صالة اسعار السلع الغذائية والخضار والفواكه السبت 10-8-2013 [الأرشيف]

غالب

10-08-2013, 01:39 AM

صالة اسعار السلع الغذائية والخضار والفواكه السبت 10-8-2013

صباح الخير

اهلا بكم بصالة جديدة وهي صالة اسعار السلع الغذائية والخضار والفواكه .

طرح فكرة هذه الصالة كثيرين سابقا ولكن الصديق والاخ منار اخر شخص طرحها واحببت ان اتقدم لتنفيذها واتمنى ان تساعد الكثيرين ممن هم داخل وخارج سوريا على الاطلاع على الاسعار للسلع الغذائية والخضار والفواكه.

طبعا المستهدف الاسعار في سوريا ولا مانع من بعض المشاركات من الاردن ولبنان ومصر ومقارنتها باسعارنا في سوريا واكثر ما يهمنا الاسعار في محافظاتنا المختلفة ولا مانع من ذكر العناوين ولا مانع من عمل دعاية لبعض محلاتنا التي قد تساعد في تخفيض الاسعار وتقديم اسعار بالجملة لاعضاء المنتدى خصوصا .

نحن بانتظار مساهماتكم . وشكرا لكم

غالب

10-08-2013, 01:41 AM

زيت نباتي عباد الشمس بانواعه الريف وليو وكلارا 1 ليتر ب 400 ليرة بالمفرق بمؤسسات الخزن والتسويق
طون نوع وايز حار وحلو سعر 115 ليرة قطع صغيرة

غالب

10-08-2013, 01:42 AM

طبعا هذه الصالة حاليا لن تكون يومية وكبداية ستكون اسبوعية ننتظر مساهماتكم

arnouri

10-08-2013, 02:03 AM

كيلو جنبه بقر مغلي 1100
لبنه 500
كيلو مسبحه 250
لحمه غنم 2300
تتمه نسيت

arnouri

10-08-2013, 02:04 AM

شكرا لك
ابو النور لك ولمن فكر

على فكره الاسعار السابقه من الميدان والملك العادل

غالب

10-08-2013, 02:09 AM

حمص بطحينة معلبات عدة اصناف علبة اعتقد 330 غرام 95 ليرة

المعلم عمر

10-08-2013, 04:47 AM

زيت نباتي عباد الشمس بانواعه الريف وليو وكلارا 1 ليتر ب 400 ليرة بالمفرق بمؤسسات الخزن والتسويق
طون نوع وايز حار وحلو سعر 115 ليرة قطع صغيرة

أخ غالب هذه الآسعار مرتفعة بسبب ضعف أو انخفاض قيمة شراء الليرة السورية

على سبيل المثال في دول الخليج أسواء أنواع الزيوت النباتية ( قصدي أرخص نوع ) بعد تحويله للسوري 583 ليرة سوري

طون (أرخص نوع ) 215 ليرة سوري

الرز المصري (أرخص نوع ) 240 ليرة سورية

لحم الغنم بعظمه (أرخص نوع ) 2825 ليرة سورية

وهكذا ..... لذلك المشكلة هي تدني قيمة الليرة السورية أمام الدولار

وعند تحسن مستوى الليرة ستكون سورية أرخص من أي دولة عربية أخرى مستقرة

omar1964

10-08-2013, 06:59 AM

المعلم عمر

10-08-2013, 07:38 AM

صباح الخير

شكراً لمن فكر و شكراً لمن قرر

---

قلب لوز الصنف ( شامي ).... 1050 ليرة سورية
زيت زيتون اول او اكسترا 16 كغ ... 9500 ليرة سورية
سمن غنم ممتاز ........(1 كغ ) 1700 - 1800 ليرة سورية
جبن غنم عكاوي تنكة 15 كغ " براد " ... 6500 ليرة سورية
الاسعار المذكور جملة في سلمية و ما حولها في آخر يوم من شهر رمضان الكريم

في دول الخليج هناك أفرع لشركة الدرة السورية تبيع

زيت زيتون 14 كغ ... 20300 ليرة سورية

ورق عنب 900غ ضمن حافظة زجاجية ( ورق عنب وماء ومواد حافظة ) 640 ليرة سورية

أبسط الأمور ارتفاع سعر الخبز مع أنه مدعوم من قبل الحكومات

خمس ترغفة خبز حجم صغير 53 ليرة سورية

غالب

10-08-2013, 01:02 PM

غالب

10-08-2013, 01:14 PM

أخ غالب هذه الآسعار مرتفعة بسبب ضعف أو انخفاض قيمة شراء الليرة السورية

على سبيل المثال في دول الخليج أسواء أنواع الزيوت النباتية ( قصدي أرخص نوع ) بعد تحويله للسوري 583 ليرة سوري

طون (أرخص نوع ) 215 ليرة سوري

الرز المصري (أرخص نوع ) 240 ليرة سورية

لحم الغنم بعظمه (أرخص نوع ) 2825 ليرة سورية

وهكذا ..... لذلك المشكلة هي تدني قيمة الليرة السورية أمام الدولار

وعند تحسن مستوى الليرة ستكون سورية أرخص من أي دولة عربية أخرى مستقرة

طبعا المقارنة تكون من نفس النوع والمواصفات من جهة
وبكمية الربح التي يقبل بها التجار وسلسلة الوسطاء
ولها علاقة بدخل المواطن والقيمة الشرائية لليرة وبكل الاحوال الاتهامات متبادلة ولكن ما اعرفه ان ارباح تجارنا بالمحصلة انخفضت قياسا على الدولار ومقارنة بارباح تجار الدول المجاورة بسبب ضعف القدرة الشرائية .

المعلم عمر

10-08-2013, 03:24 PM

طبعا المقارنة تكون من نفس النوع والمواصفات من جهة
وبكمية الربح التي يقبل بها التجار وسلسلة الوسطاء
ولها علاقة بدخل المواطن والقيمة الشرائية لليرة وبكل الاحوال الاتهامات متبادلة ولكن ما اعرفه ان ارباح تجارنا بالمحصلة انخفضت قياسا على الدولار ومقارنة بارباح تجار الدول المجاورة بسبب ضعف القدرة الشرائية .

أشكرك أخي غالب على روحك الطيبة ونقاشك المنطقي

أضيف أن ارتفاع أجار العقارات ( المحلات )

هنا ( الخليج) يطر التاجر رفع السعر 100%

حيث أصبح صاحب العقار شريك للتاجر من خلال اجار العقار

وارتفاع أجور العمالة100%

والتاجر لم يعد يقبل بربح أقل من 100%

أصبح سعر السلعة أربع أضعاف السعر الحقيقي للسلعة

والأهم عدم وجود من يراقب الأسعار

omar1964

10-08-2013, 05:54 PM

شكرا لكم بداية طيبة

اتمنى لو يتم ذكر امكانية البيع او التجهيز للمواد المذكورة ممن لديه محل لبيع المفرق او الجملة ونكون له من الشاكرين
والسؤال لللاخ عمر من السلمية هل هناك امكانية للشحن الى دمشق . وشكرا .
مساء الخير
أستاذ غالب
بالنسبة للبيع عنا سعر المفرق أعلى شوي من سعر الجملة
و امكانية الشحن حسب الظروف امور الشحن عم تمشي من سيء لأسوأ
آخر مرة شحنت بضاعة عالشام ( كمية قليلة لأصدقاء ) بأول شهر رمضان
و بعد ما كنا نشحن لحوالي 20 مكتب بدمشق أظن الآن ما في غير مكتب وحيد شغال للبضاعة القادمة من عنا.
باليومين القادمين ببين اذا ما زال شغال.

غالب

10-08-2013, 10:30 PM

مساء الخير
أستاذ غالب
بالنسبة للبيع عنا سعر المفرق أعلى شوي من سعر الجملة
و امكانية الشحن حسب الظروف امور الشحن عم تمشي من سيء لأسوأ
آخر مرة شحنت بضاعة عالشام ( كمية قليلة لأصدقاء ) بأول شهر رمضان
و بعد ما كنا نشحن لحوالي 20 مكتب بدمشق أظن الآن ما في غير مكتب وحيد شغال للبضاعة القادمة من عنا.
باليومين القادمين ببين اذا ما زال شغال.

اخي الكريم ما هو مجال عملك بالضبط

omar1964

11-08-2013, 10:10 AM

اخي الكريم ما هو مجال عملك بالضبط
اخي ابو النور
عملي تجارة بعض المواد الزراعية بالجملة

باسل غ

11-08-2013, 11:49 AM

مع كل هيدي المأسات بالاسعار وندرت المنتجات بضل الاوضع ارحم بكتير من تركيا او اروبا بشكل عام

يعني 2000 دولار بعدها بكتفي العيله من خمس اشخاص شهر

و2000 دولار برا ما بتعمل شي

abu mhd

11-08-2013, 12:46 PM

والله يا اخي باسل هيك المقارنة غلط
عطيني برا كم الدخل بالنسبة للأتراك انفسهم او الاوروبيين وكم تكلفة المعيشو مقارنة برواتبهم
اما تقارن اسعار اوروبا بدخل سورية فهو مستحيل بعدين كم شخص هون دخله 2000$ ؟؟؟؟؟؟؟؟؟؟؟
مافينا نقارن عامل او موظف طالع من سورية عم يعطوه نصف راتب التركي ونقول راتبه ما عم يكفيه
بدك تقارن حط راتب موظف سوري و مصروف سورية وكم يكفيه راتبه عفوا كم يحتاج دين فوق راتبه
وموظف تركي ومستوى معيشة تركي وكم يكفيه راتبه او بالاحرى كم يوفر من راتبه
اما نقول والله لسه بسورية سندويشة الفلافل ارخص من لبنان اشكروا ربكم اي سيدي وبلبنان اللي بياخد 500 $ بيقولوا عنه شحاد ليش هي لا تذكر ؟؟؟؟؟؟؟؟
حاجة بقا هالعبارات الغير صالحة غير للتخدير

باسل غ

11-08-2013, 12:58 PM

اخي مؤيد

انا عشت اكتر من عشر سنيين باوربا

وكون على ثقه كلامك هيدا صح بالنسبه لموظف او ايا حدا من صغار الكسبه يلي بيطلع لبرا

وباخد 3000 يورو بالشهر بشوفها وما بصدق وبعيش على قدها وبجرب يوفر منها

بس يلي بدو يعيش الرفاهيه يلي بيعيشها بسوريا بشوف انو اخر الشهر صارف مبلغ كبير

بالمقارنه بنفس الرفاهيه يلي بدوا يعيشها بسوريا

وانا معك بكل حرف تكتبته بالنسبه للمقارنه بين ايا سوري وبين ايا شخص غير سوري

في غبن كتير ومافي مقارنه

حتى ايا شب من غير جنسيه لو فكر ببلده يعيش برفاهيه رح يوصل لاخر الشهر وعليه دين

بس الفرق بين عنا وعند غيرنا عنا في اشيا كتير ريحتها بيضاء في دفئ وفي ورد بس برا

في ارقام وفي الاات بشريه ما اكتر

abu mhd

11-08-2013, 01:11 PM

ما المشكلة هو تعريف الرفاهية ؟؟؟؟؟ ومستوى الرفاهية لدينا
مثلا ان تركب سيارة بسورية رفاهية بدليل انك تدفع ضريبة رفاهية بينما بالخارج تعتبر شبه حق لك
ان يكون لك منزل رفاهية بدلا من ان يكون اسهل قرض هو للمنزل
حتى العمل بحد ذاته اصبح رفاهية
ان من يعمل بالسعودية يقول عن من يعمل بدبي انه يعيش برفاهية
احترم وجهة نظرك ولكنني لن ولم اقتنع بها
حتى يعود كل مغترب من العمل بالخارج وينتهي دور طالبي السفر و الاف الاتصالات عند اعلان فرصة عمل لدولة كذا وكذا
على فكرة بالأمس قال لي سائق تكسي بأن ركوب التكسي اصبح اليوم رفاهية ؟؟؟؟؟؟؟؟؟
وبائع السوبرماركت قالي شراء البيبسي رفاهية مطلقة بعد ما صارت العلبة الصغيرة ب 100
صار عنا تخمة رفاهية ماعم نعرف وين نروح فيها
عم فكر اقترح على صاحب العمل يخفضلي راتبي شي 50 % وبلا ما يكفيني ل 6 الشهر بيكفي يكفيني اول يومين

باسل غ

11-08-2013, 01:30 PM

كرمال نوحد المفاهيم

لازم خبرك شي كتير شخصي عني انا ما خليت حدا بهمني الا ما جربت حرضه على التفكير انو يطلع

من هيدا الزجاجه يلي اسمها ( الحياة والعمل والشباب والمصير واخر الكون الي هي سوريا ))

وحاسس بوجعك يلي هو وجع كل شب وصبيه متربين ( االاخلاق والدين )

كل شي حكيتوا صح وما كرمال سايرك لا لانو مقنتع فيه

البيت والسياره والعمل الخاص والاستقرار الاجتماعي هول مانهم رفاهيه هول ابسط

مقومات الحياة البسيطه يلي ( القائئمين على البلد علمهم نوع من الرفاهيه )

وعملوا المواطن النشيط والذكي يلي بل رغيف الخبز عبيركض قدامه وهو طاير وراه وبوقت من اوقات

اليوم بيقدر يمسكه بايده

الرفاهيه يلي بقصدها انك تعيش لتمتع بالحياة بلا اي تفكير بايا شي لا مادي ولا معنوي

الانسان اكبر بكتير من هيدي التفاصيل العابره

كرمال هيك بقلك معك حق بعباره التخدير

بس منطلقي غير منطلقك ونظرتي الى الامور غير نظرتك

انت بدك ابسط شي للانسان من مقومات الحياة وهيدا شيئ موضوعي وصحي بالنسبه لظروف ايا

شب سوري مقيم بسوريا

وانا عبحكي عن الرقي البشري بلا جنسيات

وقارنتك بين الات العمل باروبا وبين العبيد بسوريا وعند بيتغرب السوري وبيرجع بخلص من هل العبوديه

بس لو حب يعيش انسانيته برا البلد رح يطلع اخر الشهر مكسور .......

ابو المجد

11-08-2013, 09:25 PM

مساء الخير للجميع
أسعار بعض المواد الأساسية في السوق بما تبقى من حمص المدينة
...............................................

صحن بيض 2 كغ 500 ل.س
لبن غنم 2 كغ 450 ل.س
جبن (عكاوي ) 1 كغ 550 ل.س
جبن مشللة 1 كغ 600 ل.س
جبن بلدي ( بقر ) 1 كغ 625 ل.س
زيتون 1 كغ 150 ل.س
سكر 1 كغ 100 ل.س
برغل خشن 1 كغ 80 ل.س و الناعم بــ 110 ل.س
شاي 1 كغ 1200 ل.س
قهوة 1 كغ 1000 ل.س
حليب بقر 1 كغ 125 ل.س ( إن وجد )
بندورة 1 كغ 65 ل.س
بطاطا 1كغ 85 ل.س
ليمون 1 كغ 140 ل.س
خيار 1 كغ 50 ل.س
ربطة بقدونس 85 ل.س
تين 1 كغ 125 ل.س
جبس ( بطيخ ) سعر الكيلو 40 ل.س
أناناس ( آوون ) 65 ل.س
خوخ 1 كغ 125 ل.س
أجاص 1 كغ 125 ل.س
زيت حلو 1 كغ 750 ل.س
سمن عربي 1 كغ 1700 ل.س ( إن وجدت )
حلاوة 1كغ 500 ل.س
معجون ندى 700 غرام 190 ل.س
معجون أسنان سيجنال 2 140 ل.س ( 50 غ )
صابون ماتيز 4 قطع 200 ل.س
فوط أطفال بيبي جوي 675 ل.س ( 11 قطعة )

ابو المجد

11-08-2013, 09:26 PM

طبعا الأسعار بالمفرق ,,,

ابو المجد

11-08-2013, 09:29 PM

صباح الخير

شكراً لمن فكر و شكراً لمن قرر

---

قلب لوز الصنف ( شامي ).... 1050 ليرة سورية
زيت زيتون اول او اكسترا 16 كغ ... 9500 ليرة سورية
سمن غنم ممتاز ........(1 كغ ) 1700 - 1800 ليرة سورية
جبن غنم عكاوي تنكة 15 كغ " براد " ... 6500 ليرة سورية
الاسعار المذكور جملة في سلمية و ما حولها في آخر يوم من شهر رمضان الكريم

السلام عليكم أخي أبو عمر
لو سمحت هل ممكن شحن الجبن العكاوي و الزيت الى حمص و كم تصبح التكلفة إذا أمكن و خصوصا العكاوي ...

homam

11-08-2013, 09:32 PM

دمشق

كيلو البندورة 50ل.س
كيلو الخيار البلدي 50 ل.س
كيلو البطيخ الاحمر 40 ل.س
كيلو العنب الأحمر 125ل.س
جرزة البقلة 20 ل.س
جرزة البقدونس 20 ل.س

omar1964

11-08-2013, 09:55 PM

السلام عليكم أخي أبو عمر
لو سمحت هل ممكن شحن الجبن العكاوي و الزيت الى حمص و كم تصبح التكلفة إذا أمكن و خصوصا العكاوي ...

و عليكم السلام
اخي ابو المجد الشحن لحمص وتقريبا لكافة المناطق مع الآسف
شبه مستحيل

arnouri

12-08-2013, 08:22 PM

مسا الخير

ننتظر مساهمتكم المفيده بالنسبه لاسعار المواد والاماكن الشراءها

شكرا

لقماان

12-08-2013, 09:29 PM

مساء الخير
أبو النور ...صاحب اللمسات و الاضافات و البصمات
المميزة على المنتدى ..........
شكرا لك .....على هذه المبادرة .....

لقماان

12-08-2013, 09:35 PM

حمص ..اقليم كرم الشامي ..
بطاطا 100
بندورة 65
عنب من 75 الى 100
تين 15
عرئين بقدونس 25
خيار 60
جبس 40
زيت زيتون 750
صفد بيض 500
جبنة 650
دخان مهرب ما بينشرب : أرخص الشي 100 ليرة
ميني سندويشة فلافل 40
وجبة كريسبي 700
منئوشة جبنة 30
مياه غازية 2.25 ب170

لقماان

12-08-2013, 09:41 PM

arnouri

13-08-2013, 08:12 PM

يا جماعة شو استفدنا من تثبيت سعر الدولار إذا المواد الغذائية والاسلسية في ارتفاع دائم ويومي

رحت اليوم على محل فروج الزين سعر فروج البروستد هو 2000 ل.س
سعر وجبة الكريسبي هي 800 ل.س
مبارح جبت كيلو اللبن بـ 200 ل.س
إذا هيك خلوه يطلع ويحلق بيكون احسن

تم اقتباس من صاله الدولار

abu mhd

13-08-2013, 08:13 PM

اسعار التكاسي و بعض الاكل الجاهز

تكسي من مزة - كفرسوسة = 150
كفرسوسة - جسر الابيض و جسر الابيض مزة = 200 مع قابلية 250 حسب السائق

كيلو الشاورما مزة = 1700
فروج بروستد سادة يعني بدون صحن بطاطا او مايونيز = 1300

لقماان

13-08-2013, 08:49 PM

.........................عاجل ...................
ارتفاع سعر صفد البيض الى 550
السبب امتناع الجاجات عن تبيض وجها ...وبالتالي الامتناع عن التبييض اليومي.............
بعض الموظفين من فطاحل بنك البيض المركزي ...
و كعادتهم ......انبروا سريعا للتبرير....
هؤلاء العباقرة البياضين.....عفوا الاقتصاديين..
أرجعوا مشكلة عدم زيادة نسبة البيض عند الجاجات الى حالة الاكتئاب التي
تمر بها الديكة في سوريا .........!!!!
السؤال الذي يطرح نفسه هون .....
هو صحيح ديوك سوريا في وضع نفسي لا يحسدوا عليه أمام جاجاتهم ...
بس ...شو علاقة الديوك بامتناع الجاجات عن بيض... بيض المائدة ......

najm

14-08-2013, 06:17 PM

حمص بطحينة معلبات عدة اصناف علبة اعتقد 330 غرام 95 ليرة

صار سعر الكيلو 400 من عند ..... بلا ما نعملو دعاية :)

najm

14-08-2013, 06:23 PM

صباح الخير
شكراً لمن فكر و شكراً لمن قرر

---

قلب لوز الصنف ( شامي ).... 1050 ليرة سورية
زيت زيتون اول او اكسترا 16 كغ ... 9500 ليرة سورية
سمن غنم ممتاز ........(1 كغ ) 1700 - 1800 ليرة سورية
جبن غنم عكاوي تنكة 15 كغ " براد " ... 6500 ليرة سورية
الاسعار المذكور جملة في سلمية و ما حولها في آخر يوم من شهر رمضان الكريم

أسعارك رخيصة اخ عمر :)
من يومين تلاته سألت على عبوة زيت بلدي نوع اول 4 ليتر 5500 ل.س
بيتنجان بلدي 50 وفوق
جوز بلدي 2200
أوكراني 2400
ما بيتاكل 1400
فليفلة حمرا 85

هذه ليست دعوة للشراء أو تموين المكدوس :rolleyes2:

najm

14-08-2013, 06:31 PM

نسيت كمانة
رجل فروج ....!!!!
اي
رجل فروج ...!!!!!
رجل فروج ...مو رجال منتووف متل الفروج ...
رجل فروج .....يعني فخدة فروج وحدة
فخدة وسط.... مو فخدة سمينة مربربة لحمه و دهنة ..
رجل فروج وحدة و نية وغير مطبوخة ب 300 ليرة

و الكيلو ب 650...........هاد جواب نهائي مع الاستعانة بصديق...
كيلو الشيش آخر مرة سئلت كان ب 1100
و كيلو الرئبات الممصوعة ....مافي
مافي ... مافي مصع رئاب هالأيام بنوب ........

في البداية ظننت رجل فروج بانها القدم وليس الفخذ .. الله يستر

وتذكرت صديق حدثنا عن حادثة وقعت معه حين ذهب زيارة الى رومانيا على زمن نيكولاي تشاوشيسكو حين كان بمنزل صديقه الروماني على مائدة العشاء وفيها أرجل دجاج مسلوق وكاد ان يتقيئ من شدة القرف لما رأه فبكي مضيفه واعتذر خصوصا بأن الضيف قد أكرمه أخر كرم حين زاره بسوريا وقال هذا كل ما استطيع ان اقدمه لك أسف أسف

omar1964

14-08-2013, 06:40 PM

أسعارك رخيصة اخ عمر :)
من يومين تلاته سألت على عبوة زيت بلدي نوع اول 4 ليتر 5500 ل.س
بيتنجان بلدي 50 وفوق
جوز بلدي 2200
أوكراني 2400
ما بيتاكل 1400
فليفلة حمرا 85

هذه ليست دعوة للشراء أو تموين المكدوس :rolleyes2:

اهلا أستاذ نجم
ياريت لو في طريقة نوصل البضاعة زيت الزيتون او غيره الي موجودة ببعض المناطق رخيصة و بمناطق تانية غالية كتير بسبب أوضاع الطرق ...
عفكرة الجوز البلدي بهالسعر رخيص كتير و لو في طريقة للشحن رح يكون سعرو اكتر من 3500
و الاوكراني السنة ما بيتقرب عليه لأنو عتيق سنتين من موسم 2011

وائل77

17-08-2013, 07:13 PM

قرار حكومي بوقف تصدير الخضار لمدة شهر والأسعار لاتزال مرتفعة
==============================<wbr>====
خاص b2b-sy : وائل الدغلي

أصدر مجلس الوزراء قرار يقضي بوقف تصدير الخضار لمدة شهر بدءا من 14 آب الحالي وذلك بعد مضي أربعة أيام على انتهاء مدة القرار السابق المماثل وأكد مصدر حكومي في تصريح خاص لموقع b2b أن إصدار القرار جاء نتيجة لارتفاع أسعار الخضار فور عودة التصدير ولاسيما البطاطا والبندورة وقد درست الحكومة تداعيات القرار بين تأثر مصدري الخضروات وبين أثر الارتفاع على ملايين المستهلكين وعليه اتخذ القرار بوقف تصدير كافة الخضروات للحفاظ على مستويات سعرية مقبولة للمواطنين .
أسعار الخضروات بقيت مرتفعة وخصوصا البطاطا حيث سعر الكيلو 85 ليرة بعد أن كان مستقرار بحدود 65 ليرة خلال الفترة السابقة والبندورة 50 ليرة والكوسا 90 ليرة والفليفلة 100 ليرة والخيار 65 ليرة والبصل 50 ليرة والباذنجان 65 ليرة والليمون 300 ليرة والفاصولياء 225 ليرة وأوضح بعض التجار إلى وجود عمليات تهريب لبعض الخضروات إلى الدول المجاورة وهو مايؤثر سلبا على أسعار هذه الخضروات .

abu mhd

18-08-2013, 12:09 AM

الاسعار من مؤسسة الخضار بالمزة

بندورة : 45

باذنجان بجميع انواعه : 45 - 50

فليفلة خضراء : 70

بصل : 40

بطاطا : 75

عنب ابيض : 80

بطيخ : 35

سكر : 85 لكل مواطن 2 كغ

غالب

18-08-2013, 12:13 AM

الاسعار من مؤسسة الخضار بالمزة

بندورة : 45

باذنجان بجميع انواعه : 45 - 50

فليفلة خضراء : 70

بصل : 40

بطاطا : 75

عنب ابيض : 80

بطيخ : 35

سكر : 85 لكل مواطن 2 كغ
الاسعار غالبيتها متشابهة مع ما متوفر في جرمانا
ولكن البندورة 40 والبطاطا بمؤسسة الخضار 65