صالة أسعار صرف الدولار وباقي العملات مقابل الليرة السورية ليوم الاثنين 24-6-2013

[GoldMan$]

شباب على اساس كنا متوقعيين يرجع السعر لل 100 ... ومفاجئات سارة بخصوص سعر الصرف ...
على اساس 170 بعدين 130 وبعدها نستقر قرب ال 100 .. بس ميكون القصد ال 300 بس كان خطأ مطبعي ..؟؟
شو القصة ....؟؟؟؟

[GoldMan$]

نسيت خبركم على الاوضاع باللاذقية

-شراء 195 - مبيع لايوجد ay1
-شراء 198 - مبيع 206 Frown11
-شراء 203 - مبيع 206 :eek:
-شراء 202 - مبيع 207Frown11
-شراء 200 - مبيع 207:maad:
- مكالمة لم يجيب احد :StickOutTongue
- مكالمة لم يجيب احد :StickOutTongue

طبعا هاد السعر حوالي الساعة 7

شوفو كم مكالمة موبايل وحاسبونا شبابBig Grin:StickOutTongue;)

[رسملجي]

الدولار الاميركي الان مبيع 215 شراء 205 طرطوس


مساء الخير أخي أديب

مساء الخير جميعاً من بلد الفيجة
بالنسبة لأسعار بلاد الموانئ وأقصد اللاذقية وطرطوس
دائما أسعار الصرف أعلى من باقي المحافظات والسبب انو الحيتان الزرق والبيض عايشين هنيك (وأقصد التجار الكبار) :coool::coool:
ولما تكفت عليهن البواخر المحملة بالمواد والسلع الأساسية وأقصد (الرز, السكر, الطحين,,,,)
بيصير التفريغ بكميات كبيرة للحيتان الأصغر وبيصير لم المصاري بالسوري بشكل كبير وهاد كلو لازم يتحول للدولار بأسرع وقت....
الله يذكرك بالخير يا كوجي كابوتو شو كنت ابن أصل وما تخلي دايسكي يطلع يواجه الوحوش لحالو...:biggrin::biggrin:

[المضارب الحسكاوي]

القامشلي وتوابعها الساعة السابعة مساءا شراء دولار 196-97 1 بيع دولار 200

[أبوخالد]

القامشلي وتوابعها الساعة السابعة مساءا شراء دولار 96-97 بيع دولار 200


ثبت لي عشرة آلاف
Big Grin

[shereen]

شو معقول يكون الحل برأيك ..
مافي حل بالوقت الحالي

[سوريا الله حاميها أكيد]

اخي لح بقللك شغلة بالسياسة من خلال خبرتي المحدودة بالحياة حل سياسي بعد كل هالدمار مستحيل بس اللي عم بيصير شد ورخي يعني من كم يوم لمدة 48 ساعة كل الاخبار كانت عن المساعدة الهائلة للمعارضة بشكل غير طبيعي وسري ومستمر ومدري شو اليوم وليد المعلم قللهم انو حل سياسي وحكومة مشتركة ووليم هيغ عم يقول حل سياسي واولاند عم يقول حل سياسي ومشاعدات انسانية ومحبة وسلام وكل هالشي على الارض حقو نص فرنغ مالح يطبق ولن يتطبق فانسا الكلام تبع الاتحاد الوروربي وعيش الواقع وشكرا

باذن الله العلي القدير الحل السياسي قادم

[S.O.S]

نسيت خبركم على الاوضاع باللاذقية

-شراء 195 - مبيع لايوجد ay1
-شراء 198 - مبيع 206 frown11
-شراء 203 - مبيع 206 :eek:
-شراء 202 - مبيع 207frown11
-شراء 200 - مبيع 207:maad:
- مكالمة لم يجيب احد :stickouttongue
- مكالمة لم يجيب احد :stickouttongue

طبعا هاد السعر حوالي الساعة 7

شوفو كم مكالمة موبايل وحاسبونا شبابbig grin:stickouttongue;)

شكرا لجهودك اخي الكريم

[aboalfawares]

الفرع رقم 16 الميسات طريق النهر
الفرع رقم 11 البرامكة خلف سانا

+

ابو رمانة

باب توما

على ما اظن

[سوريا الله حاميها أكيد]

بدي اعمل مظاهرة سلمية بالمنتدى ليوصل لكبير الموقع مطالبي:
رفع المراقبة عامشاركاتي لانو وصلت للحد يلي حاطيني بقوانين الموقع

[GoldMan$]

مبروووك شباب قال تنكة البنزين ب 2200 ليرة رسميا ... ؟؟؟؟؟

شباب بدنا من الادارة سمايلي عم يشوح وينوح ويقتل بحالو مشان عبرلكم عن شعوري الحالي

[manager]

مافي حل بالوقت الحالي

بيقولوا ما اصعب العيش لولا فسحة الامل
اذا كل شي منسمعه بدنا نكون سلبيين بتحليله رح نتعب ونتعب اللي حوالينا
كمان بيقولوا لحاق الكذاب لورا باب الدار.. و بقلك الله يوفق كل مبادرة صغيرة أو كبيرة من المحتمل يكون فيها بلسم لو لشخص واحد عالقليلة..
اثبتت التجارب التاريخية انو ما بتنحل غير عالطاولة بس انا بشجع الطاولة اليوم اقبل بكرا..
بتمنى ما حدا ياخذنا طلعنا عن موضوع المنتدى بس كل شي مرتبط ببعضه

[tarek]

مشكور على الإجابة
لكن هل يساعد ارتفاع سعر الصرف في ذلك

بالنسبه للتحوط بالذهب هناك ثلاث حالات. 1 ارتفاع الاونصه و انخفاض الدولار. 2. ارتفاع الدولار وانخفاض الاونصه. 3. ارتفاع الدولار و الاونصه وفي الوقت الحالي نسبه المخاطره في انخفاض الاونصه منخفضه و تبقىى الحالتين الاخريين.... اسف على التاخير بس كهربا مافي

[أبو وحيد]

مبروووك شباب قال تنكة البنزين ب 2200 ليرة رسميا ... ؟؟؟؟؟

شباب بدنا من الادارة سمايلي عم يشوح وينوح ويقتل بحالو مشان عبرلكم عن شعوري الحالي

هاد شي طبيعي لتغطية النقص الحاد بالخزينة وتسديد الرواتب بأول الشهر بعد اسبوعay1

[manager]

مافي حل بالوقت الحالي

مبروووك شباب قال تنكة البنزين ب 2200 ليرة رسميا ... ؟؟؟؟؟

شباب بدنا من الادارة سمايلي عم يشوح وينوح ويقتل بحالو مشان عبرلكم عن شعوري الحالي

بشرفك بلا مزح :confused::eek:

[أبوقصي]

مسا الورد

[silvar]

مسا الخير

[shereen]

هاد شي طبيعي لتغطية النقص الحاد بالخزينة وتسديد الرواتب بأول الشهر بعد اسبوع
ay1
طيب واللي مو موظف شو يعمل بحالو

[abd73fr]

مبروووك شباب قال تنكة البنزين ب 2200 ليرة رسميا ... ؟؟؟؟؟

شباب بدنا من الادارة سمايلي عم يشوح وينوح ويقتل بحالو مشان عبرلكم عن شعوري الحالي

:confused2:
ممكن مصدر هالمعلومة أخي الكريم... لم أجد الخبر على أي من المواقع المختصة بهكذا أمور

[سوريا الله حاميها أكيد]

شكرا للجميع من المشرف العام الى جميع الاعضاء الكرام بالمنتدى

[ابوموفق]

طيب واللي مو موظف شو يعمل بحالو

كنت بدي الك انو يشتري قبر و يدفن حالو فيه بس الراتب ما بيكفي حق قبر و حتى حق كفن .......... الله يرحمنا جميعاً و ما نكون رايحين ع السيناريو الأسوأ ......Frown11

[أبو وحيد]

طيب واللي مو موظف شو يعمل بحالو

هلأ بالنسبة لأصحاب الأعمال الحرة ( حداد - نجار - بقال .... إلخ ) كلو رح يرفع آجاره أو أرباحه هاد شي أكيد
أما بالنسبة لموظفي القطاع الخاص بعتقد لازم يطلع قرار من الحكومة بوضع حد أدنى جديد للرواتب

[M-PMP]

الفرع رقم 16 الميسات طريق النهر
الفرع رقم 11 البرامكة خلف سانا

مسالخير،،
صديقي حطلنا بالمرة السعر يللي تم البيع عليه لليورو بالمصارف التجارية اليوم؟:confused2:
شكرا حبيبنا

[ph-hosam]

لعنة الأخضر
الكاتب: رحاب الإبراهيم (http://aliqtisadi.com/index.php?mode=author&id=634)| تاريخ المقال: 2013-06-24
http://aliqtisadi.com/user_files/news/photo/mokhtarat-aliq6550.png

بعد تحول "الأخضر" إلى لعنةٍ تدير لعبتها الجهنمية بخفة أيد تعتاش على الأزمات بات المواطن يصارع طواحين الهواء مع تسلط عملة «العم السام» على حياته حتى أصبح يراها بالألوان.

زادت عنجهية الدولار الملعون لدرجة بات تسعير المنتجات رهن إشارته مهما كان حجم التدخل الموعود، الذي يصاحب إطلاق صفارته دوماً ارتفاع صرفي جديد يتبخر معه بنج "التسكين" في ظل كثرة لكمات الغلاء المتزامنة واكتشاف فقاعات ملاحقة المضاربين.

على إيقاع مبدأ المضاربة «اشتر على إشاعة وبع على خبر» تعاظم دور المضاربين بعد تحميل مسؤولينا الشائعة المسؤولية المباشرة من دون إطلاق أي أخبار مضادة أو ظهور بوادر فعلية لمعاقبة المتلاعبين بقوت الشعب حتى تجاوز الدولار سقف 200 ليرة.

وياتي هذا وسط تكرار سيناريو وهمية السعر مرفقاً بلغة التهديد والوعيد بحق المضاربين المدركين وهمية التلويح بالعقاب المبتلي به المواطن البسيط، الذي يقول لسان حاله: ثقتي بالليرة كبيرة ولا شغل لي بالعملة الأجنبية ولاسيما أن الأخضر لم يدخل جيبي يوماً لكن الثقة بالسياسة النقدية باتت معدومة بعد مساهمتها في تحكم الدولار بمعيشتنا، فما عليكم سوى تحسين أدائكم لتنالوا ثقة تسعون للحصول عليها إعلامياً فقط.

المصدر: تشرين

[omar1964]

مساء الخير
بعد ما قريت كل الصفحات الي فاتتني قراءتها من العصر
طلع معي
يا ريت بقيت متل اول اكتفي بالزاوية اليمنى للموقع ..
شوف السعر و اتجاه السهم ...
واعرف بشكل تقريبي وسطي السعر .
عذرا منكم
مع استثناء بعض الاعضاء الي صارت الاسعار الي بيكتبوها موثوقة..
و واقعية من السوق
في كتير اسعار شلف.. لفوق او لتحت
انا ما لح اقدر احكم ع دقة سعر حلب و الشام
بس ع الاقل بعرف السعر بحماه من اكتر من مصدر ..
رجااااااااااااء الي بدو يحط سعر السوق يتحرى الدقة

و شكرا للجميع :)

-------

[المضارب الحسكاوي]

ثبت لي عشرة آلاف
big grin


شو اخي ابو خالد بدك تبيعنا عشرة الاف 97 نحن جاهزين هههههههههه انا غلطتت وكتبت سهوا ونسينا مية بس انت كمان خسران بتثبيتك ههههههههههه

[عابر مجيب]

صباح الخير للجميع والله فوتتني بالحيط من الصبح وقريت المشاركة كذا مرة سعر شو عما يحط اخي عابر بعدين حتى وصلت اخر شي وقريت السعر مثل مااتفقنا يسعدلي صباحك

آسف على التأخير بس اليوم النت بالمكتب كان شبه معدم
ياحبيبي لو قرأت المداخلة السابقة كنت وفرت على حالك كل هالحيرة
كنت حكين عن وضع السعر الحقيقي وحتى ما حدا يزعل بطرح منو خمسين ليرة
المداخلة فيها شي مهم عن البرمجة اللغوية العصبية

مشكلة كبيرة بالمنتدى لما الواحد بيدخل وما بيقرا شي ، بنكون طالعة روحنا ونحنا عم نشرح عن الدولار وعن الاحتمالات وأسبابها واستنتاجا وخنايق
فجأة يأتي من لا يقرأ ويضع سؤال من قلب الدنيا !
شباب شورأيكم اشتري دولار اليوم ولا بكرا ، والسوري أحسن ولا الدولار ، ومع هادا بنجاوبو .
أحلى شي اللي بيقول بدي حول مصاري لعيلة فقيرة ممكن تساعدوني وين بلاقي أحسن سعر ؟ قال نحنا بنكب دبسنا وبنحملو يا منتبرع نشتري منو بخسارة :StickOutTongue

[أبوخالد]

شو اخي ابو خالد بدك تبيعنا عشرة الاف 97 نحن جاهزين هههههههههه انا غلطتت وكتبت سهوا ونسينا مية بس انت كمان خسران بتثبيتك ههههههههههه

عل السرعة . كنت مفكر البيع ب 97 :)

إذا هيك خليها لبكرا Big Grin

[S.O.S]

شو اخي ابو خالد بدك تبيعنا عشرة الاف 97 نحن جاهزين هههههههههه انا غلطتت وكتبت سهوا ونسينا مية بس انت كمان خسران بتثبيتك ههههههههههه






شكلها مرتاحة معو.......
سيدنا قل اعوذ برب الفلق

[al-kady lebanon]

اسعار الاغلاق في لبنان
198 --- 202
متوفر

[Dynamic Pulse]

مسالخير،،
صديقي حطلنا بالمرة السعر يللي تم البيع عليه لليورو بالمصارف التجارية اليوم؟:confused2:
شكرا حبيبنا
مسا النور أخي بي أم بي
منشان السعر والله مابعرف
يلا بكرة صديقو لأبو عمر بيسألنا عالسعر وبيخبرنا

[Dynamic Pulse]

شكرا للجميع من المشرف العام الى جميع الاعضاء الكرام بالمنتدى
وين رايح دكتور
طول بالك
أنا ما قاموا الرقابة عن مشاركاتي لبعد الخمسين
خمسين مشاركة مو خمسين سنة
لازمتنا همتك لتجبلنا الأسعار بمنطقتك
وتفيدنا بإختصاصك بصالة الخبرات تبع أخونا رفيق
أهلين فيك (بالتشديدعلى الياء لانو هيك لهجتي)