صاله سعر صرف الدولار مقابل الليرة السورية ليوم الاثنين 29-7-2013

[انس الحموي]

أخ أنس السوق بحماة شغال بالليل : يعني الصرافين و ساحة العاصي و المحلات و الناس عمتتحرك بالليل حسب ما بعرف أنا أنو ضمن الأحياء بس في ناس عمتتحرك و محلات فاتحة بس حركة بين الاحياء بالليل ضعيفة كتير و المحلات بالسوق مسكرة
ممكن توضحلنا الله يخليك

السوق بعد الافطار عما يكون عن طريق التثبيت بالهاتف اذا الاحياء متباعدة كتير واذا الحي قريب من الحي او بنفس الحي الناس بين بعضها البعض عما تبيع وتشتري للساعة 12 بالليل يد بيد ....والاهم ويلي عما يحرك السوق بحماة سوق التثبيت للغد ...وشي طبيعي ما في محلات بتكون فاتحة بالليل وسبق وضحت من قبل بيع عن طريق التثبيت والبيع والشراء بهي الطريقة بتكون محصورة بناس الها وزنها وسمعتها وحضورها ....يعني متل لما منبيع الذهب ومنشتريه بكون عن طريق التثبيت واحيانا بمنتصف النهار بيحدث التثبيت يعني طريقة التثبيت مو بتم بس بالليل....ومن حكيك يبدو انك حموي فيك تسال اي شخص بيتداول بالدولار شو سعر المبيع ...وبالنهاية الاسعار يلي بتنحط اسعار هوامير بتشتري فعليا بنفس السعر يلي حاطه وبتبيع فعليا بنفس السعر يلي حاطه

[انس الحموي]

حماة الان شراء 220 ..... مبيع 230 متوفر بالاتجاهين

[مجد]

عاجل وهااام ....الدولار الان الساعة 9.45 دقيقة
شراء 230 ....... مبيع 235
الذهب الكسر شراء 8800 .........مبيع 9200
كنت حابب خبركن هل الخبر قبل السحور بس للسحور قد يحتمل مفاجأة تانية ,,,,السوق والع نااااار


الف شكر لك اخي انس

مصداقيتك لا شك بها

[M-PMP]

شباب حدى بيعرف شو وضع الصرافة بتركيا بالنسبة للزوج eur/usd يعني في متل لبنان اسعار منيحة و لا نصب متل عنا

في لبنان عموما وحسب همتك
في احسن الاحوال صرف الزوج يورو/دولار في لبنان بفارق من 25 الى 40 نقطة ربح للصراف..

لنفترض الزوج في هبوط وانت معك دولار وبدك يورو بتلاحظ الصراف ببيعك اليورو عالشاشة كما هو بالضبط بدون اي فارق.. يعني الصراف بس بدو يبع اليورو لوقف الخسائر عند حد معين..

اما عنا استغلال ونصب واحتيال واختلاس وسرقة عنوة و و و ..

[مجد]

ياحبيب مو نحن يلي منشلف تشليف هادا السعر يلي قراته بالديزيم مو بالميلي ولا السانتي موضع ...وشباب حماة باكدوا لك السعر واذا بيفتلوا حماة دار دار وزنكة زنكة مستحيل يلاقوا على سعر 230 ولو مبلغ 1000 دولار ....وياريت كل الناس متلي تحط السعر سواء نازل او طالع بادق تفاصيله ...ولو متابع اسعاري وتاكيد شباب حماة عليها ما كنت تلفظت بحرف بس يبدو انت يلي ما عاجبك السعر الحقيقي وبدك سعر يعجبك وسامحني نحن الحموية ما عنا مجاملة منقول للاعور اعور بعينه

هي مالها داعي اخي انس التعميم ليس من الحكمة في كل مكان يوجد

من يجامل وفي من لا يجامل هههه

[AYMTAL]

السوق بعد الافطار عما يكون عن طريق التثبيت بالهاتف اذا الاحياء متباعدة كتير واذا الحي قريب من الحي او بنفس الحي الناس بين بعضها البعض عما تبيع وتشتري للساعة 12 بالليل يد بيد ....والاهم ويلي عما يحرك السوق بحماة سوق التثبيت للغد ...وشي طبيعي ما في محلات بتكون فاتحة بالليل وسبق وضحت من قبل بيع عن طريق التثبيت والبيع والشراء بهي الطريقة بتكون محصورة بناس الها وزنها وسمعتها وحضورها ....يعني متل لما منبيع الذهب ومنشتريه بكون عن طريق التثبيت واحيانا بمنتصف النهار بيحدث التثبيت يعني طريقة التثبيت مو بتم بس بالليل....ومن حكيك يبدو انك حموي فيك تسال اي شخص بيتداول بالدولار شو سعر المبيع ...وبالنهاية الاسعار يلي بتنحط اسعار هوامير بتشتري فعليا بنفس السعر يلي حاطه وبتبيع فعليا بنفس السعر يلي حاطه

الشكر موصول الك أخي أنس على اجابتك و بيعجبني فيك صدقك و صراحتك
أي أنا حموي و بشرفني اتعرف عليك شخصياً
أنا معك أنو بيصير تثبيت بيع بالليل و أنا ما عمشكك بكلامك و أسعارك أبداً
بس بظن أنو كمية البيع بالليل بطريقة التثبيت بتكون أليلة و بجوز ما يكون نفس السعر بكراً تماما
و لا شو رأيك ؟

[النسر]

الرجاء
الدعاء لاهل حمص
سقوط عدة قذائف على مسجد الدبلان اثناء خروج المصلين
والجثث بالشوارع

[انس الحموي]

الرجاء
الدعاء لاهل حمص
سقوط عدة قذائف على مسجد الدبلان اثناء خروج المصلين
والجثث بالشوارع


لاحولة ولا قوة الا بالله انا لله وانا اليه راجعون ...ان شاء الله من الشهداء ....الله يحسن خاتمتنا متلهم يارب ...بشهر رمضان باخر ايام العشرين وبصلاة التراويح ...والصبر والسلوان لعوائلهم واحبابهم..... حمص جرح كبير منتمنى يشفى جرحها قبل جميع المحافظات

[انس الحموي]

الشكر موصول الك أخي أنس على اجابتك و بيعجبني فيك صدقك و صراحتك
أي أنا حموي و بشرفني اتعرف عليك شخصياً
أنا معك أنو بيصير تثبيت بيع بالليل و أنا ما عمشكك بكلامك و أسعارك أبداً
بس بظن أنو كمية البيع بالليل بطريقة التثبيت بتكون أليلة و بجوز ما يكون نفس السعر بكراً تماما
و لا شو رأيك ؟

نحن كيف منحكم على السوق اذا حامي كتير... وكيف منعرف اذا العرض غالب على الطلب ..من خلال الكميات التي تتطلب ومن خلال كثرة الاتصالات او قلتها ...اليوم خلال ساعة بعد الافطار الطلب كان كبير كتير وبكميات كبيرة كتير ...وبس شفت جوالك صار يرن كتير بكون صار طلب كبير ;) وبس خسرت رصيد كبير من جوالك بكون العرض صار كبير....الهدوء مازال سيد الموقف والسعر الى الان 220 شراء ......230 مبيع

[alternative]

نحن كيف منحكم على السوق اذا حامي كتير... وكيف منعرف اذا العرض غالب على الطلب ..من خلال الكميات التي تتطلب ومن خلال كثرة الاتصالات او قلتها ...اليوم خلال ساعة بعد الافطار الطلب كان كبير كتير وبكميات كبيرة كتير ...وبس شفت جوالك صار يرن كتير بكون صار طلب كبير ;) وبس خسرت رصيد كبير من جوالك بكون العرض صار كبير....الهدوء مازال سيد الموقف والسعر الى الان 220 شراء ......230 مبيع
اخي انس شو سبب الطلب الكبير
ممكن تشرحلنا يعني شو صار حتى زاد الطلب
ونط السعر لهيك
لانو على حكيك بكرة يمكن 240 يوصل اذا بالليل هيك ؟؟
على فكرة هاد سؤال وليس تشكيك
الله يجزيك الخير

[أحمد الأحمد]

نحن كيف منحكم على السوق اذا حامي كتير... وكيف منعرف اذا العرض غالب على الطلب ..من خلال الكميات التي تتطلب ومن خلال كثرة الاتصالات او قلتها ...اليوم خلال ساعة بعد الافطار الطلب كان كبير كتير وبكميات كبيرة كتير ...وبس شفت جوالك صار يرن كتير بكون صار طلب كبير ;) وبس خسرت رصيد كبير من جوالك بكون العرض صار كبير....الهدوء مازال سيد الموقف والسعر الى الان 220 شراء ......230 مبيع
أخي أنس يمكن هاد سعر الهوامير الكبار ,منذ قليل تم العرض ب220 . لذلك أفترض السعر 217 ---220 .

[انس الحموي]

اخي انس شو سبب الطلب الكبير
ممكن تشرحلنا يعني شو صار حتى زاد الطلب
ونط السعر لهيك
لانو على حكيك بكرة يمكن 240 يوصل اذا بالليل هيك ؟؟
على فكرة هاد سؤال وليس تشكيك
الله يجزيك الخير

هلىء أدش رح يكون بكرى العلم عند رب العالمين بجوز يبقى على سعر 220 ....230 بالنسبة لسؤالك الحالة النفسية بتلعب دور كبير ودايما اي استقرار بعد نزول عما يعقبه طلوعه ولما بيطلع البارحة وبيرجع اليوم بكمل طلعوعه يلي ما اشترى بخاف وبيسرع للشراء طبعا هادا الدافع موجود عند 98 بالمية من الناس وبقول للنفسه حتى لو اشتريت باغلى خمس ليرات بس بدي هدي فكري وارتاح لانو صرلنا بايام عما يطلع طلعات جنونيه واحيانا هبوط جنوني وهل الطلوع والنزول يمكن يسبب للناس خسرات بالملايين ...بالاضافة عنا سوق العقارات عما يلعب دور كبير بسعر الدولار سواء يلي بدو يشتري عما يبيع دولاره منشان يشتري ويلي عما يبيع عقار كمان عما يطلب دولار بشكل مستعجل تفاديا لاي خسارة ...هلىء بهي اللحظة يلي عما اكتب فيها رد على مشاركتك تمت عمليتين شراء بحضوري...اخر الشي مو لاني من حماة بس بدكم نصيحتي تابعوا سعر القامشلي وحماة منشان تعرفوا وين اتجاه الدولار صاعد ام هابط وانا عن نفسي من اشد المتابعين لاسعار القامشلي والحسكة ...

[حمصي مع سبق الاصرار]

اخ أنس بكور صرنا منعرف بعضنا و انت من الناس المعروفين ما في داعي تثبت حالك
شكرا لجهودك
و شكرا لجميع الاعضاء المتفانين و المشرفين

[AYMTAL]

نحن كيف منحكم على السوق اذا حامي كتير... وكيف منعرف اذا العرض غالب على الطلب ..من خلال الكميات التي تتطلب ومن خلال كثرة الاتصالات او قلتها ...اليوم خلال ساعة بعد الافطار الطلب كان كبير كتير وبكميات كبيرة كتير ...وبس شفت جوالك صار يرن كتير بكون صار طلب كبير ;) وبس خسرت رصيد كبير من جوالك بكون العرض صار كبير....الهدوء مازال سيد الموقف والسعر الى الان 220 شراء ......230 مبيع
أخ أنس انت ساكن بالقصور مو هيك
ممكن تدلني عمكتب عقاري يكون منيح و ادمي بالقصور انا بحاجتو بدي اسأل عن عقار

[لقماان]

الرجاء
الدعاء لاهل حمص
سقوط عدة قذائف على مسجد الدبلان اثناء خروج المصلين
والجثث بالشوارع



لا حول و لا قوة الا بالله العلي العظيم .......
حسبنا الله و نعم الوكيل ...............
ما عاد في حكي يعبر .....

[عابر مجيب]

السلام عليكم

نرجو التوضيح من المخضرمين يلي بيلقطوها ع الطاير ويوضحلنا لو سمحو

هلاء ليش يرتفع سعر المساء عن سعر الصباح مع انو كنا نشوف مخالف هل الشي قبل يوم الاربعاء هل لوجود دوام عند الصرافة واغلاقها وتنتهي المراقبة من المركزي وانتهاء الدعم اليومي وعدم قدرة الناس على الشراء بالسعر المحدد من المركزي وضخ الاشاعات بعدم قدرة المركزي باستيعاب ارتفاع سعر الصرف
او لانو تجار السوق البلوة اشترو بالغالي من كم يوم وبعوضو خسارتون المسا
او لعبة شد الحبل بين السوق البلوة والمركزي ولعبة كسر العظم
او لانو المركزي تدخلو وهمي وعم يبيع بسعر لايسمن ولا يغني من جوع ؟؟؟

عند عودة الجماهير الغفيرة إلى بيوتها بخفي حنين بعد يوم مضني على ابواب الصرافين
بتروح السكرة وبتجي الفكرة

[انس الحموي]

أخي أنس يمكن هاد سعر الهوامير الكبار ,منذ قليل تم العرض ب220 . لذلك أفترض السعر 217 ---220 .


صحيح كلامك وكونه عرض عليك ب220 كانوا عما يعرضه على صراف ب220 لانو سعر الشراء 220 وهادا بدل على السعر الصحيح يلي حاطه ويلي رح ياخدهم منهم ب220 ببيع ب230 ....فقرة هامة استكمال للمداخلة السابقة بخصوص القاملشي والحسكة ...الحبوب من ذرة وقمح وشعير عما تلعب كمان دور كبير وعما تاثر عالدولار ...اخيرا بعتذر من الجميع على كثرة الردود اليوم بس للضرورة ...ومعروف عني سيد الصمت ...ومسمي حالي بكل عضوياتي بصمت الرياح

[حمصي مع سبق الاصرار]

و بيرجعوا بيسالوا ليش طلع ؟؟؟؟؟؟؟
بلد بازمة مدة سنتين و اكتر و مافي تصدير و حصار اقتصادي
عنده عالاقل 100 سبب ليطلع الدولار مقابل الليرة
السؤال لما ما بيطلع شو السبب لانو بيكون عدد الاسباب اقل بكتير
شو راي الخبراء ؟؟؟؟