي حال عودة الاستقرار النسبي نعود لنقطة المقاومة (240) ليكون الشراء من 190 - والخروج (البيع) عند 240 .

[mak]

المهم المنفهمو انو نطات هالشهر ما في عطونا رياحة فالسعر لورا والاسعار هالشهر رياحة فاشتروا طنجره وعلقو النار وببسطو بطبخة لان نشف قلبنا


الله يسمع منك.....بس لسا الشهر بأولو.....و من جهتي ما مقتنع بانو الوضع مستقر....بدك تشوف الشباب:).......و الدليل انو صحيح الصرافة عم يشتروا برخيص بس ما عم يبيعو برخيص.....و كمان ما عم يبيعو غير من يللي عم يشتروه جديد.....بس يبلشو بيع بكميات مو اعتمادا على يللي عم يلمو تشليح من الناس ساعتها ممكن نقول انو السعر نزل فعلا.......و الاسباب يللي خلت الدولار يطلع من ال 50 لل 200 ما تغيرت و ما الها علاقة بالضربة ....و وقت نط لل 330 المرة قبل الاخيرة كمان ما كان في ضربة.....فممكن تشرح ليش انت متأكد كتير انو الاسعار مستقرة هاد الشهر و لورا كمان؟

[المعلم عمر]

السلام عليكم ورحمة الله وبركاته

افتتاحية مباركة أخي أبو عبد الرازق

اللهم احمي سورية وأهلها وكن معهم ولاتكن عليهم

[مجد]

صباح الخير

[omar1964]

صباح الخير

[jamal80]

صباح الخير للجميع
افتتاحية مباركة من الأخ أبو عبد الرزاق

[مجد]

ليسال احدنا نفسه لماذا يريد بيع مدخراته او بعضها بالدولار

ان كان لعلاج او طعام لايوجد مشكله يمكنه البيع حسب حاجته

والا فهو يحاول ان يضارب بالوقت الخطا والسعر الخطا الان .

فسعرالدولارالمرتفع ليس سببه احتمال الضربة او عدمة ولكن

سعر الدولار المرتفع سببه الازمة وما نشا عنها من اقتصاد

منهار تقريبا .وكلنا يذكر وصول سعر الدولار الى 335 ليرة

قبل الكلام عن الضربة .اكثر من يخسر الناس هو سرعة اتخاذ

القرارات دون تفكير .تكلما ان سعر 200ليرة للدولار تقريبا

مناسب للمدخرين للشراء .غالبية الكلام عن الازمة السورية

يتم على انها الازمة مطولة .فاسرائيل من مصلحتها امتداد الازمة

لسنين طويلةولاحظنا ان الغرب بالنهاية ركزعلى ما يهم اسرائيل

وهو امران تدمير الاسلحة الكيماوية واستمرار الازمة طالما ان

هذا يخدم اسرائيل بالنهاية.الحل بسيط وهوان تنتشر الديمقراطية

في دولناالعربية من ال سعود الى ال ثاني الى ال ثالث ولننتهي من

كلمة للابد قولا وفعلاوالا سنظل نقتل بعضنا للابد .

والسلام

[jamal80]

تداولات البورصة ترتفع نحو 8.6 مليون ليرة

10 سبتمبر 2013 1:30 م
inShare
http://i0.wp.com/aliqtisadi.com/wp-content/uploads/2013/07/%D8%AA%D8%AF%D8%A7%D9%88%D9%84%D8%A7%D8%AA-%D8%A7%D9%84%D8%A8%D9%88%D8%B1%D8%B5%D8%A9-%D9%86%D8%AD%D9%88-65.9-%D9%85%D9%84%D9%8A%D9%88%D9%86-%D9%84%D9%8A%D8%B1%D8%A9-446x319.jpg

تداولات البورصة نحو 13.3 مليون ليرة





الاقتصادي سورية – خاص:


أغلقت البورصة جلستها ليوم الثلاثاء، على حجم تداول 104.736سهماً، بقيمة 13.386.600.75 ليرة سورية، وعدد صفقات وصل إلى 64 صفقة، مرتفعة نحو 8.6 مليون ليرة عن قيمة تداولات أمس الاثنين.


وكانت أسهم الشركات الأكثر ارتفاعا لـ"بنك سورية الدولي الإسلامي" وبلغ حجم تداولاته 38.013 سهما وبلغ السعر الوسطي لسهمه 125.26ليرة، و"بنك قطر سورية" وبلغ حجم تداولاته 32.689 سهما وبلغ السعر الوسطي لسهمه 127.66 ليرة.


فيما كانت أسهم الشركات الأكثر نشاطا بالحجم للـ"بنك سورية الدولي الإسلامي" وبلغ حجم تداولاته 38.013 سهما وبلغ السعر الوسطي لسهمه 125.26ليرة، و"بنك قطر سورية"، بالإضافة إلى بنك "فرنسبنك – سورية" وبلغ حجم تداولاته 13.748 سهما وبلغ السعر الوسطي لسهمه 102.47 ليرة.


و"الشركة السورية الوطنية للتأمين" وبلغ حجم تداولاتها 11.000 سهما وبلغ السعر الوسطي لسهمها 135.75ليرة، و"بنك عوده سورية" وبلغ حجم تداولاته 7.000 سهما وبلغ السعر الوسطي لسهمه 169.57ليرة.


وكانت أسهم الشركات الأكثر انخفاضا لـ"فرنسبنك – سورية" و"بنك عوده سورية".


يشار إلى أن البورصة كانت أغلقت جلستها ليوم أمس الاثنين، على حجم تداول 33.687 سهماً، بقيمة 4.741.762.25 ليرة سورية، وعدد صفقات وصل إلى 31 صفقة.

[ADIB]

اسعد الله صباحكم بكل خير

[ADIB]

والله اليوم شايفو نازل باعتقادي لانو مبارح كانو ينغنجو وفي تردد بلشراء

[ADIB]

والدهب بعتقد بدو يستمر بمسيرة النزول

[RAFEK]

والله اليوم شايفو نازل باعتقادي لانو مبارح كانو ينغنجو وفي تردد بلشراء

يعني تمديد فرصة الشراء لمن لم يلحق

[محمد سامر]

صباح الخير للجميع
صباح الخير سوريااااا

[ابن الجبل]

صباح الخير للجميع
صباح الوطن الجميل

[fuad_syria]

صباحكم مبارك بإذن الله

[ابو وائل]

صباح الخير

[مجد]

عن عبد الله بن عمرو رضي الله عنهما عن النبي - صلى الله عليه وسلم - ، قال : أربع من كن فيه كان منافقا ، ومن كانت خصلة منهن فيه كانت فيه خصلة من النفاق حتى يدعها : من إذا حدث كذب ، وإذا وعد أخلف ، وإذا خاصم فجر ، وإذا عاهد غدر خرجه البخاري ومسلم .

[أبو حسن]

ريف حلب الشرقي
منبج
ش 213 م 217

[أبو حسن]

يعني تمديد فرصة الشراء لمن لم يلحق

ليش مين ضل عندو مصاري سوري يشتري فيهن دولار

[مجرد إنسان]

السلام عليكم
الذهب ليس في وضع جيد على المستوى المنظور وهو معرض لانخفاض قوي في سعره
يرجى الانتباه ومن كان مصرا على الاستثمار في الذهب فليكن بجزء من رأس المال -ربع او ثلث- فقط مع تبديل الباقي الى دولار عند الاسعار المناسبة التي شرحها اخونا رامي او على دفعات ..

يرجى الانتباه للغاية من المروجين للذهب ...
بقولو صاعد صاعد صاعد وبتلاقوه نازل نازل نازل
كنا نسمع كلمة صاعد من لما وصل لل ١٤٢٥ واليوم صار ١٣٦٥ ...

[feraas55]

ممكن مساعدة اخي لو سمحت
rrr

[feraas55]

مشككككككككككككككككككككور

[خيرو الشامي]

صباح الخير..يتسائل بعض الاخوة عن اسباب نزول الدولارمن 250وما فوق الى 215وما تحت واقول ان السبب الذي ادى الى الارتفاع هو الضربة العسكرية التي خلقت الطلب على الدولار وعندما تراجعت احتمالات الضربة وبشكل كبير وزال السبب في الطلب هرع الناس خوفا من بعضهم فقالو يلي بيركض بلحق يبيع بشكل افضل من من يتاخر... وعليه اقول ان وجد حل حقيقي رضي به طرفي النزاع فجاة سينزل الدولار لل 100ليرة سورية وذلك لسبب انو بيركضو الناس مشان يلحقو(بتسموها سياسة القطيع ..سياسة الناس الموفهمانين شو ما بدكم سموها)ومن بعد ها يبدأ السعر بالصعود علميا ومنطقيا وتوازنيا وقد زالت حاجت الناس والمدخرين الى الدولار

[Maher_mla]

اتوقع ثبات سعر الدولار هل اليومين حتى تدخل المركزي
يتراوح ما بين 210-220
لأن العرض والطلب تقريباً متساوياً
الا اذا حصل امر سياسي سيغير الأرقام اكيد
مع احترامي لجميع الآراء

[yasser ha]

صباح الخير..يتسائل بعض الاخوة عن اسباب نزول الدولارمن 250وما فوق الى 215وما تحت واقول ان السبب الذي ادى الى الارتفاع هو الضربة العسكرية التي خلقت الطلب على الدولار وعندما تراجعت احتمالات الضربة وبشكل كبير وزال السبب في الطلب هرع الناس خوفا من بعضهم فقالو يلي بيركض بلحق يبيع بشكل افضل من من يتاخر... وعليه اقول ان وجد حل حقيقي رضي به طرفي النزاع فجاة سينزل الدولار لل 100ليرة سورية وذلك لسبب انو بيركضو الناس مشان يلحقو(بتسموها سياسة القطيع ..سياسة الناس الموفهمانين شو ما بدكم سموها)ومن بعد ها يبدأ السعر بالصعود علميا ومنطقيا وتوازنيا وقد زالت حاجت الناس والمدخرين الى الدولار


هذا الكلام يتنافى مع الواقع حيث أن أغلب الصرافة في السوق السوداء أصبحوا خارج سورية أي أن السوق الان في حالة جمود ( لا عرض ولا طلب )
مع العلم أن سعر المركزي الان هو 135 وهو السعر المنطقي والمتوازن والعلمي كيف سيصبح السعر 100

[seraj]

صباح الخير و الأمل

[osama289]

سلامي للجميع
حماة الآن شراء 215 ------- ومبيع 218 متوفر بالاتجاهين

[seraj]

من المنطقي بعد هذه التجربة المريرة لليرة صعودا و هبوطا أن لا يخضع سعر الليرة لتصريح هنا و تهديد هناك و لكن في ظل هذه الأزمة أصبحنا مقتنعين أن الليرة كغيرها من مفردات الأزمة السورية لا تخضع للمنطق!
( و ما رايحة إلا على الشعب المعتر يللي الكل عم يضحي فيه مشان مصالحو )

[محمد سامر]

السعر في لبنان على الحدود
200 - 210 الساعة 9.30 صباحا
و عند السؤال عن سبب الفارق 10 ليرات أجاب بأن الوضع سيتغير لل 5 ليرات و لكن عند استقرار السوق

[osama289]

برأيي المتواضع انو التوقعات صعبة جدا حاليا
فمثلا كل توقعات استمرار الهبوط قد تذهب ادراج الرياح في حال صدور نتائج التحقيق عن الكيماوي بما لا تشتهي السفن
وتنقلب الى ارتفاع او تعثر المناورة تبع تدمير الاسلحة الكيماوية
ايضا ستأخذنا الى متاهات وارتفاعات لا نعلمها فالمضاربة حاليا صارت خطرة
بوقت اللي واحدنا ما عاد متحمل اي خسارة
تقبلو رأيي المتواضع وشكرا

[زلاتان]

صباح الخير للجميع
الذهب الكسر لو سمحتو مبيع + شراء وعلى اي دولار محسوب مبيع شراء
شكرا لكم

[خيرو الشامي]

هذا الكلام يتنافى مع الواقع حيث أن أغلب الصرافة في السوق السوداء أصبحوا خارج سورية أي أن السوق الان في حالة جمود ( لا عرض ولا طلب )
مع العلم أن سعر المركزي الان هو 135 وهو السعر المنطقي والمتوازن والعلمي كيف سيصبح السعر 100

اخي الكريم اقول هي حالة ستحصل نتيجة التهافت على بيع الدولار وساعتها المركزي بينزل سعره بسبب كميات الضخ من قبل الناس وسيكون المركزي هو اول المستفيدين
وثانيا نحن بالشام عم يروح صراف عم يجي غيرو (واذا بدك)عنا بالشام الكبير والصغير والمأمط بالسريروست البيت والكنة والحماية وطالاب الجامعات والمسؤولين ويلي مومسؤولين والممثلين ويلي مو ممثلين وكل الاسواق الرئيسية والاسواق يلي مو رئيسية كلو عم يتعاطى بالدولار وخود عينة من العالم يلي اشترت من شركات صرافة او البنوك وقت التدخل لاسباب غير تجارية ... ويلي قلبو ضعيف وما بتحمل متلي بحول على ابن عم الدولار وهي الليرة الذهب او الذهب الكسر.والنتيجة وحدة..امس بنت عمرها6سنين سالت جاري قالتلو اديش هاد المبايل عمو قلها هاد كلكسي بوكيت سعره22500 ليرة قالتلو الطفلة ليش اديش الدولار عمو هههههههههههههههههههههههه

[amins]

دمشق -الحميدية الساعة12:00

212-206 متوفر

[ابوعلي]

بيــــــــــــــــــــــــــــــــــــــــــــــــ ــــروت الآن
203 ــــــــــــــــــــــــــــــــــــ207
ــــــــــــــ
ـــــ
ــ

[ابن الجبل]

ممكن مساعدة اخي لو سمحت
rrr
حدد من هذا الاخ الذي تريد منه مساعدة فلاأخوى بالمئات

[rana-h]

صباح الخير


https://fbcdn-sphotos-a-a.akamaihd.net/hphotos-ak-prn2/p320x320/1185401_430926857017913_1863219632_n.jpg
(https://www.facebook.com/photo.php?fbid=430926857017913&set=a.220385114738756.43766.220383748072226&type=1&ref=nf)

[الياطر]

سعر الذهب عيار ٢١ ٨٠٠٠
سعر الذهب عيار ١٨ ٦٨٥٧
سعر الذهب عيار ١٤ ٥٣٣٣
سعر الذهب عيار ١٢ ٤٥٧١

[الياطر]

سعر الذهب الكسر في دمشق
٨٢٠٠للمبيع ٧٧٠٠للشراء

[الياطر]

سعر الذهب الكسر في اللاذقية
٨٠٠٠للمبيع ٧٦٠٠للشراء

[عابر مجيب]

هذا الكلام يتنافى مع الواقع حيث أن أغلب الصرافة في السوق السوداء أصبحوا خارج سورية أي أن السوق الان في حالة جمود ( لا عرض ولا طلب )
مع العلم أن سعر المركزي الان هو 135 وهو السعر المنطقي والمتوازن والعلمي كيف سيصبح السعر 100

بالنسبة للصرافين لو بقي واحد بيكفي ، متل الخزان المثقوب بثقب واحد كبير أو عشرة مشكلين ، عالصبح فاضي فاضي .
النزول للـ100 هاد من باب اللغو والمبالغة الكاريكاتورية ، لا تاخدها بحذافيرها ;)
بس إذا شاغل بالك سعر المركزي ، بليلة وضحاها بيرجعوه 95 وما بيخلوك تزعل هههههههه .

[eng.mdkh]

الذهب الكسر - دمشق - الساعة 12:35

7600 - 8100
يعني محسوب على دولار تقريباً :
شراء : 198 مبيع :211

[مرهف83]

السلام عليكم
الذهب ليس في وضع جيد على المستوى المنظور وهو معرض لانخفاض قوي في سعره
يرجى الانتباه ومن كان مصرا على الاستثمار في الذهب فليكن بجزء من رأس المال -ربع او ثلث- فقط مع تبديل الباقي الى دولار عند الاسعار المناسبة التي شرحها اخونا رامي او على دفعات ..

يرجى الانتباه للغاية من المروجين للذهب ...
بقولو صاعد صاعد صاعد وبتلاقوه نازل نازل نازل
كنا نسمع كلمة صاعد من لما وصل لل ١٤٢٥ واليوم صار ١٣٦٥ ...

السلام عليكم
ما هي المعايير التي يتم البناء عليها والذي يسبب انخفاض الذهب أو التوقع بانخفاضه

[عابر مجيب]

برأيي المتواضع انو التوقعات صعبة جدا حاليا
فمثلا كل توقعات استمرار الهبوط قد تذهب ادراج الرياح في حال صدور نتائج التحقيق عن الكيماوي بما لا تشتهي السفن
وتنقلب الى ارتفاع او تعثر المناورة تبع تدمير الاسلحة الكيماوية
ايضا ستأخذنا الى متاهات وارتفاعات لا نعلمها فالمضاربة حاليا صارت خطرة
بوقت اللي واحدنا ما عاد متحمل اي خسارة
تقبلو رأيي المتواضع وشكرا

أنا غيرت رأيي ، أحسن شي المضاربة ، وآمنة بوجود قليلي العقل، اللي فوق الهبل طماعين .
بيع ، وزت اشاعة صغيرة ، رجاع بعد ساعة اشتريهم بتراب المصاري .Big Grin
مهما غلطت بيضل في ناس مجاديب .
كل قمحة مسوسة إلها كيال أعور .

[مرهف83]

....

[al-kady lebanon]

السعر في لبنان
200 --- 205

[salkiny]

صباح الخير للجميع
ريف ادلب
215- 217

اعتقد انها نقطة المقاومة

[black_ghost87]

Banias
210-217

[rana-h]

بعيدا عن الدولار حابه هاجر انا واخ لي يدرس في السنه الاخيره هندسة ميكانيك الى السويد او المانيه هل لأحد اي معلومات يقدمها لنا مشكور وعن الطريقه والمراحل ان امكن

[ailaf]

مسا الخير -لو في حدا من القامشلي ويفيدنا عن اسعار الصرف اليوم واذا ممكن وين متوفر

[نورالهدى]

صباح الخير
أعتقد أن انخفاض سعر الدولار خلال هذا الأسبوع مؤقت مع أن ارتفاعه كان بسبب حدث سياسي وذلك لعدم وجود مؤشرات على التحسن الاقتصادي أو تأثر الأسعار بنسبة الانخفاض
ما تعليقكم على الموقف
والله يعطيكم العافية

[RAFEK]

دمشق الساعة 1 ظهرا
شراء : غير متوفر
مبيع : 214 متوفر

[الياطر]

السلام عليكم
الذهب ليس في وضع جيد على المستوى المنظور وهو معرض لانخفاض قوي في سعره
يرجى الانتباه ومن كان مصرا على الاستثمار في الذهب فليكن بجزء من رأس المال -ربع او ثلث- فقط مع تبديل الباقي الى دولار عند الاسعار المناسبة التي شرحها اخونا رامي او على دفعات ..

يرجى الانتباه للغاية من المروجين للذهب ...
بقولو صاعد صاعد صاعد وبتلاقوه نازل نازل نازل
كنا نسمع كلمة صاعد من لما وصل لل ١٤٢٥ واليوم صار ١٣٦٥ ...

اخي السلام عليكم
كانو حاسس انو كلامك موجه الي
انا لا بحياتي روجت لا للذهب ولا للدولار
وكل الاعضاء بيعرفو هالشي
انا بكتب تحليل عن سعر الذهب عالميا
وسعر الذهب محليا سواء سعر الجمعية او الكسر
اما اذا كنت انت وغيرك مزعوجينمن كلمة صاعد
بحب قلك انو مع كل تحليل كنت اكتب نقاط دعم ونقاط مقاومة
وعلى اساس هي النقاط ابتتحدد الاتجاهات
يعني لا على كيفي ولا على كيفك
وفيك تتاكد من هالشي من الانترنت في الف موقع متخصص بتحليل اسعار الذهب وبتشوف انو الكل بقلك صاعد
اما اذا ما بتعرف شو يعني نقاط دعم ومقاومة ما في داعي تتهم العالم ظلم.

[Dynamic Pulse]

دمشق عالهاتف
205‏_‏210
متوفر

[eng.mdkh]

صباح الخير
أعتقد أن انخفاض سعر الدولار خلال هذا الأسبوع مؤقت مع أن ارتفاعه كان بسبب حدث سياسي وذلك لعدم وجود مؤشرات على التحسن الاقتصادي أو تأثر الأسعار بنسبة الانخفاض
ما تعليقكم على الموقف
والله يعطيكم العافية


بس أنت برأيك مو سعر الدولار بـ 200 ليرة غالي كتير كتير ... و بيحرق نفس الشعب ...
يعني ما اختلفنا الاقتصاد فايت بالحيط .... بس فايت بالحيط لدرجة الدولار بـ 200 أم فايت بالحيط لدرجة الدولار بـ 150 أم بـ 300 أم ...... الله أعلم .

[mak]

شباب سعر الشام بلش يطلع....صار 210 -220.....كان السعر 215 بس هلأ طلع

[الياطر]

يلي مزعوج من كلمة صاعد رغم انو سعر اونصة الذهب نزل من ١٤١٥وسعر الاونصة اليوم ١٣٦٥
بحب قلك او هاد النزول اسمو موجة تصحيحية هابطة ضمن الاتجاه الصاعد الكامل على المدى القصير
ويا سيدي طالما سعر اونصة الذهب فوق ١٣٥٨دولار فالاتجاه العام صاعد صاعد صاعد
وانا ما عم روج للذهب ولالغيرو
بس انت على ما يبدو عندك مشكلة مع الليرة السورية وعم تسعى لانهيارها وكل مشاركاتك بدل على هالشي

[amins]

دمشق -الحميدية الساعة2:00



210-205 متوفر

[salkiny]

ريف ادلب الساعة 2 ظهرا
212-216
متوفر بالاتجاهين مع توازن بالعرض والطلب تقريبا



تم تصحيح الخطأ في سعر المبيع

[Dynamic Pulse]

شباب هلأ علق معي خط الخليوي بحلب بعد محاولات من عشر أيام
بس النت والأرضي لسة مقطوع حسب مافهمت
إنشاء الله منتطمن على حلب قريبا

[عابر مجيب]

بعيدا عن الدولار حابه هاجر انا واخ لي يدرس في السنه الاخيره هندسة ميكانيك الى السويد او المانيه هل لأحد اي معلومات يقدمها لنا مشكور وعن الطريقه والمراحل ان امكن

ابتداءا من الصفر ؟
يعني مافي حدا هونيك بيقربكم ؟

بكل حال إذا في عندك أخ أو أخت هونيك ، مقيمين من زمان أو عندهم جنسية .
ممكن يبعتولك دعوة وضمان التكفل بالمصاريف وإلاقامة .
بتعبوا الطلبات ، وفي واحد قبضاي بيقدملكم للحصول على موعد ببيروت وحتى هو ممكن يعبي الطلبات ، ما بيكلف كتير 100 $ للواحد( قنوع ) وطبعا لازم تقدموا شهادات مترجمة عن أملاك عقارية وكشوف بنك ، وشهادات الجامعة لأخوك وكشف العلامات والذي منه ، وعدي ألفات .
تذاكر الطيران اجباري ذهاب وعودة ، متوسط التذكرة ( 700 - 800 )$، ولسا بدكم تأمين صحي ، وسفر إلى لبنان
بالخلاصة ممكن الواحد بدون التذاكر هلأ يكلف 70 ألف .
الرفض مضمون Big Grin
طبعا انا اختصرت كتير ، إذا أخوك بيقدر يروح كطالب ، لازم يراسل الجامعات ويحصل على قبول ممكن زودك بالتفصيلات ، ولازم يحول مبلغ 8000 يورو لحساب باسمه هونيك ، كمان هاد لحالو اختصاص ، بس انت شو الحجة اللي بدها تسمحلك بالذهاب معه ؟
راح الكتير والباقي سنة دراسة وبيتخرج أخوك ، ما عاد محرزة ، كان فكرتوا بالسفر قبل سنتين . على كل حال معاملات السفر إذا مشيت بقدرة آدر ، رح تاخد أكتر من سنة لتحصلوا على الرفض :StickOutTongue.
كل المصاريف اللي ذكرتها ، وفروها واتبحبحوا فيها هون ، بتصير حياتكم بالقصف أحسن من ألمانيا بالافلاس .

[shereen]

أنا غيرت رأيي ، أحسن شي المضاربة ، وآمنة بوجود قليلي العقل، اللي فوق الهبل طماعين .
بيع ، وزت اشاعة صغيرة ، رجاع بعد ساعة اشتريهم بتراب المصاري .big grin
مهما غلطت بيضل في ناس مجاديب .
كل قمحة مسوسة إلها كيال أعور .

كلام من ذهب استاذ عابر الدهب الاونصة1358 والدولار نازل عالميا

[shereen]

ابتداءا من الصفر ؟
يعني مافي حدا هونيك بيقربكم ؟

بكل حال إذا في عندك أخ أو أخت هونيك ، مقيمين من زمان أو عندهم جنسية .
ممكن يبعتولك دعوة وضمان التكفل بالمصاريف وإلاقامة .
بتعبوا الطلبات ، وفي واحد قبضاي بيقدملكم للحصول على موعد ببيروت وحتى هو ممكن يعبي الطلبات ، ما بيكلف كتير 100 $ للواحد( قنوع ) وطبعا لازم تقدموا شهادات مترجمة عن أملاك عقارية وكشوف بنك ، وشهادات الجامعة لأخوك وكشف العلامات والذي منه ، وعدي ألفات .
تذاكر الطيران اجباري ذهاب وعودة ، متوسط التذكرة ( 700 - 800 )$، ولسا بدكم تأمين صحي ، وسفر إلى لبنان
بالخلاصة ممكن الواحد بدون التذاكر هلأ يكلف 70 ألف .
الرفض مضمون big grin
طبعا انا اختصرت كتير ، إذا أخوك بيقدر يروح كطالب ، لازم يراسل الجامعات ويحصل على قبول ممكن زودك بالتفصيلات ، ولازم يحول مبلغ 8000 يورو لحساب باسمه هونيك ، كمان هاد لحالو اختصاص ، بس انت شو الحجة اللي بدها تسمحلك بالذهاب معه ؟
راح الكتير والباقي سنة دراسة وبيتخرج أخوك ، ما عاد محرزة ، كان فكرتوا بالسفر قبل سنتين . على كل حال معاملات السفر إذا مشيت بقدرة آدر ، رح تاخد أكتر من سنة لتحصلوا على الرفض :stickouttongue.
كل المصاريف اللي ذكرتها ، وفروها واتبحبحوا فيها هون ، بتصير حياتكم بالقصف أحسن من ألمانيا بالافلاس .





اخي عابر ماعاد في سفر الا تهريب وبتكلف 8500 وفيها مخاطرة او بتدفع 450 الف دولار وبتاخود اقامة دائمة

[عابر مجيب]

صباح الخير
أعتقد أن انخفاض سعر الدولار خلال هذا الأسبوع مؤقت مع أن ارتفاعه كان بسبب حدث سياسي وذلك لعدم وجود مؤشرات على التحسن الاقتصادي أو تأثر الأسعار بنسبة الانخفاض
ما تعليقكم على الموقف
والله يعطيكم العافية


لما اللفايات صاروا يقولولك صمديلي أجرتي واصرفيلي دولار
شي طبيعي يصير الدولار مسخرة بين الناس ، وكلمه بترفعو وكلمة بتنزلو
الله يهني المضاربين ، ريشو
بكرا بتروح السكرة وبتجي الفكرة ، واللي باع بيقول شو عملت بحالي !
رؤيتك سليمة 100%

[عاشق سوريا]

تحياتي لجميع الأعضاء الكرام
السعر الآن في حلب شراء 203 مبيع 207 متوفرay1
السعر الآن في دمشق شراء 205 مبيع 210 متوفر بالاتجاهينay1
السعر الآن في الرقة شراء 208 مبيع 210 متوفرay1
غرام الذهب عيار 21 سعر 8000 وللذهب الكسر 7700ay1
أونصة الذهب عالميآ الآن 1360دولار والميل يبدو هابطآ مع تلاشي الآمال بتوجيه الضربة العسكرية
والضربة العسكرية ذاهبة أدراج الرياح .................................................
تقبلو تحيات عاشق سوريا للأبد.........................;);););)

[المضارب الحسكاوي]

مسا الخير -لو في حدا من القامشلي ويفيدنا عن اسعار الصرف اليوم واذا ممكن وين متوفر

القامشلي وتوابعها الساعة واحدة ظهرا شراء دولار 220 بيع 223
ومتوفر عند كل الصرافيين

[feraas55]

شكرا اخي بس ممكن مساعدة

[mak]

تحياتي لجميع الأعضاء الكرام
السعر الآن في حلب شراء 203 مبيع 207 متوفرay1
السعر الآن في دمشق شراء 205 مبيع 210 متوفر بالاتجاهينay1
السعر الآن في الرقة شراء 208 مبيع 210 متوفرay1
غرام الذهب عيار 21 سعر 8000 وللذهب الكسر 7700ay1
أونصة الذهب عالميآ الآن 1360دولار والميل يبدو هابطآ مع تلاشي الآمال بتوجيه الضربة العسكرية
والضربة العسكرية ذاهبة أدراج الرياح .................................................
تقبلو تحيات عاشق سوريا للأبد.........................;);););)

ممكن اسم المنطقة في دمشق؟........صديقي مضطر على 20000 و ما حصل اقل من 220

[pop75]

....

شو يعني !!!!؟

azhar1

[مرهف83]

شو يعني !!!!؟

azhar1

اخي كررت المشاركة مرتين ... ماعرفت كيف احذف المشاركة فقمت بالتعديل عليها بنقط

[eng.mdkh]

شو آخر أخبار التدخل و الـ 175 ليرة للدولار :
يعني عم تبيع البنوك : لا !؟
عم تبيع شركات الصرافة : لا !؟
عم يبيع المركزي : لا !؟

[أبو محمد اللاذقاني]

اللاذقيــــــــــــــــــــــــــــــــــــة
شراء 205 بيع 213

[عابر مجيب]

ممكن اسم المنطقة في دمشق؟........صديقي مضطر على 20000 و ما حصل اقل من 220

ما رح يلاقي وبكرا كل المضطرين والمضطربين والمهولين بيكونوا باعوا ، وما بقا يلاقي أرخص !
اليوم الكل فارد شباكه وعم يصطاد بالمي العكره . وحاطط سعر البيع طعم .
ضربة مافي آمنا جدلا
شو مطرت ذهب وفضة ؟!
مين كان بدو يضربنا لما وصل الدولار للتلات ميات ؟
الضربة كان في ممولين متكفلين فيها ، نزع الكيمياوي على حسابنا ، وقال بيكلف شي مليار ونص دولار . صار لازم ينطرحوا من الـ 25 طن ذهب اللي حيلتنا . بنصير بالسالب دفتريا .

[مجرد إنسان]

اخي عابر ماعاد في سفر الا تهريب وبتكلف 8500 وفيها مخاطرة او بتدفع 450 الف دولار وبتاخود اقامة دائمة

التهريب ما بيكلف هالشي كلو وفي عائلات كاملة عم تروح كلفة الشخص تقريبا بين 4000-5000 دولار مو اكتر من سورية-مصر-ايطاليا-السويد بس المشكلة بالعزابي متلي ما بخلوه يدعس على ارض المحروسة مصر وبرجعوني من المطار
ولا ما كنت استنيت ، واللي بيوصل بياخد اقامة دائمة حسب التعليمات الجديدة من وزارة الخارجية ..
أخي مرهف الذهب هابط
شوف مخططه البياني على مواقع الذهب متل goldseek.com
لمدة سنتين بتلاقيه بعد ما وصل لل 1920 دولار نازل من هداك اليوم ولسا طريقو مفتوح لل 200 دولار للاونصة وهو سعره الاساسي في عام 1998 يعني ترند هابط وكل صعود وهبوط هو رقصة موجية في سلوك كامل هابط بعكس الليرة السورية تبعنا
وفي اشياء اخرى قريبة ستؤثر عليه هبوطا اكثر
ليرتنا فيها صعود وهبوط ولكن في ترند صاعد مطلقا طالما لم تنتهي المشكلة المتسببة بانهيارها

[mak]

ما رح يلاقي وبكرا كل المضطرين والمضطربين والمهولين بيكونوا باعوا ، وما بقا يلاقي أرخص !
اليوم الكل فارد شباكه وعم يصطاد بالمي العكره . وحاطط سعر البيع طعم .
ضربة مافي آمنا جدلا
شو مطرت ذهب وفضة ؟!
مين كان بدو يضربنا لما وصل الدولار للتلات ميات ؟
الضربة كان في ممولين متكفلين فيها ، نزع الكيمياوي على حسابنا ، وقال بيكلف شي مليار ونص دولار . صار لازم ينطرحوا من الـ 25 طن ذهب اللي حيلتنا . بنصير بالسالب دفتريا .



وأنا هيك قلت......و شكلو اشترى ب 220......

[مجرد إنسان]

اخي السلام عليكم
كانو حاسس انو كلامك موجه الي
انا لا بحياتي روجت لا للذهب ولا للدولار
وكل الاعضاء بيعرفو هالشي
انا بكتب تحليل عن سعر الذهب عالميا
وسعر الذهب محليا سواء سعر الجمعية او الكسر
اما اذا كنت انت وغيرك مزعوجينمن كلمة صاعد
بحب قلك انو مع كل تحليل كنت اكتب نقاط دعم ونقاط مقاومة
وعلى اساس هي النقاط ابتتحدد الاتجاهات
يعني لا على كيفي ولا على كيفك
وفيك تتاكد من هالشي من الانترنت في الف موقع متخصص بتحليل اسعار الذهب وبتشوف انو الكل بقلك صاعد
اما اذا ما بتعرف شو يعني نقاط دعم ومقاومة ما في داعي تتهم العالم ظلم.

في مثل قديم بقول :
تاجر البطيخ دائما ما يقول ان بطيخه حلو ..

كل كلام المواقع خلاف السلوك العام الحالي للذهب وما فيك لا انت ولا كل المواقع تشرحلي انو الذهب نزل من ١٩٢٠ لل١١٨٥ ولسا سلوكه صاعد !!
والسعر قد يتعرض لصفعة قوية للغاية في الاسبوع القادم
ونفيا للخلاف قلنا للمصرين على الذهب : نوع استثماراتك
دمتم بخير

[عابر مجيب]

التهريب ما بيكلف هالشي كلو وفي عائلات كاملة عم تروح كلفة الشخص تقريبا بين 4000-5000 دولار مو اكتر من سورية-مصر-ايطاليا-السويد بس المشكلة بالعزابي متلي ما بخلوه يدعس على ارض المحروسة مصر وبرجعوني من المطار
ولا ما كنت استنيت ، واللي بيوصل بياخد اقامة دائمة حسب التعليمات الجديدة من وزارة الخارجية ..
أخي مرهف الذهب هابط
شوف مخططه البياني على مواقع الذهب متل goldseek.com
لمدة سنتين بتلاقيه بعد ما وصل لل 1920 دولار نازل من هداك اليوم ولسا طريقو مفتوح لل 200 دولار للاونصة وهو سعره الاساسي في عام 1998 يعني ترند هابط وكل صعود وهبوط هو رقصة موجية في سلوك كامل هابط بعكس الليرة السورية تبعنا
وفي اشياء اخرى قريبة ستؤثر عليه هبوطا اكثر
ليرتنا فيها صعود وهبوط ولكن في ترند صاعد مطلقا طالما لم تنتهي المشكلة المتسببة بانهيارها

نحنا ما غرقنا ، بس شفنا اللي غرقوا
بس تعتمد في عن طريق قبرص ، بتدفع 2000 يورو على الشخص ، وبعد شهر ، لا بتشوف قبرص ولا الـ2000 يورو ولا الشخص اللي أخدهم .
بضمنلك ياها 100% ههههههههه
من شهر كان عندي واحد شربان المقلب ، وعم يشرحلي انو بس صار بقبرص ، بينتقل لأي بلد أوروبي . وضربلي مثل : متل لما بتصير بسوريا فيك تتنقل من حمص لحلب .... وين مابدك ،
طلع أسوأ مني بالجغرافيا السياسية !

[زلاتان]

ياجماعه عم ينعرض عليي ب 216 الساعه الرابعه عصرا
اشتري ولا استنا ؟

[مجرد إنسان]

يلي مزعوج من كلمة صاعد رغم انو سعر اونصة الذهب نزل من ١٤١٥وسعر الاونصة اليوم ١٣٦٥
بحب قلك او هاد النزول اسمو موجة تصحيحية هابطة ضمن الاتجاه الصاعد الكامل على المدى القصير
ويا سيدي طالما سعر اونصة الذهب فوق ١٣٥٨دولار فالاتجاه العام صاعد صاعد صاعد
وانا ما عم روج للذهب ولالغيرو
بس انت على ما يبدو عندك مشكلة مع الليرة السورية وعم تسعى لانهيارها وكل مشاركاتك بدل على هالشي

شو دخل الليرة بالذهب ؟؟؟؟
يعني ما لازم نشتري دولار بنضر الليرة
بس اذا بنشتري ذهب ما بنضر الليرة ؟؟؟؟
شو هالاقتصاد هاد ،فرجة !
واللي اشترا ذهب عند سعر ١١٠٠٠ و١٢٠٠٠ تبع الصياغ ولاد الحلال مو صرافين الدولار الاشرار ما انضر وانخرب بيته من ولدنية الحلال تبع الصياغ ؟؟
معادلات غريبة بالكامل
الذهب قبل الازمة تبعنا كان الغرام ب١٦٠٠
اليوم الغرام ب ٨٠٠٠ وليس هناك زيادة خيالية في سعر الاونصة وانما يعكس تقلب الدولار فقط وليس ربح في السعر الحقيقي!
بس المعادلة بالبلد غير شكل
الصياغ : أخيار مع انن مسؤولين عن تهريب الذهب الى خارج سوريا بالاطنان يوميا وتدمير مخزون عشرات السنين لتوريد دولار بداله وبيعه للصرافين الاشرار !
الصرافين : أشرار لانن بيتعاملو بالدولار !

نسأل الله ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه ..

[أبو حسن]

ياجماعه عم ينعرض عليي ب 216 الساعه الرابعه عصرا
اشتري ولا استنا ؟

انت باي منطقة

[مجرد إنسان]

نحنا ما غرقنا ، بس شفنا اللي غرقوا
بس تعتمد في عن طريق قبرص ، بتدفع 2000 يورو على الشخص ، وبعد شهر ، لا بتشوف قبرص ولا الـ2000 يورو ولا الشخص اللي أخدهم .
بضمنلك ياها 100% ههههههههه
من شهر كان عندي واحد شربان المقلب ، وعم يشرحلي انو بس صار بقبرص ، بينتقل لأي بلد أوروبي . وضربلي مثل : متل لما بتصير بسوريا فيك تتنقل من حمص لحلب .... وين مابدك ،
طلع أسوأ مني بالجغرافيا السياسية !


معلمي واستاذي العزيز
مزبوط لازم نتعلم السباحة ههههه
بس للامانة الناس اللي قالولنا عن هالطريق صاروا هنيك حاليا وعم يحكونا
وفي طريق تاني من تركيا والناس وصلوا منو كمان
بس الاسعار زمان قبل الازمة كانت شي ٢٠٠٠ دولار وارتفاعها اليوم بسبب زيادة الطلب
وفي على فلندا بس من روسيا وبدك تمرق من سيبيريا ههههه
وكل التكاليف متقاربة

[عابر مجيب]

ياجماعه عم ينعرض عليي ب 216 الساعه الرابعه عصرا
اشتري ولا استنا ؟

على حسب المبلغ ، إذا نزل للـ 210 بتخسر 600 ليرة بالـ 100 $
محرزة تاخدهم وتجيبهم وتخاطر وتركب مواصلات ؟
600 ليرة يعني حوالي 3 $
انت وازنها

[nido]

طبعا اشتري

[زلاتان]

انت باي منطقة

اللاذقيه

[nido]

طرطوس 205 - 212 هدوء و توازن في العرض و الطلب ..... اخر فرصة للشراء و الله أعلم

[زلاتان]

على حسب المبلغ ، إذا نزل للـ 210 بتخسر 600 ليرة بالـ 100 $
محرزة تاخدهم وتجيبهم وتخاطر وتركب مواصلات ؟
600 ليرة يعني حوالي 3 $
انت وازنها


20 الف

[black_ghost87]

Banias now:205-213

[روميو]

السلام عليكم
تحياتي للجميع في كركبة كبيرة بالسوق بتسال عن السعر بيقلك 205 بيعني بيقلك 220 اتوقع يستمر الوضع عحالو لبكرة ومن بكرة ببلش يشد صعودا
السعر حاليا بحمص 205ـــــــــــــــــــ215

[رنا]

ياجماعه عم ينعرض عليي ب 216 الساعه الرابعه عصرا
اشتري ولا استنا ؟

ممكن اسم المنطقة في دمشق؟........صديقي مضطر على 20000 و ما حصل اقل من 220

طبعا اشتري

طيب الاسعار في الموقع 205 - 212
مستغربة كيف حدا بدو يشتري ب 216 و 220 والاسعار اقل من هيك
شو القصة ...........؟؟؟؟؟

[اتقي لترتقي]

السلام عليكم ورحمة الله
الرجاء من الخبراء :
عندي 15 غرام من الذهب عيار 21 كم ثمنهم دولار بالضبط

[mak]

طيب الاسعار في الموقع 205 - 212
مستغربة كيف حدا بدو يشتري ب 216 و 220 والاسعار اقل من هيك
شو القصة ...........؟؟؟؟؟


بتذكرانك كنتي بدك تشتري و عم تسألي عن السعر الحقيقي؟.....هل اشتريتي ..وكم كان السعر الفعلي؟....

على كلن صديقي اشترى ب 220 ....بس بعدها صحلو سعر 217 بس كان اشترى و مشي حالو.....يعني فيكي تفاصلي شوي.....بس ما بتوقع لل 212......يعني حسب ما شفت اذا الواحد صحلو 216 بيكون ممتاز.....و كل ساعة و الها ملايكتها

[الياطر]

في مثل قديم بقول :
تاجر البطيخ دائما ما يقول ان بطيخه حلو ..

كل كلام المواقع خلاف السلوك العام الحالي للذهب وما فيك لا انت ولا كل المواقع تشرحلي انو الذهب نزل من ١٩٢٠ لل١١٨٥ ولسا سلوكه صاعد !!
والسعر قد يتعرض لصفعة قوية للغاية في الاسبوع القادم
ونفيا للخلاف قلنا للمصرين على الذهب : نوع استثماراتك
دمتم بخير

السلام عليكم
اخي الجواب واضح ولا بدو لا خبراء ولا مستشارين ماليين:
السياسات التحفيزية المتبعة من قبل البنوك المركزية في الولايات المتحدة والاتحاد الاوروبي والصين واليابان
يعني بالمشرمحي طالما البنك الفدرالي الاميركي ماشي بخطط التيسير الكمي اتجاه الذهب صاعد .
ومجرد الاعلان عن توقيف هذه السياسات سيحول الاتجاه الى هابط وبقوة .

[أبو محمد اللاذقاني]

اللاذقية 200 210

[M-PMP]

مسالخير للجميع،،
كيفكم،،
بعتذر من زملائي عن الغياب بسبب ظروف عمل واتباطات اخرى منعتني من التواجد المستمر..

دولار سوق اللاذقية الان
شراء 202
مبيع 209
متوفر بالاتجاهين

للحصول على مساعدة في مدينة اللاذقية.. من خلال الرسائل الخاصة بنا وراسلنا..

[ADIB]

الدولار الاميركي الان مبيع 208 شراء 200 طرطوس

[زلاتان]

مسالخير للجميع،،
كيفكم،،
بعتذر من زملائي عن الغياب بسبب ظروف عمل واتباطات اخرى منعتني من التواجد المستمر..

دولار سوق اللاذقية الان
شراء 202
مبيع 209
متوفر بالاتجاهين

للحصول على مساعدة في مدينة اللاذقية.. من خلال الرسائل الخاصة بنا وراسلنا..
مسا الخير عزيزي
وين هالاسعار باللاذقيه ؟ عند مين ؟

[ADIB]

مساء الخير جميعا

[زلاتان]

وين باللاذقيه حبيبنا ؟

[fareed]

marsa:mad:ay1
الدولار والذهب

[nido]

طيب الاسعار في الموقع 205 - 212
مستغربة كيف حدا بدو يشتري ب 216 و 220 والاسعار اقل من هيك
شو القصة ...........؟؟؟؟؟



أخت رنا متل ما بتعرفي السعر بيفرق من منطقة لأخرى ... ومع ذلك يقوم الصرافون بخفض سعر البيع عمدا لزيادة الهلع و دفع المدخرين للبيع تحت وطأة الضغط النفسي و الذي يلعب الدور الاساسي في هبوط سعر الصرف حاليا ... وللعلم هم أصلا يبيعون ما اشتروه في ذات اليوم و لا يبيعون من رؤوس أموالهم !!

[رنا]

بتذكرانك كنتي بدك تشتري و عم تسألي عن السعر الحقيقي؟.....هل اشتريتي ..وكم كان السعر الفعلي؟....

على كلن صديقي اشترى ب 220 ....بس بعدها صحلو سعر 217 بس كان اشترى و مشي حالو.....يعني فيكي تفاصلي شوي.....بس ما بتوقع لل 212......يعني حسب ما شفت اذا الواحد صحلو 216 بيكون ممتاز.....و كل ساعة و الها ملايكتها
فعلا انا كنت بدي اشتري بس ارتأيت انو اجلها شوي والحمد الله طلع التاجيل منيح مو سلبي
وانا لسا ما اشتريت وللعلم
انعرض علي الساعة 4 مساء بــــ 207.5 بس لسا ما قررت
وما بعرف بخاف اتاخر ومو عارفة النتيجة

[shaam131]

سعر الدولار في ريف حلب
الساعه الخامسة مساءً
212-216

[مجرد إنسان]

السلام عليكم
اخي الجواب واضح ولا بدو لا خبراء ولا مستشارين ماليين:
السياسات التحفيزية المتبعة من قبل البنوك المركزية في الولايات المتحدة والاتحاد الاوروبي والصين واليابان
يعني بالمشرمحي طالما البنك الفدرالي الاميركي ماشي بخطط التيسير الكمي اتجاه الذهب صاعد .
ومجرد الاعلان عن توقيف هذه السياسات سيحول الاتجاه الى هابط وبقوة .
وعليكم السلام ورحمة الله وبركاته
البنك الفدرالي الأمريكي على حافة تخفيض التيسير النقدي والاجتماع الاسبوع القادم في 17 او 18 الشهر والتوقعات تقول بانه سيفعلها او على الاكثر سيؤجلها لنهاية العام كحد اقصى لان حوالي نصف اعضاء الاحتياطي الفدرالي يريدون البدء بتخفيض التحفيز
والاقتصاد العالمي في حالة انتعاش ونظرة الى ارقام الاسواق الامريكية تعلم ان الذهب افل نجمه
فؤشرات اسواق المال الامريكية خصوصا سجلت ارتفاعات خلال سنة من اليوم بحوالي 20% بينما انخفض الذهب بحوالي 20% !!
وما يزال المراهنون على الذهب يقولون
انه صاعد‎ !!‎
ومو رايحة غير على الدراويش اللي بيسمعوا اديش البطيخ احمر وحلو !

بالنسبة لحلب فيها اتصالات ارضية وخليوي بس الشبكة بالموت لتعلق والافضل انو اللي موجود بحلب يتصل بالشام بس يكون عندو تغطية منيحة

لازم يمشونا بعكس السير
وينك يا ابو حكيم بيطلعلك عندي مخالفة :)
رح صف عاليمين واستنى لتجي تاخد الاوراق ^_^
اخونا نجم واخونا باسل غايبين صارلن زمان عسى المانع خير

على كل الله يحمي المؤمنين

[مجرد إنسان]

حكمة اليوم
البنك الوحيد الذي لديه فروع في الدنيا والاخرة هو بنك (الصدقة) تودع فيه بدنياك وتسحب منه في اخرتك.

[أبو حسن]

فعلا انا كنت بدي اشتري بس ارتأيت انو اجلها شوي والحمد الله طلع التاجيل منيح مو سلبي
وانا لسا ما اشتريت وللعلم
انعرض علي الساعة 4 مساء بــــ 207.5 بس لسا ما قررت
وما بعرف بخاف اتاخر ومو عارفة النتيجة

يأ عيوني اشتري لاني السوق بياخد وبيعطي
والله اعلم

[اتقي لترتقي]

وين مشاركتي!!!!!!!!!!!!!!!!!!!!

[M-PMP]

وين باللاذقيه حبيبنا ؟

مسالخير حبيبنا،،
منخبرك من خلال الرسائل الخاصة.. راسلنا..

[M-PMP]

فعلا انا كنت بدي اشتري بس ارتأيت انو اجلها شوي والحمد الله طلع التاجيل منيح مو سلبي
وانا لسا ما اشتريت وللعلم
انعرض علي الساعة 4 مساء بــــ 207.5 بس لسا ما قررت
وما بعرف بخاف اتاخر ومو عارفة النتيجة

الله يخترلك الخير..

"اقتباس"
نعم ممكن هبوط الدولار وفي حال الهبوط يتم التجميع عند الدعوم ( 200 - 190 ) وتعديل نقطة رأس المال .

وذلك لأن الدولار يتراوح ضمن أسباب التردد السائدة في السوق والسياسة.

- وفي حال عودة الاستقرار النسبي نعود لنقطة المقاومة (240) ليكون الشراء من 190 - والخروج عند 240 .
---------------------------------------------المحلل رامي العطار

[مجرد إنسان]

موقف محرج لأحدى الزوجـات...
.
.
.
.
....
.
.
.
.
تقول : تخاصمت أنا و زوجي..
زعلت وقمت بسرعة وطلعت من الغرفة
مسكني من كمي وما خلاني أطلع وأنا زعلانة
و صرت أحكيله :
ابعد عني..
والله ما رح أسمعك..
ابعد والله ما بقعد..
ابعد عــنــي..
لااا تراضيني أنا زعلانة..
وما بدي أسمع صوتك..
ولااا كلمة لو سمحت..
ولما إلتفتت !
لقيت كمي متعلق بالباب
وزوجي في مكانه مــيــت من الضحك ههههههههههههههه أكلت كم مرتب

[ابوعلي]

بيـــــــــــــــــــــــــــــــــــــــــروت الآن
200 ـــــــــــــــــــــــــــــــــــ 205
ـــــــــــــــــــــــــــــــ
ـــــــــــــــــ
ــــ
ـ

[المضارب الحسكاوي]

القامشلي وتوابعها الساعة السابعة مساء بشكل وسطي سعر شراء دولار 224 بيع 228

[عابر مجيب]

20 الف

والله مو سهلين ، يمكن الأفضل تشتري النص اليوم
أنا ممكن هيك أعمل ، لا تتقيد بكلامي شوف الهاماتك .

[عابر مجيب]

طيب الاسعار في الموقع 205 - 212
مستغربة كيف حدا بدو يشتري ب 216 و 220 والاسعار اقل من هيك
شو القصة ...........؟؟؟؟؟

من شطارة اللي لم الصرافين ، بقي بالسوق عدد قليل ، مو الكل بيعرفوهم ، وصار الدور للعب الشقيعة

[عابر مجيب]

السلام عليكم ورحمة الله
الرجاء من الخبراء :
عندي 15 غرام من الذهب عيار 21 كم ثمنهم دولار بالضبط


سعر الأونصة عيار 24 = 1362.8980090619
سعر الجرام الواحد = 1362.8980090619/31.1 = 43.823087108099678456591639871383
سعر الجرام الواحد عيار 21 =
43.823087108099678456591639871383*21/24= 38.34520121958721864951768488746 = 38.345 لثلاث أرقام عشرية .
38.345*15= 575.175 $
أدق من هيك مافي ههههههههههههه

[عابر مجيب]

وين مشاركتي!!!!!!!!!!!!!!!!!!!!

بس تقلب الصفحات بل أصابعك
قالب صفحتين سوا
ههههههههههههههههههه

[ابو وائل]

هههههههههههههههه
استاذ عابر نيالك فايق و رايق

[osama289]

وسطيا سوق حماة آخر النهار انخفض قليلا
شراﺀ 209 ومبيع 213

[زلاتان]

مسا الخير
ولله اليوم نعرض عليي باللاذقيه 216 مااشتريت وندمت شوي
بس رجع نعرض عليي المسا 208 كمان مااشتريت حسيتو بدو يقنعني و بدو يبيع بس
طمعت و قلتلو 205 عصب و راح ....... :)
شو اعمل ؟ زعل :)

[حكيم الزمان]

هههههههههههههههه

استاذ عابر نيالك فايق و رايق


مساء الخير جميعا
اخي ابو وائل هي الشيبه مو من شي قليل هي من تعاليم الزمن مبينه وعجبني قول من اخونا omar1964 حكاه مبارح بقتبس منو انو اللي عم ندرسوا هوه نسيانو
دمتم بكل خير

[ابو وائل]

Big Grinاي الله لا يعلقني بلسانو لكن

[دمشقي]

اليوم حسب مالي شايف الله يورجينا كل خير
الاسبوع المقبل عنا السعر متل الجنان يوم 25 ليرة فوق ويوم 25 ليرة تحت
والله يستر

[salkiny]

ريف ادلب
212-215
متوفر بالاتجاهين مع انخقاض ملحوظ في المعروض
مع بقاء نسبة الطلب معتدلة

[ابو خالد]

منسأل منتابع منتصل منصلي منبيت استخارة
وآخر شي منفوت بالحيط وما منعرف تبيع ولا شتري

[مجرد إنسان]

اللي بيقدر يحكي مع ابو حكيم بحمص ما يقصر
الوضع بالوعر مأساوي

[خيرو الشامي]

منسأل منتابع منتصل منصلي منبيت استخارة
وآخر شي منفوت بالحيط وما منعرف تبيع ولا شتري

اخي ابو خالد خليك بمصلحتك ما بتفوت بالحيط وبالنسبة للمبلغ يلي معك اشتري فيه كلو وانساه ولا تبيع ولا تشتري وبس تنحل الازمة ولو خسرت بالمبلغ بتكسب بالوطن واذا ما نحلت الازمة بتكسب بالمبلغ وبتخسر الوطن

[خيرو الشامي]

ممكن اسم المنطقة في دمشق؟........صديقي مضطر على 20000 و ما حصل اقل من 220

يا صديقي اسم المنطقة بل اسم المناطق حريقة عصرونية سوق الطويل بزورية مناخلية (واذا بدك) سوق الحدادين وسوق الهال بس يلزم من يعرف صديقك على الصراف لتحصل الثقة وتاخذ بسعر210او212
وثانيا: انصح صاحبك لما بدو يحمل اربع ملايين واربعمائة الف ليرة بهيك مناطق معرض على الاغلب للاعتقال والتحقيق

[روميو]

السلام عليكم
اسمحولي بهالكلمة ( تبا لهذا الزمان العاطل )

[mak]

يا صديقي اسم المنطقة بل اسم المناطق حريقة عصرونية سوق الطويل بزورية مناخلية (واذا بدك) سوق الحدادين وسوق الهال بس يلزم من يعرف صديقك على الصراف لتحصل الثقة وتاخذ بسعر210او212
وثانيا: انصح صاحبك لما بدو يحمل اربع ملايين واربعمائة الف ليرة بهيك مناطق معرض على الاغلب للاعتقال والتحقيق

صديقي الحمدلله اشترى 20000 ب 220 و مشي حالو ...و ما حدا مسكو :)
و السعر حقيقي لأنو واحد تاني اشترى مبلغ 2500 كمان ب 219 ...مع انو وقت حكى مع الصراف قلو 215 بس ما ثبت معو ...و وقت ثبت كان ارتفع السعر ......هاد الحكي كلو قبل 3:30 اليوم......و المسا في واحد كمان اشترى بس ما بعرف شو المبلغ بس ب 215......و كل واحد من صراف مختلف.....من جهتي انا واثق بأسعار اغلب الشباب يللي بيحطوها هون....بس هاد الحكي يللي عم يصير على ارض الواقع...كيف و ليش ما بعرف .....بس هاد الشي يللي عم يصير.....بظن انو الصراف وقت يشتري مبلغ بيكسر بسعرو كتير و بياخدو برخيص (205 مثلا) و ببيعو بسرعة ب 210 بيكون ربح شوي و لا تنسى انو ما في معو سيولة سوري كتير.....بس لما بدك مبلغ محرز شوي و ما لمو برخيص بيعطيك بسعر عالي......بالنسبة لشو شفت اليوم ..ارخص سعر مبيع فعلي هو 215