المساعد الشخصي الرقمي

مشاهدة النسخة كاملة : اريد حساب بنكي فعال عالنت ... ماذا تنصحوني !!!

حلبية
18-07-2013, 11:19 AM
السلام عليكم اخوتي
اتمنى ان تكونو بخير جميعا ..

طبعا و في أي مأزق .. ألجأ لكم فورا ..
جزاكم الله خيراً..
انا مصممة و اعمل عالنت .. و دوما تاتيني حوالات متفرقة عالويسترن يونيون

المهم ..
اريد ان افتح حساب بنكي في هذه الايام العصيبة ..
حتى ما يضطرو زبائني في الدول الاخرى يروحو لشركة ويسترن لاجل مبالغ بسيطة .. لهيك فكرت افتح حساب بنكي .. بيقدرو و هم عالنت يحولو المبلغ .. من مبدأ سلّم واستلم .. وانا كمان بقدر اتأكد عالنت انو اتحول المبلغ لحسابي وارسل لهم التصميم مباشرة بدل انتظار الصباح و انو يفتح ويسترن يونيون و يوم مسكر الطريق ويوم مفتوح

لكن السؤال ..
اي بنك .. ممكن ما يعلن افلاسه بأي لحظة !!!!!!!!!!!!!!!!
و اي بنك ممكن اتأكد عن طريق موقعهم عالنت انو اتحول المبلغ لحسابي !

لكن اهم شي .... انو يكون بنك مضمون يعني ما افتح حساب وتاني يوم يقولولي اجا مسلحين و سرقو البنك :(

جزاكم الله خير
افيدونا افادكم الله
حلبية
20-07-2013, 10:59 AM
اخوتي الاعزاء ... ما حدا عنده معلومات عن هالموضوع بيقدر يفيدني فيها ؟
جزاكم الله الخير
سامر منصور
20-07-2013, 12:58 PM
اختي الكريمة اي حساب بنكي ممكن ان يوفر خدمة الإطلاع على الحساب عن طريق الإنترنت ولكن المشكلة تكمن في صعوبة تحويل المبلغ من خارج سورية لبنك فورا بسبب العقوبات
اما بخصوص إعلان البنك الإفلاس فهذا مستبعد
حلبية
20-07-2013, 07:45 PM
تسلم اخي على جوابك المفيد
ولكن عندي سؤال لحضرتك ...

البنك التجاري او العقاري افضل ؟ او بنك عودة / بيمو / ووغيرهم ؟؟؟
عندك فكرة اي بنك افضل شي ؟؟؟؟
و لو اتوقف التحويل من الخارج ... عادي اني اسحب المال اللي بحسابي مو هيك؟
و بيعطوني ياه سوري او دولار ؟؟

يسلمووووووووووو كتيرررررررررررررررررررررررررر
SyrianWolf
20-07-2013, 10:04 PM
تسلم اخي على جوابك المفيد
ولكن عندي سؤال لحضرتك ...

البنك التجاري او العقاري افضل ؟ او بنك عودة / بيمو / ووغيرهم ؟؟؟
عندك فكرة اي بنك افضل شي ؟؟؟؟
و لو اتوقف التحويل من الخارج ... عادي اني اسحب المال اللي بحسابي مو هيك؟
و بيعطوني ياه سوري او دولار ؟؟

يسلمووووووووووو كتيرررررررررررررررررررررررررر

مسا الخير أخت حلبية، حسب معلوماتي التحويل البنكي إلى سوريا غير متاح بسبب العقوبات هاد بالنسبة للدولار (وغالباً غالباً لبقية العملات كمان بس مالي متأكد).

اتأكدي واسألي، وكمان استفسري إذا كان حسابك برات البلد إذا هالشي بيفيد ولا لأ (حسب معلوماتي يمكن التحويل لحساب سوري بره البلد بأي عملة عدا الدولار)

الله ييسرلك ويوفقك، وبتمنى إذا وصلت لمعلومات أكيدة تخبرينا ياها إذا تفضلتي.
حلبية
21-07-2013, 01:33 AM
والله يا اخي انا هلأ لعرفت انو في عقوبات عالتحويل بالدولار ^_^
ماعندي حساب برا البلد ولا جوا البلد ههههه بس كنت ناوية افتح حساب هون
ورح اسال بنك عودة واخبركم شو بيصير معي ان شاء الله هاليومين
تسلم اخي و جزاك الله خير
حلبية
21-07-2013, 02:28 PM
رحت اليوم لبنك عودة ..
وقال الحساب حصرا سوري و شو ما حولو لي بستلم سوري ..
بقى عوضنا على الله و بلاه هالحساب اللي بلا طعمة ..
ما في احسن من ( تحت البلاطة ) ^_^