هل ممكن استقبال ويسترينيون في لبنان على جواز سفر سوري؟

[Rami123]

مرحبا...

متابعة لسؤالي الماضي قلت بفتح موضوع جديد ......

انا عم اخسر كثير بإستلام حوالات ويستريونون في سوريا ، بسبب الفرق ...
عدا عن ذلك ... كثير زباين ماعم يقدروا يحولوا لسوريا .... بالويستريونيون .... فبخسر الزباين كمان ...

انا بدي حدا بس يأكدلنا موضوع استلام حوالة ويستريونيون في لبنان
على جواز سفر سوري ؟
حدا جرب ؟ في مشكلة بالموضوع او صعوبة ؟ التسليم بالدولار ؟ عجقة متل سوريا ؟
من وين استلم ؟ بيروت ؟ زحلة ؟ ...

[sameery]

نعم يمكنك الإستلام بالجواز السوري وتستطيع من اي فرع وليس فرع محدد

[انس الحموي]

فيك تستلم من اي فرع او مكتب عنده خدمة الويسترن يونيون وعلى جواز سفرك فقط والاستلام بالدولار ....وفيك كمان تستلم من الاردن والاستلام على كيفك دولار او دينار اردني ...وانا كنت من فترة استلم حوالاتي من الاردن ...بس ملاحظة مهمة يلي بدو يحولك لازم تكون الحوالة على البلد يلي بدك تستلم منه ...يعني ما بصير تكون الحوالة جاية على سوريا وتستلمها من لبنان او الاردن ...لازم يكون موجه من المصدر الى لبنان او الاردن وبهل الحالة فيك تستلمها بكل سهولة ...وبالفعل اذا الحوالة عما تجي كبيرة بتستفيد اكتر على الاقل عما تاخد دولار وفيك تبيعه بسوريا ب200 لاي صراف ...هلىء في قرار طلع من يومين شوف اذا بتقدر تستفيد منه ...عما يسلموا مكاتب الصرافة المنظمات الانسانية والتجار والشركات يلي عندها عماله بسوريا حوالاتهم بالدولار ...

[Rami123]

مشكورين على المعلومات

صحيح بالفعل ممكن ، انا اتصلت بأحدى وكلاء ويستريونيون في لبنان
واكدلو لي امكانية الإستلام للمبلغ .... بأي مكان بلبنان ( زحلة اقرب شي لسوريا وارخص اجور نقل من السومرية ) طبعا بشرط تكون محولة على لبنان وليس سوريا

بيفتحوا من 9 الصبح لل 9 بالليل
فيه الواحد يستلم على جواز السفر او على الهوية السورية

الحلو بالفكرة انو قالولي الحوالة بتضل بالسيستم 45 يوم ، يعني فيك تجمع اكثر من حوالة خلال 45 يوم وتستلمون سوا ، هيك بيكون الموضوع اسهل ....
التسليم بالدولار

بس المشكلة الجديدة ، مشكلة الدخول للبنان ، بعد ماصار لازم فندق او سفارة او طيران او او ...
حدا عندو فكرة عن شي حل لألها ؟

[M-PMP]

مشكورين على المعلومات

صحيح بالفعل ممكن ، انا اتصلت بأحدى وكلاء ويستريونيون في لبنان
واكدلو لي امكانية الإستلام للمبلغ .... بأي مكان بلبنان ( زحلة اقرب شي لسوريا وارخص اجور نقل من السومرية ) طبعا بشرط تكون محولة على لبنان وليس سوريا

بيفتحوا من 9 الصبح لل 9 بالليل
فيه الواحد يستلم على جواز السفر او على الهوية السورية

الحلو بالفكرة انو قالولي الحوالة بتضل بالسيستم 45 يوم ، يعني فيك تجمع اكثر من حوالة خلال 45 يوم وتستلمون سوا ، هيك بيكون الموضوع اسهل ....
التسليم بالدولار

بس المشكلة الجديدة ، مشكلة الدخول للبنان ، بعد ماصار لازم فندق او سفارة او طيران او او ...
حدا عندو فكرة عن شي حل لألها ؟

جرب انك
تسجل بشي معهد تدريب.. مثلا لغة.. خود من المعهد بطاقة تثبت بانك طالب متدريب لديهم.. وبلا 200 دولار ومن هون لتخلص دورة يللي ماحتحضر فيها بالاساس .. بتمشي امورك من حيث الدخول والخروج.. اذا مشي الحال خبرنا .. بالتوفيق