مبروك لقمان فقد سبقتني

[غالب]

مبروك لقمان فقد سبقتني

اهنئك من كل قلبي , فقد بدأت اهدافك تتحقق واحد تلو الاخر وقد سبقتني بالشكرا

شكرا لك وعينك على الي قبلي يا لقمان يلا شد حيلك .


5 لقماان (http://syria-stocks.com/forum/member.php?u=1796) 16,272 (http://syria-stocks.com/forum/post_thanks.php?do=findthanks&u=1796) 6 غالب (http://syria-stocks.com/forum/member.php?u=1015) 16,227 (http://syria-stocks.com/forum/post_thanks.php?do=findthanks&u=1015)

[لقماان]

أهلييين أخ غالب
الله يبارك فيك
للأسف مو أنا سبئتك ...
انت يلي لياقتك البدنية صارت عليها
اشارة استفهام...
بعد ما تهكر المنتدى و طار الصالون الأخير لألي
راح من إيدي شي ألفين شكرا
بس بصراحة كنت آخدون بالقوة
فأصدرت أمر لأم حكيم انو وين ما تشوفيلي مشاركة بدك تشلفيلي شكرا
و حك الأوي على الضعيف ...صارت تحط شكرانات و لو في مشاركات
كانت مانا رضيانة عنا بنوب بنوب ......
و كذلك أعطيت أمر لأخي يلي ما بيحب يدخل على الانترنت
من بعد ما بليتوا بأهم بنك الشام
انو وين يشوف مشاركة لألي يحط شكرا .....
و صرت شارك بطعمة و بلا طعمة
ما كنت شايف ادامي غير
الموضوع الاحصائي بشكل مرحلي ...
و فتحت صالون طويل عريض
فتحت الغوغيل من طرف و الصالون من طرف و هات يا نسخ
و يا لصق.....
و سجلت رقم غينيس في المشاركات
كمانة راح هاد الصالون غير مأسوفا عليه
و مضى مخططي التآمري الاحصائي الكبير
كما رسمته بدهاءي منقطع النظير ...
-----------------------
بس يلي صار انو عند رب العالمين ما بيضيع شي ...
هيك و برفة الكترونية ضاعت كل الشكرانات المأخوذة بالقوة
عن طريق أخي و أم حكيم ....
و عن طريق مشاركات الزعبرة
------------------
فحزنت حزنا عميقا .....
و قلت لنفسي يا أبو حكيم لا تلتفت لهاد الموضوع كتير ...
و اعطيت أمر ديكتاتوري آخر
لأخي و لأم حكيم ...هالمرة اصحاكون حدن يحط شكرا....
و سارت الأمور في سبات و نبات و خلفنا صبيان و لسا ما خلفنا بنات...
--------------------------
شكرا لك أخي غالب ....ان شاء الله و بدعواتك و دعوات الطيبين
بتتحئئ أهدافي و أمنياتي الحقيقية ..........