صالة أسعار صرف الدولار وباقي العملات و أسعار الذهب مقابل الليرة السورية ليوم الجمعه 12-7-2013

[arnouri]

بسم الله الرحمن الرحيم


صالة أسعار صرف الدولار وباقي العملات و أسعار الذهب مقابل الليرة السورية ليوم الجمعه 12-7-2013 (http://syria-stocks.com/forum/showthread.php?t=14722)





أهلا و سهلا بكم


https://fbcdn-profile-a.akamaihd.net/hprofile-ak-ash3/c13.13.174.174/67916_607160505978881_232756190_n.jpg

[arnouri]

الرجااااااااااااء عدم كتابة أرقام الهواتف أو عناوين البريد الالكترونية الخاصة
كما
تمنع المشاركات ذات الطابع السياسي.

و الرجاااااااااااااااء الابتعاد عن النقاشات غير المجدية و البعيدة عن موضوعنا الاقتصادي كي لا تضطر الادارة آسفة لالغاء تلك المشاركات.
و الارتقاء بالنقاش والحوار لما فيه خير و فائدة المشاركين و المتابعين للموقع.





:StickOutTonguehttp://syria-stocks.com/forum/images/icons/icon1.gif
إن موقع سيرياستوكس و إدارته كان ولا يزال همهم الأول محاولة الارتقاء بالاقتصاد السوري و الحرص على تطوره مما يؤدي لارتفاع قيمة العملة الوطنية
ومن هنا فإن الموقع و إدارته
ليس له علاقة بتسعير الدولار بالسوق السوداء أو تداوله
وتمنع تداول أو بيع و شراء العملات عن طريق الموقع بين الأعضاء
وتنحصر مهمته بعرض السعر الحقيقي المتداول بالسوق منعا لأي عملية غش للمتابعين.

[المضارب الحسكاوي]

جمعة مباركة ورمضان كريم للجميع
الحمد لله ان الدولار نزل سعرو وتوقف الارتفاع الصاروخي وفرصة مناسبة اللي كان يلزمو عملة صعبة او ذهب انو يشتري

[arnouri]

شراء : 265



مبيع : 275

هذا لا يمنع وجود حالات لبيع و شراء بأسعار أقل أو أكثر من ذلك.

[arnouri]

نرجو من بعض الاعضاء الكرام
عند نقل الاخبار توخي الدقه في نقلها والمنتدى ليس مكان لترويج الاشاعات
ونرجو منهم توخي الدقه في نقل السعر

شكرا

[حلبية]

جزاكم الله خير
اخوتي الرجااااااااااء
حدا بيعرف مركز صرافة بحلب بيسلم حوالات ويسترن يونيون يوم الجمعة !!!!!!!!!!؟

[ismail]

يعني نزول فهمنا بس لوين بدو يصل لاني كل مرة نزول بعد يومين بلاقي سعر +100

[sajed]

أسعد الله أيامكم وتقبل صيامكم وقيامكم

الشكر لأخونا arnouri لافتتاحيته وجعلها الله مباركة

[باسل غ]

جزاكم الله خير
اخوتي الرجااااااااااء
حدا بيعرف مركز صرافة بحلب بيسلم حوالات ويسترن يونيون يوم الجمعة !!!!!!!!!!؟


شركة ابو العيون السود ( السليمانيه)

[محمد البيك]

كشف مصادر، أن الحكومة وافقت مؤخرا في جلستها الاقتصادية على تصنيع ليرات ذهبية سورية بوزن 8 غرامات وعيار 21 ليتداولها المواطن في جميع محلات الصاغة.

ونقلت صحيفة "تشرين" الحكومية، عن المصدر، قولها إن: "الحكومة طلبت من وزارة الصناعة إعداد رؤية متكاملة حول مقترح جمعية الصاغة بخصوص تصنيع ليرات ذهبية وضرورة الأخذ بالمقترحات والملاحظات المقدمة من أعضاء اللجنة الاقتصادية وذلك بالتنسيق مع مصرف سورية المركزي والاتحاد العام للحرفيين".

وأشار المصدر إلى أن "جمعية الصاغة كانت قد اقترحت على الجهات الوصائية المعنية بموضوع الذهب أهمية إصدار الليرة السورية الذهبية لتكون بديلا وطنيا واقتصاديا وحتى ادخاريا عن الليرات الذهبية الانكليزية بالدرجة الأولى والليرة الرشادية بالدرجة الثانية بالنظر إلى قلة الإقبال على الرشادية وارتفاع الإقبال على الليرة الانكليزية".

وبين أن "هذا المقترح يتضمن أن ينقش على وجهها الأول شعار الجمهورية العربية السورية وهو النسر باسط الجناحين، في حين سيتضمن الوجه الثاني لهذه الليرة نقشاً يوضح التآلف والتعاضد الذي يسود المجتمع السوري".

وألفت المصدر إلى "احتمال أن يتضمن نقش الوجه الثاني رمز الهلال في إشارة إلى الدين الإسلامي ورمز الصليب في إشارة إلى الدين المسيحي، أو أن يتضمن النقش تصغيرا لمسجد إسلامي وكنيسة مسيحية".

وكان رئيس "الجمعية الحرفية للصاغة والمجوهرات" غسان جزماتي قال إن: "الهدف من إصدار الليرة السورية المزمع طرحها قريباً هو الترويج لعملة بلادنا بدلا من الترويج للعملة الانكليزية"، مبينا أن "الهدف من إصدار الليرة السورية هو الترويج للعملة السورية"، مشيرا إلى أن "إصدار هذه الليرة من الممكن أن يؤثر على مبيعات الذهب في سورية".

وأشار إلى أن "الليرة ستحمل شكل النسر السوري وستكون عيار 21 ومافوق، وهي مضمونة 100% ويمكن أخذها لأي دولة لأنها تملك كفالة".

[sajed]

ثبات السعر الذي يريده المركزي هو 250 ل.س

ولن نرى انخفاض دون هذا السعر، والتوقعات حسب التجارب السابقة تشير الى ارتفاعات فوقه الاّ اذا كان الضخ أعلى من الحاجة (وهذا شبه مستحيل في الوقت الحاضر)

والله أعلم

[حمصي مع سبق الاصرار]

مساء الخير للجميع
عساها افتتاحية مباركة
و ربح و كسب لجميع السوريين

[محمد البيك]

الدولار: 245ل.س 250 ل.س في حلب الان
اليورو: 310 ل.س 330ل.س
الليرة التركية: 107 ل.س 110 ل.س
الذهب: 9300 ل.س 9400 ل.س
الأونصة: 1250 $ 1250 $
المازوت: 350 ل.س 350 ل.س
البنزين: 1500 ل.س 1500

[omar1964]

صباح الخير
شكرا للاخ ابو معاذ على افتتاح صالة المتابعة ليوم الجمعة
و هي اول جمعة في رمضان
صيامكم مبارك
و جمعة مباركة باذن الله

[ahmad477]

السلاام عليكم ... آسعار سوق اللاذقية من الإفتتاح حتى الإغلاق شراء من 260 حتى 265 مبيع من 275 حتى 285 ... الذهب شراء 8800 مبيع 9600 ... الفرق الكبير بين سعر البيع والشراء يدل على تخبط السوق وخوف الصرافين من هبوط السعر

[Mad - 1011]

www.syria-stocks.com/forum/showpost.php?p=283089&postcount=258
شكر الله لك
أخي الكريم

[ahmad477]

أونصة الدهب عالميآ 1286.80 الاتجاه العام صاعد الهدف 1340

[محمد البيك]

المركزي يؤكد انتشار نوعين للدولار المزور :
__________________________________

النوع الأول
>>>>>>>
يكشف عبر آلات كشف التزوير
ومختوم من محلات الصرافة
يعني يظن بأنه نظامي لغير الخبير ....

والنوع التاني
>>>>>>>>
لا يكشف غير بآلات كشف التزوير الحديثة والمتخصصة
التي تعتمد فحص الدولار على اكثر من اربع نقاط
وهو نوع يصل من خارج سوريا
وانتشر بشكل كبير ...

وهذا سبب عدم ضخ البنك السوري للدولار في السوق
خوفا على العملة الصعبة ...

وأشار البنك المركزي للمواطنين السوريين
لمن يود فحص مدخراته من الدولار
أن يكشف عليها في محلات الصرافة
المزودة بأجهزة خاصة أو في البنك المركزي

[sajed]

الدولار: 245ل.س 250 ل.س في حلب الان
اليورو: 310 ل.س 330ل.س
الليرة التركية: 107 ل.س 110 ل.س
الذهب: 9300 ل.س 9400 ل.س
الأونصة: 1250 $ 1250 $
المازوت: 350 ل.س 350 ل.س
البنزين: 1500 ل.س 1500

هناك معروض من الدولار من قبل المدخرين في حلب

الكل يريد تأمين لقمة العيش مع جنون الأسعار وفحش الحصار

1000 ليتر مازوت = 350 ألف ليرة (عساها تكفي لأيام الشتاء الحلبي القارس).

[ph-hosam]

ثبات السعر الذي يريده المركزي هو 250 ل.س

ولن نرى انخفاض دون هذا السعر، والتوقعات حسب التجارب السابقة تشير الى ارتفاعات فوقه الاّ اذا كان الضخ أعلى من الحاجة (وهذا شبه مستحيل في الوقت الحاضر)

والله أعلم






على اعتبار انو المركزي سياسة الضخ هالمرة صادقة
واستمر بالضخ مرتين اسبوعيا واسبوع بعد اسبوع ينزل السعر بالضخ مثلا وعلى اعتبار هالاسبوع سلم شركات الصرافة عال247 ونص وباعو عال250 والاسبوع اللي بعدوا سلمن ب242 وباععو 244 اكيد هادا الشي رح ينزل سعر الدولار مقابل الليرة السورية
منشان الله اذا حدا من جماعة المركزي او خلية الازمة الاقتصادية اذا كانت موجودة او اي شخص الو علاقة بسياسة حل المشكلة الاقتصادية اللي عم تمر فيها البلد عم يقرا هالكلام ضخوا بشكل منتظم وخليكن صادقين مع الناس لانو بظن هاي آخر فرصة الكن مع الناس وبعد هالفرصة اذا كنت كذابين ولا كل تصريحات الدنيا رح تحل الموضوع
كنت بتمنى لون الكلام وكبروا بس داخل من الموبايل مطفية الكهربا

[D-AYMAN]

الحمد لله الذي اطعمنا واكرمنا
اللهم هناك اخوة لنا نسئلك ان تطعمهم كما اطعمتنا وان تكرمهم كما اكرمتنا
اللهم لا تضني احد منهم ولا تعيزنا وتعيزهم لمخلوق سواك

[ahmad477]

نأمل من المركزي أن يكون جديآ بالتدخل هذه المرة

[حلبية]

شركة ابو العيون السود ( السليمانيه)


تسلم ايديك اخ باسل
والله يعطيك الف عاااااااااااااااااااافية

[arnouri]

ان انهيار الليرة السورية سوف يشكل للأسف الشديد خسارة كبيرة للشعب السوري بأكمله وليس للنظام وحده،

وإعادة الثقة بها قد يأخذ وقتا طويلا قد يمتد ربما لأعوام".

[omar1964]

ان انهيار الليرة السورية سوف يشكل للأسف الشديد خسارة كبيرة للشعب السوري بأكمله وليس للنظام وحده،

وإعادة الثقة بها قد يأخذ وقتا طويلا قد يمتد ربما لأعوام".

كلامك صحيح ابو معاذ
تولد عندي احساس ان
الطرفين عم يشتغلو لنفس الهدف انهيار الليرة
أو على الاقل ينزل سعرا لمستوى معين كأن اختلفو على كل شيء
و اتفقو على هالمسألة ..!!!!
يمكن أنا شكاك زيادة ..!!
الارتفاع ما قبل الاخير فجأة و بنفس الوقت إجت التعليمات لكل الصرافة
بالمناطق الخاضعة للسلطة و للمعارضة و نزل سعر الليرة اكتر من 10% خلال 24 ساعة ..!

[S.O.S]

مساء الخير للجميع

[محمد البيك]

وفاة التاجر بسام جربوع اليـــــــوم في المستشفى بأزمة قلبية اصابته اليوم الصبح بعد ما عرف ان كمية الدولارات اللي عندو طلعت مضروبة

مليون دولار

[sajed]

على اعتبار انو المركزي سياسة الضخ هالمرة صادقة
واستمر بالضخ مرتين اسبوعيا واسبوع بعد اسبوع ينزل السعر بالضخ مثلا وعلى اعتبار هالاسبوع سلم شركات الصرافة عال247 ونص وباعو عال250 والاسبوع اللي بعدوا سلمن ب242 وباععو 244 اكيد هادا الشي رح ينزل سعر الدولار مقابل الليرة السورية
منشان الله اذا حدا من جماعة المركزي او خلية الازمة الاقتصادية اذا كانت موجودة او اي شخص الو علاقة بسياسة حل المشكلة الاقتصادية اللي عم تمر فيها البلد عم يقرا هالكلام ضخوا بشكل منتظم وخليكن صادقين مع الناس لانو بظن هاي آخر فرصة الكن مع الناس وبعد هالفرصة اذا كنت كذابين ولا كل تصريحات الدنيا رح تحل الموضوع
كنت بتمنى لون الكلام وكبروا بس داخل من الموبايل مطفية الكهربا

كلامك فيه محبة واخلاص لهذا البلد واقتصاده

وأنا أتمنى أن يكون ضخ المركزي فائض عن حاجة الطلب

لكن أظنه مراد بعيد المنال

لن أقول هذه المرة دعونا ننتظر...، الكثير انتظر ولكن خسر

حمى الله سورية بلدا" وشعبا" واقتصادا"

[sajed]

مع الحصار أصبح السحور في حلب لقيمات من حواضر البيت

حتى الزعتر الحلبي أصبح نادر

السلطة ممنوعة والأجبان مقطوعة واللحوم من الغلاء مفجوعة

دعائكم لأهلنا في حلب وندائكم يهمنا لفك الحصار الغذائي عنهم

[The shadow]

جمعة مباركة بشهر مبارك ..... الله يتقبل صيامكن أجمعين
متل ما ذكروا الأخوة كان سعر إغلاق دمشق 270 شراء - 280 مبيع ( المبيع ممكن تحصيل سعر أحسن متل ما ذكر Dynamic Pulse حسب الشطارة والمعرفة مع الصراف )

[SyrianWolf]

المركزي يؤكد انتشار نوعين للدولار المزور :
__________________________________

النوع الأول
>>>>>>>
يكشف عبر آلات كشف التزوير
ومختوم من محلات الصرافة
يعني يظن بأنه نظامي لغير الخبير ....

والنوع التاني
>>>>>>>>
لا يكشف غير بآلات كشف التزوير الحديثة والمتخصصة
التي تعتمد فحص الدولار على اكثر من اربع نقاط
وهو نوع يصل من خارج سوريا
وانتشر بشكل كبير ...

وهذا سبب عدم ضخ البنك السوري للدولار في السوق
خوفا على العملة الصعبة ...

وأشار البنك المركزي للمواطنين السوريين
لمن يود فحص مدخراته من الدولار
أن يكشف عليها في محلات الصرافة
المزودة بأجهزة خاصة أو في البنك المركزي

أنو هلأ أي "مواطن" بيقدر يروح عالمركزي ويباركلو لمسيو ميالة بالشهر الكريم بعدين بيطلب منو يفحص دولاراتو بالمكنة تبعو :eek: Big Grin...

أي شو هالجخ هاد أحسن من هيك مافي :)

[The shadow]

قلوبنا كلنا مع أهلنا بحلب اللي تحملوه وشافوه صعب إنو يتصدئ ..... الله يفرج عنهم بجاه هالشهر الفضيل
خبر من مصدر موثوق ما بعرف إذا مسموح فيه بالمنتدى وما آصد فيه أي إتجاه سياسي بس على أمل تحسين الأوضاع لأهلنا بحلب العميد م-خ تم إستدعائه للشام وهو موجود ب 555

[shereen]

صباح الخير للجميع ويوم جمعة مبارك قريت قبل شوي على قناة روسيا اليوم انو بعتو طحين لحلب وبكميات هائلة جدا (الف مبروك)وسمعت كمان انو في منحة معاش شهر للموظفين بالقطاع العام قبل العيد فيبدو متل العادة منتصف الشهر بيبلش يطلع الدولار مشان يغطو المعاشات وبعدين ينزل او شو رايكم؟؟

[The shadow]

يسعد صباحك آنسة شيرين بركي بيزبطوا امورن هالمرة بلا إرتفاع ...... ومو نائصنا تغطاية ( نعوش ) والله تعبنا

[لقماان]

صياح الخير للجميع
و شكرا جزيلا للأخ أبو معاذ على افتتاح المتابعة

[anas1000]

كل عام و انتم بخير رمضان كريم
السعر الحالي من 250-270 جيد للمذخرين
----------------------------------------------------------------

[رسملجي]

السلام عليكم جميعا
جعله الله يوم جمعة آمن لكل السوريين

فيما يخص ضخ الدولار لمعالجة هبوط العملة
الاسفنجة السعودية وحدها قادرة على امتصاص الدولارات في السوق حتى ولو صار الدولار بعشرة ألاف ليرة
وأرى بأن الارتفاع الذي حصل لسعر الصرف في الأسبوعين الماضيين (على الرغم من أنه لم يكن هناك أي حدث هام على الأرض يؤدي لهذا الارتفاع) سببه هو الأوفردوز Overdose من المملكة السعودية المحشية ليرات سورية
طبعا هذا ما يعنيه دائما المسؤولين بكلامهم عن تأثير بعض الدول الاقليمية على قيمة الليرة

وفي رمضان ليس لنا إلا الدعاء
اللهم أرنا الحق حقا وارزقنا اتباعه
وأرنا الباطل باطلا وارزقنا اجتنابه

[رسملجي]

يبدو أن كل طرف من الأطراف يريد أن يلقن الأخر درساً
والشعب السوري يلعب دور المخلص
يلي عم يأكل القتلة كلها

[C.E.Ibrahim]

العلامة الليزرية وهي ذات لون أخضر براق وفي الدولار المزور تكون الدرجة اللونية مختلفة -1
2- العلامة المائية وتظهر عند تعريض الدولار للضوء من الخلف حيث تشاهد صورة الرئيس الأمريكي و في الدولار المزور كانت هذه العلامة موجودة
3- ختم الخزينة الأخضر وهي أهم العلامات لكشف الدولار القديم ويجب أن يكون رقم 100 مطبوعا فوقها , في الدولار المزور نلاحظ أن ختم الخزينة مدموج مع رقم ال100
4- علامة الاحتياطي الأمريكي السوداء وهي من حبر سميك قابل للتلطيخ حيث أن حكها بقوة بورقة بيضاء يؤدي لتلطخها , بينما في الدولار المزور كانت هذه العلامة ثابتة.
5- عند استخدام مكبر و النظر لرقم 100 نشاهد داخلها
100usa
هذه العلامة غير موجودة في الدولار المزور
6- داخل صورة الرئيس الأمريكي تحت نشاهد بالتكبير عبارة
the united states of america
وأيضا هذه العلامة غير صحيحة في الدولار المزور
7- شريط بلاستيكي داخل الورق مكتوب عليه 100 و كان موجود في الدولار المزور

-بالنسبة للورق المستخدم في هذا الدولار المزور وهذه أهم علامة بالنسبة للصرافه فقد كان في الدولار المزور ورق ممتاز و قريب جدا من الورق الحقيقي ويحوي على الشعيرات الضوئية أي أن فحص الضوء لا يكشف تزويره
-الطباعة في الدولار المزور أفتح لونا والحبر المستخدم أكثر ثباتا من الدولار الحقيقي
-الحبر المستخدم في الدولار الحقيقي سميك وعند تعرضه لعوامل الاحتكاك يزول بسهوله , وغالبا أماكن الطيات تكون أحبارها زائلة
يتم طبع الدولار الحقيقي بطابعات تسبب علامات ضغط وهي علامات واضحة عند النظر للدولار من الأمام و الخلف

[tareq773]

صباح الخير وجمعة مباركة

[abd73fr]

على اعتبار انو المركزي سياسة الضخ هالمرة صادقة
واستمر بالضخ مرتين اسبوعيا واسبوع بعد اسبوع ينزل السعر بالضخ مثلا وعلى اعتبار هالاسبوع سلم شركات الصرافة عال247 ونص وباعو عال250 والاسبوع اللي بعدوا سلمن ب242 وباععو 244 اكيد هادا الشي رح ينزل سعر الدولار مقابل الليرة السورية
منشان الله اذا حدا من جماعة المركزي او خلية الازمة الاقتصادية اذا كانت موجودة او اي شخص الو علاقة بسياسة حل المشكلة الاقتصادية اللي عم تمر فيها البلد عم يقرا هالكلام ضخوا بشكل منتظم وخليكن صادقين مع الناس لانو بظن هاي آخر فرصة الكن مع الناس وبعد هالفرصة اذا كنت كذابين ولا كل تصريحات الدنيا رح تحل الموضوع
كنت بتمنى لون الكلام وكبروا بس داخل من الموبايل مطفية الكهربا

حسبما تم الإعلان عنه فإن ما تم ضخه هو 250 ألف دولار بيعت لعدة صرافين... إذا كان ربع مليون دولار قادر على خفض سعر الصرف إلى هذه الدرجة فكيف إذا تم ضخ 50 مليون يورو!!!... أعتقد أن استمرار ضخ الدولار أسبوعيا أمر جيد لكن لم يعودنا المصرف المركزي على فعل ذلك إلا بالتصريحات!!!! وصباح الخير للجميع

[ابن البلد البار]

ان انهيار الليرة السورية سوف يشكل للأسف الشديد خسارة كبيرة للشعب السوري بأكمله وليس للنظام وحده،

وإعادة الثقة بها قد يأخذ وقتا طويلا قد يمتد ربما لأعوام".

صباح الخير للجميع وشكراً سيد أبو معاذ عالافتتاحية
كلامك صحيح ، عندي سؤال افتراضي:في حال حصل الأمان وتوقف صوت السلاح وقام المركزي بضخ مبلغ مثلاً مليار أو مليلرين دولار و بالمصارف العامة والخاصة مع تيسير بالبيع والشراء وبسعر 100ل س مثلاً وتمكن من الاستمرار بالعرض لأشهر فهل يثبت السعر هنا أم ان قيمة الليرة لها حسابات مختلفة.
السؤال موجه للجميع مع رجاء المشاركة ( ما حدا يدفش قلنا سؤال افترااااااضي)
جمعة مباركة إن شالله مع تحياتي.

[shereen]

صباح الخير للجميع وشكراً سيد أبو معاذ عالافتتاحية
كلامك صحيح ، عندي سؤال افتراضي:في حال حصل الأمان وتوقف صوت السلاح وقام المركزي بضخ مبلغ مثلاً مليار أو مليلرين دولار و بالمصارف العامة والخاصة مع تيسير بالبيع والشراء وبسعر 100ل س مثلاً وتمكن من الاستمرار بالعرض لأشهر فهل يثبت السعر هنا أم ان قيمة الليرة لها حسابات مختلفة.
السؤال موجه للجميع مع رجاء المشاركة ( ما حدا يدفش قلنا سؤال افترااااااضي)
جمعة مباركة إن شالله مع تحياتي.
هادا الكلام مستحيل انو ترجع لل 100 بالعكس بس يعود الامان او بس يصير هدوء لح ببتكشف بلاوي كتيرة منها ديون بدها مئات السنين لتخلص هي تركيا يادوب صار فيها شوية مناوشات ومزح قدام الي صار بسوريا ضخت مليار و300 مليون مبارح لتهدي انخفاض ليرتها وبالكاد هدتها فمابالك عنا حتى انا بعتبر انو سعر الدولار 260 او 270 سعر رخيص جدا ومستغربة قوة العملة السورية الهائلة بوجه كل هالدمار بعتقد في دعم مادي خيالي من ايران والعراق وروسيا حتى لهلق عملتنا قوية

[المضارب الحسكاوي]

صباح الخير للجميع
يا جماعة امبارح طلعت جولة الى اقصى شرق سوريا (المعبر الحدودي الى كردستان ) في المالكية وشفت منظر محزن اكتر من الفين شخص واغلبن نسوان واطفال عم ينامو في العراء وتحت الشجر بيستنو ينفتح المعبر ليعبرو الى كردستان واغلبن من محافظة الحسكة وسبب النزوح غلاء المعيشة الفاحش لانو الوضع الامني في المحافظة مقبول
لذلك حابب نوجه نداء الى السلطات في كردستان في شهر رمضان كريم النظر بعين العطف الى الاطفال والنساء وادخالهم الى كردستان ( عجبا من دول النا صلة قربة ومتشاركين في الدين لا تستقبلنا في ازمتنا ونحن الذي جعلنا بلدنا لهم بيتهم الثاني في ازمتهم 0 الا يتذكر اغلب المسوليين في العراق والكردستان انهم كانو لاجيئين في سوريا ومنهم سيادة الرئيس جلال طالباني 0 واتذكر الشعب في المنطقة يتبرع لهم بالادوية والاغذية في محنتهم وبمقابل دول بعيدة عنا متل المانيا ومختلفين معها في كل شي وتستقبل لاجيئنا وتطلبهم من امم المتحدة )

[princess]

مسالفل والورد والبنفسج
انشالله جمعة مباركة عالجميع

اللهم إني أصبحت أشهدك وأشهد ملائكتك ورسلك وحملة عرشك وأشهد من في السموات ومن في الارض
بأنك أنت الله الذي لا إله إلا أنت وحدك لا شريك لك وأشهد أن محمداً عبدك ورسولك

[الليرة السورية]

هادا الكلام مستحيل انو ترجع لل 100 بالعكس بس يعود الامان او بس يصير هدوء لح ببتكشف بلاوي كتيرة منها ديون بدها مئات السنين لتخلص هي تركيا يادوب صار فيها شوية مناوشات ومزح قدام الي صار بسوريا ضخت مليار و300 مليون مبارح لتهدي انخفاض ليرتها وبالكاد هدتها فمابالك عنا حتى انا بعتبر انو سعر الدولار 260 او 270 سعر رخيص جدا ومستغربة قوة العملة السورية الهائلة بوجه كل هالدمار بعتقد في دعم مادي خيالي من ايران والعراق وروسيا حتى لهلق عملتنا قوية

عم تلعبا صح
Big Grin

[مجد]

صباح الخير

[الليرة السورية]

العملة السورية تمثلني
http://syria-stocks.com/forum/attachment.php?attachmentid=5528&stc=1&d=1373628983

[حمصي مع سبق الاصرار]

نهارا طيبا للجميع
ارتاحوا و انبسطوا اليوم و بلا ما توجعوا راسكن بالدولارات
( صاحب المال تعبان ) هههههههههه

[rania]

هادا الكلام مستحيل انو ترجع لل 100 بالعكس بس يعود الامان او بس يصير هدوء لح ببتكشف بلاوي كتيرة منها ديون بدها مئات السنين لتخلص هي تركيا يادوب صار فيها شوية مناوشات ومزح قدام الي صار بسوريا ضخت مليار و300 مليون مبارح لتهدي انخفاض ليرتها وبالكاد هدتها فمابالك عنا حتى انا بعتبر انو سعر الدولار 260 او 270 سعر رخيص جدا ومستغربة قوة العملة السورية الهائلة بوجه كل هالدمار بعتقد في دعم مادي خيالي من ايران والعراق وروسيا حتى لهلق عملتنا قوية
انا بقترح على الادارة انو تمنع المشترك شيرين من النشر لأن تعليقاتو عم تسبب ازعاج وهدفها زعزعة الثقة بعملتنا الوطنية

[arnouri]

وفاة التاجر بسام جربوع اليـــــــوم في المستشفى بأزمة قلبية اصابته اليوم الصبح بعد ما عرف ان كمية الدولارات اللي عندو طلعت مضروبة

مليون دولار
شكرا لك هذه المعلومه !!!!!!!!!!!!!!!!1
بس سؤال اهله نشروها بالجرائد وهل قاموا بتسليم المليون المزوه ام قاموا اهله ببيعيها مره تانيه على عيبها


رجاء حاجه بقى

[Tareq]

ضهر الخير السعر اليوم الساعة التاسعة صباحا بشتورة : شراء ٢٥٠ - مبيع ٢٨٠

كالعادة سعر شتورة تشليف وسلبطة على المسافرين

[الليرة السورية]

أوقاتكم خير بإذن الله

[Tareq]

شكرا لك هذه المعلومه !!!!!!!!!!!!!!!!1
بس سؤال اهله نشروها بالجرائد وهل قاموا بتسليم المليون المزوه ام قاموا اهله بيعلها مره تانيه على عيبها


رجاء حاجه بقى

والله يا أبو معاذ حتى الموت والأموات ما بيسلمو من الإشاعات

[حمصي مع سبق الاصرار]

انا بقترح على الادارة انو تمنع المشترك شيرين من النشر لأن تعليقاتو عم تسبب ازعاج وهدفها زعزعة الثقة بعملتنا الوطنية
عزيزتي :
ع قولة المثل الشعبي : ما الك بالقصر من مبارح العصر
الاخت shereen عندها تقريبا ألف مشاركة و عندها سمعة محترمة بالموقع
مو كل ما تعارضت اراءنا منتهم بعض بالخيانات
على الاقل مو هيك سياسة الموقع
وأهلا بك زميلة جديدة بالموقع

[GoldMan$]

انا بقترح على الادارة انو تمنع المشترك شيرين من النشر لأن تعليقاتو عم تسبب ازعاج وهدفها زعزعة الثقة بعملتنا الوطنية

هون المنتدى للجميع .. ومسموح للجميع طرح افكاره ... المهم عدم التعدي على حرية الغيير وكتابة الفاظ او او تعابير مخلة بالاداب .... :)
كل واحد يطرح وجهة نظر .. والقارئ بيستفاد من اختلاف الاراء ...:)

[arnouri]

انا بقترح على الادارة انو تمنع المشترك شيرين من النشر لأن تعليقاتو عم تسبب ازعاج وهدفها زعزعة الثقة بعملتنا الوطنية


تحيه لك وماذا تقول هل تكرر خطابات دمياله د وقدري ووو
و ان بسوريا عم تقارع بأمنها وسلامها واقتصادها دول اسكندنافيا
عم انت تبع نظريه عتم عليها
ومتى كان حجر رأي الاخر يحل المشكه
واذا شيرين هذا الشخص المجهول هي عم زعزع العمله السوريه
شو العمله لكن

[S.O.S]

الزملاء الجدد الله كا شف عن بصيرتهم................. بيعرفوا نوايا اعضاء المنتدى
كأنو بكير على طق البراغي................

[GoldMan$]

طبعا صار حكي عن الاسعار كتير تخبيص باللاذقية امبارح الخميس ..
واكيد كالعادة ما عرفت اشتغل امبارح لانو ما عم اعرف على اي سعر بدي بييع بضاعتي ..

على كل حال السعر كان بتأكيد 90%

شراء 260 - 265
مبيع 280 - 290

هاد سعر تداول الصرافيين ... اما الناس شو عم تبص بين بعضها ما بعرف ...
يعني انا اشتريت ب 270 بس ما معناه هاد سعر السوق ومتوفر بكميات ....
الناس عم تنزعج من الفارق بين الشراء والبيع عند الصرافيين لهيك عم تدور على حدا يشتري باعلى من الصراف ولو ب 5 ليرات ....

[arnouri]

والله يا أبو معاذ حتى الموت والأموات ما بيسلمو من الإشاعات
تعود بالسلامه
وبالتوفيق

[al-chami]

عن أبي هريرة رضي الله عنه أن رسول الله (صلى الله عليه وسلم) قال: من كان يؤمن بالله واليوم الآخر فليقل خيراً أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه. (رواه البخاري ومسلم)

[mak]

انا بقترح على الادارة انو تمنع المشترك شيرين من النشر لأن تعليقاتو عم تسبب ازعاج وهدفها زعزعة الثقة بعملتنا الوطنية

انا بقترح ان الأعضاء يشغلو عقلو شوي (خصوصا المفروزين الجداد ...قصدي المنضمين)...طبعا يللي عندو عقل....و ينسو الشعارات الفاضية و تحميل تراكم الأخطاء على شماعات جاهزة و اشخاص ما بيعجبنا حكيون........و اذا ما عجبهوم الحكي يروحو يصدقو كلام النائب الاقتصادي تبع ال100 ليرة لأنو شكلو حسن سعر صرف الليرة كتير بالاسبوع الماضي...أو كلام ميالة عن السعر الوهمي....يا ترى ليش الناس عم تصدق كلام متل كلام شيرين و غيرها من الأعضاء مع انهون مالون مسؤوليين بالدولة العتيدة و ما عم تصدق تصريحات أعلى المسؤوليين يللي المفروض انو بيعرفو اكتر و بيحسنو ينفذوا حكيهم...يتسائل مراقبون!!.......عيني الشغلة مو بالحكي ...الشغلة بالواقع و الفعل...كبرو عقلكم شوي

[mak]

أنو هلأ أي "مواطن" بيقدر يروح عالمركزي ويباركلو لمسيو ميالة بالشهر الكريم بعدين بيطلب منو يفحص دولاراتو بالمكنة تبعو :eek: Big grin...

أي شو هالجخ هاد أحسن من هيك مافي :)




طبعا ..ما الدولة في خدمة المواطن.....هنن بس بياخدو اسمك و رقم هويتك و عنوان سكنك و بيجوز يبصموك على شي اربع خمس تعهدات ..بس لا تخاف كلها اجراءات روتينية ...مشان منع غسيل الأموال!!

[عابر مجيب]

كشف مصادر، أن الحكومة وافقت مؤخرا في جلستها الاقتصادية على تصنيع ليرات ذهبية سورية بوزن 8 غرامات وعيار 21 ليتداولها المواطن في جميع محلات الصاغة.

ونقلت صحيفة "تشرين" الحكومية، عن المصدر، قولها إن: "الحكومة طلبت من وزارة الصناعة إعداد رؤية متكاملة حول مقترح جمعية الصاغة بخصوص تصنيع ليرات ذهبية وضرورة الأخذ بالمقترحات والملاحظات المقدمة من أعضاء اللجنة الاقتصادية وذلك بالتنسيق مع مصرف سورية المركزي والاتحاد العام للحرفيين".

وأشار المصدر إلى أن "جمعية الصاغة كانت قد اقترحت على الجهات الوصائية المعنية بموضوع الذهب أهمية إصدار الليرة السورية الذهبية لتكون بديلا وطنيا واقتصاديا وحتى ادخاريا عن الليرات الذهبية الانكليزية بالدرجة الأولى والليرة الرشادية بالدرجة الثانية بالنظر إلى قلة الإقبال على الرشادية وارتفاع الإقبال على الليرة الانكليزية".

وبين أن "هذا المقترح يتضمن أن ينقش على وجهها الأول شعار الجمهورية العربية السورية وهو النسر باسط الجناحين، في حين سيتضمن الوجه الثاني لهذه الليرة نقشاً يوضح التآلف والتعاضد الذي يسود المجتمع السوري".

وألفت المصدر إلى "احتمال أن يتضمن نقش الوجه الثاني رمز الهلال في إشارة إلى الدين الإسلامي ورمز الصليب في إشارة إلى الدين المسيحي، أو أن يتضمن النقش تصغيرا لمسجد إسلامي وكنيسة مسيحية".

وكان رئيس "الجمعية الحرفية للصاغة والمجوهرات" غسان جزماتي قال إن: "الهدف من إصدار الليرة السورية المزمع طرحها قريباً هو الترويج لعملة بلادنا بدلا من الترويج للعملة الانكليزية"، مبينا أن "الهدف من إصدار الليرة السورية هو الترويج للعملة السورية"، مشيرا إلى أن "إصدار هذه الليرة من الممكن أن يؤثر على مبيعات الذهب في سورية".

وأشار إلى أن "الليرة ستحمل شكل النسر السوري وستكون عيار 21 ومافوق، وهي مضمونة 100% ويمكن أخذها لأي دولة لأنها تملك كفالة".

ما الهدف من الليرة الذهبية ؟
أليس تسهيل التهريب على المغادرين ؟ واتاحة التعامل بغير الليرة الرسمية من طرف ، مع تجريم المتعامل بغيرها ، في تناقض كامل .( فالليرة الذهبية مع كونها سورية التصميم الخارجي لا يعفيها هذا من كونها مادة مشابهة للعملة الصعبة ) ممكن توفيرا للتكاليف ، نطبع على الليرات المتاحة ، صنعت في سوريا ، وشعبنا متحابب ومتكاتف ، أوفر من طباعة رموز وصور معابد ، ثم سوريا ليست من طائفتين فقط ، فيجب وضع الطاووس والنار والمشنقة والمنجل والزوبعة مما لا يحصى .
وبعد وضع الرموز الهامة والشعارات ، نتفرغ للإقتتال والافتراء .

الليرة الذهبية ستكون قشرة وسيوضع بداخلها شريحة للتنصت وأخرى للرصد ، ياليت ، على القليلي بنعرف في حدا بيفهم عم يخطط .

بالنسبة للعيارات طبعا العيارات رح تكون أي كلام لأنها 21 ومافوق ! أديش يعني وما فوق ؟
37 مثلا ؟! هيك وما فوق ! كمشة عرب !
مضمونه 100% وتملك كفالة ، والله هيك بتكون أفضل من الانجليزية والرشادية والمكسيكية ، كل هدول ما عندهم كفالة ، بس ليش ياترى ؟ ليكون لأنهم دهب فعلي ؟!

[omar1964]

مساء الخير
حجب الرأي الآخر مو بس خطأ خطيئة
كل واحد لازم يعبر عن رأيه ...
الادارة مشكورة سامحة بالنشر لكل الاعضاء و بالتساوي مع بعض بدون أفضلية
الباقي علينا انو نكون على قدر هذه المسؤولية
و نكتب أرائنا و تعليقاتنا بكل احترام و موضوعية لنوضح وجهة نظرنا
و نحاول نتشارك لإيجاد حلول لوضع ليرتنا يلي عم ينزل سعرا كتير
لأن الضرر بالنهاية علينا كلنا ...
موظفين و تجار و اطباء و مهندسين...........الخ كل الشعب
في كم واحد من التجار الكبار و شراكائهم من المسؤولين الفاسدين يمكن ما فارقة معهم يصير الدولار بـ 100 أو بـ 1000 أو بأي سعر
بس باقي الشعب الـ 99.99 أكيد متضررين ( كتير رح تنخرب بيوتهم )
بكل محبة تقبلوا رأيي

[ymon1982]

السلام عليكم
رمضان كريم عالجميع

[عابر مجيب]

شكر الله لك
أخي الكريم


أول شي يسلموا على الرد عني أخي المضارب الحسكاوي ، جبر الله عثرتك فقد كنت متعثرا من انقطاع النت .:)

أسف عزيزي معد على التأخير ولكنني حضرت الرد وانقطع النت وإليك :

شكرا على ثقتك ، بس انت عم تشوف بالمنتدى ، كل واحد بيحط سعر وبيتوقع ، لأن ما في شي أكيد ، ممكن تحلل بالشكل التالي :
9000 $ قيمتهم حوالي مليونين ونص
لو نزل السعر لحد تدخل المركزي يعني 250 وهاد مستبعد بالوقت الحالي ، المفروض احسن تفاؤل يكون 255 - 260 خصوصا لمبلغ كبير ، يعني لو سلحت حارتك كلها بأكياس 125 ألف وبعتتهم على الصرافين رح تدفعلهم اجرة ويوقف عليك الدولار حوالي 260 ، وطبعا الحكي نظري وما ممكن يحصل .
وبالتالي ممكن يبقى السعر ويضل في تدخل وبهالحالة أفضل احتمال رح ينخفض السعر 10 ليرات عن 170 اللي صاححتلك يعني 3 - 4 % فرق
هلأ إذا ارتفع الدولار خلال... خلينا نقول شهرين ، رح يصير وما بدنا نبالغ 300
بتكون وفرت خسارة انتبه هاد مو ربح
نعم وفرت 11% خلال شهرين وهاد اكتر من أي أرباح خلال عام كامل ( ارباح مدخرات صافية )
هاد التحليل اللي انا بشوفو
انت بتقرر
بتنتظر ينزل ولا شايفها عجرة ، هاد إلهامك وحظك ورزقك .
لك الخيار :
نقي واحدة من هدول
1 - لا تنام بين القبور ما بتشوف منامات وحشة
2- مافاز باللذات إلا الجسور
3- عصفور باليد ولا عشرة عالشجرة
4- ليس المغامر محمودا وإن سلم .

أخيرا : تسديد رسوم الاستشارة 100$ عن طريق ابو حكيم هههههههههههههههههه
الله يوفقك .

[ymon1982]

شو الفائدة اذا الدولار عم ينزل والاسعار عم تطلع
انا من خلال عملي هيك ملاحظ
يعني اذا الدولار بيطلع لمدة دقيقة ع سعر 300 البضاعة فورا بتتسعر عال 300
واذا نزل بيقلك شاري دولاري بالغالي
وبخاف يرجع يطلع
فالافضل شراء البضائع وخاصة اذا ما الها تاريخ صلاحية

[عابر مجيب]

المركزي يؤكد انتشار نوعين للدولار المزور :
__________________________________

النوع الأول
>>>>>>>
يكشف عبر آلات كشف التزوير
ومختوم من محلات الصرافة
يعني يظن بأنه نظامي لغير الخبير ....

والنوع التاني
>>>>>>>>
لا يكشف غير بآلات كشف التزوير الحديثة والمتخصصة
التي تعتمد فحص الدولار على اكثر من اربع نقاط
وهو نوع يصل من خارج سوريا
وانتشر بشكل كبير ...

وهذا سبب عدم ضخ البنك السوري للدولار في السوق
خوفا على العملة الصعبة ...

وأشار البنك المركزي للمواطنين السوريين
لمن يود فحص مدخراته من الدولار
أن يكشف عليها في محلات الصرافة
المزودة بأجهزة خاصة أو في البنك المركزي

الحمد لله التزوير متقن ، ولم يستطع احد كشفه
سافر العديدون وصرفوا بلبنان ، وصرفوا بمصر ودبي وماليزيا والأردن ، حتى وفي أمريكا نفسها .
يرجى ممن لديه مزور متقن مراسلتي على الخاص وأشتري بناقص 20% عن السوق .

تذكرت سؤال للأخ نجم ، بمعنى كيف يتم تزوير الليرة السورية مع ان قيمة الليرة 4$ ويزيد ربح ، في حين ان الدولار يكلف اكثر من 50$ لذلك لا يزورون الخمسين .

عند مقارنة الورق ، الطباعة ، العلامات الخاصة والأهم دقة الطباعة وكلما اردتها أفضل تندر الطابعات ومالكوها لا يخاطرون باللعب مع أمريكا ومخابراتها ‘ إلا اذا كانت النتائج مجزية .
طبعا هاد كلو تحليل .
قريبا سيتم تنظيم رحلة اطلاعية على التهريب والمافيات والمزورين وسأعلن عنها بالمنتدى ، وتتظمن الرحلة وجبتي حشيش يوميا ، وإبر للراغبين .هههههههههههههههههه

[ابن البلد البار]

ما الهدف من الليرة الذهبية ؟
أليس تسهيل التهريب على المغادرين ؟ واتاحة التعامل بغير الليرة الرسمية من طرف ، مع تجريم المتعامل بغيرها ، في تناقض كامل .( فالليرة الذهبية مع كونها سورية التصميم الخارجي لا يعفيها هذا من كونها مادة مشابهة للعملة الصعبة ) ممكن توفيرا للتكاليف ، نطبع على الليرات المتاحة ، صنعت في سوريا ، وشعبنا متحابب ومتكاتف ، أوفر من طباعة رموز وصور معابد ، ثم سوريا ليست من طائفتين فقط ، فيجب وضع الطاووس والنار والمشنقة والمنجل والزوبعة مما لا يحصى .
وبعد وضع الرموز الهامة والشعارات ، نتفرغ للإقتتال والافتراء .

الليرة الذهبية ستكون قشرة وسيوضع بداخلها شريحة للتنصت وأخرى للرصد ، ياليت ، على القليلي بنعرف في حدا بيفهم عم يخطط .

بالنسبة للعيارات طبعا العيارات رح تكون أي كلام لأنها 21 ومافوق ! أديش يعني وما فوق ؟
37 مثلا ؟! هيك وما فوق ! كمشة عرب !
مضمونه 100% وتملك كفالة ، والله هيك بتكون أفضل من الانجليزية والرشادية والمكسيكية ، كل هدول ما عندهم كفالة ، بس ليش ياترى ؟ ليكون لأنهم دهب فعلي ؟!



قال شو: (الهدف من إصدار الليرة السورية هو الترويج للعملة السورية)
يا زلمة شو هالعالم على أساس ممكن نتحمل وجود الليرة والتعامل فيها خارج البلد مو على كلام قدري أنو سبب البلاء هو تخزين الخليج للعملة السورية فكيف علىء بدنا نعمل ترويج للعملة السورية وليش الترويج شو معلم سياحي!

[جوليت]

يسعد اوقاتكن

[GoldMan$]

شباب شوفو هالنهفة ..

طلع معي 50 ليرة مزورة من يومين هههه .... بس بدي افهم مين هالغبي اللي بيزور 50 ليرة سوري وهي بتكلفو ورق وقص وطباعة اكتر من حقها ... عنجد اللي زورها خلاني اضحك عليه انا ورفقاتي اكتر من نص ساعة يمكن ...

[arc-samer]

انا بقترح على الادارة انو تمنع المشترك شيرين من النشر لأن تعليقاتو عم تسبب ازعاج وهدفها زعزعة الثقة بعملتنا الوطنية

كلمة الحق بتوجع
ولو بالأصل في صدق بالتعامل مع الشعب
ماكنا وصلنا لهون

[الليرة السورية]

شباب شوفو هالنهفة ..

طلع معي 50 ليرة مزورة من يومين هههه .... بس بدي افهم مين هالغبي اللي بيزور 50 ليرة سوري وهي بتكلفو ورق وقص وطباعة اكتر من حقها ... عنجد اللي زورها خلاني اضحك عليه انا ورفقاتي اكتر من نص ساعة يمكن ...

صديقي في دول عم تحط مليارات " و قول بليارات " للرهان على حروب سياسية و عسكرية

فلا تستغرب تكون في دول مستعدة تحط نفس الارقام لخدمة الجيل الرابع من الحروب
و يلي من ضمنها تدمير اقتصادات الدول
وممكن يكون نفس الجهة يلي فوتت دولار مزور عالسوق " بغض النظر عن المبلغ "
ما حدا بيقدر ينكر وجودو

ارجو من المعلقين " أصحاب الدم الحامي الحر " يستحملو تواضع تفكيري

انا " كتير " بسدق هيك قصص

[abd73fr]

شباب شوفو هالنهفة ..

طلع معي 50 ليرة مزورة من يومين هههه .... بس بدي افهم مين هالغبي اللي بيزور 50 ليرة سوري وهي بتكلفو ورق وقص وطباعة اكتر من حقها ... عنجد اللي زورها خلاني اضحك عليه انا ورفقاتي اكتر من نص ساعة يمكن ...

تصدق... منذ حوالي 4-5 أشهر مر معي 25 ليرة مزورة... ولكن طبعا تلك الأيام كانت تحرز الـ 25 ليرة... :coool:
الفكرة سهلة، إطار ذهبي مثل تبع الـ 25 الحقيقية وفي المنتصف نسر من ليرة واحدة مقصوص بشكل دائري وموضوع داخل الإطار... نحن تعودنا بس نشوف شي أصفر نعتقد أنه 25 مع ان نظرة ثانية فقط راح نكتشف انها ليست 25 وإنما ليرة واحدة ضمن إطار ذهبي Big Grin

[الليرة السورية]

تصدق... منذ حوالي 4-5 أشهر مر معي 25 ليرة مزورة... ولكن طبعا تلك الأيام كانت تحرز الـ 25 ليرة... :coool:
الفكرة سهلة، إطار ذهبي مثل تبع الـ 25 الحقيقية وفي المنتصف نسر من ليرة واحدة مقصوص بشكل دائري وموضوع داخل الإطار... نحن تعودنا بس نشوف شي أصفر نعتقد أنه 25 مع ان نظرة ثانية فقط راح نكتشف انها ليست 25 وإنما ليرة واحدة ضمن إطار ذهبي big grin


تصديقا لكلامك

اشتريت من عدة شهور غرض من عند جاري السمّان
سالتو شو تمنو ؟ قال 25
مديت ايدي على جيبتي شلت 25 ليرة و عطيتو ياها
بعد ساعة " بيندهلي "
السمان : دخيل الله لا تواخذني يا جار بس عم اتفقد الفراطة و انت عاطيني ليرة تركي بدل ال 25
مو منشان شي بس ما بتوفي معي
اعتذرت من الزلمة و اخدت الليرة التركي و عطيتو 25 بدالها


النهفة الموضوع انو هوي " دقة قديمة " و لساتو مفكر انو الليرة التركي " كخة " = ما تبدلت
و انا حاشاكن " كنت طسمة " بقيمة صرف الليرة التركية
عطيتا لابن اختي " الله يخلي ولادكم " منشان يكرجها و يركد وراها

لما رحت على تركيا من كام شهر " بعد الحادثة الأولى " حكيت تلفون مع صهري و قلتلو " خلي ابنك يخبي الليرة " يمكن احتاجها
:)
قصة حقيقية 100%

[alternative]

مساء الخير
يبدو انو اعضاء المنتدى تخلوا عن مصداقيتون وبدوا يفضحوا حالون
واحد بيقلك اشتري 350 احسن ما تشتري 500
واذ بينزل لالا 275
واحد بيحذر الناس من خطر البيوت وانو اسعارها عم تنهار او هيك بدو
بعدين بيقلك رحنا بدنا نشوف بيت ام صاحبوا رفع السعر
احاجة مشان الله
ولا تبخسوا الناس اشياءهم
اذا بدك تشتري بيت بتتمنى تنهار البيوت فوق روس اصحابها
مشان تشتري برخص
ولا واحد بيقلك عرض عل 230 وكل هالكلام المو معقول
ارحمونا اجى رمضان
بكفي كذب
يلي بدو يحترم صيامو

[أبوقصي]

مسا الورد

[arnouri]

صديقي في دول عم تحط مليارات " و قول بليارات " للرهان على حروب سياسية و عسكرية

فلا تستغرب تكون في دول مستعدة تحط نفس الارقام لخدمة الجيل الرابع من الحروب
و يلي من ضمنها تدمير اقتصادات الدول
وممكن يكون نفس الجهة يلي فوتت دولار مزور عالسوق " بغض النظر عن المبلغ "
ما حدا بيقدر ينكر وجودو

ارجو من المعلقين " أصحاب الدم الحامي الحر " يستحملو تواضع تفكيري

انا " كتير " بسدق هيك قصص


تحيه لك

انت الحر فيما تصدق او لا تصدق

ولكن نرجو من تخفيف الحدة الكلام
فلا نريد من احد الدم الحامي بالتعليق والرد عليك

فنحنو هنا نتواجد بملئ ارادتنا ونحن هنا لكي نستفيد ونفيد
شكرا لك

[RAFEK]

صباح الخير للجميع ويوم جمعة مبارك قريت قبل شوي على قناة روسيا اليوم انو بعتو طحين لحلب وبكميات هائلة جدا (الف مبروك)وسمعت كمان انو في منحة معاش شهر للموظفين بالقطاع العام قبل العيد فيبدو متل العادة منتصف الشهر بيبلش يطلع الدولار مشان يغطو المعاشات وبعدين ينزل او شو رايكم؟؟


كلام صحيح 100 %

[abd73fr]

تصديقا لكلامك

اشتريت من عدة شهور غرض من عند جاري السمّان
سالتو شو تمنو ؟ قال 25
مديت ايدي على جيبتي شلت 25 ليرة و عطيتو ياها
بعد ساعة " بيندهلي "
السمان : دخيل الله لا تواخذني يا جار بس عم اتفقد الفراطة و انت عاطيني ليرة تركي بدل ال 25
مو منشان شي بس ما بتوفي معي
اعتذرت من الزلمة و اخدت الليرة التركي و عطيتو 25 بدالها
النهفة الموضوع انو هوي " دقة قديمة " و لساتو مفكر انو الليرة التركي " كخة " = ما تبدلت
و انا حاشاكن " كنت طسمة " بقيمة صرف الليرة التركية
عطيتا لابن اختي " الله يخلي ولادكم " منشان يكرجها و يركد وراها
لما رحت على تركيا من كام شهر " بعد الحادثة الأولى " حكيت تلفون مع صهري و قلتلو " خلي ابنك يخبي الليرة " يمكن احتاجها
:)
قصة حقيقية 100%

أكيد قصدك الليرة التركية القديمة تبع الملايين.. لأنه لا يوجد 25 ليرة تركية جديدة معدنية.. أو بيجوز قصدك 25 قرش تركي :rolleyes2:

[ابن البلد البار]

من كلام البعض " ولهم الحق فيما يصدقون " كما قال الاخ " ارنوري "

انو الدولة عم ترفع سعر الصرف لتغطي المعاشات و هاد ضمنيا يؤكد مقولة استجرار العملة السورية للخارج في حال صح الكلام و يلي هنن نفسن في كل مرة بينكروه و انو لاء " العملة السورية لساتا بسوريا "

او بيخليني حس كانو الدولة عم تدفع ديونها " لايران و روسيا و دول البريكس ... ومين كمان بدكم ؟ " بالليرة السورية !!!!!

حدا يشرحلي منشان ما ضل جاهل :)

ممكن تشرح كيف (رفع سعر الصرف لتغطي المعاشات هاد ضمنيا يؤكد مقولة استجرار العملة السورية للخارج)؟!

[محمود شادي]

صيام مقبول وافطار شهي
هاتو لنشوف شو توقعات سعر $غدا

[عابر مجيب]

أكيد قصدك الليرة التركية القديمة تبع الملايين.. لأنه لا يوجد 25 ليرة تركية جديدة معدنية.. أو بيجوز قصدك 25 قرش تركي :rolleyes2:



حبيب قلبي ، آخد عليك الصيام :rolleyes2:
ليرة تركي بدل الـ 25 السوري
تقبل الله طاعتك .
:)

[الليرة السورية]

أكيد قصدك الليرة التركية القديمة تبع الملايين.. لأنه لا يوجد 25 ليرة تركية جديدة معدنية.. أو بيجوز قصدك 25 قرش تركي :rolleyes2:

صديقي انا فكرت " الليرة التركية " 25 ليرة سورية
ما قلت شي عن اني قريت رقم 25
و اللي على الليرة السورية مكتوب بالعربي اساسا
اختلط عليك الامر :)
تحياتي لك

[الليرة السورية]

حبيب قلبي ، آخد عليك الصيام :rolleyes2:
ليرة تركي بدل الـ 25 السوري
تقبل الله طاعتك .
:)


بارك الله فيك استاذنا عابر

رمضان كريم

[anas1000]

انا من المستفيدين من هذا المنتدي ................ مثلا عند قراءة تحليل رامي العطار بان دخول من 200 جيد و السعر مرجح للصعود 240
قمت بشراء علي سعر 204 و الحمد لله ............ انا ما بشتريهم للمضاربة بس للإذخار
والمبلغ كله 1000 دولار
-----------------------------------------------------------------------------------------
يعني المنتدي لعرض جميع الآراء
بالنهاية انا اقترح منع استاذ عابر مجيب من النشر و القراءة والكتابة و احالت اوراقه لفضيلة حاكم مصرف سوريا المركزي

[الليرة السورية]

ممكن تشرح كيف (رفع سعر الصرف لتغطي المعاشات هاد ضمنيا يؤكد مقولة استجرار العملة السورية للخارج)؟!

من وجهة نظري المتواضعة
لما بيصير نقص بسيولة العملة السورية للدولة السورية
معناتا العملة غير متداولة " لان السوق دورة اقتصادية "
يعني صارت بالخارج او عالاقل " يعمل على تمجميعها في اماكن محددة و سحبها من التداول " مع المضاربين على سبيل المثال "
واكيد رفع قيمة الصرف ما بيعني " طباعة عملة جديدة " لتحل مكان الفاقد من السوق

اكرر : هذه وجهة نظر من شخص غير خبير و انتظر التوضيح العلمي الدقيق

[mddyab]

مساء الخير ورمضان كريم على الكل طاعة مباركة وصيام مقبول بإذن الله . إذا ممكن من الإخوة في حلب ينورنا عن السعر لأنو لازمني ٥٠٠٠ $ ومالقيت حدا يبيعني او ينورني عن سعره اذا في مجال حدا يفيدني بهالأمر ومشكور سلفا وشكرا للكل .

[Mad - 1011]

أول شي يسلموا على الرد عني أخي المضارب الحسكاوي ، جبر الله عثرتك فقد كنت متعثرا من انقطاع النت .:)

أسف عزيزي معد على التأخير ولكنني حضرت الرد وانقطع النت وإليك :

شكرا على ثقتك ، بس انت عم تشوف بالمنتدى ، كل واحد بيحط سعر وبيتوقع ، لأن ما في شي أكيد ، ممكن تحلل بالشكل التالي :
9000 $ قيمتهم حوالي مليونين ونص
لو نزل السعر لحد تدخل المركزي يعني 250 وهاد مستبعد بالوقت الحالي ، المفروض احسن تفاؤل يكون 255 - 260 خصوصا لمبلغ كبير ، يعني لو سلحت حارتك كلها بأكياس 125 ألف وبعتتهم على الصرافين رح تدفعلهم اجرة ويوقف عليك الدولار حوالي 260 ، وطبعا الحكي نظري وما ممكن يحصل .
وبالتالي ممكن يبقى السعر ويضل في تدخل وبهالحالة أفضل احتمال رح ينخفض السعر 10 ليرات عن 170 اللي صاححتلك يعني 3 - 4 % فرق
هلأ إذا ارتفع الدولار خلال... خلينا نقول شهرين ، رح يصير وما بدنا نبالغ 300
بتكون وفرت خسارة انتبه هاد مو ربح
نعم وفرت 11% خلال شهرين وهاد اكتر من أي أرباح خلال عام كامل ( ارباح مدخرات صافية )
هاد التحليل اللي انا بشوفو
انت بتقرر
بتنتظر ينزل ولا شايفها عجرة ، هاد إلهامك وحظك ورزقك .
لك الخيار :
نقي واحدة من هدول
1 - لا تنام بين القبور ما بتشوف منامات وحشة
2- مافاز باللذات إلا الجسور
3- عصفور باليد ولا عشرة عالشجرة
4- ليس المغامر محمودا وإن سلم .

أخيرا : تسديد رسوم الاستشارة 100$ عن طريق ابو حكيم هههههههههههههههههه
الله يوفقك .
يااااااااسيدي روح الله يرزقك عا قد نيتك
اخترت 11%ولا عشرة عا الشجرة
وبالنسبة لل 100$بتأمر أمر على عيني وراسي
الله يجزيك عنا كل خير
شكر الله لك

[الليرة السورية]

هام

قررت افتح منتدى " بس ما قررت شو ممكن يكون مضمونو "

لذلك مطلوب " مدراء ذوي خبرة "

لكل مدير بيت و سيارة وختم " دايري " رئيس مكتب و طقم مرافقة " ومقص " من افخر الانواع العالمية

بالاضافة الى الكثير من المميزات

من يجد في نفسه القدرة على النفسنة تقديم طلب مع طابع مالي بـ 10 ليرات


ملاحظة : نعتذر عن قبول الواسطات
ملاحظة 2 : بعد التعديل و لما يقتضيه الضمير " الكلام ليس عاما "

[باسل غ]

مساء الخير ورمضان كريم على الكل طاعة مباركة وصيام مقبول بإذن الله . إذا ممكن من الإخوة في حلب ينورنا عن السعر لأنو لازمني ٥٠٠٠ $ ومالقيت حدا يبيعني او ينورني عن سعره اذا في مجال حدا يفيدني بهالأمر ومشكور سلفا وشكرا للكل .

مباركه طاعتك

اسعار حلب اليوم ملااطشه مافي سعر محدد في عالم متمسكه بالدولار ( ما عبتبيع لانها شاريه

بسعر عالي وعلى امل يطلع السعر )

ويوم الجمعه بشكل عام تحت هل الظروف ما بكون في سوق بمعنى كلمة سوق

وفي عالم عبتبيع وما عبتسال

الاسعار تتراوح بين 252_264 للبيع

والشراء على 245__260

وانت ونصيبك

لو كنت مكانك وعندي كم يوم فرصه لتسديد بموعد محدد كنت بلشت اشتري من يوم بكرا

على 500 دولار كل يوم

الله يوفقك

[باسل غ]

بعد ايطاليا تخفيض فرنسا

تخفيضا جديدا لدرجة ائتمان فرنسا اعلنت عنه وكالة فيتش للتصنيف الائتماني. التخفيض الى aa+.

[باسل غ]

لمقتنين الذهب

رئيس فدرالي فيلادلفيا شارل بلوسسر يقول ان على الفدرالي الابقاء على سياسته النقدية التيسيرية حتى نهاية العام 2013.
بداية التخفيض يقول انها يجب ان تتم في سبتمبر.
هو لا يرغب برؤية تفجر جديد في قطاع البناء على غرار التفجر الذي حدث العام 2008 نتيجة السيولة الفائضة.
عضو الفدرالي جيمس بولارد يقول من جهته انه يرى تحسنا في سوق العمل.
عن التضخم قال ان مستواه المنخفض مقلق وعلى الفدرالي معالجة ذلك. وعن تخفيض الدعم الاقتصادي قال انه لا يوافق على ذلك

__________________________________________________ _________

مع كل التصريحات الصادره عن اجتماع الفدرالي امس و رئيس فدرالي فيلادلفيا شارل بلوسسر اليوم

لم يستطع الذهب كسر حاجز 1300

اعتقد لم يعد لمتحوطين بالذهب الوقت الكثير لمراجعه محافظهم ( وجهة نظر )

[حمصي مع سبق الاصرار]

مساء الخير للجميع
تمنياتي بامسية سعيدة

[arc-samer]

تجار الازمه
كل ما بدخل عموقع بلاقي عم يسبو تجار الازمه
وانا برأي الشخصي المتواضع 90% من التجار الباقين بالبلد
هنن شرفاء
لان عم يحاولو يشتغلو ويشغلوا الناس معاهوهاي بحد ذاتها كفاح موذنب التاجر إذا المواد كلها مستورده وبتتسعر بالدلار
تجار الازمة بدلو مصرياتهم وصارو برات البلد مو سائلين لاع البلد ولا ع الشعب
اناواحد الناس صار خسران مبالغ منيحه بس الحمد لله ع كل حال
والله يكون بعون الشعب
marsamarsamarsamarsa

[جوليت]

مسا الخير والفل والياسمين
إبتعد عن مبدأ توقع أسوء الإحتمالات في جميع مواقف حياتك ،فقد يجرك اليها

[جوليت]

بعد اذنكن لو سمحتو كيف فيني اشكر حدا عامشاركتي

[جوليت]

أول 3 ثواني بعد ما تستيقظ
من النوم تكون فاقداً للذاكرة !
نتيجة الاوضاع يلي عم نمر فيا ,أحلى ثلاث ثواني وأغلى ثلاث ثواني لانو الواحد ماعاد يحس بالألم والحزن والتشاؤم

[حمصي مع سبق الاصرار]

بعد اذنكن لو سمحتو كيف فيني اشكر حدا عامشاركتي
انستي :
بعد 30 مشاركة ليظهر عندك زر الشكر
اهلا و سهلا فيكي زميلة بالمنتدى

[دلشاد]

انستي :
بعد 30 مشاركة ليظهر عندك زر الشكر
اهلا و سهلا فيكي زميلة بالمنتدى

جزاك الله خيراً .. جاوبت على سؤالي أيضاً الذي يخطر في بال ي..

[جوليت]

يلا مو مشكلة اذا قوانين المنتدى هيك لازم الواحد يحترما
كتير في مشاركات حلوة لازم اشكرا
فشكرا للمشاركات الحلوة

[abd73fr]

سؤال: كيف من الممكن تحويل ريالات من السعودية إلى حلب؟؟

[expert]

بالنسبة لموضوع حلب والحصار الغذائي
لا تصدقوا انو انفك الحصار بحلب
كله كلام فاضي الوضع من سيئ لاسوأ
والخبز غير متوفر ولا طحين طبعا ولا خضار ولا فاكهة ولا لحوم ولا البان وووووو
الطعام يللي دخل على حلب كمياته قليلة كتير ودخل بس من شان التصوير امام القنوات التلفزيونية ويللي حسن ياخد شي من هال خضار يللي وصلها الجيش اشتراها شراء بالمال
ومعظم الكميات ذهبت بعد التصوير الى جهة غير معروفة
الخلاصة بس يامنوا الخبز ونشبعه يجيبولنا خيار وبطيخ احمر حاليا ماله داعي